يقال والعهدة على الراوى ان (هشام) أحد تيم الخريجين العطالة الذين يجلسون أمام دكان (آدم الغرباوى) قد مر بضائقة ولم يكن هنالك بد من الإستعانة بشغالة جيرانهم (الحبشية) التى أعطته ما تيسر على وعد بدفع المبلغ فى اليوم التالى غير أن (هشام) بالطبع لم يف بالوعد مما جعل (الشغالة) عندما تمر أمام الدكان يومياً تسأله قائلة : عملتا ليا شنو فى المودوع !!
ملحوظة :
أى تحوير فى ملابسات القصة على مسئولية صاحبه ! ! !
الجاب الكلام شنو؟ :
عملتو ليا شنو فى الرحلة ! ! !
سوداننا 
البروف الفاتح جبرا إبن أرابيب الندى وجامع شمل الأحبة والأخوان غايتو فيما يتعلق بمودوع الرحلة دي أفتكر الشباب ما حيقصروا في وضع الترتيبات لها كما عهدناهم .
كويس جداً إنو حبشيات أمزونيا بدينوا ناس (هشام السودان) بينما حبشيات الإمارات عدّموا ناس (هشام السودان بالمهجر) الدرهم أبو رنة ودموع في الغربة بكااااايا.
البروف الفاتح جبرا العمده سيد البيت الوسيع والراديو في الحله واااحد أهو بنجي نسمعو في بيت العمده ونبقي مارقين -ياشباب المدونه صحوا النوم وشدو الحيل ورسلو لينا حقنا فيلم وثائقي
بشار
حبش الامارات ديل مغتربين عشان ناس \هشام السودان\ ديل الاماراتي لقي صحبي شايل شريحه دو قال لي آآي فلوسكم يشلنهم الحبش وانت يا ريال تشتري دو
عبدالرحمن أحمد : زمان كانن بيقولن تسقنا عصير شعير وهسع بيقولن تشتريلنا (بتاقة)؟؟؟
عملتوا لينا شنو في موضوع الرحلة؟؟؟
بن برد : ولو كانو بعيدين شويه -طرش لينا (بتاقه)؟؟؟؟
عملتو لينا شنو في المودوع
الأودعو ليكم البروف
ضيعتو الوديعه
هيك مايصير
!!!!!!!
أخونا بشار وولدنا عبدالرحمن ..
سطحتتو بينا فى مودوع حبش الأمارات دا ..ونحنا ما فاهمين أى حاجة ..
المودوع شنو ؟ بطاقات شنو ..ودراهم شنو ؟ ..
حاج السلاوي دا إسمو (رندووك ) وما بفهموه إلا إتنين يعني عايشين الحدث يعني ما مرق منهم لسع
اليومين ديل الحبشيات في الخرطوم لابسات ذي البنات السودانيات طرحة…إشارب… إسكيرت طويل
الواحدة في الحافلة تسكت سااااااااااااااااااااااااااكت لو ما قالت المحتة الجاية وللا شنقيتي… أو سووووورة ما تعرفها حبشية…والبيت تأجره لإتنين ب500 جنيه بالليل تلقاهم خمسين…… يعني بطلع حقو في الليلة 150 لزوم خت راسك والصباح شتت بدري بدفع الجماعة خق اللوكندة
يا جماعه ما تروقوا الجبنه شويه
هسى المودوع الرحله ولا الحبشيه
الشيرنق للرحله ولا لى هشام
نمشى الرحله ونشيل معانا تلاته خروفين
السلاوى دى حتكتبها أزاى ياحسين غايتوأحسن تستعين بصديق
التلاتة خروفين ديل أقاشي سااااااااااااااااااااااااااكت ونلحقو بشربوت….وناخد دوخة ضهرية…. أنا علي العضة خروفين من غندهار……أو سوق أبو زيد يللا الشيرنق
هشام ما معانا….دا عامل …ببني البيت لهسع
حاج السلاوي
مافي تسطيح ولا حاجه
أصلو ناس هشام ديل شهمين جداً
يقولو ليهم طرش -بتشديد الدال مع كسرها – لينا بطاقه
يقوم طواااااالي يحول ليها الرصيد سواء كان اتصالات وللا دو أو يمليها رقم الاسكراتش بالتلفون
أها يا حاج كدي خشيت الشبكه
وعشان ما نمشي بعيد
عملتو لينا شنو في الموضوع؟؟؟؟!!
ولدنا عبدالرحمن ..
المودوع ياتو .. الرحلة ..ولاّ البطاقات ؟
الرحله……يا أبو الحجاج شهامة شهام أقصد هشام دي نحن بجانبها -جبناء مارقين -(المرحوم نميري)
يا شباب الداخل ..سهيل( غايتو حاسبنه من الشباب ) ..عبدوش .. مشاكل ..والكاشف الصغير اب احمد .. نحنا والله لامن تعملوا رحلة داخلية بنفرح وننبسط زى التقول حضرناها معاكم …اتحركوا شوية يا جماعة واتلموا ورسلوا لينا التوثيق وعارفين إنو أبو عصمت وأخونا طارق اب احمد ما حيقصروا .. يقصر الملح !!
خالد مدنى يبدو إنو مشغول شوية وكذلك أخونا شكسبير ..
خلاس يوم الجمعة أو السبت ؟ إتفقنا ؟؟
نحنا غايتو موافقين ..
يا جماعة الخير .. عملتو لينا شنو فى المودوع ؟ خلاس نمشى نشترى تلاته خروفين؟
غايتو يا بروف عشان تضمن الرحله تكون كاااااربه و ناس هناي و هناي التاني داك ينبسطو .. لازم تاخد معانا كم حبشيه كده لزوم البشكه و تحريك اللعب .. يعني تنزل بوست جديد تقول فيهو ” رحله مطعمه بحفتيه” .. ولا شنو ؟؟؟
يا عمك البوكس جاهز .. اها تاني في كلام .. الجمعه الجايه و الشيرنق تلاتين جنيه تجمع عند البشاوي و افليقا و التجمع 9 صباحآ قدام سيدي بيه في عبيد ختم .. كدي تاني زول يقول بغم ..
سهيل يا أخوي ….ما تكون دعاية إنتخابية …خروف يعني خروف….نرجع للبعتنة تاني…ونتغزل في اللحم والعزف المنفرد…يعني من الليلة بطلو أكل اللحم عشان المسألة فيها توثيق يوم الرحلة شفتا الكوارع ما بنخليها …سلام
الرحلة وين؟ وصلاة الجمعة حتكون وين؟ أهههههههههههههههههههههههم حاجة
بنلقا لينا مسجد يا الفولاني….. كلام سهيل دا عين العقل أها سهيل و أنا ستين جنيه (كدا ربع خروف) و حأكون في البوكس الساعة تسعة جنب سيدي بيه ….
مين يزود
شفت يا صديق كلام عمك عزت دا كيف … ياناس بره .. رسلو الشيرنق بتاع الرحله .. اوعا تعملو رايحين .. مش عايزين توثيق ؟؟؟
مودوووووووع شنو؟
كمان فيها بيشاكا …..
لا دي والله قرحة..انت بشكيكم لي الله…
بنرسل الشيرنق بتاع (التوسيييييق)…بس كدي كان انتو فعلا رجااااال ما توسيقو……!
أبكرون سلام ….سلام
العيون دي جميلة بس مرة واحدة شمال وواحدة يمين كدي ختهم الإتنين ..لتكتمل الصورة
عارف في واحد مجنونة في بحري بتلاقيني في كشك الجرايد تقول جيب جنيه قلت إختبرها قالو المجانيين ما بعرفو القروش …قلت ليها الكاركتير دا شنو ( كوبر فتحت كبري للشجرة )…قالت لي دي داير درس عصر:
ما عمك ساكن كوبر ورمزه الشجرة هااااااااااااااااااااااااااهاااااااااااااااااااااا وولت هاربة …تعالي هاكي الجنيه إستقلت الحافلة إلى الخرطوم مزعجة للركاب جيب جنيه…إن شاء الله تلاقيك …دي ماهرة في التعليق على الكاركتيرات
وحكاية تأجيل الإنتخابات شيلا من راسك….الجماعة فايزززززززززززززززززززززززينفاااايزين
إنت بس رسل يا ابكرون .. وغدآ تشاهد
إنت يا ابكرون عايز يوثقو ليك شنو بالضبط ؟؟ العضات ولا الكجمات ” اظنك فاهم”..
هوي يا اب اخمد خليك في حالك احسن الزومه منضايقي
سهيل.. أبكرون .. الفولانى
((المسألة فيها توثيق يوم الرحلة ))
تلقا فى اليو تيوب -تحت عنوان – سودانيين فى الرحله -حت زى الحت
((شفتا الكوارع ما بنخليها …سلام))
أستيكه ولا فرشه
(بنرسل الشيرنق بتاع (التوسيييييق)…
باللاى ركز لى على الكانون أو النيكون وكان بالعدم ياشيكا مى كعبه
(( شنو بالضبط ؟؟ العضات ولا الكجمات ” اظنك فاهم”..))
الكنـــــــــجـــــــــلات
((لازم تاخد معانا كم حبشيه كده لزوم البشكه و تحريك اللعب ..))
يعنى حكوماتنا ما معانا آآآآى دا الشغل دا الشغل
((لازم تاخد معانا كم حبشيه كده لزوم البشكه و تحريك اللعب ..))
كضاااااااااابيييييييييين
بشار
((كضاااااااااابيييييييييين
زمان كانن بيقولن تسقنا عصير شعير وهسع حبشيات أمزونيا بدينوا ناس (هشام السودان) ))
تصدق انو الفرفه الحبشيه أرخص من الخروف
الموددووع ظابط اوووى وموافقين على المودوع بس خلونا نكون جادين وشوفوا لينا الشيرنق كمممممم.والمودوع بكون وييين ؟؟؟
واحدة
الفولاني صديق : ( قلت ليها الكاركتير دا شنو ( كوبر فتحت كبري للشجرة )…قالت لي دي داير درس عصر) ههههههههههههههههه والله ضحكتني دي لقطه يااااخ ما مجنونه كان تتصور معااااها هههههههههههبعدين عيوني دي مجنناك كده ليه؟؟؟؟؟كان ختيتهم ليك الاتنين بتحصل المجنوووونه بتاعة كوبر والشجره……العيون الفيهم نعاس…..
كلمني يا حلو العيون….
ازاي ودواي خدووود وعيوووون
انت عارف العيون السمحه ولا اقول ليك المودوووووع عن المودوووووع……
عمنا بشار .. الله يكضب الشينه .. خليك متابع و حتسمع الرطانه بأضانك .. ( دينانش) .. ما تستفزنا نقوم نجيب ليك فرقة اديس الحبشيه و نجيب لناس ابكرون و يس حمى
المودوع : رحله المدونين لمزيد من الترابط و الإخاء
الزمان : الجمعه الموافق الخامس من مارس 2010
المكان : لم يتم تحديده بعد
الشيرنق : 30 جنيه لمن إستطاع .. تقبل المشاركات العينيه ( فول ام احمد – نعيمية الزهراء – دلوكة البشاوي الخ …) .. و الماعندو ولا يهمو .. حضوركم يشرفنا
مكان و زمان التجمع : الساعه 8:30 صباحآ امام مطعم سيدي بيه
للإستعلامات إتصل بأي مدون ..ستجده إنشاءالله دعمآ لك
سهيل
مبروووك الأيقونه و عقبال ما نشوفا فى البنصر الشمال
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآممممممممممممممميييييييييييييييييييين
معليش يا جماعة ليا يومين ما دخلتا .. الظاهر المودوع بقى جد .. (ناجى) إمتحاناتو يوم السبت والجمعة دى قلتا أقفلو معاى فى معسكر وأراجع معاهو لكن ما مشكلة أجى راجع بدرى وأراجع ليهو بس إنتو ورونا العدد حصل كم ؟
كسرة :
حبشى إشتغل كمسار فى حافلة .. الحافلة قاعده تشحن .. بعد الركاب ركبو عاوز يقول ليهم (العدد إكتمل) عاين ليهم كده وقال ليهم
– شبعتم !
و الله يا البروف لم يوضح سوى سهيل و عزت و حددوا الشير و قالوا حي يجوا شايلنو مهاهم بينما أعرب اب أحمد و الفولاني و الزووووول عن ارتياحهم للمودوع
(يعنى حكوماتنا ما معانا آآآآى دا الشغل دا الشغل)
(يوم الرحلة شفتا الكوارع ما بنخليها)
(الموددووع ظابط اوووى وموافقين على المودوع)
بس ما جابو سيرة بتأكيد حضورهم
عموما حنجي جنب سيدي بيه يوم الجمعة بدري و نلم الشير و نمشي على يا سوق البهائم يا الجزارة و الا بتاع الفول حسب الشيرينق….. و بنلقا لينا حتة نمشي ليها مش البوكس في يا سهيل مافي مشكلة…!!
رحلكتم محضورة يا احباب..لكن بالجد ما تطلعونا بيش فى موضوع التوثيق دا,,شايف لمة معرض الزهور مشت ساااااااكت!! انت شاءالله ما تشوفوا ليكم قبة سمحة ابدا !!!
وانت يا هناى دااااك,,عملت لى شنو فى الموضوع؟؟؟؟
شمباتي : هناي داك منو ؟؟؟ نعلو انا .. سمح عملت رايح ..
يا جماعه عمكم جبرا عندو إمتحان ناجي و التركي والدته بالمستشفى و الباقين لابدين .. و الجمعه بعد بكره .. يعني ي د.عزت نعمل رحله براااانا في القطعه الفاضيه الجنب بيتكم ديك ولا شنو ؟؟؟
يا سهيل ياااااخ انسي معناه الناس ما راغبه(حسااااااااااااااااده)
والله يا اخوانا كان نفسنا نتلم ونتلاقى ووالله اشتقنا للتجمع الاسري الجميل واشتقنا لي سلطه نونو وفول ام احمد واشتقنا لي سوريه وحمودي وسمسمه وفاقدين جوطة الشفع وجريهم واشتقنا لي صوت الكاشف واغانيه – وكنت ناويه ليكم بي واحد من الاتنين اما ملوحه كاااربه او نعيميه معتبره
لكن مانعني سببين
الاول انو في نفس اليوم زواج صديقتي المقربه
والتاني انكم ماشين عزابه مافي سيرة حكومات ولا حسس معاكم
ابكرون : عشان حسادتكم دي انا و د. عزت حنمشي يوم الجمعه جنب سيدي بيه و نلم الستين الف و نمشي لبتاع الأقاشي داك الفي بري ” عشان سيدي بيه اكلو رخييييييييييس” و نشيل معانا الترمسه و الفرشه و نمشي بعد داك نرطب في شارع النيل نباري الضل لغاية المغربيه .. نعاين للمويه و الخدار ونحن تحت الكبري .. حنعزم معانا شوية حبش لزوم البشكه و الخمج .. آآآآآي اوع اشوف واحد يجي يتضهب بهناك .. طوالي البلنجات حتدور و العجاجه حتربط و ال999 حتجي تخمنا نحن و حبشنا و نبقى في النظام العام و نلحق ( لبنى ) و يجلدونا و نمشي فرنسا و نقابل كوشنير و نبقى معارضه ( اصلو الدفع الخلفي ما جايب همو) و نجي من هناك نمشي الدوحه ونوقع إتفاقية سلام و نرجع السودان وزراء .. انا وزير داخليه و عزت وزير البيئه .. وبعد الإنتخابات تقوم تحصل ” فوضى خلاقه” و يمسكونا ليك الجماعه و يحكموا علينا بالإعدام .. انعل ابو الرحله العايزه تودينا الآخره دي ذاتها..
الرحلات يا كده يا بلاش .. شارع النيل – النظام العام – فرنسا – الدوحه – مجلس الوزراء – كوبر ” المشنقه” – مقابر فاروق..
مبسوطين يا حاسدين .. اهو كده لحقنا امات طه
ولدي سهيل : تسلموا كلكم من كل بلاء وإن شاء الله عدوينكم وأنا بقترح تأجيل المودوع للجمعة التالية لمزيد من التنظيم والترتيبات وتحديد الراغبين في الأشتراك بصورة واضحة وخذوا معكم أنصافكم الحلوة وسيبكم من حسادة المغتربين ديل .
في حبشي عاوز يعمل نفسو إبن بلد خالص وبيستخدم الأمثال السودانية وقال معاتباً شخصاً أسدى له صنيعاً وقابل الصنيع بالجحود:
“حسن المنعول اشترى قندول” وهو يقصد : الحسنة في المنعول زي الشرى في القندول. ولمن لا يعرف الشرى فهي عبارة عن أشواك صغيرة مؤلمة كتلك التي توجد على أصابع البامية الطازجة.
والله يا سهيل برنامج كارب:لمن تجو الدوحة كلمونا عشان نعمل ليكم برنامج رحله كااااربه بس تركينا اصلي بتاع محس مش زي بتاع الزهرا بتاع شايقيه مصلبتين فيهو ساكت….خليك مع النعيمية يا بتنا…..تبري وتستبري يا سهيل من المشنقه دي يستحقوها ناس ضار علي ضار…والبلشفي ابو تفه…..
بشار :الشري ده في ناس قروها الشرِي…
أبكرون :شرى القندول براهو (إسم موصول) وشري الجندول براهو (إسم منقوص) بعد كده إلا أركب (دأن) دقن وأكون زوول ديقنيفايد وأنزل الإنتخابات.
سهيل..سلام..
ما بعيد اكون قاصدك!! لكن بالجد عملت رايح ونشفت ريقنا وراك!! بعد خلاص فرحنا وجهزنا الجلاليب والعمم….
بشار وابكرون..
جنس شرى هو !!!
شوفوا يا جماعة وادح إنو الرهلة الجمعة دى ترشق .. عشان ناس كتير إندهم زرووف .. خلاس جمعة فى تانى جاى لكن من يوم تلات كل شئ يكون مزبووت !
معليش يا بروف .. الزاهِر إنو زروف الناس كانت سعبة الأسبوع الفات عشان كدا ما قدروا ينزموا مودوع الرهلة دا ..وإنت كمان فى ولد بتاع |إنت إندو أختبار ولازم فى مزاكرة كويس عشان يجيب نتيجة كويس .
سلام وتحية من القلب يا بروف
سلااام وتحية من القلب للجميع
كما تقول الفنانة (مي عز الدين في فيلم حبيبي نائما ) تقول ( ليه خليتني قريح في مهي الليح )
وأنا مافي مشكل سديق يجي فلوس بعدين ممكن رجع سلفه على راي الهنود بالسعودية
ناسف للانقطاع الغير مقصود والجايات اكثر انشاء الله
معلوم سديق .. مافي مسكل..
بشار : شري ( ابو قزازه خدرا ) دا الكان في بحري المنطقه الصناعيه بتاع ناس ” دبلوك” داك ولا هاجه تانيه .. هسي يا عمك إسمو مصنع التقطير .. بيقطر شنو .. الله اعلم.
ابكرون : الرحله وين ؟؟ في العزيزيه ولا الريان ؟؟
مالك علينا يا ولدنا سهيل فقد ثبت في الأحاديث الشريفة : {أن النبي صلى الله عليه وسلم لعن الخمر، وعاصرها، ومعتصرها، وحاملها، والمحمولة إليه، وشاربها، وساقيها، وبائعها، ومبتاعها، وآكل ثمنها }وفي رواية أخري :والدال عليها يعني أكان في واحد سألك قال ليك وصف لي بار الضلمة أو بار قابيوس بي وين؟؟ قول ليهو روح يا شيخ ربنا يهديك
حااااااااااااااااااااااااااااااضر يا عمنا .. قلتا لي قابيوس ؟؟؟ دا يوناني ولا انا غلطااااااااااااان
سلام ياقبيلة،،
سهيل : منو البدور يساهر الليل يسافر فوق جناح الشوق يكوس نجما” بعيييييييييييد ضوااااااااي؟؟؟؟؟؟
منوووووووووووووووووووووووووووووووووووووووووووووووو؟؟
ذكرتني يا سهيل نكتة ظريفة تحكي عن أحد الأخوة من الجنوب في ميز الأطباء بو دمدني وكان أسمه (أنطونيو) وتصادف أن أحد الفوانيس الذين يتواجدون بالميز بأستمرار ان سمع أحدهم جاء يسأل عن هذا الطبيب بأسمه ولم يكن موجودا” وقتها فقام صاحبنا الفانوس يتساءل عن هذا الشخص هل هو جنوبي؟؟
فرد عليه واحد من الجماعة (الشامنو) بكل سخرية وهو يضحك: لا بطحاااااااااني!!!
وأنت الآن يا سديقي أنا ما شامييييك ولا حاجة لكن أنت ماك غلطااااااااان!!!!!!!!!
ياجماعة الحافلة دى بالحبر السرى ولاشنو ؟ لسة منتظرين شايف الكمسارى يتلولح لكن الحافلة وين؟
ابكرون
تركين الشايقيه مالو؟؟؟ انت تعال الاجازه الجايه وجربو بعدين ادينا رايك
بعدين انت من زمن التركين خاص
بعدين دا تركين تهجين شايقيه مع ديامه مع حبة هندسه وانت قيس الباقي
وبعدين ياالسعيداب اعترفوا انكم من غير عواطفات ما حتقدروا تنظموا الرحله
ملاحظه اختفاء سماسم وسمسمه والغاليه نونو ان شاء الله عافيه ياناس عواطف
شبعتم !؟
ههههههههههههههههههههههههههههههههههههههههههههه..بوست بنكهة الشامبيون الاسلى..
أسلى وإلا تجارى ؟
تجارى من ولا منو؟؟ خلينا مع الواقفين…
سلام يا جماعة كلكم
طيب انا من مدنى وعايزة اشترك فى الرحلة اعمل شنو ؟؟؟؟؟
طيب منو ال من مدنى قال جايى؟؟؟؟ ولا ناس برا العاصمة ما معاكم والله حيرتونا زاتو قلنا ليكم تعالو مدنى قلتو لا قلنا ليكم جاينكم قلتو مافى طريقة
طولي بالك يا طفشانه .. رحلة الحبش دي قايمه قايمه .. و احتمال كبير الجعه الجايه ..
كبير الحلوين جبرا
الحبان في مكان
سلام وأشواق كميات
حيرتونا المودوع شنو أساسن؟؟ حبش ….والجعة أو النبيذ الجاي…. والفوانيس ….والأغاريق والمعاهو قزاز… .والمعتصرها والمحمولة إليه …….. الواحد يغيب من المدونة يومين يجي يلقاها سايطة وجايطة…..
الامير مخير..سلام..
بركة بالجية..مش جايطة وانت الصادق,,دى واقفة لط..نقطة سطر جديد..
عزيزي مخير : سمعنا (تحت تحت) قالوا لغوا قوانين سبتمبر لمزيد من توسيع قاعدة المؤيدين (فشان) الإنتخابات والجماعة ماصدقوا وطوالي راحوا مدورين وإنت لو ما (تكرنجة تفلت) حتطلع بدون حلاوة مولد.
عارف يا دوك يسن:
ناس الداخل ديل (حلوهالداخل دي مش) بقي ما عندهم مووووضوع الرحلة دي من يوم(19 يناير) ونحن الآن في الاسبوع التاني من مارس …يلتو ويعجنوا في موضوعا….ما عارف الحصل عليهم شنو زمان بقرروها في نفس اليوم بكره تلقاهم في الشقيلاب ولا مزرعة ابرسي ولا الحتانة ….يا حليلك يا افليقا…..!في الليلة الظلماء يفتقد البدر……
بالله المزاجو رايق ينزل لينا موضوع لذيذ ورايق وغيروا لينا السيرة دي……………………
الفكى ابكرون..سلام..
والله الهمة نفصت شوية,,وافليقا داخل فى دور نفسيات ومعاهو عدد لا يستهان به من المدونجية,,يعنى وين (اب احمد-البشاوى-نيام-ود الزبير-ودالمهدى- الكنانى..وغيرهم كثير)..والله كلنا مدبرسين وزهجانين لكن بنحاول نطلع من المود دا بالمدونة..
اما عن الروقان والمزاج فلازم تجيب لينا شئ خفيف,,الدور عليك فى الخفيف لانك الاخير كان عضم!! وفى انتظارك تب..
أبكرون :طوِّل بالك وروِّق المانجو ناس مخير ديل عشان ما حضروا الدرس نبدأ من الأول……على طريقة الإدارة الداخلية….. بتههههههههها
يا بشار مخير متابع لكنه بستغرب في الملافظ وعنده حق.. . وده بحصل لمن ما ينزل بوست جديد يطلع الناس من قعر بير البوست المطول…..الله يعين
البروف جبرا و الجميع
كرتونه سلام و قفه أسف على عدم المواصله بسبب السفر الى الأقليم الشمالى من المتلتقى وحتى وادى حلفا ثرو كل مناطق الشايقيه الدناقله السكوت المحس و حتى الحلفاويين و دى بوستات أتمنى أن تنال رضاكم خاصة و أنها مدعومه بصور خيال
فول أم أحمد منقول من السليم مباشرتن
أجمل ما فى الرحله دى أنى جلبت معى فول من السليم قطف أول يعنى من الزراعه و ليكم فى الرحله مباشرتن
و أكيد حنتلاقى يوم الجمعه الجايه و عشان ما نكتر الكلام الفطور فول و سمك بلطى أيضا طازه من البحر مباشرتن
المكان غرب خزان جبل أوليا
التجمع قدام سيدى بيه الساعه تمنيه تزعه بالسودانى و معاكم لحدوت عشره و بعد داك شتات
PS
أيو واحد أنا فى طريقو يدينى سلك
الأخ أبكرونا
لا …لا … ما بنقدر نسيبك…..
الأخ هجار ..
والله الرحلة دي أنا ما فيها…غايتو برجى العائدين محظور من المرقة بدون عواطفنا لكن برسل الشيرنق رصيد بس أدوني أقرب موبايل
ما بنقدر نقاوم …صاحب سوابق في الدبل
أخونا الفولانى ..دا كلام شنو .. يا حسين ؟؟ عملتها ظااااااهرة .. شنو المحظور من المروقة بدون عواطفكم ؟.. ياخ لا .. ياخ قول كلام غير دا …غايتو الليلة القكى ابكرونا ما حيريحك تب ..
غايتو .. جنس .. غايتو !!
سلولو : ياخ الفولاني ده خليه هو اصلا (كونت مخلص ) خالص واكيد (دولة حكومته) مسيطره شديد علي الموقف ….حتي النفيسة في مشكلة…..عفيت منها (مؤصإصه طيرا لا يلوف بغيرا)……هو قايل رحلاتنا فيها شنو؟ (اسرية يا صديق-ي) انت اصلك ماشي رحلة مع كلية الاحفاد…..؟ ياخ جيب الاسرة والعيال ان وجدوا يستمتعوا………! بس انا ما عارف الحكومه دي ما بتقرأ بكي الحقيبة بتاع صديق في هركولات ابوصلاح…….
تعرف يا سلولو الزمن ده النسوان بقن يغيرن حتي من (بنات) افكارك…..وبنات آوى
حبيبنا أبكرونا
ذي ما قلت ليك مرة إرتكبت حماقة وعرستا تاني …يعني جيبتا ليها أخت تساعدها بس الحكاية فشلت أخيراً …ونمرة إتنين عندي صاحبي قال ما شي مأمورية وعرس بهناك …آهو حكايتي وصاحبي جاطت هو غايتو إستمر مع الفريق الخصم …من ديك وبقت الحاجة في المناسبات والرحلات الحجل بالرجل ترفيه للجميع وما في حد أحسن من حد ديمقراطية أسرية بمشاركة الجميع
بس دي كلها الحكاية …أما الشعر خليتو … وواقع في بكا الحقيبة….
الحلوين سلام
هويييييييي ويحك يا جنابك !!!!!!!! ماذا أصابك ؟؟؟؟
كووولو شيء ولا النسوان، هن الخير والبركة والرحمة لنا، وهن الساس والراس وكدة … وقع ليك …أسمع يا أبكرون …. الكلام ده إنت ما قدرو …. وأم محمد عُمر لو عارفة جنس الخرمجة البتكتتب من وراء ظهرها علي النعمة تاني إلا نقرأ مقالاتك من إرشيف سودانايل… هههه
عشان كدة … أرعى بقيدك …
كيف يا أبو الحجاج عجبتك مُش ؟؟ أنا عارفك إنت المنصوري أي كبير مناصري عواطف … صحيح والله العُُمر هو ذلك الثمن الباهظ الذي ندفعه مقابل الحكمة، أو كما قال الخواويج…
عملتو ليا شنو فى المودوع ؟
يا ناس الداخل
نبل الفول ولا فى راى تانى ؟؟؟
اخونا صديق الفولانى ..
يعنى إنت حسه قاعد مع الأصل ..ولاّ مع المساعد ..؟
لاكين يبدو إنك ما حسبتها صاح .. عشان كدا فشلت المحاولة .. مش ؟
نتمنى ليك النجاح والتوفيق فى المحاولات المدروسة القادمة ..
يا جماعة بالجد كده عملتو ليا شينو فى المودوووع !
يا اخوانا كترتو الكلام مالكم … يا ابو احمد مر علي انا في طريقك … في زول في طريقو محل بتاع معسلات وجراكات يجيب لينا معاهو تعميره ؟؟