لي خير ..(لخير قادم)

Posted: الثلاثاء,10 نوفمبر, 2009 by moshahidah in اخرى
الوسوم:, , , ,

لي خير ..(اى ما حدث ما هو الا سبب لخير قادم ..اذا صح تفسيرى)..

لي خير هي جمله ..او لازمه اعتاد ان يرددها احد زملاء العمل ..شاب متدين ..يقولها باقتناع و نصدقه ..حتى اصبحنا كلنا نقولها ..(الله يذكره بالخير)

وهذه الكلمه ما هي الا تذكير بالايه الكريمه : (و عسي ان تكرهو شيئا وهو خير لكم ) ..

تذكرت الجمله (لى خير)..اثناء متابعتى لاحدى حلقات  برنامج للداعيه عمرو خالد تحدث فيها عن هذا المعنى ..اثناء تحليله لقصه نبي الله موسي عليه السلام والخضر حيث صغب عليه توقع و فهم الخير الذي يكمن في خرق سفينه وقتل صبي واقممه جدار لقوم لا يستحقون ..كما ورد فى سوره الكهف .

بعد متابعه البرنامج جلست اتذكر احداث كبيره عاصرتها واطالع تبعاتها الخيره رغم السوء الظاهر بادئ  الامر ..

مقتل الطفل الفلسطينى محمد الدرة 2000 (ما زالت الصورة بذهنى تماما كما تذكرتموها الان)

النتيجه : انتفاضه فلسيطينيه كبيره جدا

11/9/2001

اسطدام طائرتين بمنبى التجارة العالمى بنيويورك ….اكبر عمليه ارهاب معاصره على حد علمى

النتيجه بعد زمن …جدل حول الاسلام مما زاد معرفه الناس به بغض النظر هل كانت معرفه حقيقيه تؤدى للايمان ام مجرد معلومات مغلوطه ..كله خير المهم يسمعوا به .

ظاهرة الاحتباس الحراري

النتيجه : توجه عالمى نحو الطاقه الخضراء او الطاقه البديله ..برضو بغض النظر انو لسه في اصرار من بعض الدول والشركات لكن اصبحوا في خانه  الشخص الشرير المتخلف عن الحضاره

انهيار الاقتصاد 2008

النتيجه : فضح السياسات الماليه الفاسده ..الدعوه للتعاون الدولى

بعض الشركات الامريكيه الكبرى اصبحت شبه مملوكه بواسطه عرب (زى ما القطريين والسيارات) او اسيوين ..و هذا على ما اعتقد شئ جيد .

الحرب على العراق 2003 ..

النتيجه / سقوط نظام جائر ..فان الله عز وجل يقيم الدوله العادله ولو كانت كافره ويزيل الدوله الظالمه ..

كما ان هجره العراقين رغم انها امر حزين لكن تؤدى لتمازجهم مع العرب الذين يستضيفونهم

كل شئ انما هو لسبب اكبر من فهمنا القاصر على اللحظه ..و عليه فالحمد لله حمدا كثيرا مدبر الامور .

حتى على الصعيد الشخصي ..علمنى الفلس مثلا كم كنت اعيش دون ادراك لمعاناه الاخر دون تصور ..علمنى الفرح بشئ بابسط الامور ..

——————————-

ماذا عنكم ؟

هل ترون اى حدث كبير كان ام صغير ادى لخير ؟

و دمتم سالمين

مشاهدة

http://moshahidah.wordpress.com

Advertisements
تعليقات
  1. طارق أب أحمد كتب:

    و نعم بالله
    كشف حساب مختصر
    أين الخير فى أدناه
    ثورة الأنقاذ
    تحرير الأسعار
    الوقوف مع المعتدى الغاشم على الكويت
    مساندة الأرهاب بكافة أشكاله من كارلوس وبن لادن إلى معسكرات الأرهابيين
    تاجيج اوار الحرب ثم إخمادها فجأتن بعد هلاك نص الشعب الأصلن هلك
    تسليح القبائل فى دارفور و إدارة مشروعات زراعة الفتن و الأحقاد
    تسليح بعض القبائل الجنوبيه و أدارة الفتن و الحروب بالريموت كونتدولار حتى اليوم
    ب
    خصخصه و بيع المشاريع المنتجه فى كل البلد لصالح أشخاص بعينهم
    نهب ثروات البلد بحجة أقامة مشاريع بينما المشروعات الأصليه بيعت بثمن
    بخس
    وووووووووووووووووووووووووووووووووووووووووووووووو

    و أين الخير فى موارد بترول السودان غير زيادة أستهلاك أدوية الربو لشركات الدواء

  2. مشاهدة و عزيزي أب أحمد سلام

    يعني الخير الا يعم ما الجماعة غتسوا في الخير لي هنا (يشير بأصبعة الى رقبته)….

  3. حاج أحمد السلاوى كتب:

    يا جماعة طولوا بالكم شوية ..وأدوا الناس فرصة ..دى يا دوبك أول عشرين سنة ..ودى عشان تحديد نوعية المشاكل والإختناقات ثم تاتى بعدها العشرون سنة التانية عشان البدء فى إيجاد الحلول المناسبة للإختناقات دى ..وبعد كدا يبدأوا فى تطبيق الحلول الغير مناسبة حتى يرجعوا بعد كدا للحلول المناسبة ..ولامن يحلوا القضية يكون شعب أمازونيا كووووولو إنقرض وما فضل فيهو نفاخ النار ..ويجى شعب جديد ويبتدى المسلسل من أول وجديد ..
    توتا توتا خلصت الحدوتة ..حلوة ..ولاّ ملتوتة ؟ العارف الجواب يرفع إيدو ….. فندى …فندى ….فندى …
    وتم حجب الجائزة …لعدم وجود إجابة صحيحة .
    وما تقطعوا الجوابات …

  4. سهيل كتب:

    والله يا طارق إنت متشائم شديد .. اولأ كلام اختنا مشاهده صحيح إذا نظرت إليه ببعد نظر و قرأت المستقبل بعين ثاقبه لأنك سوف تجد إجابات لأسئلتك عن الخير حسب كشف الحساب بتاعك .. اصبر شويه زي ما قال ليك جدو سلاوي كلها كم و كمين سنه كده بس .. و حتشوف .

  5. البشاوى كتب:

    المشاهدة
    كلو لى خير —
    احيانا نطلقها مع زفرة وآهة لاأدرى أهى تعزية وتخفيف وطأة مالايسر عند حدوثه– أم لإيمان بأن الله قدرماحدث (وعسى أن تكرهو شيئا وهو خير لكم)
    ———————————————————————————————-
    مداخلة أب احمد بها صدق معاش — ودعابة لطيفة – اصلو ناسنا ديل ياأب احمد الخير يحرسوه والشر يطلقوهو

  6. طارق أب أحمد كتب:

    تعرفوا يا أحباب
    الموضوع دا ما يستعدل إلا بعد ما نشوف سديقنا ود الخلا حيقول شنو

    الأستاذه المشاهده
    إذا كان دا موقفك من الأعراب و العجم ((المشاهده فقط)) ف إن شاء الله ما تشوفى إلا خير

  7. التركى كتب:

    يالمشاهدة كدى النشوف الجزء الفارغ من الكباية :
    مقتل الطفل : استثمر من قبل منتفعى الحرب باسم الانتفاضة بينما مات آلآف الأطفال من بعده .
    مبنى التجارة العالمى : مكنت بوش من القيام بما لم يكن يحلم به من اطماع وامتيزات بمساندة دولية .
    الاحتباس الحرارى : صلتو الجشعين على قوت الشعب وحتى القمح بقى فى مشكلة .
    الانهيار الاقتصادى : العرب الطالعين فى الكفر اصلا ضيقو الخناق على المساكين اكتر وحولو اموالهم عشان يسيطرو على الشركات الامريكية والاوربية .
    احتلال العراق : تطبيق نظرية الدكتاتور المخلوع (عليا وعلى أعدائي) .
    أب أحمد : خيرها فى غيرها ….

  8. مشاكل كتب:

    سلامز

    ينصر دينك يا ود الخلا

  9. عباس الزاكيابي كتب:

    يجب التفاؤل دائما وايضا لا ننسي قوله عليه السلام ان امر المؤمن كله خير سوا اصابته نعمة أو نغمه

  10. moshahidah كتب:

    سلام ..
    عايزه ارد عليكم واحد واحد بس كان يوم طويل ونعشانه شديد ..
    امكن لى خير ^_^

    —————–
    بس قلت ما تقولوا ما برد ..و لى عوده ..تصبحوا على خير

  11. طارق أب أحمد كتب:

    نعشانه شديد !!!!!!!

    (^ب^)

  12. ودالزبير كتب:

    غايتو أنا مستني الرد على الناس الفوق ديل بعدين بقول رأي

    النعشان في ذمه الصاحي

  13. زووووووول كتب:

    مشاهدى الاعزاء سلاام عليكم ورحمة الله وبركاته
    مرحبا بنا فى دارك يا مشاهده ونسأله ان يحلل عقدة من كى بوردنا كى تفهمى قولنا .
    تقول مشاهده ((بعض الشركات الامريكيه الكبرى اصبحت شبه مملوكه بواسطه عرب (زى ما القطريين والسيارات) او اسيوين ..و هذا على ما اعتقد شئ جيد .
    ويقول الزووول : بكل اسف لن يستفيد الاسلام من اموال بعضهم التى وجهوها لشراء مانشتر سيتى وبورتسموث وبعض حصص ليفربول فهؤلاء لا يزالوا يخوضوا ويلعبوا ولن يوجهوا اموالهم لدعم الارهاب فى فلسطين والعراق وغيرها .
    اما العراق يا عزيزتى فلم يجن خير حتى الان وبعد ان كان وكان هاهى حرائره تضطر للاكل بطرق بشعه وهاهم رجاله بين طريد وقتيل وجريح . نعم كان صدام دكتاتورا ولكنه كان اروع بكثير من ناس بريمر والمالكى والجلبى وزيبارى واوباما . وكان خيرا للامة من ملاك ART والجزيره ومانشستر سيتى يا سيدتى وفى هذه الحاله ولاننا لم نر خيرا حتى الان سنقول مثل ما قال الكليم اخرقتها لتغرق اهلها لقد جئت شيئا نكرا .
    كسره : ورغما عن هذا يظل قول ربنا
    (وعسى ان تكرهوا شيئا وهو خير لكم وعسى ان تحبوا شيئا وهو شر لكم والله يعلم وانتم لا تعلمون) اصدق من كل قول وجاييكم بعد ما يجى ود الزبير وبعد النعاش يروح .
    كسره : شكرا عزت على تعليقكم الرائع (يعني الخير الا يعم ما الجماعة غتسوا في الخير لي هنا (يشير بأصبعة الى رقبته)….)) وسلم ليا على ناس كولا لمبور وناس بتروناس الثقه اساس النجاح .

  14. nono كتب:

    مشاهدى الاعزاء سلاام عليكم ورحمة الله وبركاته

    من داار الاذاعة نرحب بالاذاعي (زوووووول)

  15. nono كتب:

    ياااااااااااااااااناعش!

    الاجفااااااااااااااااااان!!

  16. moshahidah كتب:

    سلام يا قوم …

    كيف الحال ..ان شاء الله طيبين ..

    طبعا شكلى ما اتوفقت اطلاقا في الامثلة ..^_^..
    لكن الفكره ما زالت تغرينى بالبحث عن وجه مشرق للتعاسه ..
    من السهل جدا ان انظر للنصف الفارغ بدون جهد نسطيع كلنا ان نقلب اى سعاده لشئ باهت ..واي حزن لمأساه ..

    و لذلك كان التفاءل ..الامل ..و الحلم ..صفات يصعب الحصول عليها و لا تدوم مع المرء الا بجهاد حقيقي مع نفسه والاخرين ..

    لفتره من الزمن كنت اكره عملى و اصحو “مخنوقه زى الطفل الما بحب المدرسه” لكن بت خالتي قالت لي كلها 8 ساعات ! ما ضرورى يعنى تكون رهيبه .

    ارجع واسأل مافي اي حاجه في حياتكم كانت مره و و ظهر النور في الاخر و اتأكدتوا من انها كانت في الاصل خير ..

    —————————————————————
    في كم نقطه كمان في الموضوع دا :
    -في حاجات طبعا بتكون غضب منه عز وجل و ما اعتقد في زول بقدر يحدد اي حاجه بتحصل ليه هل هيا غضب ام امتحان ..الا لو في حاجات بستدلوا بيها اهل العلم ..
    -بعدين مصائب قوم عند قوم فوائد ..
    -دا غير انو الحياة الدنيا ما بتتقاس باعمار الافراد ..و للاسف احنا بنعاين بنطاق ال 60-100 سنه البنعيشهم ..(زى مثلا نشوف العالم الاسلامي خلال السنين البعد 84 و ننسي انو العثمانين قعدو كم قرن و كانوا قوة عظمي )
    فلو في حاجه حاصل اسي امكن تكون اساس لعهد مجيد لانقلاب لاي حاجه احلى ..زي ما بقولوا لازم الكيرف يصل حدو الادني قبل رحله الصعود .

    والله اعلم (^_^)

    اها رايكم شنو بس ما تكونوا نعشتوا ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s