ليه تقول لي انتهينا نحن يادوب ابتدينا

Posted: الخميس,15 أبريل, 2010 by alzahraaa in اخرى

رائعة الراحل طيب الله ثراه المبدع ابراهيم عوض
وكلما تمعنت هذه الكلمات اصابتني لوعة الذكريات

ما تمشوا بعيد وتفتكروا البوست بتاع بكى وكده

انها لوعه على حال منظمتنا التي وئدت قبل ان تستمتع ببداية طفولتها, ظللنا كل تلك الفتره ونحن نحلم بمد يد العون لكل محتاج وقد كبرت احلامنا وخططنا واياكم لكثير من المشاريع بيد ان ايدينا قد صارت قصيره وقد تكسرت مجاديفنا لا بفعل سوانا ولكن بفعلنا نحن
للاسف الشديد حتى الكثير من الاعضاء صاروا بعيدين عن مد يد العون للمنظمه ,فقد قامت اللجنه بفتح حساب وقد تم ادراجه في بوست خاص بحساب المنظمه ثم من بعد تمت اضافة رقم الهاتف للتسهيل على بقية الاعضاء ولتحويل اشتراكاتهم عبر تحويل الرصيد غير انه نضب نهر العطاء لدينا ولم يرتو يوما ليسقي تلك الوجوه البريئه من حنان وعطف المنظمه

لا أنكر ان هناك من هم مواصلون في تقديم يد العون ومستمرين في ارسال اشتراكاتهم سوى كانوا من اعضاء الخارج الافاضل او من اعضاء الداخل الاكارم

هذا نداااااء عاجل لكل الاعضاء لكي يكملوا تلك المسيره الخضراء التي كانوا لنا فيها زادا فتكونت زاد المسير بوجودهم بعد توفيق من العلي القدير الذي نحمد ونشكره

رجاءا نحن مازلنا في بداية الطريق ونحتاج مساندتكم رغم معرفتنا بمدى مشغولياتكم , فلتمتد الايادي الخضراء عشان ما نقول نحنا انتهينا ونحن في بداية طريقنا

لكم التحيه وفي انتظار استفساراتكم وآرائكم
ودمتم زادا للمسير

Advertisements
تعليقات
  1. عباس كتب:

    ربنا يوفق
    والواحد بعيد منكم والمشاركة بتكون صعبة خاصة وقت الواحد يكون طالب
    لكن دعواتنا معاكم ربنا يوفق

  2. البشاوى كتب:

    ليه نقول نحنا انتهينا ؟؟؟؟؟؟؟؟؟؟؟؟؟؟؟؟؟؟
    نعم انها بيدنا لابيد عمرو أو زيد — قطاعى أو بالجملة ندفع اشتراكاتنا وبها ندفع عن انفسنا بلايا ومصائب – ندفعها كيفما اتفق نقدا بشيك تحويل رصيد دولار ريال شيك سياحى — فترتفع قاماتنا وهاماتنا – بسمة من محروم تسعد القلب – دعوة من محتاج تقيك واهل بيتك من نار وقودها الناس والحجارة — تلطفوا بأنفسكم ومن ثم تلطفوا
    بالمحتاج-
    انعا دعوة لكم فلا تحرمكم مشغولياتكم الدنيوية من ارصدة خير تنتظركم قدام لتكون زاد مسير لكم يوم تمنعنا ذنوبنا من المسير = ولكم حبى

  3. ياسين شمباتى كتب:

    الغبشة والبشاوى..سلام..
    والله يا جماعة قلنا بدل المرة مية مرة انو التذكير الشهرى مهم.بعدين برضو فى تقصير من ناس جوة,,ولا ما كدة يا البشاوى وافليقا !!؟؟

  4. البشاوى كتب:

    شمباتى
    انت الشجرة دى قامت بيك ولا شنو؟ اسى الغبشة الدخلا فى البوست دة شنو ولا تكون متحسس شوية ؟؟ يعيش الازهرى رافع علم الاستغلال

  5. ابكرون كتب:

    بتنا الزهراء يديك العافية….ده برضو بكا بس من نوع تاني
    شمباتي : الجاب الغبشه شنو؟؟؟؟؟ما تخليني اعلق تعليق ما ياهو….؟

  6. aflaiga كتب:

    الزهراء : سجمى انا قلت الزهراء دى دكوعا ابت تقيف ولا شنو ؟؟ ده بكا شديد خلاس ..
    اتارى بكاك بكا خيرى ..
    ومن هنا يمكننا القول :
    عشقت الزهراء خيرا فهامت بحبه
    والخير يعشقه العباد ويرضى عبره ربه
    بوركت يا زهارء للخير عاشقه
    وما ضاع عاشق للخير هام بدربه
    حقيقة كلنا مقصرون مقصرون
    بس الله يسهل ويبلغ المقاصد

  7. الزهراء كتب:

    شمباتي
    الفيك اتعرفت وفعلا شكلها الشجره قامت بيك ولا الخيار التاني الشامبيون على قول المسطول

    البشاوي- تسلم على الكلام الدرر ونحن في الانتظار وكلنا امل بان يزداد حماسنا للمضي قدما

    عباس وقفتك معانا بالدنيا وربنا يوفق الجميع
    عمنا ابكرون- منور والله -البوست ما كان شكلو بتاع بكى لكن شمباتي قلبو مره واحده

    اخي افليقا لك خالص التحايا والاحترام -ونحن في انتظار وقفتك معانا

  8. لكن ياابكرون لقيتك صعب شديد.
    وبعد ما قريت كلامك البهناك راسى شطب زيادة – كدى نقرا كلامك تانى.

  9. ياسين شمباتى كتب:

    البشاوى..
    والله انا كنت مشغول بى كم حاجة وافتكرت انو الاسم اللى بالانجليزى دا الغبشة..امسحوها لينا فى وش الكتاب بس..بعدين الغبشة والزهراء وجهان لعملة طيبة نادرة..

    ابكرون..
    ما قالوا ليك الشجرة قامت بى..الله يقطعها ويقطع طاريها..وكفانى تعليقاتى البهناك,,جبت لى الكلام..

    الزهراء.
    لا عتبى علىّ فانت ادرى..ولك منى كل الود..

    غايتو جنس غايتو!! عليكم الله ركزوا فى البوست وخلوا العبد الغلبان دا فى حالو..هههههههههه..

  10. طارق أب أحمد كتب:

    الزهراء

    تشرفينا بكره ممكن تنسقى مع البشاوى و نعمل آليه تكون ملزمه و ما تحتاجى تانى للبكا

  11. ابكرون كتب:

    لا يا شمباتي ما تطربشنا وتآكل حلاوه بعقلنا ….الموضوع ده ما بنمرره بالاجماع السكوتي الا بتنا الغبشة تعلق …وتقول خلاص خلووووه….عندها بنتناسي الموددددددوع

  12. حاج أحمد السلاوى كتب:

    ولدنا شمباتى ..
    غايتو الشبكك مع الفكى ابكرونااللايوق.. يحلك منو الجليل الرحيم.. ويحلك الحلا بلة.. حيسل روحك زى ما سل روحنا قبال دا ..ولا يزال !!
    دا شنو دا ..؟؟
    أنصحك الإستعانة بمجموعة من البلطجية لعمل اللازم..

  13. مشاكل كتب:

    سلامز

    جزاك الله خير يا أختنا الزهراء
    و فعلا التذكير الشهري مهم .. و مهم جدا

    شمباتي …. حركتك خوووور

  14. ياسين شمباتى كتب:

    ابكرون..
    والله انادى ليك الجماعة من البوست داك يقعدوا ليك هنا !! دى شبكة شنو الوقعنا فيها دى!!؟؟والله شكلى ح امشة بنصيحة ابوى السلاوى..

    مشاكل..
    حركتك جبانة يا صديق,,وماكان العشم..بلاقيك فى اقرب زقاق..

  15. الزهراء كتب:

    الاخوه الاكارم جمعه مباركه

    فعلا التذكير الشهري شيء مهم لكن برضو همتكم معانا يعني بدل كل شهر تشيلو الهم ممكن الزول يدفع حق كم شهر لي قدام حسب استطاعتو- ومن هنا بوعدكم بعمل ايميل خاص وسوف ترسل لكم رساله تذكير من البريد الالكتروني كل شهر

    لكم التحيه ومنورين

    شمباتي ما تحنكني لا عمله نادره ولا غيرو بس اصبر لي لما اعمل تحقيقاتي في الموضوع ولا عشان ما ساكنه جبره

  16. ياسين شمباتى كتب:

    ووووووووب..الحقنا يا بلة..

  17. ابكرون كتب:

    نعم يا شمباتي ……انا ياهون ديه
    بله

  18. الزهراء كتب:

    عفيت منك يا حاج ابكرون

    دقست ياشمباتي مع عمنا- لو متحسس ممكن احول البوست بي اسم الغبشه وكده

    ياحاج الحاصل ده يكون سببو شنو؟

  19. الزهراء كتب:

    اب احمد
    مابتقصر وان شاء الله عامرين تحياتي للاسره الكريمه

  20. ياسين شمباتى كتب:

    والله يا ابكرون غلطان انا العتقتك السنة المضت لما غنجت بالخبر داك وشبكتنا ايميلات !! واريتنى ما مسحتها عشان كمان اوريك المكشن بلا بصل..

  21. ابكرون كتب:

    يا بتي انت ماك عارفه السبب؟
    غايتو الله يستر عليه من راجمات جبرا….بالله اتفقن عليه وما تخلنو الا يبرك عديل ويرسل صور البَركان…..

  22. هو دق العيش ده كيف يا اخوانا !!!
    ماهوده الحاصل لولدنا اسا

    عافى منك يا الزهراء – اديهو الولد ده – ولو دايرا خبر جبرة بنجيبو ليك انحنا زااااااااااااااتنا.
    ده طبعن نظام المديدة حارة وكده !!

  23. aflaiga كتب:

    ستريكر : هاك النجره دى :
    انت ولع فى المدايد
    ونحنا كل يوم شوقنا ذايد
    وما بيقدر للشوايق
    الا نفس الماركه ذاتا
    مره لاقاك وحده حلوه
    وجاهله لى حتات حلاتا ؟؟
    ولا لاقاك وحده شينه
    وما مصره تذيد حلاتا ؟؟
    انت خليك فى المدايد
    بكره تتصاد فى المصايد
    اصلو ياسين فى المكايد
    خبره وايد والله وايد ..

  24. ياسين شمباتى كتب:

    ابكرون..
    انا الكلس ببرك!!؟؟ والله كان برك اب شدرة انا ما ببرك,,وليك يوم..

    استرايكر..
    انت تيتلك عندى ودافننو سوا,,اعمل حساااااابك ما افتك.

    افليقا..
    يا نجاااااار,,والله الخبرة قليلة لكن بتمرقنا باذن الله,,واسترايكر دا لمو عشان ما امسح بيهو حيط المدونة دى..

  25. الزهراء كتب:

    هي لكن ياشمباتي قالو التسوي بي ايدك يغلب اجاويدك

    المشكله انو مافي اي علاقه بين الاسمين- ذكرتني فقره في اسبيس توون اسمها الرابط العجيب

    وما تزعل اانا البوست ده عدييل كده بهديهو للغبشه كان ده بيرضيك يااا الكلس!!!!

    افليقا يانجار تسلم عقبال نجارة المسلح

    استرايكر قاعد تولع في المدايد بدل تقوم تلم اشتراكات العضويه
    اصبر لي عند د/ عزت الزعييم

  26. ياسين شمباتى كتب:

    الزهراء..
    شغلتونا عن المباركة وباكورة انتاجاتك,,ويلا خلينا نشوفك بهمة ونشاط زى بهناك,,وعلى المود يا بتى…

  27. nono كتب:

    الزهراء ..
    وكلما تمعنت هذه الكلمات اصابتني لوعة الذكريات
    بدايه جميله لموضوع جميل!؟؟؟؟؟
    مزيد من المواضيع …
    التعريجعة للنداء لزاد المسيره جميل انشالله يستمر العطاء ان لا توقف المسيره …

  28. ياسين شمباتى كتب:

    نونو..
    سلام وبركة بالطلة..ليه كدة؟؟؟

  29. الزهراء كتب:

    نونو شخصيا
    لو عارفاك حتظهري كان ختيت ليك صورة صحن شيه من عند اب احمد
    نظام ترحيب وكده

    تسلمي ياغاليه ونحن في انتظار طلتكم – ماتنقطعي كده تاني

  30. البشاوى كتب:

    شمباتى
    فى اتصال هاتفى مع السيد\ استرايكر افادنى بأن لديه حلل كبيرة مصرية الصنع ملياية مديدة حارة وكان عاوز يدفقا كلها فى حوش المدونة ولكنى رجوته أن يرجئ هذا الدفيق لحين حضور الشيخ السلاوى عشان يبارك المديدة وكدة

  31. حاج أحمد السلاوى كتب:

    أخونا المرطب إلى حين ..بشبش ..
    هى المديدة دى مشتقة من كلمة مدد ..؟

  32. حاج أحمد السلاوى كتب:

    يا جماعة الخير ..مسعولين من الخير ..
    أين ابناءنا وأخواننا صديق الفولانى ..سوباجو ..حنين ..الكنانى ..الأمير مخير ..محمد الزهج خلاص .. عباس ركس .. ساتنتود..ودالمهدى ..وأخرون كثيرون لم تسعفنى الذاكرة بإسمائهم ..

  33. الزهراء كتب:

    عمو السلاوي
    لك التحيه
    كلمة المديده مشتقه من المدد والظاهر انو استرايكر جاهو المدد من شيخنا أبكرون وقبلوا على شمباتي سوا

  34. nono كتب:

    الزهراء لك التحيه

    شووووق كميات لكل اصحاب المدونه

    شمباتي سلام واخير طششاني وكفايه الناس الشغليها ليك ماااااااااااااداعي نزيد العيار؟؟

    اعمامن الكواشف سلام المديده شنو ؟؟؟

    الايام ده البلد ده من يوم التلاتا حاتلون ضبايح شاااااااااااااي مالكم علينا ؟؟؟

  35. ُمخير كتب:

    بنتنا نونو
    حبيبنا أبو وضاح
    المتداخلون والعائدون
    الغائبون والعاتبون سلامات وإحترمات
    ما زالت المدونة نافذتنا ورئتنا النظيفة التي لن ندع التلوث يحرمنا منها فهي ضرورة حتمية لسلامتنا النفسية والذهنية، وهي “النفاج ” الذي نطل منه وندلف عبره إلى حارتناوسوداننا الجوة وجداننا.
    كان تغيبنا لبعض الوقت فهذا لا يعني إلا أن مانعنا الشديد القوي والمعايش الجبارة ما عدا ذلك فالمدونة تسكننا ومعششة في حنايانا …..
    يا سلام يا ود يا أفلي لم ترجع بمزاجك ترجع أيامنا الجميلة، وإن شاء الله ما بيننا لا يبلى ولا ينقطع سلام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s