عدد من معجبي محمود يسجدون أمام خشبة المسرح !!

Posted: الأحد,7 فبراير, 2010 by استرايكر in إجتماعية
أثارت أغنية الفنان الشاب محمود عبدالعزيز (فرايحية) جمهوره في حفل أحياه أمس الأول بنادي التنس بالخرطوم. ودفعت بعدد منهم للسجود امام خشبة المسرح، وفي غضون ذلك قام بعضهم بتقبيل قدمي محمود.
وقابل محمود تصرف معجبيه بالإستياء.. وقام بوضع (المايك) على الأرض، ورفض متابعة الأغنية.. وطلب من الحضور عدم السجود له مجدداً، وبعد نقاش طويل بينه ومعجبيه، واصل محمود ترديد أغنية (فرايحية).
قبل أن يخاطب جمهوره قائلاً: (أنا أتيت اليكم لنغني كلنا للسودان).

النيلين

Advertisements
تعليقات
  1. ابكرون كتب:

    بستغرب انه بشر ومسلمين يسجدون لغير الله …..! ولي منو لسكير مسطول تم جلده قبل شهور في غرب السودان لسكره الشدييييد………!

  2. يا عيون بسامة فرايحية
    يا مواني بعيدة و منسية
    و الريد من قبلك ما كان ريد
    و لا بعدك شفنا الحنية

    بالصدفة لقيتك يا غادر غنيتك ألحان و مشاعر
    و غنيتك ألحان و مشاعر
    و رسمتك ألحان في الخاطر
    عنوان للريدة الأبدية

    و الريد من قبلك ما كان ريد
    و لا بعدك شفنا الحنية
    ____________________

    دا جزء من الأغنية و التي يصاحبها لحن عجيب و قامت بكت الولاد و خلتم يفقدوا عقلهم و يتصرفوا بشوية جنون … “دقاقة” و بوس و حاجات تانية حامياني

    خلو الولاد يعبروا عن الريد المستحيل لا لا قين شغل لا مشغلة كمان طرب ما يتهنوا بيهو شوية..!! بس حكاية السجود ما حصلت……بالطريقة التي روجوها

    • عنوان للريدة الأبدية.
      عزت سلام ولكل الحبان…..
      ربما حدث لهم جذب كما يقول الصوفية إذا كان : المقطع المذكور فيه حاجة ذي دي المهم ليس لهم عذر فالمؤمن يتقي الشبهات .يا ليل أبقى لي شاهد عندما تغنى بها الفنان وسمعها الشيخ قريب الله الذي دعاه لسماعها مرة أخرى فالمغني يغني والكل يبكي على ليلاه .
      يا عمنا السلاوي الخرطوم بقى فيها خمج كتير مرة سألت طالب ثانوي إن كان جون قرن مسلم أجاب بالإيجاب قال لي ماذا يمنع إن كان إسم جون إسم مسلم .

      بعد الطماطم …. ومشاهدات معجبي محمود عبد العزيز…. والكتل الكتير في الخرطوم اليومين ديل .. والكلاب المتوحشة….يا أبكرونا الجراب فيه شنو تاني؟
      والله الشباب ديل ضايعين ….وربنا يكون في العون ويهديهم لجادة الطريق

  3. أبو حميد
    اكان باسو كرعينو أو باسوه هو زاااتو ما مشكله
    لكن السجود لا حوله ولا قوة إلا بالله العلي العظيم
    ياهووو الفضل جابت ليها سجود كمان
    الله لا يقلل سترنا ولا يضيع عمرنا
    آآآآآمين
    والله يهدينا ويهدي الناس

  4. الطيب ابوصالح كتب:

    الاخ ابكرون
    براحه يااخي علي الراجل وكل انسان ليهو خطا معين والكمال لله وعاين لمعجبينو علي الاقل .الراجل عندو مواقف برضو جميله .يكفي انو منع معجبينو من التصرف الصبياني والحمد لله شبابنا حتي الان بخير والقشور دايما بتكون فىالسطح مش كده
    لك مني خالص الاحترام.

  5. حاج أحمد السلاوى كتب:

    الإخوان الأعزاء ..صفوة الأخيار ..سلام
    يبدو إنو ولدنا محمود عبدالعزيز تاب ورجع إلى الله بعد ما صار مادح قى ما يسمى بقناة تعظيم رسولنا الكريم المسماة ساهور … عشان كدا إستاء من فعل هؤلاء المراهقين العطالة زى ما قال أخونا المرطب أبو عصمت ..وفى رأيى الشخصى المتواضع ( رغماً عن درايتى الكاملة أن رايى حيجيب لى الهوا )أرى أن هذا المدعو محمود عبدالعزيز اسوأ قدوة للشباب فى زماننا الحاضر ..
    ونعود لمسألة سجود هؤلاء الطائشين ( إن ثبتت بالدليل القاطع )وتصرفهم الغير مسئول والعائد لضعف الوازع الدينى لديهم .. وأولياء امورهم مسئولون بالدرجة الأولى عن ذلك ..كل ذلك مؤشر خطير لتحولات قد تحدث فى مجتمعاتنا المعروفة بأنها مجتمعات محافظة على ثوابتها مهما كانت المتغيرات الإجتماعية والإقتصادية والسياسية ..إن لم نتدارك الموقف بعلاج ناجع بعيداً من الحلول الوقتية التى إعتدنا عليها فى السنوات الأخيرة.. يحفظ البقية الباقية من أبنائنا وبناتنا من الإنحدار نحو الهاوية التى لا يعلم مداها إلا الله سبحانه وتعالى .. وارى أن مؤسساتنا الإعلامية المسموعة والمشاهدة قد ساهمت بقدر كبير فى إفساد الذوق العام للمستمع والمشاهد بالسماح للكثير من الأعمال الغير فنية و التافهة بالإنتشار عبرها ولا غرو إن كانت هذه هى النتيجة الحتمية دون أندهاش يغشى النفوس .
    نرجو أن يتم تحقيق دقيق ومساءلة المتورطين ومحاسبتهم ( بعد التاكد من حدوث الأمر بالطبع ..دون إتخاذ أى قرارات إستباقية إنفعالية ) ودعوة أولياء أمورهم للوقوف على تصرفات ابنائهم الميامين ابناء المستقبل.. حتى يكون الأمر بمثابة إنذار لم تسول له نفسه الوقوع فى مثل هذا الأمر مستقبلاً ..
    وبعد كل هذا نامل الا يكون الموضوع بالصورة التى تناقلتها وسائل الأنباء التى عودتنا دائماً تهويل المسائل بغية تحقيق سبق صحفى ( وخبطة صحفية ..هذه الكلمة لاأهضمها ابداً) وما شابه ذلك من أمور الصحافة ..
    وخلونا النشوف آخرتا شنو مع المادح محمود وحيرانه الشباب .

  6. حاج أحمد السلاوى كتب:

    يا أخوننا ..
    نسينا فى زحمة الحدث أن نرحب بالأخ الطيب أبو صالح مشاركاً معنا فى هذا المنتدى الرائع برواده الكرام ..
    وعليه نيابة ‘ن إدارة المنتدى نعلن ترحيبنا بك بين أخوتك الشباب وأعمامك … ولو إنى حاسس وشايف من إسمك إنك حتكون واحد من الكواشف .. عاوزين نكبر الكوم .. يا ابكرونا ..ولاّ شنو رايك يا ابو عصمت ؟
    طبعن قبل ما اختم لازم أوجه ليك سؤالنا التقليدى وهو إننا نرغب فى معرفة موقغك الجغرافى عشان نقدر نتواصل معاك بصورة افضل وأشمل … وعيبنا الوحيد فى المنتدى دا إنو الزول البنعرفه تانى ما بنخليهو حتى لو هو خلانا ..أما موضوع القروب دى خليها حسه لأنو حنعرفها آجلاً أو عاجلاً .. بس إنت خليك قريب …ولا تبتعد … إتفقنا ؟؟؟

  7. محنك كتب:

    الغريبة الجيل دا تلقى تدريب عسكرى اسمه عزت السودان …. دا عد تربية وتوعيه …. ويدل على بطء او انعدام فعالية الدعوة والعلم الدينى غير مبسوط فى المجتمع …. هذه خطوات تجهيل المجتمع ليصل الى الحضيض …. كيف ستكون مسئولية او ابوة او امومة هذا الصنف من الشباب

    سجم الراجيلو فيكم رجا ….

    حقو يرجعوا الدفارات تانى وكشة الالزامية

  8. عباس كتب:

    سلام عليكم كيف اصبحتو انشا الله رايقين ومروقين
    ده كلو تقليد اعمى والواحد من ديل يكون من متابعي الفضائيات ويجي يطبق علي ارض الواقع (خشبة المسرح) بدليل معظم تصرفات الشباب من حلاقة وترديد اغاني انجليزية مع عدم القدرة علي معاني الكلمات زايد اغاني عربيه خليجية كانت ام غيرها من العربيه مصري لبناني سوري الخ واللبس حاجات كتيره لا تشبه مجتمعنا ولا تصرفاتنا في المناسبات وزي ماقلته تقليد اعمي ولا الواحد منهم بدي نفسو فرصة مراجعة التصرفات البتصدر منو عشان يعرف هل التصرف ده سليم ام هو شي عيب وشين نسال الله السلامه قولو يارب

  9. الغبشة كتب:

    ياربى لا تشلهتنا لاتبهدلنا ،،،،،،،،،،،،وعلى قول جارنا احمدك ياربى يا الحيرتنى ما غيرتنى,،،،،،،،،،،،

  10. الطيب ابوصالح كتب:

    الإخوه الأعزاء -أعضاء منتدي ساخر سبيل
    سلام الله عليكم ورحمة منه وبركاته
    معذره إن طرقت باب حوشكم….بالأصح دخلت عديل وخلت نفسي واحداً من أفراد هذا الحوش دون إستئذان من شخصكم الكريم . لكنني وجدت نفسي هكذا جزءاً منكم منكم الصديق والأخ والأخت والعم والخال .ينقصني الجد هل في هذه الأسره جد أخبروني؟
    بجد من دواعي سروري أن أكون ضمن هذه الأسره الكريمه السمحه بإذن الله . أنا صديق لولدكم وأخوكم م.عبدالرحمن أحمد إسمي الطيب أبو صالح من ولاية النيل الابيض -جذور كردفانيه مقيم بالإمارات العربيه
    إخوتي الكبار -السلاوي -أبكرون -د.عزت -علي سنكل /ببخره من عبدالرحمن/ إن شئتم جعلتموني من الكواشف الحكمه أو الشباب الواعد. في النهايه كلكم أخواني – عمري( محير) شهور وأبلغ الأربعين مش محير؟؟ لا لامي في الشباب ولا في الشيـ…….
    مع خالص الود.

  11. زووووووول كتب:

    اول حاجه زولكم دا والناس السجدوا ليهو يستحقوا النفى على قول والحرق على قول سيدناعلى بن ابى طالب انظر الى امير المؤمنين عمر بن الخطاب ينفى رجلا بسبب تعلق النساء به مع العلم ان الزنا اخف بكثيييييير من السجود لغير الله خصوصا اذا كان المسجود له سكيرا عربيدا قبيحا :ــ
    بينما عمربن الخطاب رضي الله عنه يطوف ذات ليله في سكك المدينه
    اذ سمع امرأة تقول :
    هل من سبيل الى خمر فأشربها ………… أم من سبيل الى نصر بن حجاج
    الى فتى ماجد الأعراق مقتبل ………… سهل المحيا كريم غير ملجاج
    تهنيه أعراق صدق حين تنسبه …………. أخآ وفيآ عن المكروه فراج

    فقال عمر رضي الله عنه لا ارى معي بالمدينه رجلآ تهتف به الهواتف في خدورهن

    على بنصر بن حجاج فلما جيء به فأذا هو من احسن الناس وجهآ واحسنهم شعرآ

    فقال عمر رضي الله عنه لتاخذن من شعرك فأخذ من شعره فخرج وله وجنتان

    كأنهما شقتا قمر فقال له اعتم فافتتن الناس بعينيه فقال عمر والله لا تساكنني في بلده انا فيها

    قال يا امير المؤمنين ما ذنبي , قال هو ما اقول لك ثم سير به الى البصره

    وخشية امرأه ان يبو من عمر اليها شيء فدست اليه ابياتآ

    قل للا مام الذي تخشى بوادره ………….. مالي وللخمر ام نصر ابن حجاج
    لا تجعل الظن حقآ أن تبينه …………….. ان السبيل سبيل الخائف الراجي
    ان الهوى زم بالتقوى فاحبسه …………. حتى يقر بالجام واسراج

    قال فبكى عمر رضي الله عنه وقال الحمد لله الذي زم الهوى بالتقوى

    وطال مكث نصر بن حجاج بالبصرة فخرجت امه يومآ بين الأذان والأقامه متعرضه لعمر

    فأذا عمر قد خرج في ازار ورداء وبيده الدره فقالت يامير المؤمنين والله لأقفن انا وانت

    بين يدي الله عز وجل وليحاسبنك أيبيتن عبدالله وعاصم الى جنبك وبيني وبين ابني

    الفيافي والأوديه فقال لها ان ابناي لم تهتف بهما الهواتف في خدورهن

    فأرسل عمر رضي الله عنه بريدىالى البصره وعامله فيها عتبه بن غزوان

    فأقام ايامآ ثم نادى عتبه من اراد ان يكتب الى امير المؤمنين فليكتب فان البريد خارج

    فكتب نصر بن حجاج بسم الله الرحمن الرحيم السلام عليكم اما بعد

    لعمري لئن سيرتني او حرمتني ………… وما نلت من عرضي عليك حرام
    فأصبحت منفيآ على غير ريبة ………….. وقد كان لي بالمكتين مقام
    أان غنت الذلفاء يومآ بمنية …………… وبعض أماني ا النساء غرام
    ظننت بي الظن الذي ليس بعده …………… بقاء ومالي جرمة فألام
    فيمنعني مما تقول تكرمي ……………. … وآبا ء صدق سابقون كرام
    ويمنعها مما تقول صلا تها ……………….. وحال لها في قومها و صيام
    فهاتان حالانا فهل انت راجعي ……………. فقد جب مني كاهل وسنام

    فلما قرا عمر الكتاب قال اما ولي سلطان فلا . فلما مات عمر ركب ناقته وتوجه نحو المدينه

  12. يازوووووووووووووووول نفي شنو دي الدايرنا ذاتهاالمشكلة ما في بلد دايرانا يقولو الحكومة رسلت إرهابيين حكايتهم بايظظظظظظظظظظظظظة جوه وبره يعني يودوهم وين ؟ الجنوب …. دار فور…..الناس هايصة في الإنتخابات والشباب ضايعين أين الأخصائيين الإجتماعين المسألة دايرة دراسة شاملة ذي ما بتقول الحكومة في كثير من مشاريعها . بكرة الشباب ديل يكونوا حزب وتتبناه أمريكا
    عبارة عن تعبير وحرية رأي
    يا عم السلاوي ما تلحقنا بموضوع فأنت الحكيم والمسألة فيها خطورة على الأولاد الصغار

  13. حاج أحمد السلاوى كتب:

    أخونا صديق الفولانى ..
    لو رجعت لوراء قليلاً تلاقى مداخلتى صباح اليوم وأبديت فيها برأيى فى القضية المعروضة للنقاش.. لسنا ضد التغيير والتجديد ولكننا ضد ما هو نشاز وضد العقيدة الإسلامية وتقاليدنا الموروثة .. فهذا العمل الطائش إذا ثبت فعلاً أنهم قاموا به مرفوض دينياً فى المقام الأول ويحتاج إلى وقفة سريعة ومحاسبة الأطراف المعنية المشاركة فيه .
    أشكرك على ثقتك فى شخصى الضعيف ولا أخالنى إلا واحداً من أعمامك العجائز فى هذا المنتدىالذى أحببناه.
    وربنا يصالح الحال .

    • يازووول
      أولاً أخاف أن أكون عاق إذا إختصرت إسم الوالد والجد فالوالد في الأصل إسمه بامحمد والجد إسمه محمد يحي إسم واحد والجد الأكبر إسمه محمد صالح محمد الإمام محمد الشيخ أسماء مركبة تعظيم للرسول الكريم مش أحسن من قناة ساهور .
      عمنا السلاوي سلامات كتيرة يا عمنا الليلة عندي حاجة تانية عن اللغة العامية السودانية وهذا مصطلح غير صحيح فهي فصحى كتير . اليوم كنت أشاهد بناتي الصغيرات يلعبن الحجلة أو (أريكها عمياء)
      تمعنت كثيرها في الكلمات التي تصاحب اللعبة فوجدت أن الكلمة عربية تماماً فهي تخاطب أختها أن تريها موضع الحجر وهي تغمض عينيها(أريكها )وترد الأخرى أنك (عمياء كيف يكون ذلك) عمياء
      أعتقد أن الرجوع الى التراث مهم وهنا يأتي دور التربويين في وضع المناهج المدرسية التي تفيد النشئ
      وليس أفلام الكرتون المستوردة التي تجعل من الخنزير بطل المواقف الصعبة وبذلك يحاربون عقيدتنا
      ونخشى أن يأتي يوم ويربي معجبي الفنان محمود عبد العزيز الخنزير.
      بالله يا عم السلاوي كدي نعرج للعبات زمان :
      الرمة وحراسة
      شدت
      شليل
      أم الحفر
      كمبلت دي ظهرت في السبعينات
      صفرجت
      فلفلت
      طبعاً ما في طريقة للجولف والهوكي الألعاب الشعبية يمكن أن تخرج حاجة جديدة للعالم
      سلامي وتحياتي للجميع …..الفولاني

  14. زووووووول كتب:

    صديق محمد محمد يحى الفولانى سلاااااام
    اولا بالتبادى انت مالك على الاسم الطويل دا الفولانى دى براها كفايه . لكن ما تقووول ليا .
    كسره :
    سأل الرباطابى ما اسمك
    : امي(=امير )
    طيب انت بتاكل الحرف الاخير ليه
    : اختسأأأ(=اختصار )
    عوده :
    الزول الشين دا (محمودعبدالعزيز ) يستاهل الحرق بالنار مثل ما فعل امير المؤمنين ابو الحسنين مع من الهوه .لكن من يقرأ ومين يسمع يا فولانى

  15. ودالزبير كتب:

    إسترايكر والحبان

    بعد إذنك عندي بوست عن محمود عبدالعزيز داير أكتبه بشكل منفصل

    ممكن ؟؟؟ولا البشير بفوز بالرئاسه

  16. عبد المنعم كتب:

    ده هناق على قول جريدة نبض الكاركاتير ما عارف العاجبهم فيهو شنو … والله ده جن ده

  17. طارق أب أحمد كتب:

    لامن كل من هبب و دبدب يتكلم بأسم الدين أو يفتى فى االدين أو حتى يحكم و يأله نفسه بأسم الدين

    تكون دى النتيجه
    يفقد الدين هيبته
    زمان مش قلتوا أذا كان رب البيت للدين ضاربا فشيمة أهله الرقص

  18. الصادق ود البركة كتب:

    السلام عليكم ورحمة الله وبركاته
    صباحكم خير وبللور الحبان في جميع أنحاء الدنيا
    لا حول ولاقوة إلا بالله العلي العظيم
    لا حول ولا قوة إلا بالله العلي العظيم
    لا حول ولا قوة إلا بالله العلي العظيم
    لا حول ولا قوة إلا بالله العلي العظيم
    لا حول ولا قوة إلا بالله العلي العظيم
    رحم الله الفاروق رضي الله عنه (لو عثرت بغلة بالعراق لسألني الله لماذا لم أمهد لها الطريق)

  19. ياسين شمباتى كتب:

    استرايكر..سلام..
    الله المستعان عليهم,,واتحوقل مع اخى ود الباشا داعيا الله لهم بالهداية والقبول..لكن هو محمود ذااااتو شن طعمو؟؟ما ياهو العربيد المحشش الحرامى الاكل قروش حنانا بلوبلو وشرد!!! استغفر الله من حق عباده..

    زووووووول..سلام..
    والله قصة(نصر)دى جميلة جدا وكان تستاهل ليها بوست براهو عشان نفتفتها ونمردغها ليك جد..خليك قريب يا الحبيب..

  20. طارق أب أحمد كتب:

    محمود عبد العزيز يشارك في حملة الحركة الشعبية الانتخابية من جوبا

    “أجراس الحرية”

    كتبت/ أداو الفونس
    أعلن الفنان محمود عبد العزيز توجهه إلى مدينة جوبا عاصمة جنوب السودان خلال الأيام القادمة للمشاركة في الحملة الإنتخابية للحركة الشعبية، وأكد في ذات الوقت إلتزامه ببرنامج الحركة ورؤيتها للسودان الجديد.
    وقال محمود في تصريح لـ(أجراس الحرية) أنه كثف استعداداته مع الفرقة الموسيقية في الفترة الماضية تأهباً
    للمغادرة إلى مدينة جوبا خلال الأيام القادمة من أجل المشاركة في مهرجان لبداية الحملة الانتخابية للحركة، وأوضح محمود أن المهرجان سينتقل لعدة ولايات، وأكد التزامه ببرنامج الحركة الشعبية ورؤيتها للسودان الجديد . وتمسك محمود بالعمل مع بقية اجهزة الحركة الشعبية للمساعدة في فوز مرشحيها على كافة المستويات الانتخابية بما فيها رئاسة الجمهورية وابان انه يدعم ترشيح ياسر عرمان حتى النهاية ، واعتبر ترشيح عرمان من قبل المكتب السياسي لفتة تستحق الاحترام وتعبيراً عن النضج السياسي للحركة وزاد ( عرمان رجل المرحلة الحالية في السودان) ، واكد سعيه لتحقيق وحدة السودان عبر اعماله الفنية .

    أها يا شباب الأستقطاب بدا يتشكل

  21. شبابنا ايها الاخوة الكرام
    يعيش فراغاً عظيماً بعدما
    فقد الامل في كل شئ
    فلا تستغربوا اذا تصرف
    مثل هذا التصرف المشين
    الذي يدل على ان هنالك تصرفات
    في الخفاء اكثر بشاعة من السجود
    للفنان محمود عبد العزيز .
    اللهم احينا مسلمين وتوفّنا مسلمين .
    آمين

    • حاج السلاوي سلام ولكل الحبان في كل مكان وكان يا ما كان ….
      الديناصورات السياسية عمرهم الآن فوق السبعين …إنت تاريخ السودان وقف حتى أسباب قيام الثورة المهدية ثم الإستقلال …. تخيل عندي ولدي بامحمد عمره سنة ونصف يعني لمن يكبر سيدرس أسباب قيام الثورة المهدية التركية السابقة ثم الإستقلال ووووووووووووو لهف نفس عليهم إذن الفترة من حكم نميري والديقراطية الثانية فالإنقاذ دي تدرس متين … يعني الجيل الحالي من شباب محمود عبد العزيز سيكونو الرواد والآباء والأمهات تتخيل حياتهم تكون كيف يعني حيقولو شنو عن أم كلثوم وفيروز وغيرها ….أكيد سورة الفاتحة حتكون داير ة شرح

    • أخي مالك معاذ سلام طبعاً فارق الزمن بين السودان وأمريكا كبير يمكن الوكت عندكم بدري ………..كيف الحال والأسرة عنوان بريدي:siddhgya4@YAHOO.CA

  22. حاج أحمد السلاوى كتب:

    الأخ مالك معاذ سليمان …
    قبل ما أرحب بيك ضيفاً عزيزاً واخاً كريماً بين إخوانك المشاركين فى هذا المنتدى عاوز أسألك إنت المصحيك لحد الشاعة تلاتة ونص صباحاً شنو ؟ ما تونش بتحب وقاعد تكتب شعر فى عواطف ( يمكن مصطلح عواطف دا ما تكون على علم بيهو …لاكين كان الله مدّ فى اليام ووواصلت معانا حتعرفه ).
    المهم وبعد الدخلة الشمال دى اقول ليك نيابة عن أسرة إدارة المنتدى نرحب بيك أيما ترحيب ونحب نتعرف عليك أكتر وأكتر لأنو الناس دى كوووووولها الشايف اسماءها مكتوبة أمام تعليقتها بيعرفوا بعض تمام المعرفة .. وفى بعضهم لم يتقابلوا لحد حسه إلا عبر المنتدى والرسائل الإلكترونية.
    طبعن فى سؤال سغيروووونى معتاد الناس دى كلها متوقعة طرحه ..بس تورينا موقعك الجغرافى عشان نتواصل معاك أكتر ..دا طبعن إذا كان لديك الرغبة فى ذلك ..مش ديمقراطية ؟
    مرة تانية مرحب بيك وحللت أهلاً ونزلت سهلاّ ..وخليك قريب .

  23. مالك معاذ سليمان كتب:

    اخي صديق كيف حالك يا قريبي
    و آسف جداً لعدم التواصل وكيف الخالة والاخوان
    منور المنتدى بوجودكم وبقية الشباب الظُراف وعلى
    رأسهم السلاوي .
    بالمناسبة السلاوي دا مالو شابكنو عمي عمي الحاصل
    شنو ؟
    سوف اتواصل معك عبر بريدك الالكتروني .
    شكراً

  24. مالك معاذ سليمان كتب:

    اخي السلاوي
    شكراً جميلاً على ترحيبك الحار واريحيتك التي تجعلني اشعر بانني سوف اكون وجع وش لكم في هذا المنتدى العظيم . اما سؤالك بموقعي الجغرافي فانا متواجد بكثرة في بلاد العم سام .
    وليس لدي معارف في هذا المنتدى غير الاخ صديق الفولاني وان كنت اشعر بأنكم جميعاً تمتون اليّ بصلة قرابة الوطن والهم فكلنا يا اخي في الهم سودان . وانا سعيد جداً بالتعرف على اصدقاء جدد في هذا الموقع كما اذكرك بأنني لدي بعض المحاولات المتواضعة في الكتابة اود المشاركة بها لكن لا ادري كيفية ارسالها لكم فارجو افادتي . ولك عظيم احترامي اخي العزيز .

  25. ياسين شمباتى كتب:

    الاخ مالك..سلام وصباحك طيب..ومرحبا بك عضوا فاعلا وكاتبا مشاركا..
    خش على صفحة الاراء والمقترحات الفوق دى وبتلقى ايميل الادمنستريتر رسل فيهو طلب عضوية..

  26. مالك معاذ سليمان كتب:

    شكراً لك اخي شمباتي
    فقد ارسلت طلب العضوية
    وفي انتظار الرد
    ومرحباً بك اخاً وصديقاً .

  27. حاج أحمد السلاوى كتب:

    ولدنا مالك معاذ سليمان ..
    أول حاجة عرفنا السبب المصحيك لحد قريب وش الصباح ( بتوقيتنا فى منطقة الشرق الأوسط )وهو وجودكم فى بلاد العم سام ..يعنى عواطف ما كانت سبب فى سهركم حسب تصورنا السابق ..ونعتذر ..
    أما عمك السلاوى الجماعة شابكنو عمو السلاوى بحكم السن فهناك بعضاً من شيوخ الشباب (ويحتمل أن أكون على رأس القائمة ) أمثالنا ويسموننا الكواشف ( جمع أخوى الكاشف )وإن شاء الله تتعرف عليهم واحداً بعد الآخر وهم متوزعون فى بلاد الله الواسعة .. وأشكرك لأنك رفعت من روحنا المعنوية حين وضعتنى على رأس الشباب الظُراف ..ناس مشاكل وعبدوش وشمباتى وأخيرا سهيل يزعلوا منك ..ألا ليت الشباب يعود يوماً فأخبره با فعل المشيب .
    وزى ما قال ليك ولدنا د. شمباتى سوف يصلكم الرد من إدارة المنتدى ( ولدنا أبو ايراهيم ) قريباً إن شاء الله ونحن فى إنتظار حروفكم عبر الموقع المفتوح للجميع دون تمييز ..أو حدود .

  28. طارق أب أحمد كتب:

    ولدنا مالك معاذ سليمان

    مرحبتين و ألفين حبابك

    أوصيك لامن تعمل التسجيل تختصر الأسم أختصااا زى الرباطابى و كلم صابك الفولانى كمان

    وكتر لينا من وجع الوش لأنو بعمل لينا علاج راس

  29. شكراً على وصيتك بخصوص الاختصااا
    وفي بالي اختصاران سوف اختار احدهما
    الاول : كَبَس الجِبّة
    الثاني : مُساعِد حَلّة
    مشكور يا اب أحمد

  30. شوشو كتب:

    ديل اولاد طايشين ومافي زول عاقل بيسجد لغير الله ولكن ياما ما نشوف

  31. سلام الله عليكم ،وصباحكم خير ،أولاً هذه المرة الأولى التي أمر على موقع سوداننا الذي لم أسمع عنه من قبل وتجولت فيه قليلاً، ووجدت فيه الفعل المُشين الذي أقدم عليه محبي اللهو في زمن الجدية،استغفر الله العظيم سجود لغير الله!
    ولمن لفنان؟ لو سجدوا لمفتي السودان لشعرنا بالخجل والحزن والأسف والأسى على شباب الأمة المنتظر منهم نصرة نبيهم المصطفى صلوات الله عليه وسلامه وإحياء ما اندثر من سنته، ما هذا الجهل المركب الذي اعترى بني جلدتي وأبكاني في الساعات الأولى من صباح هذا اليوم ولم أندم على مروري على هذا الموقع الذي منحني فرصة لأقف على نوع من أنواع الجهل والبدع في الألفية الثالثة ،ومن شعب أحسبه من أعظم شعوب العالم وأتقاهم، وهاهي فئة من تلك الأسطورة يخرون سجداً في تيه يعقد الألسن وترفضه نساء السودان ،بمن نحتمي بعد الله يا هؤلاء ويا تيجان الرؤوس، لا إله إلا الله محمد رسول الله،أعزي نفسي ونساء السودان في تلك الفئة وأسأل الله لهم الهداية والتوبة الصادقة ،وأن يمثلوا الجلابية والعمامة خير تمثيل وأن نرى منهم خيراً ليصلح حال الأمة ،ويجب أن ننتبه جميعاً نحن في الزمن الضائع زمن البدع والزلازل والفتن وقطع صلات الأرحام وسجود الرجال بكامل الوعي لغير الرحمن في خزي وعار، وشكراً لمحمود عبدالعزيز بتصرفه الذي إن دل يدل على شيء من الإيمان في داخله رغم أنه سبباً لمجيئهم لذلك المكان،خلص نفسك يا محمود قبل فوات الأوان حيث لا ينفع الندم عند المثول أمام الرحمن، فقد قال أحد الصالحين يوصي إبنه: إذا عرضت لك صحبة الرجال فاصحب من إذا صاحبته زانك، وإذا مددت يدك بخير مدها، وإن رأى منك حسنة عدها، وإن رأى منك سيئة سدها، وإذا سألته أعطاك، وإذا قلت صدقك.أسال الله أن يجعل لكم رفقة الخير التي تقودكم إلى مجالس الذكر وصحبة الأخيار ويكون سجودكم سجود شكر لله، فشتان بين هذا وذاك وإن داهمكم هم يهد الجبال فتذكروا أرحنا بالصلاة يابلال وأيضاً اسجدوا للرحمن.

  32. عزت كتب:

    مات الفنان الظاهرة وسكت النغم… وقرب يموت جزءا من محبيه وراه…
    شهدت جانبا من التشيع
    لعمري لم أرى شيئا كهذا من قبل… فعلا الفنان رحمه الله كان ظاهرة فات الكبار والقدرو… أكثر من مائة وعشرون أعنية وتسعة وعشرين ألبوما…. توزيع وموسيقى وطرب
    كمان أبان موته محاسنه فقد أجمع الكثيرون من سكان المزاد جيرانه. وأصدقائه بل زوجته السابقة .. حبه للخير ومساعدة المحتاجين

    أها ليكم أولا يستحق مثل هذا الفنان الظاهرة الحب والاحترام…

    رحمك الله يا محمود عبد العزيز بقدر رحمته التي وسعت كل شئ وربنا يصبر قبيلة (الحواتة) التي تعشقه حتى الجنون

    بفقدك فقد السودان فنانا جماهيريا بكل المعنى… ربنا يجعل البركة في ذريته ونا لله وانا اليه راجعون

  33. ياسين شمباتى كتب:

    رحم الله موتى المسلمين اجمعين ,,
    والغريب فى الامر انى طالعت فى بعض الصحف والمواقع الاسفيرية ان معجبيه ومستمعيه اقتحموا مطار الخرطوم واحتلوا مهبط الطائرات كرد على عدم اعلان موعد وصول الطائرة !
    فهلا ثاروا واحتلوا المطار من اجل قتلى جامعة الجزيرة او عوضية شهيدة الديم او ازدياد الاسعار دون زيادة فى الرواتب او من اجل اى شئ يمس الكرامة والحرية ؟؟
    ان هؤلاء الثوار ليسوا باحرار يبغون الحرية والحق , بل هم عمون ,,
    وايضا وجدت بعض الكتاب والصحفيين يحاول ان يصور وفاة المطرب (محمود عبدالعزيز) على انها حادثة قتل من تدبير واهمال الحكومة !
    والله انه للعجب العجاب !! فهل هذا من باب القاء القميص اياه ام من باب (الحدر فى الضلمة) ام هى محاولة لاستفزاز مشاعر المواطنين والخروج بهم فى ثورة !!؟
    اتقوا الله فى موتانا يا هؤلاء ,,,,

  34. افليقا كتب:

    سلام وتحيات واشواق
    ياجماعه الجماعه مبسوطين من الفراغ انتو حارقين الرز ليه ؟

  35. neiam كتب:

    شوف الناس القدام ديل هسع هو وينو الرز هو في رز ….هو الرز دا شنو…في امثال كده مفروض تتغير …حارق رزك= مسيح سبيكة وذلك لانعدام الارز و غلاء السبيكة و العلاقة السببية فبسبب غلاء الرز سيحنا سبيكة ويجري ما جري علي الرز علي الشية و الكباب و نحو ذلك اما لحم الضان فتاكله الكلاب فمثلا يقال:-
    ( يموت الافلي في الردهات فولا و لحم الضان يأكله الاونطة )
    وكل مولد وانتم فتائتون والمصدر ليس هو الفتة او ام فتفت كما قد يظن البعض عبثا و انما المصدر من فات يفوت فوتا وهي باللغة اليمنية قد فاتكم القطار…الا رحم الله امرء قد فاته القطار فايقن انه فتفوته و في لغة الربيع فتيفتة…

  36. ياسين شمباتى كتب:

    فتفوتة الاب !
    دا انت الخاتينك للزمن ؟
    هههههههههههههههههههههههههه

  37. افليقا كتب:

    برغم انو المات مات ولا يجب عليه الا الرحمه
    لكن غايتو السواهو محمود بايدى من اراد تغييب الشباب وشغلهم بالقرد القرد اللبن اللبن جب جب جب ما بتمرق من شبابنا تانى
    اتخيلو قلت لى واحد ياخى وردى ما سوو ليه كده قال لى وردى شنو يا زول ده ما بيسوى ظفر محمود !!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s