رالى الخرطوم..!!!

Posted: الثلاثاء,26 يناير, 2010 by ياسين شمباتى in رياضية

دهشت بشدة عندما قرأت هذه العبارة على شاشة قناة النيل الازرق قبل اسبوع,كما قد يدهش بعضكم الآن,,ولقد تصورت لوهلة انه عنوان خادع,ولكنى فوجئت بعد ذلك بانه رالى سيارات (راسو عدييييل كدة)!..لولا انى سودانى,ولولا انى كنت هناك قبل اشهر معدودات لما خالجنى شك فى انه شئ طبيعى,فمعظم الشعوب المتحضرة و(المرتاحة) تنحى هذا المنحى للترويح عن نفسها وكنوع من الرياضات المنتشرة فيها,وقد تشتهر به دول معينة من حيث الفكرة او التنظيم..لكن ان يكون فى بلادى هذا النوع من الرياضة او السباقات فهو شئ يفوق التصور والخيال..

الامر لا يستقيم من عدة نواحى,,مثلا اين السائقون المدربون؟؟فهذا النوع من السباقات ينطوى على قدر كبير من الخطورة والمخاطرة,وهنالك محترفين(راحوا فيها) لا عن جهل لكنه الخطأ المحسوب بالثانية والمليميتر,,وهم من هم فى عالم السيارات وسباقاتها وقد نالوا تدريبات عالية فى هذا المجال..ثم اين هى السيارات المجهزة والمعدة خصيصا للرالى؟؟ فكما تعلمون هناك انواع معينة من السيارات الرياضية يتم تصنيعها على مدى اشهر لتلائم وتعطى المطلوب,,ربما كانت هناك انواع اخرى من السباقات للسيارات تستخدم فيها السيارات العادية لكن مع شئ من التعديل,فهل تم هذا التعديل واين؟؟ ثم نأتى للجزئية الاخيرة والاهم, اين هى الطرق والشوارع والمسارات التى يقام فيها مثل هذا التسابق!!؟؟ فان حفرة او (نقرة) واحدة قد تتسبب فى مقتل احد اولئك المتبارين الشباب,وعلى حسب علمى انه قد يكون داخل مضمار مغلق او على خط مفتوح,فاين نحن من هذا؟؟

احد الشباب المتسابقين قال فى حديث للقناة:( فى شباب كتار بفحطوا عشان كدة قلنا نقنن الشغلانية دى وتكون رسمية)!! ياربى التفحيط هو السباق ولا كيف؟؟ للاسف هذا المتسابق لا يعرف الفرق بين الرالى والتفحيط او المهارات الاستعراضية!! تقول لى رالى!! وعلى ما اظن انه قد اقيم وانتهى,وسيعرض قريبا على قناة النيل الازرق,فارجوكم لا تفوتوا الفرصة لنرى مدى تقدمنا ووعينا الرياضى..

لا احجر على احد حقه فى ممارسة ما يريده من رياضة,لكن الدولة يجب ان تكون لديها مقومات واهداف واستراتيجيات للتنفيس عن الشباب,,لكن هى الدولة عندها اسراتيجيات فى شنو اصلا؟؟غلطان انا والله..كما يجب على الشعب التركيز اكثر واكثر فى الرياضات المحلية ومحاولة تنميتها وتقديمها للعالم,,فهناك شعوب عرفت برياضة واحدة او يزيد,مثلا امريكا تشتهر بكرة القدم الامريكية او الرجبى وكرة السلة,والهند وبنغلاديش تهتم بالكريكت,والانجليز يهتمون بالبولو وكرة القدم,اما البرازيل فهى ملكة كرة القدم ومصنعها,والصين بكرة تنس الطاولة واليابان بفنون القتال,,هذه شعوب ودول عرفت مقصدها وملعبها وبرعت فيه,فلما لا نحذو حذوهم ونركز فيما يلينا من كرة قدم او كرة يد او سباحة او مصارعة النوبة او حتى (سلكت والكمبليتة)…صدقونى سوف يكون لنا شأن ان عرفنا ما نريده وما يلائمنا,,فقط فلنركز ولنراجع انفسنا فى حتة الرالى دى..قال رالى قال!!!!

ونلتقى………………..

Advertisements
تعليقات
  1. يا شمباتى ازيك وشكرا ليك على الموضوع – وجيتنى فى جرح وح اشرح ليك بالظبط الحصل شنو فى الموضوع ده وح تضحك فعلا من القصة.

  2. المضوع بتاع الرالى ده كان مع بداية السنة يا ولدنا – وكان بالتزامن مع معرض السيارات – وطبعا لما تسمع كلمة معرض السيارات بتفتكر انو الموضوع كبير وانو ح تلقى كل شركات السيارات فى البلد – المهم اتشمشرتا وقلتا امشى اشوف الحاصل شنو – واخوك بحب الحديد وكده .

  3. دخلتا قاعة الصداقة وطبعا الموضوع كان قائم هناك – لقيت اول شئ فى زحمة شديد وكمية خلق كتيرة – قلتا خلاص الشغلة شكلها كاااااربة – لكن الفرحة ما تمت بعد ما مشيت شوية انو الموضوع كلو طرح – الله – الطرح دى جابا شنو فى موضوع الحديد ده؟؟

  4. سالتا واحد من القاعدين فى البوابة – انتا الموضوع شنو بالظبط ؟؟ اكتشفت انو فى معرض المنتجات الدولية – زائدا فى معرض اخر لسيدات الاعمال فيهو عرض ازياء وكده وخاصة للتياب – وفى معرض السيارات .

  5. ابكرون كتب:

    الناس في شنو ووالي الخرطوووووم في شنو!!!!!!!!!!!!!!!!!

  6. اصبر يا ابكرون اتم ليك باقى القصة

  7. ابكرون كتب:

    ياااااخ انت فحط لي وااااانا افحط لييييييك….

  8. طبعا جليت موضوع المنتجات وشنو ما بعرف داك – وكسرتا ركبا على عرض الازياء – لقت ليك فى الساحة الخارجية بتاعت القاعة زى ممر طويل كدا معمول زى بتاع ال ( cat walk ) – طوالى طلعتا كميرة الموبايل وقلتا الليلة الزول بقى فى باريس ولا ميلانو – ح يستمتع بالبرنامج ده

  9. ابكرون كتب:

    تعرف يا يسن واسترايكر انا اشياء زي دي بترفع ضغطي وبتخليني اتحسس حذائي…….!

  10. ياسين شمباتى كتب:

    ههههههههه..الله يديك العافية يا ابكرون,,خلى حذاءك للتقيلة وخلى الولد يتم القصة..كمل يا استرايكر شوقتنا شوييق شديد خلاس..

  11. وانا منتظر وبسخن فى كميرة الموبايل – واحدة من سيدات الاعمال مسكت المايك – بتقول نطلب من الحضور الكريم عدم التصوير حفاظا على حقوق الملكية – ضحكت شديد – بالله هو فى موضوع ملكية فكرية كمان فى الشغلة دى ؟؟

    لملمتا الموبايل ودسيتو بالجنبة – لكنو لسع شغال – وانتظرتا – وبدات الدلوكة تشتغل وبدات اضواء صناعية وبخار صناعى – والموضوع بقى مشوق شديد – وطلعتا كميرة الموبايل بالراحة وشغلتها وانتظرتا مروق الصبابا ……..

  12. ابكرون كتب:

    استرايكر الرسول كما رسلته لي نسخه…….اها وبعدين الفلم بقي ممتع

  13. الزهراء كتب:

    استرايكر: كر علي وانت منتظر معرض السيارات جاتك الرقشات وبآخر القشرات
    شكيت محنك يا ولدي
    شمباتي عارف
    الموضوع ده كانوا عاملين ليهو اعلانات في الجرايد وارقام تلفونات للراغبين في التسجيل- حقيقه انا استهوتني الفكره جدا وقلت ما مشكله اتعلمتها قريب لكن نفحط مع الناس وكان طلعت الطيش ما مشكله
    لكن يا ولدي بلدنا دي فيها ناس سواقييين والله – بالمناسبه شكلو كده كانت في اختبارات للمشتركين وكده

  14. ومرقن الصبايا – @#$%^&*&^%$#@!#$%^&*

    الكلام الفوق ده ده الانا حسيت بيهو لما مرقو الشابات فعلن – انا ما عارف الى الان المرقو ديل شنو ؟؟؟

    المهم حاجة كانت فى غاية السؤ – ومرض – الله يمرضم – حاجات ماشية فى الممر – وبضحكو ويترتعو فيهو – ما الشغلة جديدة – وماعرفتا بعرضو فى شنو ؟؟
    طفيت الموبايل – وشغلتو قلتا اشوف انا صورتا شنو – طلعت مافى حاجة ظاهرة – قلتا الحمدلله زاتو ما ظهر لى جنس الشفناهو ده – ويا ريت لو باظ كان ريحنى زاتو.

  15. زحيت من الحتة وبلعن اليوم الجابنى هنا وبقيت اتزكر ان جيت هنا لشنو – اتزكرت لمعرض السيارات – قمتا مشيت وافتش – لقيت ليك المعرض فى الطرف التانى من الحوش الكبير بتاع القاعة والفاتح على توتى

  16. الزهراء كتب:

    يا استرايكر قلنا ليك بطل الضهب الكتير

  17. نيام كتب:

    اولا يا ولدنا ازيك و كيفنك !!! والله يا استرايكر انا ظاتي ازغربت لمان شفتهم يمحطوا !!لكن قلت يمكن دي كلمة جديدة طلعت ايام رقادي..غايتو نحنا محطونا زمان في حصة الاسبلنق…ياخ نحنا حصل لينا شقلبان في الذات الدنيا …الحاصل شنو بس نشوف أي حاجة نقلدها بدون تفكير..

  18. الزهراء كتب:

    أتخيلوا يا شباب الرالي ده يكون في شارع الصحافه زلط ومرورا بالميناء البري وداخل علي آخر شرق غايتو المتسابقيت الا يقعوا في خور ويطلعوا بي طبليه
    الله يدي العافيه

  19. طبعا ومع فهم معرض سيارات – قلتا الليلة – ح القى الحديد ده كلو راقد هنا

    وللاسف الشديد وللمرة التانية فى نفس الليلة يجينى احساس بالمرض

    الهلمة الكتيرة والاعلانات فى الشوارع والافتتاح مع وزير شنو ما بعرف – والشركات الراعية ووووووووووو

    اتضح انو المشاركين من جانب الشركات كلاتى

    الصفوة – بتلاتا عربات
    جياد – بعربيتين
    وفى شركة ماعارف اسمها شنو – جايبا ليها عربية تشبه التيكو ولا الاتوس ومعاها عربية اكبر شوية .

    بس ده المعرض

    بالجنبة كده – كم محل من الغالى جايبين اكسسوارات بتاعت عربات

    فى واحد خاتى ليهو زى 10 لساتك بتاعت كراكات – وعرفتها كيف بتاعت كراكات لانو اللستك كان اكبر منى .

    تانى فى واحد خاتى ليهو علب حديد – وبنشر قدامو ببيع فى مادة بتكبا جو اللستك – وبتخليهو ما بتقدى ولو دخل جو مسمار – وشغال بملى فى اللستك وبقد فيهو بالمسمار واللستك كويس.

  20. بعد ما لفيت المعرض كلو فى حوالى تلاتا دقايق – قلتا ياخى خير كدى نشوف موضوع الرالى ده – مالو نسال ونشارك كمان – مشيت سالت واحد يااخوانا الرالى ده فهمو شنو وكيف والمطلوب شنو – والعربية مفروض تكون معدلة ولا تكون استاندر وووووووو – المهم الزول ضحك – وقال يا ابن العم المشوار من هنا ولحد الساحة الخضراء و حيكون فى اسكوريتنق من ناس الحركة ؟؟
    طيب وين الرالى هنا ؟؟

    وهناك فى الساحة ح يكون فى مهارات بتاعت باركينق وبتاعت مواتر – وحاجات ضاربة كده .
    شكرتو واتخارجتا من الحتة دى كلها وبلعن فى نفسى وفى اليوم الجابنى وفى فياقتنا وفى فياقتى الخلتنى اتحرك من اركويت ولحد القاعة . والقى الموضوع ضارب.

  21. محنك كتب:

    الضارب شنو الرالى ام القناة ام الوالى … ام البنات الماعندهن والى … ما عارف
    تفحيط قال

    فحطوا

  22. ألفاتح جبرا كتب:

    هسه لو سألت منظم المعرض ذاااتو قلتا ليهو (رالى) يعنى شنو؟ كان بالغ يقول ليكا (ماركت عجلات) !

  23. نيام كتب:

    طولو بالكم بكرة تشوفو رالي الفيلة و رالي الديوك و بعدين رالي الفيران” rat race ” طبعا رالي القفاف دا نحنا اسيادو…

    • كل الأحباب سلام
      الحاجات دي قالوها الحسانية زمان ( عندنا سباق حمير)غضباً للمك نمر
      اليومين ديل نقول شنو عندنا سباق كلاب . المتطاولين في البنيان أزعجوا الجيران
      في مثل بقول العندو قرش يعمل العجب (بتصرف) .عندنا مجال لرياضات كثيرةيمكن أن نبرع فيها مثل سباق تجديف البحر واسع – مناشط السباحة المصارعة توضع لها قوانيين يعني نبتكر حاجةجديدة كما تفضل وذكر الكتاب المشاركون . والله لو قالوا سباق حمام- هجن حتى سباق حمير الواحد كان برتاح شوية ويقول تغير ز يا جماعة أنا لي يومين ما إستحميت تصدقوا بتاعة التحصيل تقول لي الفاتورة يا أستاذ ولا حأشتكيك يعني حكاية أدفع وإتظلم ، تقول منو تقول لي شنو. .يا جماعة هي الكلاب النازلة في الناس عض ما قادرين نمسك واحد منها لنتبين حقيقتها وكما حكاية …..(…..أم ضنب) والله يا جماعة حتفقعوا مرارتكم من الغيط ، غايتو أهونحن قاعدين في الخرطوم وعجبي من الناس أصحاب الأفكار الهايفة.

  24. مشاكل كتب:

    سلامز

    يا شمباتي شكلك ما مزاكر كويس

    انت نسيت انو الناس هنا ( رطبت ) و فقدت موضوع … يعني مقرش و ما عندي موضوع ح اعمل شنو غير يا ( ركبت الشارع ) يا مشيت النادي .. يا فكرت لي في فكرة جديدة للشعب الزفتاني دا
    اسي اخونا دا شاف قناة جير وان و جاتو فكرة الرالي … مالو لو عملو … الفكرة بتتطور مع الزمن احتمال عشان اولاد الناس المرطبين ديل يصلحو لينا الشارع بتاع الرالي دا .. يمكن .. كان بعيدة عليهم ما بعيدة على الله

  25. نيام كتب:

    غايتو الواحد سريع سريع يشتري ليهو كم هتوز و يركب ليهن مكنات ماسي فيرجسون و يفحط قدام بيتهم التفحيطة بالشئ الفلاني و نشوف اخرتها…قالو رزق الما بعرفوا شنو علي منو كدي..

  26. ياسين شمباتى كتب:

    استرايكر..
    شااااايفك سرقت البوست!! ما كان تكتب ليك واحد وتريحنا…لكن بالجد دى معلومات غريبة,,يعنى عرض الازياء ضارب,ومعرض السيارات طلع هبابة,والرالى مافى رالى!! قال فى طوف من الشرطة ولا شنو؟؟شكلو زولك دا قايل دى اجازة العيد والناس ماشين مدنى(كونفوى وكدة)..الحمدلله بس..لكن انت ذااااااتك غلطان البتمشى تكابس وتبحت..الحمدلله بس..

    نيام..
    نصيحتى ليك ما تركز كتير مع المستجدات بتاعت اليومين ديل,لانها بترجعك عنبر فايز تاااااااانى..ربنا يسترك..

    الزهراء..
    تفحطى!!؟؟ اولا مبارك رخصة القيادة وشكلها هى السرقتك مننا,,لكن ما لقيتى ليك طريقة فى المعرض التانى قلتى النقبل على السيارات؟؟

  27. ياسين شمباتى كتب:

    استاذنا جبرا..
    والله صدقت,,والدليل احد المتسابقين المفتكر انو الرالى يعنى تفحيط!! ودا بدون اورنيك برضو..

    محنك..
    كلو على بعضو كدة..

    مشاكل..
    والله ما بعيدة,,لكن لمتين انحنا نفضل قاعدين فى ضل الناس المرتاحين ديل؟؟

  28. مشاكل كتب:

    اخير ليك الضل يا شمباتي

    بره ( السخانة ) دي ما بتقدر عليها

  29. ياسين شمباتى كتب:

    مشاكل..
    ضل شنو!!؟ اوعى يكون الضل داك؟؟ لكن بالجد السخانة انحنا ما اهلها..الا متى يشرق فجر الخلاص,,عشان لا رالى لا قرف..

  30. حكاية كتب:

    هههههههههههههههههههههههههههههههههههه
    الموضوع ده قديم شديد وجابوه فى التلفزيون وكمان المستضيفنه قال الوزير
    قال ليه واحنا عندنا سواق رالى سودانى ههههه يعنى كل زول يمد رجله على قدر لحافه وخلى الخبز لخبازه
    وعلى المسمع السباق يبدا من حلفا بالرئيس او نايبه وينتهى فى نمولى مع سلفاكير
    بعدين ياجماعه هم دايرين يجدعوا شويه خلوهم (اصلوا المال مال ابوهم )رالى قال
    غايتو الرالى بياكوله شيتوس بتاع الشفع لكن يلعبوا بالعربات ويخشوا رالى ده كتيره بقى وانا بحتجه واحنا شعب تعبان وعينه طالعه يلعبوه رالى
    على مسمع من اذنى احداهم تتفشخر لاقامه فعاليات كم يوم على حساب الدوله ب مايعادل المليار بالقديم
    وعندنا شماسه جياع ومايقوما وشحادين وفقر مدقع واشارات مررو قاطعه والشعب زيته طلع ولسسسسسسسسسسسسسسسسسسسسسسسسع احنا دايرين رالى
    بعدين يا استرايكر ضحكتنى فى عرض الازياء البوديك شنو تطاوق طبعا الدخلته ده للجمهور لكن فى واحد تانى والدعوه كوتيمه لفئات معينه من النساء ورجال الاعمال ماللشعب المسكين
    شفتو بتاعت فرنسا القالوا ليها الشعب جيعان قالت ادوه باسطه بقى ديل احنا زيها بنخلى الناس البتمشى قدارى نقول ليها عندنا سباق رالى والرجاء الحضور وكل زول يجيب حماره ويجى سباق الحمير قصدى الرالى

    كسرة :بكره حيكون فى سباق الكراسى واى زول يجيب كرسيه ويورينا ملصق فيه شنو لزول الكنكشه والديمومه

  31. حكاية كتب:

    حاجه اخيرة
    شفتو بقى عندنا ملاعب قولف على امتداد طريق سوبا —طبعا دى للطبقه التعبانه وجيعانه تجى تلعب قولف عشان تفك عن روحها
    بختكم يا طبقه الارستقراطييين
    اخيرا بقى فى السودان فى نادى محترم الناس تمشى ليه لكن تدفع 5 مليون فى برج الفاتح وتبقى تبع المرطبين وما بالضرورة ممكن تكون ساكن ام بده البتغتدا ما بتتعشى
    احدهم جاتو قروش بالحاوى البوزع عمل ليه مزرعه فيها 100 شجره نخيل وبرتكان وكلاب وولف وخيام وقطاطى وبيوت زجاج وطابع يشبه طابع بيوت الجالوص لزوم الاحساس بالقديم ونوع من الاصاله والفن بقى عنده فلوس والعنده مال محيره يجيب حمام ويطيره
    وخلونا من الناس العامله حيط بالزجاج وجواها سمك وماتكلموا زول
    ودمت ياوطنى ياكلوك ويقشوا يدينهم فيك

  32. ابكرون كتب:

    حكاية : والله لكن ما خليتي ليهم شي :
    ( بقى عنده فلوس والعنده مال محيره يجيب حمام ويطيره
    وخلونا من الناس العامله حيط بالزجاج وجواها سمك وماتكلموا زول ) ضحكتيني ههههههههههههه
    حيط الزجاج والسمك الملون دي انا شفتها بالخرطوم وقدام البيت الشارع وسخان وتراب والظلط مختفي تحتو …..فشخرة فاضيه

  33. kamoon كتب:

    بس ما يكون الرالي ده دايرين يفحطو فيه ناس شارع الفلل الرئاسيه البسوه بعد الساعه 12….عارفنهم

  34. الزهراء كتب:

    انا شايفه انو ممكن يتعمل رالي في بلدنا دي- وكمان ممكن نمد كراعنا على قدر لحافنا
    ممكن نعمل رالي بتاع ركشات ونجيب مشاركين من بحري بي ركشاتهم الصفراء ومن امدرمان بالاخضر ومن الخرطوم اسود ساااكت تبقي روعة تشكيل لوحه فنيه
    وعشان السواقين يفحطوا كويس نفك وراهم حواء ام ضنب ولا الكلاب السعرانه دي يا دقشوها وكتلوها يا لحقتهم امات طه
    عموما نحن كل يوم بنشوف رالي دائم الله ينجي الناس من شرو
    الا وهو رالي الهايسات في شارع المطار – الراحو ضحيتو كميه من الابرياء من العابرين لذلك الشارع

    اللهم لا تخلولقنا لا تعولقنا………. آمييين

  35. طفشانة كتب:

    السلالالام عليكم
    الاعزاء بالمدونة كيفكم والله طبعا ناس مدنى كلامكم دا ذى الطير فى الباقير والحالة ناس مدنى قالين روحهم بفهمو احسن من بقية الاقاليم يعنى كلامكم دا للاقاليم ذى الباقير فى الطير
    شى فحيييط شدييييييد وشى معرض سيارات وشى معرض ازياء وشى يرعاهو الوزير ال ايه ما بعرف
    هو الناس لما اقعدو قدام التلفقشون دا بكون عايزين ناس اكضبو عليهم واقولو ليهم رطل السكر حا انزل والبنزين برضو وكمان حانجيب ليكم اخصائى (الليلة ما كان فى اخصائى فى المستشفى وتعبت شديييد عشان الصور تشخص والعيانين قربو اخنقونى قالو لى دا مستشفى شنو دا السجم دا) وحا نصلح ليكم شارع الموت ونبقيهو اتجاهين وعريييييييض وحا تلقو وظايف والخضار واللحمة تبقى رخييييييصة والمغايس كلها تتفشة
    فما بالكم لما القو انو فى فحيط ورانى ولا رالى ولاشنو ما عارفة …. غايتو الحمد لله اليوم اتثقفت الله اجيب لى عربية افحط بيها مع ناس زهرا

  36. حكاية كتب:

    عشان كده الايام دى الناس بتفحط فى الشوارع
    والله ناس المرور بختهم جاتهم من الله
    لانه الغرامه بتكون على السواق والراكب —اصلو ما يفكروا فى شى الا يكون عند المرووووووووور النصيب الاكبر
    اخواتنا زهراء وطفشانه نعمل سباق رالى نسائى لكن نسوق شنو عجلات ولا ركشات ولا سباق كرعين يكون
    على العموم اللجنه بقياده ابكرون رالى حتجتمع وتورينا حثيثيات الاجتماع والنتائج الفعليه ليه وكم يكلف الاحتفال بتاع السباق
    ياربى سباق الرالى دى بكلف كم كده
    المحاسبين ادونا النتيجه بسرعه عشان اطلع ليكم شيك على بياض ونبدا سباق الرالى
    كسرة :
    بعد كم يوم حتسمعوا طفل سموه رالى

  37. حاج أحمد السلاوى كتب:

    بنتنا طفشانة ..طفشوش ..طفشفش ..
    سجمكم يا ناس مدنى ..ما بتعرفوا الرالى ..بقيتو ناس أقاليم طرفية ولاّ شنو ؟ غايتو مدنى البنعرفه زمااااان كانت مدينة راقية وناسها كانوا متعلمين ومثقفين .. وكل حاجة فيها وموجودة ومعروفه ..التدهور الحصل دا شنو ..ومتين ؟..على أى حال مافى مشكلة وما فى حاجة راحت تعالى الخرتوم عموم وقابلى أخواتك الزهراء والغبشه وسماسم وبقية الحرائر يدوك شوية معلومات من التوجه الحضارى العايشنه ناس الخرطوم ..وقولوا ليك التفحيط زااااتو يعنى شنو ويركبوك العجلة الرالى ( طبعن العجلة رالى دى بيعرفوها الكواشف بس ..ناس عزت ونيام وابكرون وبشار وسنكل ومن تبعهم من صغار الكواشف ) …. إتفقنا ؟؟
    سؤال سغيروووووونى كدا ..عملتى شنو مع أخونا الفكى أبكرونا ..؟ إن شاء الله أمورك إنقضت خلاس ؟ والبياض كان بالعملة الصعبة ولاّ المحلية ؟

  38. طفشانة كتب:

    ازيك ياحاج واخبارك شنو ؟
    طبعا لقيتك مبااااااااااااااااااااااااااااالغة فى الشمار!!!!!!!!!!!!!!!!!!!
    والله الليلة اصلو ما حانوريك الحاصل شنو . خلى الشمار اكتلك.
    ابكرون عليك النبى صاحبك دا ما تفت معاهو اى شى فيما يخص موضوعنا . ولا العملة ما توريهو صعبة ولا ساهلة

  39. الزهراء كتب:

    استرايكر
    بي صراااحه كده انت اصلا مشيت معرض السيارات ولا مشيت عرض الازياء؟؟؟؟

    لو بتحب الحديد خليك متكل في شارع مدني جنبك دال وجياد وماشاء الله ربنا يزيد ويبارك

    بالمناسبه قالوا جياد جمعت ليها حديده جديده اخر بهجه اسأل منها ولو اشتريتا امشي شارك بيها في الرالي يمكن تجي الاول

    غايتو .. جنس ..محن..عليك!!!!!!!!!!!!!
    حكايه
    صباحك قشطه- فكرة رالي النساء دي حلوه شديد وانا بشجعك – عشان كده لازم نتلم ومعانا ناس طفوووشه ونونو وسماسم وكل الحرائر ونعمل صندوق عشان تمويل الرالي
    ولازم الدخول يكون بي تذاكر عشان الرالي حيكون كداري في صاله مغلقه

    بعيدا عن عرووض الازياء

  40. يا الزهراء انا اصلن مشيت الرالى – قلتا – عندنا حديدة جديدة ودايرين نعمل ليها تيستا – اهما مشيت والباقى شرحتو فوق.

    يعنى كمان الزول يلقا العرض بتاع الازياء وما يقيف يدى العين حقا ؟؟؟

    اها المرة الجاية بسوقك معاى ولو فى طريقة بديك الحديدة شدة تفحطى بيها.

  41. nono كتب:

    شده؟؟؟؟

    مسسسسسسسسسسسسسترده ؟؟؟

  42. ابكرون كتب:

    استرايكر البت دي بتنهرا كده ليه؟
    حرام عليك الله بيوديك النار…..

  43. nono كتب:

    حااااااااااااااااااااااااااامشين ؟؟

    النايراااااان؟؟

    الصديقه؟؟؟

  44. ابكرون كتب:

    طفشااانه سلااام لا حاج السلاوي ده كان اداني بحري بتاعتو بالفيها ما بقول ليهو ….خليه كده البياض كان سمك بياض.
    استرايكر : انت ما تنهر البت الوراي دي…..! بس الزهرا دي حيطك القصيره…!
    اصلو رالي اكرا —–كوناكري

  45. الزهراء كتب:

    تقول شنو يا عمو ابكرون
    التقول انا شتت ليهو شمارو بي جاي
    هو براااهو فضح نفسو وقال مشى عرض الاوياء وشنو ما بعرف داااك
    وكمان جهز الكاميرا
    عليكم الله ده ما مع سبق الاصرار والترصرص
    غايتو.. جنس ..غايتو!!!!!!!!!!

  46. محنك كتب:

    بالله النسوان ديل ما تعملوا ليهم رالى لانه حا تتعبوا معاهم

    واقترح يكون الرالى بعربات تسوق فى مركز تجارى كبير او مووووووول
    ياربى مول الانجليزية دى عندها علاقة بكلمة ( مـــال ) ( مانى ) فله فلوس قروش شراتيت ضحّاكات

    وكل واحدة يكون عندها سقف معين تشتريه وتجى طالعة على الا يقل عن 20 سلعة

    آااى عارفكن مش الواحدة تشترى ليها دهب بفاتورة واحدة وتجى مارقة

  47. ياا ابكرون – والله الوجهت لى الكلام كانت الزهراء ورديت عليها – نونو دى زولة الله والبيناتنا عامرة شديد وماعندى معاها اى مشاكل .
    ربنا يخليها لينا ويطول لينا فى عمرها كمان وكمان.

  48. الزهراء كتب:

    بختك يانونو يومك باسطه – السيد استرايكر راضي عنك كل الرضا
    شكلو كده انا حأترفد من المنتدى ده – يسسسسستر اللله

    خليك شاهد يا ابكرون
    تلحقني وتنجدني
    الحكايه بقت فيها واسطات – شي لله يا بدويييييييي

  49. nono كتب:

    بختنا كلنا هسسسسع !

    صحن الباسطه حايمر عليك؟؟؟

    سؤال سغيروووووني؟؟

    بدوي ده الجااابببووووو هناااا شنووو؟؟

    يا الطفششششششانه؟؟؟

  50. ياسين شمباتى كتب:

    حكاية..سلام..
    والله طلعتى حكاية!!! دا كلو جواك ومقطعاهو فى حشاك؟؟ فكى عن نفسك لا تروحى فيها..لكن كمان جابت ليها غولف!!؟؟ والله الموضوع بقى صعب شديد,,ما عندنا اعتراض انو العندو قروش يتمتع,,لكن تقوم دولة بى حالها تتمتع بى مال شعب جيعان فهذا ما لا يقبله اى منطق..ولسه الجاى ازفت,لانهم ح ياكلوا وما حيقشوا يدينهم لانو لسه ما شبعوا وراجين الصينية التانية وهكذا دواليك,,اكل بس وقش مافى..

    كمون..سلام..
    والله ما سمعنا بيهو,,ادينا خبرو..لكن هى الفلل دى مش اتباعت ولا دى اشاعة ساكت؟؟

    طفشانة..سلام..
    ربنا يفك طفشتك,,بس انا لسه متحير,,كيف تطفشى وانتى فى مدنى الجميلة!!؟؟ انا بمشى مدنى عشان استجم واريح اعصابى,,طبعا برضو بجتر ذكريات الجامعة وكدة,وبرضو عشان اكون على مرمى حجر من كوبرى الحبيب..خليك من الفحيط والحاجات دى,عشان ما يزيد العليك مادام انك ما سمعتى بيها قبل..

  51. ياسين شمباتى كتب:

    استرايكر..
    حق العين دا اصلو ما بخلص!!؟؟

    الزهراء..
    منو اليرفدك؟؟ما عاش ولا كان..كدى بس واحد يحاول وانا اسخطو ليك قعونجة..قال رفد قال!!!

    ابكرون..
    غايتو جنس غايتو!!!!

  52. ودالزبير كتب:

    إسترايكر

    معليش جيت متأخر لكن في حته ما وقعت لي الموضوع بتاع عارضات الأزياء

    داير وصف تفصيلي للحصل يعني العارضات شينات ولا ما بيرفن يمشن ولا الحاصل شنو بالضبط والموبايل ما صور مالو ولا الصور إتحرقت من الشنه

    أعف لي لو قلت الكلام ده وما فهمته كده أرجع وأحكي على عرض الأزياء الفاتنا ده

  53. الزهراء كتب:

    شمباتي اخوووي
    ما عدمناك ان شاء الله ياللدر يا دوود الخلا الهجام هييييييع
    وفعلا حكايه- الكاتما جواها شكلو كتيير ومتملك الجوف والعصب- الا لسان حالا الليله غلب
    استرايكر
    ناس ناس وناس اناناس
    لو شاطر تستغل شحتفة ود الزبير دي وتقول ليهو ما بحكي الا تعزمني خليك مفتح
    ود الزبير: عارضات الازياء بيترتعن في المنصه… قصه عجيبه يا بلد… فضااايح

  54. ود المهدي كتب:

    يا جماعة الخير وكت كلمكم تاميين ولاميين ماشاء الله دي ما الرحلة ذاتا – اعملو البرنامج ووزعوا المهام وتكون الرحلة قامت من البوست بتاع التفحييط وكمان ممكن تعمل تفحيط في الرحلة ولا رايكم شنو؟

  55. ابكرون كتب:

    استرايكر : (نونو دي زولة الله) ….! كدي راجع نفسك … ما بصدق
    نونو : بدوي ده بدوي ابوصلاااااح…ود خالة حسنين اخو محمدين….مدير الشبكات الطاشه……
    الزهراء : ما دام استنجدتي :
    زعم الفرزدق ان سيقتل مربعا
    فأبشر بطول سلامة يا… مربع
    ود المهدي : خلاص بالله كلم ناس المزرعة ونحن جاهزين للرحلة
    شمباتي : جدك مالو ليه يومين ما ظاهر في كل الشاشات لعل المانع خير ….اتبنه

  56. يا ابكرون كدى خش الميل
    فرودتا ليك حاجة.

  57. ياسين شمباتى كتب:

    ود الزبير..
    معقولة بس!!؟؟ استرايكر دا زايغ من الحكى دا هنا,,قلنا يمكن يلحقنا فى الايميل لكن عمل فيها دغيل..

    ابكرون..
    نصييييح لكن معصور شوية..عليك الله وخسمتك بالغالى والنفيس تفرود من الفرودو ليك استرايكر دا..

    استرايكر..
    لقيتك خاين يا ودييييييييع..

    ود المهدى..
    مرحب بيك يا غالى..عليك الله دور الموضوع دا خلونا النفرح معاكم شوية…

  58. طفشانة كتب:

    ابكرون
    اى عليك الله كان شى سمح فرود لينا كلنا
    والجبان دا خلي ساى

  59. ياسين شمباتى كتب:

    ابكرون..
    ح تفرود!!؟؟؟ فحيط جد يا عمك..

  60. kamoon كتب:

    يا شمباتي سلام…. السباق او الفحيط بتاع شارع الفلل الرئاسيه ده بتاع اولاد الراحااااات…بعملو تقريبا كل خميس في شارع النيل (الفلل) وبالمناسبه العربات دي معدله من حيث المحركات…الخ بعدين تسمع المعدل عربيتو في الخليخ واروبا اي والله..,,حاجات كده ناتجه عن الترف الذايد…بعملو زي اولاد الخليجيين الراحاااات

  61. ابكرون كتب:

    يسن لكن لقيتك صعب يا دوك تصلنا كم الروووووووب مغلفه بالسلوفان الوردي بعد داك ننظر في الامر ونشاور جدك
    طفوشه : جندري وممنوع لناس الولايات بالاخس ناس مدني

  62. طفشانة كتب:

    كويس يا ابكرون والله كان مافكى كان وريتك لكن خايفة من حجباتك ال بطفش دى (براى طفشانة)
    هو ناس مدنى فى زيهم ولا شنو يا ناس مدنى
    غايتو …… جنس غايتو
    طبعا سلولو لو سمعك كلامك دا بتكيف للطيش

  63. الزهراء كتب:

    شمباتي
    يااحليلك يا اخوي استرايكر شكلو فرودو قبيييل ومشى بيتو ونسى الموضوع
    انت ما قدامك غير خيارين
    الاول تصلح الحنك مع الاخ استرايكر واكيييد حيكون لك في الطيب نصيب
    التااني ما حأقولو ليك انقرو براك- انا عندي شمار الفروووده والفرورووويده ومااا بوريك
    طفشانه: لمن نتلاقى حنعلمك المهارات الشخصيه في كشف اسرار الفروده الايميليه
    وده عرض اول في روتانا سوداننا
    حاج ابكرون: لكن لحقتني يا شيخ الطريقه
    كمون: شكلك مكمل القهاوي الفي شارع النيل كلها مع متابعه المفحطين- بس ما ألقاك مفحط معاهم بكره

  64. طفشانة كتب:

    الزهراء كيفك انشا الله مرطبة
    ربنا ما احرمنا من دروسك المجانية بس خليك عارفة انو اخر تقنية كيفية خطف الايميل المفرود قبل ما اصل الى المكان المفروض اصل ليهو (انا جادة دا فى السكيوريتى بتاع الكمبيوتر ولو ما كنت خايفة من الايميل المفرود من استرايكر ل ابكرون كان خطفتو ورسلتو لباقى المتشمرين) طبعا من غير ما اعرف استرايكر منو ال خطف فرودته

  65. kamoon كتب:

    سلام يالزهراء… لا الله بس الاخبار بتجيني عن طريق اخواني اصلهم بمشوا بتفرجوا…..بعدين انا بت اكيد الساعه 12 ما ممكن اكون بره اليبت في شارع النيل معقوله ….

  66. حكاية كتب:

    خلاص ياجماعه السباق انتهى ولموا الكراسى والنتيجه محسومه زى الانتخابات
    نشوف حاجه تانيه يمكن يجى سباق الدول المتاخرة ومتخلفه اقتصاديا ويطلبوا مننا نجرى ونعمل سباق وبرضو النتيجه محسومه لانه حنقيف مكانا ونحجز الطيش
    واتضح من لجان اخرى انه امازونيا كاتبه عقد لمده ميه سنه حاجزين المقعد الاخير والطيش فى كل شى لزوم الظهور وحق الثبوت فى المركز الاخير مالاحظتو انه امازونيا دايما فى الامتحان بتجمع الورقه فاضيه مافيها شئ بدليل انه مره كتبوا شى فكى ابكرون بحجباته مسح الاجابه ____ومن هنا بسال الفكى ابكرون حسب الرؤيه المستقبليه امازونيا باقى ليها كم …..

  67. ياسين شمباتى كتب:

    كمون..
    والله حكاية غريبة جدا !! اللهم احفظنا واستر على عيالنا..وبركة العرفنا نوعك..

    ابكرون..
    جابت ليها شورة!!؟؟ ما كان العشم..بلاقيك فى الايميل وبنتفاهم..

    الزهراء..
    لا باذن الله بنتفاهم انا وابكرون الحبيب,,ومافى داعى للسرقة وكدة,,بعدين يغمى عليكم ولا حاجة..

  68. حاج أحمد السلاوى كتب:

    يا إيميل اليوم مفروود بالقروش …وبكرة منشور على الشبكة العنكبوتية ببلاش ..
    اللى يعيش يا يشوف ..ويسمع … ويقرا إيميلات خااااااااصة مفروووووودة لناس مخصصين .
    وبكرة بنقعد تحت الحيطة وبنقرا الإيميلات المفرووووودة ..كيتن فى ناااااس كتااااااار .
    والعاوز إيميل مفروووود يجينا بيجاى ..جبناهو بالطيارة ..ووزعناهو بالخسارة ..
    علينا جاى ..وبيجاى ..الماشى والجاى..يا سايق البوباى … الإيميل الفرووودجاى ولاّ جاى … ؟
    قال فكى .. قال ..نحنا زاااااتنا فقرا وأولاد فقرا ..بس جربونا مرة وااااااحدة وحتغيروا رايكم فى التانيين… أوكازيون لفترة محدودة ..يا تحصلونا .. يا ما تحصلوناش .
    والما عاجبه ..يطالعنى الخلا …
    ولدنا شمباتى .. إنت معاى …ولاّ معاهم ..ولاّ مع التانيين ؟

  69. طفشانة كتب:

    طبعا مباااااااااااااااااااااااااااااالغة
    ذى سوق البصل
    ياربى هو مع منو
    ولا اكون سمع حاجة …………..ياربى قاصد منو؟؟؟؟
    حاجة غريبة

  70. ود المهدي كتب:

    يا حاج سلاوي عساك طيب – ايه حكاية الكيمان دي معاكم ومعانا – في ناس ح تكون موالية وناس معارضة ولا شنو؟
    انا غايتو مع البطل –
    يا جماعة الجمعة بقت بكرة وما في اي خبر للرحلة والله يا حليل افبيقيا – في الليلة الظلماء يفتقد البدر

  71. ابكرون كتب:

    غاااااايتو جنس شمشرة….يسمك يا حااااج…حاقفل التفلووووون

  72. عبد المنعم كتب:

    بلد دايما الطيش في اي حاجة … تقليد اعمى يدل على الاستلاب

  73. ود المهدي كتب:

    والله يا ابكرون ما ليكم حق تحندكو الحاج دا كدة – لازم تراعوا حرمانو وتراعوا عامل السن ولا شنو يا حاج؟

  74. حاج أحمد السلاوى كتب:

    أخونا ودالمهدى ..
    نشكر لكم تعاطفكم معنا ( اقصد مساندتكم ..طبعن ) ووقفوكم معنا ضد الطغاة الظالمين ..
    لاكين معليش بنتلاقا فى الرملة الدقاقة ( بضم الدال..وليس فتحها ..عشان ما تفهمونا غلط وتوقفونا فى الظلط )وحنحرمهم من حاجات وإيميلات رائعة وجميلة كنا بنفرودها ليهم..إلى أن يرجعوا ويستغفروا ويصلحوا علاقاتهم معانا..
    أها قلت شنو ..يا الفكى التايوانى ..بقيت على شنو ؟ الشمارات كيف معاك ؟

  75. ابكرون كتب:

    سلولو : شوف كسير الطلح ده كيف ؟(وش متجرس وداقي ياي) كلووو ولا الفروده كان عملته كده حنرسل ليك عملاءنا بجدة وما اكثرهم يلحقوك محمد طه (وش بسن في سكين في دقنو)

  76. ود المهدي كتب:

    والله يا حاج عدم الفرودة حار وما بندار ويخلي الزول زي الاطرش في الزفة – يا ابكرون ما قلنا ليك راعي عامل السن – انت قليك ليه ما بحن وليه تخلي الحاج يئن. كدا كفي ولا نزيد

  77. ياسين شمباتى كتب:

    ابوى السلاوى..
    معاك طبعا وليسقط العملاء والخونة والمارقين على نظام الفرودة الجماعية والانتهازيين الذين يصطادون فى الماء العكر,,اما عن حكاية بكرة تلقاهو فى الشبكة العنكبوتية فدا ما اظنو يحصل !! ومدد يا السلاوى,,يا البتصيب وبتداوى…

    عبدالمنعم..
    ولسه الجاى اسوأ,,بس ربك يستر ويعدل الحال..شكرا على المرور..

    ابكرون..
    صديق اليوم عدو الغد,,اما صديق الامس فهو صديق دائم للابد,واى مكان واى زمان..خليك حنين يا قلب..

  78. الزهراء كتب:

    لكن يا اخوانا الولد استرايكر عملا فيكم وقعد يتفرج
    شكيت محنك يا ولدنا
    يا سلولو انا والله ما مرضيني الحاصل عليك ده نوهائيا عشان كده بطمنك وكده وبعدين هو استرايكر ده ما بيتجرأ ويفرود ايميل لي ابكرون من غير ما يرسل ليك نسخه منو- نوم قفا وفتش ايميلاتك كويييس
    اكيييد حتلقاهو قااعد يعاين ليك
    وكلو ولا تحرمنا من ايميلاتك الرائعه
    ونحن معك قلبا وقالبا
    والله اكبروالعزة لسوداننا ولا نامت اعين الجبناء

    ابكرون: كر علي فتنوك انت وسلولو ؟ ياعمو دا انتو دافنينو سوا والبينكم عامره ولا شنو
    حاج السلاوي ما تزعل ابكرون ده قلبو ابيض هسي حيوريك الايميل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s