يربكك عيد العاشقين ..

Posted: الثلاثاء,16 فبراير, 2010 by moshahidah in ادبية
الوسوم:, , ,

يربكك عيد العاشقين ..

دعك منهم اذن ..

من قال انا نحتاج يوما ..

من قال اننا ننزع للتقاليد ..

من قال انا حبنا يشبه اي حب اخر ..ليشاركه عيداً ..

انتزعني منهم في اي لحظة محتفلا بنا ..

حدد لنا تاريخا متجددا كل عالم ..

تاريخا يتجاوز الفصول ..و لا تحصره  رزنامة ..

تاريخا حرا يتحدي الجاذبية ..

يتحدي القوانين  الارضية والارضيون ..تاريخا سماويا ً

تاريخا ..يكون يا حبيبي ..ظاهرا كاشعة الشمس ..

يخترق نافذتي صباحا ..

يخترق بشرتي ..يجعلني احمر و اشتعل .. فلن اتخلي لهم عن الاحمر ..

اختر لنا يوما  له اسماء كل الايام ..

يوم يكون في اي عام مدهشا ..وفي كل عام نردد ..انه افضل ايام الاسبوع ..حتى يأتي عام اخر .

اختر لنا مواعيد للفرح ..نخونها دوما في السنة الجديدة مع مواعيد اكثر فرحا ..

مواعيدا مع القمر ,, ومع النجوم ..ومع الشمس الحارقة ايضا ..

مواعيد تحب البحر وللجبل

مواعيد تحترم كل الاماكن .. وتحتفي بها ..

مواعيد لا تقشعر من القبور بل تمر علي قلوب الاحبه هنالك تحتضنهم بالفاتحه و الدعاء ..

اختر لنا اذن ذكريات ..عكس التعاسة ..

اختر لنا تواريخ للحزن لنعيد اكتشافها ..و نصالحها ..

حتى وان غضب منها الجميع ..ما ذنب الزمن ..

——————————————————————

happy love day ..evey day

http://moshahidah.wordpress.com

Advertisements
تعليقات
  1. طارق أب أحمد كتب:

    كدا تمام طلعونا من جو المآسى و الأنتخابات لى لى اجواء رومانسيه بس يا الزوووووول وود الخلا وود الزبير بتاع ما قبل سيدى بيه ممنوع الأقتراب و التعليق

  2. يربكك عيد العاشقين ..
    دعك منهم اذن ..
    من قال انا نحتاج يوما ..
    من قال اننا ننزع للتقاليد ..
    من قال انا حبنا يشبه اي حب اخر ..ليشاركه عيداً ..
    ___________________

    أريتو حب السرور حبكم دا الما داير عيد
    _____________________

    كسرة:
    قالوا عن الحب الحقيقي: هو كالشبح في القلعة… الكل يسمع به و لكن لم يره أحد
    بينما قال محمد فؤاد عن الحب الحأئيئي
    الحب الحقيقي بيعيش يا حبيبي
    بيعلمنا نسامح بينسينا امبارح
    بيعلمنا نفكر دايما في ايامنا اللي جايه
    لو نبعد ثواني بيرجعنا تاني
    و اجري عليك يا حبيبي و اقول لك حقك عليا
    هوه دا ايوه دا هوه دا الحب الحقيقي

    أها انت يا مشاهدة مع ديل و الا التانين

  3. اها ده ح يكون بيت بكا جديد ولا شنو ؟؟

  4. ابكرون كتب:

    مشاهدة : انت لو قيس كان تزوج ليلي ….ولا كسير لقي عزة ولاّ جميل لمه في بثينه ولا ابكرون عرف درب هفسه….ولا فلانه لقت زولا الخ…..كان الكلام الحلو ده بطلع……خلاص يا عزت خليهم يتعذبوا شويه عشان ابو احمد يسعد ونحن كمااااااااان…..تسلمي يابنيه….

  5. حاج أحمد السلاوى كتب:

    أبو عصمت .. اب احمد …ابو ابكرونا ..وابو ابراهيم ..
    غابتو جنس غايتو ..بس ما يجيبوا ليكم سيرة الحب بالغلط إلا بيت البكا ينفتح ..
    ولسه فى ناس ما سمعوا بالبكا دا .. حينكبوا عليكم باللوارى أنصاص الليالى وتعال شوف يا ردحى وحى ووب ما تديك الدرب ..وخاصة أخونا ابوحميد المتيم الولهان داااااك .
    – بنتنا مشاهدة .. على أى حال وفى رايى المتواضع الغلبان الحب ما عاوز ليهو يوم واحد فى السنة ..نحنا حبنا عايش معانا على طوووووووول السنة ..إجازة ما بياخد ( شنو ليك يا ابكرونا فى كسير التلج دا ؟..علماً إنو اللإجازة لسه بدرى عليها ).
    وخلونا النشوف آخرتا شنو

  6. مشاكل كتب:

    سلامز

    باديب ونمور ديل عايشين فى حبور

    ولون الزى احمر فاقع وكشكوش اسور

    والحب بهناك ماخد زاوية واقف مبهور

    القلب فى الايد ماخد شكل الدمية

    منزوع مزعور معقود فى خيط دبور

    وبتسائل ؟؟؟

    سبحان الله كيفن الحب تتحدد ايامو

    وتكسى ملامحو بى لووان محدود

    ماكان كل الوان الكون الزاهى ملامحو

    سبحان الله بدلتو الغنية الحلوة الكانت

    بى زئير دباديبكم ومواء القط بالزور

    ياصاحب هذا الدب ياست الوردة الحمرا

    ما مقنع تعبيركم !! وفاقد القمة

    ولا بمسخ خد السفكو الدمع فداهو

    ولا بزيل سهاد السهرو الليل فى رجاهو

    ولا بشفى النظم الحرف فى عزاهو

    الحب يا سادة ماهو اعياد

    الحب غمية تزيل كدر الدنيا الفينا

    الحب اشنودة جميل ترنيما

    الحب انشودة جميل ترنيما

  7. زووووووول كتب:

    مشاهده سلاااام
    عذرا لا نستطيع تجاوز اوامر صديقنا اب احمد وسنلتقيكم فى حتات تانيه ان شاء الله
    لكن يا اب احمد يبقى نزار قبانى افضل من تناول مواضيع الحب والعاطفيات ولولا خوفى على الكواشف لنقلت بعضا مما قاله لكن اترك المايكرفون مع عمنا الحاج احمد السلاوى والحاج ابكرون فليتفضلا مشكورين مأجورين .
    كسره :
    بس فى فهم تانى فى الحب وانظر لا تحت
    حب الله وحب رسوله (قل ان كنتم تحبون الله فاتبعونى يحببكم الله ويغفر لكم )
    حب المسلم لاخيه المسلم (سبعة يظلهم الله فى ظله يوم لا ظل الا ظله …. ورجلان تخحابا فى الله اجتمعا عليه وتفرقا عليه )
    * حب اوامر الله تعالى (ارحنا بها يا بلال)
    * حب اصحاب النبى صلى الله عليه وسلم (والذين جاؤا من بعدهم يقولون ربنا اغفر لنا ولاخواننا الذين سبقونا بالايمان ولا تجعل فى قلوبنا غلا للذين امنوا )
    كسره : ماذا يقول اب احمد زماذا تقول مشاهده ؟؟

  8. حاج أحمد السلاوى كتب:

    أخونا الزوووووووول ابو سبعو واوات ..سلام وتحية ليك وللأسرة ..
    ياخ قول ولا تخاف على الكواشف ..ليس لدينا ما نفقده بعد دا ..إفصح عما بدواخلك وهات أى أنواع الشعر والقصائد وخلينا نستمتع ويستمتع الآخرون معانا ..
    ونحن كمان نحبك فى الله ونعلنها على الملأ كمان كما أوصانا رسولنا الكريم ( صلوات الله وسلامه عليه ).. مش برضو حب الأخ لأخيه نوع من أنواع الحب اللى كان مفروض يعملوا ليها يوم عيد ؟
    وبرضو عاوزين نعرف آخرت عيد الحب دا حتودينا وين ؟

  9. كل
    عام
    ونحن
    نزدان
    بكم
    عيداً
    و كان لقاءا
    لم أحس أنه الأول
    كان وكأنه لقاءاً من نوع خاص
    إذ أنني أحسست وكأني
    قد قابلت
    هذه
    الابتسامه
    اللفته
    الخطوه
    المشيه
    كيف لي أن أصف
    والموصوف أنت
    كيف لي أن أحتفل
    والمحتفي به أنت
    فأنت قطعه مني
    وكذا فقد ملكت قطعه مني
    فكيف لي أن أكون متزناً
    ومركز الثقل أنت
    وكيف لي أن أكون أنا أنا
    وأنت أنت
    ذكري أولي بها أحتفي
    يا متحفي
    ومرسمي
    وريشتي
    وبعض ألواني أمام الضوء
    الساطع
    من عينيك
    وموج البحر الغرقني
    وخلاني خاتيه في سري

    ___________
    أما قبل
    فالتحيه للمشاهده والمشاهدين الاعزاء
    إسترايكر أها لقيتنا كيييف

  10. زووووووول كتب:

    عمنا السلاوى سلاااام
    ونسأل الله ان يحبك كما احببتنا فيه .
    طيب ممكن اهدى . اهدى اغنية انى خيرتك فاختارى للشاعر البكاى نزار توفيق قبانى ذلك الرجل الماجن الذى نذر حياته للبكاء والكبكبه واخالفه حول وجود المنطقه ما بين الجنة والنار وهى منطقة الاعراف كما ذكر اهل العلم والقصيده من غناء كاظم الساهر. اهديها لمشاكل وسهيل وكل العزابه بالمدونه كما اهديها لعمنا السلاوى وعمنا ابكرون ومن لف لفهم (زى عزت كدا ) .
    إ ني خيرتك .. فاختاري

    ما بين الموت على صدري ..

    أو فوق دفاتر أشعاري ..

    إختاري الحب .. أو اللاحب

    فجبن ان لا تختاري ..

    لا توجد منطقة وسطى

    ما بين الجنة والنار ..

    إرمي أوراقك كاملة ..

    و سأرضى عن أي قرار ..

    قولي انفعلي انفجري

    لا تقفي مثل المسمار ..

    لا يمكن أن ابقي أبدا

    كالقشة تحت الأمطار

    إختاري قدرا بين اثنين

    و ما اعنفها أقداري ..

    مرهقة أنت .. و خائفة

    و طويل جدآ .. مشواري

    غوصي فى البحر .. أو ابتعدى

    لا بحر من غير دوار ..

    الحب مواجهة كبرى

    ابحار ضد التيار

    صلب .. وعذاب .. ودموع

    ورحيل بين الاقمار ..

    يقتلني جبينك .. يا أمرأة

    تتسلى من خلف ستار ..

    اني لا اؤمن فى حب

    لا يحمل نزق الثوار ..

    لا يكسر كل الأسوار

    لا يضرب مثل الاعصار ..

    إني خيرتك .. فاختاري

    ما بين الموت على صدري

    أو فوق دفاتر أشعاري

    لا توجد منطقة و سطى

    ما بين الجنه والنار

  11. moshahidah كتب:

    سلام كبير للناس كلهم …و كل سنه و الحب مالي البلد ..

    اعذروني علي الاغلاط الاملائية والحنوية والتعاسة الفوق دي ..شغل العجله على قول امي …شغل بلا نيه ..هههههههههههه..مع انو النيه في والله بس اتعودت علي الاستعجال مع الشغل و المدونة تقول حتطير سريع سريع ..و كدا .

    و نرجع نقول الحب حلو حلو قوى قوى ..بس الناس ما تزعل من اليوم دا تاخدوا بفرح ومرح ..لا توقعات كبيرة و لا مشاريع ضخمة ..البساطة و تعشيني بقسماطة مش كدا ؟

  12. غايتو يا شباب حالة صعبة – مابتعجب العدو – ربنا يواليكم بعافية ويديكم الفى مرادكم ( على قول مزمز) .

  13. طارق أب أحمد كتب:

    الزوووووووووووووووووووووووووووووووووووووووووووووووووول

    ما هدا أنت لذيذ و أمواج كمان وبتقرا لى نزار و تهدينا كلام جميل فى الفالنتاينز

    سمح ما لك
    .
    .
    .
    .
    .
    .

    مرخرخابى

  14. ابكرون كتب:

    انتو الزووووووول(اب 7 واوات) ده مش قالوا ما يخش بي هنا…..واهو داك الجامع … وداك النادي ههههههه زي ما كان بقول احد قادتنا في بورتسودان رحمه الله…(ودي الا في الميل)
    بعدين ياخ …البكااااي ماجن؟ ماهو اعمامك في الامارات وجده(الفي بالي)…وفي المقرن ههههه والدكتور البظهر في الويك اند داك الما عندو علاقه بمدينة شمبات….ماهم ديل كلهم بكاييييين كمان الشعراء زي كبيرنا الساكن جنب جامع الحكومة في مدني….ياخ ما قالو ليك ما تجي بي هنا وخليك مع عرمااااان وحملة البشير…..

  15. ماخليتو لينا شيتن نكتبو … بس لكن يامشاهدة بتعرفى تدورى جلاكينا ديل جنس دوير … ربنا مايجرمنا من محركاتك …. ياجماعة وينم نوارات المدونة لسه ما اديتوهم خبر بهناك ولا شنو قولو ليهن يلا السيرة جاهزة .

  16. أبوكلام كتب:

    سلام أنامتابع لي فتره لكن ده أول دخول لي وأتمني نستفيد من أراءكم وأتعرف بيكم أكتر_

  17. أبو كلام ألف مرحب بيك والبيت بيتك تعال لقدام وأنتظر لما الحاج يجى ويسالك السؤال داك … برضو اتحفنا برايك وتابع

  18. ودالخلا كتب:

    سلام ياقبيلة،،
    بس ياطارق أب أحمد مالك علينا حامينا الطلة علي الناس ديل، ما نحن ماناسكم، ولا خلاص بقي ما بتعرفونا وبدلتو ريدنا بناس وللدنيا سبتونا…
    وصاحبك كبير البيكمونات داااك وشيخ حارة البكايييين العامل ليكم فيها أنطون وشنو مابعرف كدا، وقابض ليكم الجو من فتيح الفوق للمزالق قدلة يا مولاي حافي حالق بالطريق الشاقيهو الترام..
    قال من شمبات قال، من شمبات ولا من توتي..
    مرحب بالأخ أبوكلام، نسينا نرحب بيك لخمونا الجماعة ديل ، أصلو دا يا هو حالم كدا من غير هوت ميل يا صديقي، وقبال ما تنسأل الأسئلة اللي هيت حقو براك تقوم تقر وتبين للناس موقعك الجغرافي وقروبك الأساسي ليتسني لهم التعامل معاك- حلوة يتسني دي؟؟ ياربي هي بالسين ولا بالثاء؟؟
    السؤال المهم أين الأخوة الأكارم محمد ود حسن والبيشاوي وخالد ود مدني وعبدوووش وأفليقا والتانين ناس نونو والغبشة وبنت القبيلة الزهرا وست القبيلة سماسم والناس الجوكم جُداد ناس حكمة والله وحكاية وطفشانة وميسون ومنو ومنو !!
    أهو يا تارق نحن متابعين وقاعدين ليك أنت وصاحبك بيكمون الخلا الورار دااك

  19. أبوكلام كتب:

    شكرا ود الخلا والتركي علي الترحاب الحار واتمني أنو نكون عند حسن ظنهم وأدخل المجموعة الظريفة دي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s