تاني قام وأحد جميل في بلدنا فات!!

Posted: الأربعاء,27 يناير, 2010 by ودالزبير in اخرى

شيعت الخرطوم يوم الإثنين الماضي الفنان الكبير عبدالدافع عثمان والرجل يرحمه الله قامه فنيه كبرى وهو من مواليد أمدرمان في ثلاثينات القرن الماضي ولو لم يغني عبدالدافع عثمان سوى ( مرت الأيام ) لكفاها ذلك أن نضعه مع من أثروا وجدان الشعب السوداني تلك الأغنيه التي صاغها شعراً المبدع الراحل مبارك المغربي وحببها ألينا نحن جيل الوسط الراحل المبدع مصطفى سيد أحمد ….

من هنا من ( سوداننا ) نرسل التعازي لأسرته ولجماهير الشعب السوداني ولكل من أطربه الراحل وهي دعوه للجيل الجديد الذي قد لا يكون يعرف من هو عبدالدافع عثمان للإستماع لهذا الهرم والتمتع بإبداعاته .

نسأل الله له الرحمه والمغفره وإنا لله وإنا إليه راجعون

Advertisements
تعليقات
  1. علي سنكل كتب:

    رحم الله الفقيد رحمة واسعة وألهم أهله وزويه الصبر و حسن العزا ، وإنا لله و إنا إليه راجعون.
    قامة أخرى من قامات الفن السوداني تلبي نداء ربها و قد كان آخرهم عثمان حسين.
    ود الزبير :
    مشكور على الحضور المستمر ووضعنا في وسط الأحداث أولاً بأول.

  2. ياسين شمباتى كتب:

    انا لله وانا اليه راجعون..نسأل الله ان يرحمه ويغفر له وان يجعل قبره روضة من رياض الجنة..

  3. عبد المنعم كتب:

    نسأل الله له المغفرة والرحمة ، مرت الايام .. كم طواها غرام … يا سلاااام والله فعلا كافية لان تخلده لوحدها هذه الرائعة
    الهم اغفر له وارحمه واسكنه مع الصديقين والشهداء

    • رحمة الله عليه … والله الأستاذ أنا شفته في العباسية حي الأمراء إن لمن تخني الذاكرة في سبعينيات القرن الماضي….في بيت متواضع … بس نحن نشكر الواحد لمن يرحل ..كان وكان وكان زمان….لابد من تكريم المبدعين…أي نحفظ لهم الجميل خاصة لمن يتغنون بأغنياتهم … وأعني متسولي الفن…

      أخي وصديقي عبد المنعم إتلاقينا تاني بالله ورينا شعرك الزمان وقصصك ..حتى نخرج من هذا المنتدى بشعر وغناء جديد وقصة وأدب وفن شوية نخرج من أجواء العكننة تقبل تحايا ياسر أبوبكر الذي ماذا إلا وقرن بإسم صديق يحيى رب أخ لك لم تلده أمك.

  4. مُخير كتب:

    الحبيب ود الزبير
    الحبان في كل مكان
    السلام عليكم وجمعتكم مباركة
    المبدع الراحل عبد الدافع عثمان نجم ساطع في سماء الفن السوداني، وتتميز أغنياته بالشجن العميق والعاطفة السامية وتتميز أغنياته بالشجن العميق والعاطفة السامية وستظل خالدة في الوجدان أذكر أحبها إلى نفسي “الصخرة” وأخرى لا أذكر عنوانها لكن من أبياتها يا حبيبي نحن إتلاقينا مرة في خيالي وفي شعوري ألف مرة …الخ نسأل الله أن يتغمد الفقيد بواسع رحمته وغفرانه وأن يلهم آله ومحبيه الصبر والسلوان وحسن العزاء وإنا لله وإنا إليه راجعون.

    ود الزبير فيك الخير يا ألفتنا، زي ما قلنا ليك زمان أمشى كاكي في حيشان الفضاء الإسفيري كوولها وتعال أرمي لينا البيضات الذهبية هنا، يديك ألف عافية.

  5. سلام ود الزبير و ضيوفه

    فعلن كان فنان قامة
    مرت الايام كالخيال احلام ..وانطوت امال كم رواها غرام

    الرحمة و المغفرة لواحد من رواد الزمن الجميل الاستاذ عبدالدافع عثمان الذى اشجى الوطن باغانيه…..

    تحسر أحد الكتاب أن تشييعه لم يتم كما ينبغي اذ صادف تجاهلا من الدولة و التي غابت أيضا أثناء مرضه في أواخر أيامه
    رحمه الله بقدر رحمته التي وسعت كل شئ

    كان رحمه الله من فناني الساعة حداشر صباحا عندما يدندن الرادي في ساحة البيت و أعتقد جازما هو من الفنانين الذين كانوا سببا في ملاح “أمي” الطاعم……………. رحمها الله

    غنيني يا كروان و أصدح بلحني
    الملهم الفنان ألهمت فني
    غني جمال صداح لحن الأغاني
    و أسبح مع الأرواح فيما تعاني
    من لحنك الصداح هات الاغاني
    اعجابي بيك شديد
    يا آية التجديد
    بي صوتك الغريد
    غنيني
    غنيني

  6. ودالزبير كتب:

    الكبير سنكل
    بالفعل كل يوم ينقص شخص لا يمكن تعويضه
    شمباتي وعبدالمنعم
    العزاء موصول لكل الشعب السوداني
    الحبيب مخير
    والله لو تصدقني بقيت أمر على المواقع مرور سريع أحكي ليك حاجه خفيفه قبل كم يوم مشيت منتديات كوووووره سودانيه لقت موضع إستفزني قلت أسجل عشان ارد وكنت قايل الموضوع ساهل المهم رسلت جاتني رساله قالت الإداره راح تنظر في طلبك وترد عليك المهم إنتظرت ثلاثه يوم وما إشتغلوا بي الشغله قمت إتصلت بصديق بمنتدى آخر وهو مشرف بمنتديات كوووره سودانيه فقال إنو راح يرسل للإدمن ويعمل لي توصيه بعد يومين رجع لي صاحبي وقال يازول الإداره قالت الإسم ( ودالزبير ) مسجل ليهو زمن لكن ما بشارك قلت في نفسي ده منو الإنتحل شخصيتي أها قمت مشيت الموقع ودخلت بإسم ودالزبير وكتبت باسورد متعود أكتبه

    إتخيل المقع فتح ولقيت إني مسجل من زمن طويل لمن نسيت الموضوع زاتو ……. هاهاهاهاها

    بالمناسبه ياصديق أغنيه (يا حبيبي نحن إتلاقينا مرة في خيالي وفي شعوري ألف مرة ) للراحل العاقب محمد الحسن

    عزت يامرطب
    ياريت لو الزمن يعود للخلف

    الحكومه الإيام دي يا عزت مافاضيه لأي حاجه

  7. مُخير كتب:

    العزيز شكسبير
    سلام ومحبة وإحترام
    شكرن على تصحيح المعلومة وفعلن أخطأت وخلطت ما بين الراحلين العاقب محمدالحسن وعبد الدافع عثمان غير أن المشترك بين العملاقين أن كلاهما كان مبدعاً ورائعاًولم يحظى بما يستحقه من تقدير في بلادنا حتى رحيله عن دنيانا، أهديانا أعمال جميلة وشجية نسأل الله لهما المغفرة والرحمة ونأمل أن تجد أسرهما ما لم يجداه من إهتمام ورعاية وتكريم من الدولة.

  8. سهيل كتب:

    فعلا مرت الأيام .. إنا لله و إنا إليه راجعون

  9. ودالزبير يلرائع دوما شكرا ليك … رحم الله الفقيد والهمنا جميعا حسن العزاء وانا لله وانا اليه راجعون …. مرت ومر نعيم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s