حولية الطريقه العواطفية اللاعزمية .

Posted: الخميس,15 أبريل, 2010 by aflaiga in اخرى

يتشرف سماحة الشيخ العارف بقدر عواطف / السلاوى  شيخ الطريقه العواطفية اللاعزمية التصالحية بدعوة كل مريدى ومحبى ومشايخ الطريقه لحضور الحوليه السنوية الاولى التى يقيمها الشيخ على شرف العيد الاول للطريقه وسوف يشتمل البرنامج على ليلة ذكر المحاسن الاولى – تكريم بعض العواطفات – تاكيد البيعه والولاء – وذلك بدار الطريقه بمسجد الشيخ السلاوى ببحرى الصافية مساء يوم الجمعه .

Advertisements
تعليقات
  1. الزهراء كتب:

    هلا هلا
    عفيت منك يا جدو السلاوي
    انت ذااتك مفروض العواطفات يكرمنك ياسلام على الذوق- اتاريك سيد العارفين ونحن ما داريين
    تشرفنا بالدعوه ونتمنى الاستمرار في تقديم فروض الولاء والطاعه لكل العواطفات

    عفيت منك يا ابو حمودي

  2. البشاوى كتب:

    افليقا
    الكلام دة وكت قلناهو ابونا الشيج داير يمرقنا من البلد!
    اها ماقلت لى ناس ابكرون وسنكل ونيام وود المهدى وودالخلا والبروف وعزت وأب أحمد ديل حيران فى الطريقة دى ولا من المنكرين—
    ارجو من اعلام الحولية بيان اين توزع القفاطين الخاصة بالطريقة ومالونها——- وهل سيشرفها الرئيس الجديد؟
    ابونا الشيخ -=-=-=
    -اتاريك كنت فى خلوة ونحنا فاكرنك مغترب

  3. aflaiga كتب:

    الحلوين المارين بى هنا :
    بصفتى رئيس ومقرر اللجنه الاعلامية للحولية وبصفتى زوج احدى اركان الطريقه الاتى سيتم تكريمهن ( الشيخه سمسمه ) اتوجه بالدعوه انابة عن ابونا الشيخ لكل عواطف منجضا سعيدا على نار التصوف اللاهبه بان تكون حضورا فى الحولية والتكريم – كما اتوجه بالدعوه الى كل سعيد تائه فى بحور الطريقه العواطفية ومنجذب اليها ان يشرفنا بعد اذن عواطف بالحضور .
    كما اتمنى من الله ان يهدى كل السعيدين العاقين غير البارين ونؤكد لهم انو زى ما الاسلام خش السودان بالتى هى احسن وبالنوبه والصوفية ايضا الطريقه العواطفية ستلج الى قلوب المريدين وهدى لسبل الرشاد بالتى هى احسن او ما احسن !!! واحسن ليكم تجونا طايعين لانو مهما الزمن طال فمصيرك تنجذب يا المصيرك تنجذب ..
    كما تتقدم اللجنه الاعلامية للاخ المريد الشيخ البشاوى باسمى ايات المواساه فى غربة الشيخه بتاعتو التى اخذ منها الطريق فى سفرها هذه الايام خارج السودان ونقول له ان القلب ليحزن والعين لتدمع ولا نقول الا ما يرضيهن ويرضى الله ايضا من قبل ومن بعد :
    اصبر كما صبر اخوك النمجتى ابان ماساة فراق سمستو وسفرها للصين
    خليك وفى الفرحه ممكن تختفى لكن فى يوم لازم تعود
    ونوصيه انو ما يقبل جاى ولا جاى عشان يكون فزت براك شامبيون ..
    وعارفين القابض على سرير ناشف كالقابض على الجمر !!
    لكن عزاؤنا انه سوف تصفو الليالى بعد كدرتها وكل ناشف وان طال يبتل ..
    كفكف دموع الشوق وقوم ادعو الاله يعجل القدوم ( دى توريه ) ..
    وجاييكم لبرنامج الحوليه اذا سمح ابانا الشيخ ..

  4. ارجو من اعلام الحولية بيان اين توزع القفاطين الخاصة بالطريقة ومالونها——- وهل سيشرفها الرئيس الجديد؟

    هههههههههههههههههههههههههههههههههههههههههههههه

    لكن عندكم محن تجنن.

    المهم – نعلن من هنا انتمائنا للطريقة وماسكين الدرب وادونا من اسا الاوراد نزاكرا – ووصفو لينا المكان كويس عشان نجى ونتبرك بالشيخ.

  5. البشاوى كتب:

    افليقا
    منو القال ليك اخدنا الطريقة ؟ نحنا اللى اديناهم طريقة ولا نسيت الفكى السفر ليك سمسمة واديتنى تلفون وقام سفى لى الجماعة لكن بياضو غالى كدة ليه ؟ بعدين وينوالشيخ لحدى الان ماظهر —
    استرايكر
    الحكاية دى بدرى عليك ماتتبهل من هسة كمل الربع قرن وبعدين ادخل الطريقة دى — اصلها فيها اوراد مايقدر عليها اى زول الا الراسخين فى التأبيدة==

  6. ابكرون كتب:

    حي … حي….حي….
    طاقيتي خضراء يا شيخنا ….دقوا الطار…والدفوف خلونا نرجحن…….دقوها خلوها تئن….وترن وتزن وتجن…..
    والله يا افليقا سلولو ده فعلا شيخنا…..بعدين مفهومية مش يا سهيل ….شيخ الامين شنو المحايتو ببسي …..شيخنا ده محايتو شااااااميون يديه العافية ….الايام دي عواطفنا وزغاليلنا في موسم الهجرة للخليج خلونا لمن نرجع نعمر الحولية دي…حيييييييييييييييييييييييييييييي

  7. مشاكل كتب:

    سلامز

    سوووعاااال تعسفي كدا يا أفليقا

    و الما عندو لا عواطف لا عواصف … يجي ولا ياكل باسطة ؟؟؟

  8. الزهراء كتب:

    مشاكل شكيت محنك

    كنت عايزه اسال السؤال ده قبيل – جاوبونا يا جماعه

    وين البت نونو ما حتفوت الحوليه دي

  9. ياسين شمباتى كتب:

    مشاكل..
    يشرب شاى سادة..كاااااااك..

    ابكرون..
    تلحقنا وتندنا,,طيب وقت الموسم دخل العجاجة شنو!؟ ركز فى المونة الجاياك والجرادل اياها..عالم تتهرب من اى شئ..

  10. البشاوى كتب:

    بيان للمريدين والاحباب الاجلاء
    فى اتصال هاتفى فى تمام الحدية عشر مساءا تكرم الشيخ الجليل الحسيب النسيب الاب الراعى سماحة السيد السلاوى افاد فى اتصاله بأنه ولظروف الاحباب حيران المهجر فإن حضوره لتدشين الطريقة بالداخل ومباركة المريدين سوف يتأخر الى نهاية شهر ابريل وعليه سوف يتم الاعلان لاحقا عن اليوم السعيد يوم الحولية — فترقبوا سكرتارية الطريقة بالداخل السيد\ افليقا للاعلان عن الموعد الجديد-
    وكل حولية وانتم طائعين و سامعين للكلام–

  11. حاج أحمد السلاوى كتب:

    ولدنا أفليقا ..وبقية صفوة الخيار ..
    كان تكتب الكلام دا قبل الإنتخابات .. كنا على القل نافسنا البشير .. وعملنا للمريدين حاجات كويسة ..معليش خليها بعد الأربع سنوات الجايات .
    – أبكرونا ..( الايام دي عواطفنا وزغاليلنا في موسم الهجرة للخليج خلونا لمن نرجع نعمر الحولية دي…حيييييييييييييييييييييييييييييي)
    أهو دا الشغل ..عالم تخاف ما تختشيش ..إنت حافظ المقولة إياها عن ظهر قلب .. أكان ناسيها قول لى عشان أرسلها ليك .
    – الجماعة العزاب أولادنا وبناتنا.. مشاكل ..الزهراء..ومن لف لفهم ..مرحب بيكم وما فى مانع من الحضور ..عسى ربنا يفرجها معاكم… ( حتى أنتى يا الزهراء .. برضو جدو؟ شكيتك على الله … يا سهيل !! )
    – أخونا البشاوى .. حسه ارجع ليك الجماعة… ؟ فى أول طيارة… قول آآآآآآى .. تلقاهم واقفين قدامك .
    -ولدنا شمباتى .. إنت أكتر واحد يمكنك الإستفادة لقربك من مكان الحضرة .. شد حيلك وتعال بسرعةوخلى المساسقة بين جدة ومكة والفوارة …
    – ولدنا أسترايكر ..تم قبولكم ضمن الحواريين..الرجاء الحضور لتعبئة الإستمارة.
    لآكين يا أفليقا ..غايتو .. جنس … غايتو !!
    وعليك جنس محن.. شكيتك على الله .

  12. طارق أب أحمد كتب:

    وللاى يا بيشاوى جهجهت المعلقه ذاتا

    يا أخواننا البتاعه السنويه القال عليها البشاوى السنه دى عندنا هنا فى الأراضى يوم الجمعه مساء

    البشاوى
    وكتين بقت حضره نقوم نقلبه لى الفته أم توم

  13. ياسين شمباتى كتب:

    ابوى السلاوى..
    حضرتك بعرفها تب..واتاريهو الموضوع طلع كدة!!؟

    طارق..
    والله بالغت,,البتاعة برضو جايب سيرتها هنا !!؟؟ والله فعلا البشاوى جهجهه المعلقة وصنقعت كمان…

  14. ابكرون كتب:

    غايتو يوم فول ام احمد الما بطراني بالخير مع او لقمه ان شاء الله تجيهو لواية في ام تلافيفو
    يا ام احمد شدي الفول في صحن احمد
    ابكرون غايب في الركايب
    جابوا فول حبوبو غلااااد
    من السليم بعيده بلااااد
    كرجك تريد الفول ولا فتة الحولية ولا بووووش عبدووووش
    اكيد فول ابو / وام احمد

  15. aflaiga كتب:

    الحلوين المارين كوولهم :
    بالنسبة لسؤال الاخ السنقل مشاكل اقول ليهو :
    الطريقه وفى نهجها لتقصير الظل الادارى عندها برامج لكل الفئات المقسمه كالاتى :
    الفئه 1 – ودى الفئه اللسه ما عرفت شنو يعنى عواطف وديل برنامجم للتبشير باهداف الطريقه عندو اوراد معينه .
    الفئه 2 – ودى الفئه اللى بدت تحتاج لعواطف لكن لسه ما عرفت نوع وشكل الحوجه كيف ؟؟!! ودى برضو عندها اوراد خاصه جدا .
    الفئه 3 – ودى الفئه العرفت مدى حوجتا لعواطف لكن ما قررت العقيده القتاليه تجاه عواطف تكون كيف ؟؟ وداهم فئه لانو مرحلة بناء العقيده هى اهم مراحل اجتهاد الطريقه .
    الفئه 4 – وديل الناس الحددو ملامح تعاملم مع عواطف سواء وفق نهج الطريقه او بغيره ودى فئه هامه جدا فى التعامل .
    الفئه 5 – ودى القواعد من الرجال الذين لا يرجون هنايا وديل مافى داعى لى اى منهج لانهم بيكونو بقو اصحاب .
    اذا اذن لنا الشيخ ممكن نورى الاوراد وكل التفاصيل التانيه لكن افضل الكلام ده يكون فى الحوليه بعد اداء القسم لانو دخول الحمام ما زى دخول حوض السباحه ولا شنو ؟؟؟

  16. حاج أحمد السلاوى كتب:

    أخونا أفليقا ..
    تم تعيينكم الناطق الرسمى بإسم الطريقة ..
    صدر تحت توقيعنا صباح الجمعة الموافق 15 أبريل لسنة 2010 ..وعلى الجهات المخنصةالتقيد بما جاء فيه وبالله التوفيق .

  17. aflaiga كتب:

    الشيخ السلاوى : تعيينكم لنا تشريف كبير وينم عن خلاصة حصاد التزامنا بالطريقه – اللهم ارض عنا عواطفاتنا برضائك عنهن وعنا .. قولو امين .
    تنويه بسيط :
    فى اطار عمل اللجنه المنظمه لاستقبال عواطف اخونا البشاوى يعلن المكتب الاعلامى عن تشكيل لجنه للاستقبال مكونه من كل من :
    الشيخ السلاوى – رئيس اللجنه ( الاشراف على تهيئة اخونا البشاوى عقديا ومعنويا ) .
    المريد سهيل – مسئول الاعداد الغذائى ( الاشراف على تهئية البشاوى جسمانيا ) .
    المريد ستريكر – مسئول اعداد الزى والديكورات للاستقبال .
    المريد تحت التدريب عبدوش – لجنة الاتصال والمواصلات .
    المريده سهيله – مسئولة استقبال الشيخه عواطف بشاوى .
    الشيخه سمسمه – مقررة اللجنه
    المريد افليقا – الجانب الاعلامى ..
    اللهم وفق اخونا ستريكر فى خطاب وتقرير فترة الغياب ويسر له من الاسباب ما يعينه بان سلم نضيف يستلم نضيف ..قولو امين ..

  18. طارق أب أحمد كتب:

    بللاى ما تجونا سنجل كل واحد يجيب عواطفو و حمودى و الشكس الصغير لتكتمل الفرحه

  19. aflaiga كتب:

    اب احمد : والله كان بودنا نجيب الشفع لانهم طولو من احمد وامو .. لكن تقول شنو ؟؟
    اسى يعنى ممكن نعتبر عزومة بعدين الليله ممكن تبقى هى الحوليه الاولى ولا كيف ؟؟؟
    بالله يا اب احمد كلم ام احمد تزبط الشطوط العجيبه ديك ولا ما حنجى ..

  20. الزهراء كتب:

    شامه لي ريحة شيه

  21. ابكرون كتب:

    انت يا افليقا السلاوي ده بتاع الفئة 5 اشمعنه داخل في اللجنه(عارفوا من القواعد وسدنة الكعبة) لا نحن نحتج مع اننا من القروب (الناييف الماحي خالص (ما نسيب البر يا بشار)الما بفرز عواطف من عاطف ههههههه……. تهيئة البش دي خلوها علي بعدين الاولاد الصغار ديل ناس عبدوووش ومشاكل خلوهم ينوموا بدري مع الركشات من 6

  22. aflaiga كتب:

    اب احمد : الاخ الذكرتو اسى ده ( كلب بوليسى ما شاء الله ) ده عضو جديد وهل هو اسم مركب ولا كل واحد براهو ؟؟؟ جهزت الشطه ولا ريحة الابرى دى شنو ؟؟

  23. الزهراء كتب:

    افليقا انت اكييد ما جادي

    فضل بعد كده تسال الكلب البوليسي ده موقعو الجغرافي وين وتابع لياتو قروب!!!!

    كويس يا اب احمد – خلاص سحبت الشيه- شامه ريحة قدرة فول ام احمد

    كده كويس؟ الله يديكم العافيه

  24. ابكرون كتب:

    افليقا يالزهراء بقي فاصل الله يعينه انا قريت تعليقو قهقهته وقربت اعلق ….تاني قلته اسه يقولوا ابكرون ده بتاع مشاكل…..حتي سؤالي ليه تحته ما جاب خبره ….سهيل ما تشوف الود ده مالو….؟افليقا صحصح شويه دي شيه ريحتا مرقت…….قبض افليقا متلبسا كشمباتي هههههههههههههه

  25. aflaiga كتب:

    ابكرون : فاصل ونواصل .. هههيييييييييييييييييييكا .
    وهو الما بقى فاصل منو فى ظل تزوير الاراده الحاصل كلو فاصل .
    مشهد سغنتوتى :
    صديقى س متزوج من عواطفاية منجضاهو وكانت خلاصة عامهم الرابع سكرى وضغط وتلف فى بعض الاعصاب وفى يوم زاروهم ناس خالة عواطف :
    عواطف : انت يا س ما تشرب العصير ده مالك ؟؟
    س : اشربو كيف مافيهو سكر انتى ما عارفه ؟؟
    عواطف : عارفه شنو عليك حركاتك بتاعة وهم السكرى دى خليها يعنى عاوز تقول لى ناس خالتى انا جبت ليك السكرى ؟؟
    ويضطر س لشرب العصير بيد مرتجفه من تلف الاعصاب :
    خالة عواطف : مالك يا ولدى بتتراجف كده انشاء ماك عيان ؟؟
    عواطف : عيان شنو والله اعصابو زى البمب بس بيكون من شدة احترامو ليكى يا خاله ما قادر يركز !! مش يا س ؟؟؟
    س : ااى والله الاحترام لمن يفوت حدو اصلو بيبقى كده هو انا ذاتو ما عارف احترمك ولا احترم خالتك مش بركة العرفت دى كباية ولا حله ؟؟؟

  26. الزهراء كتب:

    يا عمنا ابكرون انا ذااتي محتاره

    يعني لو كان شمباتي جا حضر شية اب احمد كان قلنا الشيه فيها حاجه

    ولو كان افليقا ساكن جبرا ولا كاسر ركبه بي هناك لدرجة لخبطة الاسامي كان قلنا معليش
    لكن كل واحد في بلدا طيرا عجمي ووضعو مختلف عن التاني

    نحن دايرين اخصائي في الجاذبيه الارضيه وعلاقتا بالهضربه النفسيه عشان يحدد لينا العطل الفني ده وين

  27. البشاوى كتب:

    أبكرون ثرو الزهراء =
    بماأن الهضربة مشتركة مابين المملكة الغربية السعودية والمملكة البشيرية – نعتقد بأن العلة غير موجودة فى الطرفين المهضربين بسبب البعد الجغرافى وإنما العلة فى الطرف المهضرب به- انتهى اعتقادى – وأترك المنصة للمريد استرايكر لتقديم بقية المرافعة وشكرا-

  28. ياسين شمباتى كتب:

    الزهراء..
    دا حدو وين دا !!؟؟

    البشاوى..
    انت يا خوى فاضى من المخدات المناكفات!!؟؟ البيتو من قزاز يا صديق…

  29. كتمتو نفسو يا شمباتى شكلو كده.

    اختنا الغالية الزهراء الاخ ولدنا الساكن فى الحفرة – شوية معزور – لظروفو اولن – ولطبيعة عملو ثانيا – يعنى ولدنا بالمختصر المفيد – غير مؤاخذ بما يقول – فحقو انتى كمان من باب اولى تديهو العزر وكده – وتقبلى بروح رياضية – يعنى شنو لو غلت – الموضوع اسامى وخلاس يعنى بقت على الاسامى شديد يعنى ؟؟ كمان افهميها ياخى
    الباقى بتمو ليك بالميل.

  30. ياسين شمباتى كتب:

    استرايكر..
    ميل منو يااااا ابو ميل انت!! عملت لى شنو فى المودوع ياهى!!؟؟ دا اسمو منو؟وساكن وين!!؟؟

  31. نيام كتب:

    زحو زحو زحو وسعوا المجذوب جاتو الحالة وسعو…
    – احي احي احي احي احي ……ويو ويو ويو …ورورورورورورورووروووك
    يا الشيخ السلاوي
    ياالديمة كاوي
    السبحة بقس و الشال مكاوي
    يا الروبت الموية رقاوي في رقاوي
    اديهو كشحة خليهو يلاوي
    افليقا امسكو معاك البشاوي
    ورررررروووووك
    ياشيخنا تلحقنا و تنجدنا …قعدوهو في الضل..اصلو الشمباتي طول بالحيل..ولقا الاسم جوه الايميل…يلا يا اب احمد جيب فولك العاجبك دا…

  32. البشاوى كتب:

    أها ياشمباتى خلى الموز للقرد والمخدة لى افليقا وخلى جن الحفرة دة — هى حفرة شنو؟ نزلنا ليك نيام يحوقل واسترايكر يقوقل – ولسة ابكرون الضرس قايم عليهو يعنى يبقى كويس يكجمك كجمة العدو

  33. ابكرون كتب:

    نظاش مديدة حارة:
    الزهراء قالت ( ولو كان افليقا ساكن جبرا ولا كاسر ركبه بي هناك لدرجة لخبطة الاسامي)
    قهههههههههه……اجمل ما في المودوووووع انو ناس جبرا ما هببوه البتة….البتة….غايتو يا الشوايقة جنس مساخة ترمس

  34. ياسين شمباتى كتب:

    وروروووووووووووك..جابت ليها نيام ومدنى وكدة!! واشعار وجذب وشد..والله يا البشاوى عملتها ظاااااارهة,,عشان سترتك فى المخدة والموز وافلى!! لكن بلاقيك جنب الدفاع المدنى..
    اما انت يا ابكرون فعجبتنى ليكم المساخة لانها ردت فيكم..ولسه الجاى امسخ..راجع ايميلك ضرورى..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s