شول الجنوبي الجعلي !!!!!

Posted: الأربعاء,21 أكتوبر, 2009 by ودالزبير in اخرى

في هذا الموسم من برنامج نجوم الغد برز الفتى الجنوبي شول الذي وعلى عكس كل التوقعات ظهر بلونيه أهلنا الجعليين وكان الظهور الأول له بأغنيه ودالمك وتوالت الحلقات وشول من نجاح إلى نجاح تغني لإبراهيم اللحو فأبدع وتغنى لترباس فأطرب هذا الفتى في نظري هو نجم هذا الموسم وأي محاولات لسلبه هذه الجائزه أقترح تدخل ياسر عرمان وسحب وزراء الحركه من حكومه الوحده الوطنيه وإبلاغ منظمات حقوق الإنسان بهذه الإنتهكات لحكومه الجلابه الشماليين

يأخي ده شنو البوست الداير يقلب غم وسياسه ده

أها كيداً في أحمد المك نتفرغ لدعم ولدنا شول للتربع على عرش الأغنيه السودانيه في العشر سنين القادمه

Advertisements
تعليقات
  1. ودالزبير كتب:

    هنا يتألق شول في أغنيه كمال ترباس ياريت

  2. ودالزبير كتب:

    شباب

    الضلمه دي من اليوتوب عشان مافي زول ينط لي يقول ماشايف حاجه

    ركزوا على الصوت

    ثمح

  3. aflaiga كتب:

    ود الزبير : وانا بصفتى ممثل القوى الحديثه فى المنبر اقول ليك انو موقفك يدل على عنصرية متدثره بثوب ديمقراطى وهى عادة اهل الشمال فى الفوقيه والتعالى بدليل انو لمن باعتكم بتكم الجلابيه قمتو قبلتو على ولدنا الابنوسى وهو فى تقدير حزبنا نوع من الحرب القذره تستخدمون فيها ابننا الجنوبى لتصفية حساباتكم العربيه العربيه وهو ليس بجديد على الجلابه فى ظل سعيهم المحموم لواد ثورات الهامش ونحن من هنا لن نقبل بان يتم استغلال ابننا الجنوبى فى هذا الصراع الذى لا يضر الا بقضية الوطنى التى هم هم حزبنا الاول !!!!!
    بالله شفت افليقا ما سائل فى ياسر عرمان ذاتو !!!!!!!!
    حقيقة الود مبااالغه وتصويت كامل للوحده بس عاوزين برضو افراح تغنى لينا اغنية ( سلم لامو ) او اغنية ( سمبلا منا ييي وكا وكا يييى ) او اغنية ( فنان تونجى فنان زالقويج ) .. عشان تكون الوحده فى اتجاهين مش شارع اتجاهع واحد ..

  4. حاج أحمد السلاوى كتب:

    أخونا ود الزبير ..
    ياخ دا مش جعلى وبس ..دا بيعرض كمان ..والله لو لقا ليهو عكاز كان وراكم العرضة الجد جد . االجنوبى الجعلى صوته قوى جداً ومتمكن وواثق من نفسه خالس ..
    يعنى حسه الجماعة أكان قالوا كدا وانفصلو ..شول دا بعد الغنا الجميل دا حيكون مع منو ..معانا ولاّ مع التانيين ؟

  5. سهيل كتب:

    لا يا عبدو — كده غلط 00 عشان الوحده تتم لازم افراح يعرسها واحد من ( اهلكم) الجنوبيين 000

    ود الزبير 😦 شول عصام ) دا مش حقو يعرس ( افراح منوت) ؟؟

    تاااااني عبدو : ياخ إنت مش ياسر عرمان !!! إنت باقان اموم ذاتو إحتار فيك 000 الله يجيبك يا 2011 – صاحبك إسترايكر كان ما رش عربيتو دي لون تاني — بنحرقها ليهو 00 اها قلت شنو ؟؟؟؟

  6. زووووووول كتب:

    ود الزبير سلاام
    رغما عن عدم اهتمامى بالاغانى والاغانى ! ونجوم الغد ! الا اننى استمعت ببعض الاهتمام لاغنية ود المك مع الفتى الابنوسى .
    اخى قاتل الله السياسه (التى اهتم بها كثيرا ) وقاتل الله القوى الاستكباريه التى ربت باقان وقرنق وحتى اكول واعلمتهم ان العيش مع الجلابه ما هو الا جمع بين الشحم والنار . كان يمكننا العيش بسلاام مع هؤلاء سيما ان الكثيرين منهم يعتنقون الاسلام ويقفون على راس بعض الاحزاب التى تصنف بانها شماليه (موسى المك كور ، مثلا ) .
    كان يمكننا ان نتزاوج معهم لو تركنا هؤلاء وهى نماذج معاشه حتى قيل ان الحركه الشعبيه لتحرير السودان تصنف المواطنين الى فئات زى ناس البى ام دبليو :
    فى حالة الابوين جنوبيين = الدرجه الاولى
    الاب جنوبى والام شماليه = درجه تانيه
    الاب شمالى والام جنوبيه = درجه تالته
    وبعد داك يجو ناس قريعتى راحت .
    فقط نتمنى ان نرى ونستمع لبعض اخوتنا الجنوبيين وهم يرتلون القران باصوات جميله جدا .وهذا موجود فقط يحتاج لمن يخرجه مثل ما فعل بابكر صديق والسر قدور مع الغناء .

  7. التركى كتب:

    لكن ياود الزبير ماتقول لى شول المك أقصد شول منوت طفرة .. ياخ بكرة يلمو فيهو السماسرة يلحقو امات طه … بس الزى دا حتى لو انفصل الجنوب ح يجى يغنى هنا كمغنى أجنبى وبالعملة الصعبة وفى الجنوب ح يغنى للشماليين المرطبين هناك كطبقة ارستقراطية يعنى كدا كدا الود ضمن مستقبلة ياخويا وعقبال أفراح الشعب .

  8. الزهراء كتب:

    فعلا شول فنان بالجد وموهبه فذه ربنا يحفظوا انا عاجباني الجرأه بتاعتو

    وبتذكر انو في فنان ايضا من جنوب السودان كان بارع جدا في التغني بكلمات الشايقيه والعزف على الطنبور بس ما متذكره اسمو
    حقيقه داك كان ابداع

  9. ودالزبير كتب:

    زوووووووووول

    الواحد تاني إلا يقابلك في بوستات هلال مريخ

    التركي

    إنت الشماليين ديل ممكن يكونوا مرطبين في الجنوب بعد الإنفصال … ما أظن

    أفليقا

    ياسر عرمان شنو ليك يا فرده صحي البلد ضيقه

    عليك الله شوف لي موضوع زووووووووول والصادق بركه ديل

    سهيل والزهراء

    أزيكم

    إنتو بتصوتو لشول ولا لمنو في الموسم ده ولا ممتنعين عن التصويت

    عمنا السلاوي

    يديك العافيه غبت إنت أمبارح وأناب عنك الإبن وضاح حفظه الله

  10. سهيل كتب:

    ود الزبير : افليقا كتل ملف مالو ؟؟؟؟

  11. ودالزبير كتب:

    سهيل

    أفليقا شغال بنظريه من جهز غازياً فقد غزا

    يعني بوصلك المعركه وبيخليك تحارب لكن ما بيسبك براك بيمدك بالدعم اللوجستي وكده

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s