المودووع كان كدا..!!

Posted: الجمعة,26 مارس, 2010 by عزت in اخرى

طبعن سبابة فوق و وجه ضاحك….

فالشاهد أن الابتسامات بدت من سيدي بيه (الله يخليه)

فقد وصلنا في العاشرة من صباح الجمعة 26 مارس (متذكرين التاريخ دا) طبعا فقد كان شرارة الانتفاضة الله يطراها بالخير مسكينة نتاجها لمن يعمر كثيرا لكن تاريخنا هذا و بعد كمين سنة هو انتفاضتنا على يوم الجمعة المتكررة أحداثه دوما و تغييرها قليلا…

عبدوش و ود الزبير و الفاتح جبرا و خالد مدني يحيوكم كثيرا و يدعونكم لمتبقي أحداث الرحلة:

دا غرب خزان جبل أولياء و ترى الناس و قد تدافعوا يمنون أنفسهم بضل، ماء و لقمة هنية مع أصدقائهم…. جديرا بالذكر أن هذا الخزان بني في 1937 ليسد حاجة مصر العربية من الماء في فترة الجفاف و يستفاد منه حاليا في رفع مناسيب المياه خلف الخزان لري مشاريع النيل الأبيض الزراعية ومشاريع الطلمبات شمال الخزان، هذا بالاضافة الي تنظيمه لفيضان النيل. و ظل هذا الخزان تابعا لمصر حتى سلم للسودان في فبراير 1977.

و طبعا مع فوران المياه في الخزان يستطيع السماكة من اصطياد السمك عشان نستفيد منو كووووولنا

خاصة نحن في هذه الجمعة عندما انطلق ود الزبير و محمد مستشار جبل أوليا و خالد مدني ليحضروا السمك المحمر

و بقي البشاوي و عبدوش و أفليقا الزووووول في تظبيط السلطة

في هذا الوعاء الجامع

و ناس سهيل و أولاد عزت قلعوا البناطلين و القمصان

و قالوا للنيل الأبيض جاك

و ديل هناك استرايكر و البشاوي و ياسر داخل المياه

و دا عزت و أحمد قاعدين يراقبوا في الجماعة البيعوموا ديل لو احتاجوا “انقاذ” و الا جبهة و بالهم في السمك

و جاء السمك

و أختلط الحابل بالنابل

أريتو سمك السرور و بالهنا انشاء الله…. طبعا ما قلنا ليكم عملنا تصبيرة بفول و مش  أم أحمد … تحية كبيرة ليها و تحية لمن حضروا الرحلة و لم تظهر صورهم كود الخلا و أولاده الذين رجعوا مبكرين لظروف و قد شرفنا بعد غيبة عبدوش و نقلتنا سيارت أب أحمد و سهيل….

Advertisements
تعليقات
  1. طارق أب أحمد كتب:

    المودووع كان كدا أبهام فوق

    شكرا عزت على السرد المنداح بسلاسه معروفه عنكم

    و راجعين (( قاصد البوست و كان على الجبل بس تخلص إمتحانات أريج و برضو راجعين ))

  2. ياسين شمباتى كتب:

    ,hggi doj;l>>ul;gj,hi /hhhhivm

  3. ياسين شمباتى كتب:

    والله بختكم..ربنا يديم اللمة الطيبة والانس الجميل..
    ملحوظة..الكلام اعلاه ما تحاولوا ترجمتو عشان ما تنجرحوا…

  4. ياسين شمباتى كتب:

    عبدووووووووووووووووووووووش…هلا والله يا صديقى,,والله شوق خرافى وحاولت اتصل بيك مرارا لكن تلفونك ما بجمع معاى..طمنا عليك ولو برنة..
    اما الشامبيون فعملتوها ظااااااااهرة..

    احمد مين يا عزت؟؟

  5. mon amie كتب:

    سلامات والله اتشرفنا بمعرفتكم لكن اخ عزت كنت تاخد من كل واحد صوره اولقطه وتكتب اسمو عشان نتعرف بيهو لانو في صوره كتبت تحتها عزت واحمد فما عرفنا عزت من احمد مره تانيا اتشرفنا بس يعني سمك الجبل ده براكم !

  6. ابكرون كتب:

    السمك السمك السمك
    لكن والله ماشاء الله
    يااهل السمك الباني
    ادوووونا…….. لي
    انشاء الله ………. ني
    انتو الزوووول بلع شوكه ولا شنو ؟؟؟؟

  7. نيام كتب:

    عزت:
    الموثقاتي الواثق الموثوق وبقية العقد الفرايد اقصد الفريد…
    يا اعز الناس اسمكونا معاكم ان شاء قرمووط..عاين ليهم منسجمين كيف و الله انتو يوم حتيتمو ليكم بلطية..طيب يا عزت عرفنا الحابل دا البياضة المغموسة في الشطة النابل دا يكون شنو ياربي الشلباية في الدكوة يا فلقة..

  8. مشاكل كتب:

    سلامز

    ما شاء الله … تبارك الله

    دايما منورين المحل بي وجودكم

    و يا ريت كان نقدر نكون معاكم … لكن الله غالب

    و الجيات اكتر من الرايحات …

    بس سؤال مهم

    الشامبيون هدية ولا علاقة شخصية ؟؟؟؟؟؟؟

  9. mon amie كتب:

    الشامبيون دا ما اقوموا الجماعه الطيبين اقولوا ياسر فتح ليهو بار !

  10. ناس المودوع
    المودوع جميل علي شاطئ النيل
    ويا عبدووووش أنقولا وييين وإنت زاتك وييين كابي الزوغه وما ظاهر
    شكراً كتير دكتور عزت علي التوثيق

  11. ابكرون كتب:

    عزت ما تخمنا الصور عددها 26 النزلن 13 يعني 50 % كده حتحصل جولة تانية……سلولو وين انت ما تقول شي…زنطالب ونشجب وندين ونعترض

  12. حاج أحمد السلاوى كتب:

    حد يعمل دعاية مجاناً فى الزمن دا ..عملتوها ظاااااهرة ..وعلى عينك يا تاجر .
    دعاية شامبيون دى يكون فرفور أخد فيها ( ربنا يبارك له ..عشان ما يقولوا ……. ) الشىء الفلانى إنتو يا ناس المودوع تسوووها مجاناً ..فى سبيل الله ..؟ عفيت منكم ..
    العضو والزميل الجديد الأخ احمد ..ما عرفناهو قبال دا ..نرحب بيهو من على الُبعد ..وما دام كان معاكم فى المودوع يبقا موقعه الجغرافى ……جبل أولياء …داخل امازونيا ..ولاّ أنا غلتان ؟.
    الحفيد عبدوش ..حمدن لله على السلامة … ويا بختك ..قام من نومو ولقا كومو… من سنار التقاطع إلى جبل السمك .. اقصد جبل اولياء … هنيئاً لك بالسمك والصُحبة الطيبة ..
    أخونا ودالخلا ما حضر السمك ولاّ شنو ..لأنو ما ظهر فى أى صورة من الصور ..لا سمكة تسبح ..ولا أثناء تناول السمك …بالدكوة .
    سؤال سغيرووووونى ( زى كل مرة ) البكان دا ( مقصودة ) ما فيهو أى شجرة يا كافى البلا ؟ قاعدين فى السهلة والصقيعة سااااكت عشان شنو ؟ ..كان تستلفوا شجرة الريس تضلكم ( تظللكم )..لو ولدنا مشاكل جا معاكم كان جاب ليكم معاهو شجرة ..
    وفى النهاية أقول ليكم صور جميلة ورائعة نشكر عليها أبو عصمت..كبير موثقى المدونة.
    وبعد دا كووووولو إن شاء الله تكونوا إستمتعتم بالمودوع ..والسمك ..وإن شاء الله ما آخر لمة !!!

  13. مشاكل كتب:

    و ربي يا حاج السلاوي شلت التعليق من كيبوردي

    اسي جبل أولياء دا كلو ما فيهو ولا شجرة

    ياود الزبير ما شايف شغلك انت

    نحن مرسلينك تضرب السمك ؟؟؟ بالغت جنس بوليغ لكن !!!

  14. ودالزبير كتب:

    طارق
    سلام

    إنشاء الله الكاميرا ما جاتها عوجه

    منتظرين باقي المودوووع

    نزل نزل يا أب أحمد

  15. عزت كتب:

    أحمد دا قريب أفليقا شاب ممتاز يا مون… يعني بي كدا تقدري تخمني منو عزت و منو أحمد… عارف يا حاج الشجر بعيد حبتين من الشاطئ و أمبارح من دون الأيام الشمس دي ما شفناها الجو كان مغيم و طراوة ساكت و بعدين حكاية الشمسيات القاعدة في الطرف خلتنا نجلس و رجلينا في الموية…

    فاتنا أن نشكر نيام الذي هاتفنا و أحنا في الرحلة و الحاج السلاوي و أحنا خارجين من الرحلة و أطمئنوا على سيرها…

    الصور كثيرة يا أبكرون دا غير العند أب أحمد الا نعملا ليكم ملحق….

    أدام الله الايام الطيبة … مافي واحد من ناس برة قرب يجي الخرطوم و الا من ناس جوه و دايرين يتعرفوا على المجموعة …………… نحن جاهزين و الشماسي و المايوهات جاهزة و السمك راقد

    كسرة:
    طبعا تستطيع الضرب على الصورة لتكبر شوية عشان تتأكد الزوووو ل حرقتو الشطة و الا دخلت ليهو شوكة

    تحياتي

  16. سهيل كتب:

    يا الله .. لكن المويه مااااااااا تلج بس.. والسمك خلي ساي .. وما تنسو سباق السباحه بين عبدوش و احمد .. و كمان اولاد عزت ( ياسر و محمد) زي السمك قاعدين جوه المويه طلعو للفطور و تاني للغدا و تاني لمن خلاص راجعين.

  17. ابوالمنذر كتب:

    عزت وناس الرحله…
    ماشاء الله الله دشنتو الرحله بى شامبيون وفينو الكل الشباب عايزينو وحتى فرفور خلى ناس السر قدور ولمى شوية عيال لدعاية المشروب يعنى فيصل العجب والبرنس ماحققوا مبيعات فاستعانو بفرفور …وطبعا محمود عبدالعزيز حايكون ملك الدعايات للمشروبات عند فوز ياسرعرمان … مع عبارة التدخين ضار بالصحه لمنجات شركات التبغ الجنوبيه..
    السمك بالهنا واللمه بطعم جميل ثذوقناهو بالنظر للملف التوثيقى الرايع ..
    ياعبدوش بين سيدى بيه وجبل اولياء ضاعت مملكة البوش

  18. سهيل كتب:

    ابو المنذر شخصيآ !!!! وينك ياراجل مختفي .. تعال عشان تلحق الرحله الجايه و نحمر ليك عبدوش ذاتو

  19. عباس كتب:

    ماشاالله تبارك الله
    انشاالله متلمين عند النبي علية الصلاة والسلام
    بس بسبب رحلتكم دي البروف جبرا مسكنا ماسورة معتبرة لانو مارفع المقال بدري واترفع متاخر مع سبق الاصرار
    انا ادين واشجب واستنكر هذه (الحركة ) علية يجب ان يرفع البروف المقال قبل ان يتش السجارة ان كان ممسكا بها
    اشكرك عزت علي توثيق الرحلة وربنا يديم بينكم المحبة والود

  20. الغبشة كتب:

    تنفعكم اللمه………………………
    بس واضح انها مسيييييييييييخه ماشين بدون عواطفكم يبقى ليها طعم
    كلو منك ياودمدنى؟؟؟؟؟؟

  21. طارق أب أحمد كتب:

    الغبشه والله فقدناكم
    لكن كدى شوفى المساخه قدر شنو فى الملحق

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s