عااااوزين رحححلة

Posted: الإثنين,15 مارس, 2010 by aflaiga in اخرى

يا جماعه من الاخر كده وقبل ما تسالونى كنت وين والدساك شنو ؟؟ اجلو الاسئلة دى لمن نتلاقى فى رحلة الجمعه بمزرعة الجريف العامره الحيرتبا ود المهدى على انغام لطفى والكاشف الحيشرفونا وعلى شرف انضمام جدد حسب افادة  ابونا جبرا ووشنو تانى ؟؟ المهم اى زول عندو اى حاجة يجى يلصقا لينا فى حنان الرحله اتفقنا ؟؟ يلا همتكم معانا بالتسجيل للرحلة والاعداد والحشد اصلو الايامات دى ايام برامج واعداد وحشد يعنى نحنا اقل منهم ولا اقل منهم ؟؟؟

Advertisements
تعليقات
  1. زووووووول كتب:

    واحد الله
    قول
    زووووووول (الله يقهر العوارض)

  2. elturkey كتب:

    مادام الدينمو قال كدة أكيد ( المودو) ح يتم …. بس لكن يالتانين عملتوها ظااااااهرة

  3. سهيل كتب:

    بطل خرمجه يالتركي ..نمره كامله عد..

  4. سهيل كتب:

    أنا شايف إنو الناس بقى مرورها على المدونات قليل .. الأحسن يكون في تواصل عن طريق التلفونات عشان ( نحرر المديده).. و دمتم

  5. elturkey كتب:

    دى برمجة ياحبيب وماها خرمجة … أها عندك كم مصلح بهناك … بس معاك حق الناس حتى البتدخل محدودة ومعدودة فى أصابع اليد الواحدة كمان .

  6. مشاكل كتب:

    سلامز

    انا معاكم انشا الله

  7. مُخير كتب:

    أفلي الأصلي سلام
    الحلبان في كل مكان سلامات
    قوووول ثلاثة من على البُعد وبركة الجيت آيييييييييي

  8. حاج أحمد السلاوى كتب:

    انا اعتذر عن حضور الرحلة …لأسباب جغرافية ..
    كدا كويس … يا اب احمد ؟

  9. سهيل كتب:

    نحن نتفق إنو لما مدوني الداخل يعملو رحله إذا امكن مدوني الخارج يعملو رحله في نفس الوقت .. بس نحن علي النيل و ناس جدو و شمباتي في الصحراء و ناس مخير يمشو وزيرستان

  10. خالد مدني كتب:

    قووووول كم كده ما عار ف … يا سهيل ناس ناسيانا يمشو وين ؟

  11. البشاوى كتب:

    افليقا == كنت وين انت ؟ متين فكو ليك التشفير ؟ يعنى من القيد للعيد طوالى رحلة مرة واحدة – خليها فى الاول شاى مغرب ولا بوش =
    عموما معاك للطيش – يلا اجهزوا كلكم

  12. الكناني كتب:

    ممكن نجيب اولادنا عشان يعرفوا ليهم ناس مشرقة في زمن الحشد المغبر ده

  13. الصادق ود البركة كتب:

    السلام عليكم ورحمة الله وبركاته
    الأخوة الأعزاء ما شاء الله وتبارك الله ماشية معاكم زي موية النيل أبقوا أتذكرونا يوم الرحلة
    وزي ما قال السلاوي نعتذز لإسباب جغرافية
    سهيل شنوحكاية الصحراء للسلاوي وشمباتي أنت ماسمعت ببحرة
    الموجودة في جدة ولا شاطئ نصف القمر ولا درة العروس
    قال صحراء قال ودمتم

  14. ود المهدي كتب:

    يا جماعة روقو المنقة شوية – اليميين ديل الامتحاانات بتاعة الاساس – خلوها تخلص ونحنا جاهزين يعني بعد يوم 22 مارس يعنيمكن الجمعة 26 مارس -والله سلام وشوق شديد ومانعنا الشديد القوي- ولو الناس مصره علي اللقاء ممكن نعمل لينا شاي مغرب او بوش كما قال البشاوي في اقرب يوم في اقرب حتة – والجمعة البعدها الرحلة – والسلام عليكم

  15. ود المهدي كتب:

    الكناني والله بالغت عديل كدة – اوع تكون عملتها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  16. أوافق الأخ ود المهدي اذ نتضامن مع أولادنا في الامتحانات هذه الأيام و خايفين من لسان “عواطف” كمان ما بتقروا الشفع و تمشوا الرحلات براكم …..!!

    فالجمعة بتاعت 26 مارس مناسبة جدا وناس الشهادة بتاعت الثانوي العالي يمتنعون ….كمان عاوزين من ود المهدي تطمينات بخصوص المكان هل نستطيع الذهاب اليه في تلك الجمعة….

    ود الزبير الكتشينة هينة … الباع على منو!!!
    أكيد شيرينق….. و”شيري” جاهز………………. البروف ما وريتنا
    معانا و الا مع التانين

  17. ودالزبير كتب:

    ناس الرحله سلام

    غايتو أنا وخالد مدني كنا إتفقنا الجمعه الجايه نلكم الناس نمشي جبل ألوياء رحله بتاعت سمك ساكت لا باع ولا يحزنزن وقلنا الرحله نعمله بمن حضر يعني ول جاء خالد براهو يمشي الجبل يفطر ويتغداء ويبرطع في المويه ويجي راجع أها هسه بالكلام ده شكله الموضوع داير ينفس فأنا بقترح إنو البيقدر يجينا يوم الجمعه بعد بكره الساعه تسعه صباحاً يرفع كيبورده وممكن الناس العندها إمتحانات تجي على خفيف تفطر ووتخارج وتخلي باقي الناس للغداء والبرطعه في المويه ..

  18. ودالزبير كتب:

    بالله الغلطات الإملائيه الفوق من عينه ( نلكم ) وجبل ألوياء وغيرها الكثير أمسحوها في فقدان اللياقه للغياب الطويل عن المسطيل الأسفيري

  19. حاج أحمد السلاوى كتب:

    أخونا شكسبير ..
    حمدن لله على السلامة ..
    وطواااااالى رحلة سمك ؟؟
    غايتو الإجازة الجاية ( إن شاء الكريم وأحيانا ) طالبك رحلة سمك فى جبل أولياء ..
    إنتفقنا .. يا خالد مدنى ؟؟ ويا حليل السمسم الكبار ..

  20. aflaiga كتب:

    الحبان الحلوين سلامات :
    الجمعه الجاية ميه ميه يكون الشفع امتحنوا ويكون البروف جا من الارتباط الظهر ليهو فجاتن ونكون قدرنا نرتب الامور بشكل احسن فالجمعه الجايه ميه ميه وبركة الجابت الكنانى سيرة الرحلة ..

  21. خالد مدني كتب:

    يا افليقا جهجهتنا … الجمعه الجايه بتاعتك دي ياها الجمعه الجايه بتاعت ود الزبير وللا البعدها ؟؟

  22. زووووووول كتب:

    خالد مدنى سلااام
    اوع تكون محضر شعورك للجمعهالجايه يا اخوى الجمعه الجايهدى لو عنك بوش ولا قراصه ابقا عليهو . جمعة افليقا دى يا ها الجمعه البعد ناس ودالمهدى ودكتور عزت يدوهم الاوكى يعنى بعد الامتحانات . شوف بوشك وما تجيب لينا هواء بارد .

  23. ود المهدي كتب:

    يازووووووول هوي انا ود عزت اوكينا في جيبنا – لكن دايرين نسوق معانا العيال عشان يغيرو من جو الامتحانات وكده ولا شنو يا دوك.
    وعشان نلقي فرقة نجهز المزرعة وكده
    افبيقيا حمدا لله علي السلامة والله ليك وحشة – والكناني دا كان لابد وين ويا اخوانا عبدوش وين؟

  24. زووووووول كتب:

    ود المهدى
    والله فعلا تجهيز المزرعه بتاعة الجريف داير ليهو زمن زى لحدت يوم سته وعشرين كدا .
    تحياتى لك ودكتور عزت وعاشت الثورة سندا للشعب وعاش الشعب ذخرا للثوره والله اكبر والعزة للبتاع .

  25. سهيل كتب:

    ود المهدي : اي نعم إنتو اوكيكم في جيبكم لكنو زي كرت الصراف الآلي .. بلا باسويرد زي عدمو .. و البركه في البرمجه

  26. ياسين شمباتى كتب:

    سلام يا احباب..
    كنانى..بركة الجيت!!
    سهيل..انحنا رحلتنا قوييييية وبنديك خبرها..

    افليقا..غايتو جنس غايتو!!!

  27. سهيل كتب:

    طيب يا شمباتي .. رسلو لينا فيزا إنشاءالله .. ولا اقلو دعوه .. غايتو جنس حركات

  28. ود الفتيحاب كتب:

    ياشمباتى والجمع الكريم سلالالالالالالالالالام
    والله الرحله بلحيل محتاجين ليها ، قول أثنين

  29. ياسين شمباتى كتب:

    سهيل..
    براااااك ابيت الجية!!

    ود الفتيحاب..
    اتنين ويين يا اخونا !!؟؟؟

  30. الكناني كتب:

    حباب ياسين شمباتي
    زووووووول قلتي عاشت العزة للبتاع
    ود المهدي ده اسعلني انا من الاوكي حقته

  31. ياسين شمباتى كتب:

    كنانى..حبابك وحباب جيتك..يازول وينك انت؟؟شكلك عديت بى فوقنا سااااكت..
    عليك الله غربلللنا الاوكى بتاع ود المهدى دا,,شايفو ناااقز وعارض وعامل فيها تور بقرا جواميس!!

  32. خالد مدني كتب:

    في حال ما وافقوا لينا بالنشر … عملتو لينا شنو في المودوع ؟؟؟؟

  33. طارق أب أحمد كتب:

    up

  34. حاج أحمد السلاوى كتب:

    المودوع يا ودالمدنى ارسلوهو لمفودية الأنتخابات ..التابعة للمؤتمر الوتنى عشان ينزروا فى أمره لأنو الحالة بقت سعبة وما فى زول فادى..الناس كووولها مشغولة فى الإنتخابات…
    ولو إندك أى مودوع تانى قول لينا عشان نساعدك فى كل مواديعك ..
    إتفقنا ..؟ وسلم لى على السمسم الكبار والسغار !!

  35. خالد مدني كتب:

    يا هاج اهمد كبي المهلب في توب اهمد … انينا ظاتو ما فادين لي اتخابات … ده شأرن ما اندنا ليهو رقبه … اهااااا أملتو لينا شنو في المودوووووووع ؟؟؟؟
    انتو كدي مودوع كميشن بتاع الكترال ده كليهو براااااهو … الرهله دي مودوعها شنو ؟
    واللهي يا الحاج الرحلي دي اكان ما قومتوها عيلي نقوم عليها انا وجنا الزبير الحاضر ده ما نخليلا جنبي ترقد عليها … والليلي يا جبل الاولياء اماني ما جوك ناس .
    كسره : تقوموها وللا نجيكم بالرطانه ؟؟؟

  36. خالد مدني كتب:

    وسلم لى على السمسم الكبار والسغار !!
    ما قلنا ليك محبوسا … محبوووووووسه

  37. حاج أحمد السلاوى كتب:

    يعنى باقى كام يوم ..عشام نمد قرعتنا ..ولاّ فى ناس كتاااااار قدامنا فى الِسِرا ( السرا دى بالخليجى ) .
    نفهم من كدا إنو مافى أمل ؟

  38. ودالزبير كتب:

    شباب

    تقرر الآن قيام رحلتنا الميمونه إلى منظقه جبل أولياء يوم الجمعه القادم والتجمع أمام سيدي بيه في تمام الساعه التاسعه والنص صباحاً والشيرنق 25 جنيه ومعليش يا حرائر المدونه الرحله دي بتاعت عزابه وللنسيق الإتصال بخالد مدني أو سهيل أو العبد لله ….. أها على بركه الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s