جمال الوالي يشتري الزعيم ( فضل لينا شنو تاني )

Posted: الخميس,18 مارس, 2010 by ودالزبير in اخرى

لأن الزمن زمن منتن ومعفن ومادي لدرجه التقيؤ
ولأن الزمن زمن الطفل المعجزه جمال عبدالله الوالي
ولأنه زمن أصبح لكل شئ ثمن حتى الألقاب

فقد باعنا دكتور الباقر لفتى الإنقاذ المدلل

ولمن فاته الإطلاع على مجريات الأحداث

نلخصها في عجاله غير مخله

إنشاء دكتور الباقر صحيفه يوميه رياضيه بإسم الزعيم

وأسندت رئاسه التحرير للقلم الهلالي الكبير خالد عزالدين

قبلنزول الجريده للأسواق دارت حرب طاحنه بيننا وبين الهنود الحمر حول الإسم

ومن هو الزعيم في هذه البلد

حاول المريخاب إن يشتكوا لدى الجهات المسئوله بإنهم حاولو تسجيل هذا الإسم ورفض ذلك

ليأتي الرد بإن دكتور الباقر قد سجل هذا الإسم قبل عشره سنوات

إستمرت الحرب وتم الإيعاذ لحارقي البخور للوالي

مزمز قنابل وإسماعين حسن (المسكين)

كانت الخطه تنسج وفق العقليه اليهوديه التي تؤكد إن السيطره على الإعلام هي المفتاح للسيطره على المجتمع وهنا نشير لتطابق عقليه فتى الإنقاذ المدلل مع النظريه الصهيوينه ومن المؤكد إنه قد تربى على هذه النظريات ….

تم الوصول لدكتور الباقر وعرض مبالغ ماليه عليه ذكر لي الصديق خالد عزالدين إن الصحيفه لو إشتغلت عشره سنوات وبدون مرتجع لن تدخل مثل ذلك المبلغ إضافه لمبلغ آخر تجاوز الخمسمائه مليون من أجل التنازل عن إسم الزعيم المسجل بإسم دكتور الباقر ليصل إجمالي الصفقه لمبلغ فلكي وهنا ضعف الدكتور وباعنا بثمن بخس وهو معذور فهو أولاً وآخراً تاجر ودعنا من قصه الإتحاد الديمقراطي البينتمي ليهو الدكتور وفكونا ومن قصه القيم والمبادئ التي لا تباع ولا تشترى ..

هنا تظهر معادن الرجال ويظهر إن خالد عزالدين هارون شخص لا يباع ولا يشتري … قدم سيفنا المسلول إستقالته بمجرد إن تم توقيع الصفقه التي دخلها الوالي بإسم إبن خاله عزالدين على الجاك …

اليوم صدرت الزعيم حمراء وقد إحتلها البوم بداً من أحمد محمد أحمد ( ما بنطير برانا ) مروراً بعبدالباقي شيخ إدريس وتغير اللون من الأزرق الهادئ إلى الأحمر لون الموت والزار والدمار ..

مبروك للماسونيين الجدد وفجيعتنا ليست في إسم لن يشترى بالمال ل فجيعتنا في رجل كنا نظن وبعض الظن إثم إنه لا يباع ولا يشتري وندمان على هلاليته كبير وكبير جداً..

ونختم بإفتخارنا بسيفنا المسلول البتار وأثقل قلم على قلوب الصهاينه خالد عزالدين الذ عاد إلى بيته وأهله في صحيفه الهلال .
وللحديث بقيه

Advertisements
تعليقات
  1. طارق أب أحمد كتب:

    ديل سرقوا البلد كلها خلى الأسم

  2. ودالزبير كتب:

    البلد اليسرقوها لكن هلالنا ده نحن ما بنرضى فيهو الحبه

    أبو احمد أزيك يا رجل

  3. زووووووول كتب:

    الاخ ود الزبير سلااام
    ومزيدا من الثكلى والردحى فقد تفاوتت الكتوف وبقى زعيم واحد للكرة الافريقيه ولا زعيم خلاف الزعيم .
    قبل فتره قصيره جدا فكر الاخوه بنى زرقان فى سرقة لقب الزعيم من المريخ فهداهم تفكيرهم الى انشاء صحيفه باسم الزعيم ولفوا ودارو حتى يكون ذلك مبلوعا للقارئ فزينوها بلونهم المفضل واسندوا رئاسة تحريرها لقلم هلالى مصادم ومحترم وواقعى جدا هو خالد عزالدين هارون وهو من اروع الاقلام الزرقاء فى الساحه وافضل الف مره من رمضان الفرحان الذي يكتب عمودا باخيرة قوون ويزينه بعناوين ومانشيتات اكبر من تلك التى تتصدر الصحيفه . وافضل الف الف مره من مجاهد الخليل الذى يبدو عموده مثل الشاى بالبلح فالعنوان فى واد والمحتوى فى واد اخر .
    ما علينا المهم الجماعه طلعوا الصحيفه وجعلوا شعارها (السودان زعيما للكره الافريقيه ) لا بالله دى على منو؟؟
    المهم وما اكتر ليك عمك الباقر التاجر قام باااع الاسم والجريده للطفل المعجزه لانو العجوز المعضله (صلاح الكاتب ) ما عندو التدعك واهو كل يوم يظهر جديد مره مهند مضرب مره ام سادومبا الضغط قايم عليها
    كسره : الفاتحه اجارنا واجاركم الله

  4. ود الزبير و أب أحمد سلام

    ما يهمك ما لسة في صحيفة حبيب البلد و في صحيفة الهلال و في الهلال ذاتو…..
    (و انت القروش الكثيرة دي بلقوها وين)
    بس المشكلة مافي كورة لا في الهلال لا في المريخ ….

    أمبارح انشاء الله تكون شوفت الفن في بطولة أبطال أوروربا…. و قبلها علة زعلت لي ناس شيلسي شديد…..!!

  5. ها ها ها
    الزوووووول يا تحليل…!! قلت لي الكاتب …. ياخ و الملحن كمان

  6. حاج أحمد السلاوى كتب:

    الإخوان (خوة فى الله بس..) شكسبير والزووووووول .
    عندى سؤال سغيروووووونى ..كالمعتاد : أنا ما عارف كنا عملنا شنو لو كان مستوانا الكروى زى إنترميلان أو تشيلسى أو …. أو…. من الفرق الكبيرة التى تلعب كورة صاح ؟..
    مجرد سؤال !!

  7. زووووووول كتب:

    عزت بقاريتش سلاام
    بالمناسبه فقد فرحت مع مورينهو وهللت لطيران انشيلوتى فانا لا احب شلسى اطلاقا .
    بعدين قبل يومين محمد عبد الماجد كتب موضوع عنوانو زول ب25 شخصيه غير الاسبير راجعه وستجد الكاتب والملحن ورجل الاعمال والارباب ورئيس نادى الهلال وعديل الوالى وغيرها .
    حاج السلاوى
    بسيطه جدا لو مستوانا بقا زى ناس الانتر وبرشلونه ومانشستر يونايتد كان اشترينا استاد الهلال وعملناهو ملعب رديف دى دايرا ليها درس عصر يا عمك .

  8. ودالزبير كتب:

    زوووووووووول

    شايفك جيت ماري ساكت في حته الصهيوينه والماسونيه وفتي الإنقاذ المدلل

    عل المانع خير

    عزت المرطب وعمنا السلاوي

    نحن غايتو من أنصار لالوبنا ولا دوري الأبطال

  9. زووووووول كتب:

    ودالزبير
    زوووووووووول

    شايفك جيت ماري ساكت في حته الصهيوينه والماسونيه وفتي الإنقاذ المدلل

    عل المانع خير

    لا والله مافى عوجه علا عارفكم انتو نادى الحركه الوطنيه الاول وانتو الحررتوا السودان .دى قوات مسلحه ولا نادى رياضى اصلو .
    بعدين انا ما عارف لكن الماسونيه دى قريبه من الزول ال عندو مية اسم اكتر من زول عندو اسم واحد . جمال محمد عبد الله الوالى فقط لا غير

  10. ودالزبير كتب:

    زووووووول

    جمال الولالي رئيس طوالي

    ولن نوالي غير الوالي

    صحي الطفل المعجزه

  11. مشاكل كتب:

    سلامز

    ما بقت على الجرايد يا ود الزبير …. كفاية انهم اشتروا البلد بي ناسها

    بعدين نحن في الهلال لا يهمنا اسم الزعيم ولا غيرو .. هلالنا ما محتاج اعلام ولا محتاج كلام

    هلالنا دا كفاية علينا

    نشوفو في التلفزيون القومي في النيل الأزرق في الشروق في الجزيرة الرياضية … ما بقت على الجرايد و الوهم

    بعدين محمد عبد الماجد و خالد عز الدين في … الحبة ما تجينا

  12. حاج أحمد السلاوى كتب:

    شكسبير الهلالى الكبير ..أنصار اللالوب ..
    صدقنى نحن كنا مجانين كورة جد لعباً وتشجيعاً ..لاكين طبعن إنت عارف إنها ما بتدى حريف ..
    وبالرغم من هلاليتنا وتعصبنا ( يمكن قديماً ) للون الأزرق والأبيض إلا أننا نشعر بالحزن العميق لما يدور فى أوساطنا الكروية التى هيمن عليها هؤلاء التجار والمرتزقة وعاثوا فيها فساداً يزكم الأنوف ولم تعد لدينا تلك النزعة التعصبية فى الكرة السودانية عمو ماً ..فكل فرقنا مثل الفوار الأندروس ( تتذكروا هذا الفوار ؟ .. اسال منه عمك ابو عصمت ) تفور فورة شدييييدة وسرعان ما تخمد بعد ذلك ..
    وشايفك حامل على الطفل الإنقاذى المعجزة ..ولكن قل لى بربك هل الطفل الآخر ( صنوه ونديده ..وربما عديله ..كما علمنا ) الخارق الذى يراس اللون الأزرق بأفضل منه ؟..لا اعتقد ذلك !!
    – أخونا الزووووول .. قلت لى لو كان مستواكم زى الفرق البتعرف تلعب كورة ..كنتم اشتريتو إستاد الهلال ؟ فاقول وبالله التوفيق إنو ما بعيدة ابداً فى ظل الوالى الحالى .. والى الخرطوم ..أو رئيس نادى المريخ ..كوووولهم ينتمون إلى جهة واحدة .. ومن حسه اقول ليك مبروك عليك الإستاد..لأنو كل شىء أصبح وارد وجائز فى هذا العهد الزاهر..بدون إستغراش..
    وخلونا النشوف آخرتا مع أطفالنا الخوارق !!!

  13. ودالزبير كتب:

    مشاكل

    بجانبي الآن الأخ خالد عزالدين وبيشكرك شديد على ثقتك في قلمه
    عمنا السلاوي

    الفرق بين صلاح وجمال إن الأولى يدفع من حر ماله والتاني يدفع من حر مالنا

  14. زووووووول كتب:

    ودالزبير
    شنو يا عمك خالد دا يشكر مشاكل براهو .
    بالله قول ليهو اعمل جريده سميها المحمولة جوا وجهز الاستقاله .
    كسره : بلغه تحياتنا فهو صاحب قلم محترم جدا رغما عن الوانه الزرقاء والبيضاء

  15. تحية للزرق والحمر والبدون
    يا جماعة الناس دي بالقروش البدفعوها في الفارغة مش ممكن يدفعوها لتكوين فرق اشبال وناشئين وتجهيز ملاعب واحضار مدربين مؤهلين عشان الكورة تتطور.
    انحنا الأسسنا الإتحاد الأفريقي
    انحنا العلمنا الناس الكورة
    انحناوانحنا….
    سجم انحنا وسجم السودان

    سمعت قبل فترة بأنهم سيبعثون بمجموعة من الأطفال للبرازيل ليتم تدريبهم على الكورة في موطنها!!!!
    يعني ذي نميري لما ابتعث مجموعة أطفال للصين عشان يتعلموا اكروبات.
    أها الأطفال رجعوا وامتعونا بعروضهم المدهشة…وبعدين؟؟؟
    انتهي العرض وكل زول مشى لحاله وكأنك يا زيد ما غزيت.

    تعليق ود الزبير كتلني بالضحك (إن الأولى يدفع من حر ماله والتاني يدفع من حر مالنا) وأنا شايف مافي فرق بين احمد وسيد احمد أو كما يقولون

  16. ودالزبير كتب:

    ودالباشا

    فعلاً شر البليه ما يضحك

    يازول اخوك قرر يعمل جريده يسميها سيد البلد وبعدين أبيعها لجمال الوالي الطفل المعجزه

  17. ود الزبير
    بمناسبة شر البليه ما يضحك
    الرياضي السوداني (كاكي) كرم عالميا واشادت به كل المحافل الرياضية العالمية سمعت قبل كم يوم انو الريس عمل ليهو تكريم.
    يا سلام على الإنتخابات
    يا ريت كل ايامنا انتخابات
    وبعدين ما تنسى الطفل المعجزة بايع الريس نيابة عن نفسه واصالة عن قطيعه الأحمر
    اخوانا الحمر ما يزعلوا فأنا لا أقصدهم
    هم أحرار يصوتوا للبشير او لغيره
    لكن على الطفل المعجزة احترامهم
    وأن لا يعاملهم كالقطيع
    وأن لا يبايع باسمهم

  18. ودالزبير كتب:

    كان في زمنا فيلم كرتون إسمه ريتشي ريش وإتعمل منهم فيلم عديل كده ماعارف طوالي لمن أشوف الطفل المعجزه بتذكر الكرتون ده

    بالله قلت لي كده

    وأنا أقول مالو زووووووول بهناك مقوم نفسه في بوست شمباتي

    أداريهو سامع كلام سيدو

    والعجب سيدو ظاتو

  19. ياسين شمباتى كتب:

    ودالزبير..سلام..
    هى بقت على الجريدة المسكينة!! لكن كدة انحنا حنكون وقعنا فى عب الجماعة ولا كيف!!؟وموقفنا من الوطنى شنو بعد دا؟؟دى كسرة عين عديييييل كدة..
    وربك يستر من الجاى…

  20. ياسين شمباتى كتب:

    ود الباشا..سلام..
    قلت لى زولك باعن نفسو للشيطان؟؟طيب المساكين الغلابة ديل ذنبهم شنو!! غايتو جنس بيع..

  21. حاج أحمد السلاوي كتب:

    ولدنا شمباتى ..
    عينى باااااردة ..اخدت حق الأسبوع كله ..ما شاء الله عليك ..

  22. ياسين شمباتى كتب:

    الوالد السلاوى..صباحك طيب..
    عينك باردة والله,,لكن القرمة شديدة,,قرمة ما بتاعة زى بتاعت ابكرون!!

  23. kamoon كتب:

    سلام للجميع……
    الحمد لله علي كل شئ لكن هو الذعيم بالاسم ….الله يكفينا شرهم في الموسم الجديد

  24. خالد كتب:

    ياود الزبير عرفناه من حر مالنا بس دايرين نعرف حر مالنا ده كم وبكمل متين؟ جايز بعد الأنخابات !

  25. فرج الله كتب:

    بالله يا والى ما تشترى النادى عشان نوسع فيهو موقف ام بده

  26. عبد المنعم كتب:

    يا ريت الشراية تكون في الكورة بس الله يستر على الانتخابات …. خايف من تأثير المال على المباديء والقيم

  27. ودالزبير كتب:

    في صحيفه الصدى كتب اليوم مزمل أبو القاسم ما يلي ( * يوم أمس الأول أخطرني الأخ جمال الوالي أنه رأى في المنام أن المباراة ستنتهي بالتعادل 1/1!)

    يعني الوالي خلاص بقى مكشوف منه الحجاب

    مدد يا طفل يا معجزه

  28. حاج أحمد السلاوى كتب:

    الوالى شكسبير ..
    طيب حتعمل شنو لو صدقت أحلامه ورؤياه ؟؟
    أنصحك .. طوالى تقلب أحمر ( مريخابى .. مش شيوعى ! )
    مدد يا جمال ..مدد .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s