تداعيات الذاكرة…

Posted: الخميس,8 أكتوبر, 2009 by ياسين شمباتى in ادبية

لقد استهلكتنى الحياة طويلا, واستهلكت نفسى اكثر منها, حتى انى ما عدت قادرا على ترتيب نفسى وتقييمها كما كنت افعل قبلا..أترانى فقدت القدرة على الترتيب؟ والقدرة على الكتابة؟ الكتابة التى كانت ملاذى الصادق حينما تدهمنى الخطوب وتبهجنى المباهج..ام اصابنى ذلك الثقيل الممج_الملل_ الا قاتل الله الوحدة والاغتراب والاعتزال والاخلاص, نعم الاخلاص لا غيره,,فلقد اهلكت نفسى واضعت ردحا من الزمن وانا اتحراه فى نفسى وانشده عند الآخرين,, فما ادركته ولا سلمت من (السلق اللسانى)..20090820266

*غريب فى بلاد غريبة :-

هو انا..لقد اخترت طريقا, ولربما اختارنى هو_وهذا لا يتعارض وايمانى بالقدر لكنى اجده تعبيرا ادبيا جميلا_ اقول ان هذا الطريق شاق ومضن ومظلم كالنفق, ولا ادرى له نهاية قريبة, وكما تعلمون انى اعانى ضعف البصر_وليس قصره_

*وحدى مع الآخرين :-

هنا تكمن القصة..احسب نفسى اقوم بدورى الطبيعى تجاه المجتمع, كما احسبها _ من باب الغرور والاغترار_ تفانت فى خدمة الآخرين لا انتظارا لمكافأة او شكر, لكن ارضاءا لدواخلى واشباعا لرغبة تتملكنى وارهاصا بقدوم غد واعد راشد, وايضا فى سبيل بلوغ درجة كمال و(نارفانا) وكدة!!!

*الحمدلله :-

الحمدلله لى عدد من الصداقات الناجحة والعلاقات الاجتماعية الانسانية الممتازة,وربما بعض المقابلات السريعة المرضية للنفس,, لكنى لا افتأ اطلب المزيد..انها انانية النفس وشهوة الانسان الازلية للتملك والازدياد من كل فيض..لكنى لا انفك اتفاجأ بوضاعة وسوء نية الكثير ممن عرفت!! فى ذات مرة تم استغلالى بكل براعة من الطرف الآخر وبكل براءة من طرفى, ولست بنادم قط..لكن اصبح استعدادى لتلقى المزيد من الضربات القاسية شحيحا,لقد فاض الكيل..

لقد تزوجت_هى_ وما زالت تحفظ (العشرة) والود, وتضرب مثلا رائعا فى (الوفاء) والصداقة, او ربما الامتنان.. اما الاخرى فقد تنكرت واستكبرت وهامت بحب ذلك التلميذ الذى رفض الدرس,,ومن عجب انه لقننى درسا لا ينسى!! لقد كان (مدهشا), لكنه فيما بعد تخثر وتخمر…والاخيرة ما زالت تنتظر!!

*تداعية اخيرة :-

انها ايام عصيبات,,ارجو من الله الثبات اولا ثم الخلاص ثانيا,, كما اسأله ان يجعلنى من اولئك الذين عادوا اليه, عادوا الى السماء…

رفاعة_ميز الاطباء فى 17 ابريل 2006م

Advertisements
تعليقات
  1. ألفاتح جبرا كتب:

    الدكتور الجميل الإبن شمباتى …
    يعنى إنتا إغتربتا قبل ما تغترب ! سلامى وتحياتى

  2. العزيز شمباتي و زوارة سلام

    أها الكلام دا اتكتب في ميز الاطباء في رفاعة قبل الاغتراب فهل يا ترى ما زال الكاتب يشعر بالوحشة في السعودية…

    الظاهر ناس الفوارة ما شايفين شغلهم و انت يا حاج السلاوي بالله شيل معاك قليلا من مشاهد الضنك و الفاقة التي قد تكون عايشتها في اجازتك السغيرة… عشان تيقن الكاتب دا ..!!! و تخليهو ينزل يدو الشمال من خدو و يحاول يغير الخاتم بي دبلة عشان بعد داك عينو ما تشوف الا “النور”

  3. ياسين شمباتى كتب:

    البروف الحبيب جبرا..صباحك طيب وجمعتك سعيدة…المشكلة فى الغربة المن زمااااان وجوانية دى..الله يسلمك ويحييك..

    الحبيب ودالخلا..آمين..ولك مثلها ولكل الاحباب..والله النجارة دى حرفة قديمة بس ما مطروقة من جانبنا وما لقينا زول يجودا لينا تمام..
    لكن ياتو درب فى الدروب!! انا عندى دربيييييين,,واحد عقلانى والتانى عاطفانى!! حدد وفسر..

    الحبيب عزت المرطب..اهم حاجة انكم تشوفوا الخاتم السمح دا !!! ومالك داير تورطنى وتورينى(النور الاسود)؟؟ خلينى كدة شوية…
    والله الوحشة والاغتراب انا فيهم من 1999,,منذ عهد الدراسة الاول بمدنى,,وبعدداك واصلت من رفاعة لى ام روابة لى هجليج لى الشمالية بكافة قراها لىقرى الجزيرة..عشان كدة السعودية ما عصرت علينا شديد..لكن اخوك اصلا جرسى وبكاى..تحياتى وشوقى..

  4. مشاكل كتب:

    سلامز

    ما عاد يا دنياي وقت للهوى

    ما عاد نبض الحب.. في وجداني

    الحب أن نجد الأمان مع المنى

    ألا يضيع العمر في القضبان

    ألا تمزقنا الحياة بخوفها

    أن يشعر الإنسان.. بالإنسان

    أن نجعل الأيام طيفا هادئا

    أن نزرع الأحلام كالبستان

    ألا يعاني الجوع أبنائي غدا

    ألا يضيق المرء..بالحرمان

    ما أجبن الإنسان يدفن عمره

    ليعيش تحت السوط.. و السجان

    فغدا سيذكرنا الزمان بأننا

    بعنا الهواء الطلق.. بالدخان

    كلماتنا صارت تباع و تشترى

    و بأبخس الأسعار.. بالمجان

    كلماتنا يوما أضاءت دربنا

    فلقد عرفنا الله في القرآن

    الفقر حطم في النساء حياءها

    صارت تباع بأرخص الأثمان

    و شيوخنا بخلوا علينا بالمنى

    من يا ترى يحيا.. بغير أماني؟

    و حسبت أن العمر بحر هادئ

    فرأيت موج البحر كالبركان

    و غرقت في ألم الحياة و هدني

    عبث السنين.. و حيرة الفنان

    قالوا لنا: إن الحياة تجارب

    و الويل كل الويل.. للعصيان

    تركوا لنا وطنا حزينا ضائعا

    تركوا الربيع ممزق الأغصان

    كم قلت من يأس سأرحل علني

    أجد الظلال على ربى النسيان

    حتى يعود الحب يملأ مهجتي

    و يشع نورا في سماء كياني

    لكنني أدركت أن بدايتي و نهايتي

    حتما ً ستكون في اوطاني

    و سأسأل الأيام علّ مدينتي

    يوما تعرف قيمة الإنسان

    فمتى ظلام الليل يهجر عشنا؟

    و متى الزهور تعود للأغصان؟

    و متى أعود لكي أراك مدينتي

    بغير اليأس.. و الأحزان؟

    أترى سنرجع ذات يوم بيتنا

    و نراه كالأمل الوديع.. الحاني؟

    أترى سترحمني مدينتنا التي

    قد صرت أجهل عندها.. عنواني؟

    إني وليدك يا مدينتي فهل

    صار الجحود.. طبيعة الأوطان؟

    هل صار قتل الابن فيك محللا

    أم صار حكم الأرض للشيطان؟

    إني تجاوزت الحديث و إنما

    حقي عليك.. سماحة الغفران

    فإذا غضبت فأنتى أمي فارحمي

    و إذا عتبتك فذاك من أحزاني

  5. نيام كتب:

    العزيز د.شمباتي ..
    اذا كانت النفوس كبارا تعبت في مرامها الاجسام

  6. الزهراء كتب:

    الاخ: شمباتي

    تفتكر لو ما كان استهلكتك الحياة كما ذكرت ووتأثرت بالغربه وكل هذه التجارب هل كنا سنحرم من الاستمتاح الحقيقي بكتاباتك الجميله دي؟

    ياريت تخلي القلم او الكيبورد قريبين منك لانو دا الشي الوحيد اللي الانسان بيقدر ينفس بيه عن نفسو شويه.

    ودايما التجارب القاسيه والظروف القاهره بتولد الابداع

    واصل واخوانك واخواتك كلهم معاك

  7. ياسين شمباتى كتب:

    الحبيب مشاكل..مساك طيب..والله القصيدة جميلة جدا وتعكس غربة ومعاناة وصدق مشاعر وطنية بشكل ما عادى..ارجوك نزلها (بهناك)..

    الحبيب نيام..الله يكبر النفوس,,التعب هين,,والله يحل الضيقة والكرب..

    حاجة زهراء..تشكرى على الكلمات الرقيقات..والله طوالى جنبى,,لكن مرات بتفقد القدرة جد,واهو بدينا نطلع فى القديم من الذكريات,,فاستحملونا لحدى ما نكملها..

  8. حاج أحمد السلاوى كتب:

    ولدنا يسن شمباتى …
    شكراً على إتصالك بس الموبايل كان صامت..وصلت جدة الساعة الواحدة صباحاً ( صباح السبت ) ..إتصلت عليك لاكين يبدو إنك دخلت الحفرة ..
    خلى الجِرسة إنت يا دوبك سنة أولى غربة ومنقول سنة تانية وعندك ملحق..
    غايتو ربنا يرد غربتك الشديدة دى..
    التحية لكل الأحبة الذين سمحت لنا الظروف بمقابلتهم والجلوس معهم ..بس الجرى الكتير حرمنا من معاودة اللقاء وما فى عتب أو لوم على أى زول..وياهو دا السودان ..ربنا يديم المحبة والإخاء ..ونسأل الله العلى القدير أن يجمعنا بكم فى أجمل الأوقات وابرك الساعات ..

  9. الزهراء كتب:

    صباحكم خير يا اهلنا الطيبين

    الاخ شمباتي

    لنا عظيم الشرف بقراءة وسماع كل ابداعاتكم في وصف الذكريات والغربه وجد قدر ما الله يديك اكتب ووثق لكتاباتك لانك اكيد حتفتخر بيها وبي المرحله المريت بيها واثرت فيك كده.

    بعض الناس تأثير الصدمات عليهم بيكون سلبي مما يؤثر في شخصياتهم وطريقة تعاملهم والمكونات النفسيه ليهم وللاسف مرات اخلاقياتهم كمان بتتأثر
    الكلام ده داير ليه بوست كاارب

    ربنا يقويك ويقوي ايمانك كمان وكمان ويحفظ روابط الخوه والصداقه الجمعت كل المبدعين الدانقاب الجبراب

  10. حاج أحمد السلاوى كتب:

    غايتو صورتك تحنن العدو .. يا شمباتى ..
    أزول ها طول بالك شوية ..مالك شايل هم الدنيا كوووولو فوق راسك ..ولاّ عشان صاحبك الدكتور محمد مشى يتفسح وخلاك براك ..
    غايتو لاكين جنس جِرسة …دا شنو دا ؟

  11. حاج أحمد السلاوى كتب:

    د. شمباتى ..
    أتاريك إنت مغترب من ميز الأطباء فى رفاعة 2006 ..ونحنا ما عارفين ..
    بالهه شوفو الجنا دا وفعاله ..والحنان دا كنت داسيهو وين ..؟

  12. الزهراء كتب:

    ابوي السلاوي
    الصوره دي شكلها كانت في بيت عرس وشكلها كده المناسبه دي هيجت المواجع حبتين ونتجت تلك النظره الشارده لافاق بعيييده

    وكان ما اخاف الكضب بكون قطع ليه بيت بيتين اللات شعر

    حاولوا بي هناك تعملوا تحقيق صغير واوفونا بالتقارير

    اقعدوا عافيه

  13. علي سنكل كتب:

    د. شمباتي الشفيف . .
    سلام شفيف و رقيق ذي رقتك . .
    ما تشيل هم ، كل الكواشف القدامك ديل مروا بنفس هذه الخواطر ، وذي ما قال ليك عزت المرطب بدل الخاتم بدبله في الشمال ( وعينك ما تشوف إلا نور ).
    لا تغنط ، وكفاك شرفاً أنك قبل ردح من الزمن تفكر وتسعى في إرضاء الذات ، وهذه ليست أنانيه فلولاها لما بلغت الإنسانية ما بلغت من حضارة ورقي ، لا بد من أن تقدم ما تستطيع للبشريه ، مش مهم في مدني ، في رفاعه ، واللا في الفواره.
    يكفيك إشباعاً لهذه الذات أن يكون الفاتح جبرا القامه من أوائل المهتمين بما تكتب يا دكتور.
    ألخص ليك السيره دي كلها في الإيميل الذي أرسله الطبيب الشفيف ذيك كده د. صالح و أظنه قد وصلك ، كما وصل الآخرين ، وهو باللغة الإنجليزية وقد هممت بتعريبه وتعميمه على هذا الموقع لولا تسفار قسري ( أكل العيش ). هذا الإيميل يحكي قصة شاب هندي ولد وترعرع في شقة يملكها والده تتكون من غرفة واحدة عاش فيها مع أمه وأبيه و أخوانه ، وأخذ على نفسه أن تكون له حياة وبيت أفضل من حياة وبيت أبيه.
    هاجر إلى الولايات المتحدة الأميريكية وأنتهى به الأمر أن مات أبويه وهو في الغربة و قام الجيران بمراسيم الدفن ، وعاد إلى الهند وعاش في شقة ذات غرفة واحدة وأولاده بعيدين عنه في أميريكا وينتظر مواراة جثماه بواسطة الجيران كما تم دفن والديه.
    كسره:
    ما تفكر كتير في مثل هذه الإمور وسيبها لرب العزه.
    وما تفك الطريق الماسكو ” التفكير في مصير الأخرين “.
    ولك وللسمار كل الود ، وليك وللكل:
    سلام من صبى بردى أرق ودمع لا يكفكف يا دمشق.
    كسره تانيه:
    يا داب الليله قدرت أفتح يا جبرا الموقع و أقرأ ” رفعو المدام ” قمه في الروعه .

  14. حاج أحمد السلاوى كتب:

    بنتنا الزهراء ..
    أريتو يطلع بكرة أو بعدو من الحفرة عشان نقابله ونسأله ..كان بيفكر فى شنو ؟ ..فى منو ؟ وعشان شنو ؟ولامتين ؟ ..وليه ..؟وأخيراً النتيجة شنو ؟..
    وقالوا الذكريات صدى السنين الحاكى ..وزولكم دا مقتول فى ميز الطباء فى رفاعة..وممكون وصابر ..
    غايتو الله يكون فى عونك ..يا شمباتى لحد ما تلبس الدبلة فى الشمال ..اقصد الأصبع الشمال ..
    أمسك قوى فى كلام عمك الكاشف سنكل ..وعض عليه بالنواجذ .

  15. ألفاتح جبرا كتب:

    الحبيب سنكل … سلاااام شديد
    أنا براى قلتا سنكل مالو ما دخل … حكايت عدم فتح الموقع بسهوله لى ناس الأمارات قاعدين ندرس فيهو مع الشركة وإن شاء الله نوفق فى حل المسالة … تحياتى

  16. الغبشة كتب:

    دكتورنا شمباتى لك التحيه, عزفت على وتر الوجع, ما تهتم مصير الدنيا زى الموج, والامل فى كدى ارجع عاين لى صورتك دى تانى غير خاتمك السمح فى ابتسامه حلوه بين ملامح الحيره والتوهان, الامل فى طالما فى ايمان ربنا يقوى ايمانك, بالمناسبه طالما انت حسيت انو حالك ملخبط احمد الله كتير لانك مازلت تحس وما فقدت نعمة الاحساس وهذا دليل عافيه وربنا يهون عليك.
    والى لقااااااااااااااااااااااءءءءءءءءءءءءء

  17. حبيبنا الدكتور شمباتى والزملاء الكرام السلام عليكم
    والله ياشمباتى الكلام والصورة اكتر من مؤثرات وربنا يرد غربتك ويديك الفى مرادك ياررب (غريب والغربة أقسى نضال غريب والغربة سترة حال) …. بعد غربة لاكتر من عشرين سنة بقول ليك غربتك هناك افضل مليون مرة من غربتك هنا …. لانو ديك دايما بعدها جيناكم ياحبايبنا بعد غربة وشوق نغالب فيه ويغالبنا … ولحظة اللقيا تنسيك كل الفات .. لك التوفيق والموفقية

  18. ود المهدى كتب:

    العزيز شمباتي لك التحايا والود واسال الله ان يرد كل مغترب سالما غانما الي البلد الحبيب
    اوصيك كل ما شعرت نهذا الاحساس ان تقراء سورة الحديد ففيها ايات تذهب الهم والحزن وتشعرك بالطمانينة وتدعو الي الانفاق (من مال ووقت) وصدق الله اذ يقول- الا بذكر الله تطمئن القلوب –
    الايات : هي
    اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الأَمْوَالِ وَالأَوْلادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرّاً ثُمَّ يَكُونُ حُطَاماً وَفِي الآخِرَةِ عَذَابٌ شَدِيدٌ وَمَغْفِرَةٌ مِنْ اللَّهِ وَرِضْوَانٌ وَمَا الْحَيَاةُ الدُّنْيَا إِلاَّ مَتَاعُ الْغُرُورِ (20)

    سَابِقُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ (21)

    مَا أَصَابَ مِنْ مُصِيبَةٍ فِي الأَرْضِ وَلا فِي أَنْفُسِكُمْ إِلاَّ فِي كِتَابٍ مِنْ قَبْلِ أَنْ نَبْرَأَهَا إِنَّ ذَلِكَ عَلَى اللَّهِ يَسِيرٌ (22)

    لِكَيْلا تَأْسَوْا عَلَى مَا فَاتَكُمْ وَلا تَفْرَحُوا بِمَا آتَاكُمْ وَاللَّهُ لا يُحِبُّ كُلَّ مُخْتَالٍ فَخُورٍ (23) الَّذِينَ يَبْخَلُونَ وَيَأْمُرُونَ النَّاسَ بِالْبُخْلِ وَمَنْ يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ (24)
    والسلام ومعذره للاطالة عليكم

  19. ياسين شمباتى كتب:

    الوالد السلاوى..تانى حمدالله على السلامة ونورت المملكة والله..

    بعدين الملحق دا شنو!!؟؟ يكون عشان الاجازة (المبكرة) ولا شنو؟؟ومحمد دا خليهو من العملها !! بس ربما يجيبو سالم..وانا عاااااااضى..بس راجى الفرج..

    الزهراء..بوركت يا ملكة..والكاتمو فى جواى كتير متملك الجوف والعصب,,وما كنت داير ابوح لكن لسان الحال غلب..اما بخصوص الصورة فهى فى مطعم(الساحة) وكدة!!! مقدرة وفشخرة…

  20. ياسين شمباتى كتب:

    الحبيب سنكل..مرحب مرحب والله شرفتنا ايما تشريف..فعلا وصلنى ذلك الايميل الرائع الذى يحفل بالشجن والتحديات ومرارات الواقع..والانسانية هى همنا كلنا,مبتعدين عن النعرات السياسية والقبلية ما امكننا..وخليك دايما قريب وناصح..

    البروف جبرا..اها مافى جديد من عودة القمردينة..نحن فى الانتظار على قناة الشوق..

  21. ياسين شمباتى كتب:

    الغبشة سلام….ومرحب بالطلة..الحمدلله فعلا على نعمة الاحساس و(التحسس)..والابتسامة لازمة جد عشان تقاومى شوية من المواجع والالام..والحمدلله برضو انك انتبهتى لى خاتمى السمح..دا اهم شئ فى القصة دى..

    الحبيب التركى..سلام يارايع..والله ابيات الكابلى دى طوااااالى بتذكرها وبستحضرها,,لانها بتوصف حالى وصف بليغ,,النضال وسترة الحال ديل مهمات جدا..ويارب ما تطول بينا الغيبة ونرجع نقالد شوقكم وكدة..تحياتى للاولاد..

    الحبيب ود المهدى..سلام..(الا بذكر الله تطمئن القلوب) ولاشك..والحمدلله الذى انعم علينا بجوار بيته..تحياتى واحتراماتى…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s