هام وعاجل وضروري جداً !!!!

Posted: الثلاثاء,23 مارس, 2010 by ودالزبير in اخرى

شباب بعيداً عن هذا الجو السياسي الخانق دعونا نبحر في جو من التلاقي الحميم دعونا نستغل هذه الأجواء الربيعيه المفاجئه التي تجتاح الخرطوم لنترك كل شئ خلفنا ونذهب في رحله محضوره لجبل أولياء حتى الآن إتصلت بالإخوه الفاتح جبرا وأفليقا وإسترايكر وعزت المرطب وسهيل وودالخلا وزوووووووول وخالد مدني وقد أكد الجميع حضورهم وموافقتهم تعذر الإتصال بالبيشاوي لكن تم تكليف الأخ سهيل بالوصول له بعد شويه راح إتصل بالتركي وطارق أب أحمد تم الإتفاق على التجمع أما م مطعم سيدي بيه في أركويت تقاطع البلابل شارع عبيد ختم عند الساعه التاسعه والنص صباحاً وبعد ذلك نبدأ التحرك للجبل وأقترحت أن نتحرك بعربات كبيره بدل أن نذهب جميعاً بعرباتنا يعني ممكن عربيه سهيل وطارق تكفي الناس …

أها من هنا وبإسم الناس الفوق ديل نوجه الدعوه لكل من يرغب من مدوني الداخل للإنضمام للركب الميمون وعلى بركه الله نسير

ناس بره يدكم معانا في البوست ده بالله

Advertisements
تعليقات
  1. aflaiga كتب:

    ود الزبير : الرحلة دى لحدى ما تقوم حتفتح لبها مية بوست لحدى ما تفتح ليها هى ذاتا !!!
    الجمعه فى الجبل الجمعه فى الجبل
    الجيه جد مهمه والمراد يحصل
    لانو من اخر لمه جد الشوق حصل
    دى يا ابكرون على وزن امبارح فى المنام امبارح فى المنام والله عندى شباب مدنى اللابسه توب بنى ..
    ود الزبير جاهزين جاهزين للجبل ماشين
    بالله كدى راجع موضوع العزابة ده لانو فى سعيدين ما بيدوهم امر تحرك الا يكون فى اخرين بظاهره من بينهم عواطف وفى سعيدين ذاتو امر التحرك بيشيلوهو من عواطف وغايتو لو فى سعيدين جوك بدون عواطفاتم الا يجوك باخر صرفية ولا شنو يا عم بشار ؟؟

  2. حاج أحمد السلاوى كتب:

    بدون حسادة شمباتى وأبكرون ..نتمنى ليكم قضاء يوم جميل ..بعيد عن جو السياسة وقرفها ..
    شدوا حيلكم وانكربوا ..
    بس أتمنى أن تسوقوا معاكم الأنجال ( البزورة ) ويغيروا جو ..خاصة بعد إنتهاء الإختبارات ..

  3. علي سنكل كتب:

    أفليقا وودالزبير:
    وتشيلو معاكم كبدة إبل ما تكون الدكوه بتاعتها مسحونه ناعمه لازم تكون فيها خشونه للقرمشه ، وما تقطعو ليها البصله من بدري ولاتكون دقاقه وما تعملو ليها شطه مسحونه ، لا شطه خدره أحسن وتكون مقطعه دقاقه. وبعدين ما تطعموها من بدري عشان ما تعمل مويه يا مويه. يا أخي خلوها ما بتعرفو ليها.
    شيلو معاكم بطيخ و الجمعه كيف؟ بتصلو وين؟ في جامع قريب؟ والله أنا عندي أحسن تمشو الجمعه ببوكسي سهيل بدل كم عربيه.
    وترجعو البيوت بدري عشان ناس عواطف ما يقولو الرجال ديل مشو حته كعبه.

  4. ابكرون كتب:

    جاهزين انتو بدل الجبل سندس ما اقرب
    ههههههههههههههههههههههههههههههههههههه
    برضو سياسة
    انا ما عارف حارمين الاطفال والاسر ليه؟؟؟؟؟؟؟؟؟؟؟

  5. عباس كتب:

    ربنا يعدل عليكم ويزيد في بهجتكم ويزيح الهم عنكم
    ياخوانا مراعاة لشعور مدوني الخارج ظبطو اموركم بالتلفونات بعيدا عن المدونة
    لانو انا قربتة اقطع تزكرتي واجي عليكم
    اللهم ردنا الي اهالينا سالمين غانمين قادر ياكريم
    مالكم ساكتبن قولوووووووووووووووووووو امين

  6. ألفاتح جبرا كتب:

    يعنى كده نقول خلاااس عملتو لينا حاجه فى المودوووع ؟

  7. ودالزبير كتب:

    عمنا الفاتح وكل الحبان

    نرفع تمام المتحرك ونكلف الأستاذ الفاتح بإحضار العود ولطفي .. طارق اب أحمد عليهو الفول والعربيه الكبيره ودالزبير الكوتشينه والفرشه (والشامبيون والزبادي)

    باقي الناس والزول الراح مايلي إسمه مكتوب هنا برضو مدعوين للحضور ونقرض على كده تسعه ونص بعد بكره إنشاء الله في شارع عبيد ختم تقاطع البلابل والقارئ يكلم الماقارئ

    قوموا إلى مدونتكم على بركه الله

  8. ُمخير كتب:

    الحبان جوه وبره
    سلام وشوق وإحترام
    أحييييييييييييييييي اللهم لا حســـــــــد
    فـرحـنـا بفرحكـم
    إن شاء الله تنفعكم
    ……………………..
    ……………………..
    كسرة:
    أفلي شايفك ركبت مكنة الشاعر وقمت نزلتها وقبل يومين أب أحمد برضو قام قرضنا من عيار نجم (أحمد فؤاد) لهذا جدعت ليك المقطع ها ده كي تواصل وتحكي الحاصل ههههههه.

  9. خالد مدني كتب:

    جاهزين جاهزين … الجمعه متين .

  10. طارق أب أحمد كتب:

    الجمعه جاهزين
    والفول من حوض السليم قطف أول جاهزين
    و أنا و سهيل جاهزين
    و ر قصني يا جدع
    \
    \
    \
    \
    و الداير يرجع بعد الساعة 2 إلا ير جع بي ركشه

  11. ابكرون كتب:

    اب احمد ان شاء الله يسوي ليكم نفاخ وامسااااااااك

  12. طارق أب أحمد كتب:

    أبكرون
    ما لو ما حنرجع نرفد فى السهله

  13. ابكرون كتب:

    ههههههههههههههههههه
    واجيرانااااااه……………!

  14. ياسين شمباتى كتب:

    غايتو يا ابكرون دايما شارط عينا!! ما سمعت حاج السلاوى يقول خسادة ابكرون وشمباتى طواااالى تطبظها كدة!!؟؟ غايتو احسن من امساكك دا جريان البطن من غير ما توقف لاخذ النفس…
    ورحلة سعيدة برضو..

  15. ودالزبير كتب:

    النداء الأخيره للرحله المتجهه لجبل أوليا على جميع المغادرين التوجه نحو البوابه رقم تسعه ونص صباحاً وفي حوزتهم أوراقهم الثبوتيه وبكده راح تقلع عربتنا الميمونه

  16. طارق أب أحمد كتب:

    النداء الأخيره للرحله المتجهه لجبل أوليا على جميع الساده المسافرين على الستاركس مع الكابتن أب أحمد الأتصال به لتحديد خط السير
    مبدئيا
    الأراضى , الصافيه مشاكل , البروف الساكن أبروف و هلم جريا

  17. aflaiga كتب:

    مشهد سغنتوتى قبل الرحله :
    اب احمد مدور الستاركس الخطير مكنه كبيره ومولع الجراسه ومكفكف الجلبوب ورافعو فوق للبرمودا وبيدحرج فى الحديده قدامك ورا نظام نفر والسفر ومشاكل بيكورك جبل بسطه محطة وسطه سواق اسطى مقاعد سسته جبل نفر والسفر اركب المكيف عشان تتكيف بينما امتلا المقعد الخلفى بخيرات السليم التى اعدتها الراقية زوجة الراقى ست الكرم ام احمد التى غالبتها دموعها وهى تودع اب احمد عند الباب انشاء الله ما ينفعكم وتجو بالسلامه ( شفت الشوايقه كيف ؟؟ لا تفهم كلامم مدح ولا ذم !! ) وقوم كده يا مشاكل اقفل باب الساتركس بلزه جريئة وابقى يا اب احمد مارق اغشى ود الخلا وزول وطقطق ستريكر سريع فى السكه وانبرم على ود الزبير فى سيدى بيه تلقى جبرا مقرش العربيه هناك وواقف ولطفى بيسخن فى العود الوقت داك طبعا البشاوى بيكون متعودااا دايما بيسخن فى الدلوكه حسب توصية الزهراء فى لقاء سابق قبل تخصيص الرحلات للعزابه وفرز الرجاله للعيشه مؤخرا ويقومو يخمشو عزت القرش برضو فى سيدى بيه ؟؟ هى كده كم نفر الستاركس دى بتشيل ولا ريحة الابرى دى شنو ؟؟ المهم يا زول اكتملت اللمه ( جبرا – مهدى – عزت – بشاوى – اب احمد – ود الخلا – زول – ود الزبير – سهيل بالبوكس دى زى طعمية بالجبنه – ستريكر – مشاكل – التركى ) وقومو لمن تلو الاقمار ادو افليقا بورى لانو الجو مساعد يايى وبيكون نايم وطبعا افليقا مضطر يمشى بالبيجو لانو عاوز يغسلو فى البحر بتاع الجبل سبع مرات احداها بالتراب لانو اشتراهو من دلالة هناى … !! ما تجيبو لينا الهوا يا ناس ..
    الحلقه الجاية بكل بساته عن الامليه الفى النملية بعد ما اب احمد دق الشمسية ..

  18. aflaiga كتب:

    الهلقه التانيه ان الاملية الفى النملية :
    والجو جميل جنب النيل سمعتو بتاعة جنب النيل :
    واحد مسطول جا لقى جماعه قاعدين جنب البحر بينقرشو بالعود فقام :
    المسطول : يا شباب ممكن اقعد جنبه كده مطرف واستمتع بالنغم ؟؟
    الشباب : العفو ياخى تعال اقعد جنبنا هنا بعيد ليه تعال ..
    المسطول : طيب يا شباب ولو فيها احراج يعنى ممكن طلب بسيط ؟؟
    الشباب : يا سلام انت زول حساس خلاس ما تاخد القصه جاده اتفضل طوالى نحنا اصلا بننقرش .
    المسطول : يا سلام بتنقرشو طيب ما تخشو لينا فى بت النيل ..
    الشباب : جدا ياخى ( يا بت النييل النييييل النييييل هادى وجميل اااه .. الخ ..
    المسطول : يا سلااااام ياخى ابداع والله لكن شايف الشباب ديل ظى الاضايقو وكده ؟؟
    الشباب : ابدا ياخى والغنيه ذاتا الطلبتها جميله ونحنا اصلا بننقرش ..
    المسطول : يا سلام اصلا بتنقرشو ؟؟ طيب انا عندى طلب بسيط كده ممكن ؟؟
    الشباب : جدا ياخى عادى الموضوع ..
    المسطول : طيب ما تخشو لينا فى بت النيل …
    المهم بت النيل دى كرهوها النيل ذاتو وغنوها زى خرتماشر مره كده وفى نص الغنا واحد من الشباب انتبه لانو الزول ما عادى وفى حاجه ما زابطة ..
    المسطول : يا سلاااااام ياخى ابداع ابداع فتح الله عليكم !! لكن والله انا حاسى انى ضايقتكم مووش ؟؟
    الزول الانتبه : باخر نفس واخر اخلاق : ابدا والله عااااادى مشكلتك شنو انت تامر !!
    المسطول : طيب ياخى ما تخشو لينا فى بت النيل !!!
    وعينك ما تشوف الا النور ……….
    وجايييييكم تانى للحلقه الثالثه البعنوان : اذا اسمكت فتوكل على الله واذا اكلت الدكوه بالسلطه فقول لعواطف انا مفتكرك زعلانه لسه عشان ما سقتك معاى !!!

  19. aflaiga كتب:

    امبارح فى المنام امبارح فى المنام
    اتخيل يا نيام اتخيل يا نيام
    قضينا يوم تمام قضينا يوم تمام

    انت يا نيام السمك مش بيقوى القلب عضويا – ما تفرح كمان تقول بيقوى القلب عدييل كده لانو لو السمك بقوى القلب الاحسبون كان كبو فى البحر زيت ولا شنو يا عم بشار ؟؟ مش الزيت بيطفح السمك وبكريتو طوالى هيئة علماء السودان كان طلعت فتوى بنجاسة السمك المختلط بالزيت ودرء الشبهات فى جلبه للبيت كان رضيت ولا ابيت !!!

    اب احمد بالله الشمس لمن تدق بتجهجه الرحله فحاول جب معاك قنايتين وانا بجيب الملايه وعشان ما تمشو بعيد القنايتين لشعب الضل والملايه للسقف .

    وبالله يا ود الزبير البتاعا تالبيختو فيهن الكاتشب والطحينه والشطه العاملات زى بتاعات غسيل الامعاء ديك البيكب بيهن الترزى الزيت فى المكنه السنجر بالله جيب منهن زى خرمتاشر كده لانو السمك ده عاوز التزييت يصل للمناطق الجوانيه .. جيبم فاضيات بنملاهن او جيبن مليانات بنفضيهن ما مشكله ..

    بالله يا جبرا العود العود لمتين تعود وبالله لطفى عشان ما نضطر نجيب محمود ..

    بالله يا ود المهدى الشطربج وبالله يا عزت الشيشه وبالله يا كنانى الضمنه وبالله يا اب احمد الكاميرا الما خمج طيب افليقا يجيب شنو ؟؟ انا سخسيا الصباره والفرشه والملايه متكفل بيهن ميه ميه .. والكيزان كمان ما تقول الايامات دى راقدات واطه ..

  20. نيام كتب:

    افليقا و الحبايب في الجبل
    انتو يا اجمل اهل
    خاصة في وكت الرحل
    الله ما جاب الزعل
    افليقا:
    “انت يا نيام السمك مش بيقوى القلب عضويا – ما تفرح كمان تقول بيقوى القلب عدييل كده لانو لو السمك بقوى القلب الاحسبون كان كبو فى البحر زيت ولا شنو يا عم بشار ؟؟ مش الزيت بيطفح السمك وبكريتو طوالى هيئة علماء السودان كان طلعت فتوى بنجاسة السمك المختلط بالزيت ودرء الشبهات فى جلبه للبيت كان رضيت ولا ابيت !!!”
    ياخي قفشاتك دي هي البتقوي القلب الله يحرق الاحسبون …الا احسبوناتنا طبعا…(موش كده ياود الزبير)

  21. ُمخير كتب:

    الحبان هنيئاً لكم النيل والنسيم والأنس الجميل
    وإن شاء الله دوماً لامين وتامين وسالمين وكاضمين السمك والغيظ

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s