ضفاري

Posted: الإثنين,4 يناير, 2010 by mashakel in إجتماعية, سياسية

مع بداية سنة جديدة يا رب تكون سنة سعيدة و نتمنى فيها دوام الصحة و العافية و الترطيبة للجميع
بس نبرا من عيشة الفقر
و سمح السكات الفي خشم سيدو
و كمان سمح الصبر
بس الصبر مرات بيخذلك في كتير من الحالات و المواقف العصيبة البتمر بيها
لكن من غيرو كان الناس انشقت من المغسة و الألم و الحسرة

باص

يا مشرع الحلم الفسيح انا بينى ما بينك جزر
تتلاقى و الموج اللديح القدرة و الزاد الشحيح
كملتو ما كمل الصبر
نتلاقى فى الزمن المريح ميعادنا فى وش الفجر
يا مشرع الحلم الفسيح يا بعض منى و فينى ساكن
انا اصلى منك و مشتهيك و بيناتنا ليل الفرقة داكن
هبت هبوبك افتح شبابيك المساكن
وسع دروبك نور مصابيح الاماكن

كفية

في وقت من الأوقات السحيقة عندنا في بلدنا نوري في الشمالية .. عايزين يشيدوا مستشفى نوري .. كل أعيان البلد من خلفاء و ناس (سيدي) و جماعة الجبهة .. المهم كلهم اتفقوا يمشوا لي ( سيدي ) يبدا ليهم رحلة التبرعات للبناء .. و يدي الناس الحافز و الدافع علشان يتبرعوا
فعلا مشوا لي ( سيدي ) و شرحوا ليه الفكرة و انها بتكلف اتنين مليون جنيه .. قام (سيدي) شال ليهم الفاتحة
طلعوا بره مستغربين .. قالو احتمال ( سيدي) ما فهم نحن عايزين شنو .. رجعوا ليه تاني يوم .. رسل معاهم واحد و قال ليه امشي مع الجماعة ديل و لف بيهم السوق عشان الناس يتبرعوا ليهم .. طلع الكاروري و قال ليه و الله يا اخونا الشحدة ما محتاجة ليها واسطة بنمشي برانا
فعلا اتحرك الوفد لي ناس الجبهة بعد ما كملو الختمية و ما طلعو بي حاجة
اول واحد كان الشيخ عبد الباسط و شيخنا دفع ليهم حق عنبر كامل .. بعديهو مشوا لي هجو و برضو دفع ليهم حق عنبر كاملو برضو منظمة الدعوة الاسلامية و كدا لحدي ما كملو قروش المستشفى و كل التبرعات كانت من الجبهجية او المحسوبين عليهم .. هنا لقوها فرصة يضحكوا على الخلفاء و الختمية .. قام واحد نجيييض من الخلفاء قال ليهم .. انتو لو ما فاتحة ( سيدي ) كانت أموركم اتسهلت كدا .. قومو بلا لمة معاكم

بووووز

أقوى شوتة بوووز في السنة الجديدة حتى الآن كانت من شيخ حسن الترابي
اللي رشح لينا الأخ عبد الله دينق لمنصب رئيس الجمهورية
طيب الاستفتاء الجاي دا و الطبيعي انو الجنوب ينفصل
موقف عبد الله دينق ح يكون شنو
رئيس جنوبي للسودان الشمالي ولا الفهم ح يكون كيييف

قوون

أحبك جداً

وأعرف أن الطريق إلى المستحيل طويـل

وأعرف أنك ست النساء

وليس لدي بديـل

وأعرف أن زمان الحنيـن انتهى

ومات الكلام الجميل

لست النساء ماذا نقول

أحبك جدا…

أحبك جداً وأعرف أني أعيش بمنفى

وأنتِ بمنفى

وبيني وبينك

Advertisements
تعليقات
  1. الغالى مشـــاكل … كل سنة وانت بالف الفين خير ….. لكن ياخ سنتنا دى اديتها شوتة ضفارى من البداية وفى نهايتها بوزتها ربنل يسترها معانا ومعاك …
    البصات قالو ح تنزل قبل الانتخابات وعقبال سفلة الطرق بس انا بقول قبل دا كله يارررب ناس (تن بيرسنت) ديل مايظهروا لينا تانى السنة دى كمان . قلت لى فاتحة عمك حلت الموضوع كله هههههههه ياخ اتمنى انو يوم يقولو غير كدة ديناصورات سياستنا ديل ….
    لست النساء ماذا نقول … قول ليها :
    اليك ياامرأة حين أجيئها أعود منها ممتلأ حتى يغازلنى الناس فى الشوارع

    وكل سنة والجميع بألف خير وربنا يخفف من مآسينا وآلمنا هذا العام

  2. مشاكل كتب:

    باقي التوبيك

    قوون

    أحبك جداً

    وأعرف أن الطريق إلى المستحيل طويـل

    وأعرف أنك ست النساء

    وليس لدي بديـل

    وأعرف أن زمان الحنيـن انتهى

    ومات الكلام الجميل

    لست النساء ماذا نقول

    أحبك جدا…

    أحبك جداً وأعرف أني أعيش بمنفى

    وأنتِ بمنفى

    وبيني وبينك

    ريحٌ

    وغيمٌ

    وبرقٌ

    ورعدٌ

    وثلجٌ ونـار

    وأعرف أن الوصول لعينيك وهمٌ

    وأعرف أن الوصول إليك

    انتحـار

    ويسعدني

    أن أمزق نفسي لأجلك أيتها الغالية

    ولو خيروني

    لكررت حبك للمرة الثانية

    يا من غزلت قميصك من ورقات الشجر

    أيا من حميتك بالصبر من قطرات المطر

    أحبك جداً

    وأعرف أني أسافر في بحر عينيك

    دون يقين

    وأترك عقلي ورائي وأركض

    أركض

    أركض خلف جنونـي

    أيا امرأة تمسك القلب بين يديها

    سألتك بالله لا تتركيني

    لا تتركيني

    فماذا أكون أنا إذا لم تكوني

    أحبك جداً

    وجداً وجداً

    وأرفض من نــار حبك أن أستقيل

    وهل يستطيع المتيم بالعشق أن يستقل…

    وما همني

    إن خرجت من الحب حيا

    وما همني

    إن خرجت قتيلا

  3. حاج أحمد السلاوى كتب:

    ولدنا مشاكل ..
    طيب ليه حارمنا الزمن دا كوووووولو من إبداعاتك ..أنا غايتو بعد بوست ابكرونا الخير شلت ليك الفاتحة عشان كدا ..وأهو نتيجتها ظهرت ..
    قلت لى لو ما فاتحة سيدى ما كان المستشفى دى إتبنت …نحنا ما عاوزين مستشفى ..عاوزين ندخل الجنة ..يقدر على الشغلة دى ؟ قالوا الناس زمان كانوا بيشيلوا حاجاتهم ويودوها لناس سيدى عشان يدخلوا الجنة … شفت جنس المِحن دى ؟ مش المؤتمر الوطنى أحق بالفوز فى الإنتخابات الجاية إذا كان لسه فى ناس عايشين على الخزعبلات الزى دى .؟
    لاكين الضفارى بتاعك عينة.. يا مشاكل …إنت كنت بتلعب فى ياتو رابطة ؟
    وخليك قريب لا تبتعد ..وأتحفنا بالمزيد ..حتى لو كان ضفارى أو بوز .

  4. مشاكل كتب:

    قوون

    أحبك جداً

    وأعرف أن الطريق إلى المستحيل طويـل

    وأعرف أنك ست النساء

    وليس لدي بديـل

    وأعرف أن زمان الحنيـن انتهى

    ومات الكلام الجميل

    لست النساء ماذا نقول

    أحبك جدا…

    أحبك جداً وأعرف أني أعيش بمنفى

    وأنتِ بمنفى

    وبيني وبينك

    ريحٌ

    وغيمٌ

    وبرقٌ

    ورعدٌ

    وثلجٌ ونـار

    وأعرف أن الوصول لعينيك وهمٌ

    وأعرف أن الوصول إليك

    انتحـار

    ويسعدني

    أن أمزق نفسي لأجلك أيتها الغالية

    ولو خيروني

    لكررت حبك للمرة الثانية

    يا من غزلت قميصك من ورقات الشجر

    أيا من حميتك بالصبر من قطرات المطر

    أحبك جداً

    وأعرف أني أسافر في بحر عينيك

    دون يقين

    وأترك عقلي ورائي وأركض

    أركض

    أركض خلف جنونـي

    أيا امرأة تمسك القلب بين يديها

    سألتك بالله لا تتركيني

    لا تتركيني

    فماذا أكون أنا إذا لم تكوني

    أحبك جداً

    وجداً وجداً

    وأرفض من نــار حبك أن أستقيل

    وهل يستطيع المتيم بالعشق أن يستقل…

    وما همني

    إن خرجت من الحب حيا

    وما همني

    إن خرجت قتيلا

  5. خال فاطمه كتب:

    قووووون

    سواد ليلتين طُوال بالحيل

    ضافيرِك ديل

    وطرفك لما حام فوقى

    غلبنى مع البِغَنّو الشيل.

    وأمانه وكِت أشوف رقصِك

    واشيل شبال

    أبيت فى حال

    تقول فارساً رَمَنُّو الخيل

    أمِس فى بيتنا دقّ الباب

    وزار حُسنِك طِرَى وطلَّ

    وكِت سبق السلام خَطْوِك

    رجَف قلبى وركع صلى

    وبسيمتك لما غَنَّت لَىْ

    وطاش صبرى وغِلِب قَلّ.

    رفعت أيْدَى لخالقِك فوق

    وقُت يا ناس أريد الله

    وأحب الله

    اهلنا في ساخر سبيل قبال ماحاج السلاوي يسالني السؤال السغييييييييييروني
    انا اختي اسمه فاطمه انا خال فاطمه من المتابعين للمدونه انشالله الواحد كلما يلقي فرقة يطل عليكم السبب الخلاني اخش المره ده قوووون مشاكل….

  6. ابكرون كتب:

    يا ايها المشاكل الممتلئ حبا حتي السدادة.. زي دي ما بتتشات ضفاري….خليك حارس مرمي تحتضن طوالي (اقصد الكورة)
    زي ما قلال ليك جدك الدرر دي كانت مدسوسه وين….يعني الا تحترق وجدا…؟؟؟؟تسلم

  7. ابكرون كتب:

    استرايكر حصلنا ف مشله ي الكتابة

  8. حاج أحمد السلاوى كتب:

    تضامناً مع أخونا فى الله الكاشف الحاج ابكرونا ..
    ولدنا مشاكل .. معليش نقطة نظام خارج موضوع البوست ضفارى ..نضم صوتنا لصوت أبكرونا ونطلب من الأخ الأدمنستريتر ( ولدنا سترايكر ) يشوف لينا موضوع تكبير الخط لأنو المسألة بقت صعبة ..وهى مش ناقصة يعنى زى ما إنت عارف…والأخطاء الطباعية بتاعتنا بقت كتيرة وما تكتشفها إلا بعد تشوت ضفارى وتعمل إرسال للتعليق ..
    ألحقنا وأنجدنا … يا … سترايكر ..نضارتنا بقت زى قعر الكباية..ونظرنا داياهو راسمالنا الباقى لينا عاوزين نحافظ عليهو ..لحد ما ناس وضاح وأخوانه يقيفوا على كرعينهم ..ولاّ شنو .. يا فكفك ؟

  9. بشار أحمد بشار (ابن برد) كتب:

    مشاكل يا مرهف يا ود ملوك النيل يا بتاع الوجدانيات يا سليل ناس (اسماعين حسن ) أحييك.

  10. لمى هلول كتب:

    سلامات لكاتب البوست
    بالجد بالجد العمل شنو مع ناس سيدى وسيدك وفاتحتهم ..
    ديل مالم ناقصين راس ولا ناقصيين عمل ولا انا اتكلمت بجراة ما متناسبة مع التيار ..
    وتحياتى لنورى وكل باصات نورى وناسها ..

  11. الصادق ود البركة كتب:

    السلام عليكم ورحمة الله وبركاته
    الباشمهندس مشاكل الماقاعد يسوي مشاكل
    لك التحية على البوست الجميل ونسأل الله أن يجمع شملك
    ودمتم

  12. مُخير كتب:

    العزيز مشاكل
    الأعزاء في كل مكان
    سلام ومحبة وإحترام
    دي سنة مزغدشة يا مشاكل وتدفق مُترع بالهيام والشافك جيت على رقبتك ودخلت الكر قبل ناس شمباتي وسهيل ما كضب والله يحقق ليك الفي بالك مع إطلالة العام الجديد.
    الحبيب أبو إبراهيم بدوري أضم صوتي لأخوتي الكواشف ونُجدد الطلب في معالجة مشكلة الخط، ياخي راعي عوامل السن والنظر والحاجات التانية المانعة حاج أبو وضاح.

  13. يا مشاكل انت زحزحه ببقي ليك شنو
    وللا انت هو زاتو

    جاييك يا مشكلات

  14. طارق أب أحمد كتب:

    مشاكل
    كل عام وإنت بخير و ان شاء الله السنه الجايه تبنى شى زى برج خليفه
    و ما ننسى أصحابك سهيل و شمباتى ربنا يحقق أمانيهم و يخارج شمباتى من الحفره و يرقى أخونا سهيل لى قروبA

    باك وورد

    الشيخ عبد الباسط و الكارورى و دينق كلهم كلهم رضعوا من نفس الثدى لكن فرقهم الميراث
    أهلنا زمان قالو ( مال الميت ميت)

    ترشيح دينق للرئاسه يصب فى مصلحة المؤتمر ميه فى الميه لأنو تشتيت لأصوات المعارضه
    مثلا لو سلفاكير نزل يبقى الأصوات حتتقسم بينو و بين دينق و المستفيد البشير

  15. الغبشة كتب:

    مشاكل: ما اجمل الحب فى القصائد والكلماااااااااااااات؟؟؟

  16. ياسين شمباتى كتب:

    الحبيب مشاكل..سلامزين..
    شكرا لك وانت تذكرنا بمشروع الحلم الفسيح وبعضا من ابداعات (مصطفى)…..

    لكن اسه مستشفى نورى الحصل عليهو شنو؟؟لانو فى آخر زيارة لى للشمالية ما لقيتو!!! و(سيدى) اتلوم تب والله..عليك الله ناسكم ديل ما طيبين,,سيدى بشيل بس ما بدى..

    اما الوجد والوله فلا تضن بهما عليها او علينا..روعة وبس..

  17. مشاكل كتب:

    سلامز

    يا حاج السلاوي لو على دخول الجنة هينة عندهم
    ما سمعت بي مقولة ( سيدي ) : من رآني او رأى من رآني دخل الجنة .
    الموضوع بيس اوف كيك بالنسبة ليهم بس تشوف ساي و كنتك لي لمن تشوف .

    مرحب بيك خال مشاكل اقصد خال فاطمة .. كتر من الجيات و ما تتغلى علينا

    عمنا و حبيبنا بشار بن برد
    عايز اصدمك شوية
    اسماعين حسن دا منو ؟؟؟؟؟؟؟

    عبد الرحمن احمد

    زحزحة دا خليه
    جيتك وينا!!!!!

    طارق اب احمد
    رضعوا من ثدي نظيف و طاهر و لكن ……

  18. أنا جاااااي يا مشاكل بس

    الا الورد وينو البنفرش في السكه

  19. مشاكل كتب:

    حبيبنا طارق اب حمد

    ناس شمباتي و سهيل ديل يكتروها اكتر من كدا يبقونا قداااااااااامهم … الزمن دا اخير الواحد يلحق روحو

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s