موسم الهجرة الى الشمال 1-2

Posted: الأحد,25 أبريل, 2010 by استرايكر in إجتماعية, اخرى

كنت قد وعدتكم بنشر تفاصيل رحلتى الى الشمال الحبيب اثناء بوست الحبيب طارق – والان تفضلو بالاستمتاع بها معى – صور ولا اروع.

طريق ولا اجمل

كل نص ساعة تظهر لك عربة

قنتى – صينية الملتقى

قريتنا جرا

جوا الحلة

جنائن البلح

مع المغيرب

جنائن المنقة

الزاوية

منزل جدنا

بدون تعليق

كرمكول

فى الطريق الى السد

منصوركتى

رحلة ولا اجمل

Advertisements
تعليقات
  1. طارق أب أحمد كتب:

    سترايكر
    بالله شفت الراحه و السكينه الفى الشماليه
    تحياتى لأهل جرا وبالمناسبه أنا زرت جرا و بيتت فيهل عدة مرات و عندنا منها عدد مقدر من الزملاء فى العمل

  2. aflaiga كتب:

    اليومين ديل الحس النوبى مرتفع بالله يا ستريكر انت حقنا وانا قايلك هناى زى سهيل !!

  3. ابكرون كتب:

    استرايكر : والله لكن بالله انت من قبايل ناس الزهراء عشان كده خاتي راسك معاها وعذبتوا ولدنا شمباتي عشان هم الاتحادي الاصل من عيون الوشايقة هههههه وانتو ناس جرا ديل اطراف سااااكت حتي بلحكم ما حلو….غايتو يا ( الوشااااايقه )…..
    بالله اسه ناس الحركة الشعبية لتحرير افغانستان ديل لو الشوايقه دقوا ليهم يافطه زي دي في (يرول) ولا رمبيك برضوا ……؟عايز اجابة من سلفاكير شخصيا……..

  4. aflaiga كتب:

    ابكرون : يعنى انتو عشان بلحكم اخلى من بلح المدينه ولا شنو ؟؟ سمعنا تحت تحت انو بلح المدينه ذاتو شالو شتولو من اندكم ما صحة ذلك ؟؟ للناس الما ناقشه طبعا احلى بلح هو بلح المحس وما عاوزين نتكلم كمان عن حلاوة بنات المحس يقوم ابكرون يفتح فينا بلاغ ونحنا ما قدر ابكرون .. غايتو الا نوكل بشار يتكلم لينا عن سماحة المحس ويثنى كلامو سنكل عشان نضمن الحصانه مع انو سنكل فى الحته دى انصار سنه !!

  5. كأن هناك علاقه بين السكان والطبيعه فالكل بسيط وهادي

  6. اب احمد سلامات – حبابك فى جرا واتعاقبنا فماقابلناك
    بالله شفت البلد دى كيف؟

    ابكرونا الواصل – ياخى بلدنا دى مافى زيها مثيل – وناس الزهراء هم المتلصقين فينا ( تجى تكسرنا اسا )
    والله مكتب الحركة ده لما شفتو قلتا ليهم الله يرحمك يا ابوى ماشفت اليوم – غايتو بس الحمدلله.

    انتا شكلك بلح جرا ما عندك وما جاك – ورينا زول جاى عليكم قريب بديك منو وحتعرف الفرق بينو وبين بقية بلح الشمال!!!!

    افلايقا يا سديقى بنات الشمال كلهم وبدون فرز من اجمل نساء السودان – وماتخلينا نتكلم ساكت كفاية لحد هنا.

  7. بشار أحمد بشار (ابن برد) كتب:

    يا أفليقا ناس استرايكر يلعبوا ليك التمريرة عديل بالمسطرة لازم ترجعها يا امتن قالشة يا امتن سكرو يا امتن موزة؟؟ يقول رحلتي الى الشمال الحبيب تقول ليهو أجمل من بنات شرق السودان ما شفت؟؟

  8. الصادق ود البركة كتب:

    السلام عليكم ورحمة الله
    تحية شمالية طازجة
    انت يا أخينا سافرت الشمالية بعد ما بقي فيها زلط واستراحات وبصات مكيفة وينك أيام الرحلة باللوري تلاتة أيام وفيها وحل في الرمال وصاجات ومساعدين درجة اولى
    وشراب المويه من القربة في أيام الصيف ……….
    وبعدين لو البلد صحي سمحة جداً كده ما كان جدودنا تركوها وسافروا للصعيد حيث نشأنا قال البلد قال
    ودمتم

  9. aflaiga كتب:

    عم بشار : نعتبر ده ضوء اخضر عشان نكتب عن حلاوة وسماحة بنات شرق السودان ؟؟؟ ولا انت قاصد تشوتا موزه ؟؟

  10. تحياتى يا ودبركة
    سافرتا الشمال بالحيل ايام اللوارى وايام البكاسى اكتر كمان – البوكس بقوم من البيت مع تجهيز الزوادة وقربة الموية وكواريك الحفر لزح الرمال – وكان القيام بكون من الصبح والوصول ( لو كنا محظوظين ) مع صلاة المغرب وده كان بكون الرقم القياسى فى الوصول.
    الان ومع التطور ومع حركة العمران ووصول الكهرباء – وحفر ترعة المشروع الجديدة – رجع كقير من السكان للمنطقة – ولو الزول مشى مثلا قبل عشرة سنة ورجع تانى – حيلاحظ فى فرق للافضل .
    تحياتى ليك.

  11. ود الفتيحاب كتب:

    أخونا إسترايكر
    رحلتك تشوق لزيارة الشماليه والصور خير شاهد وانتم لسان حالكم يذكر التعمير بالمنطقة . أنا غايتو عجبتنى اللوحات بجانب الظلط

  12. حاج أحمد السلاوى كتب:

    هووووى يا ودالفتيحاب ..
    ما توقف غلط ..عشان ما يركبوك الظلط ..
    إنتشار متميز الليلة ..اخدت الإستقلال .ولا شنو ؟
    سمعتو …ولاّ جابوهو ليك ..ولاّ ……. تم الباقى برااااااك !!!

  13. ياسين شمباتى كتب:

    استرايكر..سلام..
    والله طريتنا غنا اهلنا (الشمال بلد المحنة) وبالله انت من جرا ؟؟( وين يا صابر جرا..البلد مالك هاجرا..وجبرا اوكارا مكجرة..وين يا صابر جرا)..ودى اغنية قديييمة لى صديق احمد,,وجبرا حلة صغيرة جدا فى الشمالية..
    وصابر جرا هو على ما اظن احد سائقى البصات قديما..
    لكن بالجد السكينة والهدوء فى الريف..

    ابكرون..سلام..
    تاااانى جايب سيرة البحر!!؟؟

    ود الفتيحاب..سلام..
    اليوم نرفع راية استقلالنا..حمدالله على السلامة وبركة بالطلة..

    الوالد السلاوى..سلام..
    خليك حنيييين يا حنين.

  14. حاج أحمد السلاوى كتب:

    هوووى يا ناس المدونة ..
    الأربعاء جاتكم وجاكم شمباتى عامل زحمة ..زى نهاية كل اسبوع ..
    بس اعذروهو يا جماعة بيكون فاقد حنان ومواصلة وبيكون مشتاق ليكم شديد ..
    عشان كدا ارجوكم ما تعصروا عليهو شديد ..وأدوهو شوية حنية تعوضو الأيام الفاتت …فى الحفرة .

  15. ياسين شمباتى كتب:

    ابوى السلاوى..
    يعنى مصر تعصر علينا؟؟ بجيك بالدرب تب وبنتفاهم !!! وعليك الله شدد عليهم شديد فى حتة الحنية دى.

  16. البشاوى كتب:

    استرايكر
    توثيق رائع — لاتلتفت لناس ابكرون ديل عندهم حساسية جينيةمع شايقستان –
    شمباتى
    – انت محتاج لاتفاقية اطارية بوجود شهود دوليين مع السلاوى – ابكرون = استرايكر – والاخير دة بالذات ركز معاهو على قوارير العطور الباريسية عشان مايبقى ليك خلف الله

  17. ياسين شمباتى كتب:

    البشاوى..
    الاخير فى المعادلة ولا فى ناتجها ؟؟ ياخ الاتنين خلف الله عدييل كدة,,لكن اليصبروا لى بجيهم يومهم..ادينا تحليلك للوضع الختير الفى الايميل..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s