رفعو المدام !

Posted: السبت,3 أكتوبر, 2009 by الفاتح جبرا in اخرى

الأحباء الأعزاء …ســــــــــــــــــــــلام

أول حاجه بعتذر ليكم كتير على عدم إطلالتى على الحوش بعدما تم الدمج وده من كترت المشغوليات والإجتماعيات الما ليها حد وخلوها على الله … لو ملاحظين سيناريو الجمعه ده كان مكرر ومن الأرشيف وقالو أهلنا إذا عرف السبب بطل العجب … والسبب هو إنو فى اللحظات الأخيرة إتصلو بيا ناس الجريده وقالوا ليا يا أستاذ خلى السيناريو ده للجمعة الجايه ورسل لينا أى حاجه تانية !!! وطبعن ما كان فى طريقه لحاجه (تانية) جديده فقمت رسلتا ليهم (لكن مشترك) !! المهم وبعيداً عن (ليه وعشان شنو) نحنا على موعد الأسبوع الجاى (الجمعة) مع سيناريو (رفعو المدام) !!

Advertisements
تعليقات
  1. طارق أب أحمد كتب:

    لا حولتن ……غايتو لو كنت رئيس التحرير كنت من الأسم بس نشرتو بعد الأنتخابات

  2. نيام كتب:

    البروف و السمار الاحبة مساء الخيرات…بعد رفع الرقابة القبلية اصبح رئيس التحرير لكل صحيفة تلقائيا هو الرقيب الحسيب النسيب ويبدو ان التاجيل تم حتي الجمعة عشان امرهم شوري بينهم …الجمعة قريبة و ما بعيدة….

  3. طارق أب أحمد كتب:

    نيام يا أخى كلمة رقابه قبليه دى محيرانى شديد و بامانه مكسوف أسأل منها فأصنف جاهل و متخلف
    أهالو امكن ما كدى أشرح لينا القبليه وهل لها علاقه بالقبيله أم البوس أم الذاتيه و إذا كانت الأخيره ليه مصعبنها ما كانو يقولو الذاتيه و بس

  4. عباس ركس كتب:

    سلام : اب حمد – مع انك سألت نيام لكن تقول شنو في اللقافة – القبلية جاية من كلمة قبل ( بفتح القاف وسكون الباء واللام ) يعني الرقابة قبل الطبع والله اعلم بس المحيرني تشكيل المدام !!!!!!!

  5. aflaiga كتب:

    اول شيئ منور بيتك يا سيد البيت
    تانى شيئ مش رفعو الرقابه القبليه ولا رفعو المدام بس ؟؟؟
    تالت شيئ والله منور يا غالى ..
    ارعب شيئ جايينك برواقه .

  6. aflaiga كتب:

    ستريكر : لا موضوع يعلو فوق موضوع البروف ارى رفع الموضوع فى اعلى الصفحه لانو طلة البروف دى بالدنيا ولا شنو يا جماعه ؟؟؟ والله لو عارفينك حتكتب كان سحبنا مواضيعنا الكتيره دى ؟؟

  7. التركى كتب:

    السلام عليكم البروف والاخوة الكرام ….. طلتك بالدنيا يابروف وربنا يعينك بس انا مامصدق انهم رفع الرقابة دا خاااااااااالص

  8. ودالزبير كتب:

    صحي يا إسترايكر أرفع الموضوع ده فوق سباق حمير شنو البنخليهو في راس الصفحه

    حباب سيد الحيشان التلاته

  9. ألفاتح جبرا كتب:

    الأحباب الأعزاء :

    والله الواحد ما قادر يعبر ويقول حاجة .. إحساسكم ده بالدنيا … ربنا يخليكم جميعاً ويحفظكم … إنتو مسعولين من الخير كباتن الفريق A وين ما ظاهرين ؟

  10. علي سنكل كتب:

    أستاذ الفاتح شرفت حوش بيتك . .
    والله أنا ذاتي ما عارف ناس قروب A ديل مشو وين خلونا نحن ناس C برانا ! !
    منتظرين رفعو المدام على نار هادئه . . و حنتسلى بيوم الهلال يا ود الزبير.

  11. ألفاتح جبرا كتب:

    حبيبنا دكتور سنكل .. ياخى مشتاقين وكل سنة وإنتو طيبين (جات متأخرة) … قلتا ليا خلوكم براكم يا ناس C (بيمول) !! … أها فضل من الفريق روسين الحربة بشار وأبكرون !

    كسرة :
    لا يزال البحث جارياً عن كابتن الفريق B (ودالزبير) !!!

  12. ودالزبير كتب:

    أستاذ الفاتح وحبيبنا سنكل

    ما شايفني عندي سبق حمير

    بعدين الليله تشرفت بالفطور مع عمده من عمد قروب A لكن بعد المعاينه تقرر إلحاق حاج السلاوي بالقروب B لأنو عيني بارده بيظهر أصغر مننا كتير

  13. aflaiga كتب:

    ود الزبير : شكلك فطرت معاهو فى بيتم عشان كده بتكسر فى التلج اسى لو هاجمك فى سيدى بيه كان قلت ده شنو الزول العجوز ده !! لكن بينى وبينك السلاوى ووضاح ما بتفرزم الا بشهادة الميلاد ( شفتو كسير التلج ده كيف ؟؟ مع انو لسه ما فطرنا فى الصافيه !! )

  14. حاج أحمد السلاوى كتب:

    سيد الحيشان التلاته ( مع إنهم بقوا ..إتنين بس … معليش )
    بوست ) لكن مشترك ( خلانا نتحسس مواقع كرعينا ونمشى نتاكد ,ونطلع شهادة بحث لمواقع دخرى الأولاد ..غايتو لحد حسه سليمة لاكبن ما معروف لقدام بحصل شنو ..مرحب بيك بين الملايين من أحبابك ..وياريت تكون الطلة كل يوم ..
    أخونا ودالزبير .. نحن الإتشرفنا بتناول الفطور معاك فى سيدى بيه ..أول حاجة ما شاء الله وتبارك الله .. أهنئك إنت وشركائك على المجهود العظيم المبذول فى سيدى بيه واتمنى ليكم من أعماق قلبى كل التوفيق والنجاح والتطور ..وكان شرف كبير لى تناول طعام الفطور فى مقركم العامر إن شاء الله .
    أخجلت تواضعنا بضمنا إلى قروب B مع إننا أكبر اعضاء قروب A سناً ونقول الحمد لله على نعمة الصحة واكيد لو واصلنا تناول الطعام من محلكم الجميل ( كلو بحقو ..طبعن ) يمكن الواحد يرجع وينضم لقروب c مع أحبابنا سنكل وابكرونا وبشار …شكراً ليك على الضيافة وسعدت باللقاء ..ولعلكم ودالزبير كان أول من هاتفنى من الأحبة أعضاء المدونة أبان وجوده فى ثغر السودان ..و بعد لقاء اليوم يكون آخر واحد اقابله حتى هذه اللحظة.
    افليقا .. …حاسد ..ولا بغران ؟؟ ومرحب بيك يا حبيب ..

  15. البشاوى كتب:

    البروف والسمار
    بوست رفعو المدام الموعود من هسة خلانا نفكر – رفعة نظام عام ولا رفعة ونش ولا تابوت ولا ترفيع وظيفى غايتو الشمار كاتلنا

  16. انت في ديل “ركس” بفكر ليهو في واحدة رابعة “الُمدام” بضم الميم قليهو عشم ناس ركس قبل 83

  17. طارق أب أحمد كتب:

    والبشاوى
    و دفعوا !!!! ؟؟؟

  18. ألفاتح جبرا كتب:

    أنا غايتو يا دكتور عزت ما ح (أشكلا) وح أخليها كده لحدت يوم الجمعة بدون تشكيل !!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s