يوم المرأة

Posted: الإثنين,8 مارس, 2010 by nono in إجتماعية

 شاركونا في هذه المساحة بكلمه أو بيت شعر أو  خاطره  بمناسبة

 اليوم العالمي للمر أه 8 /مارس ..للأم.. للأخت ..للزوجة .. للحبيبة.. (عواطف)

Advertisements
تعليقات
  1. اي صوت زار بالامس خيالي ؟؟

    طاف بالقلب و غنى للكمال ……

    وازاع الطهر في دنيا الجمال ……

    و اشاع النور في صوب اليالي …..

    انه صوتي انا ,اوا تدري من انا ؟!

    انا ام اليوم اسباب الهنا
    ……………………………..
    انتو يا أسباب الهنا انتو
    ………………………
    غايتو لحد ما يعملو عيد للرجل
    كل سنة و انتو طيبين يا نونو

  2. زووووووول كتب:

    السنه دى ما عندكم امينه ودود تصلى ليكم الجمعه يا نووونووو؟؟.

    اليوم العالمي للمر أه 8 /مارس ..للأم.. للأخت ..للزوجة .. للحبيبة.. (عواطف)
    اما الام يا نونو فنترحم عليها ما تعاقب الليل والنهار وما بقينا على هذه البسيطه وما دام فينا عرق وقلب ينبض .
    والاخت وما ادراك ما الاخت لن نتذكرها يوم فى العام لكننا نرعى شؤنها ونقف بجانبها فى عافيتها وما دون ذلك .
    والزوجه نحن لا نفسر وانتم لن تقصروا .
    كسره : عيد الام ويوم المرأه ايام مهمه جدا عند من تفرقت السبل بنظامهم الاسرى اما نحن ناس اخوى ود خالتى وناس فلان دا فى الحسبه عمنا فلا نحتاج ليوم للام ولا نحتاج يوما للمرأه والسلااااااااااااااااااااام .

  3. زووووووول كتب:

    شنوووو آآآآآآآجماااااااعه الموجودين حاليا 10 والتعليقات صفر؟؟

  4. ابو حميد كتب:

    نونو حمدلله علي السلامه
    بعد غيبه موضوع جميل المراه هي مخلوق كريم، وجنس عظيم، فالنساء شقائق الرجال، وأمهات الأبطال، ومدارس المجد، وصانعات التاريخ، وشجرات العز، وحدائق النبل والكرم، ومعادن الفضل والشيم، وهن أمهات الأنبياء، ومرضعات العظماء، وحاضنات الأولياء، ومربيات الحكماء، فكل عظيم وراءه امرأة، وكل مقدام خلفه أم حازمة، وكل ناجح معه زوجة مثابرة، فهنّ مهبط الطهر، وميلاد الحنان والرحمة، ومشرق البر والصلة، ومنبع الإلهام والعبقرية، وقصة الصبر والكفاح، فلا جمال للحياة إلا بالمرأة، ولا راحة في الدنيا إلا بالأنثى الحنون…فهي الام …الاخت… الخاله.. العمه.. الزوجه
    كل سنه انتو طيبين …

  5. مشاكل كتب:

    سلامز مضروب في مليون

    شوق يدفعني لأراها
    أمي ذكرى لا أنساها
    طيف أنقى .. من زبد الأيام أنقى

    لو سرقت منا الأيام
    قلب معاطاء بسام
    لن نستسلم للآلام

    **********

    لسوف اعود يا أمي
    أقبل رأسك الزاكي
    أبثك كل أشواقي
    و أرشف عطر يمناك

    ببرك يا منى عمري
    إله الكون أوصاني
    رضاءك سر توفيقي
    و حبك ومض إيماني

  6. nono كتب:

    شباب شكرا علي المرور

    ربنا يخلي ليكم امهاتكم ازواجكم اخواتكم يمتعم بالصحه العافيه الرحمه لكل ( فقيده )

    انه صوتي انا ,اوا تدري من انا ؟!

  7. زووووووول كتب:

    الاخوه الاعزاء سلااام
    كنت قبل قليل مع الصحفيه الرائعه امل تبيدى وقد نشرت مقالا جميلا فى الفيس بوك عن يوم المرأه العالمى وبعد اذنها انشر لكم ما سطرت على امل ان تكون احدى عضوات هذا الموقع واحدى رفيقات النونو والغبشه وسماسم وغيرهن من شقيقاتنا . فقط ارجو التكرم بالتعليق وابداء رايكم واثراء النقاش معها حتى نتمكن من كسب عضو جديد حتما سيضيف لنا الكثير بحكم تجاربها فى الصحافه سواء فى الفقيده صحيفة الوان رد الله غربتها او فى جريدة الحره حيث تكتب حاليا .

  8. زووووووول كتب:

    Amel Tabidi هل الذكر كالانثى
    بقلم أمل تبيدى
    في الاحتفال بيوم المرآة العالمي يجب إن نقف جميعا ضد الدعاوى الوافدة إلينا والتي تنادي بالحرية المطلقة والمساواة بين الرجل والمرآة نقف ضد الذين يريدون إذلال المرآة وانتزاع فطرتها التي فطرها عليها رب العالمين
    تارة يتحدثون عن الرجل الشرقي وعقليته بدون استحياء يرددون إن الإسلام ظلم المرآة واضطهدها ويعتبرون تعدد الزوجات انتقاصا لكرامة المرآة وإهانة لها ولا يدركون إن في ذلك حكمة ويتذرعون بالذرائع الواهية ويشنون هجوما علي الإسلام ومعظم دعاة العلمانية ينساقون بدون تفكير وينجرفون وراء هذه الادعاءات الكاذبة ويحاولون وضع ذلك في إطار انتهاك حقوق المرآة رغم ارتفاع هذا الصوت في الغرب . هناك من يقفون ضده فقد قال توريل :إن وحدانية الزوجة التي فرضتها الكنيسة الرومانية فرضا لا تتفق مع الفطرة .حتى عندما أباح الإسلام التعدد لم يتركه بل قيده بقيود العدل الكامل (ولن تعدلوا )
    الإسلام صان المرآة واسترد لها حقوقها وأكرمها ولم بعزلها لأنه أعطاها حق التعليم والعمل , كانت ألسيده خديجة تاجرة وبمثابة وزيرة داخليه لأنها كانت تبث الأمن والأمان في نشر الدعوة وكانت مستشارة عندما أشارت أم سلمة للنبي صلي الله عليه وسلم في صلح الحديبية ومنحت الحق في إن تجير واخذ سيدنا عمر برأي امرأة فالتاريخ مليء بالنساء اللائي لعبن دورا كبيرا في كافة النواحي السياسية والثقافية والاجتماعية وهنا اذكر الخير زان زوجة المهدي وزبيدة زوجة المأمون
    ارتفع وعلا شان المرآة بالإسلام ومع كل هذا أقول ليس الذكر كالانثي لكل واجباته وحقوقه والاختلاف يبدأ من التكوين الجسدي وبما أن هناك اختلاف في الناحية الفسيولوجية وبالطبع سيكون هنالك اختلاف في الوظائف ألعضويه
    نطالب الرجل إن يمنح المرآة حقوقها التي منحها لها الإسلام وان لا تكون مستشاره ولا تستشار ولا ديكور يزين الواجهات وتكون فاعلة ومتفاعلة مع قضايا المجتمع بدون هتك لأي ستر. وللأسف نحن نلهث وراء أفكار هدامة فأمريكا التي تنطلق منها كثير من الدعاوى نجد إن أول جمعية نسائية أنشئت فيها كانت عام1915 والنهضة النسائية في1891 وإسلامنا اخذ بيدنا وانتشلنا من ذل العبودية بكافة أنواعها وأشكالها منذ أمد بعيد .
    وألان نشهد ثمة تراجع في الدعوات التي تطالب بالمساواة المطلقة باعتبار أنها انعكست سلبا علي المجتمع بصفه عامة وعلى الأسرة بصفة خاصة .. هذا هو ميخائيل جورباتشوف قال في كتابه ( البروستريكا ) نفخر بما قدمته الحكومة السوفيتية للمرآة بمنحها نفس الحق في العمل كالرجل والأجر متساوي والعمل المتساوي والمشاركة في النشاط الاجتماعي والسياسي , ولكن طوال سنوات تاريخنا البطولي الشاق عجزنا عن إن نولى اهتماما لحقوق المرآة الخاصة واحتياجاتها الناشئة عن دورها كأم وربة منزل , ووظيفتها التعليمية التي لا غنى عنها بالنسبة للأطفال , لقد اكتشفنا إن كثيرا من مشاكلنا في سلوك الأطفال والشباب وفي معنوياتنا وثقافتنا تعود إلى تدهور العلاقات الأسرية والموقف المتراخي من المسئوليات الأسرية )
    هذا حديث رجل حكم ثاني دوله في العالم وتزعمت نداء المساواة بين الرجل والمرآة
    أصحاب الأفكار التي اسميها متطرفة فيما يخص المرآة ألان تراجعوا وبدأت خطوات العودة للحق بعد إن انهارت الأسرة وضاعت الابنة في أزقة الرذيلة وغرق الابن في بحور المخدرات وانتشر الفساد ربداوا يتراجعون هم اقتنعوا ولكن (منو) البقنع ناس المساواة المطلقة والذين جعلوا من سيداو مرجعية وطالبوا بالمصادقة عليها واذكرهم بقوله تعالى ( وليس الذكر كا لأنثى ) وكفى
    أخيرا نسوا الله فأنساهم أنفسهم ولا حوله ولا قوه إلا بالله العلى العظيم
    الوان

  9. حاج أحمد السلاوى كتب:

    بنتنا نونو ..
    حمدن لله على سلامة الظهور الإسفيرى بعد غيبة طويلة ..
    وأؤمن على مقالة اخونا الزوووووووول بشدة ..نحنا ناس أخوى وود خالتى وود خالى وعمى وعمتى وخالتى فعلاً لسنا بحاجة إلى هذه الأعياد فنحن معهم دوماً بإذن الله ..
    للأمهات اللائى رحلن عن هذه الفانية الرحمة والغفران ولمن لازلن على قيد الحياة ندعو لهن بطول العمر والصحة والعافية لأكمال المسيرة وأداء الرسالة ..وأخواتنا و شقيقاتنا وعواطفنا لهن علينا فضل كبير لن ننساه ..ابداً ما حيينا..

  10. حاج أحمد السلاوى كتب:

    سؤال سغيروووووونى كدا … كالعادة ..
    الأنتخابات خلصت ..ولاّ شنو ؟ مين فاز برئاسة اتلجمهورية ؟ ومين بقا والى الخرطوم ؟ أوع يكون المتعافى رجع تانى ؟…
    طيب أكان دا كووووولو ما حصل .. دا اصبع منو .. الفى الصورة دا ؟
    أنا عارف فلى واحد حسه حينط لى فى رقبتى ويقول لى دا .. اصبع الملك !!

  11. عبدالرحمن أحمد كتب:

    سوف لن نشتري هذا العام أي شئ

    التحيه لكل نون النسوه

    وليك يا نون-و

  12. nono كتب:

    عمنا الكاشف حاج السلاوي وعبد الرحمن احمد
    شكرا علي البصمه … زووووووول ابو سبعه ووووووات اضافه حقبقه للموضوع ياريت لو الاخت امل تيبدي تدينا طله بي جااي …

  13. حكاية كتب:

    كل سنة وانتو طيبات يانساء السودان
    ربنا يديكم الخير
    لكن نظرة كده عامه الناس كلها كتبت عن امها ولم نجد صوت لعواطف
    ياعواطف مالك هرشتى الراجل الليله يوم عيدك اديه اجازه يعبر عن شعوره خليتيهم قالوا امى بس
    تحياتنا ليك يا نونو
    الباقين وين مضربين ولا شنو
    ابكرون
    افليقا
    استرايكر
    ود الخلا
    استاذ لفاتح جبرا
    نصير النساء
    الغبشه
    سمسه
    سماسم
    وينكم كلكم ومنسقط سهوا

  14. تاجوج كسلاويه كتب:

    سلام نونو احيك احيي المراه انا صديقه من علي البعد
    حقيقه يوم للمراه لايكفي لكي التجلي ايتها الام الاخت الصديقه

  15. البشاوى كتب:

    العزيزة النونو— عليك الله هى المرأة دى ماأيام الله كلهن اياما ليه يعنى 8 مارس بالتحديد – ناس سعيد ديل يومهم ياهو يوم القيامة – ومافى زول يقول لى الليلة يوم الرجال – دى يوم مفتوح مامعروف متين – وهو زاتو بقى صعب خالص يوم الرجال دة – ولا شنو ياسلولو؟

  16. حاج أحمد السلاوى كتب:

    أخونا الكاشف الصغير البشاوى ..سلام
    آآآآزول إنت عاوز تودينا غوانتلنامو ..ولاّ شنو ؟

  17. حاج أحمد السلاوى كتب:

    معذرة ..للخطأ الطباعى ..
    غوانتانامو ..

  18. غوانتانامو .. و الا ورا الشمس

    نحن عاوزين يومنا….
    قلت الكلام دا لي زوجتي و كنا في العربية و جينا مارين بمحل بتاع عشاء في شارع أوماك الكترابة بتاعت الشيات و التكاسي و الأمجادات ما تديك الدرب…
    قالت لي عاين للناس القاعدين ديل فيهم مرأة
    نظرت بطرف عيني و الله عينك ما تشوف الا النور كميات من الرجال قاعدين يمصمصوا في العضام و يلحسوا في الشطة..!!
    و أردفت ما هنا بس طوف في محلات الأكل و القهاوي و الهوتيلات ما بتلقى غير الرجال.. مرفهين عن نفسهم و مافي زول جايب عواطفوا معاهو….

    يوم شنو كمان الدايرنو…………….

    فجعلت أفكر و أستدرك فعلا مظلومين… أيامهم كلها شقا و قراية شفع و نحن و لا هنا مسكينة “عواطف” فعلا تحتاج الى يوم…. تجي من الشغل كان شغالة و تظبت في الحلة و تسبكها و تاخد ليها بوخة و يجي الراجل لا ياكل من الحلة و كمان يبيت القوى…!!

  19. ودالخلا كتب:

    سلام ياقيبلة،،
    دوك عزت والسمار الأكارم..
    راجع الميل ياسديقي وشوف الشهادة البتملأ العين لمن تفضل..
    عفيت منها ، ليتهن يحذون حذوها، ولكن هيهات هيهات يا صديقي..

  20. حاج أحمد السلاوى كتب:

    أبو عصمت …
    وكتين الحلة إتسبكت … تانى سعيد بايت القوى عشان شنو ؟؟
    دى باااالغت فيها عدييييييييييييييل كدا ..أنا ما بفسر وإنت ما بتقصر .. يقصر الملح …يا يابا !!!

  21. elturkey كتب:

    بتذكرك يايمة وقت الناس يجونا من البلد
    ===============
    أمى الله يسلمك يديك لى طولة العمر فى الدنيا يوم مايألمك
    ======================

    بيشاوى يادفعة ياخ لابنقدر بلاهن ولا بنحملن بس شن نسو

  22. مخير كتب:

    نونو
    الزوار وأهل الدار
    سلام ومحبة وإحترام
    وخلق الله المرأة رحمة بنا ولنا، وجعل الجنة تحت قدميها فهي الأم الرؤوم وهي البنت البارة وهي الزوجة الصالحة وهي الأخت الغالية وهن أجمعين الخير والبركة….
    كسرة:
    والله ما تلج دي الحقيقة الساطعة التي لا يعلوها غبار ولا تطالها عتمة أو غبشة.

  23. ياسين شمباتى كتب:

    نونو..سلام..
    القلم لا يطاوع للكتابة الا ان المرأة لها قدر كبير كبير فى دواخلنا,وانا بالاخص,لان المرأة هى التى ربتنى وحملت همى وواستنى بعد الفقد الاعظم للوالد منذ نيف وعشرين سنة,فكانت المراة الام والاخت بمثابة الملاذ كلما ادلهمت الخطوب وعز الامر وعظم..حتى فقيدتنا الآن امرأة بنكهة اللارنج وقيمة نفيس المعدن ونقاء السحاب..
    لها كل الود والحب والاحترام اينام وجدت,المرأة اصل المجتمع..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s