اخوتي و احبتي سلام الله عليكم .. وردت الي رساله الكترونيه من موقع علي سعد علي تحمل بين طياتها هذا الخبر ..
“في خطوة مفاجئة أصدرت وزارة الرعاية الإجتماعية قراراً بمنع الزيارات إلى دار الرعاية بالمايقوما وإنتقد دكتور محمد الجميعابي ، رئيس منظمة أنا السودان الخطوة وقال إن القرارغير موفق ومن شأنه أن يقطع التواصل بين المواطنين والدار ، وبحسب صحيفة الوطن اوضح ان الدار تحتاج إلى الزيارات التى قال إنها تخفف عن الأطفال”.
المصدر..النيلين
لا ادري أصحيح هذا الخبر ام لا .. فلنفترض جدلآ انه صحيح .. هل يصب مثل هذا القرار في مصلحة اطفال الدار ؟ ام انها محاولة تحجيم لبعض الأشخاص من القائمين على امر الدار ؟
اليكم رابط الخبر .. و ستجدون هناك تعليقات القراء التي تحتاج لبوست كامل لوحدها ..
سوداننا 
اليكم احبتي رابط الخبر :
http://alisaadali.com/community/viewtopic.php?f=1&t=29208
سهيل..سلام..
طبعا دى قمة الفوضى وقلة الحياء,,ما اوردوا اى تبرير ؟؟؟اكيد التحجيم والصراعات الشخصية وراء كل هذا…والله البطن طامة وما قادر اقول شئ..الله المستعان..
اسعد الله اوقاتكم بكل خير
ياجماعة الخير بغض النظر عن القرار
ولا كويس انوا القرار بقى سبب عشان نفتح الموضوع دا
يعنى من الاشياء التى تفرح القلب وتسعده وتشعرنى بروح التعاضد
انوا كل ما اخش منتدى بلاقى همة وتبرعات لاطفال المايقوما
ولكن بعد مضى مدة من المتابعة من شخصى وترصد لاى ظاهرة سودانية
وجدت ان الموضوع اصبح موضة قولوا لى كيف
يعنى مثلا ناس من مدينة تانية فى السودان من المدن الوسط فى الحجم
مافى داعى للتسمسة بيقوموا ناس منهم يقولوا ليك
عايزين نعمل مساعدة لاطفال المايقوما
انا اعترضت !!!ليه ؟؟؟
لانوا حسيت انه فى البلد دى فى اطفال ايضا زى ناس المايقوما وفى كل شبر من السودان لكن انت تخصص تبرعك للمايقوما وتخلى اطفال بلدك الظاهر اناو الحكاية موضة وفرجة
شوفونا ونتشاوف
وهنالك سؤالك المهم اخونا (سهيل)
هل هنالك من مصلحة
برغم ان لا نستبعد ان يكون هنالك مصالح شخصية واحقاد سودانية فى الموضوع
الا ان المصلحة تقتدى ان لا يجب التزاور بهكذا طريقة (حديقة الحيوانات )
او المنتزه اعزرونى على التسمية ولكن خذوا منها التشابه
بهكذا صورة مفتوحة من الشعب السودانى الابى الحنين
معناته وضع الاطفال فى تلفزيون الواقع وليس الحياة الحقيقة
واغتيالهم مرة اخرى بالتحشر والفرجة
ومرة اخرى لابد من تفعيل
قانون التبنى القيم ليندمج هؤلاء فى المجتمع خاصة للاسر التى لم تنجب
وكفالة واحد من هؤلاء بصورة حية او اى وجه من اوجه الكفالات لهى خير معين لهم دنيا واخرة
ولنحجب اعيننا عن الفرجة فى هؤلاء الاطفال
ولتغلق متحف المايقوما وليكون يوما واحد للمشاركة بعمل يوم ترفيهى يراعى اوقات راحتهم وطفولتهم …واسليب الرعاية
تنكوشة
على وزن تخريمة
يزكرنى هذا الموضوع بموضوع الامريكية التى اجبت هى وزوجها تؤمين ثم انجبا 6 تؤام فى الولدة الثانية وتبنت احدى القنوات عرضهم على الواقع وانظروا ماحدث طلق الزوج الزوجة والاطفال اصبحوا يعيشون حالة من الفصام بين ايدى المصوريين والزوار الذين كاناو يساعدونهم على حد قولهم
تابعوا هذه الماساة فى ام بى سى فور اما على برنامج
اوبرا او الدكتور فيل
عجايب غايتوا
ودمتم فى امان الله
يا جماعة انا مشيت الدار دى قبل سنتين وشفتها والله حاجه تحزن تحزن بجد ,والناس هى البترفع المعنويات وبقلبك ماتعرف تشتم منو ابواتهم البلد المهم بتكون فى حالة لا وعى والله حرام البحصل
الطفل اصغر من يد الانسان ويادوب بمساعدة الناس ماشى الحال
بعرف ناس خلوا حق الشيشه شهرى للبامبرزز وعاملين حاويات فيها إحتياجاتهم من لبن وغيره
لكن اذا جينا للحق لييييييييييه فى فرق بين المايقوما الفى وسط الخرطوم والمايقوما الفى الحاج يوسف بتاعت الحاج يوسف مالاقيه رعاية نهائى
واحنا نقول ربنا يهدى الجماعة ديل لكن على استفسر فى الموضوع البوجع القلب ده
بحكى لى احد اخوانا كده فى واحد من الاجتماعات قال لى لمن اخوانا العنده دقن مترين قام يحلل ويحرم براهو قربت اشيل نعلاتى واديه زى ماادوا بوش لكن بنات حوا الفى الاجتماع نجيضات وضبوه
على فكره فى خيرين بنوا عنابر وعملوا مكيفات والعاب وغيره واضعف الايمان واحدين بجوا يزورا
واتخيلوا الواحد لا عنده ام ولا اب مجهول الهويه وكتر خير اولاد البلد
والتانين البمنعوا الزياره نسميهم شنو ما اولاد بلد
كسرة :
نعيب زماننا وما لزماننا عيب سوانا
ياريت البيت اكون قلته صاح
هى وزارة الرعايه قادرة على الفى الشارع لمن تمنع الزيارة سبحان الله
سهيل شكرا ليك ياغالى على الموضوع دا بس أنا ماعارف الناس مالا شايلا نفسها كدة ماهو طبع رجال الدولة والمؤسسات عندنا بدلما يشوفو العيب وين ويصلحوهو يقومو يمنعو تقصى أخباره.. يعنى سعادة الوزيرة بدل ما تصلح الحال وتخلى الناس البتعكس صورة الدار المزرية دى تعكس انجازاتها فيه تقوم تختصر الطريق وتمنع الناس من الاطلاع على الحقيقة أتمنى انو الاعلامين ماييأسو ويتابعو عن قرب ..
بتنا لمى : التبنى موجود بس برضو فى ناس بدو يستغلوهو للآسف لأنه المتبنى بدوهو مبلغ معين شهريا والمفروض لوائح الدار تتعدل عشان الحكاية تكون بطريقة أفضل . حكاية الفرجة دى مابوافقك عليها خاااااالص
الراعى : الأطفال التانين الاتكلمت عنهم ديل الخير واصلهم بس ماقدر ناس المايقوما ولأسباب للآسف عير مقنعة . بمناسبة التشريع دى ياخ ديل منعو واقى من التوزيع فى يوم الايدز العالمى بحجة انو بحرض على الفاحشة بين الشباب وخلو حاويتين فى المينا لما انتهت مدتهم وماعرفو يودوهم وين …
المشكلة ما في الدار إذا عرفنا السبب بطل العجب . كان في الماضي يعتقد أن التي تأتي بهذا الجرم تكون محتاجة وما بت ناس ، لكن زيارة للدار توريك إنو الأطفال ديل أولاد عز عديل حلوين ومبغبغين ؟ كمان هناك مقولة أن بعض الأمهات الشاردات يأتين ليلاً لإرضاع بعض الأطفال .
المهم كم النسبة الشهرية؟
– السنوية؟
كم يكون تعدادهم بعد عشر سنوات؟
طبعاً بعد الواحد ما يكبر يقول أنا جعلي .طيب الأتراك عملو شنو زمان سنة 1821 م والله حكاية
حكايتنا بايظة كتير. تصدقوا ما فيهم أولاد فلاتة .
طيب الطهور ما قالوا يحمي البنت من إرتكاب الزنا ولا الحكاية شنو.
هناك قضايا مسكوت عنها كتير بهذه الحقيقة إنو العرق دساس ولا شنو يا جماعة أصلو عرقكم دا بس وسط الخدم والعبيد . أولاد الحرام كتار والبطن بطرانة كذبة …. يعني من زمن الأتراك والمصريين المسألة ماشة ساكت يحيى الفلاتة بنشابه من بوركينا فاسو إلى الصومال ، ومن مايرنو إلى أريحا بالقدس نحن من عهد 3500 ق.م من تاسيلي إلى مينا وتيتي وإيكا وإبا ومن اليمن . على فكرة اليمانيين دخلو السودان منذ عهد بعيد وتزوجوا وتمازجو ما في واحد قال إنو خلطة نوبية مع اليمن بس طوالي إلى …. السادة الأشراف. أهلنا الفولاني هاجروا إالى الجزيرة العربية من أجل الحج كانت الرحلة تستغرق سنوات طويلة تزوجوا من اليمن وباكستان وغيرها وبعد كل هذه السنوات يعود أحفادهم إلى أ فريقيا أشرافاً وعرباً.
حقيقة هي لماذا هاجر العرب من الحجاز ؟ والله ديل كلهم فلاتة. عشان كدا الجماعة الما عارفين يقولا نوبة . ولنا عودة مع أطفال المايقوما وبنات الخرطوم . وأقصد قاطني الخرطوم لأنها أصبحت لامة من كل الجهات فأقصد المنحرفات والعتبى للشريفات الصابرات فهن كثر ولله الحمد
حقو ياجماعة نأخذ المسألة جد وخليكم من الفلاتة فطاعون العصر يهدد الأسر وتلك هي القضية
يا ولد واقي شنو والله دي ذاتها المشكلة …إنت تجيب البلى وتقول لي واقي يمكن يتقدى كدى يمكن فهمتها…
يا جماعة التربية التربية يعني الواحدة ترقد رقدة الأزواج وتقول المسئولين خليكم عاقلين شوية … طيب أطلب منك طلب بسيط أمشي إشتري كمية ووزعها عند أسرتك والجيران وقول لمحاربة الإيدز
خليكم عاقلين شوية …
طيب المسألة إنك كيف تقنع البت إنها ما تمارس الجنس ودي الفرش وأعتقد إنو الواقي ما بنفع في الحالة دي …الزواج المبكرهو الحل … والطهور كذبة….
معليش يا جماعة كلامي جارح لكن يجب أن نفكر بعقل
ودمتم وكل واحد ما يفك قاشو وكل بت تعمل حسابها وما تتغشى وهاك يا فضايح
سلامز
قبل أيام أصدرت وزارة الرعاية الاجتماعية قرارا بتغيير مدير دار الضو حجوج لرعاية المسنين لأسباب غير معروفة و إستبدالها بسيدة من الوزارة مما أدى لإضراب النزلاء عن الطعام
و قد كان المدير السابق للدار خير مدير و قد كان صديقا لكل النزلاء و تعلق بهم و تعلقو به بدرجة كبيرة بيحث أصبح يمثل لهم الابن الاكبر او الساعد الأيمن
قرارات غير مدروسة و لا يتم اصدار تبرير لها
الله يكون في العون بس
الجماعة دبا يا خواننا نما خلو حاجة حتى دار الأطفال اليتامى والمسنين لحقوها ؟ عفيت منهم ..شغالين مقاشيش سااااااكت زى المنشار طالع ياكل نازل ياكل ..غايتو بعد دا كل زول يخلى باله من لغاليغو … لو الزول صحا من النوم الصباح وما لقاش لغاليغو أنا مش مسئول ..واللغاليغ اللى فى السوق كووووولها خلصت وما عادش منها حاجة والموجود بقا سوق أسود …ومنيّل .
الله يجازيك .. يا عادل إمام .
سلام ..
يعنى القصه احزن من حزينه ..و اتمنى تكون اشاعه ولا اى حاجه مع انو النيلين ما ناس اشاعات على ما اعتقد …
زول يتأكد لينا عشان لو الكلام بالجد نعمل حمله و نقلب الدنيا ..اصلا برانا ما ناقصين نكد ..يعننى الزول كان بقوا هدى لسه فى حاجات كويسه ومايقوما ولسه البلد بى خير ..
انا جاده اتأكدوا ونعملا حمله فى الفيس بوك ..في يومين بنلم الشعب العاطل الزهجان دا …
—————————————-
p.s
بالنسبه للمايقوما ..دايما القصه دى بتذكرني بالموضوع الاساسي وهو كفاله اليتيم ..ودى برجع فيها بتدوينه كامله عشان عندى فيها نظريه انا وصحبتى ..
——————————
وجه الحبيب سهيل
بقية الأخيار الأبرار
السلام عليكم
ما خليتوا حاجة تنقال وعجبني كلام حاج أحمد السلاوي، غايتو مصايب البلد والحاصل ليها والحيحصل أكبر من دار المايقوما التي ما هي إلا إحدى نتائج الخرمجة الحاصلة على الصعيد الإجتماعي وآثارها الإنسانية، لكن البيدو القلم ما عاوز إزعاج وفضايح، وقليلي الحيلة عملوها موضوع وعشان ما يكون باب الريح قالوا نسدو ونستريح، غايتو القادر بيسوي والله يقدر الجميع ….
المشاهدة: يديك العافية يا بنتي وحماسك يُبشر بالخير شكلك إضافة نوعية عن جد الله يباركك ويكثر من أمثالك عشان حال البلد المايل ينصلح كان ممكن ينصلح وسلام للجميع !!
كمان ياجماعة البت لمن تقلع موضع عورتها دي كمان فيها جماعة البلد … ما تخلو البلد شماعة يعني نحلل الزنا في حاجة إسمها تربية … الأرزاق بيد الله والناس ما بتصبر ..ما نفتش عن المبررات في حاجة إسمها الشيطان ما قلتو الطهور بقلل الحاجات دي… قاتل الله الفضائيات وأصحابها والموبايلات وسوداتل.. والمكالمات المجانية أواخر الليل والجنس بالهاتف وحاجات تانية كتيرة … قبيل نسيت أقول حاجة هناك آخرون مسكوت عنهم عند الجيران وإذ المؤودة سئلت …يا جماعة في بنات صايعات وبتاعات بنقو … وبنات هوى.
التحية للجميع والموضوع ما إنتهى
بالله يا (عمو) السلاوي الواحد لمن ياكل مال اليتيم بدل واحد مئات من اليتامي ده يكون بشر ؟ ديل ما بشر ديل اليهود الذين شبهوا بالقردة والخنازير افضل منهم علي الاقل رحماء علي اطفالهم اليتامي والمسنين….اللهم ارنا فيهم يوما احمرا
اللهم ارنا فيهم يوما (احمرا)
امين ..
يارب..
العالمين…
ابكرون ونونو..لا,,نريد فيهم يوما اسودا..
يسن ..نونو … أبكرون ..
خلوهو أسود ..ومنيّل كمان ..