سنتين من النقه

Posted: السبت,3 أبريل, 2010 by طارق أب أحمد in اخرى

ألف مبروووووك بعد أيام نحتفل بإطفاء الشمعه الثانيه للمدونه

و أدناه إحصائيات توضح درجه تقدم المدونه

826 بوست

تعليق 19,631

عدد المشاهدات 318,618

أعلى تعليقات على بوست 288 خليها على الله لسهيل يليه إسهاقا لأفليقا 230


 1 متوسط اليوم

2 .يوم 28 مارس 2010 عدد اامشاهدات 1110


3 .الأسبوع الأخير من مارس 2010 الأعلى مشاهده 6020و السبوع لم يكتمل


4 .شهر مارس 2009 أعلى مشاهدات 22302


5 .-أشهر و سنوات


6 .أحصاء المدونه


7 .حول الإحصائيات

البيان الأول

الافتتاحيــــــة
الخميس,17 أبريل, 2008 من تأليف استرايكر

الاخوة القراء :
فى البدء يسعدنا الترحيب بالجميع فى اول جريدة الكترونية سودانية باب العضوية فيها مفتوح للجميع مع امكانية ارسال اى مقال والنشر مباشرة بعد التسجيل- او التعليق على اى مقال اخر تم نشره لاحد الاعضاء ..

خلال هذه الفتره تعرفنا بالكثير من الأصدقاء و رغم أن البعض قد تخلف إلا أن العلاقه قد توطدت بين من بقى حتى كادوا ان يصيروا إخوه

من أنجازات المدونه إنشاء منظمة زال المسير

هذه دعوه لأن يكون الأحتفال لهذا العام فى شكل برنامج عمل للنهوض بالمدونه, المنظمه والبحث عن من تخلف عن الركب

Advertisements
تعليقات
  1. ودالزبير كتب:

    طارق سلام

    شنو يا عمك تعليق إسترايكر ده مكتوب في 2008 كده ألحق عدل الموددوع ده !!

  2. طارق أب أحمد كتب:

    البيان الأول

    الافتتاحيــــــة
    الخميس,17 أبريل, 2008 من تأليف استرايكر

    الاخوة القراء :
    فى البدء يسعدنا الترحيب بالجميع فى اول جريدة الكترونية سودانية باب العضوية فيها مفتوح للجميع مع امكانية ارسال اى مقال والنشر مباشرة بعد التسجيل- او التعليق على اى مقال اخر تم نشره لاحد الاعضاء ..

    ود الزبير
    دى نسخه من الأفتتاحيه لسترايكر يوم 17 ابريل 2008

  3. ودالزبير كتب:

    طارق

    بطريقتك دي بتعمل ليك حول لزول

  4. حاج أحمد السلاوى كتب:

    كل عام وإنتم بخير ..

  5. طارق أب أحمد كتب:

    و الجميع بخير

    أقتراح لعمل لمه أمسية الخميس 15حديفة الأسكله يكون الأطفال و العواطف ضيوف الشرف خاصتن بعد الأداء المرهق خلال موسم الأمتحانات

  6. عزت كتب:

    و الله كل عام و كل الجميع جدد و مخضرمين بخير و ألف عافية …

    و يا رب الاحصائية يضاف اليها السنة الجاية التقاء رأسين بالحلال من مدونينا …..

    تأييد شديد للمة الحلوة…. و سنسعد كثيرا بتعرفنا على أخوانا و أخواتنا الجدد

  7. عزت كتب:

    و مبروووووك يا سهيل البرنجية كان ما الجماعة الفولانيين اكتسحوا البوست لحد يوم 15 أبريل…..

    أعتقد انو دي مناسبة نكرم سهيل اليوم داك و بي هديتوا كمان……

  8. طارق أب أحمد كتب:

    عزت

    يا سلام يا ريت لو كل الوجوه الجديده تشرف
    بتاعت سهيل دى مش المفروض هو اليكرمنا مش نحنا اللى ملينا ليهو البوست
    هو بس يظهر و بعدين بنتفق منو يكرم منو

  9. بشار أحمد بشار (ابن برد) كتب:

    “شنو يا عمك تعليق إسترايكر ده مكتوب في 2008 كده ألحق عدل الموددوع ده !!”
    ده ما زي البيان الأول بتاع السيد الرئيس يا ود الزبير.
    هاك دي يا أب أحمد
    ابني عشك يا قماري قشة ..قشة
    وعلمينا كيف على الحب
    دارنا ينشأ
    رغم العواصف ..برضو واقف
    ماليهو رعشه
    علمينا يا قماري سر المحنة
    وكيف بتبني ياقماري
    من قشة جنه
    وكيف نخلي الحب دوام فوق المظنة
    وكيف نهلنا على مهلنا
    حبنا مافيهو غشه
    علمينا ياقماري سر الاغاني
    أهي نجوى ام دعاء ام اماني
    ام نداء لي أليف ليس داني
    ام حنين ودعابه
    ام صلاة مستجابه
    ام تزيد ليها وحشه
    يا قماري هل طال
    يوما بيك سهادك
    وحبيبك هل غاب يوماً
    عن ميعادك
    وكل سنة وكلكم طيبين

  10. سهيل كتب:

    عيد مبارك علينا و عليكم وكل سنه طيبون طيبون ..

    يا د.عزت : قلت لي هدية التكريم جاهزه؟؟ يا سلاااااااااام نجي لابسين رسمي و لا كده كويس .. شايف اب احمد عاوز يخرمج .. بركاااااااتك يا ابكرون .. و خليك قريب يا عمو بشار … باقي السلاوي اليومين ديل ماااااااااا ياهو

  11. ابكرون كتب:

    مبروووووك يا لمه
    يا خاله يا عمه
    التحية للجميع كبارا وشبابا سيدات وآنسات
    تحية للجميع وكل سنه وجبرا اللمانا وجمعنا بخير ويديه الصحة والعافية
    والتحية لابو هيمو الذي جعل المستحيل ممكنا
    والتحية لكم جميعا
    والغفو والعافية لو زعلنا زول
    وان شاء الله تتلموا دايما في ساعات الخير
    التحية لابحمد الذي ذكرنا
    ودايما نحن ناسين المناسبات والاعياد
    —————————————–
    نكته حقيقية بمناسبة النسيانوالمناسبات :
    في ديسمبر الماضي اتصلت بي بنتي الصغري هاتفيا وهي هميمة زي ابو احمد وقالت لي كل سنه وانت طيب يا بابا ….الحق أضرب لماما اليوم عيد زواجكما…ههههههههههههه وفعلا اتصلت وعامل (الحاج متذكر)

  12. حاج أحمد السلاوى كتب:

    السلاوى مالو .. يا سهيل ؟
    وكلام اب احمد صاح وما فيهو أى شخشخة … مفروض إنت تجيب هدايا للناس كووووولها ..!!
    كان معانا أول امس الأمير مخير وسعدنا معه بجلسة ما منظور مثيلها بجانب أولادنا شمباتى وزملائه ..وشربنا الشامبيون الأصلى …وسمونا …سمونا ..سمونا .

  13. ابوالمنذر كتب:

    الف مبرووووك وعقبال مزيد من الشمعات واللمات وربنا يديم الالفه والموده وياناس الخرتوم نحن طبعا يلا بلا لمه…
    وين اختراح العمره الجماعيه ولمه روحانيه فى ارض طاهره ومحايده وشمباتى وعمنا السلاوى ادفروها وما تخافو زمن عملاه وزوغه انتهى بقت العوده الطوعيه

  14. ابوالمنذر كتب:

    تصويب
    زمن عمره وزوغه

  15. طارق أب أحمد كتب:

    حلوه يا أبكرون و أحلى من حنان النيل

  16. ابكرون كتب:

    عزت قال :

    و يا رب الاحصائية يضاف اليها السنة الجاية التقاء رأسين بالحلال من مدونينا …..
    ياخ هم 4…..( طبعا في ناس في بالي اسه الكيور فاض بيها هههههه) بالله اي اتنين حبكانات يوقتوا مع اوقات اجازات اغلبية الناس البره…..
    —————-
    ايترايكر :
    ياخ في العيد ده ما تشوف طريقة تدخل نظام الاقتباس……حاول ….
    واشرح للجميع برضو كيفية وضع الصور في صندوق الكتابة هذا

  17. طارق أب أحمد كتب:

    عفوا الكى بورد دا مالو ماشى للفكفك طوالى

    يا بشار مش أبنى عشك كانت أحلى من حنان النيل
    السلاوى أنا دعيت أولادك بواسطة بنتنا وعد و اكدوا الجيه
    وشكرا على المهاتفه بس الريحه كانت قويه شديد فا التلفون
    أبو المنذر معاكم يوم 1 مايو إن شاء المولى
    أبكرون ((حكومه قويه))

  18. كل عام وأنا ازدان بكم عيداً
    ـــــــــــــــــــــــــــــــــــــــــــــــ
    عامين مبلغ الفطام
    ولكن عاميك مدعاة للوئام
    وتبتعد عن الإخوه أسباب الفصام
    عامين وتكتمل السنون
    ولكن انتِ مولودةٌ بالبسنون
    ــــــــــــــــــــــــــــــــــــــــــــــ
    البروف جبرا-ساخر سبيل – سوداننا وبالعوده

    الاحباب
    يعجز اللسان عن القول
    ربنا يديم الإلفه

    أب أحمد شكراً علي التذكره

  19. محنك كتب:

    مبروووووووووووك وان شاء شاء الله موقعنا منور اثير النت

    ابكرون قلت لى الحاج متذكر …… ثبت بما يدع مجالا للشك ان عواطفكم وانجالكم وبناتكم لا يدخلون الى مدونتنا دى

    مبرووووووووووووك جديدة للراسين

    ومبروووووووووووووووووك كبيره لابو الكل جبره

  20. سهيل كتب:

    ابكرووووووووووووون ….. الشمار كتل ناس شمباتي .. قول النصيحه .. كلمني ماااالااااك بالهجري .. كلم ” شمباتي ” قوووووول يا حبيييب ..

    الحق يا التركي و جيب معاك خالد مدني .. في ناس هنا بتروج لأجنده خفيه .. مره 2 و مره 4… دي متواليه هندسيه ؟؟؟؟

  21. ابكرون كتب:

    سهيل :
    ههههههههههههههه شمباتي براهو يا راجل ؟؟؟ عارف المنفذ الخلفي اشتغل لحدي اسه 3 ايميلات ….وفي ناس متجرسه من الفته دي وفي ناس قالوا دسمه ولحمتا سمينه … لكن فكفك المدونه زي ود باقير بيرو غريييييييقه…..
    وفي ايميل سنه ناعمة بقول : عمو عمو عمو …..شفته البرايه اقصد شفته الانتخابات ؟ خليك وياها….ومنو لله عزت وابواحمد ……سيره وانفتحت

  22. بشار أحمد بشار (ابن برد) كتب:

    “السلاوي مالو .. يا سهيل ؟”
    سهيل بيقصد ليك إنت واحد من الرؤوس التي سوف تلتقي بالحلال ( لو عواطفك بتقرأ المدونة دي بس تقوم جاري ولا تنط السلك ).
    “( طبعا في ناس في بالي اسه الكيور فاض بيها هههههه) ”
    تقصد ناس سنكلوني يا أبكرون ؟؟؟

  23. حاج أحمد السلاوى كتب:

    أخونا بن البرد ..
    ما شاء الله.. تبارك الله نحييك على الظهور المميز ..وعينى باااااردة عشان ما يقولوا السلاوى أداك عين ..
    أما سهيل دا خليهو على لامن أقابله غن شاء الله فى الخرتوم ..عندى معاهو حساب تانى ..
    – أبكرون .. هرشوك ..ولاّ عامل الحاج متذكر ؟ … الحاج السلاوى ؟؟؟

  24. ابكرون كتب:

    سلولو : انا ابوك يا محمد انا بتهرش انا الكيك …انا المُُر..انا عرديبة الضرس…… نحن النسوان ديل يا سلولو بنمسح بيهم الصاج …….يا سلولو…… ياااخ .كرهتنا…..
    بشار : هو سنكلوني براهو كتاااااار…..

  25. حاج أحمد السلاوى كتب:

    أبكرون .. الفيك إتعرفت ..سيبك من الهرجة دى ..
    تقول لى قال ليك ؟؟

  26. ودالخلا كتب:

    سلولو يا سديقي صاحبك ده علي النعمة هرااااااااااااااط بن جلبعة البكوشي ، قال ليك بيمسح ليهم الصااااااااج يااخ أنت ما بتعرف تقرأ ولا شنو؟؟؟؟؟؟

  27. نادوس كتب:

    الف مبروك الثائية وعقبال الالفيه الاولى والثانية
    اتمنى ان نلتقي السنة القادمة وكلنا في اتم الصحة والعافية، وان تظل المدونة فييي ازدهار وتقدم وان نرتقي بها الى افضل الحالات وان نبحر في اعماق التواصل والمحبة.

    عذراً احبتي على الغياب لكن حقيقة اجتماع جده في يوم الخميس 1/4/2010م اعاد فينا الروح من جديد ونشكر عمنا السلاوي والشمباتي وفوق ذلك الامير مخير الذي ساعد على هذا الاجتماع.

  28. نادوس كتب:

    ود الفيحاب لكن والله بااااااااااااااااااااااالغته وعملتها واضحة، يا اخوي وين انا ابكر الراجل الضكر.
    والا يا حليل

  29. ودالخلا كتب:

    طارق أب أحمد سلام،،
    أنت خميسك الواقع بعد الأمتحانات أقصد الأنتخابات ده، جايين تنفشوا فيهو ولا شنو؟؟
    وأبشركم بشري لكم يا شباب الميرغني برغبة ملحة لشخصية فريدة ومتفردة بالمشاركة معكم والتعرف علي مزيدا” من الأعضاء الجدد عن قرب، وكمان بالتحديد الشخصية دي بتسأل عنك يا مشاكل يا بتاع المشاكل انت!!

  30. sobajo كتب:

    امكانية ارسال اى مقال والنشر مباشرة بعد التسجيل

    يطيب لي تهنئة القائمين على امر هذا الموقع العريق الذي يشعرني بالحميمية والالفة وخالص التحايا للاخوة الاعضاء في شتى بقاع الارض . لكن لدي مشكلة في امكانية النشر مباشرة دون ارسال المشاركة عبر البريد الالكتروني والانتظار الممل حتى يكتب لها النشر
    فالرجاء من الاخوة مساعدتي في هذا الامر . ولكم خالص الاحترام .

  31. عباس كتب:

    كل عام ونحن بخير
    نحو نقاش هادف
    نحو ارتقاء في الطرح
    نحو السؤال عن الغايب
    كي تكتمل فرحتنا ببعض

    تشكرات كتيرات

  32. مشاكل كتب:

    سلامز

    هابي بيرث دي توو يووو

    هابي بيرث دي توو يووو

    هابي بيرث دي توو يووو يا مدونتنا

    هابي بيرث دي توو يووو

    الصفقة الصفقة

  33. elturkey كتب:

    كل سنة والجميع على اتم صحة وعافية وربنا يديم الخير ويزيد من الأعضاء ويوثق المحبة واللفة بين الأعضاء …. اب أحمد لفتة رائعة منك كما عودتنا ولقاء الخميس ابهى وأنضر … يادكتور عزت ياتو رؤوس الاينعت دى … قلت لى فيها تركيم كمان ان شاء الله البطاقة جاهزة بس .. رأيكم شنو يكون التكريم للأستاذ الفاتح جبره ويتصل الأخوة خارج الوطن حيثما اجتمعوا ويتم التسامر …. وياريت كمان يحضر كل اللأخوة المتواجدين ( بالسودان ) فى ذلك اليوم ..
    سهيل : ماتخاف ياخويا خليهم ياخدو تلاتة تلاتة برضو حقك محفوظ بس انت شد حيلك وايش معنى خالد مدنى ونسيت زو(7)ل …
    أبكرون : الميلات دى عايزين بخرات ولا سترة ؟ ليك وحشة والله

  34. elturkey كتب:

    عفوا : والالفة بين الأعضاء ….. قلت لى فيها تكريم ….. بقت زى (ديب نوت )

  35. البشاوى كتب:

    كــــــــــــــــــــــــــل ســـــــــــــــنة
    وانتـــــــــــــــــو طيبيــــــــــــــــــن
    وربنا يزيد ويبارك فى خوتكم – وأحس بالفخر والسادة لأننى بينكم — لكم الحب والتقدير

  36. البشاوى كتب:

    كــــــــــــــــــــــــــل ســـــــــــــــنة
    وانتـــــــــــــــــو طيبيــــــــــــــــــن
    وربنا يزيد ويبارك فى خوتكم – وأحس بالفخر والسعادة لأننى بينكم — لكم الحب والتقدير

  37. نيام كتب:

    كل سنة و انتم طيبين و حلوين و متونسين و صحاح و مبسوطين و ادام الله الالفة و المحبة و الاحترام المتبادل …و لتختلف اراؤنا ما حيينا و لنحترم بعضا بعضا … كل ودي و احترامي للجميع…,تحياتي الخاصة للرجال خلف الكواليس (استرايكر) ..واخص بالتحية ذلك العملاق الذي كان سببا في تجمعنا ..بروف( جبرا)

  38. تمينا بالله سنتين بجاى ؟؟؟

    ————————————————

    تحياتى القلبية لكل الاخوة والاخوات داخل وخارج السودان واشكر الله كثير على معرفتى بهم – وادام الله المحبة والاحترام بيينا.

    واتاسف لكل من اخطاءت فى حقه او اصبته بكلامى وهو بالتاكيد بدون قصد – واسالكم العفو والعافية .
    وودى واحترامى للجميع.

  39. علي سنكل كتب:

    سلامي لكم وشكراً أب أحمد على اللفته الفنانه.
    كل سنه وكلكم طيبين وربنا يديم الموده والعشره وإحترام بعضنا البعض وأدب إختلاف الرأي.
    الله يديك العافيه يا الفاتح جبرا ، وشكراً ليك على هذه اللمه الطيبه.
    ومشكور يا استرايكر على جهودك معانا و تحملك لنقتنا.
    نستسميحكم عذراً لأي خروج على المألوف في القول ونشكركم على تحمل ما بدر منا على صفحات هذه المساحه التدوينية الراقية.

    يا حليل أيام كنا بنكسر التلج يا بشار الزمن دا زمن ناس أبكرون ، و سير . . . سير يا بشير.
    خليني النفقع ليهو مرارته يا ود الزبير.
    بالله شوفو الزمن بيجري كيف و إنا إلى ربنا لمنقلبون.

  40. علي سنكل كتب:

    نستميحكم ، وما محتاجين لتوضيح لكن ساكت.

  41. ياسين شمباتى كتب:

    الحبيب طارق والحبيب استرايكر وكل الاحباب المدونجية..
    سلام وشوق ومحبة وكل عام ونحن معا نرسم اجمل لوحات التآخى والتصافى والسمو عن الصغائر البشرية..كل سنة وانتو طيبين..

    انت يا اب احمد الريحة شميتها فى منو اكتر؟؟حدد لانو الشراب ما كان بنفس الكمية للجميع…

    ابوالمنذر..
    والله الناس برااااها ابت الروحانيات,,لكن لسه الدعوة مفتوحة ومرحبابكم فى اى لحظة..

    سهيل وابكرون..جييييييييتكم..قولوا الحقيقة ولا بتاع بس,,آييييييي..الكلام اصلا ليك يا سهيل بس انت عامل فيها دجانقو!!

    نادوس..
    يا وجع القصائد فى دمى..شكرا كثيرا على الحضور الانيق والتعريف بالاهل ومنتداكم العامر..

  42. حكاية كتب:

    كل سنه والكل بخير
    كل سنه واستاذنا جبرا بالف وصحه والف خير وربنا يطول فى عمره وعمر سعيد ومديد
    شكرا استرايكر لانه وقفت بجد فى اخراج هذه المدونه
    صحه وعافيه لكل المدونيين قديما وحديثا
    استرايكر اعمل لكل زول مدونه يتنفس فيها براهو كويس

  43. sobajo كتب:

    ايها البشاوي
    هذه دعوة مفتوحة للبكاء الهادئ
    فمن اراد ان يبكي فليبك كما شاء له البكاء
    بس اوعى من الجعير والمخاخيط عشان
    ما تفضحونا مع عوين الموقع .
    اتفقنا يا حبيب ؟؟

  44. sobajo كتب:

    آسف جداً لهذا الخطأ

  45. طارق أب أحمد كتب:

    أم أحمد بلى الفول

    على شرف الأحتفال بالعام التانى على المدونه يشرفى أن تكونوا ضيوف أم أحمد مساء غد الجمعه بمعية ضيف الشرف فول السليم بقيادة الموسيقار الإوركسترالى أم أحمد

  46. طارق أب أحمد كتب:

    أرجو أن تتزين دارى المتواضعه شمبات الأراضلا بحضوركم الأنيق \
    كلكم من الشدره لحدوت الماسوره

    مواضيع للمناقشه

    المنظمه و المدونه

    ما فى مشكله ما أصلها زى الملح و الشطه ممكن شوية أنتخابات

  47. طارق أب أحمد كتب:

    قون ىخر الدقايق

    بوست الأنتخابات يكتسح بوست سهيل بزياده فاقت الأربعين نقطه حتى اللحظه 320 تعليق

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s