ما لان فرسان لنا بل فر جمع الطاغيه ..

Posted: الخميس,17 ديسمبر, 2009 by aflaiga in اخرى

اثرت فى هذه المساحه ان اكتب لكم نشيد الاستقلال ونحن نتلمس نفحات عبير الاستقلال وذكراه  : المقدمه من منبر النيل الازرق : ( يقول د.عبدالواحد عبدالله يوسف أنه في سنة 1959 كان طالبا في جامعة الخرطوم وضمن تحضيرات اتحاد طلاب جامعة الخرطوم تم الاعلان عن أنه تم فتح باب المشاركات من الأدبية للطلاب ليشاركوا بها في احتفال الاتحاد بأعياد الاستقلال في الأول من ياناير 1960د. عبدالواحد جلس ليلتين يكتب تلك القصيدة لرائعةوقدمها للاتحاد وحازت على اعجاب المسؤلين .. فغناها كورال الاتحاد في الاحتفال .. وهاجت مشاعر الجميع طلاب ومسؤلين وحضور وفي مقدمتهم الفنان خضر بشير الذي كان صديقا لاتحاد طلاب جامعة الخرطوم
فقدمت الأغنية للفنان الشاب حينها محمد وردي وقام بتلحينها وأداها في إذاعة أم درمان وعندما قرر عبود (بيع) حلفا بالموافقة على بناء خزان ناصر في مصر وإغراق حلفا .. كان وردي في مقدمة المعارضين لهذا القرار .. فتم سجنه وحظرت جميع أغانيه وتسجيلاته إلى أن جاءت ثورة أكتوبر 1964م المجيدة وفك الحظر عن الحرية والأحرار ومنذ ذلك الحين … كل الشعب السوداني يغني في الأول من يناير اليوم نرفع راية استقلالنا ويسطر التاريخ مولد شعبنا

اليوم نرفع راية استقلالنا –

ويسطر التاريخ مولد شعبنا –

يا اخوتى غنو لنا غنو لنا –

فليذكر التاريخ ابطال لنا –

عبد اللطيف وصحبه غرسو النواة الطاهره –

خاضو اللهيب وشتتو كتل الغزاة الباغيه –

كررى تحدث عن رجال كالاسود الضاريه –

والنهر يطفح بالضحايا بالدماء القانيه –

ما لان فرسان لنا بل فر جمع الطاغيه –

تمر علينا ذكرى الاستقلال المجيد واعلانه من داخل البرلمان ونحن نخطو بخطى ثابته برغم كل المهاترات والاشكالات نحو التحول السلكى الديمقراطى والانتخابات نسال الله ان يعم السلام ربوع بلاددنا وان يجمع الله شمل كل قوانا السياسية على كلمة واحده لنعيد لوطننا امجاده ولنخطو به نحو التقدم والرفاهية والعزة .. قولو امين – المناسبة جديره باستذكار جيل الاستقلال وذكريات تلكم الايام ممن حضروها او يملكون توثيقا لها …

Advertisements
تعليقات
  1. محنك كتب:

    ان شاء يا ابوالافاليق يبقى السودان متحدا … بتعايش يسوده السلام والاحترام … امنيه صغيره ولكن تحقيقها ربما دونه خرط القتاد

    ارى السودان يسير نحو التفكك

    وارى السياسيين يزيدون تكالبا على نهشه

    شكرا لتذكيرنا الاستقلال رمزا ويوما وحرية

    ولكن لا زلنا مستعمرين تحت الجلابيب ….. والاقزام يتطاولون …. وابناء الفيران يعرفون كل المتهات التى حفرها اباؤهم

  2. ابكرون كتب:

    ولدنا حبيبنا ازيك :
    بالله يا ابو الافلاق نحن مستقلين بالجد ولينا 53 سنه ؟؟؟؟؟؟؟
    اليوم نرفع راية استغلالنا (بالغين) ويسطر التاريخ موت شعبنا….أبكوا لنا…ابكوا لنا…..!

  3. السمار الكرام
    منذ رفع العلم من داخل البرلمان بدأ استغلالنا كما قال اخونا ابكرون.
    الاستقلال كان منحة لنا من الانجليز ولكننا لم نحسن التعامل مع تلك المنحة. من من الأسياد جاهد في سبيل ذلك الاستقلال؟ ولكنهم جنوا ثمرة ذلك الاستقلال، العز والجاه والمريدين ونال الشعب الجوع والجهل والمرض.
    ود الخلا لم تقل إلا الحق.

  4. حكاية كتب:

    رايه استهبالهم ولدنا افليقا ماقصرت على الاقل ذكرتنا اننا كنا مستعمرين لكن جنس استعمار هم ديل خلوا لينا كبارى للان نلتق فيها وخططوا لينا بلدنا وقرونا وعملو لينا حاجات كتيره لكن هى فى البدايه لمصلحتهم لكن افادونا والله لمن مشوا خلوا البلد بخيرها كل الناس بتاكل نفس عدد الوجبات هسع الوجبات بقت زى الهلال تجى مره فى الشهر وبافى الايام تصبيره
    على الاقل خولو لينا مشروع الجزيره وعمروا لينا بلدنا وعلمونا النضافه زمان بتاع الجزاره لازم يغطى اللحوم بتاعته بشاش اليوم ماشاء الله الغبار بعمل عازل للحوم وهى فى الشارع تعرض على الملا
    حاليا بعد الجماعه ديل فاتوا جوا الباقين الطيبين كنسوا الواطه كنس نضيف لا خلوا ابيض ولا ازرق
    الا رحم الله الشعب السودانى
    زمان الناس ماخده طباع الخواجات وذوق وادب وعلم ومواعيد –بالله هسع طلعوا لينا جيل خالى من المخ ماليه شى فى الدنيا غير الاكل والشراب والفسح واللبس والخ الخ زاتنا تعبنا من الخ الخ
    مسكين انت ياوطنى الجماعه ديل اكلوك وقشوا يدهم فيك
    دمتم

  5. حكاية كتب:

    المسئول عن المدونه الشكل العندى فوق ماعاجبنى اغيره كيف
    افيدونا

  6. ياسين شمباتى كتب:

    افليقا..اليوم الكتاحة فى خشمنا والواطة تكيل وما تكفى..

    لكن باذن الله سيبزغ فجر الحق والحقيقة ويشع نور الهدى والهداية رغما عن انف الجبابرة العتاة..

  7. ياسين شمباتى كتب:

    ود الخلا..سلام..
    جيتنى فى المربوطة,,التساوى فى الحقوق والواجبات,,ولا فضل لعربى على اعجمى الا بالتقوى وكل القواعد الشرعية الانت عارفها..يلا خت لى الجماعة ديل فى ميزان العدل والتقوى وورينى وزنهم كم!!! هؤلاء ترب ابن سلول يا عزيزى وهم من ابعد الناس عن الدين,ورغم ذلك لم نفرط فيه ولن نفرط باذن الله..

  8. بل فر حمع الطاغيه

    استاذ افليقا لك الشكر حد الاستغاثه
    و وطن مدرار
    ياريت تتلاحق الادوار
    كما تتمازج الالوان
    ………….
    وأيادي القهر
    خلف الظهر مكتوفين
    –مع الإعتذار لمحجوب شريف—
    …………..
    ويا وطني
    انا شحدت ربي
    يغطس حجر كل الحراميه
    والجرحوك
    وأولاد الذين
    والذين
    والذين حبوا يقسموك
    وغد افضل لك يا وطني العزيز

  9. البشاوى كتب:

    افليقا
    نرفع ارية استغلالنا ولااستقلالنا — افرزو ليننا الحكاية

  10. kamoon كتب:

    سلام ….لكن ما تقولي ده شنو الكلام الكبار ده

  11. ابكرون كتب:

    التعازي للجميع لذكري لم نتذوق طعمها ولا معناها خلال 54 عام من عمره… لم يغير فينا هذا الاستقلال شيئا كبقية شعوب العالم ….
    وكلوووو بأيدي السفهاء منا قاتلهم الله …….!
    فمتي يكون استقلالنا الحقيقي ؟
    التهاني بعام ميلادي جديد للجميع

  12. aflaiga كتب:

    ابكرون : التهانى بالعام الجديد والتمنيات بالعمر المديد والمستقبل السعيد باذن الله .
    واكرر ما لان فرسان لنا بل فر جمع الطاغيه وما النصر الا صبر ساعه وان اختلف مفهوم النصر من شخص لاخر .

  13. الحبيب افليقا … لك التحايا العطرة وأنت تتحفنا بروائع وطنيتك المميزة …. ايييييييييييه دنيا وأنا أقول ياخوانا سودانا دا مالو راجع لورا أتارى الانقليز رفعوهو فووووووق وفكوهو عكس الهوا قامو الجماعة ديل وأمثالهم اتلقـوهو .. ورغم كل شئ فسوداننا عز وشرف

  14. ياسين شمباتى كتب:

    السلام عليكم يا احباب..كل استقلال وانتم بخير وربنا يرفع عنا الضر والمسغبة ويعيد بلادنا للخير والرفاء الكانت فيهو..وهونوا على انفسكم..

  15. لمى هلول كتب:

    حينما ارتايت ان اكتب عن الاستقلال فى مدونتى المتواضشعة ماعرفت عن اى شىء اكتب
    ما احسست باى وحدة وطنية ولا شموخ ولا عرفتاى موضوع اختار
    لكننى نسقت شعار وحدى وكتبت فيه عيد الاستقلال
    ولكن قلت شىء افضل من لاشىء ولو مرة اعرف ان اسماعيل الازهرى ارتقى للحكم مرتيين..
    يعنى تولى الحكم بعد الثورة التانية التى اقالت عبود
    والله هذه المعلومة جديدة للاسف ..
    والمعلومة الاشد اسفا كانت ان الازهرى اغير عليه بغقل الحكم المايوى وياناس ياعالم رافع علم الاستقلال بدل ما يتكرم لا مرض وجلس بالسجن وحينم ااشتد عليه المرض نقل للمستشفى ومات هناك بالله دى سيرة رافع العلم
    لا وجيت افتش على صور للاستقلال قلت امكن تكون شوية واضحة مالقيت الا ابيض واسود وياه اذاتها غيرها مافى ….
    لذا احسست بانه عيد الاستغلال بالغين ..
    بالله ياازهرى رفعت العلم ليه …
    بصراحة احس باننا لازلنا نعيش فى ماضى بابيض واسود ولم نرى العالم بالالوان
    تحياتى لكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s