مشاهدة 1 : “ماذا لو كنت انت الريس الجديد للسودان (^_^)”

Posted: الأربعاء,21 أكتوبر, 2009 by moshahidah in إقتصادية, إجتماعية, سياسية

سلام …

ازيكم يا قوم ..

قلت ادخل مسخنه و نخستك شويه -بما انو انا المتحدث الرسمي عن محمية الخستكين السودانين السريه – و بما انو السنه الجاية الانتخابات ..فما هي اجندتك الانتخابيه كمرشح لرئاسه جمهورية السودان ؟

اجب علي السؤال اعلاه في 10 نقاط مختصره ..(لا تخف يمكنك ان تبري في تدوينه اخري بنفس الاسم مش احتكار يعني )

انا حارجع بعد حين واكتب ال10 حقني …خدو الموضوع بجديه خلينا نشوف البلد فيها رؤساء (to be) ولا الوضع يا هو لازم واحد من الجيل الماضي الما عايزه اعلق عليه كلهم عموهات و رجال كبار علي شدييييييييييييد الله يسامحهم بس .

—————————–

ملاحظه : رغم انني الححنا عليه في محمية المخستكين و رغم توسط دول الجوار والنيران الصديقة و ست فاطمة بتاعه الشاي و عمك حسبو وزع قصبو ..و رغم اعتصام عصام و محمد وفتحيه ..رفض بابا سنفور الترشح لرئاسه السودان لكنه يذكر كل المرشحين بأسس القيادة الرشيدة التي مارسها عبر السنين و تمكن فيها من حمايه السنافر من شرشبيل (تحت شعار سنفروا بحياتكم)

———————————

و دمتم سالمين

مشاهدة

Advertisements
تعليقات
  1. مرحبا يا مشاهدة و مبرووك الباسورد و الخستكة ooopsorry المشاركة الأولى….

    أولن تحددي لينا موقعك الجغرافي و بعدين نحدد ليك نقاطنا العشرة…
    و دمتي سالمة..!!

  2. ودالفتيحاب كتب:

    عمنا عزت والقوم لكم السلام كوم ،
    نرحب بى مشاهدة الداخله بى حقها وعودا ، يعنى مسخنة من قولت تيت ..أهلا ومرحب بيك بين أهلك ..

  3. ودالزبير كتب:

    (أولن تحددي لينا موقعك الجغرافي و بعدين نحدد ليك نقاطنا العشرة)

    عزت المرطب مركب مكنه حاج السلاوي

    لووووووووووووووووووووووووووول

  4. حاج أحمد السلاوى كتب:

    مشاهدة ..سلام
    أولاً بالتبادى مرحب بيك وسط أعمامك الكواشف ..وإخوانك الشباب ( نحنا لحد حسه ما عارفين القروب بتاعك..لاكين … غايتو ..) فى المنتدى الرائع دا ..ونتمى ليك إقامة طيبة ..وتتحفينا بالكثير من أفكارك ومقالاتك ..
    الشى التانى ..وزى ما قال ليك عمك ابو عصمت ..تحديد الموقع الجغرافى عامل مهم جداً ..
    الشى التالت .. السؤال دا موجه لمنو .. للمرشحين للرئاسة من الناس المعروفين بحبهم للرئاسة والكلام الكتير ..ولاّ أى زول تانى عاوز يرشح نفسه ؟
    أنا فى رأيى الشخصى ..ما أظن فى زول بكامل قواه العقلية يقوم يرشح نفسه قدام الأحسبون ديل..النتيجة معروفة قبل الإنتخابات زااااااته يسووها .
    تحسبو لعب ؟
    وحتشوفو آخرتا شنو عما قريب .

  5. ودالزبير كتب:

    حاج السلاوي

    مشاهده دي تقريباً في العقدالثالث من عمرها لو ماكان أقل

    قول لي كيف ؟؟

    كلمه خستكه دي ناس العقد الرابع والخامس ما قاعدين يستخدموه وما من مفردادتهم

    خستكته بيك مش يا حاج

    عموماً نرحب بك عضوه مخستكه وممكن تقولي اخوك من كبار مخستكي النت

    أرح خستكي الحبه ما راح تجيك

  6. nono كتب:

    مرحب بيك في ( المنتدي)

    مشاهدة؟

    مشاهد؟

    تشاهد غدا؟

    شاهد ماااااااااااشفش حاااااااااااااجة؟

    كلوووو ماشي ؟؟

    مشاهدة/
    قلت ادخل مسخنه و نخستك شويه؟؟؟؟؟

    ***انحنا زاتنا بحب التسخينة؟؟

    بس بنرجع ليك بعدما ترجعي لينا تااااااااااااااااني؟؟

  7. د.ياسين شمباتى كتب:

    سلام الاخت مشاهدة المسخنة..مرحب مرحب بيك وبحرارتك..

    الحقيقة انا كتبت نقاطى العشرة والنت مخستك ولحسن,,فما بقدر اكتبهن تانى اسه,,كدى لى باكر نشوف البحصل شنو..

  8. سهيل كتب:

    نرحب بالأخت مشاهده 00 طولي بالك 00 اعمامك ديل دمهم شربات

    شنو يا جدو 00 طوااااااااااااااالي عملت فيها عبدوش

    – كدي اسالي د0عزت 00 اهو الليله بقى رئيس

  9. لمى هلول كتب:

    سلامات شنو التفاؤل ده
    وفى عشرة نقاط لكن دى مبالغة عدييل كده
    الموضوع دة كلو بينتهى فى نقطة امكن نقطتتين
    تنوم تحلم تقوم منزعج من حلم الرئاسة تتفل
    3 على شمالك تتقلب بالجمبة التانية
    او لو قمت واتوضيت واستنيت الفجر يكون احسن
    لكن رغم دا ياريت لو يكون المتحرش اقصد المترشح
    ولد كده شاب ..من عيلة ما معروفة
    عشان نتجاوز حتة الجهويات والقبليات وبالمرة
    نكون على الاقل طبقنا الديمقراطية بتاعة المساواة
    فى النهاية …الله غالب
    غايتوا نتيجة اخر الزمان ان يكثر الهرج والمرج
    هرج
    ومرج
    وهرج
    ومرج
    وهرج
    ومرج

    ومرج
    مرج
    مرج
    وكانك يازيد ماغزيت

  10. سهيل كتب:

    مرحب بيك لمى هلول وإنشاءالله كل المدونون الجدد يرتاحو معانا و يكونوا إضافه حقيقيه للموقع..

  11. ود المهدي كتب:

    يا شباب ما تطلعو بره الموضوع قالو ليكم اكتبوا 10 نقاط برنامج انتخابي: زول فيكم كتب نقطة واحده مافي الحاصل شنو :
    طيب اذا ما عاوزيين تترشحو – اكتيو بلسان حال من ترغبون في ان يكونو روْساء عليكم –
    انا برنامجي الانتخابي يتلخص في نقطة واحدة لكن بي عشرة كما يلي :
    1. ح اوري الشعب الفضل كل الحاجات الما عرفوها في العشرين سنة الفاتو ديل ولحدي ما كلهم يعرفوا ويفهمو الحصل شنو تكون الولاية انتهت والعشرين سنة الجاية جات – وخلال العشرين سنة الجايات كل سنه اوريهم حق سنة وهلم جرا
    وكل انتخابات وانتم طيبيين – ودمتم دمتم سالميين

  12. التركى كتب:

    عزيزيتى المشاهدة … الف مرحب بيك بيناتنا يابتى … مادام فيها ترشيح وترسيب أكيد ح يكون فيها تصفية (جسدية كمان) لكن لو الكلام أحلام زلوط وعبدالقادر بتاع قزازة السمن النقول ليك برنامجى شنو :
    + أولا استقلال (بالقاف) الاعلام والهيئة القضائية مع فتح باب التظلم لكل من تأذى نتيجة الحرية المكتسبة .
    + بعد اكمال البنية التحتية للبرنامج ترحيل سكان جزيرة توتى (ومال هم احسن من الحلفاويين فى شنو ) ونقل كل الوزرارت (بعد دمجها) الى الجزيرة مع بناء منزل لكل وزير قرب وزارته ومنع اى دابة او سلاح دخول الجزيرة (يعنى لو جاهم تمساح مايلقو اليطبوظو بيهو فى عينه).
    +نقل جميع السفارات الى شقلة امدرمان (يعنى البقل ادبو المطار الجديد قريب) .
    + حل حكومات الولايات وجعل على رأس كل ولاية والى على أن يكون المدراء العامين بالولاية مقام الوزراء (مدير عام وزارة الصحة, المدير العام لمديرية الأمن الخ ) . ويكون كل والى مسئولا عن ولايته ولايسمح بأى مسئول الحضور الى الخرطوم الا باستدعاء ويحاسب الوالى كل ثلاثة أشهر على سير اعماله .
    + انشاء كلية شرطة بكل ولاية وتشجع على المنافسة فيما بينها .
    ياخونا كدة كفاية هو ذاتو الواحد بكون للوقت داك كسر قزازة السمن وقام جافل …. مرة اخرى مرحب بيك يابتنا وخليك مسخنة دايما نحن فى حوجة لأمثالك .

  13. الغبشة كتب:

    اهلين وسهلين وربنا يزيد الحراير………………………………..
    الحلام الصعبه دى فى اليقظه ما بنقدر نحلم بيها خلى نحكى عششششششششششششششرة نقاط قال…………….
    1/كل مجلس الوزراء من العواطفات (عشان ندور البلد دى بدون اى سعيد)
    2/ادارة المرور كلها تتكون من سعيدين عشان العاواطف ما يتستحمل الشمس و وارد المخالفات ممكن يدخلن بيه فى صرفه(بعرفن المرفعين بعرف جعير اخوه)
    وبعد فتره نشوف التمنيه التاليه…………………..
    والى القااااااااااااءءءءءءءءءء

  14. moshahidah كتب:

    الساده الكرام …

    مرحبا بيكم انتو كمان ..

    بالنسبه للموقع الجغرافي السن وكل الترهات عني فخلوها ..لانو احلي ما في النت انك تكون حاجه مجهوله ..

    اختي بتقول عن الناس البنعرفهم اون لاين انهم زي الgame
    start when u press the power button end when u shut down
    hw cool is that virtual world with virtual ppl

    بالعوده لموضوع البرنامج الانتخابي ..ما زلت انتظر …

    انا كتبت زي 5 و لسه بفكر في الباقي …

    دا شنو دا الزي واجب المدرسه دا ؟؟؟ التسليم يوم السبت – خلاص طيب ما تجوطوا سلموا لحد يوم الاربع الجاي ..قصرت معاكم ..

    ما في زول اترس منو ؟ (@_@”)

    لكن بالجد يا اخوانا القصه دي لزيزه lets think ..may be some one out there find some thing useful

    و تحس زاتو انو البلد دي فيها ناس كويسه ..احنا ناس كويسه ..ولا ما كدا ..

    ————————
    زوروني في مدونتي و كدا ..اوكي http://moshahidah.wordpress.com

    have a nice week end
    مشاهدة

  15. الزهراء كتب:

    السمار الكرام

    الاخت مشاهده شكرا للاطلاله

    يا اخوانا انتو ما عارفين البلد دي لو حلمت مجرد حلم انك مترشح للاتنخابات الرئاسيه فجأه تصحى تلقى النجده قدام بيتك وعربات الطاره منتظراك وستين قضيه لابساك

    الكتراااابه لو تقدروا تحلموا مجرد حلم

    لكن للاحتياطي كده

    1/ممنوووع التعييين بالوساطات نوهائيا
    2/تقليص كمية الجامعات الكتيره ومسيخه وبدون فايده دي
    3/النظر في اعادة ترتيب وتكوين مناهج جديده للمراحل الدراسيه ياخي الشفع بطلعو مخهم فاضي عدييل كده والعجب في الجامعه- الطالب الحريف يطور نقسو براهو لانو كان رجا الجامعه يا هوالطلع من المولد من غير حمص

    4/عمل دراسه في كل الوزارات وخاااصة الطاقه ولازم نشوف قروش البترول دي طفشت وين وتتخت الحكايه على بلاطه وتتقسم قسمه عااادله

    5/النقطه دي خياليه شويه لكن احاول اعملا وهي يا اما نودي السودانيين الصين يتعلموا من الصينيين النظام والاهتمام بالوقت وحاجاات كتيره (كان يبغروا شويه منهم ونبقى عاليين شويه)

    ديل خمسه يكون فضل خمسه بعد اصحى من النوم واجي من المعتقل بقولم ليكم

    خليتكم بي عافيه

  16. الغبشة كتب:

    عمنا ود الخلا سلام:امس ما سنحت لينا الفرصه نحيك ونسمع صوتك سوا فى الاجتماع,نخستك بمعنى نخرمج او شى من هذا القبيل ………. تم يا سهييل

  17. حاج أحمد السلاوى كتب:

    المشاهدة الجديدة ..
    دخلت المدونة الخاصة بك لاكين بصراحة ما قدرت افهم الكثير منها ..معليش يمكن دا قصور منى أنا ..أو إنها مش زى مدونتنا الحالية فى تبويبها وشكلها وطريقة عرض المواضيع المطروحة للنقاش والمداولات ..لكن برضو مجهود مقدر من جانبك لإفراغ شحنة الكتابة التى تنتاب الشخص بعض الأحايين ..
    خلى حكاية السن على جنب ..ما بتهمنا كتير لاكين الموقع الجغرافى مهم عشان التواصل .. إلا إذا كان عندك رأى تانى ..لأنو الناس الحلوين المتداخلين معاك ديل ( إناثاً وذكوراً ) بيعرفو بعض شديد وحصلت لقاءات كثيرة جداً مع بعضهم البعض الشى اللى زاد أواصر المودة والإخاء بينهم ..وحسه بكرة عندهم رحلة نيلية على شرف الأخ الفكى أبكرونا ( السودانى ) القادم من دولة قطر فى إجازة ما معروف طولها قدر شنو ..

  18. د.ياسين شمباتى كتب:

    الاخت مشاهدة..محاولة الآخرين التعرف عن طريق الموقع وعامل السن لا اعتقد انها ترهات او ما شابه..الا اذا كانت دى قناعات شخصية..

    وعموما التعارف والتفاكه لمن اراد وليس قسرا..

  19. nono كتب:

    مشاهدة/
    بالنسبه للموقع الجغرافي السن وكل الترهات عني فخلوها ..لانو احلي ما في النت انك تكون حاجه مجهوله ..

    مرحب بيك تاني في موقعنا الجغرافي …..
    لكين نظريه انك تكون مجهول ده نظربه ماعندنا في منتدانا اهم حاااااجة

    الوضوووووووووووووح ؟؟؟؟

    خليك واااااااااضح يا جميل ؟؟

    انك تكون حاجه مجهوله؟؟

    بتوحي بي انك مشاهد مااامشاهدة؟؟؟

    لكين مااامشكلة؟

    فما هي اجندتك الانتخابيه كمرشح لرئاسه جمهورية السودان ؟ياااامشاهدة

    ماذا لو كنت انتي الريييييييييسة ؟؟؟

  20. الزهراء كتب:

    شمباتي
    كلام مشاهده ده داير ليه بوست براه- عن مدى حساسية التعارف عبر المنتديات –

    لكن يا مشاهده نحن فعلا تعارفنا وماشاء الله الله يبعد عننا عين كل حسود لقينا اخوان واخوات واعمام واباء وتكونت روابط اسريه جميله جدا

    الله يديك العافيه ابونا البنفتخر بيه الفاتح جبرا
    كان له الفضل الكبير في لمنا واثبت انه كتاباته وتدويناته ما بيقراها اي زول

    وعمرنا ما اعتبرناها game ولا حتى كهربة الدنيا كان فصلت من اجهزتنا نحن مع بعض بارواحنا

    على العموم ده توضيح وبعد كده لو حبيتي تتواصلي معانا يانا بنكون معاك زي اهلك وكان ما ارتحت للتواصل بينا ماتنقطعي وخليك عبر الكيبورد وما بنقصر معاك

  21. ودالزبير كتب:

    مرحبا بيكم انتو كمان ..

    بالنسبه للموقع الجغرافي السن وكل الترهات عني فخلوها ..لانو احلي ما في النت انك تكون حاجه مجهوله ..

    اختي بتقول عن الناس البنعرفهم اون لاين انهم زي الgame
    start when u press the power button end when u shut down
    hw cool is that virtual world with virtual ppl

    الإنجليزي طبعاً مافهمت فيهو حاجه لأني ثقافتي فرنسيه

    لكن العربي أظن كلامك ميه ميه

    مايمكن تطلع لينا ود أمبعلو ولا جاسوس ولا عميل بتاعت موساد

    أحسن حاجه في النت إنو الزول المابتعرفه يفضل مجهول

    هسه أنا القدامك ده ما بتعرف زول واحد هنا

    أها شفتي كيف

    خليكي كده

    نقف خلفك ونشد من آزرك

    وأحي هذا البوست الجمع كميه كبيره من التعليقات وده بيدل إنك لفتت نظر القارئ الكريم

    ودالزبير

    الأمين العام للجنه مخرمجي المنتدى

  22. الزهراء كتب:

    ود الزبير ضحكتني والله

    الله يديك العافيه

  23. moshahidah كتب:

    يا شباب يا اخوان واخوات ..

    معليش بالجد حاسه انو الناس فهمتني غلط في حته الgame …لكن خليها لوقت اخر …
    ما تزعلوش انا حاسه في هجوم ولا احساس زعل ما عارفه ..

    المهم (*_*)

    انا في الخرطوم – 26 سنه – كمبيوتر – مجنونه علي جاده نوعا ما …كائن بسيط متفاءل و عايز يصلح الكون زى كل الباشاكتبه المالين البلد …

    ——————————

    بالنسبه لي مدونتي يا (حاج أحمد السلاوى)

    انا امس غيرت التمبلت امكن بقت جايطه شويه كدي اديها طله تانيه -طول بالك معاي شويه- و بهمني جدا رأيك لانو لو ما واضحه معنها لازم احاول اتصرف …(@_@)

    ————————————-
    الخطه الانتخابيه حتى الان :

    1-جعل مدني عاصمه ثقافيه و تجاريه للسودان (زي دبي في الامارات و نيويورك في امريكا) مع الاحتفاظ بالخرطوم كعاصمه سياسية .
    2- انشاء مدينة صناعية قرب ميناء بورسودان (المصانع سودانية مكسيكية ما مهم لكن في النهاية كل الاستثمارات تؤل للبلاد و تتسودن ) المنتجات للتصدير فقط.
    3- انشاء مناطق صناعية في عواصم الولايات (في الاطراف عشان البئيه وكدا) انتاجها للاستهلاك المحلي ..
    4- انشاء ميناء جديد ..(ممكن نأهل المدن الساحليه ما الا من ال scratsh)
    5-تغيير الدستور (دي طبعا صعب اعرف الخلل وين لكن المهم يحفظ الحقوق اكتر و يحجم السلطات لا نهائية للحكومه و يحدد فتره الحكم ب4 سنين)
    6- التعليم …(القصه دي كلنا عارفين مفروض يحصل شنو افتحوا اي قناه بري عربيه)
    7- الصحه (استثمارات اجنبيه و محليه ) يعني ممكن نقفل الاستثمار مده 5 سنين الا في مجال الصحه عشان نجبرهم يعملوا مستشفيات في كل الولايات بمواصفات اخر حاجه
    8-انشاء وزارات جديده (اي حاجه فيها مشكله نعمل ليها وزاره او اداره المهم) وكل واحده عندها فتره محدده لوضع حلول جذريه للمشاكل الانشاءت لاجلها انشاء الله في 50 سنه بس يكون في خطه
    9-انشاء سكه حديد للربط مع الدول الافريقيه (يبقي في مصالح مشتركه اكتر حرب و مشاكل اقل)
    10- مطارات دوليه في مدني – جوبا – و المدينه الصناعية الجديده ..بمعني مطارات كبري

    ————————–

    الفكره بتاعه الافكار حقه الانتخابات دي جاتني من المرشح المصري ما متذكره اسمو بس حضرتو كان عندو افكار مبالغه منها العجبتني شديد انو يعمل للقاهره 8 مداخل و 8 مخارج عشان الحركه ..ليه لأ .
    وقال يشيلوا الطمي من جانب السد و النيل و يستفيدوا منه في الزراعه و حاجات تانيه ..اها رغم انو فاز مبارك -يال المفاجأه – العيب شنو انو يخد افكاروا و يشغلوا معاهو زي ما باراك استفاد من هلارى كلينتون..
    ———————————
    لمن تسأل

    خستكه : كلمه يدخل فيها كل اعمال عدم الجديه و الشغب المباح ..تحت مبدأ اضحك علي همك .

    طبعا مجرد تعريف الكلمه هددني بالطرد من محميه المخستكين ..

    ملاحظه انها صفه فطريه صعب اكتسابها و للاسف قابله للعطب ..
    —————————–

    باي

  24. ودالزبير كتب:

    شمباتي وودالخلا

    باركوها يا جماعه

    عايني يا مشاهده

    ما تشتغلي بالناس ديل الشغله وخليك مركزه معايا

    قول ورايا

    كا كا كا

    كا شنو

    ما كابوندي

    أيوه كا كهرباء

    جا جا جا جا

    جا شنو

    ما جمال الوالي

    جا جيمز

    أها لمن يجي زول يخش وسط ناس مابعرفهم ويضرب ليهم زي مثلك بتاع الكهرباء قطع شك الناس كهربتها راح تضرب ويقوموا يقول ليك جنس الكلام الفوق ده لكن طالما في ودالزبير عوجه تب ما بتجيك

    نرجع لموضوعنا

    قلتي داير البرنامج الإنتخابي بتاعي

    أول حاجه

    أصدر قرار أطلق أفراح من أحمد المك لعدم تكافى النسب زي العند السعوديين

    تاني حاجه أنزل المريخ الدرجه التانيه

    تالت حاجه

    أخلي ناس جهاز الأمن والمخابرات يحددوا لي موقعك الجغرافي وكل الترهات العنك
    لوووووووووووووووووووووووول

    كده كيف معاك

  25. سماسم كتب:

    سلام قبيلة
    الحمد لله المستخبي بدأ يبان

  26. الغبشة كتب:

    عمنا ودالخلا: مشكور ,,,,,طبعن لغة الشباب ومصطلحاتهم بتاخد معانى كتيره وفضفاضه زى الجوكر ممكن تتحول فى المعنى حسب موقعها فى نفس من اطلقها وليس من سمعها وخستكه بتعنى كتييييييييييير ما شفتنى قلت اكمل يا سهيل.

  27. ودالزبير كتب:

    بالله شوفوا توارد الخواطر ده

    يعني وأنا بكتب في الخطبه العصماء بتاعتي

    بتنا مشاهده كانت بتكتب في مرافعه دفاعها

    عليه يتم فصل العضو مشاهده من لجنه المخستكين الدوليه فوراً

    صدر تحت إمضائي وختمي

    ودالزبير

  28. nono كتب:

    كلك….

    مفهمية….

    يااااااااااااااااااااااااااسماسم؟؟

    اظهر وباااااااااااااااان عليك الامان؟؟؟ياااااا

  29. ودالزبير كتب:

    أمك

    ودالزبير محاط بثلاث عوين

    داير لي حجر ولا زول يجي يساعد

  30. ودالزبير كتب:

    nono

    بقوا أربعه

    داير لي حجرين

  31. الغبشة كتب:

    كده داير كم حجر؟ظنيتو كمينه عديل كده
    مشاهده:تعرفى خطتك دى كل واحده فيها عاوزه ليها شعب بحاله عشان تتصلح وتنفذ

  32. زووووووول كتب:

    مشاهدى سلااام ومرحب بيك
    بالنسبه للبرنامج الانتخابى اقترح نفس البرنامج بتاع سلطان كيجاب ال نافس بيهو عمر البشير فى الانتخابات الفاتت (ماعندى عنو اى فكره بس بكون برنامج ظابط خسوسا فى فصل الخريف وغرق الانفاق ).
    ود الزبير سلاام وهاك الحجر دا خليهو جنبك :
    اما بالنسبه لافراح عصام العاملا ليكا منخوليا دى لو انت فكيتا من احمد المك انا فى الدوره الرئاسيه بتاعتى راح اعرسا لواحد من اعمامك الفى دار العجزه وتتكفل الدوله برعايتهما .ولو داير تعارض امش عارض من فنادق اوروبا .اها اخير ليكا كدى .
    يا اخ بلا افراح بلا احزان (احزان دى كنايه عن المك )

  33. ودالزبير كتب:

    أها الناس الكسلانه وما عندها وقت تفتش وراء مشاهده

    كلفت ليكم المحقق كونان بتاعنا قام غطس وجاء راجع بالمعلومات دي عن المدونه وصاحبتها

    كده أصلاً ماقصرت معاكم

    ((هذه المدونه هيا رؤيتي للعالم كمُشَاهِده ..كلنا نشاهد و مشاهدتنا هذه بحد ذاتها فعل …فعل صمت و رضي …او سخط و قنوع …او لا مبالاه ..كلنا نشاهد لكن لكل منا مقعده والصوره تختلف باختلاف مواقع هذه المقاعد ..لذلك ارجوا ان لا يؤخذ اي نقد يرد في المدونه بصوره شخصيه ..كلنا نحتاج النقد نقد ذواتنا و مجتمعنا ..وكما يقول الاخوه العراقيين العتب صابون القلوب

    محتوى المدونه وما اريد ان اجمعه فيها ؟؟؟ لا ادرى ما زلت افكر ….

    حاليا يوجد مجموعه من قصصي القصيرة “قصص فصيرة” و بعض الخواطر “خربشه قلم” ..

    مقالات مفيده بالعربيه او الانجليزيه للباحثين عن العمل منقوله او من تجربتي الصغيرة..وساعمل علي ترجمه ما اجده شديد الفائده كي يتوفر باللغتين

    ..قسم ديني “روح “ اتباعا لحديثه صلي الله عيله وسلم (بلغوا عني ولوا أية)

    بالاضافه لمقالات عن تطوير المواقع الالكترونية بنظام joomla

    المشاهدات اليوميه الحياتيه و تنظيري في هذا الكوكب تحت عنوان ” مشاهدات “

    مؤخرا بدأت سلسله “يوميات موظف جديد” ..لانني ولزمن طويل اكون الموظف الجديد .بمجرد ما استقر .. استقيل واصبح الموظف الجديد مره اخري..متحمسه للتهكم علي ما كنت اري وما كنت افعل ..اتنمي ان تنتهي هذه السلسله لابدأ حكايات عن الاستقرار الوظيفي ..المشاريع الصغيرة و الانجازات..يا رب تزول مني لعنه التنقل ..

    من الامور التي تعنيني جدا حقوق الملكية الفكرية والتدوين عن ذلك يحتاج مني جهد كي اكون ما اكتب وادعي وليس مجرد شعارات و ما دامت كل البرامج في جهازى مكركه (من كراك) ابتدأ بالويندوز ..لا يسعني الا ان اقول الله يغننا بحلاله عن حرامه وبه عما سواه و اكتفي باحترام الملكية الفكرية قدر استطاعتي بذكر مصدر المقالات المنقولة واستخدام برامج مصادر مفتوحه و اذا وجدت حلول بديلة ساخبركم عنها

    اخيرا ..انوي ان ادون عن وطني ..السودان ..ذلك البلد الذي لا يملك اعلام قوي لكن يملك حضارة و شعب رائعين ..ستكون رحله بحث وتنقيح و استشارة اكثر من انتاج شخصي ..لانني ايضا اجهل الكثير عنه للاسف

    حتي الان وسأشير لكل موقع استعير صوره

    شكرا لwordpress ولكل حركه ال open source غيرتوا حياتنا …

    ارجوا ان تسعدوني بتعليقاتكم و مشاهداتكم لانني بحاجه للنقد كما يهمني ان ارى المشهد من مقعدكم ..

    من انا ؟

    سؤال صعب ..فالنقل ..فتاة عشرينية ..سودانية …متفائله

    مبسوطه جدا اني عربيه ومسلمة وباعتقد انو دي اكبر نعمه انك تقرأ القران باللغه الي نزل فيها و تعبش قي مكان تسمع فيه صوت لصلاه الجماعه وانت طفل ..حتما سنعود لله مهما ابتعدت فهو مغروس فيك ..يا رب يهديني واياكم

    اعمل Software Engineer في مؤسسة تعليمية يعني برمجة -تحليل – تدريس احيانا
    وfreelancer web developer
    يوما ما نفسي اعمل حاجه مهمه ..حاجه واحده علي الاقل مهمه فعلا))

  34. ودالزبير كتب:

    زووووووووووووول

    إنت من زمن أفراح عصام

    يازول نحن ناس عبير صلاح بس

    أوعك تقول لي عبير دي منو ؟؟

    بعضيك في عنقرتك

    تعريفه العنقره مراجعه كتاب بروف عون الشريف قاسم بتاع اللهجات السودانيه

  35. زووووووول كتب:

    عبير سلاه دا منووووو(بضم الميم)
    عدم معرفتها ليس مشكله . المشكله ينط ليكا فيها واحد زى المك يخليك تهضرب زى هضربة افراح

  36. زووووووول كتب:

    ود الخلا سلااام
    دا شنووو يا زوول ما تقول تذكرنى والذكرى ناقوس يدق فى عالم النسيان .
    الحق يا ود الزبير

  37. الزهراء كتب:

    الاخت مشاهده

    والله نحن ما زعلنا منك نحن كان قصدنا نعرفك بينا وبي القروب بتاعنا ومتمنين تكوني واحده مننا عشان كده كان التساؤل عن المكان الجغرافي

    وتاني بقولا ليكي ما تنقطعي نحن في انتظارك

  38. حاج أحمد السلاوى كتب:

    الإبنة مشاهدة ( شافت كل حاجة )..
    كدا رحيتى الناس كوووولهم بالمعلومات الجديدة ..أنا أول كنت بكتب وبخاطبك بخطاب الأخت دلوقتى عرفت إنك إنتى فى سن أولادى ..
    المهم إنو الناس بتتداخل هنا مع بعض فى مداولات فكرية تشمل كل أنواع العروض وأكيد بنستفيد من بعضنا البعض ..نحنا ( الكواشف ..يمكن ما تكونى سمعتى المصطلح دا قبل كدا ) ممكن نديكم بعضاً من خبراتنا المتواضعة فى هذه الحياة الفانية ومنكم نتعلم .. أقلها المصطلحات الجديدة وكمان فى مجال الكمبيوتر فى أشياء جديدة بتظهر يمكن ما نعرفها بحكم إننا ما درسنا كمبيوتر زيكم اليوم ( نحنا غايتو حصلنا آخر عربية فى قطار الكمبيوتر ..وقعدنا فيها ) ..
    المهم والخلاصة .. صدقينى إنك مش حتندمى أبداً إنك تعرفتى على الكوكبة النادرة دى ..حتى لو بعدتى يوماً ما ستعودى تانى وتالت ورابع ..
    مرة تانية مرحب بيك بين إخوانك وأخواتك وأعمامك ( وما ننسى جدك سهيل … ) ومع الأخ العزيز على قلوبنا كوووولنا وحادى الركب الفاتح جبرا ..
    ويا جماعة لا تزعلوا من أختكم وبنتكم مشاهدة لأنى حسيت إنها أخدت على خاطرها شوية من هجومنا عليها .. صافية لبن ؟

  39. الصادق ود البركة كتب:

    السلام عليكم ورحمة الله
    فجأتن حلت وهلت الأبنة مشاهدة التي سخنت الجو وكهربتو
    البوست كان عن 10 نقاط لبرنامج انتخابي لك لو عاوز تنزل انتخابات وبعد القراية وإعادة القراية وجدت النزلو برنامجهم عددهم 6 فقط أها الباقين وينهم
    بالنسبة لي :
    1ـ منع كل ينتمي لناس المهدي والميرغني والترابي ونقد من ممارسة السياسة وارسالهم مع جميع أفرادهم لمنفى أختياري.
    2ـ جلد المدعو حسن الترابي من كل زول سوداني سوط واحد لأنو ورطنا في الورطة الحالية المسماة (الأنقاذ)
    3ـإلغاء الجامعات المسماة أقليمية والأكتفاء بواحدة في الجنوب وبكل مديرية من مديريات الزمن الجميل بواحدة
    4ـ تحديد وظيفة ناس الجيش يعني مالهم دخل بالسياسة لا من قريب ولا من بعيد .
    5ـ جميع الكفاءات في جميع دول المهجر ترجع أجبارياً للسودان
    الباقي سيأتي

  40. د.ياسين شمباتى كتب:

    ود الخلا..سلام..والله انا لى يوم الليلة ممهووووول,,لكن كمان البرتكان ليهو اوان!! وقلنا اخير نبين المواقف من بدرى.

    ود الزبير..سلام..مروقنها تب..انت اكييد قصدك بتنا (عبير صالح) وكمان مفروض تنتبه لى ولدنا (شريف الفحيل)..اصلى بشجعهم من زمااااان ومالى بيهم صفحتى فى الفيسبوك..كدة انت فى السليم..

  41. مُخير كتب:

    الإبنة المشاهدة سلام
    الحلوين في كل مكان سلامات وجمعتكم مباركة
    نيابة عن الفاتح جبرا وأقطاب المدونة واسترايكر وكل الحلوين نرحب بقدومك الميمون ونأمل أن تطيب لك الإقامة معنا .
    مشكور وذ الزبير على ما جلبته من معلومات إذ انحن ما بنطلع من مدونتنا شبر

  42. حنين كتب:

    الاخت مشاهدة وكل المشاهدين .
    سلبامات .
    مرحب بالخت .
    ياجماعة أنا كلامكم دة كلو باقى لى كتر وداير أفليقا يخس عشان دة الزول الوحيد البنفهم فلسفتو وكدة .
    لكن ياود الخلاء باقى لى الكلام دة باقيلك زى …..الحمير…

  43. moshahidah كتب:

    ازيك تاني …كيف اصبحتو …

    دورتو ونسه وشغب شديد ..و دا طبعا يندرج تحت بند الخستكه ..وانا اؤيده في الاوضاع الطبيعيه لكن للاسف فترانه و ما اوكى الليله عشان اجاريكم …(*_*) لكن الpost زى حقكم وواحد خدو راحتكم
    —————————

    نرجع للواجب ..يعني شنو ما عندكم خطط ..البلد دى تمشي كدا رايحه ساى لمتين ..ما علينا ..شكلوا لسه بدرى خلى الموضوع يقرب والانتخابات تبقي علي الابواب امكن الناس تتحمس …عندى ليكم بوست تاني مسخن بس خليكم جادين ياخ ..وانا فاكره روحى ما جاده ..حاله صعبه شغب ما عادى …ههه

    ————————
    ترجمه :: كلامى دا ما فيه اي اساءة ولو تشابهت القصه مع احد الشخصيات الحقيقه فهو مجرد صدفه الكاتب برئ منها ..مافي زول يسرح و يرجع لى زعلان

    نتلاقي في البوست الجادى جدا خالص الجاى و الناس العملوا خطط سيبوها بجاى خليهم يكترو و نجيهم راجعين ..لعل وعسي

    ————————-
    دمتم سالمين …

  44. ودالزبير كتب:

    لو ملاحظه العبد لله أكتر زول جادي في الناس دي

    وعلى الرغم من إنك مشخت لي وماشغالها بالدرر القاعد أكتبها لكن ما مشكله الواحد من هسه جر بنبره وقعد في الصف القدام وحباب البوستات الجاده أها أدينا رأس الموضوع عشان الزول كمان يمشي يذاكر

    غايتو أكعب حاجه في المدونات دي إنو مافيها ماسنجر داخلي

    تيهت تيهت تيهت

  45. سهيل كتب:

    والله يا مشاهده امبارح قعدت كتبت 12 نقطه مش عشره لكن النت قطع فجأتن و لما رجع لقيت كتابتي كلها راحت .. قمت زعلت و ابيت اكتب تاني .. اها شفتي الجعلنه دي كيف .. مامشكله نتلاقا قدام و حقك علينا انا وود الزبير

  46. التركى كتب:

    وعلى الرغم من إنك مشخت لي وماشغالها بالدرر القاعد أكتبها لكن ما مشكله الواحد من هسه جر بنبره وقعد في الصف القدام وحباب البوستات الجاده أها أدينا رأس الموضوع عشان الزول كمان يمشي يذاكر

    غايتو أكعب حاجه في المدونات دي إنو مافيها ماسنجر داخلي

    تيهت تيهت تيهت

    لكن ياود الزبير حيرتنى عديييييييييل كدة بقرا فى كلامك واضطريت أعيد الأول كله ياخ ارحمنى أنا مت من الضحك … لك الود والأشواق

  47. حاج أحمد السلاوى كتب:

    الإبنة مشاهدة ..
    البوست الجاد الجايى دا أوع يكون من القطع الناشف ..
    وبعدين ..دا نظام حندكه ولاّ شنو ..؟ولاّ إعلان زى بتاع الأفلام ..ترقبوا الأسبوع القادم فيلم الآكشن |..رامبو ..
    على أى حال أهو نحنا منتظرين ..بس قاعدين الصفوف الخلفية ..اللوج خليناهو لحبيبنا ودالزبير وجماعته .

  48. سهيل كتب:

    جدو : جماعة ود الزبير ديل منو ؟؟؟؟؟؟؟؟

  49. محمدحسن كتب:

    بسم الله الرحمن الرحيم

    مَرَحب بأختنا ( مُشاهِدَة ) بينَ أهلها وَ إخوتها
    وَ اعتذار أن تـأخرنا في ترحيبنا لكِن ـ مَا شاء الله ـ
    أحبابنا أبدَا مَا بيقصِّرُوا 🙂
    ؛

    وَ في انتظـَار الجَديد وَ ( القـَديم ) المَا قدَيم يا مُشاهِدة 😉
    ^

    وَ دَا برنـَامج أخوكمُ ( الأجندَة العَشرَة ) :
    1- مُحاكمة وَ مُحاسَبة وَ مُعاقبة الحُكومَات السَابقة ( أفرادَا وَ جَمَاعات ) !
    2- التـَوَجُّه مُباشرة فِي عَملية ( جَرد ) للأجهزة وَ القـُوَّات النظـَامِيَّة ( أفرادا وَ جَماعات ) الهَدفُ منهـَا تصحيح مَسارهـَا وَ تجويد أدائهـَا وَ الإرتقاء بهـَا وَ تقويتـَها وَ رفع جَاهزيتها وَ قـُدَراتهـَا !
    3- ثـُمَّ إعلان حَالة الطـَواري فِي البَلاد وَ قفل أجوائها وَ مياهِها وَ حُدودها !
    4- التنـَصُّل مِن جَميع الإتفاقيَّات وَ المُعاهَدات السابقةَ وَ المَاحِقة !
    5- إعلان الإنفصال عَن منظومَات ( الأمم المُتحدَة ) وَ هيئاتها وَ مَجالسها !
    6- إعلان ( تـــَطبــيق الشريعة الإسلامية ).
    7- نـَقل ( العاصِمة ) إلى جُوبا !
    8- .. قطَع إرسال الإذاعَة وَ التلفزيُون !
    9- .. … !
    10- إذاعَة البيان الأوَّل !
    ……………………………….. وَ الله يَستـــــُر عَليَّ 😉

  50. حاج أحمد السلاوى كتب:

    ولدنا سهيل ..
    سجمنا ..شكسبير ما بتعرفو ؟
    أمانا عاد ما اتلومت لامن اللوم رقد جنبك …
    إنت ما قريت فى مداخلة ودالزبير قال هو جاب بنبروا وقعد فى الصفوف الأمامية فى إنتظار البوست الجديد حق بنتنا مشاهدة..دا ما ياهو اللوج زااااتو ..ولاّ إنتو الشباب ديل ما بتعرفوا إصطلاح اللوج دا ..كدى أسأل واحد من أعمامك الكواشف الجنبك ..اللوج يعنى شنو !!
    غايتو جنس ..لوج ..!!!

  51. سهيل كتب:

    عمنا يا خطير إنت يا بتاع ” كوبر و الحلفايا ” أنت … ولا اقول ليك تلقاك زمان كل يوم خاشي الدور التاني في كلزيوم و في رواية ” النيلين” مع الديامه ..

    نحن ناس “شعب” سااااااااااااااااااكت ..

    ياحليل زمان .. الإنقاذ انقذتنا من السينمات جنس إنقاذ ..الله يجازي جماعة ود الزبير و الكان السبب

  52. البشاوى كتب:

    المشاهدة سلام
    عذرا لعدم التداخل من بدرى والسبب المباشر ياها الحملة الانتخابية دى
    المشكلة الناس اللاميها عشان اجمع التوقيعات والذى منو مامقتنعين انو فى زول عاقل يترشح لرئاسة البلد المسخوتة دى – ولسان الحال يقول هو اللى قبلك عملو ايه ؟
    عموما انا ملح ومصر على الترشح — فى حد معترض – نزل ايدك يازول — اهو الفايز للاثاثات حيكون قاعد وفاعد — اهو تغيير فى البرنامج وممكن الواحد يلقى ليهو صوت صوتين كدة يعمل تحالف مع الفايز للاثاث والديكور انشاء الله وزارة ثروة حيوانية – مش بطالة
    ودمتى
    نرجو مواصلة التدوين

  53. moshahidah كتب:

    وينك انت يا محمد حسن الناس ديل فهمونى غلط وشاكلونى 😦

    لكن خلاص حرمت تانى حارجع الكلمه الف مره ..البلد دى صعبه ..

    البشاوى …
    خلاص جهز برنامجك الانتخابي و استنى البوست دا حيكون قاعد كدا لحد ما الامتحانات ….oooops قصدى الانتخابات تقرب ..كلها 4 شهور …يا بلاش

  54. محمدحسن كتب:

    😆
    دَا مِن طيـبتـُهُم يا مُشاهِدَة وَ حِــنــِّيــَّتـهُمُ وَ الله
    ناسنا أهل القـَمردِينة ناسَ مَحَبَّة يا مُشاهِدَة هُم ناسِك وَ ناس أخوكِ
    وَ إحنا نـَاسهـُمُ
    😎
    وَ إن شاء الله بَراكِ ( حَبَّه حَبَّه ) هَــتشهـَدِي ليهـُمُ 😉
    بَس الوَصِيَّة مَا تـَقطــَعي مِنهـُمُ وَ لا عَنهـُمُ
    وَ أبدا أبدَا مَا تــَشيل الهَم بـينــَاتـهُم وَ مَعَاهُمُ 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s