جريده (فنون ونسوان الرئيس )

Posted: الأربعاء,7 أبريل, 2010 by ودالزبير in اخرى

فنون صحيفه تصدر عن دار أخبار اليوم وهي أخت صغرى لسيئه الذكرى ( الدار ) الصحيفه الإجتماعيه الأكثر توزيعاً وصاحبه القفله الواحده ( بالصوره والقلم )
فنون صدرت وفي راس صفحتها الأولى بإنها أول صحيفه سودانيه فنيه متخصصه وبشعار يقول ( أبداع بلا حدود من الخرطوم حتى هوليوود )

وصل اليوم للعدد رقم 266

وللأسف ومن خلال متابعه متقطعه لهذه الإصداره وجدت إنها أبعد ماتكون من الصحيفه المتخصصه في النقد الفني المتخصص ومايدور من خلال كتابه الأعمده شئ أقرب لكتابه البوستات وتصفيه الخلافات مع بعض الفنايين وإشعال لحروب ومشاكل ونقل للكلام بين الشعراء في شكل نميمه وشغل مشاطات وكده..

في عدد الأمس كانت السقطه المطبعيه التي جاء منها هذا العنوان والتي ستكون مدخل للتبحر في عالم هذه الجريده الصفراء نعلم إن الخطأ المطبعي وارد لكن في حاله تناول أخبار السيد الرئيس أو أهل بيته أو كبار مسئولي الدوله لابد من التحقق والتريث والمراجعه لكن لأن أمثال رئيس تحرير فنون السيد هيثم كابو لا وقت لهم لذلك ومشغولين بالقيل والقال كان لابد أن يأتي الخطأ

Advertisements
تعليقات
  1. عزت كتب:

    الخطأ يا ود الزبير من الأول البيدخل الحرم ديل فيما ليس لهم به علم شنو….. مالهم و الانتخابات
    شن فهمهم
    عرفنا المنظمات الطوعية و الاعفاءات الجمركية
    عرفنا المنظمات النسوية و وراء كل شنو مابعرفوا امرأة
    كمان جابت ليها دور شنو في شنو…..

  2. ابوالمنذر كتب:

    يا اخونا
    انت مالك زعلان ياخى الخيل تجقلب والشكر لى حماد
    بعدين ايه حكاية انتاج المفوضيه القوميه للانتخابات دى ؟؟؟؟؟ هى المره دى مرشحه وعندها برنامج وده الخطا الاكبر يعنى المفوضيه موتمر وطنى ذى امريكا وله شنو ..
    الريس خمش فى لقاء ابوحراز وشتم امريكا وادى مركز كارتر حقو وقال نطردو ذى ما طردنا السفير البريطانى لكن باقى لى وررهو ان ديل حلفاء وكده وشايفو الليله فى شندى شكر كارتر ومركزو ماخلا ليهم شكر وقال حرم الا اضبح لى كارتر وكتين يجى ونكرم تب هيع البشير المابنقدر سيل الوادى المنحدر

  3. ودالزبير كتب:

    عزت وابو المنزر سلام

    كده خلونا في موضوع غلط الجريده ودور الصحيفه في غرس الشقاق بين الناس هسه دي مافتنه بين نسوان الرئيس

    بعدين موضوع الإنتخابات ده موضوع عاضي ياخي امريكا زاتها جلت المنظر ده وقالت اخير تخلي ناس الوطني ديل يحكموا عشرين سنه تانيه بفهم شنو ما عارف ؟؟

    المهم أطلعوا من الجو الكئيب ده شويه واضحك فرفش وإنتعش تضحك لك الدنيا

  4. علي سنكل كتب:

    الحبيب ود الزبير:
    كيف بي فهم شنو ، بي فهم شيلو الشمال و أدونا الجنوب.

  5. سلام يا قبيلة الساخر اب….
    مهزلة أن يكون ساداتنا وكبرؤنا في حالة عدم إستقرار سياسي تسمع إ نو ح يقاطعوا الإنتخابات وبكرة يقولوا مشاركة في جانب البرلمان فقط ….زمان قلت ليكم إنو من إجتمع على العداوة والبغضاء لا يمكن أن يتفقوا أبداً أو يفكروا صاح ….أظن أن الحالة وراثية ها قدأعادوا لنا شريط عام 1953م بكل مشاكله ….
    حاج السلاوي ممكن للسودانيين أن يتدخلو في إنتخابات أمريكا أو بريطانيا أعتقد أن باقان وعرمان ممنوعان من الصرف ….الشيئ الذي مكن الإنقاذ هو خلاف الأحزاب نفسها وكل واحد عندو رأي في التاتي.
    عمك غراشن قاعد لغاية ما تنتهي الإنتخابات رأيكم شنو؟
    كل الجماعة يتحدثون عن الديمقراطية حسب مناهج الغرب الملحد …يا جماعة الخير تذكروا الرسول ألا إن الإسلام صالح لكل زمان ومكان ….
    بعدين لاحظت أن بعض الصحفيين كانو بشتموا الإنقاذ اليومين ديل قلبو ….يبدو أن أمريكا نفسها تريد فوز الإنقاذ لأجندة خفية …الباقين منظراتية ….شمال أصولي وجنوب مسيحي وتنفض الشراكة….

    يا جماعة رأيكم الأخير وآهو يوم 11 قرب …نسمع كلمة أخيرة ونتائج عن تحليلاتكم لتوثق بالبوست ونبدأ كلام جديد وعهد جديد حافل بالجديد المثير الخطر….

  6. من اليستاهل يا مشاكل ؟؟
    نسوان الريس ولا ناس الجريدة ؟؟

  7. elturkey كتب:

    انتو الجريدة دى يعنى كتبت فطومة وختت صورة الضرة لييييييه ؟

  8. زووووووول كتب:

    فنون صحيفه تصدر عن دار أخبار اليوم وهي أخت صغرى لسيئه الذكرى ( الدار )
    يا ود الزبير صحيفة الدار سيئة الذكرى وكمان سيئة الذكر واخوك ينظر لكل من يقرأها بانو عندو خلل فى العقليه والتمييز .
    بعدين اصلا صحف ناس البلال دى كوولها سيئت الذكرى والذكر يا اخ هسى اخبار اليوم دى جريده .
    رئيس التحرير فى لاهاى وبجانبه اوكامبو
    نقاش مسخن بين رئيس التحرير واوكامبو
    رئيس التحرير يمين الناطق باسم الخارجيه الفرنسيه
    رئيس التحرير فى بهو الفندق الذى شهد ميلاد توت عنخ امون
    يا اخ ديل جرائدهم كووولها مخستكهيا اخ قوون دى جريده:
    (اظنهم مدخلين فيها سهمهم ) برضو رمضان احمد السيد نفس الملامح والشبه مع عمو احمد البلال :
    رئيس تحرير قون مع ود عم حبوبة بلاتر
    رئيس التحرير يودع بت جيران ناس ميسى
    رئيس التحرير ……… رئيس التحرير صفحه كامله تلقاها صور سعادة رئيس التحرير مع شخصيات .
    كسره : المشكله شنوو فى الصفحه المصوره دى الصوره صورة وداد والاسم اسم فاطنه وكلو عند فنون صابون .يا ريت لو مشكلتهم تبقا خت صوره غلط دييل مخستكيين كلو كلو . وبالله تانى ما تجيب ليا سيرة الجماعه دييل

  9. نيام كتب:

    استرايكر:
    “من اليستاهل يا مشاكل ؟؟
    نسوان الريس ولا ناس الجريدة ؟؟”
    افتكر نحنا البنستاهل!!!!
    سوزان مبارك قالت لمبارك :
    انت تروح المانيا ازاي من غير ما تحط الواد (قمال) يحرس لك علي بال ما تيقي!!!
    يحرس من مين دي مصر محروسة بالسادس!!!
    ياربي نحنا حيحرسنا الخامس؟؟؟؟؟

  10. حاج أحمد السلاوى كتب:

    نخنا يا جماعة الخير الجريدة دى ماسمعنا بيها ولا شفناها لحد حسه لاكين شكلها كدا جريدة فتنة وتفرقة بين الناس وزى ماقال أخونا التركى ليه قالوا اللقاء مع فاطمة وجايبين صورة وداد ؟ أنا من رأيى إنو السيدة فاطمة خالد يجب ألا تسكت على هذا الموضوع ( وهذا ليس من باب المديدة حرقتنى أو توليع النيران ) ويجب مساءلة الجريدة عن الموضوع ..والخطأ المقصود فى صياغة الإعلان .
    ويبدو إننا دخلنا منعطف جديد ( ما أصلو الإنقاذ دايماً معاها كل جديد ) فى حياتنا السياسية السوداني ألا وهو ظهور الزوجات والبنات مع ازواجهن فى المسرح السياسى ..وطبعن المودوع مش حيوقف على كدا وبس ..
    ودايرن نشوف آخرتا شنو …. مع ناس عواطف ديل !!!

  11. حاج أحمد السلاوى كتب:

    وما دام الموضوع فيهو عنصر نسائى عاوز اسال عن أخواتنا وبناتنا الحرائر سماسم ..الغبشة .. نونو .. الزهراء .. مشاهدة ..عاوزين نعرف رايهم فى هذا الظهور السياسى الجديد من ناحية حريمية بحتة ..

  12. نيام كتب:

    السلاوي:
    ماهو يا سلاوي يا خوي في العشرين سنة الجاية حتكون حكومة الثالثة و الرابعة يعني نحنا حنشوف مع مين ولا مين!!!!!

  13. حاج أحمد السلاوى كتب:

    الله يطمنك يا نيام زى ما طمنتنى إنو لسه هنالك عشرون قادمة ..
    الخوف يسويهم تسعة !!! يبقا حنشوف مع الكل ..
    مش مشروع دولة التوجه الحضارى ..ولاّ الكلام دا إتلحس ..ولحق أمات طه ؟؟
    غايتو … جنس .. شمارات !!

  14. حكاية كتب:

    ههههههههههههههههههههههههههههههههههههههههههههههههههههههه

    ههههههههههههههههههههههههههههههههاااااااااا

    ود الزبير ياشقى اخبارك وملاحظاتك اسرع من السى ان ان
    بالغوا الجماعه– داير فطومه وبالوا فى وداد لكن مابالغتو يا ناس فنون وصحى الفنون جنون فى عصركم
    ود الزبير سيئه الذكر دى فى اى بيت موجوده بكثرة لانها اخبار مجتمع والشعب بريد الاخبار وتخصص فيها كمان والمنشتات بتاعت الدار بتجيب راس اخر زول فى الحافله لاول كرسى —- لكن حقت ناس فنون دى ماحصلت شكلهم حياخدوا علقه وبعد الترشيح بترشحوا للاخره ههههههههههههههههههههههههههه

  15. يا ود الزبير
    لو خيروك بين الويندوز 7 والويندوز 2000 تختار منو؟؟؟
    وتييييييييييييييييب !

  16. عزت كتب:

    ويندوز شنو يا عبد الرحمن…. قول الدوس وماكينة الطباعة

  17. البشاوى كتب:

    سطول سألوهو — من تتوقع أن يفوز فى هذه الانتخابات لرئاسة الجمهورية ؟ أجاب ؛ غايتو حسب متابعتى للحملة الدعائية المالية الشوارع والتلفزيون بكثرة أتوقع فوز واحد من اتنين اما البشير واما شامبيون —

  18. حاج أحمد السلاوى كتب:

    الشامبيون دا العملتو ليهو دعاية مجانية يوم الرحلة ديييييييييييك ..ولاّ واحد تانى ؟
    غايتو.. نحنا بنجو مع الشامبيون …. أو كما قالت .
    قالوا ..والعهدة على الراوى .. إنو خلف الله ..العذبنا ..حيكون وزير الإعلام والثقافة فى العهد الجديد..شفتو الهنا دا كيف؟وسمعنا تحتتحت إنو ناوى يجيب ست الشاى سكرتيرة ومديرة مكتبه …سداداً ل ال 156 كباية شاى الشربهم وما دفع حقهم قبل الإنتخابات ..

  19. النسوان ديل ما كانوا سمن على عسل يوم تكريم ام الريس – يوم الأم.

    هذا زمن النسوان

    السودانيين زهجوا من السياسة والسياسيين
    عاوزين الشمارات وكلام النسوان

    ياهو دا السودان
    وسودانا فوق فوق
    نسوانا فوق فوق

    عاشت وداد
    عاشت فاطمة
    عاشت ام الريس

    ومبروك للبلال واولادو

    شر البلية ما يضحك

    ———–

  20. شوشو كتب:

    انتو مبالغة سخرية شديد

  21. ودالزبير كتب:

    تسلمي يا شوشو على المرور

  22. حاج أحمد السلاوى كتب:

    شوشو ..سلام
    هو إنتى شفتى حاجة ؟
    إنتى وين من زماااااااان .. فى تعالييييييييييييييييييييييييق حلوة كتييييييييييرة فاتتك ..
    إنتى بس تعالى كل يوم ..عشان تضحكى شوية ..وكان عندك زهج بيروح ..

  23. خالد مدني كتب:

    وضاح وين يا اخوانا ؟؟؟ خلي يجي يودي لوحين التلج ديل لام المؤمنين ونقعد جنب الحيطة ونسمع الزيطة … غايتو جنس غايتوات .

  24. عباس ركس كتب:

    سلام :
    خالد مدني , تحياتي – لوحين بس , بسون شنو ؟؟ انت شوف ( تعالي كل يوم ) – دي براها دايرة ليها دينا تلج غايتو يا سلولو بالغت , بركة في رمضان الجانا فجأتن دا !!

  25. عبدالرحمن أحمد كتب:

    يا خالد مدني
    بدال عجله ينفع كأدوات مساعده وكده

  26. ودالخلا كتب:

    سلام ياقبيلة،،
    ودمدني المخرج بسيييييييييط وساهل، حا يقول ليكم دا ما أنا ، ده واحد من مساخييت المدونة سرق ماي باس وورد وفعل فعلته الباد ديييد دي وأكيد واحد غاوي مشاكل ولا مش كدة يا حاج مليتنا عجاج،،،
    قال أنتي وين من زمان هاك المكان ده وخلي الزمان علينا!!

  27. حاج أحمد السلاوى كتب:

    غايتو .. جنس … حسادة ..
    دا شنو .. دا ؟ يخس عليكم ..

  28. خالد مدني كتب:

    عبد الرحمن احمد : بدال عجله قلت لي … لقيتك بتاع تلج قديييييم لكن … الفرول احسن حاجة لي كسير التلج … سلولو سواها ظااااهرة … وين وضاح يا اخوانا ؟؟؟

  29. ابكرون كتب:

    غايتو بس بيت العنكبوته (الأرملة السوداء) اقل اهتزاز في النسيج ….كف ههههههه
    سععععب الضرس ده لكن لمن يتاااااور….

  30. ودالزبير كتب:

    بالله أصلوا الزول ما يعرف يشرك معاكم …. ده شنو يأخي حاج السلاوي شيل شركك ده أمشي شرك في محل ما يشوفك فيهو خالد مدني وأبكرون وود الخلا وعبدالرحمن وركس ديل ديل لا يرحموا لا يخلوا رحمه ربنا تنزل ههههههههههههههههههههههههههههههههههههههههههههههههههه

  31. حاج أحمد السلاوى كتب:

    يا شكسبير يا خوى ..
    الناس ديل اصلهم حاسدين حسادة شديييييييييدة ..وما عندهم موضوع .. بس قالوا عمنا دة نشتغل ليهو شوية ..وخالد مدنى كل ساعة والتانية ينادى يا جماعة وضاح وين وضاح وين ..وضاح زاااااتو أكان لقا طريقة كان مدّ قدحه وقرعته معاى .. الكتوف إتلاحقت .. يا خالد…
    أما بقية الجلاكين .. ديل خليهم لحد ما اقابلهم بالدرب … وبتاع الدوحة داااااك حأرسل ليهو جماعة طالبان ..
    شكسبير .. قلت لى إنت برضو عامل شرك ؟

  32. ودالزبير كتب:

    أمشي يا حاج بهناك جبت ليك صور أفراح عصام في العرس… حليل التونه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s