لوم …عتاااب ..شنو ما عاااارف

Posted: الأحد,3 يناير, 2010 by ابكرون in إجتماعية

لست صاحب المدونة ولكني عضو قديم منذ القمردينة الاولي وهذه مجرد ملاحظة عابرة….في كسل عااام وخمول من قبلنا جميعا ... الاخوان والاخوات الاعضاء القدامى والجدد والعابرين….في كسل من ناحية التدوين (بوستات جديدة) وفي كسل من ناحية التعليق  ….الاعضاء هنا نوعين  :

هناك من يكتب ويعلق علي كتاباته عدد من الاخوان وهولاء المعلقون المرة القادمة كتاب وهكذا (وهو الامر الطبيعي والصحيح) ….الا ان الملاحظة في ان البعض لا يدخل او يعلق علي بوستات البقية ويتوقع من الآخرين ان يدخلوا بوستاته معلقين وهم كثر ولا داعي لذكر الاسماء …لان الموضوع ليس محاسبة……!

حتي لا تصبح المدونة طاردة (والنت ملئ بالمدونات القيمة والغثة والمتوسطة) حقوا الناس مع بداية العام الجديد تنتفض شوية وتركن ثوب الكسل والتكاسل وننشط الموقع شويه …

اسجل صوت لوم للاخ البروف جبراوهو صاحب الموقع والموقع باسمه (ساخر سبيل) ودخوله شبه معدوم …وصوت اللوم لاحق كل من : بشار وسنكل (لا يدخل بمواضيع وهو له باع في ذلك) وشقيقه نيام (خلاص شفيت والحمد لله وقلنا ليك فاقدنك وما هببته) ود. صالح (لسه شايل يا دكتور؟ )…عزت بقيت كسلان ما عارفين ماليزيا سوت فيك شنو ….ابواحمد تعليقاتك انعدمت خالص ….زوووووول يا حليلك ويا حليل ايام المناكفات (وبامبرز الحمير) …ود الزبير سيدي بيه بقت اهم وكذلك بيت السودانيين… الكناني اسم من الماضي نشتاق اليه …افليقا ما عارف سفر سمسمه مؤثر ولا الجرادل  اياها استخدامها زاد ؟ولا الجنوب لبكها شويه ..خالد مدني حتي البجو اجازات بقوا ما بهموك…اغترابك كان معانا افضل…!المخير ضنين هنا وكريم في الفيس وفي ناس تانين كده برضو (مافي داعي لذكر الاسماء)….يا حليل ناس ….كونان (الغبشة) عملتيها شينه ….الزهراء …اكيد في زول مزعلك انا عارفو اصبري ليه ! محنك ….(يا روعه لو عزّ اللقاء)… سماسم ولا بوست من شهور غير واحد قبل سنه ….سهيل تعبان شديد …عارفنك بتحب …لكن برضو ادينا حقنا …..محمد ابو ابراهيم (استرايكر) صاحب الحوش بتبالغ لكن ….وما عندك عذر…ود مبيوع اللوم راكبك وما عندك كلامود الفتيحاب مقصر برضو وضنين بوستات ….عبد المنعم بتكتب لكن في بوستات الاخرين طناااااش….مشاهدة شرحو لمي هلول نفس الشئ…..نونو بقيتي كعبه… ويبدو ان الكهربا اتوزنت يحليل الطششاااان …

يا اخوان كلنا له مشغولياته …ولو استمريت في الاسماء ما بنخلص …والتقصير شاملنا كلنا ولست او غيري بافضل منكم …….فمن لم يذكر ما معناه انه افضل والذي ذكر ليس ملاما وحده ….

والله يعين الجميع……..ولكم العتبي حتي ترضوا

Advertisements
تعليقات
  1. تحياتى ليك يا ابكرون ومشكور على التنبيه الذى نحتاجه – وانا اول شخص اعلق على الموضوع واعترف بالتقصير – لكن انشاء الله ومع بدايات السنة وكده – ح تلقونا انشا ءالله من المداومين.

  2. حاج أحمد السلاوى كتب:

    الفكى الحاج أبكرونا ..
    غايتو .. جنس غايتو ..وما عارف اقول شنو .. احسن نسكت ..

  3. ابكرون سلام

    شكرا ليك و انت تتفقد المدونيين الكسالى ديل و أنا معاهم بلا استثناء … لكن يبدو عرفوا أنك حتلومهم و ها هو اليوم ينشر أربعة مواضيع جديدة و واحد به حلقة أولى……

    التحية للجميع و هم ينورونا بتجاربهم و يعظونا و يعكسوا نبض الشارع (حلوة دي… مش)!!!

  4. nono كتب:

    الفكفك

    ابكروناااا

    الطشششششان ؟؟

    بقييييييييييييي؟؟

    زهههههههايمر؟؟

    انشالله؟؟

    الشمل يكتمل؟؟؟

    بركااااااااتك يافكفك و فااااااااااااااااااااتحه قويه منك تجيب 100 ؟؟

  5. مع اعترافى بالتقصير فى التعليق والمشاركة بمواضيع جديدة …. للأسف العدوى انتقلت للمنظمة كمان … تتصور تدخل بهناك يقول ليك المتواجدين (1) تكتب شئ بهناك تمر بعد اسبوع تلقى التعليق (صفر) دا غير انه النشاط مامنه خبر خاااااالص … ياخوانا الحاصل شنو بالضبط …. برضو اتمنى أن يكون عام الفين وعشرة دا مختلف … لكم التحايا والأشواق

  6. (ألف +ألف+10) تحيه =2010 تحيه ليك يا أبكرون وكل عام وأحبتي كما أشتهي
    أنا غايتو جاي جديد
    وبعدين لسه جدو سلاوي مديني قروب
    -c
    يعني لسه علينا وكده
    الان نعلق وبكره نكبر شويه نبوست وهكذا دواليبك
    وللا شنو ما شنو يا فكفك
    تحياتي وكل عام وأحبتي كما أشتهي

  7. ابكرون كتب:

    شكرا للمتداخلين فعلا زي ما قلتم الكسل عام والطنااااش عامين التركي يديك العافية وانت تناضل في جميع الجبهات الخ عبد الرحمن مرحب بيك كتير نيابة عن العمدة وما دام جدك سلولو عمدك وسالك سؤاله السغنتووووتي ما بتجيك عوجة

  8. حاج أحمد السلاوى كتب:

    الفكى الحاج أبكرونا ..والله كلامك صاح فى تراخ شوية من البعض لاكين زى ما بيقولوا الغايب عذره معاهو ..وإنت قبيل جبت الرايحة .
    ولدنا عبد الرحمن ..ناس قروب ( سى ) ديل كان مفروض يكونوا أكثر الناس نشاطاً وحيوية لاكين الحاصل هو العكس تماماً ..شدو حيلكم شوية وما تفضحونا مع جدكم وعمكم الفكى أبكرونا ..
    نونو .. زهايمر عديييييل كدا مرة واحدة ؟ طيب نحنا نقول شنو ؟ ربنا يكضب الشينة .

  9. ابكرون كتب:

    معليش عملته ليكم وجع وش
    بس لفت نظري ان المتصفحين للمدونة في السعودية خلال فترة الثلاث اشهر سبتمبر/ديسمبر فاق ناس السودان عيب يا ناس الداخل….كما المرجو من المدونين في الاماكن البعيدة مثل نيوزيلاند وفيتنام والبرازيل وهونكونج : يورونا هم منو لو أمكن حب استطلاع سااااكت …
    Current Country Totals
    From 27 Sep 2009 to 28 Dec 2009

    Saudi Arabia (SA) 5,174
    Sudan (SD) 4,583
    Egypt (EG) 2,368
    United Arab Emirates (AE) 2,238
    United States (US) 876
    Algeria (DZ) 717
    Qatar (QA) 672
    Morocco (MA) 527
    Jordan (JO) 426
    Kuwait (KW) 416
    United Kingdom (GB) 415
    Palestinian Territory (PS) 299
    Israel (IL) 232
    Tunisia (TN) 224
    Libyan Arab Jamahiriya (LY) 202
    Oman (OM) 181
    Bahrain (BH) 167
    Syrian Arab Republic (SY) 164
    Japan (JP) 163
    Germany (DE) 117
    Iraq (IQ) 99
    Yemen (YE) 89
    Canada (CA) 87
    France (FR) 84
    Pakistan (PK) 84
    Malaysia (MY) 84
    South Africa (ZA) 77
    Lebanon (LB) 73
    India (IN) 73
    Europe (EU) 63
    Sweden (SE) 62
    Norway (NO) 51
    Netherlands (NL) 49
    Ireland (IE) 45
    Italy (IT) 35
    Switzerland (CH) 27
    China (CN) 26
    Iran, Islamic Republic of (IR) 26
    Australia (AU) 22
    Spain (ES) 21
    Belgium (BE) 21
    Austria (AT) 20
    Turkey (TR) 15
    Russian Federation (RU) 14
    Greece (GR) 12
    Korea, Republic of (KR) 12
    Ukraine (UA) 9
    Denmark (DK) 9
    Finland (FI) 8
    Thailand (TH) 8
    Romania (RO) 7
    Djibouti (DJ) 7
    Slovenia (SI) 7
    Senegal (SN) 5
    Tanzania, United Republic of (TZ) 5
    Venezuela (VE) 4
    Asia/Pacific Region (AP) 4
    Brazil (BR) 4
    Indonesia (ID) 4
    Mauritania (MR) 4
    Bangladesh (BD) 3
    Uganda (UG) 3
    Hong Kong (HK) 3
    Bosnia and Herzegovina (BA) 3
    Poland (PL) 2
    Slovakia (SK) 2
    Latvia (LV) 2
    Czech Republic (CZ) 2
    Cyprus (CY) 2
    Afghanistan (AF) 2
    Philippines (PH) 2
    Serbia (RS) 2
    Belarus (BY) 1
    Mozambique (MZ) 1
    Vietnam (VN) 1
    Central African Republic (CF) 1
    Zambia (ZM) 1
    Chad (TD) 1
    Eritrea (ER) 1
    Lithuania (LT) 1
    Chile (CL) 1
    Ghana (GH) 1
    Azerbaijan (AZ) 1
    Georgia (GE) 1
    Bulgaria (BG) 1
    Kyrgyzstan (KG) 1
    Moldova, Republic of (MD) 1
    Hungary (HU) 1
    New Zealand (NZ) 1
    Somalia (SO) 1
    Kenya (KE) 1
    Nigeria (NG) 1

  10. مستر راعى كتب:

    كل عام وانتم بخير
    شكرا ليك ابكرون لفته كويسه انا زاتى لاحظته الحاجه دى كأنه اخر السنه والامتحانات على الابواب والناس بتغيب —بعدين اعزر الناس لانه فى نغمه كده ميزانيه نهايه السنه وياريت تكون خلصت الناس كلها مشغوله بيها حتى المدام قلنا ليها نطلع قالت لي بقفل فى الميزانيه نسوى شنو حرايرنا والميزانيه التقول مهمه الميزانيه شنو ؟؟؟ كمان نشوف ميزانيه الهكومه الملكومه
    ابكرون ما تزعل انا داير اشترك وقالوا لى رسلنا ليك ومشيت طاوقت فى الايميل مالقيت شى سكته اسوى شنو ارفع قضيه خليها على الله
    بنكون جادين وعد منى انى اكتب واعلق وتكون مدونتكم هنا زى سايقتها القمردينه
    وكـــــــــــــــــــــــــــــــــــــــــــــــــــــل عـــــــــــــــــــــام وانتم بالف خيــــــــــــــــــــــــــــــــــــــــــــــــر
    صديقكم المستر راعى

  11. مستر راعى كتب:

    عندى سؤال للناس الموجوده وعارفه الحال
    عايز اجيب تلفونات ياثابت يا كنار لكن عايز زول يكون مجرب الاحسن ياتو واحد
    افيدونا وشكرا ليكم

  12. ابكرون كتب:

    د. صالح : معليش لم استأذنك في نشر رسالتك الالكترونية لان مكانها الطبيعي هنا حتي يحس الجميع بنبض مشاعرك الفياضة بينهم ..العتبي لك تاني :

    Abbakroon ya Creative
    Salam

    wa Salam to all

    First thanks for the nice words and the flowers’ bouquet. Am sure the whole group appreciate your efforts and the others’ to keep the folk actively together, I think the folk are just busy(Mashagil) – I do not exempt myself and promise to come back on the road in the near future.
    I wish everybody a prosperous, happy,healthy and wealthy new year.

    *** ya Abbakroon if send this bouquet to the Queen I am sure you will guarantee a place in her heart, so be careful not to trap the softies’ hearts.

    Stay well

    M Salih

    مستر راعي : تسلم الله لا جاب زعل ياخ ….استرايكر ياخ ما تشوف مشكلة المستر….حلها عندك….

    • علي سنكل كتب:

      الدكتور الشفيف الفقيه المنحاز للسودان والسودانين وبالذات للجزيره أرض المحنه.
      نناشدك العودة والمشاركة اليومية كما كان دأبك ومنهجك.
      و لك السلام و الإحترام
      عمكم سنكل

  13. لمى هلول كتب:

    الغاليين
    شكرا لتلك الكلمات التى جعلتنى اشعر بانى لست مجرد زائرة فى ساخر سبيل
    بل جعلتنى اشعر باننى من ساخر سبيل رغم الحداثة فىالالتحاق بكم
    ياحبذا لو اضفتم ايميلى او اعطيتمونى ايملاتكم
    انا اتواصل ممع الاخ عبد المنعم لانه يرسل لى كل جديد يكتبه فاتحول الى هنا مباشرة
    ونحن معكم وبكم …
    هل اكتب الايميل هنا ام توجد طريقة اخرى
    انتظر الرد

  14. ابكرون كتب:

    الاخت لمي : مشكورة انت فعلا جزء من ساخر سبيل وبالتالي منا جميعا ومداخلاتك تسعد الجميع بجديتها وفائدتها ….القصد من البوست كان لنفض الكسل ….وعندنا ايميل (زي الدور الدائر بتاع العسكريه ) نتبادل المعلومات والقفشات والمواد ونرحب بك ونضيفك من اليوم اليه ….نحول الطلب لولدنا الآدمن محمد ابراهيم لارسال ايميلك الذي تسجلتي به لنا عبر البريد …..تسلمي

  15. مُخير كتب:

    الخبير الساخر أبكرون
    الحبان في كل مكان
    السلام عليكم ورحمة الله وبركاته،،،
    في البدء التهنئة للجميع بحلول العامين الهجري والميلادي نسأل الله أن ينعم الجميع في بحر أيامهما بكمال الصحة والسعادة والنجاح وأن تنعم بلادنا بالحرية والإستقرار والوحدة والسلام والتقدم والنماء.
    ثانياً الشكر أجزله للحبيب أبو محمد عمر ك على إهتمامك الواضح بتأكيد ضرورة تسجيل الحضور والإنتظام في المشاركة من قبل الجميع وهذا إن دل على شيء فإنما يدل على أن لهذه الدانقا أقطاب يحمونها من عوارض الملل ونوائب المشغولية.
    ثالثن: سبب الغياب زحمة شغل مع مطلع العام ووعد بالعودة للتعليق على كافة البوستات المنشورة.

  16. مشاكل كتب:

    سلامز

    و الله يا فكي ابكرون الحالة صعبة علينا
    الشغل بقى ياخد وقتنا كلو تقريبا
    و لمن الواحد يرجع البيت غير النوم ما بيعمل حاجة
    لا زيارات .. ولا قعدات حتى مع ناس البيت
    بس مرة مرة بنلقى لينا فرصة نشوف القمردينة و المنتدى الحاصل فيهو شنو و الجديد شنو
    لكن انشا الله نكون متواصلين مع الناس و نساهم بي صورة اكبر في حركة التدوين

  17. سهيل كتب:

    سلامات عمنا ابكرون — والتحيه للجميع

    كلامك في محلو و عذر مافي – لو كل واحد قال مشغول وعمل رايح بكره حنبقى من الماضي و نقول يا حليل زمن المدونه و ناس فلان و علان ..

    كسره : شنو شر الغسيل في حبال الناس دا ؟؟؟ ياعمك ركز معاي و اعمل فاصل بين العام و ” العام جدآ “ما داير اقول الخاص ..

    وزي ما قال حبيبنا استرايكر .. جايينكم .. إنتو بس اركزو

  18. ابكرون كتب:

    المخير: عارفك امير الناس .. وكفى
    مشاكل : ما قصرته وما حتقصر مع الجميع
    سهيل : هههههههه ياخ فيها شنو كلنا بنحب ….يعني انا مثلا بحب القرع بالكسرة….ومشاكل بحب المشاكل….وجدك السلاوي بحب السمك الصير…. وبتنا نونو بتحب صخرة في المريخ …تعددت (المحابيب) والحب واحد….هكذا دواليب

  19. حاج أحمد السلاوى كتب:

    الفكى الحاج أبكرونا أب سراً باتع ..وكل صفوة الأخيار ..أطال الله أعماركم جميعاً وامدكم بالصحة والعافية ..آمييييييييييييييييييييييييييييييييييين …يا رب العالمين .
    فى الحقيقة أنا عاوز أضيف حاجدة جديدة من غير لوم أو عتاب وما كنت عاوز أتطرق ليها لاكين الشى بالشى يذكر والفكى أبكرونا أدانا راس الخيط ..والموضوع هو إنو فى ناس ( عُزاز علينا ..وشالو نوم عينينا ..وفراقهم قسرى .. ما بإيدينا ..أو كما قال السمسم الكبار يا خالد مدنى ..وخليك صاحى معاى شوية . )فعلاً عزاز علينا وطواااااالى بنرسل ليهم رسائل إلكترونية عبر الشبكة العنكبوتية لاكين يا كافى البلا ويا حايد المِحن الجماعة شغالين موظفين إستقبال بس ..يعنى يوم وااااحد ما قالوا يا جماعة الزول نجبر بخاطره برسالة ولو سغيروووووونة ..ونحن نشيل ونفتش ليهم فى الأعذار لامن الأعذار زااااتها كملت ..نقول مشغولين … نقول مطرزين .. نقول يمكن عواطفهم مسافرة ..نقول يمكن عشان ما عندهم عواطف ..نقول عواطفهم شاغلاهم طول الوقت ..وفى النهاية النقولوا غلبنا..
    إنت حسه رايك شنو .. يا ابكرونا ؟..لجأنا ليك تبعاً لقانون المشورة الشعبية .. أفتنا فى أمرنا وما عسانا فاعلون ؟ وحدة أم إنفصال ؟وبينى وبينك الإنفصال دا ما بنقدر عليهو لأنو الوحدة جاذبة والناس ديل زى ما قلت عُزاز علينا بالحيل..عشان كدا حنواصل الإرسال ..
    غابتو زعلكم ما بنقدر عليهو ..بس الرسول ما تطولوا الغيبة .

  20. سماسم كتب:

    أبكرون: كلو في محلو
    اتمني في هذا العام الجديد أن يكون في نيولك في هذا الموقع من حيث الكتاب والمعلقين والمواضيع نفسها

  21. طارق أب أحمد كتب:

    الكومندان أبكرون
    كل عام و أنت و جميع المونين بألف خير ,, شكرا على التذكره و أن شاء الله ما تكون فى أنفطاعه تانى
    أرجع إلى بعض العوامل التى قد تكون مشتركه و تسبب الأنقطاع
    الأزمه الأقتصاديه العالميه و الخاصه بنا هنا فى السودان أدت الى تخفيض العماله بنسب عايه جدا مما ترتب علبه مضاعفة حجم العمل للفرد العامل
    كل المؤشرات حولنا محبطه و لا أمل فى أنفراج قريب سواء سياسى أو إقتصادى وانت أدرى فقد غادرت البلد فى نفس الظروف
    نسال الله أن يسهل الأحوال

  22. بشار أحمد بشار (ابن برد) كتب:

    لاكين يا أبكرون ما (تقول لي) ألأحصائية بتاعت 10 5 لعبتها باكوارد في مقص الزاوية البعيدة يا ملك المراقبة منك خوف !!!!!

  23. ابكرون كتب:

    بشاربن برد : حمد الله ع السه.
    الغريبة الاحصائية دي ما اسعدت ناس سلولو وبقية ناس الحرمين… وما اكل بيها راسنا

  24. حاج أحمد السلاوى كتب:

    ابكرونا ..
    بالعكس تماماً ..سعدنا أيما سعادة كوننا الأكثر إرتياداً لساخر سبيل ومداخلاتنا تدلل على ذلك ..وما حبينا نعمل فيها أبو عرام تواضعاً منالأننا عارفين البينا والعلينا….ولو كان الشاب الدكتور شمباتى خارج الحفرة لكانت النسبة أعلى من ذلك.
    – بشار بن البرد حمدن لله على السلامة ..وإن شاء الله دايماً مع المتواصلين .

  25. بشار أحمد بشار (ابن برد) كتب:

    خارج النص :
    تذكرت البيت يا أبكرون :
    ماذا تقول لأفراخ بذي مرخ زغب الحواصل لا ماء ولا شجر
    آآآآآآخ يا أنا الكي بورد بتاعي عامل لي فاولنغ لأنو ما فيهو أدوات التشكيل( أشتكيهو لمحمد حسن؟؟؟) .

  26. علي سنكل كتب:

    أبكرون سلام . .
    والله كلامك كولو صح ما فيهو ريبه وأبوي عارف تماااام أنا لي حبيبه.
    نحن بنحب القمردينه وبنجيها يوماتي لكن يا أيها الأهل كلام أبكرونا دا صاح ، أصبح في تكاسل وتراخي و لا استثني نفسي من الكسالى والمتراخين.
    لك الود والوعد يا أبكرونا بشد الحيل وترك الكسل وحب العمل.

    كسره :
    إنتو بشار بن برد ده كان وين؟

  27. الصادق ود البركة كتب:

    السلام عليكم ورحمة الله وبركاته
    شكراً للفكي الخطير التذكير ولكن مشاغل الحياة صدقوا تقريباً بدخل يومياً أطلع على الجديد واخرج وهانذا استجابة لكم أكتب لأنو عندي حصة فاضية
    كسرة: منو ديل الفي أسرائيل ويقروا المدونة؟؟؟؟؟؟؟؟

  28. مُخير كتب:

    الخبير والمراقب والمُحلل الإستراتيجي أبكرون
    الحبان الأقطاب الشباب والشباب الأقطاب
    الزوار وأهل الدار
    سلام وإحترام
    البوست في الزمان المناسب ودعوة للنشاط في مطلع العام وظهرت نتائجه الفورية، بس يا جنابو البيان بالعمل منتظرين حاجة كدة من أبو عشرة عشان الجماهير تصحصحً.

    تعرفوا بعد أن قسمت القائمة إلى ثلاث مجموعات لقيت نفسي وبلد إقامتي في قروب (أ) فأطمأن خاطري يعني برغم المشاغل قادرين نواكب، نُحي فيك الحرص على إنعاش المدونة والتحية لك وعبرك لكل الحادبين على التواصل.

    ونداء عبر بوستك للحبيب أبو ناجي بالمرور على الجمهور وتسجيل حضور لتأمين التواصل فهو الأب الروحي للمدونة ومُلهم كتابها.

  29. ابكرون كتب:

    الرايعين : ود البركة الصادق /سماسم / سنكل /ابواحمد
    الشكر اجزله علي الدخول وتفقد بيت العمده …وما باقي الا العمدة وزي ما قال الامير مخير نرجو من العمدة الدخول وتفقد المجلس والسؤال عن الهداهد(لو هدهد جمعها كده يا بن برد) يسال عن الكم هدهد الغايبين ويرضي الزعلانين والحردانيين…..ولو جبرا ما بقرأ البوستات دي زول (بواو واحد)يقول ليه عسي ولعل ……

  30. خالد مدني كتب:

    العزيز ابكرون والسادة الكرام … سلاااااام
    حقيقة نفتقدكم ونتوق لمحاورتكم ولكن كما قال عبدوش توووش ان الوضع كان افضل حين كانت الشخوص اثيرية … اما وقد صاروا من لحم ودم فقد تذكرت قصة الملكين ببابل … والوعدبعدم الغياب متكرر لكن لك الشكر علي سؤالك عنا … وغدا نعود كما نود .
    اما عن اجازتك فصدقني كنت احرص الناس علي لقاءك ولكن اللوم من الكرعين بقي في الوش … وكما اللعب في الوحل يستسيغه اللاعب شيئا فشيئا.

  31. بشار أحمد بشار (ابن برد) كتب:

    سنكلوني : انت عارف البير وغطاها بس داير تسويلك (فتني) ساكت .

  32. ابكرون كتب:

    خالد: والله ليك وحشة الظاهر ارض المليون سياسي ما نفعت معاك واصل عليك الله
    عبدوووووش : كيفك يا هميم اخبارك ؟بوشاااتك خصمناك ترجع للديار بقيت زي مغتربين ليبيا…..قرب ما تبتعد
    بشار : البير ياتا وغطاها ما شفنا ، تقصد المصاص… ولا السبت…ك…انت عارف سنكل ده الفوله ما بتتبله في خشيمو

  33. نيام كتب:

    كل الاحبة
    والله يا ما
    طاعمين طعامة
    وقلوبنا بيكم تنسي السآمة
    والله دائما زايد هياما

    تحياتي للجميع ..قدامي الكواشف و الاحبة الجدد..قربنا نجيكم بس شوية سمكرة و بوهية و نعمل تيستا و نجيكم..

  34. ابكرون كتب:

    كل الاحبة
    والله يا ما
    طاعمين طعامة
    وقلوبنا بيكم تنسي السآمة
    والله دائما زايد هياما
    ————————————–
    يا سلام صباحنا عيد وبركة الجيت….بركة الجيت
    حبيبنا النذير
    يا بشارة الخير
    كنا زمن نفتش ليك
    إفتقدنا ها الطلة
    حمد الله علي السلامة عمرة وسمكرة مقبولة
    بس ما تكتر( التيستا)….حبه …حبه…..بريس…. بريس
    وايم الله ما تطول تاني

  35. حاج أحمد السلاوى كتب:

    الكاشف نيام نيام ..
    كنا زمن نفتش ليك وجيتنا الليلة كايسنا …يا …….. وفارسنا.
    وحمدن لله على السلامة ..إشتقنا لك وإشتقنا لقوافيك الجميلة ..
    خسمتك بالرسول كان تنقطع وتغيب تانى ..

  36. الغبشة كتب:

    السلام لاهنا الطيبين لكم العزر والتاسف والمعزره وسامحونا وغلطانين
    كانت نهاية سنه وكان قفيل حسايات تقيله خلاص ما منعتنا من المتابعه لكن منعتنى شخصياً من التواصل ولك منا ما يمنعه حتى من محادثة نفسه احياناً هل تصدقون؟
    يافكفك سرك باتع شفت لميتنا كيف ربنا يجمعنا دائماً على خير
    غداً وعد بشكل افضل
    غداً نكون كما نود
    وغداً تجف مدامعى
    كسره:لكن يافكفك تقول شييييييييييييييينه عدييييل كده؟
    والى لقاااااااااااءءءءءءء

  37. ابكرون كتب:

    الغبشة : حمدلالك بالسلامة وبركه الشفناك طيبه
    معقول يا الغبشة شينه دي ليك (وش متجرس) الشينه عملة الغياب والطوله…..
    الحمد لله السنة قفلت وجردتي حسابات الربح والخسارة وان شاء الله ربحانة ديمه يا رب…….

  38. سهيل كتب:

    نرحب بالمدونون الجدد ناس ” بشا رو سنكل” وكده .. شنو يا عمك عاملين ساتر السنين .. هسي يا عمنا في داعي تحرمونا الطله البهيه دي .. علي بالشنو ما بعرفو داك واحشننا يالخليتو ملامحكم في دواخلنا ..
    كسره : الحقو ناس عمنا (جبرا وود الخلا) .. والدكتور صالح .. قولو ليهم خلاص كفايه .. ارجعو نحن في رجاكم

  39. الزهراء كتب:

    الرائع جدا عمنا أبكرون
    الاخوه الاعزاء
    كل عام وانتم بخير وسنه جميله عليكم ان شاء الله
    فعلا اللوم حاصل وكتر خيرك يا ابكرون قدرت تهرشنا بي اسلوبك الجميل الرائع وتخلينا ننسى كل مشاغلنا وندخل وطنا الحبيب مدونه ساخر سبيل
    ونتمنى نقدر نتواصل في السنه الجديده الحلوه علينا دي
    حقيقه زي ما قالت الغبشه دي تقفيلة حسابات ليها خمسه سنين مش سنه واحده والحمد لله كان لقاؤكم اجمل مافي تلك السنوات
    وان شاء الله نقدر نتواجد ونتواصل رغم الانشغال الشديد

    ابكرون/ رايك شنو نشغلك مدير جهاز الاحصاء وتخلي الاغتراب – لكن لقيتك خترييييييييي في الاحصاء
    بس ما تنسى تجيب متوسط الزائرين والانحراف المعياري

  40. ابكرون كتب:

    الثلاثاء المشرق :
    ———————-
    معقوله دي يا جماعة في يوم واحد تطل علينا كل الشموس دي شي نيام وشي الغبشة وشي خالد مدني وشي زهرة الاوركيد….يا جماعه براحه علينا بنمووووت كدي….ما قصرتوا والله لبيتو النداء …..بس ما تاخدكم تاني موجة الانشغالات والحسابات والجرد وتصفية الحسابات…ما تأخذكم مننا ….,والمسافات القصية ما يبعدنكم وابقوا عشرة علي الوصية……
    http://www.sudani.ws/music/khalidmahjoob/allhzat_alnadya.html

  41. حاج أحمد السلاوى كتب:

    بنتنا الزهراء ..
    يعنى إلا يهرشوكم ..؟
    المرة الجاية جايينكم بسوط العنج ..( مش أحسن من الطبنجة … يا … شمباتى ؟ )

  42. ياسين شمباتى كتب:

    الحبيب ابكرون والاعزاء الظهروا بس..سلامات..

    عفيت منك يا اب زرد وانت تقرص اضنينا وتجضم الشحمانين الورمانين اللابدين لبدة السنين..بصراحة الناس بقت كسلااااانة وكعبة كمان..ارجو انو الناس تحس شوية..والحمدلله انو ناس السعودية اخدوا البرنجية وكدة..تمام يا ابونا السلاوى وودالفتيحاب وود البركة ونادوس وكمال وابو عمرو وبعض اللابدين العارفهم كويييييس.

    الوالد السلاوى..فعلا السوط احسن من (الطبنجة) وملحقاتها !!!!

  43. علي سنكل كتب:

    سهيل:
    أنا صاح جديد ، لكن عمك بشار دا قديم يا أخي بس إنت ناسيهو.
    أون أوشن ستاري موجيك.

  44. ابكرون كتب:

    الاخوان الغائبين الذين حضروا :ارجو ان لا يكون دخولكم مقصور علي المدونة ما تنسوا ساخر سبيل او القمردينة حيث كتابات اخوكم وعمكم وشنو ما عارف جبرا….رجاءا تنشيط الموقعين ….مش عيب اولاد وبنات الفيس بوك يكونوا انشط مننا في (حقنا) جبرا بيغادي عندهم…….؟
    جبرا: الشباب ديل زي ما قالت الزهرا الهرشة جابتهم…..لكن انت يا بروف البجيبك شنو؟ يا بروف هل لسه في فاصل بين ساخر سبيل ومدونة ساخر سبيل؟؟؟….بعد ده بنحرش ليك كبيرنا نيام….انا (سخصيا) بره الموضوع……فترته والللللللللللله.سنكل ما تقول شي…!
    بتنا الزهرا : شغليني اي حاجه واخلي الاغتراب…واجيب ليك ابو الإنحراف لظل تمام الزاوية ذاتها
    شمباتي : في ناس ما بتتجضم …زي سهيل ده اجضموا كيف (اغنية)….مبرووووك ليكم البرنجية والكأس يا ناس السعودية وكمان انضمت ليكم اللاعبة النشطة( لمي هلول) في التسجيلات الاخيرة..حاسدنكم عديل……

  45. خالد مدني كتب:

    الكبير ابكرون والسادة الكرام … سلااااام وحب شديد
    والله منورين وباذن الله لن نغيب وزي ما الناس رجعت ربنا يرجع كاره ذاتو ود الزبير والاخرين . وما عارف المانع شنو من انو مقالات ابونا جبرا تنزل هنا زي ما كانت بتنزل في زمن ماضي وندور فيها والبظهر هنا يظهر هناك ؟ يا تري هل من عودة هل ؟
    ونعود نبحث عن ماضينا الذي كان ونسأل هل تغيرنا ام تغير الزمن ؟ وتعود الاسئلة القديمة تبحث عن اجوبة … ما الذي شتتنا ايدي سبأ؟ فقط لتعلموا ان ليس في القلب احب منكم .

  46. مُخير كتب:

    الحبان سلام تاني
    الخبير أبكرون شكرن تاني وتالت على العتاب الجاب سيد الأحباب خالد مدني، ياخي سعادة ما بعدها سعادة مجرد قراءة اسمه على الهامش الشمالي جابتنا جارين لقراءة التعليق وفي الخاطر درره وما خذلنا وليد سليمان نزل تساؤل ربما عن في خاطر أكثرنا وكتبه نيابة عنافي صيغة “أوجه إقتراح”، وأرى طالما أن المدونة “ساخر سبيل” وروادها “قراء جبرا” فليست ثمة ما يمنع نزول مقالات حبيب الكل جبرا هنا، كل المطلوب وهو رجاء موجه إلى الأخ أبو إبراهيم الإستئذان من أستاذ الفاتح في إعادة إنزال جديده هنا، وذلك يتسق مع نداء أبكرون في حضور المشغول جبرا للتفاعل مع القمردينيين ونعود أحباب زي ما كنا ويرجع الكسلانين والحردانين والمشغولين.

  47. ابكرون كتب:

    سلاااام
    انتو الناس دي وين اليوم ؟؟؟؟؟؟
    محتفلين باتفاقية الشلام؟

  48. عبدالرحمن أحمد كتب:

    الويك إند يا ابكرون
    الناس مسترخيه وزيارات وتواصلات
    شفت كيف الجمعه نشاط
    السبت ياهووو
    من الاحد الي الخميس دوام وبرضو تقول لي لوم عتاب شنو ما عااارف

  49. طفشانة كتب:

    السلام عليكم يا ابكرونا طبعا انا جديدة لنج لكن عندى ليك اقتراح حلو شدييييد:
    رايك شنو نحدد يوم فى كل سنة نلتقى كلنا مع بعض اقصد اعضا المدونة ويكون يوم مفتوح نسخر ونقول شعر ونكت ونتعرف على بعض ونحل المشاكل ال ما بتتحل ونحدد العضو المميز عشان نقضى على الكسل وكمان نعمل ليهو جايزة رهييييبة ومواضيييييييع كتييييييييييييرة
    ارجو الرد سرييييييييع

  50. حاج أحمد السلاوى كتب:

    أخونا الكاشف الفكى أبكرونا ..وبقية صفوة الأخيار الأعزاء ..
    أنا طبعن من أول المؤيدين للإقتراح الجميل من طرف الأخت /الإبنة طفشانة( ربنا يزيل عنها الطفش إن شاء الله )ويا ريت لو ممكن تحقيقه حتى ولو فى الخيال .. لأنو الطفشانة ما عارفة إنو الناس ديل كوووولهم متفرقين أيدى سبأ وكل زول فى بلداً طيره عجمى وما أظن فى حاجة تلمهم إلا الحج الأكبر فى مكة ..غير كدا ما أعتقد..
    غايتو يا الطفشانة خليها كدا للظروف يمكن تحن علينا يوم وتجمعنا ..وما أظنك تصدقى إنو فى ناس مدونيين معانا وأولهم الفكى ابكرونا دا نعرف بعض من حوالى سنتين وزيادة ولحد دلوقت لم نتقابل وجهاً لوجه ( أشوف ليهو الراجل العجوز المكركب دا… نشوف النبى وأنواره ) ..لقاءاتنا كووووولها تعليقات ومداخلات وإيميلات ..ومع غيره من بعض الإخوة الأخرين.. والشكر موصول للأخ الكاتب الفاتح جبرا الكان سبب فى إنو الواحد يعرف الكوكبة دى من الإخوة والأخوات والأبناء والبنات ..أما مدونى الداخل ( داخل أمازونيا العظمى ) فقد تشرفنا بمقابلة عدد كبير منهم فى الرحلات واللقاءات بقيادة الريس جبرا وما أجملها من لقاءات ..
    على أى حال فكر فى الموضوع يا ابكرونا وقول لينا ..عشان الواحد ياخد إجازة مخسوس ( والله العظيم مش عشان ناس عواطف ) عشان يشوفك عياناً بياناً ..ويبدو إنو الطفشانة دى عندها الكثير المثير من الكلام والحكاوى والنكت ..عشان كدا نوجه ليها سؤالنا التقليدى وتورينا موقعها الجغرافى من الكرة الأرضية ( القروب مش مهم ممكن نعرفه لقدام ) لكى يتمكن الإخوة التواصل معها أكثر …
    إتفقنا .. يا خالد ودالمدنى ؟

  51. ابكرون كتب:

    سلام
    محير / خالد ود سليمان : والله لو عارف البوست ده بطلع لينا الريده البينكم دي كوووولها هنا كان تزلته من زمن ….ادام الله المحبة بينكما وبين الجميع
    عبد الرحمن : شكرا للتنبية نحن عندنا الاسبوغ كلو 3 ايام الاتنين الاربع السبت
    طفشانه : مرحب بيك في البيت الكبير بيت العمدة…ومقترحك جميل وموافقين عليه عديل وما دام انت حسب ظني في الداخل سوي لينا البرنامج ونحن من يدك دي للتانيه وخليك علي اتصال…..الشئ البستغرب ليهو عمك سلولو ما فلفلو معاك وسألك اسئلتو البتسل الروح للعضو الجديد….

  52. خالد مدني كتب:

    خيييييييير يا حاج احمد … بس ما يبقي علي البقي علي القال :
    قلتلا خير ودخل في اضافري
    بتقصد ايه بي عيد ميلادا
    ايا ربي اتولدت يا دابا
    وللا الاعياد سوها زيادة
    يمكن ولدت وانا ما عارف .
    كمل كمل يا مزمل اقصد يا شمباتي شايفك معجب بي شاعر البطانة محمد بشير .
    سؤال صغيروني كده : انتو عمنا السلاوي ده بعد ما برمج مع الطفشانة وحصل تلاقح افكار مالو جا حشرني في الموضوع وانا زول معروف خراب رحلات ؟؟؟

  53. خالد مدني كتب:

    العزيز ابكرون … طالما الكلام جاب الكلام والله انا مخير ده بريدو ريده شديده خلاص … وهو زول بتراد … وما تنسي عمنا نيام نيام اهو ده لوكان في بلاد الخواجات كان عملو منو صباعات مراهم لازالة وجع السنين … وخد معاك ناس ود الزبير وسهيل وجه الحبيب وشمباتي وحبيب الناس السلاوي والبشاوي وحبيبنا زمان افليقا وناس غبشة ونونو وسماسم والزهراء وسمسمة وناس محنك وابو محمد والفطاحلة ناس بشار وسنكل وشنقل ومنقل وشرنكو برنكو عبد الفضيل … وما كسير تلج لكن جنبتك براها … تعرفو الجنبة؟؟

  54. حاج أحمد السلاوى كتب:

    الفكى الحاج أبكرونا …
    غايتو … جنس … غايتو ..!!!

  55. nono كتب:

    اكلت الفلفلة؟

    فتفلفل لساني؟

    فكم فاء في ذلك؟

  56. ابكرون كتب:

    كم فاء في ذلك يا ربي يا سيدي؟
    استشير صديق ؟ وش ..وش….وش وشوووووش
    اظنهم نوتين….يا نونو

  57. ابكرون كتب:

    نونتين

  58. الزهراء كتب:

    التحيه لكل الاخوات والاخوات
    معاك حق يا حاج السلاوي
    شمباتي: خلي الحساده حضيم شنو انت ذااتك حتكون في اللسته بتاعة العقاب الاقترحتو
    نونو: ما قالوا الشبكه استقرت والموجه ظبطت تاااني قمتي للخارجيه؟

    بركاااتك يا فكفك

    غايتو جنس غايتو

  59. حاج أحمد السلاوى كتب:

    السادة صفوة الأخيار ..زوار الدار .
    مسعولين من الخير .. ف إتنين من بناتنا الحرائر ( مشاهدة ونورلايت ) أثروا المدونة حيناً من الدهر وتركوا بصمات واضحة بمقالات صاخبة تفاعل معها الجميع بجدية واهتمام شيدين واختفوا فى خضم الحياة ..وحتى بعد نداء الفكى الحاج أبكرونا لم نسمع عنهم أومنهم ..لعل المانع ..نأمل أن يكونوا بخير ..وما يكونوا زعلانين من زول وأعلنوا الإضراب العام والعصيان المدنى فى وقت واحد ..وهل من عودة ه ؟
    ولاّ شنو ..يا صاحب النداء الأخير..صاحب البوست ؟

  60. طفشانة كتب:

    السلام عليكم ياحاج احمد السلاوى ويبدو لى انك حاج فعلا
    اولا اشكرك على الرد والترحيب
    وثانيا لايوجد شى مستحيل تحت الشمس واتمنى ان تتحقق الفكرة وتجمعنا الايام حتى لو اتلمو جزء جزء ممكن ولو ناس السعودية اتلمو مع بعض فى نفس اليوم ال بتلمو فيهو قروب الخرطوم ناس مدنى برضو ممكن اعملو كدا وباقى القروبات بنفس المستوى وحانعمل مكالمات جماعية وفديو واخر تكنولوجيا اتصالات وحا نسميهو اليوم المفتوح ل ………… تم الباقى لانى ما حريفة فى التسميات.
    ثالثا انا من مدنى الجميلة حى الواحة شغالة فى المعهد القومى للسرطان واتمتع بكامل الصحة والشباب والقوى العقلية والحمد لله. يلا عرفونا انتو منو ؟؟؟؟؟؟؟

  61. طفشانة كتب:

    شكرااااا يا ابكرون ومادام الفكرة عجبتك والله حا ابدا جادة فى الموضوع بس خلينى اقدم شوية عشان ما اقولو شوف الجديدة ولضيضة دى.
    وبعدين الظاهر انو الزول دا سل روحك لما كنت جديد غايتو الحمد لله ربنا ستر

  62. علي سنكل كتب:

    طفشانه:
    مدني عملو فيها معهد قومي للسرطان؟
    بتكونوا كنتو مستشفى العلاج بالزره ( الحرف الصحيح ما عندي في كيبوردي) وبعدين تطورتو لمعهد بحوث؟
    على كل حال مرحب بيك عضو جديد ونشيط في حيشان جبرا.
    و أنا من مدني الجميله بانت.

  63. علي سنكل كتب:

    معليش تعليقي ما تميتو.
    ونطالب الفاتح جبرا بالطله على خلق الله بي جاي مره . . مره.

  64. حاج أحمد السلاوى كتب:

    بنتنا الطفشانة ..( بس إن شاء الله ما دايماً ..طفشانة ) ..سلام
    لا مانع ول إعتراض لدينا من حيث المبدأ ..خصوصاً نحن عصبة لاباس بها فى السعودية منهم ولدنا د . شمباتى ( لا علاقة له البته بالمدينة شمبات ) وولدنا خالد ابراهيم (نادوس) وأخونا الكاشف الصغير ودالفتيحاب وهناك على البعد أبو عمر فى ابها البهية ود. ركس فى الدمام وأستاذنا المعلم ودالبركة ( ربنا يطرح فيهو البركة وفى أولاده إن شاء الله ) فى عاصمة المملكة الرياض ويزامله فى الرياض أيضاً أخونا الشفيف ودالباشا ..وآخرون لا تسعفنى الذاكرة الخربة باسمائهم الآن ..(طبعن فى زول إنبسط لامن قرا الذاكرة الخربة دى )..
    نحن أيضاً لنا جزء كبير واساسى من وادمدنى الجميلة ولى فيها ذكريات طيبة وحبيبة إلى نفسى ولكن فترة طويلة لم أتمكن من زيارتها ( هو الخرتوم نحنا قادرين نكفيها ؟ )..وباقى العقاب فى العصمة الوطنية وادنوباوى / الصافية بحرى ( قالوا ناس بحرى بتحبو ..الكلام دا صحيح .. يا ابكرونا ؟ ).
    أنا فعلن ( فعلاً) حاج ..,حاج قبل أن أؤدى الفريضة لأن مولدى كان يوم الوقوف بعرفة ( فى أمدرمان طبعن ) سنة 1215 هجرية ( تطلع كام بالميلادى …يا شمباتى ؟ )وعشان كدا سمونى الحاج أحمد ( قالوا فى المثل أحمد زى حاج أحمد ).
    تحياتى لكل آل وادمدنى الجميلة وربنا يحفظكم ويغتيكم من كل شر .آميييييييييييييييييييييييييييييييين .
    وإلى لقاااااااااااااااااااااااااااااااءءءءءءءءءءءءءءء .(مع الإعتذار للغبشة ) .

  65. طفشانة كتب:

    شكرا الاخ على سنكل شكراعلى الترحيب
    ونحن فعلا كنا مستشفى ذرة واصبحنا معهد قومى للسرطان

  66. ابكرون كتب:

    ههههههه
    انتو يا ناس عمنا ده مالو حمى الضنك دي متاوراه شي مدني وشي ودنوباوي وشي بحري…!
    …..تعرف يا عمو(عمو دي للاحترام يا اخونا الكبير) دخلته 1215هـ بتاعتك في التقويم طلعت بتعادل سنه 1800م بالله كان صاحبك منو من اهل الكهف …. ؟ شكيتك …هو الزمن داك كان في ناس في بحري؟
    ————————————
    التاريخ المدخل: 1 / 1 / 1215
    نتيجة التحويل: الأحد 25 مايو 1800 م
    *هناك نسبة ضئيلة لحدوث الخطأ في التحويل تقدر بيوم واحد فقط
    —-
    الاخت طفشانه لتعارف الاعضاء بامكانك عمل ايميل للآدمن لارسال بريد من ترغبين في مراسلته من
    الاعضاء :قلتي لي سلولو ده سالي روحي؟ رقبتي ذاتها سلاها
    الآدمن : hamaada@hotmail.com

  67. nono كتب:

    طفشاااااااااااااااااااانه/

    برحب بيك في الساخر الحمد لله الجدود ماقصر معااك نتمني ليك اقامه طيبه … نثني علي اقتراحك !!
    مااااابالضروره تقدمي ( احسن قبل ماالسخن يبرد)….

  68. طفشانة كتب:

    شكرا يانونو خلا ص عرفينا بيك انشا الله تكونى من مدنى وانشا الله نكون بنعرف بعض من زماااااااااااااااان

  69. خالد مدني كتب:

    انا ظااااااتو من مدني !!!!!

  70. كضبن كاضب يا خالد – ده اسم ساكت 😛

  71. حاج أحمد السلاوى كتب:

    يا جماعة الخير ..
    بالله أى واحد من مدنى يرفع إيده فوق …
    إن شاء الله حتى من الحصاحيصا أو ما جاورها ..
    وخلونا النشوف آخرتا شنو مع ناس مدنى الحُنان ..
    خالد مدنى .. أنا سمعت تحت تحت إنو ندى القلعة برضو من مدنى ..صحى ؟

  72. nono كتب:

    روحي ليه ؟؟

    مشتهية ود مدني؟؟؟

  73. الزهراء كتب:

    الاخت … طفشانه
    الله لا طفشك مننا
    والله مرحب بيك كتير ومنورانا بي وجودك ونحن عندنا مشكلة عدم مداومة الحسس والجكس على الكتابه باستمرار
    حقيقه سعدت بنشاطك ورغبتك في التعرف على هذه الكوكبه الجميله- ما بشكرهم عشان زملائي في المدونه لكن لاننا فعلا بقينا اهل وماشاء الله عليهم اعمامنا وشبابنا واخواتنا ربنا يغتيهم
    اقتراحك غايه في الروعه واصلا نحن طولنا من الرحلات
    اخر رحله كانت متين يا استرايكر؟
    عجبتني جملة (في كامل الصحه والقوى العقليه) نحن طبعا عندنا زول كده عندو مشكله في الشبكه ورادارو مرات بيلقط غلط والانتنا ما مظبوطه مع القمر الصناعي
    نونو: ازيك مشتاقين والله قلتي لي مشتهيه ود مدني؟
    طفشانه فهمتي حاجه؟ لو ما فهمتي شيلي ايميلي من الادمن بفهمك
    خالد مدني: خلي الكضب
    سنكل: سلام- باقي لي الحرف قاعد شمال الرقم واحد في الكيبورد ولا كيبوردك براهو؟ غايتو جرب الركن العلي شمالك
    ابكرون: لكن ما جننت سلولو ده 1800 عديل كده يكون ضربا قاصد 1980
    ماااااااااااا بعيد برضو حنشغلك في جهاز الاحصاء القومي جهز الاله الحاسبه والتضريبات
    حاج السلاوي يا بركه: مولود يوم عرفه بختك غايتو استرايكر ده شكلو ولدوهو في الكريسماس الله اعلم

  74. nono كتب:

    الزهراء /

    يابت القبببببببببيله ؟؟؟؟

    الفهيم ده اناقلتليك بيودييييييييييييييك بلدا طيره عجمييييييييييييي ؟

    اسمعي كلميييييي؟؟

  75. سماسم كتب:

    انت الجماعة ديل كلهم طلعوا من مدني ؟؟؟؟؟؟؟؟؟؟؟
    بما أن على سنكل ونيام من ود مدني ، وبما انهم من منطقتنا إذاً أنا ذاتي من ودمني بحكم القرب الجغرافي في الشمال والزماله في المدونة …….. تحليلي دا كيف يا نونو

  76. الزهراء كتب:

    نونو بلدا طيرا عجمي دي لو بقت مدني حتكون معاي اخر باااسطه
    بعد اذنك يا شمباتي ممكن ناخد اقامه في الضفه الاخرى جنب ناس كده؟؟؟؟؟؟؟؟؟؟
    سماسم لو استخدمنا المنطق ممكن تكون الزومه قريبه من مدني وبي نفس اللوجيك انا وسمسمه معاك حنكون قريبين لي مدني
    طفشانه يا بت خالتنا مرحب بيك يا يمه طلعنا اهل
    نونو : برج البركه قريب من بورتسودان شوفي ليك ناس هناك

  77. طفشانة كتب:

    الزهراء سلام والله اشتقت ليك قبل اشوفك
    وماتعرفى انا سعييييييييييييدة قدر كيف انو الجماعة كلهم طلعو مدنييين وفريبين من مدنى
    خلاص بعد كدا اى زول ارسل لى موقعو الجغرافى ال ممكن اتواجد فيهو يعنى مثلا لو افترضنا انو الزهراء ال هى من مدنى وحاليا فى البرازيل مثلا تقول لى انا حا اكون فى مدنى فى الحتة الفلانية فى شهر كدا ولمدة كدا
    سماسم انتى من وين ؟؟؟؟؟؟؟؟

  78. سماسم كتب:

    أهليييييييييين طفشانةأنا من الشمال مشهور بالكرم وكرموا رافعوا السودان علم
    انت برضو من الشمال

  79. ابكرون كتب:

    هييييي
    صفا انتباه …صفا انتباه….استرح
    خلي بالك من الشرح….قلبتوها ونسه استرايكر وزع ليهم ايميلاتهم ؟ الله …سيد البوست ده وين ؟ (وش بتلفت)….يا حليل يا سنكل ضباط زمان
    سمح يا الزهرا نسيتي آخر رحله ؟؟؟؟؟

  80. الزهراء كتب:

    طفشانه يا اختي ما اطفشك ساكت انا من الشمال اهل بدير وشايق
    ما بعيده من سماسم الغاليه- موقعي الان في الخرطوم
    وتشتاق ليك العافيه يا راقيه سعيدين بانضمامك للعقد الفريد
    شرفتينا وبي وجودك بيتنا نور

  81. طفشانة كتب:

    زهراء : لالا ما طفشت بعيد ما دام من الخرطوم نحن قريبييين شديد وبنتلاقى
    سماسم : مرة ولا راجل ؟؟؟؟؟؟؟؟ لا انا ما من الشمال لكن نفسى امشى الشمال انا من الجزيرة عرب ساااااااكت

  82. سماسم كتب:

    عن اذنك يا سيد البوست عندي توضيح بسيط
    يا طفشانة لو قريتي تعليق الزهراء الأخير كنتي لقيتي الإجابة على سؤالك ده … أرجعي ليهو تاني معليش

  83. طفشانة كتب:

    اسفييييييييييييييييييييييين يا سماسم بس انا اتحيرت لانو انتى كتبتى لى أنا من الشمال مشهور بالكرم والزهراء قالت لى الغالية سماسم
    يعنى انا حا اعارف كيف ؟؟؟؟؟؟؟
    طيب يا سماسم انتى من وين فى الشمال ؟؟ وهسى وين

  84. سماسم كتب:

    سوري الكلام داك بيت شعر عن الشمال ما عن نفسي أنا
    أنا الآن في العاصمة وأصلاً من مروي

  85. الزهراء كتب:

    ابكرون:
    انساك انت انت بتتنسي
    ولا رحلتك بتتنسي
    ده كان يوم جميل
    بس عشمانين في واحده تانيه وكده
    استرايكر ده وقفو مكتب بقى ما شايف شغلو نام بالعناوين

  86. طفشانة كتب:

    تشرفنا ياسماسم واتمنى نعرف بعض اكتر واكتر

  87. طفشانة كتب:

    لكن يا سماسم بالجد الناس ديل فعلا اتلاقو وعملو رحلة وكانت سمحة ولا بضهبو فينا ساى هسة شايفة ابكرون والزهراء منتعشين كيف ؟ ال بسمع اقول جادين

  88. سماسم كتب:

    هي رحلة واحدة … هي رحلات كتيييييييرة اتعملت والأخيرة ياها البتكلموا عنها دي كل الرحلات كانت في منتهي الروعة وأغلب الناس دول اتلاقوا واتعارفوا وعملموا علاقات اسرية والجاية ان شاء الله نتعرف عليك انت

  89. الزهراء كتب:

    طفشانه: حليلك يا النايمه وقاعده علي حيلك
    هي رحله واحده؟ دي رحلات كل ما يزورنا طير مهاجر بنرتحل ونتعرف عليهو طبعا بوجود الاسر الكريمه
    حاجات مبهجه جدا بوجود البروف وبقية القامات الرفيعه- انتي بس ابقى مارقه بافكارك واقتراحاتك
    يعني انا وابكرون ما منتعشين جادييين واسالي نونو وسماسم

  90. طفشانة كتب:

    ابدا والله يا الزهراء وسماسم بس لما قلت المقترح سلولو احبطنى قال لى انتى قايلة الناس ديل بتلاقو والله الا المهم الحج الاكبر عشان كدا افتكرت انو الحاجات الحلوة ال قلتها دى ما حصلت ولا بتحصل
    لكن ما دام كدا ابقى حا تشوفو منو النايم وقاعد على حيلو ؟؟؟؟

  91. سماسم كتب:

    سلولو بقصد الطيور المهاجرة لما يجو في اجازة ما بتلاقوا لكن بلاقوا ناس الداخل بقصد لو عاوزه تجمعي كل الناس إلا في الحج لأنو زمانو واحد

  92. الزهراء كتب:

    الحمد لله يا طفوشه ( دلع طفشانه وكده) بعد اذنك يعني
    نحن بنتلاقى يعني تجي شارع االنيل تغشي سماسم تدخلي جوه الخرتوم ولا جابك الدرب تغشي نونو الغاليه تضربي واحد عصير- وهكذا تشدي سلك للزهراء تلاقيك وتمشوا للغبشه
    وهكذا – يا ستي نحن منتظرين ابداعاتك

  93. طفشانة كتب:

    هههههههههههههههها كمان دلعتينى والله انتى عسل عديل كدا
    طبعا ياستى انتو ناس العاصمة الراقية رايك شنو تتلمو كلكم كدا ومعاكم الغبشة وتشرفونا فى ارض المحنة حا اعمل ليكم احلى رحلة فى احسن مكان على ضفاف النيل

  94. الزهراء كتب:

    لينا عظيم الشرف يا ستي وان شاء الله نتلم في الخير وبالنسبه لمقترحاتك يوجد رابط بالاعلى اسمه الاراء والمقترحات بالاضافه لتتأسيس منظمه خيريه كانت بداية الاعضاء فيها من المدونه وصارت العضويه مفتوحه وايضا الرابط موجود بالمواقع الصديقه واسمها زاد المسير
    وتاني مرحب بيك وممكن تاخدي تلفوني وايميلي من الادمن استرايكر
    واكيد سنلتقي
    الغبشه فاقدنك والله

  95. طفشانة كتب:

    شكرا الاخت زهراء فى المسافة دى مشيت اشوف المنظمة والمقترحات طبعا دى اول مرة
    عجبتنى فكرة المنظمة بس لسه ما فهمتها كويس ياريت شوية توضيح منك لانى شايفاك امين العضوية كيف يمكن العضوية للمنظمة وكيف ادفع الاشتراك الشهرى وشنو المشاريع ال بتعمها المنظمة مع خالص شكرى

  96. الزهراء كتب:

    شكرا اختي طفشانه على اهتمامك وحرة قلبك ومرورك على موقع المنظمه
    اعلى الصفحه يوجد رابط اسمو دستور الجمعيه به كافة البنود الخاصه بمجالات عمل المنظمه
    والانتماء للمنظمه يتم عن طريق ملئ استمارة العضويه الخاصه بالمنظمه والاشتراك الشهري عشره جنيهات فقط ومن اراد ان يزيد فتعتبر من باب التبرع ويمكنك الاتصال باسترايكر او شخصي الضعيف لتسديد الاشتراكات- وعمر المنظمه تقريبا شهرين وشويه وان شاء الله بعد تاخدي الايميل وتدينا ايميلك حنتواصل معاك ونمدك ببقية التفاصيل وان شاء الله تتواصلي معانا وتكوني عضو نشط ونتكاتف لعمل الخير

  97. خالد مدني كتب:

    ابكرون … ابكروووووون … ابكر – وش ناهر – قوم قول للعوين ديل يسوو العشا .

  98. ابكرون كتب:

    خالد : انا بالجد لبدته استمتعته بونستهم بنوتنا وحرائرنا….وبقيت زي الشاعر عتيق وبعتذر (لقلبنة) قصيدته :قضينا ليلي ساهره

    حضرنا ونسه عامره …..تضمنت محاسن
    من كل روض عينه……. ومن كل عينه زهره
    سعدنا بسماسم……..إتوجت طفشااانه
    تلألات الزهرا ………واتجلت فيها نونو
    ناس عليها فرحه
    وناس صريحه جرحى
    وناس قلوبه اسري
    ——
    كدي كل واحد يشوف روحه وين من الناس الثلاثة اعلاه….انا بعترف من الكوم التاني

  99. علي سنكل كتب:

    والله يا أبكرون وخالد أنا من أمس بالليل متلبد خايف أخرب عليهن الرصه . . . ربنا يديم المحبه والإلفة بينكن حرائرنا الكريمات . شايفه يا طفوووشه الجماعه محتفلين بيك كيف ؟ لأنك داخله وفيك عبق النيل وحنتوب وجامعة الجزيره وود أزرق و قبة ودمدني السني وسعدابي.
    طبعاً سماسم من مدني بالتسلسل المنطقي فيما يجمعنا بها أنا ونيام من قرب جغرافي في تنقاسي والقرير والدتي والحفير بريدك يا البشير . . شوقك شوى الضمير.

    الزهراء برضك طلعتي من الشماليه ( لكن طبعاً ترخيص الخرطوم ) ، مشكورين على ترحيبكن الحار بالطفووووشه بت مدني.
    ومشكوره يا الزهراء ، الحرف أنا عارف محلو لكن بايظ عندي لمان تضغطيهو بكتب ليك ( >) ، عرفتي المشكله.
    صباحكم يجلب العافيه.

    شايف يا أبكرون الحرائر أوقدن تقابة بوستك كيف؟

  100. nono كتب:

    جاية من وين يا بنية؟
    وناوية على وين السفر؟
    قلتي لي مدني الجميلة ؟
    مدني يا أجمل خبر؟
    فيها قضيت الطفولة ؟
    وفيها شاب عمري وكبر؟
    قبة السني وبيوتنا ؟
    وعامرة حلقات الذكر ؟
    مدني في حدقات عيوني؟
    باقية لي أبد الدهر ؟
    تلهم الكاشف يغني ؟
    ويكتب المساح شعر ؟

  101. سماسم كتب:

    ونونو : انتو امبارح بسببكم الجماعة باتو القوى (من غير عشا) تاني دورتي عاوزاهم ما يفطروا

  102. علي سنكل كتب:

    شوقك شوى الضمير

    شوقك شوى الضمير أطراك مناي أطير
    أنا حابك من صغيـــر بريدك يالبشيــــر

    بسم الله يــا قديـــر يا عــالي يا كبيـــر
    يا جابر الكسير دبرنا يا بصيــــر
    بي أحسن التدبير من فضلك الكثير
    جود يا كريم بي الخير أنصرنا يا نصير
    ويسر لنا العسير
    ثنيت بالبشير محمد النذير
    شفيع القمطرير يوم موقف الهجير
    والشمس تستدير يجري العرق خرير
    تتفلت أم زفير جانا النبي الأمير
    بي كفو حين يشير يخمد حمو العسير

    يا فمي جيب تشكير لي الكمل أهل الخير
    ناس سيدي بابكر كان للرسول وزير
    الفاروق مع الحبر لا زالوا بي تكبير
    الرابع القاهر كرار علي الظاهر
    زام صدرو بالكرير بي سيفو ذو الفقير
    كم رامي لي زنطير قال فاسق الحمير
    أخير لنا الفرير قاليهو يا خنزير
    ما بينفع التعذير جنزر كلاب النير
    ملاهم جنازير

    وين ستت التدبير السامو للعمير
    ناس طلحة والزبير سعد و سعيد صفير
    ياعبيدة العمير عمار بن ياسر
    الكندي متبدر ضرغام ضرار شاطر
    سيدي ابن عوف عاشر كاد بولس العوير
    ابن الوليد نادر في حمزة يستتر
    هو الحلل الكشير الصقر اب قراقير
    فوق العلوج نفير

    ياخواني لا البااقير لا قوز البسابير
    مويس والسناهير السيال مع الجوير
    كرقوس والمغاوير الدامر والعشير
    الباوقة و البنقير مقرات مع اب سدير
    بي داير المناصير جيراني الكجاجير
    قريب الكواوير جريف الحواج نير
    سقاي ولاد بشير عمران و السواعير
    دويم ود حاج شهير تنقاسي و القرير
    الدتي و الحجير حلة ولاد بصير
    جزيرة ود سرير عربان الهواوير
    في أبقش التجاجير لاتنس الجبابير
    سوابق والبدير لا أرقو و الحفير
    ابريم كنوز والدر مايشوفو زمهرير

  103. nono كتب:

    اولاااااااااااااااااااااااااااد؟؟؟

    الماااااااااااااااااااااااااااحي ؟؟؟؟

  104. علي سنكل كتب:

    ياهم ظاااتم يا نونو و من الكاسنجر الجنب كريمي ، عطروا سماء السودان و لايزالون بمدح سيد الخلق صلى الله عليه وسلم.

    التمساح تمساحاً خازي
    درنا العوم أدونا الاجازي
    …………………….
    شئ لله يا راجل البركل
    يا قايم بالليل ما بتكسل

  105. طفشانة كتب:

    اولا اشكركم كل الشكر على الدلع الجميل جدا وطفووووووشة اسم محترم فى رايي الشخصى وثانيا والله بالجد ماقصرو معاى وانا سعييييييييييييييييييييييييدة جدا جدا وقلبى منشرح واتمنى اتمنى رؤية الجميع ومعرفتهم

  106. عبدالرحمن أحمد كتب:

    ونرجع تاني نقول يا شمباتي
    برلوم يسأل برلومه
    هل أنت أساسا من مدني

    مرحب بيك يا الما طفشانه
    وأنا كنت بجي بجنبكم بمشي لناس شمباتي في الاعداديه
    لي في مدني خمسه سنين مرت حلوه زي أنسام
    وزي هله فرح دفاق يروي النش سلام
    وزي فرحه واحد زيي بعيد مشتاق لناسي واحبابي ودفعتي
    في جامعتنا الجزيره
    فلك مني يا طفوشه أحلي سلام
    وألقي تحياتي لناس أبوالهول فهوحبيبي هو التاني كمان

  107. حاج أحمد السلاوى كتب:

    الحاصل شنو يا جماعة ؟ السودان بقا كوووولو من مدنى ..حتى برلومة ولدنا عبد الرحمن .
    طفشانة ( وفى رواية أخرى طفوووووشة ) الجماعة ديل عملتى ليهم غسيل مخ ولاّ شنو ؟ ورينا الفكى بتاعك دا دربو وين ..اصلو عندنا ناس طاشين وعاوزين نرجعهم ..لأنو اكتشفنا إنو الفكى بتاعنا القاعد معانا فى المنتدى واسمه ………. طلع فالصو ..
    أختنا سماسم .. أكيد الجماعة البايتين القوا يكونوا ما فطروا لحد حسه ..يا كافى البلا ويا حايد المحن ..حوالينا ولا علينا ..

  108. nono كتب:

    شنوووو ياحاج السلاوي

    انت ماقلتا المن مدني يرفع ايدي ؟؟

    مشيت علي كده الجماعه ديل من امباااااااااااااااارح ياكافي البلاء….
    اولا واقفين رافعين ايدينم؟؟؟ذي ماقلته؟؟

    ولاعشااااا لحدي حسه مافطروووو؟؟

    اكااان اللبله االخميس كان يتمووو اليوم صياااااااااااام يتحسب ليهم في ميزااان حسناتم؟؟

  109. nono كتب:

    لكين ده كلاااااااااااااام شنووو القلتتتتووو ده ياحاااااااااااااااااااااااج

    ماااااابشرتني؟؟

    الفكييييييي ؟ماااااااالوووووو؟؟

    طلللللللللللللللللللللللللللع؟؟

    فاااااااااااااالصوووووو؟؟

  110. طفشانة كتب:

    مسا الانوار
    ههههههههههههههههههههههههههههههههههههههههههههههههههههههههههههههههههههههههه بموت من الضحك
    ياحاج احمد مالو يعنى لو السودان كلو طلع مدنى وبعدين اعمل حسابك الفكى لحدى هسى ما بكون قرا كلامك بتاع الفالصو لو قراهو بطلع روحك وبكون انا السبب مالك على داير تدخلنى فى مشاكل

    اخونا البرلوم الف مرحب بيك ياعبد الرحمن والله انت شكلك ظاتو طافش من حوامتك الكتيرة هسى البوديك من الاعدادية لحدى النش شنو كان ما انت طافش ؟؟؟؟؟؟؟؟ على كل حال لك الف تحية من ارض الجزيرة ومن جامعتها الغراء ومن الاعدادية وابو الهول الى النش

  111. الغبشة كتب:

    كطفشانه: سلام والله خياتى ما خلو لى فرقه اضيفك بيها لكن انقول ليك حبابك، وكويس ما لموا فيك طفشانه مالك؟ الطفشك منو؟ طفشانه من منو؟ طفشانه لشنو؟؟…………………؟؟؟؟؟ زى ما عزبونى زمااااااااااااااااااااااااان غبشة مالك؟ ماسمعتى بالجرسلين؟……………؟؟؟؟؟ ومليون سؤال.
    الزهراء: والله الشوق كمياااااااااااااااات نتقابل بهناك ادينى رنه بس عندى ليك جنس حكاوى بس ما تكلمى نونو وسماسم عارفه الحاصل وطفشانه خيها طفشانه
    عمو السلاوى:مافى داعى للاعتزارات فى جد بعتزر من حفيدته
    والى لقاااااااااااءءءءءءءءءء

  112. عبدالرحمن أحمد كتب:

    أبو الحجاج الزوله دي طلعت طفشانه صحي صحي

    تحياتي لأستاذ- صديق في مستشفي الذره يا طفشوا وقولي ليه واحد من
    25AC

    عاد لاكيييين-لكن- ياأبو الحجاج الفكي القلت طلع كيف كيف دا مش نحن هسي في بيته وللا-علي طريقتك ما لاقي الشده بجيبوها كيفن- وللا نحن في بيت ناس جيرانهم ما يسمعنا كمان

  113. طفشانة كتب:

    سجمى طبعا يا عبد الرحمن مالك على مطفشنى شايف على شنو ولا وجعتك الرسالة الفاتت مع انو قلت ابد معاك بداية كويسة لكن براك بتجيب لروحك المشاكل
    بالله بتعرف استاذ صديق والله طلعت ولدنا طيب
    يعنى شنو 25AC

  114. عبدالرحمن أحمد كتب:

    نكورك ليكم ما تجوا يجوكم تكوركو
    الزوله بتقول يا ناس أنا طفشانه
    لامن نقول ليها انتي طفشانه صحي تقول لي مالك مطفشني
    عاد دا كلام
    يا ايها الفكي احكم بيننا

    كسره

    بالمناسبه صباج الخير
    يا ناس لاعشاء لا فطور
    طيب خلو الفنجريه تقوم تقهوج الحجاج

  115. عبدوش كتب:

    سلام يا ناس سودان الخير سلام .. وزولاً ماهو منكم انتو ندمان في حياته ندم !!
    والله مشتاقين عديل كده …
    عمنا ابكرون لومك جانا في (مكوار) لكن النت في البلد ديك عدم جينا نسجل روحنا مع العايدين ومنعنا منكم عدم النت بس …. وقلنا نبدا من محل اللوم كنقطة بداية
    الشعار للسنة الجديدية 2010(عبدوش عضو قديم صديق جديد ) عشان طولنا وكده …
    ونعود تاني من تاني……….

  116. ابكرون كتب:

    عبدوش يا حليلك والله شوق مطر لمكوار وناس مكوار بالله سلام لاحمد صاحب الصيدلية……ياخ المدونه دي انت سيدا….يا سيد
    طفشانه : ماليك حق عبد الرحمن ما طفشك انت برااااك طفشانه …..و25 دي يعني الدفعة بالجامعه كدي اسالي ناس شمباتي…..ورحاب

  117. عبدالرحمن أحمد كتب:

    شايف كيف يا أبكرون الزوله دي طفشت صحي صحي
    ليها يومين تلاته قاطعه كهرباء

  118. طفشانة كتب:

    صباح الانوار
    واله مشتاقييين يا جماعة

    ابكرون كيفك اتمنى انك بخير طبعا انت الوحيد ال ما رحبت بى لكن بما انك دخلت شمال طوالى انا بخش يمين طوالى واول سؤال انت فكى جد جد ؟؟؟ وعندك فاتحة قوية وحركات كدا ولا اشاعة ساى ؟؟؟
    انا عارفة انو 25 الدفعة لانو انا خريجة الجزيرة كنت بقصد 25A

    عبد الرحمن : ما طفشت لكن شوية مشاغل بس اخلص وبرجع ليكم عليكم الله دعواتكم لى عندى موضوع زانقنى فيهو شديييييييييد ادعو لى ربنا اخلصنى منو

  119. عبدالرحمن أحمد كتب:

    AC
    Apllied Chemistry-Chemical Engineering Technology
    وربنا يفك الزنقه
    لسه بتجيبو التكنشن من لندن
    وللا الزنقه دي يكون كلفوك باستخلاصه من مدني

  120. حاج أحمد السلاوى كتب:

    طفشانة ..طفووووووشة ..طفشفش ..طفشوشة ..طفشوش…إلى آخر قائمة الطفش والطفشان ..
    دعواتنا ربنا يخلصك بالسلامة من الموضوع المطفشك ..
    أما بخسوس الفكى بتاعنا دا ..أنا حأجاوبك بسرعة وقبل ما يتدخل هو شخصياً أصلاً هو ما بيحب الظهور العلنى ..واحب اقول ليك إنو فكى كارب كربة شديييييييدة وإيده باتعة ..يعنى يلمس أى حاجة ممكن يقلبها للشىء اللى هو عاوزه ..دهب ..ألماس ..بلاتين …وكان قرا ليك الفاتحة معناها انفتحت ليك ابواب السما .. أما موضوع أستجلاب العرسان دا تخصصه الكبير وعندو فيهو دراسات جدوى خطيرة جداً..وبالكمبيوتر..مجرد إدخال معلومات والنتيجة مضمونة مية المية . بس إنتى أطلبى وأنا حأتوسط ليك عنده بدون عمولة أو سمسرة…اصلو هو صاحبى شدييييد ودافننو سوا..يعنى ما بيناتنا حواجز أو سدود..مشكلته الوحيدة إنو خارج نطاق أمازونيا العظمى ( يعنى بالعربى الفصيح تواجده خارج السودان ) لاكين ممكن الإتصال عليه عن طريق الفيس بوك أو المسنجر .. شايفة كيف التطور دا ..فكى مودرن خالص ..حتى إنو بيستعمل بخور فرنسى وماليزى ..مش البخورات البلدية القديمة ..كل شى تطور ودخل قالب العولمة ..
    أحدد ليك معاه موعد ..ولاّ لسه حتفكرى ؟
    إتفقنا ؟؟؟؟

  121. ابكرون كتب:

    طفشاااانه :
    ازيك انا بخير(ولا تنقصنا سوي رؤياكم العزيزة) …كيف انا فكفك باتع زي ما قال ليك جدك السلاوي واسعلي برضو الغبشة مره قالت فيني كلام قومته ليها 4 لوز….. شي عمليات …وشي رجاءات واعتذارات ليها ابعاد…..اربعه سنين تجربه وزاد…..ومرض لوزااات….عشان كده حسني علاقاتك…..
    وبديتي معاي بدايه سيئة اني ما رحبته بيك وكده ….والظاهر عليك ما بتقري ارجعي لي وراء شويه
    ولا اقول ليك عملته ليك كوبي تحت منها …..المره دي بنمررها ليك لكن التانيه لا تلومن الا روحك ….؟ شفتي انا هراااااش كيف؟
    والله يا سلولو :في بخور اسمه المسني مدور فينا الايام دي…..لكن بيني وبينك ريحتو حلوه….اتفقناااااا بتاعة ندي ؟
    ———————————————
    على الأحد,10 يناير, 2010 في 2:08 م | رد ابكرون

    طفشانه : مرحب بيك في البيت الكبير بيت العمدة…ومقترحك جميل وموافقين عليه عديل وما دام انت حسب ظني في الداخل سوي لينا البرنامج ونحن من يدك دي للتانيه وخليك علي اتصال…..الشئ البستغرب ليهو عمك سلولو ما فلفلو معاك وسألك اسئلتو البتسل الروح للعضو الجديد….

  122. طفشانة كتب:

    سلام ابكرون مع انو انا فى المكتب وقمة الشغل والزنقة لكن حلفت قلت اوقف واعتذر ليك والله والله اسفة واسف التراب عديييييييييييييييييييييل عليك الله والله ما قاصدة هو انا كان ما طفشانة بنسى الترحيب بتاعك دا عليك الله سامحنى بس كل شى الا واللوز والعمليات دى ابعدنى منها ومن اليوم والله العظيم احسن علاقاتى معاك للطيش

  123. طفشانة كتب:

    حاج احمد الاخبار شنو ؟؟
    قلت لى بفك البورة ؟؟؟؟؟؟؟؟؟؟؟؟؟؟؟يعنى هسى صاحباتى ديل كلهم ما فى واحدة بايرة زيى
    قول والله انتى جادى

  124. ابكرون كتب:

    طفشاااانه: خلاص بنيتي (وش منفرج الاسارير) رضينا عنك …بس سلولو ده ما يدخل بيناتناواموووورك كلها مقضيه (وش متكبكب)……..

  125. طفشانة كتب:

    ابكرون : الحمد لله اها كان جاهز عشان ابدا افتح السيرة
    وبعدين والحمد لله العلاقات بينى وبينك ما محتاجة ليها لسلولو ولا حاجة الا اذا اضطريت ليهو ممكن

  126. حاج أحمد السلاوى كتب:

    طفشوشة .. أحسن تقدمى السبت ..عشان ما يروح عليك الأحد ..
    وأى حاجة لازم تمر عن طريقى أنا ..ما تقولى تنانى ما محتاجة لسلولو ..ابكرونا زااااتو محتاج لى .

  127. طفشانة كتب:

    والله العظيم جننتونى انا اعمل شنوووووو؟؟؟؟
    طيب اتفقو انتو الاتنين اول
    انا اكون مع منو لو غلبكم دخلو بينا واسطات

  128. الزهراء كتب:

    كر علي يا اخواني جهجهتو البنيه
    انحنا ابكرون ده حوارو عدييل يا حاج السلاوي انت جيتنا من وين
    الزوار كان ما اعتمدوهم التلاته تسعات ما بيوصلوهو ابدا
    طفشانه التلاته تسعات ديل( نونو الزهراء الغبشه) دا كود وكده

    طفوشه الغاليه: والله ليك وحشه وابكرون ده امسكي قوي في سبحتو وفي بوست جميل كاتباهو نونو اسمو ابكرونا تقريبا كان قدرتي تمري بيهو بتعرفي الحاصل
    وابقي قريبه وما تبعدي لحدي ما نقابلك
    يااابت امي

  129. طفشانة كتب:

    الحمد لله يا الزهرا انك جيتى والله انا ذاتى محتاجة ليك
    اها اخلى سلولو اتوسط ابكرون بزعل واقول لى انا ما قلت ليك سلولو ما يدخل بيناتنا وكان خليت سلولو بفتكرنى كعبة ونيتى سودا وانا بصراحة شيخكم عندى معاهو كلام كتييييييييير بس اتجهجهت
    وحقو انا افضفض ليك انتى

  130. ابكرون كتب:

    طفشانه : والله ضحكتيني ….ايووووه بالله فتيه للزهراء والزهراء بتوصلوا لي بالايميل….سنكل عايز يبقي من العوازل زي جدو…شكرا للتضامن في موضوع دال وما ادراكما دال

  131. الزهراء كتب:

    صباحكم بركه
    من شدة الادمان الواحد بقى يصحى يصلي الصبح تمسكو حسكنيته لحدي ما يفتح منتدانا السمح ده
    المهم
    طفشانه: والله عمنا سلولو ده ما بنقدر نزعلو ابدا ياهو عمدتنا- والفكفك ابكرون ده مابحب الواسطات انتي خليه يفك ليك العارض بالمسنجر وحولي ليه البياض رصيد طبعا فكي مودرن وكده ومواكب للتكنلوجيا
    والله ليك وحشه
    الولد استرايكر الحاقد حقد طبقي ما رسل لي ايميلك لكن حأزرزروا لحدي ما اجيبو ونتواصل ان شاء الله

  132. طفشانة كتب:

    اغالية زهرهر
    والله الحسكنيتة بتاعتك انا شكلى اصبت بيها لانو مفروض استحم والبس واطلع للترحيل ….. فتحت الجهاز وقعدت
    طيب اوكى يا زهراء بس فهمى سلولو انو الفكى ما بحب الواسطات
    استرايكر هو الادمن لانو انا لسة طافشة فى المنتدى بس عليك الله كل مرة ورينى معلومة جديدة

  133. يا بنات قومو امشو لشغلكم بطلو القعاد فى الكومبيوترات دى.

    يا الزهراء – احسن ليك اتصلحى معانا – والا بنحظرك عديل.

    يا الطفشانة – ياخى اسمك ده بجيب حسكنيت عديل كده – كدى شوفى ليهو طريقة

    * راجعى الايميل الخاص بك.

  134. ابكرون كتب:

    غايتو جنس غايتو
    استرايكر ما تشوت لي الباس ده

  135. طفشانة كتب:

    استرايكر
    الاسم فعلا عجيب انا فى المكتب بدلعونى ب سوبى فهل يعنى فى رايك اغير لسوبى دا ولا اخليهو طفشانة فى مكانو خصوصا انو ناس المنتدى اتعودو على الطفشان
    اراجع الايميل الخاص بى وين ؟

  136. طفشانة كتب:

    شكرا ثم شكرا
    انشا الله اتواصل معاكم وربنا اعين الجميع

  137. خالد مدني كتب:

    شنو يا اخوانا … والله ذكرتوني النكتة بتاعت تزرعوا في الوهم … ما توهمونا معاكم يا ناس رسل لي وdone وok و شنو ما عارف … يا نيام الكلام دخل حوشك وينك انت .
    عبدوش مشرف والله وشايفك ملاوز وما خاشي توووووش يا زول بيتك ومطرحك .
    ابكرون انا داير طاقية اخفاء وبساط الريح وعرق محبة اوصل مدني اسلم علي نسابتي ديل واجي … ما تسالوني الحاجات دي لشنو لانو الموضوع ده بيني وبين الفكي المحايتو بيبسي ده .

    • الزهراء كتب:

      خالد مدني
      ماااعجبني ليك الجماعه خلوك لافي صينيه وكده
      انت تكوس في ابكرون وابكرون يكوس في الباصات من استرايكر
      كر عليك

  138. Wad Al Mahdi كتب:

    سلام مربع للكل وترحيب شديد بالمدونيين الجدد والقدامي الجددو المدد ومدد من ابكرون صاحب البوست الجمع الشمل واعاد الناس للبلد
    والله كلامك في محلو وما منعنا منكم الا الشديد القوي وقبل يوميين كنت مع د عزت بالتلقون وهناك اقتراح لجمع مدوني الداخل في لمة وبس منتظريين الوقت المناسب بعد موسم الكتاحات والبرد والامتحانات
    ليكم وحشة شديدة والسلام

  139. عبدالرحمن أحمد كتب:

    كويس يا إسترايكر وأنا لي شهر بقول إيميل فلان وفلان
    تجي طفوشه تديها في دقيقه

    • تم ارسال المطلوب لايميلك فى حينه – اذا لما تستلمها فى حينها فيمكن لوجود مشكلة فى الايميل الموضوع فى بروفايلك .

      برجاء ارسال ايميل اخر الى فى

      hamaada@hotmail.com

      اى شخص يقوم بارسال اى طلب – فى الحال نقوم بالواجب – وليس هناك اى تاخير او عدم رد لاحد.

  140. طفشانة كتب:

    عبد الرحمن يابتاع النقة ال بالانجليزى الكتيرة ديك شى كيميا وشى مابعرف شنو داك
    طفوشة زيك زولة لانقة لاكلام كتير هو اصلو استرايكر ما بحب اللخمة والجوطة والنقة الكتيييييرة
    وبعدين خلى الحسادة

  141. عبدالرحمن أحمد كتب:

    استرايكر حبيب الناس مساء الانوار

    خلاس يا يا الحبيب برسلك ايميلا اخر وبعدين يا حبه
    انا قلت الكلام دا علي وزن فيلم محامي خلع
    –اديتها الموبايل وانا لي شهر بشحته منك —
    لكن برضو اقولك جاب نتيجته —

    أما انت
    دقيقه بس
    ما خلاس رجعتي البيت وفضيتي صاح
    كويس إلا أحرش الفكي عليك

  142. زووووووول كتب:

    لاخ ابكرون سلاااام
    الاخوه: المدونون سلام الله عليكم ورحمته وبركاته
    اولا اشكر الحبيب ابكرون على اقتقاده لنا ومناكفاتنا له وغيره من الاخوان خلال فترة المدونه الاولى قبل ان تصيبنا حالة البيات الاخيره .
    واؤيده فى لومه وعتابه وشنو ما عارف لاستاذنا البروف الفاتح يوسف جبرا ربان السفينة وقائدها (سير سير يا بروف ) .
    لكننا حتما سنعود لايام الصفاء ودهر الشباب وستعود مناكفاتنا وكتاباتنا جميعا ان شاء الله تعالى .
    شكرا ايها الرائع وكتر خيرك كتييير ورد الله غربة مزارعكم المؤجره بصحن فول وقولوا الحمد لله الما طلعت ليكم مؤجره بصحن بوش وقدر اخف من قدر . خالص تحياتى لجميع اهالى سوداننا والسلام عليكم ورحمة الله وبركاته .
    مخلصكم زووووووول بسبعه واوات

  143. ابكرون كتب:

    زووووووول :
    والله لكن ده يوم سعد يا ودهاشم الليلي شفنااااك وطليتلنا
    مشكور ياااااخ ده اليوم السعيد الليله جابك وجاب معاك عمك الكناني في غير هذا الركن من اركان المدونه….تسلم يا كبير ويديك العافية واشتفنا ليك

  144. ابكرون كتب:

    ود المهدي
    سلام يابو الرجال مشتااااقين وبركه الجيت ماري من هنا وان شاء الله ديمه….وان شاء الله تتلموا في لحظات خير وعافيه

  145. طفشانة كتب:

    عبد الرحمن العجيب انا ما قاعدة افضى (بزنس ومن)
    والحاجة التانية انت مسكين لانك ما عارف انو البينى وبين الفكى عاااااااااااااااااااااااااااااااااااااامرة والحمد لله

  146. عبدوش كتب:

    مساءالخير جميعاً
    مشينا اخدنا جوله في الموضوعات الفاتتنا عشان نواكب ونروي عطشنا وكده …
    الفكي ابكرون : والله البوست بتاعك النكت الناس ده لنخلدنه في المدونة ولنجعلنه معبرا للغائبين … يعني قبل ما ازوول يعلق على اي بوست يجي ماري بجاي يخت ليه تعليق يرفع بيه راس البوست ده وبعداك يشوف الحاصل شنو (بركااااااااااااااااااتك،،، حيييييييييييييييييييييي)
    خالد مدني : والله يا عزيز داخلين تووووش لكن قلنا نقراء اول عشان بالجد الزووول مشتهيكم ،، بس اديها صنة .
    طفشانة : مرحب بيك والله ومنورة المدونة .. ترحيبنا جا متأخر لكن قالوا في المثل الترحيب لحولو بجيب زوولو… ومرحبا بكل جديد

  147. ياسين شمباتى كتب:

    غاااااااايتو جنس حركات !!!!!!!

    عبدالرحمن..بركة باللقيا..شايف صاحبك استرايكر؟؟؟؟

    ابكرون..لقيتك فكى كاااااااارب..

    ابوى السلاوى..جهجهت باكات الجماعة..

    استرايكر..ما كان العشم يا وديييييييع,,لقيتك فى زمن بمبى بس..

    الحبيب عبدوش..مشتاق وكفى..

    زوووووووول الحبيب..سلامات وعودتك فى الزمن الصاح,,سبحان الله امس كتبت الموضوع الكنا بنتناقش فيهو عبر الفيسبوك,استلم الدفة..

    ود المهدى يا راقى..دايما صاحى وواعى ومراقب من بعييييييييد..

    ملحوظة…كترتها صاح؟؟؟

  148. شديد – يا وديييييييييييييييييييييييييييييع

  149. ياسين شمباتى كتب:

    استرايكر..شنو يا ودييييييع!!؟؟ ما عندنا موضوع معلق ليهو كم فترة زمنية كدة!! انت بتراجعو داخل بيهو امتحان ولا شنو؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s