غادر ابكرون امدرمان

Posted: السبت,5 ديسمبر, 2009 by ابكرون in اخرى

قد غادر ابكرون امدرمان من متردم وعاد قافلا لمنفاه حزينا ومتألم

-اجازة كانت ممتعة وحافلة استمتعت خلالها بزيارتين من مجموعة من الاخوان وكذلك رحلة الجريف وكانت الزيارات الاولي يتقدمها المايسترو المناضل البيشاوي بمعية افليقا واسترايكر ( قبل النيو لوووك ) وسهيل ….

 الزيارة الاخيرة تقدمها جبرا والبيشاوي وافليقا ومحمد ابراهيم وهو مدون جديد يشبه الود استرايكر ) الشكرلمن اتصل مودعا واخص التركي وسهيل اعترف بتقصيري تجاه الجميع شي انشغال مع البيت الما عايز يتم وشي سفر

 افليقا : شكرا علي البتاعة خلينا نسميها (عم ابرق) عايز بسرعه المكونات والنسب ولو في امكانية تصدير للخليج…..

  جدنا السلاوي افرح اها حليمه رجعت لعادتها القديمه ( عالم حاسده بشكل )

Advertisements
تعليقات
  1. محمدحسن كتب:

    فِي حفظ الله وَ رَعايتِهِ
    رَافقتكـُمُ السَلامة أستاذنا أبكرُون 🙂
    وَ إن شاء الله لَمَن تـَرجَعُوا فِي الزيارة الجَايَّة بعَون الله
    تـَلقى البَلد لسَّه ( مَرسُومَه ) فِي الخـَارطـَة
    وَ أحسَن مِن الكـَان وَ كـَان
    😉

  2. حاج أحمد السلاوى كتب:

    أخى الكاشف أبكرونا ..( قال جدنا السلاوى ..قال )
    أشكى ألم الفراق وابكى لمين أنا ..أو كما قال الفنان الذرى ابراهيم عوض ..
    لاكين صدقنى لم أفرح لأنى أعلم هذا الشعور المؤلم وعايشته فى كل المرات العديدات ..وتوصل بيغادى ويكون تفكيرك كووووولو لمدة أسبوعين تلاته بيجاى ..والسؤال ( الما سغيروووونى ) يا سديقى العزيز ( إقتباس بس يا ودالخلا ) هو نحن حنظل لمتين فى الزواعة والإنقسام العائلى دا ؟قول العافية إن شاء الله ..
    الحكاية الغريبة إنو لحد حسه أنا ما قادر اشوف خلقتك دى إلا فى صور الرحلات .. غايتو جنس مِحن !

  3. ابكرون كتب:

    شكرا يا د. محمد اكيد ما حتتلقي البلد في الخارطة لانها اسهبدأت تتناقص من اطرافها… لا حظ اخي في قوقل ايرث كيف انه قمرهم ماسح ال مليون ميل مربع بوصة بوصة لمصلحة من هذا ؟ بلد هامله وحكومتنا كريمة في طناشها عن حلايب وغيرها…..
    يا حبوبه (كان احسن جدو) انت خليك زايع في الخليج ده غايتو انا وصلته السقف الزمني بتاعي المحدد مسبقا وحتلقاني قريبا فارش بطيخ في السوق المركزي…..او بشارع الوادي

  4. حاج أحمد السلاوى كتب:

    الواصلين إلى المنفى حديثاً..
    وانا حأكون أول مشترى ..وعلى السكين ..
    قالوا فى زول حيصل الخرطوم يوم 18 ديسمبر ..دا منو يا ربى ؟

  5. ياسين شمباتى كتب:

    الحبيب ابكرون..حمدالله على السلامة وعجبنا وسر بالنا !!!قعدتا ليك كم 5 شهور عديييل كدة وشايفهم شوية!؟؟ غايتو جنس طمع..

    الوالد السلاوى..سافر..مطارات الوداع ضجت قدامك وراك..سافر..

  6. مستر راعى كتب:

    حاج ابكرون تصحبك السلامه
    وانشاء الله بعد كم سنه من العايدين للديار وربنا يوصلك بالسلامه
    والعقبه لينا طشاش من السودان الى ارض واسعه ورحبه بالرغم من حبى للسودان
    ودعناك الله وماتقطع خليك متواصل

  7. سهيل كتب:

    ترجع لينا بالسلامه يا عمك و ربنا يخفف عليك الغربه..

    بس يا فرده ما قلتا لي ” البتاعه دي شنو ” ؟ .. ( عم ابرق) دا يطلع خال منو ؟ .. التركيبه انسى موضوعها .. خلينا مع التصدير

  8. aflaiga كتب:

    العزيز ابكرون : مش قلت ليك دى خلاصة الخلاصه ؟؟ تعرف حجه امونه لمن قلت ليها الشغل ده لاخونا مسافر بكره قالت لى والله انا بسويهو لكن يسافر دى ما اظن الا يكون عندو شغل مهم !!! بالله انسترنا معاك ؟؟ سنقوم بتوزيع العينات للعاملين بالخارج والعاملين ( نايمين بالداخل ) !! واتفقنا مع ود الزبير نعمل بزنس مشترك هو عليهو الباكنق والتصدير وانا على المشتروات ..
    السلاوى : عندك هدية مجانيه فى اول مع اول زول جايى .
    شجر الدوم يمتنعون !!!!
    ابكرون : حمد الله على السرمه نورتنا وشرفتنا بحضورك الجميل الخفيف .

  9. nono كتب:

    ابكر ؟؟

    جسم خششششش ميييييي؟؟

  10. nono كتب:

    ابكرون !!

    شنووو!!!

    لا احممممم لا دستوور!!

  11. nono كتب:

    كلووووو !!

    طلع ؟؟

    هووووووووي؟؟

  12. nono كتب:

    ربنا يكتب؟؟

    السلااااامة؟؟

    ياااااااااااافكفك؟؟؟

  13. الصادق ود البركة كتب:

    السلام عليكم ورحمة الله وبركاته
    الجميع دون فرز
    ده كلام شنو يا شمباتي الزول مغادر البلد ودمعته تسيل فوق الخد كأنو فقد عزيز وأنت تقول ليهو حمداً لله على السلامة …………… غايتو جنس غايتو (مقتبسة)
    الأخت نونو ليه ماتخلي كلامك مرة واحدة ومفهوم
    ونسال الله العظيم رب العرش الكريم أن يعيدنا جميعاً من غربتنا و لايغرب لينا حبيب آ مين آآآآآآآآمين
    ودمتم

  14. nono كتب:

    الصاااااادق….

  15. nono كتب:

    ود …

    البركة…

  16. nono كتب:

    انا…

    بتم تمممممم؟

    ارجووو المعزرة؟؟

  17. ابكرون كتب:

    افليقا : شوف ليك زول غير ود الزبير هو فاضي من حفلات الخرطوم (وجه ضاحك)…!
    النونو :(جسم خشمي)….دي زي (ثهيل)….ما تستغرشي ما ابكر اصلي….
    بخصوص تمتام دي :
    التمتام (ربشه)….دقه باب صديقه طارق….. فتحت اخت طارق الباب وكانت (شرط)…اتربش قام قال ليها : طا طا طا اااارق لمن يجي ننننقول ليهو جاااااك منو ؟

  18. علي سنكل كتب:

    حمد لله على سلامة العوده يا أبكرون ، وعقبال عودة الباقين .
    و إن شاء الله تكون لقيت الأهل والوطن بخير.

  19. ابكرون كتب:

    شكرا يا بروف سنكل كلو تمااااام البلد رغم السوء الفيها ورغم النتانة الرسمية الا ان الناس ياها الناس والاهل هم الاهل …..عودة الباقين ديل خليهم سااااكت دي قصه في الميل بس…..غايتو شي عجيب

  20. أبكرون سلام و الحمد لله وصلت بالسلامة و قد قضيت اجازة سعيدة بين الأهل و الأصدقاء… زمان كنا لمن نودع المغتربين أصحابنا لي الساعة بنعفشا منهم… كويس ما لمينا فيك و انت ماشي على المطار…..

    عقبال العودة الطوعية للجميع

  21. ياسين شمباتى كتب:

    ود البركة العزيز..بركة الزول نفد بى جلدو من الضرائب والزكاة والخدمات وبتاعين الاسمنت والمقاولين..خليها بالنية بس..

    الحبيب عزت..انت لسه فى ماليزيا ولا شنو؟؟ حليل زمن المغتربين والتعفيش,,دلوقت بقوا يكابسوا فى قروش تذكرة الرجعة..الحمدلله بس..

  22. مُخير كتب:

    الحبان في كل مكان
    حبيبنا أبكرون إن شاء الله خليت أم دُر بخير والحال أقل سوءً مما يمكن أن نتصور ، لا تختصرنا في إنتظار مقال يتضمن مرئياتك.
    الصادق ود البركة، ما تلخبت الكيمان البرة برة والجوة جوة، حبيبنا حاج الشمباتي مهجرجي بالخارج وكذا أخونا أبكروت الطالع من الداخل وداخل على الخارج، فالداخليين يقولوا ربنا يكتب السلامة والخارجيين يقولوا حمداً لله على السلامة، عشان كدة يا أبكرون بركة الجيت مارق وربنا يرجعنا كوووووولنا للكر بالسلامة بحاج أحمد سلاويييييييينا. وبعدها نقوم كوولنا نمشي المطار مع دوكتوووور عزت نعزي المغادر ونبارك للراجع.

    نونو بنت البلد: المقلبن البلد حال يشرح الذي المختلف أسلوبك واصلي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s