خمسة وخميسة

Posted: الإثنين,5 أكتوبر, 2009 by استرايكر in رياضية

خمسة وخميسة فى وش العدو.

Advertisements
تعليقات
  1. كامل تضامننا مع جمهور الهلال فى محنته – وربنا يصبر الجمهور المغلوب على امره على ماحدث يوم امس فى الملعب.

  2. قطع فريقا هارتلاند النيجيري ومازيمبي الكونغولي شوطاً كبيراً نحو التأهل إلى نهائي دوري أبطال إفريقيا، بعد فوز الأول على مواطنه كانو بيلارز 4-صفر، واكتساح الثاني لمضيفه الهلال السوداني 5-2 في اللقاءات التي أقيمت الأحد في ذهاب الدور نصف النهائي من المسابقة.

    وتمكن الفريق السوداني من تسجيل هدفٍ مبكرٍ في اللقاء الذي جمعه مع مازيمبي عبر ديمبا باري (2)، إلا أن الضيوف ردوا سريعاً عبر لوساديسو باسيسيلا (5)، قبل أن يعيد هيثم مصطفى أصحاب الأرض إلى المقدمة بهدفٍ ثانٍ سجله من ركلة جزاء (25).

    وفي الدقيقة الـ 30 من اللقاء، عادل مولوتا كابانغو للفريق الكونغولي الذي استغل انهيار الفريق السوداني ليحرز ثلاثة أهداف أخرى مهدت له الطريق نحو نهائي البطولة القارية.

    أما هارتلاند النيجيري، فلم يجد صعوبة تذكر في تخطي عقبة مواطنه، إذ سجل له كلٌ من ايميكا نووانا (13) و(34) واوتشيه اغبا (17) و(45).

    وتقام مواجهات الإياب في 18 تشرين الأول (أكتوبر) الجاري، على أن يتأهل الفائزان لخوض المباراة النهائية التي يترشح الفائز فيها للمشاركة في بطولة العالم للأندية التي تستضيفها أبو ظبي نهاية العام.

  3. تقريبا اتحسم الموضوع بتاهل – مازيمبى وهارتلاند للمبارة النهائية

  4. التركى كتب:

    استرايكر ياخويا المدورة دى مامضمونة والله كدى النصبر اسبوعين كمان … بس بينى وبينك ماكنت متوقع الهزيمة بالذات بعد الاعلام المبالغ فيه دا … المؤسف اننا بنقول لسه عندنا لاعبين ممكن يطلب تسجليهم الفريق الاوربى الفلانى والفريق العربى العلانى …. دى مأساة وطن وليست خسارة مباراة .

  5. زووووووول كتب:

    دا بس يا سترايكر خمسه وخميسه فى وش العدو ؟ وين الصور ووين الاهداف وين ووين ووين ؟
    اولا ابارك لكل عشاق الفريق الازرق بمناسبة تسجيله فى موسوعة الارقام القياسيه بتحقيقه اكبر خساره على ارضه ووسط جمهوره منذ ان عرف السودانيون كرة القدم .
    بالامس غابت مساعدات الحكام بعد ان فطن الكاف اخيرا لما يجرى فى مباريات الهلال منذ الدور الاول وحتى تاريخه لاحظ :
    ضربة جزاء ظالمه امام تامبونايسى فى الدور الاول مهدت الطريق لدور الستة عشر .
    ضربة جزاء ظالمه امام اول اغسطس الكنغولى فى دور ال 16
    اعاده ظالمه لضربة الجزاء التى اضاعها مهند الطاهر امام اول اغسطس
    ضربة جزاء ظالمه فى لقاء الهلال مع كانو بلارز مهدت الطريق لكسب تلك المباراة 2/0
    هدف من ركله ركنيه ظالمه فى لقاء الهلال مع زيسكو فى الخرطوم
    وبرضو ضربة جزاء امام مازيمبى لكن مع الكنغولى موش حاتقدر تغمض عينيك .
    كثيرا ما نصحناكم بالنظر تحت قدميكم وقلنا بان طموحات كاس العالم فى اليابان هى التى اطاحت بالهلال فى العام 2007 وهاهى توردكم موارد الخمسات فى العام 2009 .
    قصة الهلا مع جماهيره ووعد البطوله الخارجيه تذكرنى بقصة محمود الكذاب وهجم النمر هجم النمر . ففى العام 1987 صاح محمود جاء الكاس جاء الكاس فاذا بالاهلى القاهرى ينتزعه منهم .
    فى العام 1992 اقاموا الدنيا ولم يقعدوها الا ان الوداد المغربى كان له راى اخر .
    فى العام 2009 مثل النجم الساحلى دور النمر وهاهو النمر المتوحش مازيمبى يقضى على محمود الكذاب فى العام 2009 .
    انتو يا سترايكر كاس الممتاز دا مالو لوموهو لينا .
    نزل الاخ الاكبر فى محطة تمانيه ونادى على شقيقه الاصغر ان ينزل لكن الاخ الصغير لم يسمع النصح مما عرضه لبلطجة مازيمبى واجباره على النزول فى المحطه التاليه مباشرة (محطة اربعه ) . تانى بالله وكت اخوكم الكبير يسوقكم السوق انزلوا معاهو محل ما ينزل سامعين .؟
    حاجه اخيره : انتو يا جماعه ماشين ابو ظبى ولا ماشين ابو ظبط كدى ركزوا معانا شويتين .

  6. زووووووول كتب:

    الحقنا بصوره صورتين لمراسم الدفن يا د عزت

  7. مشاكل كتب:

    الله لا جاب عقابكم

    اخيرا طلع ليكم صوت

  8. زووووووول كتب:

    مشاكل
    اوووووووو مقبره ضرب مازمبى دا حلو حلا
    ابو ظبى كييييييييييييييييييييييييييييييييييييييييف

  9. زووووووول كتب:

    طيب طالما الحكايه هايصه قلنا ننقل ليكم شويه عن فضيحة امس اها تعالو ا شوفوا .

    السلام عليكم
    اللهم لا شماته ولكنها المجنونة
    ماهى الشبكة الأوسع إنتشاراً
    الجواب/شبكة الهلال الشبكة الأوسع إنتشاراً
    سا ساس سادومبا بقى سادولين …
    خمسة كفاية ,,,, المعز صفاية
    المقبرة … بقت على الهلالاب محرقة ..
    وما زال الصفر الدولى الكبيييييييييير .. مستمراً
    ويستمر مسلسل الفضائح الهالية ..
    العدد القادم ( مازيمبى يهزم الهلال 12/0 مع الرأفة )
    الجماعة عرفوا مستواهم دون التحكيم المنحاز
    أنهيها ياحكم خلاص ما بنقدر على جنس البشتنة دى
    المعز بعد نهاية الكورة سأل الجماعة : انتو ياجماعة الكورة دى إنتهت كم ,…؟
    القون الخامس سالو المعز القون ده جا كيف قال : ما شوفته لانو الكشافات كانت ضاربه فى عيونى
    الجماعة ديل واقعين فى مشكلة ( اذا سافروا مازيمبى بيديهم على عددهم وإذا ما مشوا الإتحاد الإفريقى حا يحرمهم من المشاركة ( طيب الحل شنو ؟؟؟؟ الحل فى وفد المقدمة والشنط المليانة دولارات الأدوكم ليها بمناسبة التأهل الى دور الأربعة . ناس الإتحاد الأفريقى عارفنكم بتحتاجو ليها …عشان كده أدوكم ليها …
    بالمناسبة العملية العملها المعز فى اللأعب الكنغولى عافين بتساوى شنو ( ضربة جزاء + كرت أحمر + قوون لإضافى = 6/2
    وما زالت التعليقات مستمرة
    الرجاء من الجميع المشاركة
    وزى ما قلنا البااااااااااااااااااااااااااااااااااااادى كان أظلم
    وما قلنا ما بنطيييييييييييييييير برااااااااااااانا ……

  10. زووووووول كتب:

    هلولا نزل البحر يا عديله (منقوووول )

    في شبكو رِكب الكـَفـَر
    يا عديلا

    جنازتو مرقت عصر
    ياعديلا

    لم فيها موبوتو الفقـُر
    يا عديلا

    مـازيمبي الليلة انتصر
    يا عديلا

    و مرق جنـازة البـحــر
    يا عـديلا

  11. زووووووول كتب:

    عن اذنكم اخر تعليق وان عدتم عدنا (الليله شغالين كوبى بيست زى مهاجمين مازيمبى )
    شـدّولو و رِكـِب فــــوق هـِليلك المجروح
    تررم

    يا مـعــز المــــرض … الحــارس المبطوح
    تررم

    مساوي الخطير … لـِعـبك بسل الروح
    تررم

    أسامة التعاون … وجـع الضـهر ما بروح
    تررم

    سادومبا العجيب .. ماسورة ما مفتوح
    تررم

    ايبولا الفقير .. من لعبو ريحتو تفوح
    تررم

    كمبوسة بيكورك … و مرّة تانية ينوح
    تررم

    هـلـّـــــولــة العجوز … الديما ما مبروك

    عصروك في المفازة

    مصــروك في قزازة

    و في الزريبة رموووووووووووك

    الـمــــال ما بحـِل هوووي إن كتِر و ان راااااااوووح

  12. aflaiga كتب:

    شباب : اولا هاردلك شديد للهلال امس .
    ثانيا الا ترون معى ان النتائج الاخيره هى نتاج طبيعى لما وصل اليه حال الكوره فى البلد ؟؟؟
    ننتظر قرارات حاسمه فى هذا الشان من الدوله .
    بعدين يعنى فى نفس اليوم الكهرباء كانت قاطعه ودى وحده برضو من الحتات العاوزه قرارات حاسمه والله الدوله دى تقرر فى شنو وتخلى شنو ما معروف !!!
    رجاء دعو الكوره لناسا وامشو استثمرو واعملو بزنس بعيد عننا خلو الهلال لناسو والمريخ لناسو والكوره لناسا ..
    كفااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايه . عذاب
    كفااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايه . الم
    كفااااااااااااااااااااااااااااااااااااااااااااااااااااااااااااااااااااااااااااااااااااااااااااااااااايه . وهم
    مره اخرى هاردلك الهلال والمريخ فما طار طير وارتفع كيرى دون استراتيجية
    الا وكما طار وقع كيرى دون جوديه ..

  13. aflaiga كتب:

    شباب : بعدين قصة :
    نحنا كنا بنشيل الكاسات
    ونحنا كنا بنطعم الطير البجينا جيعان
    كدى ارخو القصص وخلونا نعيش واقعنا المرير
    ونبدا من حتة عجزنا وهواننا عشان نصلح
    ان تنهزم بلاعبيك الوطنيين فده عادى وياهو مستوى بلدنا
    لكن ان تنهزم بمحترفين دفعت فيهم دم قلبك ده ما مقبول
    ارى خصم دخل المباريات الفاتت دى كلها من قروش المحترفين ويدوهم باقى حسابم ويتطلبو الله مع الشكر على المهزله باسم السودان .
    انتو المحترفين ديل غواصات ولا شنو ؟؟؟؟

  14. حنين كتب:

    أسترايكر والزووووول وكل المدوناتية .
    سلامات.
    والله يازوووووول ماليك حق تشمت بالطريقة دى الجماعة ديل مجروحين وأحسن تهون عليهم شوية يعنى قولليهم المدرب دة غلط لأنو مادخل حمودة بشير ولا لأنو رجع لينا سيف مساوى فى الدفاع ولا القون الخامس دة مامحسوب لانو ماشفناهو .
    غايتو أحسن حاجة نحن أمبارح نمنا وكنا خايفين من السهر …
    لكن ياالزوووووول أخوى الهزيمة دى سسبا منو .
    ياإسترايكر ماحرام عليك تحرمنا من الهدف الخامس دة ماتشوف لينا طريقة نشوفو بيها عشان كهربتنا كانت قاطعة وبالله تكون اللقطة بالحركة البراهحة عشان نشوفا بى مهلة …

  15. سهيل كتب:

    غايتو جنس غايتو …

    خلاص نسيتو الوحدات و لا نسيتو التلاتات

    الفريق الإتغلب امبارح دا .. جاي من إسرائيل ؟؟؟

    الهلال يا شمات كان يمثل السودان .. و هزيمته هزيمه لنفوس كل السودانيين ( الأحرار) ..
    أي نعم هزيمه غير مشرفه لكن .. يشعر بها الحر الأصيل حتى لو كان المهزوم ( ملكية جوبا)

  16. ألفاتح جبرا كتب:

    يا جماعة أخدوها منى كلمة (الكورة دى كان ما إتصرفت عليها قروش معلومة المصدر ما ح تقوم ليها قائمة) !!! وإلا رائكم شنو ؟

  17. حاج أحمد السلاوى كتب:

    يا أبناء السودان .. أهلى الطيبين المغلوبين على أمرهم ..حتى فى الكورة .
    نحنا ما عندنا حاجة إسمها كورة منذ فترة طويلة … الكان عندنا دا إسمو تهريج وعبث كروى وتنافس تجارى بين قطبين إنتو عارفنهم كويس ..وقلتها قبل كدا إنو دى هيصة وضياع فلوس فى الفاضى ..بس الناس ماعندها وسيلة لهو تانية أو حاجة يملو بيها وقتهم ..عشان كدا إتجهوا للكورة ..شفتو ليكم بلد فى النادى الكؤوس والدروع ما بيتحصل عليها إلا ناديين فقط ؟عشان شنو ؟ لأنهم ديل الناديين الوحيدين العندهم فلوس ما معروف مصدرها وين زى ما قال اخونا الفاتح جبرا ويصرف عليهما صرف من لا يخشى الفقر ..
    أما الأخوة أصحاب النجمة الحمراء حقو ما يشمتو بالشكل دا لأنهم برضو راكبين فى نفس المركب المقدودة دى وليسوا احسن حالاً من الهلال ..كلو عبث فى عبث ..وسجم فى سجم .. ويجب إيقاف هذا العبث فوراً ومحاسبة كل مقصر ..وزى ما بيدفعوا لبهم عند الفوز لازم يحاسبوهم عند الخسارة ( وخصوصاً الخسارة الثقيلة زى دى .. بين جمهورك ..وفى بلدك ..طيب هناك حيغلبوك كام ؟) .
    ولدنا مشاكل ..نسيت شماتتك فى المريخاب قبال دا ..النجمة حلاته زبطوها تلاته .. هاهم اليوم يردحوا عليك وما قادر تفتح خشمك ..
    عاوزين الكورة تتطور كيف وكل واحد يشمت فى التانى بالشكل دا ؟
    كفانا عفا الله عما سلف ..وعلينا تفعيل سياسة الثواب والعقاب فى كل شىء ..لأن هزيمة الهلال أمس كانت هزيمة لكل أهل السودان ..
    كسرة اخيرة سغيرووووونة .. هو الماشى صاح شنو عشان الكورة تكون صاح ؟
    غايتو خلوها مستورة ويحلنا الحلا بله ….آآآآآآآآآآآآآآميييييييييييييييييييييين .

  18. دعونا ننظر الي الواقع المعاش .. والي المريخاب الذين فرحوا امس وضحكوا لخسارة الهلال من مازمبي ..!!
    * بعضهم (طار) من الفرح .. والبعض الاخر عبر عن مشاعره بالضحك..!!
    * هذه الفرحة المكبوتة خرجت بتلقائية من سجنها الطويل .. وحال صاحبها يغني عن السؤال ..!!
    * ظلت هذه الجماهير الحمراء تترقب الافراح وتنتظرها .. فهي طوال تاريخها القديم لم تفرح بهذه الطريقة لخسارة الند التقليدي الهلال من فريق زائر .. كانت تناكف فقط وبطريقة جميلة ..
    * ولهذا (الانفجار) اسبابه ودوافعه .. التي من ابرزها الحالة التي يعيش فيها الفريق وبالتحديد بعد خروجه من ربع نهائي بطولة الاندية الافريقية الابطال بصفر كبير ..!!
    * كانت مثل البركان الخامد .. ثم فجأة انفجر ..!!
    * ولا ننكر اننا ضحكنا علي اخوتنا الاهلة الذين راهنوا علي سحق مازمبي ودفنه في المقبرة .. لكن لم تنسنا الضحكات احزاننا وخروجنا من السباق بالمركز الاخير ..!!
    * تصوروا شكل هذه الفرحة للمريخاب عقب مباراة القمة في ربع نهائي بطولة الاندية الافريقية الابطال والمريخ منتصر ..!!
    * اننا لن نستطيع منع المريخاب من التفاعل مع خسائر الند التقليدي .. لكن بالطريقة التي اعتدنا عليها .. واعتادت عليها الجماهير الحمراء طوال تاريخها ..
    * فما حدث عقب مباراة الهلال ومازمبي لم يكن تفاعلا تقليديا بخسارة الند بل كان تفجيرا لبركان من الغضب مكبوتا في الدواخل ..
    * سنوات طويلة من الالم والحزن عاشتها الجماهير المريخية .. لم تجد لها مخرجا .. ولا مفرا ..!!
    * وكأنما كتب علي هذه الجماهير ان تفرح لمصائب الهلال وتتغني ..!!
    * وبالامس لم ينتصر المريخ .. بل فاز مازمبي القوي جدا علي الهلال ..!!
    * جاءت الفرصة للمريخ ليكتب مجدا وتاريخا قد لا تتكرر او ربما هي كذلك والله اعلم لن تتكرر ..
    * كانت المرة الاولي في التاريخ التي يلتقي فيها المريخ بنده التقليدي الهلال مرتين في بطولة الاندية الافريقية الابطال ..
    * التقيا مرة واحدة في سيكافا وكانت الغلبة للمريخ .. وفي غالبية المواجهات التاريخية كانت الغلبة للمريخ ..!!
    * جاءت الفرصة هذه المرة في وقت تتحدث فيه افريقيا عن السودان .. ولاول مرة لا يستفيد المريخ من الفرصة ويمنح الهلال شرف الفوز في الديربي السوداني الافريقي الفريد من نوعه ..!!
    * وكم كان مؤلما منظر جماهير المريخ وهي تخرج من الاستاد عقب لقاء القمة الافريقي .. ففي هذا اليوم ذرف مريخاب الزمن الجميل الدموع دما ..!!
    * اننا عبر هذه المساحة ننبه ونحذر من خطورة الحالة التي يمر بها المريخاب الان .. واقصد حالة الفرح المجنونة التي اصابتهم عقب خسارة الهلال من مازمبي ..!!
    * تذكروا ان هناك مباراة امام الهلال في الدوري الممتاز وربما اخري في كاس السودان ..
    * انظروا الي الفريق الذي تحول الي مستشفي للعلاج من كثرة المصابين ..
    * والي الموسم الراحل بدون خبر ..!!
    * والي موبوتو وليس الي وارغو ..!!

    ——————————-

    معاوية صابر
    كاتب بجريدة قووون

  19. ويظل الهلال ملكا للسماء ولو اطلت مليون نجمة ونجمة.

  20. مشاكل كتب:

    سلامز

    أب سبعة بضحك على الهلال

    عجبي

  21. زووووووول كتب:

    سلامز ومعاويه صابر سلااام
    7/4 خارج الديار
    افضل بكثيييييييييييييييييييييييييييييييييير
    من 2/5 داخل المقابر
    كسره : ان شاء الله تطيرووووووا بفارق هدف يا سترايكر بس اوعوا من كب الزوووووغه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s