إندلاع الحرب الجزائريه المصريه مره آخرى

Posted: الإثنين,25 يناير, 2010 by ودالزبير in Uncategorized

يبدو إن حلقات مسلسل الحرب الكرويه بين مصر والجزائر لم تنتهي حلقاته بعد فبعد أن تابعنا فصول ساخنه خلال الأشهر الماضيه والمباراه الأولي بين مصر والجزائر في القاهره وما تبعها من تراشق إعلامي إمتد حتى المباره الفاصل في السودان الذي دخل حلبه الصراع وناله ماناله من الإعلام المصري عقب زيمه مصر وتأهل الجزائر لكأس العالم وبعد إن بدأت الأجواء تهدأ إنطلقت بطولهأمم أفريقيا ولم يكن أحد يسحب إن مصر يمكن أن تلاقي الجزائر فالطريق لمثل هذا اللقاء كان يمر عبر الأفيال العاجيه بالنسبه للجزائريين وعبر الأسود الكامرونيه بالنسبه للفراعنه ولكن ما كان يخشاها عقلاء العرب قد تحقق وبمساعده قيمه من حكام اللقاءين تأهلت الدولتان لدول الأربع وأصبح لقائهم أمراً وأقع . بالأمس وبعد نقض الحكم لهدف صحيح لساحل العاج كان سيكون هدف تعادل تأهلت الجزائر واليوم إحتسب الحكم هدف تالت للمنتخب المصري رغم إن الكره لم تتخطى خط المرمى ليجعلا الحكمان مصر والجزائر وكل العرب فوق صفيح ساخن …. بالنسبه لنا وبعد أن وقفنا مع مصر في الفاصله ورجعنا بشتائم الإعلام المصري وبعد أن شاهدنا همجيه الجزائرين فإننا نتمنى أن تنتهي مبارتهما بهزيمتيهما معاً ( كيف دي ما عارف )

المتوقع أن تندلع الحرب الإعلاميه من مساء اليوم لآجل غير مسمى كما نتوقع إن تحفل المباراه بكم هائل من الكروت الصفراء والحمراء ويمكن أن لا تكتمل نسبه للحساسيه والشد الزائد بن الدولتين ..

غايو العرب راح ينسوا جدار الفولاذ بين غزه زمصر وراح ينسوا أزمه دبي اماليه وراح ينسوا إنتخابات السودان وراح يحبس العالم اعربي أنفاسه حتى الأمتار الأخيره ولا أظن إن هذه الحلقه ستكون نهايه لهذا المسلسل المكسيكي الغير محدود الحلقات

Advertisements
تعليقات
  1. عبدالرحمن أحمد كتب:

    ود الزبير سلامات يا زول يا رايع

    المره لو المصريين اتغلبو برضو حيقولو السبب السودان وللا في شماعه تانيه جاهزه أنا غايتو المره كنت بشجعها لكب بعد الحصل الفرحه خضرا

  2. عبدالرحمن أحمد كتب:

    المره دي
    المره الفاتت
    لكن

  3. حاج أحمد السلاوى كتب:

    أخونا شكسبير ..وبقية الإخوة صفوة الأخيار ..
    سؤال سغيرووووونى كدا … ونحنا متين .. يا مولاى ؟

  4. ودالزبير كتب:

    عبدالرجمن

    سلام

    كتير من السودانيين مثلك الآن من تشجيع مصر للتشجيع ضدها وذلك بفضل الإعلام السالب ( دي الحقوق محفوظه لجمال الوالي ) صاحب تعبير الإعلام السالب

  5. ودالزبير كتب:

    حاج السلاوي

    شنو يا عمك صاحي من النجمه

    نحن يا عمنا لا في العير لا في النفير

    قاعدين فراجه بفضل أبو شعيرات دكتور شداد نسيب صاحبنا ودالمهدي ولافين في فلك جمال وصلاح أو بالأصح صلاح وجمال عشان العين ما بتعلى على الحاجب

  6. مشاكل كتب:

    سلامز

    مع الخضر حتى النصر

    نشوف الحاصل و نرجع تاني

  7. ود الزبير و ضيوفه سلام

    فعلا موعودون بمشاكل لا قبل لهم بها فقد شطب لاعب جزائري من كشوفات أندية مصر بعد المباراة و لم تدعى الجزائر لمهرجان القاهرة للكتب و عارف الدورة دي لو الفراعنة قدروا على الجزائر ما عارف ممكن تصل (لتطهير) الجزائريين في مصر و بالعكس……………

    حقو مصر ترسل اعلاميها المطرطشين و غناياتهم من هسة…. و شايف الجزارين بتوع الجزائر جاهزين للفتك بمشجعي مصر …. طبعن هناك مافيش يمه أرحميني

    كسرة:
    النصيحة بالرغم من حكاية الحكام الا و قد لعب المنتخبين مباريتين من أحلى ما يكون … أداء رجولي و فنيات و اصرار….

  8. زووووووول كتب:

    ودالزبير سلاااام
    اولا بالتبادى انت جمال الوالى دا مالك معاهو ؟
    بالنسبه للمعركه الحربيه المنتظره بين مصر والجزائر اقول : عندما التقى المنتخبات فى القلعه الحمراءكنت مثل الكثيرين اتعاطف وبشده مع المنتخب الاحمر لكن صدمنى حديث حجازى واخوانه من اشباه الاعلاميين المصريين عن شماعة السودان. لكن اعتقد اننى لا زلت احمل شيئا من الميول تجاه المنتخب المحترم الذى اكتسح جميع من التقاه .
    بعدين يا ود الزبير نحن نشجع ارسنال وشلسى ومانشستر يونايتد وهم احفاد من احتلوا ارضنا .كما نشجع برشلونه وريال مدريد وهم احفاد من اغتصبوا الارض واهانوا العرض المسلم . بينما ننفعل ونقاطع اخواننا الذين يشاركوننا اللغه والدين وكثير من مصالح الدنيا .
    كسره : كلنا يعرف لاعبى المنتخب المصرى من الحضرى وحتى جدو وكلنا يعرف جلبيرتو وفلافيو ومانويل جوزيه الذين ظهروا مع الاهلى بينما لا احد يعرف تشكيلة الكامرون او زامبيا او حتى الجزائر .
    غايتو بالنسبه ليا انا الجزائر دى ما بتقع ليا فى راسى لكن اتمنى اليوم فقط صعودها الى النهائى لاضحك مع حجازى واخوانه ثم اعود مشجعا لمنتخب الفراعنه واخوان احمد حسن طالما اصبح منتخبنا نسيا منسيا بسبب اتحاد شداد ومجدى شمس الدين بتاع التجاوزات .
    جاييك يا الوالى

  9. ود المهدي كتب:

    يا ود الزبير سلام انت مالك مع جمال الوالي زي ما قال ليك زوووووول ومالك مع ابو النسب –
    هو احسن الموجوديين – عليك الله بي شعيراتو ديل ما اخير من العامل زي الجماهيرية العظمي ……. (رجل اعمال وكوره وفنان وشاعر وصحفي و………… هلم جرا).
    انا غايتو ما لي في الكورة – لعب ممكن العب وممكن اتفرج علي اللعبة الحلوة لكن ما بشجع اي زول ولا برفع ضغطي بي ناس ما بعرفوا كورة – نحنا من زمن جكسا وماجد وجقدول وكباكا كمال عبد الوهاب والدحيش وسانتو ………. والعهد الذهبي وخلينا التشجيع لانو في الاخر ما ح نطلع بي اي حاجة وبقينا ناس لعبة حلوة وبس.
    وانشاء الله الجزاير تهزم المصريين وتشيل كاس افريقيا نكاية في اولاد الرقاصات الكذابيين ديل عشان يعرفوا السودان والسودانيين ويخلو الكذب والفهلوه ويقعدوا في الواطة – ولا شنو رايك يا زووووووول؟

  10. زووووووول كتب:

    والله الزوووول دا حيرنا زاتوووووووووو

  11. زووووووول كتب:

    كلامك ظابط يا ود المهدى بس زودتها حبتين بحكاية اولاد الرقاصات دى ولا شنوو يا ود المهدى

  12. حكاية كتب:

    كيفك ياود الزبير
    رجعنا للكورة وماادراكما الكورة
    نفسى افهم المشاكل كلها جايباها الحاجه المدورة المصنعوعه من الالياف والمطاط والبلاستيك وحتة كورة توقف ناس وتقتل ناس وخسارات وشتايم
    تراكى ماهينه ياالكورة الوقفتى حال البلد
    لكن نفسى مصر تنهزم هزيمه نكراء شنعاء يتحدث عنها التاريخ ويلقوا ليهم شتامه جزائريين ولا يستوردوا لبنانيين للشتايم والشتيمه تكون على مدار 24 ساعه دون انقطاع —واحنا فى السودان نسمع دق الطبول والنبذ بتاعهم وكان نشيل مع الشتامه
    زمان لمن كانت العداوه بين السودان والسعوديه فى حرب الخليج كان فى واحد فى الراديو بشتم السعوديه صباحا دون انقطاع ياريت الحاجه دى ترجع ونديها للمصريين تذكار صغيرونى مننا ليهم

    ونشوف مصر بتقدر عليهم ولا كلام ساااااااااااااااااااااااااااى
    كسرة :
    لو المصريين اتغلبوا على ارسل ليهم المناديل هديه منى لانه يمكن تنعدم عندهم

  13. ودالزبير كتب:

    حباب ودالمهدي

    ولو عارفين سيره نسيبك بتجيبك هنا كان زمان فتح لينا بوست بعنوان ( الرجل ذو القميص المشجر )

    بالنسبه لجمال الوالي فخلينا أوريك حاجه صغيره عملها الطفل المعجزه في التسجيلات الأخيره وأقصد موضوع اللاعب المغربي الدافي وكيف دفع الرجل من حر مال المؤنمر الوطني للاعب وسمسارين ونادي لكي لا يلعب المغربي للهلال بعد أن صور له أغبياء الإعلام المريخي غن في ذلك هزيمه له ونصر للهلال لكل إن تتخيل إن فشل صفقه الدافي كانت نتيجتها كالآتي اللاعب لم يسجل للمريخ قبض هو وناديه ووكلائه المال السائب وسجل الهلال النيجيري يوسف محمد البيلعب هسه من بلده في أمم أفريقيا … إتخيل الزول العنقالي ده ( بالمناسبه يا زووووووول عنقالي يعني شنو أصلاً في منتدى الهلال قاعدين نقول للوالي عنقالي وماعارف معناها الحقيقي ) كنت بقول لمن سألوا الوالي ليها عملت كده قال من أجل كرامته وعزته وعشان الناس تعرف مقدراته ومقدرات المريخ الماليه

    بالله مش لي حق أسميه الطفل المعجزه

    سعيد بمرور زوووووووول وتصدق رغم غضبنا الأفصحنا عنه بتلقى الزول تحت تحت بيتمنى فوز مصر بهذه البطوله

  14. الزهراء كتب:

    الاخوه الكرام
    لكم التجله والتحايا
    وكالعاده نحن دايما قاعدين فراجه نسبه لضعف امكانيات اتحادنا المفروض يحلوهو لانو اخير عدمو
    والاخوه الفراعنه ياهم جيراننا وبيعرفونا وبنعرفهم ولولا ما قاموا به من تلفيق اشاعات على السودان لكنا الان صفا واحدا معاهم
    وحقيقه كانت امنيتي ان تتاح الفرصه مره اخرى ليتواجه الفريقان الجزائر ومصر عشان نشجع الجزائر
    اكتر واكتر وعشان الاعلام المصري جا يكحلا عماها وما لقا شماعه غير السودان يعلق عليها هزيمة فريقهم
    نحن معاك يالخضراء….. معاك يا جزائر

  15. ود المهدي كتب:

    يا ود الزبير انا من زمان هنا لكن الشغل كتير الواحد بيتاوق ويجري – الليلة لقيت فرقة علقت علي موضوعك وموضوع الاخ عبد المنعم – و
    قصة المال السايب المدفوع في التسجيلات والناس تموت من المرض هو الكرهنا الكورة وناسا
    يا زووووووول الناس ديل مش قاعديين يقولو علينا اولا البوابيين – محدش احسن من حد – والبادي اظلم ولا شنو يا ود الزبير؟

  16. زووووووول كتب:

    الاخ ودالزبير :
    انا زووول بكامل قواى العقليه وحالتى المعطبره (؟) شرعا اقر وابصم بالعشره واوقع خارج فترة التسجيلان وابدى الرغبه بالموبايل !!! باننى اطرب حد الثماله لاداء المنتخب المصرى فى بطولة افرييا 2010 خاصة خطه الخلفى (حضرى ،جمعه ، سعيد ، فتح الله ) لكننى فى نفس الوقت اتمنى فوز بلطجية الجزائر عليه الليله لاعرف المزيد من شماعات الفشل وذلك لاعلق عليها الهزائم والخيبات مستقبلا .
    طيب نرجع للطفل المعجزه العنقالى او كما تدعى يا ود الزبير . بالنسبه لحالة الدافى فهو بضاعه معروضه فى السوق لمن يستطيع اليها سبيلا وطالما الجماهيريه (ولا شنو يا مهدى ) بتاعكتكم دى فجرت قنبلة الفقر والعدم فمن حق الدافى ان يؤمن مستقبله ويبيع كرته ثم يطيع راى سيد الزبده ويرجع للمغرب او ليبيا او سوق كرور حسب ما يرى الوالى الغالى .
    اما العنقله والعنقالى فهى بعيده جدا عن الوالى ذلك انها ترادف كلمة الجربنديه فيقول اهلنا فلان مهندس جربندى فهو عنقالى يعنى زول ما متعلم الحاجه المعنيه . وبهذا التعريف تبقى صفة العنقالى قريبه جدا من رجل واحد باسمين (على احمد ) وسبعمائة تخصص ابرزها اثارة المشاكل والفتن .
    وجاييييييييك يا والى

  17. طارق أب أحمد كتب:

    يا جماعه سؤال سغيرونىدى إتخيلوا معاى ما هى ردة فعل الشارع السودانى لو ؟؟؟؟

    الفريق الجزائرى فاز
    الفريق المصرى فاز
    المشير السودانى فاز

  18. زووووووول كتب:

    اب احمد سلاااام
    مشتاقين بشده والله وينك ووين ايامك يا زعيم .
    كسره : قول كه يا اب احمد

  19. زووووووول كتب:

    ولاية الجزيره
    محلية ود مدنى
    المؤتمر الوطنى
    انتخبوا مرشحكم جمال محمد عبد الله الوالى . يا جماهير فداسى . يا جماهير طابت . يا جماهير المعيلق والكاملين …… انتخبوا مرشحكم جمال الوالى ولا عزاء لود الزبير فايزين فايزين ولا شنو يا اب احمد

  20. عبدالرحمن أحمد كتب:

    أنت يا غابات كينيا يا أزاهر
    يا نجوماً سمقت مثل المنابر
    يا جزائر
    هاهنا يختلط القوس الموشي
    من كل دار كل ممشي
    نتلاقي كالرياح الاسيويه
    كأناشيد البيوت المغربيه
    ـــــــــــــــــــــــــــــــــــــــــــــــــــــــــ
    الاتراك والبريطانيين لا اظن ان هناك حقدا عليهم من جانب السودانيين والسبب هو عدم احتقارهم للسودانين لاحظ عندما تلاقي برطانيا او تركيا كيف تكون المقابله وردود الافعال وعندما تقابل واحدا من هؤلاء لاحظ وحكاية نحن كنا محتلنكم كيف جنيهكم يفوق بتاعنا -ياخ انت جاي عميل مع المستعمر- دا سبب أنا شايفو رئيسي لحالة التنافر بيننا وبينهم

    لذا يا نجوماً سمقت مثل المنابر يا جزائر الفرحه خضرا
    ولا نتهم نحن السودانيين بعدم معرفة الجزائر والبيوت المغربيه

  21. زووووووول كتب:

    عبدالرحمن احمد سلاااام
    جا جا جزائر

  22. mahmoud hammash كتب:

    والله ياجماعة اشي بحير انسينا قضية العرب الأساسية
    زورونا على الرابط التالي:
    http://nase7a.wordpress.com/

  23. kamoon كتب:

    بركة من صلي وقال يالله الجزائر تفوز علي مصر …وانشاءالله تفوز وتشيل الكاس وشيلو حبل الصبر وحتشوفو رابح سعدان واولاده حيعملو شنو في الجماعه…..شحاته فال انشاءالله نلاقيهم اههههه علي قول المثل البقول (خم وصر ياشحاته)…..

  24. boussedik كتب:

    انا جزائري شكرا لكي يا سودان يا اغلى الاوطان يا راسخة في قلوبنا

  25. عبدالرحمن أحمد كتب:

    زول أبو سبعه واوات سلامييين

    مثير المشاكل دا متعبنا معاه والله

    والوالي بعيد من العنقله خليك من لونه الطيفي شنو؟؟

    ود الزبير واجب الضيافه وينه أخوك بوصديق الجزائري في البوست
    من جانبي مرحباً بك يابوصديق في مدونه ساخر سبيل أو سوداننا سابقاً ونتمني لك إقامه طيبه
    وخليك قريب

  26. ودالزبير كتب:

    ناس البوست سلام

    طبعاً في هذا الأيام لو كتبت في قوقل مصر وجزائر راح تلقى حوالي دشليون إجابه لذلك ليس غريباً أن يأتي اهذا البوست صريين وجزائريين ..

    اليوم سأحدثكم عن مصيب أوقع إن تحل على رأس أخوتنا السعوديين جراء هذه المباراه فقد تواترت أنباء عن إسناد المباراه للحكم السعودي خليل جلال ومن المؤكد إن المباراه لن تنتهي بسلام ولو صحت هذه الأنباء وأدراها حكم السعودي فلابد إن الخاسر سيجعله شماعه يعلق عليها فشله وبالتالي سيدخل الشعب السعودي على الخط مدافعاً عن إبن جلدته وهو ما ينذر بنشوب حرب جديده فعليه نسأل الله أن لايدير هذه المباراه أي حكم عربي ..

    طارق اب أحمد

    سعيد بمرورك من هنا وليك وحشه

    زوووووووول
    خليني أفضى من الكوره دي وأوعدك فتح بوست شامل للطفل المعجزه العنقالي جمال الوالي يحوي كل تاريخه من زمن إن جاء لحنتوب الثانويه بالصف التالت لحدي من مش مراسم القصر الجمهوري موظف صغير مروراً بعمله كمدير مكتب للسيد صلاح إدريس وقصه ثرائه الفجائي

    بس إنت خليك قريب

  27. ودالزبير كتب:

    لقنت مصر بامس الجزائر درساً قاسياً وسحقتها بالأربعه دون مقابل في مباراه طرد فيها ثلاثه لاعبين جزائريين في حالات تستحق الطرد الحمد لله كان الحكم البنيني كوفي كوجا هو من أدار اللقاء وبعد المبارهوردت أنباء عن تعرض ثلاثه مواقع لشركه اروسكوم الشركه المصريه بالجزائر للإعتداءات مما أدى لتف كبير أصاب ممتلكات الشركه

  28. حكاية كتب:

    ود الزبيرمنتظرنك لاخبارك
    بس ماتتاخر وضحكتنى بالطفل المعجزه العنقالى ماكل الجماعه الطيبين اطفال ومعجزات ومعزات والتاريخ بكتب ليهم انجازاتهم واعجازاتهم طيب اخوه ما تشوف ليه اسم تانى البقروشه طلع اهله شيوخ وتاريخ وعز واشترى ليه مجد الله يرحم
    انت عارف الناس ديل كلهم ولدوهم وعندهم ملعقه دهب فى خشمهم ماجاهم جديد ومافيهم زول كان مقطع ولابشحد –والشحاد الوحيد هو الشعب الفضل
    سلمت ياوطنى من اطفال المعجزه
    كسرة
    اى طفل معجزه حنشوف ليه دار رعايه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s