يا الواقف ورا الستاره اوع تطلع فاره

Posted: الخميس,8 أبريل, 2010 by aflaiga in اخرى

بما انو تبقى يومين تلاته للوقوف خلف ستارة الانتخابات فما هىالنصائح التى يمكن اسداءها للناخبين الواقفين ورا الستاره وانجر ليكم بيتين كده وانتو تمو باقى النصائح :

يا الواقف ورا الستاره

اوعاك تطلع فاره

سيب السلبية الضاره

 وصوتك خليهو اشاره

لوعيك وكمان بالاماره

وريهم انك حاجه

وصوتك بيمثل حاجه

اسى يا جماعه لو الشعب ده طلع كلو مشى الصناديق وما ادى اى زول حيحصل شنو حيدكوها ويشكوها ويوزعوها تانى ؟؟؟ ولا حيحصل شنو ؟؟؟ كدى ورونا نصائحكم شنو للزول الورا الستاره  …

Advertisements
تعليقات
  1. عزت كتب:

    واحد مسطول سألوه منو الح يفوز
    قال غايتو من اليفط الشفتهم … يالبشير يا شامبيون

  2. حتجي الملايكه تصوت للجماعه الطيبين

  3. زووووووول كتب:

    الله اكبر

  4. elturkey كتب:

    أفليقا الناس لو صوتت ولا ماصوتت برضو الجماعة ديل فايزين .. ياخ كلمة فوز دى عايزا ليها منافس ولأول مرة هنا ح نشوف فوز من غير منافس … وماتعرف منو الأجحف فى حق الشعب المعارضة ولا الموطان نفسه …. هسع نحن مانبقى زى أحزاب المعارضة كدى النستعد لمرحلة مابعد الاربعة سنين القادمة

  5. علي سنكل كتب:

    كدي يا أفليقا أول حاجه وريناإنت قاعد تمشي وين؟

  6. حكاية كتب:

    يا افليقا سؤال محيرنى
    اموات احمد شرفى ومقابر فاروق وحلة حمد وكل الاموات والناس الماتوا فى حرب الجنوب حيصوتوا كييييييف؟؟؟؟؟
    ولمين حيصوتوا شعبى ولا وطنى
    غايتو على حسب الوصلنا ليه فى وزارة الاسرار المكتومة انه الميتين ديل حيصوتوا عن طريق البطاقات الانطبعت فى مطابع سك العملة بضم الساء
    لو حسبنا عدد سكان السودان فى الانتخابات حنلقى الاتى :
    عدد السكان 40 مليون داخل السودان
    20 مليون صايطين خارج حدود الوطن المصوتين عشرة فقط ودى نتيجة مخجله وغير مشرفه نادوا كبشور كوكو وزير التعديل يديها بوش شويه وال 19,990,000 مليون نسمه ديل ممتنعين عن التصويت ماعارفين مالهم شكلهم عيانين زى ابكرون
    عدد المرشحين للحكم والمجالس التشريعيه 10 مليون نسمه
    فى الخرطوم وباقى الولايات30 مليون
    عدد المصوتين والجالسين للتصويت 3 مليون
    عدد غير المصوتين 27 مليون
    عدد الاموات 40 مليون
    ترقبوا النتيجة فى العد القادم ان شاء الله
    كسرة.
    قالوا كشفوا الانتخابات فى الطينه بالثريا وهى كالاتى
    بعد خصم 19990000 نسمه
    خصم 27 مليون
    خصم 10 مليون من المرشحين
    نجد نتيجة التصويت هى مائة مليون نمسه لرمز الشدرة اريتها شدرة الحنضل
    ماشاء الله
    الله اكبر الله اكبر تهليل تكبير فى حماك ربنا فى سبيل فوزنا كرن كرن كرن كررررن
    عرفنا التلاته مليون مصوتين لكن الباقين جو من وين ؟؟؟؟؟؟؟؟ياربى كانو ا داقسين واخدوا ليهم نومه لقوا روحهم مصوتين غيابى
    العارف الاجابه يرسل لصندوق بريد شجرة التبلدى فرع المويه امام قسم القنقوليزه
    قالوا حزب الامه والحركه وناس البركه دفعوا مليون دولار وجابوا عالم رياضيات الراجل ضرب وضرب وقسم وجمع وطرح وعمل جذور تربيعيه وتكعبيه ومعادلات وتفاضل وتكامل وتحليليه ولوغريثمات وهندسه دوائر ترشيحيه ومثلثات تكعيبيه وفتر وعرقه قطر
    فى النهايه طلع بنظريه انه اغبى عالم رياضيات على الكون لانه فشل فشل ذريع فى معرفه الحل وكيفيه دخول هذا العدد للتصويت
    وتوصل لنتيجه انه شعب امازونيا اذكى شعب على وجه الارض ودى شهادة حق لينا كفاية
    نادوا خلف الله وسالوه وبكل بساطه وبلاده راس قال ليهم عندكم 40 مليون ماتوا عليهم الفاتحه
    27 عاملين مفتحين ماصوتوا
    20 مليون خارج شبكه الوطن
    الحسبة 87 مليون ديل صوتوا
    الباقى كم 13 مليون
    13 مليون ديل خلقوهم من مافى دى بقى كيف ماعرفتها بعرفها خلف الله (كانوا احتياطى )
    سبحان الله الحل بسيط عجز عنه انشتاين وبلقيتس وجا خلف الله ود البلد وحلاها لذلك لازم نشجع المنتج الوطنى زى عينة خلف الله
    \كسرة:
    بعد ده كله الفايز مين مين مين
    مين مين مين
    الفايز هو ميم
    هسع رمز الربابه كنايه عن شنو انه فنان
    رمز الكرسى كنايه عن انه نجار
    رمز الشجرة كنايه عن انه شجرة ولا مزارع ولا شجر كبار
    هههههههههههههههههههههههههههههبالغتويا مرشحين
    يا خلف الله افهم بقى

  7. ابكرون كتب:

    نصيحتي يا فلقه للوراء الستاره
    انو يبقي زمباااااره
    ويصوت للطمباااارة
    هي غايزه شطاااارة
    ولا نظاااااره
    اه يا حيااااره
    ويا احلي جاااااره

  8. حاج أحمد السلاوى كتب:

    خبر سار للمعارضة ..
    مفوضية الإنتخابات العامة قررت إعادة الإتتخابات ..لأنو النتيجة كانت مكشوفة قبل الإنتخابات ..والناس عرفت الفائز قبل التصويت ..
    شفتو نزاهة وحيدة ..وشفافية أكتر من كدا ؟ ..
    بس أنا عاوز أعرف إنو خلف الله دا شرب ال 156 كباية الشاى ديل متين ؟
    غايتو أجمل حاجة فى الإنتخابات دى ..إسكتشات خلف الله ..العذبنا كل يوم .
    وكل حملة إنتخابات ..والجميع فائز .
    إن شاء الله كل المرشحين يفوزوا .. بما فيهم المقاطعين للإنتخبات ..

  9. البشاوى كتب:

    افليقا
    غايتو انااليومين ديل قايمة غلى الحساسية لابصوَت ولا بنصح —

  10. بشار أحمد بشار (ابن برد) كتب:

    أفليقا : الستارة لو واصلة الأرض الناس تتخلص من بطاقات الإقتراع ولو الستارة بقت زي باب الحمام أحسن ليهم يبقوا فارات لأنو لو ما عملوا كده تاني صحن (بوش) ما حيلقوهو .

  11. نيام كتب:

    افليقا:
    حادخل وراء الستارة و اكتب ليهم:

    قرقيزستان
    قرقرسودان
    تزوير تنوير تمرير الاستبيان
    وكلو ضياع حق الانسان
    6 ابريل كان التطهير
    في 12 منو جانا التزوير
    طب اعمل ايه عشان افضل صاح
    يعني لا يجيني النوم و لا ارتاح
    طب ما انا تعبان وبكل صراح
    مليت
    بخطب التلفزيون مليان البيت
    شوية هتيفة مخاويت
    آل ايه يبنو الاوطان
    واحد تطبيل واحد تهليل واحد تزييت
    وسيد البيت ياكل فتافيت
    كلو بمواقيت
    ياوعد الشوم اللي رحت و جيت
    سمعنا الظيطة و السيرة
    احنا بقينا في السيرة
    وفي التفلزيون
    و في خبر منشور
    انو بقينا بلد مشهور
    وكل الدنيا بتبص بص لي
    اتاريهم ياما بحكو حكاوي
    عن طيشي و جهلي
    انا قلت يكون
    عالم مافون
    موش فاهم جنسي و فصلي
    اديلم فرصة بحري وقبلي
    يمكن بكرة اكون
    مفهوم في الكون
    والعالم كلو يندهلي
    ويفهموا معني الالهام
    واني بنيت الاهرام
    ويعرفوا ايه يعني الانجاز
    ومسيرة الاعجاز
    واني مسيرة لا ترتد
    موش برضو احنا بنينا السد
    بصراحة كدا يعرفوا ايه يعني الحاوي
    صحيح اني اهالي و اهلاوي
    بس بعمل مرات مرات
    الطيارات
    و كتير مرات التيارات
    موش بلدي بقسم فيهو هدايا
    وهوايتي اكون من دون غاية
    قال ايه دي مسيرتي و هوايا
    ومفيش في العالم حد معايا
    في مسيرتي القاصدة
    و سيرتي الفاسدة
    وفي حكومتي الراشدة
    في قرقرسودان

  12. aflaiga كتب:

    حباب كل الماس الحلوه المرت بى هنا :
    اقعدوا انتو فى اجل لى ما باجل ليك
    لمن تجينا القوات ديك .
    تحليل سياسى سغنتوتى :
    الفرضيات : للحديث عن الفرضيات لا بد من الحديث عن الرغبات والمصالح لكل طرف ودعونا نقول :
    الوطنى ما فارق معاهو اى شي اتاجلت هو حاكم لمن تقوم قامت هو فائز بالطريقه الماشه دى لمن الاربعه سنه الجايه تجى .
    الحركة الشعبية ماتت بجنوبا وخلت الوطنى يموت بشمالو ويعفص المعارضه على نار هادئة
    المعارضه باعتها الحركة وتعيش مرحلة ما بعد الصدمه وتحاول لملمة صفوفها كتيار منفصل عن الحركة بادبيات نضال جديد يصطدم مع قوة السلطة باليات جديده .
    الغرب بين مطرقة السير فى الانتخابات او اعطاء فرصة اخيره للتغيير السلمى الكامل
    الفرضيات :
    ربما يضغط الغرب للتاجيل اذا اقنعته المعارضه بانها سوف تغير خارطة الحكم لمذيد من التنازلات لصالح الغرب .
    وربما يصر على الاستمرار لو اقنعته الحكومه باعطاء كل التنازلات من قبلها هى .
    التاجيل المطلوب يستهدف فقط :
    تمديد مرحلة الدعاية لتوفير فرص للاحزاب للتمتع بمقابلات اكبر مع الناخب
    ولتوفير تمويل اكبر للاحزاب لتسيير الحلامت فى مرحلة الدعاية التى دخلها الطرف الاخر بانجازاته القديمه ووعوده الجديده والكاس البيقلل النقاش .
    ولتوفير فرص اكبر فى وسائل الاعلام ومنع استغلال الوطنى لامكانات الدوله .
    اذا احرق الوطنى هذه الكروت فى يد المعارضه وسمح بالتاجيل فانه لن سيوفر مذيد من المال للناخب ومذيد من الاستغلال لامكانات الدوله ومذيد من الدعاية الاعلامية وده بالتاكيد بيرهق ميزانية الدوله المنعكسة على المواطن ويبقى المواطن زى البيجهزو ليهو فى حقنه وكل مره يذيدو السيسى وفى النهاية الحقنه حتركب فى … عضلو !!!
    من هنا ونحن كشعب نقول يا جماعه فضوها سيرة وانتهو من القصه دى خلونا نشوف موضوع تانى لانو والله 3 يوم تعطيل ارزاق حرام وعنف مؤدى لتعطيل الارزاق حرام ولو ما عارفين والله والله الشعب اصبح لا يتحمل ضياع ساعه من زمنه ولو جاءت الانتخابات بسيدنا عمر مش سيادتو عمر !!!

  13. aflaiga كتب:

    عم سنكل : امشى وين كيف يعنى كدى حدد السؤال بيتعلق بالحاله المزاجية لابجى بيها ولا بالمنطقه الجغرافية القاعد امشيها لانو بيفرق كتير طعم الحلو لو يبقى مر :
    اما اذا دار محور سؤالكم عنا فى هذه الفتره الفترات التى نغيب فيها عنكم فانت خير العارفين اننا شغالين فى الطاحونه مره تطحننا دقاق ومره دراش ومره نقع بقد السنه بكسر السين عشان ما يجى زول يقول افليقا بتاع سنه بضم السين ولا كسر السين مع اننا بتاعين سنه بضم السين ومافى زول بياباها .
    اما اذا دار محور سؤالكم عنا جغرافيا كعادة العم السلاوى فانا وبحمد الله وله المنه والحمد مبرمج من قبل الباشمهندسه سمسمه على ( البيت المكتب وبالعكس وخالى محطات بدون شتات ) وبحمد الله الباشمهندس سمسمه موفره مراقبين فى كل المحطات لضمان نزاهة خط السير هذا بجانب الراقبة الذاتية اللى هى تعرف فى العسكرية بالضبط والربط وهى الحالة النفسية والبدنيه التى يكون عليها افليقا اثناء خط السير دون رقيب عليه او عتيد !!!!
    اسى يا عمو فى داعى لى كده ما انت عارف والله عارف والله يجازى حمودى بقدر راسو الكبير ده …

  14. طارق أب أحمد كتب:

    أفلى
    يوم الأحد الماضى نشرة اخبار الساعه أتناشر قرار من (فوضوية الأنخباتات) بتحديد الحد الأعلى للصرف على الإنتخابات
    رئيس الجمهوريه 17 مليون جنيه جديد
    رئيس الجنوب 10 مليون
    الولاه و الشنو مابعرف دال 7 مليون

    كانما الحمله بدت قبل 7 أيام من الإنتخابات

  15. aflaiga كتب:

    اب احمد : دى الاسعار ولا الصرف على الحمله كدى راجع تكون دى اسعار شراء التنازل ؟؟؟

  16. مشاكل كتب:

    سلامز

    أب أحمد .. بكونوا بتكلمو عن الجنيه الإسترليني

  17. طارق أب أحمد كتب:

    مشاكل و أفلى
    عذرا
    الخبر حدد سقف الصرف على الدعايه الأنتخابيه لكل مرشح بالمبلغ أعلاه
    يعنى زى ناس عبد العزيز خالد و حاتم و فاطنه إلا ياكلوا نيم مع ناس 17 مليار فى 7 أيام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s