منح أوباما جائزه نوبل للسلام……. لييييها

Posted: الأحد,11 أكتوبر, 2009 by ودالزبير in اخرى

قبل أن يمضي عام على تسلمه زمام الأمور في البيت الأبيض إختارت لجنه جائزه نوبل الرئيس باراك حسين أوباما كرجل السلام لهذا العام وقررت منحه جائزته السنويه والتي سوف يحصل عليها في ديسمبر المقبل ….. طبعاً الواحد ماعنده إعتراض على الكلام ده وخصوصاً إن نفس هذه الجائزه قد منحت لمجرم الحرب الإسرائيلي مناحم بيغن لكن مش كان يصبروا شويه لمن يعمل ليهو حاجه تدعم السلام شخصياً ما متذكر ليهو حاجه غير زيارته لمصر والخطاب القاله في الأزهر إلا لو كان قصد ناس اللجنه العمل بالنيات يعني الراجل قال إنه عايز السلام يعم العالم فقام ناس اللجنه أدوهو الجائزه بناء على نيته تلكل أو ناس اللجنه قاصدين يغيظوا جورج بوش وإتخيلتهم وهم يمنحوا الجائزه بيطلعوا لسانهم لبوش دليل على المكاوه والقول أهو إنت قاعد تمانيه سنوات مافي زول هبب ليك الراجل ماتم سنه أخد جائزه نوبل ..

شخصياً أرى أحقيه جون قرنق وعلي عثمان محمد طه بهذه الجائزه لأنهما أوقفا أطول حرب في القاره الأفريقيه لكن تقول لمنو

Advertisements
تعليقات
  1. aflaiga كتب:

    ود الزبير : فعلا الجائزة شعارها الاعمال بالنيات
    وجاييك للتحليل .

  2. طارق أب أحمد كتب:

    الجائزه منحت لأوباما بإعتبار ما سيكون و درأن للعوارض و تحسبا لأى نوايا شريره من الأمريكى الذى قد تهف ليهو و يقوم يغير رأيو فى أي لحظه و يقلب الدنيا جحيم

  3. حاج أحمد السلاوى كتب:

    أخونا ودالزبير ..
    الناس ديل عندهم حسابات تانية غير العارفنها نحنا ..ويكيلوا دايما بمكيالين ..
    الجنا دا ( اوباما ود الحسين ) لحد حسه ما عمل حاجة يقولوا عليها وكلامه كلو وعود فى وعود ..وما بيقدر يعمل حاجة من غير موافقة اليهود..ومادام اليهود وافقوا يدوهو الجائزة يبقا خلاس حياخد الجائزة ..ودى رشوة عديييييييل كدا عشان يغض الطرف عن الحاجات الناويين يعملوها فى الأراضى المحتلة من مستوطنات وغيره ..الناس ديل بيلعبوا لعب تقيل وعارفين هم بيسووا فى شنو …
    نسال الله أن ينتقم منهم جميعاً .
    آآآآآآآآآآآآآآمييييييييييييييييييييييييييييييييييييييييييييييييييييييييييييييين .

  4. ودالزبير كتب:

    طارق أب أحمد

    بالله يعني أوباما الأسود زينا ده ممكن يقلب ويبقى كابوي عديل كده

  5. ودالزبير كتب:

    حاج السلاوي

    أحي فيك تمسك بنظريتنا العتيده ( نظريه المؤمره )

    وعلى قولك النشوف آخرتها

    بالمناسبه دي إنت رجعت ولا لسه قاعد معنا

    ياعيب الشوم

  6. الزهراء كتب:

    الاخوه الاكارم
    تحيه طيبه
    لا شك في جدية اوباما ورغبته في تنفيذ عمليات السلام ورعاية كل المشاكل المتعلقه بالعرب والفلسطينيين

    ونرى ايضا مدى تحوطات اليهود لمنع اوباما من تحقيق مقاصده السلميه في الشرق الاوسط بالذات

    وتقديم جائزة نوبل زي ما بقولوا(مااا على حنان)
    خصوصا وانو ما عمل اي حاجه فعليا لنيلها المهم

    الليله بدوها ليه وبعد شويه بعملوا ليه حرب اعصب

    ما فهما بيتخلصوا منو
    ربنا يستر ويجعل كيدهم في نحرهم ان شاء الله

    ود الزبير: كلامك صاح احق من اوباما كان علي عثمان وجون قرنق لانهم اوقفوا نزيف بلد ليه سنين واوقف صراع ياما اتفقدوا فيه شباب وانقضت فيه اعمار

  7. حاج أحمد السلاوى كتب:

    أخونا شكسبير …ودالزبير ..
    نظرية المؤامرة موجودة ..ولن ترضى عنك اليهود ولا النصارى حتى تتبع ملتهم ..يعنى إما تركب معاهم الموجة ..وإلا فالغرق والطوفان مصيرك ….بس فى ناس شايفين الموضوع غير كدا ..لاكين تجيبها كدا ..توديها كدا …هى كدا .
    أنا غادرت ديار عبلة وليلى مساء الجمعة ( الحزينة )..وعادت حليمة لعادتها القديمة ..
    حضرت صباح الخميس 8/9/009 إلى سيدى بيه ولم نتشرف بلقائكم الكريم ولم نشأ إزعاجكم فوق مشاغلكم العديدة ..وتناولنا طعام الإفطار ( أنا ووضاح ) ..وغادرنا بعدها إلى شركة الدانقا الزراعية وسعدنا بلقاء صديقكم اللدود الزووووووول ..وحضر قبيل مغادرتنا بقليل الكاشف الصغير ودالخلا ..

  8. حنين كتب:

    ود الزبير والحبان
    سلام .
    والله ياجماعة تحليلكم منطقى جدا والناس ديل زى ماقتو مابدو ساهى . لوكنت مازولم فى الاول يدوك العين الحمرا وبعد شوية يدردقو ليك الجايزة عشان تعوس العوس الدايرنو هم ولو كنت زولم تعمل السبعة وزمتا بأعدائهم (ضبح .حرب . حرق .نهب .تجويع .ترويع .تنكيل .تشريد و….الخ )وفى الاخير تتصور مع شافع من شفع المجاعة وتبدى رأفتك بة عشان يدوك الجائزة ويغطوليك العملتو كلو .
    غايتو الجماعة ديل مانرجا منهم خير أبدا نسأل الله السلامة …

  9. aflaiga كتب:

    ود الزبير : طبعا الخواجات ديل عندهم رؤى مختلفه عننا كتير وخاصة فى باب الفعل والجو المؤدى للفعل .
    يعنى اوباما برغم انه لم يفعل لكن اللجنه رات انه قد هيا عبر افكاره التى روج لها ( الافكار التى اوصلته الى الرئاسه ) تدعم الجو السلمى المساعد على تفشى وعموم روح السلام العالمى .
    وجاييك تانى ….

  10. abdullahrabi3 كتب:

    والله ولا أنا عارف هو أستلمها ليه

  11. العزيزالغائب ودالزبير والاخوة الزملاء السلام عليكم …
    فى اعتقادى المتواضع انه ليس المهم أن تعطى الجائزة لمن انما الاهم من يستحقها والحق يقال اوباما يستحقها من نواحى كتيرة وكذلك على عثمان والزعيم قرنق …. فاوباما الذى لم يفعل شيئا حتى الآن فى يده أن يحقق وعوده ولو كانت على حساب آخرين على أقلها سحب القوات الامريكية من العراق وحقن دماء نظنها امريكية وأعتقد انها من حاملى (القرين كارد) ذهبوا باحلام وردية فاعيدو الى جهنم السموم ..
    واذا اردنا أن نكون واقعين أكثر فالجائزة استحقاق ورشوة فى نفس الوقت يمكن أن نقول أنها (لعبة الجزرة والعصا) …
    أما بطلنا على عثمان فقد حقن دماء ابناء شعبنا فهو يستحقها عن جدارة فقط اعيب عليه اتمام حلقة نظام لازلت أعانى من سياساته الخاطئة … اذا سئلت لمن أعطى صوتى فأقولها بلا تردد لعلى عثمان مع علمى بأنه لم ولن يطولها .. فقط أنا وابن عمى على الغريب (وهذا أضعف ايمانى) .

  12. bissa كتب:

    ممكن تقولولي شو هي الأعمال لي بيمنحو عليها جائزة نوبل للسلام لأنو انا طالبة بالثانوي وعندي بحث حول جائزة نوبل للسلام ارجو مساعدتكم

  13. سهيل كتب:

    اولا نرحب بكل الساده الجدد عبدالله عربي و الأخت بسه ( كديسه بلهجة اهل الشام ) و نتمنى لهم إقامه طيبه بيننا و نتشرف بتداخلكم معنا ..

    أما بعد ود الزبير و باقي الشباب … سلام..

    البنيه الجديده دي سألتكم يا ناس ود المهدي و الجماعه الكانو هسي بيعرضو في نص البوست دا .. اها حتردوعليها ولا حتعملو رايحين ؟؟ عفيت منها الخلتكم فراجه..انا شخصيآ قاعد كنب .. علا كان قوقلتها بجيبها .

  14. nono كتب:

    قااااااااااااااااااالو؟؟

    الجديد؟؟

    شديد؟؟؟

  15. الزهراء كتب:

    الاخت بيسه
    اسفين على التاخير في الرد
    ارجو الدخول علي الرابط ادنا عسى ولعل ان تستفيدي منه وبالتوفيق

    http://www.almotamar.net/news/17288.htm

    كما ارجو منك الدخول للويكيبيديا لتأخذي منها اسماء الحائزين على الجائزه والسنوات التي منحت فيها جائزة نوبل للسلام

    وفي امان الله يا اخت بيسه ونحن جاهزين للمساعده في اي وقت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s