السودان سلة ( زبالة ) العالم

Posted: الإثنين,11 يناير, 2010 by mashakel in بيئية

فجّرت قضية تصدير النفايات الإلكترونية (المسرطنة) إلى السودان أزمة بين البرلمان والهيئة السودانية للمواصفات والمقاييس، فيما نفت الهيئة دخول (568) حاوية محملة بالنفايات أعلن النائب البرلماني محمد نور محمد الزين العضو في لجنة الطاقة عن تحريك إجراءات قانونية في مواجهة هيئة المواصفات.

وكذب محمد نور بياناً أصدرته الهيئة الخميس نفت فيه معلوماته القائلة بدخول (568) حاوية عبر دول أوربية للسودان محملة بنفايات إلكترونية (مسرطنة)، و وصف بيانها بالعاري من الصحة وأكّد أنّ تلك الحاويات دخلت بالفعل البلاد، وقال إنّها الآن محتجزة في جمارك الحاويات بسوبا كما أنّ العشرات منها بميناء بورتسودان، ولوّح النائب البرلماني محمد نور بكشفهم عن كوارث أخرى تدخل عبر هيئة المواصفات، وشار إلى أنّ اللجنة العلمية المشتركة اثبتت أنّ الأجهزة المحتجزة في (سوبا) تحمل مواد مسرطنة. وقال إنّ عبارة (منتهية المدة) حسب بيان المواصفات تعني نفايات الكترونية، وقال إنّ المدن الرقمية بالسودان أغلبها نفايات الكترونية دخلت عبر هولندا ودول اخرى وتحديدا مدينة القضارف الرقمية.

من جانبه قال الخبير الدولي للنفايات الإلكترونية والأمين العام لمنظمة تقنيات الاتصال والمعلومات العالمية د.نزار الرشيد

ورئيس اللجنة المشتركة بين المنظمة وهيئة الجمارك المنوط بها فحص الأجهزة المحتجزة في حظائر الجمارك في سوبا

في مؤتمر صحفي بالبرلمان أمس في أعقاب زيارة قام بها للمويلح أنّ هيئة المواصفات استخرجت شهادة رقم (10971) تفيد بأن أجهزة إلكترونية جديدة تتبع لشرطة دبي جلبت لإحدى منظمات المجتمع المدني، وقال إنّه تمّ تخزينها بمنطقة (المويلح)، وأكّد أنّها نفايات إلكترونية وليست أجهزة جديدة.

واتهم دولاً أوربية لم يسمها بأنّها تدير تلك العمليات بواسطة عصابات ومخابرات دولية وترسلها للسودان.

وأكد د.نزار وجود (4) من الحاويات الموجودة في سوبا الآن تحمل (3) آلاف جهاز كمبيوتر بخلاف أجهزة (المحمول) وغيرها، وقال إنّ الأمر علمياً يعني وجود (4.500) كيلو من الرصاص في الشاشات فقط وهو مصنف دوليا بأنّه مواد خطرة بجانب (الفسفور، الليثيوم، الزئبق) وغيرها يحظر نقلها عبر الحدود إلا بتصديق من الدولة المعنية حسب اتفاقية بازل (2006) والسودان من ضمن الدول الموقعة علي الاتفاقية باعتبارها مواد مسرطنة من الدرجة الأولى. وأكد أنّ اللجنة أرسلت تقاريرها بالأمر، وخاطبت الجهات المعنية، وقال إنّ السودان يعتبر مقبرة للنفايات الإلكترونية وأنّ الأمر له أضرار بالغة على الأمن القومي بالبلاد، وقال الآن تعد حوالى (4000) حاوية بجبل علي (المنطقة الحرة بابوظبي) للدخول، لافتاً إلى أن معظم دول الخليج ترسل نفاياتها الإلكترونية إلى السودان.

تعليقين بسيطين

السودان سلة ( زبالة ) العالم

الذي يكشف الجريمة يصبح متهما

Advertisements
تعليقات
  1. علي سنكل كتب:

    و الله يا مشاكل دي مشاكل! هو نحن ناقصين سرطانات؟
    تصحيح:
    جبل علي ( المنطقة الحرة بأمارة دبي).

  2. حاج أحمد السلاوى كتب:

    ولدنا مشاكل ..حياك الله ..
    كتر ألف خيرك فتحت أذهان الناس بالحاجات الخطيرة من النوع دا ..بس خليك بعيد من الحاويات دى..
    بارك الله فيك وأكثر من أمثالك ..
    وخلونا النشوف آخرتا شنو مع ناس هيئة المواصفات الغير عالمية ديل العاوزين يخلّصوا على الباقى الفضل من شعبنا المسكين وممكون وصابر ..

  3. يعني يا اخوانا مسلسل النفايات دا لمتين
    مرة نووية
    ومرة بتاعت بني آدمين من اليونان ربك ستر و واحد وقف الاجراء
    كمان جابت ليها الكترونية…
    لطفك يا رب

  4. شكرا أخي الكريم

    والله البلد ما ناقصة سرطانات كمان على العليها … بعدين ناس تستفيد ماديا في اطار مصلحة ضيقة عشان يموتوا المجتمع كله … والله ده حراااام يا ناس

  5. بشار أحمد بشار (ابن برد) كتب:

    مشاكل :تحياتي ، أظن القائمين على حماية البلاد من هذه المصائب ما عارفين ما هو الفرق بين النفايات النووية والألكترونية والفضلات الأدمية و (كرتة)المطاعمم .

  6. مستر راعى كتب:

    هى ناقصه والله لمن قريت الكلام نفسى اتسدت
    بدون تعليق
    حسبى الله ونعم الوكيل

  7. مشاكل كتب:

    سلامز

    حقيقة البلد ما ناقصة عشان يجيبو ليها نفايات نووية ولا بشرية ولا إلكترونية
    الجماعة عايزين يفتحو بلاغ في الزول الطلع الفضيحة دي
    و مش كدا بس
    شاغلين الرأي العام و الشارع السوداني بي حكاية الذئاب و الكلاب و الوهم
    زكرونا أيام نيفاشا و وهم النيجريين

  8. حكاية كتب:

    مساء الخير
    كل عام وانتم بخير
    ماافتكر الزباله بتحتاج زياده عشان يزيدوها كفايه النفايات اللى اندفنت فى الشماليه وسببت امراض لا تعد ولا تحصى
    اصبح التلوث كلمه تنطق بكل سهوله لكن ماهو الثمن الذى دفع جراء هذه الحاويات ؟؟؟كم جنيها زادت ارصدتهم فى البنوك وكم ذنب زاد فى مستودعات ذنوبهم —هؤلاء الذئاب الم تلدهم امهات سودانيات ؟؟اين الغيره على الاخوه وعلى البعض حتى يسمح لهذا العبث ان يتكرر مرات ومرات
    كانت هنالك نفايات لا اذكر ربما قادمه من سويسرا لكى تكون سماد لشارع المطار الجديد
    اللهم سلط عليهم الداء وابتليهم كما ابتلونا
    ليس لدينا سوى ان نرفع الاكف بالدعاء ونقول يا لطيف الطف بنا وحسبنا الله وحسبنا الله

  9. مشاكل كتب:

    سلامز

    يسلط عليهم الداء اكتر من كدا يعمل ليهم شنو

    ديل نصهم عندهم زيارات دورية لي مستشفيات المانيا و برطانيا و تركيا من السرطانات

  10. kamoon كتب:

    سلام يامشاكل …….
    انت عارف انو الموضوع ده داخلين فيهو وزراء …. خلينا من الوزراء …..ناس هيئة المواصفات والمقايئس والجمارك كانوا وين لمن الحاويات دي جات معناها اي حاجه يتخش البلد دي سااااااااي من غير يشوفوها ولا شغالين شنو الناس ديل…السؤال هل دي اول مره تحصل دخول نفايات مسرطنه؟؟؟بعدين تقدر تقول لي المواطن في ايدو يقدر اعمل شنو ؟؟؟؟؟ علي فكره الحاويات دي ما بترجع تاني .لانها لمن طلعت من بلدها عير مسترجعه نهائياً
    لكن انشاءالله يعرفوا الوزراء الليهم دخل لافي الموضوع ده… والحمد لله البلد دي لسه فيها ناس بخافوا علي مصلحة المواطن….. الحمد لله علي كل شي….

  11. طارق أب أحمد كتب:

    مشاكلز
    سلامز
    الهيئه السودانيه ( للمناقصات) همها الأساسى تحصيل الرسوم الخرافيه بغرض أجازة مطابقة المواصفات للصادر و الوارد… لهم مبانى فاخره فى الخرطوم و بورتسودان مزوده بمكاتب شرط و أجهزة كمبيوتر و لابتوبات خيال كل هذا لتمكينهم من لعب السوليتير فى جو- أنسى بس –

    لو سمعت مديرهم د. عبد القادر و هو يتحدث كل خميس فى أف أم 100عن المأكولات و المشروبات الضاره بالصحه لعزفت عن الأكل و الشرب فما بالك أن يكون هو المسئول عن جلب هذه السموم

  12. طارق أب أحمد كتب:

    قبل حوالى ثلاثه سنوات تابعنا حمله مماثله لوقف أدخال قاذورات عضويه بشريه Sewage
    أرادت شركات مع مسئولين أدخالها للبلاد بأعتبار أنها سماد مستورد من اوروبا

    شكلها لأنو نحنا أكلنا تعبان قاموا جابوا لينا( أح) مستورد

  13. مشاكل سلامات ياغالى …. ياخوانا الموضوع دا داخل فيه اكتر من خمسة وتلاتين وزير بس من هنا اتخليو حجم المأساة يعنى الوزراء ديل كوووووولهم كدة يكونو اتفقو كيف على اخد عمولة او التغاضى كرها عن كارثة زى دى …. وبدل نسال المقصرين بنكوس على السرب الخبر عشان شنو ؟ أكيد عشان نوريه النجوم عز الضهر … وتقول لى مواصفات ومقاييس وجمارك وفحص شنو داك ماعارف … بكرة يقولو دى مؤامرة يهودية مدبرة

  14. ياسين شمباتى كتب:

    الحبيب مشاكل..سلامز..
    وما زال مسلسل الفساد واللعب على الحبال والضحك على الذقون مستمرا..بدأت حسب علمنا منذ العهد المايوى وراينا آثاره جلية واضحة فى السرطانات التى تفشت فى الولاية الشمالية بصورة فظيعة,,حيث اننى اقسم جازما انه لا توجد اسرة خالية منه,,والآن الحالات فى تزايد..
    وللاسف لا مجلس وزراء لا هيئة مواصفات قلبهم على البلد,ولا يوجد من هو اعلى منزلة يسائل ويحاسب..اللهم نشكو اليك ضعف حيلتنا وهوان منزلتنا عند ولاتنا,,اللهم اهلكهم عددا ولا تغادر منهم احدا,,اللهم خذهم فانهم لا يعجزونك وارنا فيهم اياما كايام عاد وثمود..آمين آمين..

  15. الصادق ود البركة كتب:

    السلام عليكم ورحمة الله وبركاته
    والله مشتاقين للدخول وقراية المواضيع التي تسر البال ولكن المهندس مشاكل المتقاعد يسوي مشاكل جاب خبر سد النفس عل الاخر امعقول هذا في بلادي ؟؟؟؟؟؟؟ بالله ما المفروض ان يعدم المتسببين في ذلك ؟؟؟؟؟؟ لك الله يا وطني ( بعد أذن الدكتور)

  16. mon amie كتب:

    الواحد لو دخل ليهو تلفزيون ولا ريسيفر من المطار اطلعو عينو واقيدوها وهم ادخلو بلاوى متلتله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s