الجمعة الجاية رحلة نيلية

Posted: الإثنين,19 أكتوبر, 2009 by الفاتح جبرا in اخرى

على شرف قدوم الأخ أبكرون فى إجازته السنوية وبمناسبة إكتمال تسجيل (زاد المسير) بإذن الله فى يوم الأربعا القادمة فقد تم حجز (يخت نيلى) يتسع لكم جميعاً لتقضوا على متنه نهار الجمعة … التجمع فى فى تمام الساعة العاشرة صباحاً أمام نادى الزوارق (الكشافة البحرية) مقابل العمارة الكويتية الخرطوم والتحرك الساعة العاشرة والنصف ….

Advertisements
تعليقات
  1. خالد مدني كتب:

    ده الكلام والكبير كبير حتي في عزوماتو … بس ادونا رقم ابكرون

  2. اساسين قبل الكراسى .

  3. سهيل كتب:

    تمام التمام – اها يا عمك الشيرنق فهمو شنو ؟؟

  4. التركى كتب:

    شئ رائع جدا يابروف وان شاء الله نكون أول الحاضرين ….
    سهيل رأيكم شنو لو نحدد الشيرنق بعد الرحلة عشان يكون المنصرف علم … بس لو كل واحد جاب معاهو شئ يسير يوم الأربعاء عشان تكاليف المواد والزورق الى حين حصر المنصرف يكون كويس …. مع الأشواق

  5. زووووووول كتب:

    البروف سلاام
    دى العزومه ولا بلاش . على الاقل نعوض عزومه كان قد وعدنا بها صديقنا الهلالابى بمناسبة الصعود للنهائى واهو طاروا ولقينا عزومه نيليه كمان .
    كسره : والله الزووووووول دا بتاع مشاكل بشكل !!!

  6. ود المهدي كتب:

    يا دفعة ما كان تدينا خبر كان كلمنا اخونا عادل معني عشان يعمل لينا تخفيض ولانو العوامة عندهم بياجروها بالساعة- ولا الموضوع ما فيه دفع – لكن ما فات شيء لو من ناس نادي الزوارق ملحوقة.
    بعدين في جزيرة في النيل الازرق ممكن الرحلة تكون هناك –
    ولازم يكون معانا (اطواق نجاة ) عشان الرسالة ما تكون من تحت الماء ونلحق ناس د سلمي- ولا شنو يا د عزت-
    بعدين الناس البيصلوا متاخرين يالاقونا وين؟
    والكاتاتارينج كيف والعوامة ما قيها طريقة ضبح -لكن فيها شواية كاربة – والشية علي نسايم النيل الازرق مافي زيها-وبرضو ممكن كلو واحد يجيب معاه طبق اليوم .وكم حفاظة كدة وثرامس شاي وقهوة.
    وصلاة الجمعة كيف؟ – اقترح شيخنا ود الخلاء يجهز لينا خطبة كاربة والصلاة تكون في جزيرة التمساح- ود الزبير ما تنسي الفرشات.
    ود الزبير والله رديتو الاعتبار لكن الحظ غدار – اظنك امبارح كملت الرفس مع الجماعة البيشوتو برة الشبكة ديل-
    الكناني حضورك مهم
    ونحنا جاهزين لاي شيرينج-

  7. سهيل كتب:

    كلو تمام بس يالتركي .. يستحسن الشيرنق يكون معلوم سلفا ( بالتقريب) عشان الشغلانيه دي تقيله علي نفر واحد .. و نحن إتلمينا للمشاركه في السمحه و الشينه .. عمك جبرا دا كل مره يجيب الخروف و يشيل براهو ؟؟؟ لازمآ الشغلانيه تتوزع على الجميع وحسب الإستطاعه ..

    هوي يا ناس امرقو

  8. التركى كتب:

    كلام فى محله ياسهيل وعشان كدة قلنا يوم الأربعاء كل زول يجيب معاهو شئ … البروف مابقصر بس كمان ماعايزين نتقل عليه وأكيد يوم الأربعاء ح نشوف نقدر نسوى شنو عشان كدة ياريت لو الناس تجى بدرى شوية ويكون عندنا وقت لمناقشة أمور عدة قبل الاجتماع …

  9. مش كدا بالله يا ود المهدي…. انت عارف حقو نضرب لعبد الله خيار بتاع الارصاد نشوف الجو المتوقع يوم الجمعة…. ما يكون في اعصار طاشي

    و كما اشار التركي يمكن أن تناقش أشياء عدة في يوم الاربعاء و من ضمنها الرحلة

  10. علي سنكل كتب:

    الفاتح جبرا والسمار الكرام . .
    ألفين سلام . .
    والله أيامكم في تحسين ، زوارق ورحلات نيليه؟ إنتو بقيتو وطني ونحن ما جايبين خبر؟ غايتو البنقدر عليهو بنساعدكم بالحساده و كده .
    والله يا أبكرون الجماعه ما قصرو معاك ، و قدرو مقامك ، تاني في كاني ماني؟

    دمتم ودامت مودتكم وتقبلوا تحيات بشار.
    شايف يا السلاوي أول ما ناس سبل كسب العيش في الخارج يتخارجو ، العربات تنقلب زوارق نيليه.

    بدت الطبيعه تفوق
    شمبات هناك بي فوق
    تلقى السواقي تسوق
    توريك عظمة النيل

    شمبات في جنب القيف
    أضرب سجارة الكيف
    أنا أمشي واللا أقيف؟

    كسره:
    ما تتوصلون إليه فيما يلي زاد المسير يوم الأربعاء ، بالنسبة لنا هو منشور رئاسي و أمر صادر واجب التنفيذ ( كأمر عواطف لسعيد).

  11. ودالفتيحاب كتب:

    معاكم بقلوبنا ودعواتنا لكم بقضاء اربعاء كاربه ،وعودا حميدا وياأب احمد بالله ظبط الكاميرا من هسع كفايه راحت علينا الصور الفاتت بى قد القفه .أخير نحن عشنا الحدث لكن أخوى الشمباتى لى هسع واقفة ليه فى حلقو ونحن زعلوا عندنا غالى .نتمنا لكم يوما سعيدا على ضفاف النيل الجميل ..

  12. aflaiga كتب:

    ابكرون : عشان فرحانين بجيتك ما حنقول ليك بتكشح بالتراب فى البحر ليه ؟؟ لانو الرحله نيليه … حمد الله على السلامه ونتلاقى فى الرمله الدقاقه ..

  13. ألفاتح جبرا كتب:

    الأحباء الأعزاء : ما تفتكروا القصة فيها دفع شديد وكده (الرفاس) ده بتاع واحد صاحبنا وكده .. وهو ما حاجه كبيره شديد يعنى بيشيل ليهو ذى أربعين نفر كده .. يعنى قدرنا وزياده … إتمنى أنو الناس الهنا كووولهم يحضرو والناس تقضى وكت جميل …

  14. مُخير كتب:

    حبيب الكُل كبيرنا جبرا
    الحلوين في الداخل والخارج
    سلام
    لو طابت النية الرفاس بيشيل مية، وفجوا لقلوبنا وسطكم يا بروف وأذكرونا في ضفاف النيل وعلى سطحه الهادئ الجميل…
    أبكرون يا رائع تنط في الحفرة بلا خبر … وتقع واقف … ويخموك في رفاس في نهارية صيفية ورحلة نيلية مين قدك ؟؟

  15. سهيل كتب:

    عمنا سنكل سلامات ..

    كان في طريقه كنا حنعمل ليكم بث مباشر .. بس توجيهاتسعادتك محل طاعه .. و إنشاءالله حندخلكم في الصوره اول بأول ..

  16. د.ياسين شمباتى كتب:

    مصطفى شوارع يا !!!!!!!1

    ودالفتيحاب..عملوها وااااضحة المرة الفاتت,,كدى اليكرروها المرة دى..

  17. ألفاتح جبرا كتب:

    الأحباب الأعزاء :

    نسبة لظرف طارئ تعرض له سائق (اليخت النيلى) لا يمكنه من الحضور الجمعة فقد تقرر أن تكون الرحلة النيلية يوم السبت على أن يكون التحرك من أمام نادى الزوارق أمام العمارة الكويتية فى تمام الساعة الواحدة بعد الظهر بدلاً عن العاشرة وشكراً ،،،

  18. ودالزبير كتب:

    ميه الميه أصلاً بكره كنت راح إعتزر

    بركه الجات في حادث السواق

    إنشاء الله يكون ما أتعور

  19. ألفاتح جبرا كتب:

    الأحباء الأعزاء :

    بعد التشاور الناس قالت يخلوها الجمعة الجاية لأنو فى ناس شغالين يوم السبت !! شفتو العوارض دى كيف ؟؟؟

    ودالزبير :
    لا هو ما عمل حادث بس قالو حصلت ليهم وفاة

  20. التركى كتب:

    انا لله وانا اليه راجعون ….. أعتقد انو الناس ممكن توزع المهام على بعض بطريقة أدق لاننا بالأمس لم نستطع التحدث حول الموضوع ..

  21. الزهراء كتب:

    يا اخوانا معليش انا صاحيه من النوم يادوب يعني الرحله ما حتكون بكره؟

    حتكون الجوعه البعديها

  22. الزهراء كتب:

    ود الزبير: ظرف طارئ تعرض له انت قريتا حادث تعرض له

    الله يكون في العون

    حيرت البروف معاك عديييييل

  23. nono كتب:

    ياالزهراااء يااختي ؟؟؟

    بااااااااين لحدي!!

    هسسسسسسسسع !!

    مااااااااااااافطرتي؟؟

    امشي سيدي بيه بالمرة؟؟

  24. الزهراء كتب:

    نونو
    يا افكارك الجميله
    جاااريه على سيدي بيه
    انتي ما تعزميني عندك مرسلاني لود الزبير مالك ازيه سااكت

    ما قصرتي لكن برضو بجيك بجيك

  25. ألفاتح جبرا كتب:

    الأحباء الأعزاء .. سلام
    إن شاء الله سوف تقام الرحلة النيلية يوم الجمعة الجاية المركب المفروض كان نمشى بيهو إتعطل وإتعاقدنا مع مركب تانى ح يتحرك من (نادى التجديف) شارع النيل مقابل هيلتون تقريباً (عندو يافطة) وح يكون ولدنا عبدوش منتظركم هناك .. التجمع الساعة 1:30 ظهراً والتحرك الساعة 2 تماماً والعودة المغربية .. توجد أماكن فى النادى لإدخال العربات إلى حين العودة من الرحلة بإذن الله ..

  26. ودالزبير كتب:

    أستاذنا الفاتح

    ما تخلوا التجمع الساعه 2 ظهراً والتحرك الساعه 2:30 عشان صلاه الجمعه

  27. جدن…. عارف أصلو الحكاية غداء في النيل و المركب ماشة و بتاخذ زي ثلاث ساعات رايح جاي… فالأفضل أن ننسق للغداء و مكوناته و تقسيم الأدوار… فمن يتطوع بالتنسيق…!!!

  28. التركى كتب:

    البروف : تسلم يااستاذنا وان شاء الله نكون جاهزين فى الزمان والماكن المحددين.

    ودالزبير : أعتقد انو كلما تأخر الوقت كلما سنحت لنا فرصة قضاء وقت جميل فى الجزيرة لكنى أخاف أن نقول اتنين فتأتى الناس الثالثة كما حدث لاجتماع المنظمة .

    د.عزت : أشرح الغائب أفليقا للتوزيع الموسيقى ….

  29. سهيل كتب:

    انتو فصلو و نحن بنلبس

  30. ألفاتح جبرا كتب:

    ود الزبير : خلاس التحرك 2:30 والتجمع قبل كده بشوية .. لكن السؤال الناس دى مالا ما إتداخلت عشان !! وورتنا وجهت نظرا ؟

  31. سماسم كتب:

    نحن معكم بقلوبنا متمنييين لكم قضاء وقت سعيد

  32. البشاوى كتب:

    البروف والسمار
    النيل ؟؟؟؟؟ اليخت دة الرئاسى ولا واحد تانى — تأكدو من الاحوال الجوية جيدا – قبل النزول في الماء (العكر) وكان أتبلبلتو عومو و العهده علي الراوي
    او كما قال – اليخت دة فيهو دخاخين ( من العادم ياأفليقا ماتفهمنا غلط)
    سهيل ؛؛؛؛؛ شدًد على موضوع الشير رحمك الله — نرجو وضع المواعيد النهائية عبر رسالة sms

  33. قديما يا البشاوي قالوا:
    (لا تضع البيض كله في سلة واحدة)
    عشان و الظروف بتاعت الأحوال الجوية ما معروفة نقترح تمثيل يعني أب أحمد يخلى أحمد و واحدة من البنات في البيت، ناجي يالبروف ما تجيبوا و أحمودي و سروية تخلوهم في البيت و عزت يرسل المدام للرحلة و هكذا لكن سؤال سغيروني زي بتاع السلاوي العزوبيين ديل نسوي معاهم شنو ….؟؟

  34. حاج أحمد السلاوى كتب:

    عزت ……
    دا كلام شنو دا ….؟ لاكين ما بااااااااااغت عديييييييييييييييييييييل كدا ..

  35. سماسم كتب:

    صباح الخير
    د. عزت ثرو حاج سلاوي
    بالجد بالغت عديييييييييييييييل طيب الحايحفظ ليك الأولاد صور القرآن الطويييلة ديك منو؟؟؟؟؟؟؟؟؟؟؟؟ دا موش زمان كان رايك ؟؟؟؟؟

  36. مش كدا بالله خلاس توبة…. ما نمشي الاتنين

  37. ود المهدي كتب:

    يا د.عزت مفروض تكونو سوا في اليابسة واللينة ولا شنو
    قول ليهم يجهزوا اطواق نجاة اصلو المناخ ما معروف بعد ما الجماعة ديل قدو الاوزون وامكن تجي كتاحة ولا مطرة ولا اي موجة عارضة – احسن مما نقول ياريت الجري ما كان – ولا شنو يا دكتور

    البرنامج ح يكون شنو ؟
    والاطفال كيف؟
    والطرب واخيرا العضة كيف ولا نجي فاطريين تقييل؟
    اشاي والقهوة وهلم جرا

  38. الزهراء كتب:

    المرتحلون الاعزاء

    نظرية د/ عزت صحيحه ميه الميه

    وبما اننا من السناقل حأتمنى ليكم قضاء رحله سعيده في حضرة المحتفى به ابكرون

  39. سهيل كتب:

    عزت المرطب دا عامل فيها حريف — عايز يعتذر عن الرحله بطرق ملتويه — ماااااااااااااافي طريقه !!!!

    يا شباب الشير بتاع الرحله كم و البيجمعو منو و حنجيب بيهو شنو – و تاااني باقي الحاجات شكلها كيف- و ناس نيام جايين من الجزيره ولا لا نرسل نجيبهم وكده –

    البروف : يا ليت تورينا اليخت دا إيجارو بيكم وخدماتو شنو عشان نقدر نقدر باقي التكلفه و نحدد الشيرنق-

    انا غايتو بجيب معاي انبوبه جوانيه لزوم المخارجات

  40. الزهراء كتب:

    يا اخوانا انا ما ماشه لكن بقترح انك تشيلوا سندوتشات وشيبس وبارد ومويه
    وممكن تاخدوا تسالي وترمس وما الى ذلك لان الناس اصلا رايحه تغير جو وتتسلى وتشددوا على العود والايقاع

    واهم حاجه الكاشف حيخلي اغاني الكاشف على النيل وجمالو اروع واكيد حتشكلوا لوحه فنيه جميله

    وبالتوفيق

  41. ألفاتح جبرا كتب:

    اليوم هو الأربعاء … فى إنتظار تأكيد الأعضاء على الحضور !!!

  42. سهيل كتب:

    معاك يا ريس …

  43. aflaiga كتب:

    بيان هام من البروف :
    الاخوه المدونون ظللنا نرصد بقلوب ملؤها الاشفاق واللهفه الاثار الناتجه عن اختيارنا السابق لموقع الرحله النيليه وكمية الجرسات التى نتجت عن الاقتراح ولما كنا فى مدونتكم الكريمه نمتلك زمام المبادره لتوفير جو ومكان مناسبين ليكونا عوامل نجاح لرحلتنا المنتظره يوم غد ومع اكيد تقديرنا للمقام السامى للاخ ابكرون فقد قررنا نحن الافتح يوسف جبرا تحويل الرحله لبريه بدلا عن بحرية وقد قمنا بتكليف اببنا افليقا بمهام عملية التسريح والدمج وقد كانت نتائج مهمته بعد الاستعانه بشركاء الرحلات و الخبير ود المهدى فقد تم تحويل مكان الرحله كالاتى :
    مزرعة الجريف الجميله التى شهدت لقاء المدونين الاول .
    التجمع : تقاطع الستين مع اوماك جنوب مسجد سيده السنهورى .
    الزمان : السعاه تسعه ونص صباحا .
    البرنامج : افطار – جمعه – غدا .
    والدعوه لك المدونين ..
    ابكرون – بحرا جوا برا مرحب بيك حبابك الف ..
    عمنا جبرا فى رحله فى الولايات سيعود منها مساء اليوم ويكون بيننا غدا باذن الله مشرفا للحضور .

  44. aflaiga كتب:

    يا شباب انتو قريتو وعرفتو الحاصل وعاملين نايمين ؟؟ ولا ما خشيتو ؟؟ ولا الحاصل شنو ؟؟
    الرحله بكراااااااااااااااااااااااااااااااااا الساعه تسعااااااااااااااااااااااااااا فى المزرعااااااااااااااااااااااااااااااااااااااااا التجمع فى التقااااااااااااااااااااااطع وقع ليكم ولا نعيدوووووووووووووووووووووووووووو ؟؟؟ كده كفاية ولا ننزل بوست جديييييييييييييييييييييييييييييييييييييييييد ؟؟

  45. التركى كتب:

    الحبيب أفليقا : اولا الف حمدا لله على ظهورك وقبلما أدخل اتصلت عليك تلفونيا بس يظهر انك بعيد عنه …. لابأس نحن معكم اينما , وقتما وكيفما كنتم

  46. ألفاتح جبرا كتب:

    أفلايقا .. أنا رجعتا هسه وأول حاجه فتحتا البوست .. الرحلة قائمة قائمة زى ما قال ولدنا أفلايقا .. وقلبناها برية عشان ناس كتيرة قامت إتجرست من حكايت البحر دى .. بس الناس ديل مشوا وين زى ما قال أفلايقا ؟؟

  47. الزهراء كتب:

    السمار الكرام
    لو حيينا ما متنا ان شاء الله معاكم
    علا بعد الساعه 11 باقي عندنا شغلاتن كتااار في بيوتنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s