ناس الوطني بيحرجوك مع نسابتك سااااكت

Posted: الأحد,25 أبريل, 2010 by ودالزبير in Uncategorized, اخرى

عارفين الزول لابد ليهو كم يوم لأنو أخوانا بتاعين المؤتمر الوطني ديل بيحرجوا الزول مع نسابته عديل كده أها الواحد طبعاً وقف مع الناس دي وقفه لها ما بعدها رغم عن إنو كان الزول متنازع بين الوقوف معهم أو الوقوف في جانب عرمان وصحبه رجحت كفه الوقوف مع الإنقاذيين من باب اللإنتماء للجهويه وده ناتج عن أحداث تكونت خلال الأعوام السابقه من تجارب مريره من أيام الإثنين الأسود أو ذكريات إجتياح المأفون خليل إبراهيم لأمدرمان .. البعض رأى أننا قد كسبنا مكاسب دنيويه أدت لتغيير القناعات الراسخه بفساد النظام والبعض إستغرب تغيير مواقفنا من الضد إلى الضد والمسأله أبسط من تغيير القناعات فرأينا الراسخ إن الأحزاب الطائفيه لا تمثل الديمقراطيه والشيوعيين والعقائدون عموماً لا يشبهوننا في شئ وعرمان وباقان وجنودهما ينتظرون رقابنا فقررنا أن نركب في السفينه الناجيه وأحسنا الظن بهم .. وكنا نعرف إنه قد يكون هناك ألعايب وغش وتزوير لكن لم يخط في بالنا أن يفشلوا وهم الأكثر تنظيماً في التزوير نفسه لدرجه إن يتمكن أحدهم من تصوير ذلك ويبث المقطع على اليوتوب ليقوما في سذاجه بإيقاف تصفح اليوتوب في السودان أعقبه إيقاف تصفح موقع الراكوبه التي بثت المقطع الذي وصل لكل موبايلات السودانيين في لمح البصر …. تأتي أخبار مضحكه مخجله عن مراكز إقتراع لم يحصل بعض المرشحين حتى على أصوات زوجاتهم وهو أمر يدل على غباء منقطع النظير إذ لا يعقل إن لا يملك مرشح حتى صوته الشخصي … يا ناس الوطني غايتو خليتو الزول مايقدر يتونس مع نسابتو .. التزوير زاتو داير ليهو فهم … أحرجتونا جنس حوريج واحد مع الناس

Advertisements
تعليقات
  1. ابكرون كتب:

    يا جماعة ده ود الزبير ولا هكر…..؟ كدي ادينا أمارة…..الضابط في بورتسودان صاحبك وصاحبي بتاع الرياضه داك اسمو منو ؟؟؟؟؟؟؟؟ هههههههه

  2. مشاكل كتب:

    سلامز

    قناعتي الشخصية هي أنهم – أي أهل الإنقاذ – الأجدر بقيادة البلاد من بين الأحزاب القوية الموجودة حاليا
    لذلك وقفت معهم في الإنتخابات السابقة .. لكن ذلك من يمنعني من احقاق الحق و ابطال الباطل
    فالتزوير كان واضحا في الإنتخابات و لنا في شيخ عبد الله دينق مثال واضح و صريح على التزوير الكبير الذي حصل حتى ان الشيخ حسن ( الترابي ) قاطع كل ما يأتي من هذه الإنتخابات لعلمه بأن بعض المتنفذين في المؤتمر الوطني لا يريدون ان يروا الشيخ و هو على رئاسة البرلمان هو و اركان حزب المؤتمر الشعبي
    لا أعتقد ان المؤتمر الوطني كان في حاجة لتزوير فمعظم المصوتين في الانتخابات الرئاسية من المتعاطفين مع البشير .. لكن … عملوها ظااااااهرة .
    الموقف واضح و صريح
    لنا شمالنا و لكم جنوبكم
    و القوى العالمية الكبرى متفقعة مع المؤتمر الوطني و الحركة الشعبية على ذلك

  3. مشاكل كتب:

    تصحيح : متفقة

    أما الأحزاب المعارضة فنضع عليها أكبر اللوم لعدم استعدادها للاستحقاق .. و مكابرتها و محاولاتها الدائمة باقناع الشعب السوداني انه لن تكن هناك انتخابات في السودان مالم تيغير مواد من الدستور و تحل مشكلة دارفور … لكن المؤتمر الوطني استطاع ان يقف امامهم جميعا .. بقوته و ماله .

  4. ودالزبير كتب:

    أبكرون

    عود آيسا سرور ( رأيك شنو في الشفره دي )

    بعدين قطعه الأرض بتاعت بورسودان الحصل عليها شنو ؟؟؟

    مشاكلز

    لازلت على رأي من دعمي غير المحدود لولدنا عمر البشير لكن كيف نصل لمعادله نوفق بها بين دعمنا للبشير وإستنكارنا لفعله بعض صبيه النظام والذي لابد أن الكبار موفقون على ما يقومون به وإلا لما جرؤ على القيام بذلك ….. شفت المحن الوقعن فيها…!!!

    مره أفليقا عنده مقوله في الحته دي لكن ماقادر إتذكرها لكنها تتمحور على الحتات والزقاقات الضيقه القاعدها تدخلها لينا عمتنا الحكيومه

  5. حاج أحمد السلاوى كتب:

    الإخوان الأعزاء جدا ..عزاز علينا أخونا شكسبير وولدنا مشاكوس .. أقصد مشاكل . ..
    المسالة كانت واضحة من قولت تيت … وناس المؤتمر ما كانو بحاجة لكل العملوهو دا وبصورة عبيطة كمان ..فقد كانوا أحسن تنظيماً من الأحزاب الأخرى نسبة لإستحواذهم على كل شى ..والفى إيدو القلم ما بيكتب نفسه شقى .. وزى ما قلتو بعضمة لسانكم عملوها ظاااااهرة..مع قناعتى التامة أن أحزابنا الأخرى ليست على مستوى الحدث وما زالت تعيش على الماضى السحيق ..ولم ترتفع إلى المستوى الكان مأمول منهم ..وغلطة الشاطر بعشرة .
    كفاية علينا إنكم توصلتم إلى هذه القناعات أخيراً ..
    وقالوا وقالوا على شقى ومجنون ..وهم أسباب جنونى .

  6. ابكرون كتب:

    بالله يا سادة اسمعوا خطبة الجمعة اول امس للشيخ المرحوم محمد سيد الحاج وهو يوجهها بمناسبة الانتخابات وما جري فيها ونصائحه لمن يتولي امر الناس….تستحق الاستماع كانت في محطة طيبه ويمكن تنعاد

  7. عباس ركس كتب:

    سلامات يا سلاوي :
    شفت كيف ؟ ما كانت من الاول ظاااااااهرة . بعد ما غلبهم يلفقوها حتى بقت ظاهرة !!!!! .

  8. aflaiga كتب:

    مشاكل : سويتا ظاهره بالله السوق الشعبى بعد رحلو الميناء البرى برضو فيهو ركاب ؟؟ انا قايلك بتركب من الميناء البرى مع الناس العاوزه السياحى اتاريك بتاع لوارى وبتحب الشمس الحاره والدردره !!! عافى منك بس لو كمان رجعو الميناء البرى للسوق الشعبى وبقى الميناء البرى الوطنى الشعبى تكونو ميه ميه وده اللعب الصاح عشان الناس الواقفين فى الشمس من رمضان ديل يخشو الضل شوية ويطلعو الناس النطت فى البصات مستغلين زحمة رمضان ولا شنو ؟؟؟؟

  9. ابكرون كتب:

    افليقا الوطني والشعبي وجهان لعملة بغيضة واحده ولاخير فيهما لم نر منهما لا دين ولا دنيا بمشتملات الدين والدنيا وهم فرضوا انفسهم من قبل بالانقلاب واليوم بالتزوير

  10. مشاكل كتب:

    سلامز

    يا أفليقا .. من كيبوردك لباب السماء . لكن دا زي ما بقولو : المستحيل بعينو
    فالخلاف أصبح خلاف شخصي بين شيخ حسن ( الترابي ) من جهة و علي عثمان و عمر البشير من جهة أخرى

  11. حاج أحمد السلاوى كتب:

    ولدنا مشاكوس ..
    طيب ياخ يغوروا الإتنين ويحلوا مشاكلهم بعيد عننا وعن الشعب السودانى الغلبان ..نحن حنستفيد شنو منهم ومن مشاكلهم ..بس الحمد لله إن هذا الشيخ الذى علمهم السحر بعيد عن مراكز السلطة منذ فترة طويلة ..ونامل ألا يعود إليها مجدداً ..نامل ذلك .
    – أخونا الدينمو أفليقا ..شيخهم دا شوفوا ليهو زول يمشى يتونس معاهو ( فاكر ولاّ ناسى .. ؟)ز

  12. علي سنكل كتب:

    ود الزبير :
    عجبني ليك الإحراج مع نسابتك. عشان تاني.

  13. ابكرون كتب:

    ( ..شيخهم دا شوفوا ليهو زول يمشى يتونس معاهو ( فاكر ولاّ ناسى .. ؟)
    ههههههههههههههههههه والله يتبولغ يا سلولو ….شكيتك لي اب شكيه اب عمه ملويه وجلابتن مكويه

  14. البشاوى كتب:

    ودالزبير–
    كان بدرى عليك – أظنك شربت قهوة مظبوظة عدلت عليك الدرب
    وبعدين احراج النسابة دة بيحلو ليك افليقا أسأل أبكرون كيف؟ بيوريك

  15. aflaiga كتب:

    السلاوى : بالله انت متذكر لحدى اسه الغريبه البشاوى يوماتى بيدعونى اجى اتونس معاهو شوية ومرتو مافى واولادو مافى امشى اتونس ولا لا ؟؟

  16. ابكرون كتب:

    افليقا: صحيت من النوم هجمتني لا لا لا لا لا لا لا

  17. حاج أحمد السلاوى كتب:

    الدينمو ..افليقا .. ابو حمودى ..
    معقول بس أنسى أول نكتة قلتها لى بعد أول مقابلة معاك فى أمازونيا .. يومها حاولت أعمل فيك مقلب لكنك طلعت تفتيحة ..يا فردة ..
    أمشى إتونس مع بشبش … بشبش دا حبيبنا وما فى خوف من ناحيته …ندعو الله العلى القدير يرجع ليهو عواطفة سالمة غانمة ومحملة بالهدايا ..
    عمنا أبكرونا ..شاكينى لى الله مالك . سويت ليك شنو؟ نحنا ما قلنا حاجة غلط ..وواقفين فى الزلط لاجدّعنا زول بالحجار..شيخهم دا حاسس بالوحدة الشديدة وإنعزال الأضواء من حوله وهو يحب دايمن يكون فى محيط الأحداث حتى ولو بالغلط ..المهم يكون تحت الضؤ..وما فيها حاجة لو أفليقا مشى يتونس معاهو شوية ..باقى أفليقا عندو حنك يعجبك .. !!
    غايتو إنت فقرى فقارة ..دا شنو دا ؟

  18. ودالزبير كتب:

    أبكرون سنكل البيشاوي السلاوي أبو الأفلاق

    أمبارح طلع مدير هيئه الإتصالات بتصريح للصحف غريب وعجيب قال الرجل لافض فوه إنهم بصدد رفع شكوى لإتحاد الإتصالات العالمي بسبب إيقاف بعض خدمات شركه قوقل وزادنا في الشعر بيت وقال إنهم كهيئه لا يعلمون السبب الذي يمنع متصفحي الشبكه بالسودان من دخول اليوتوب وبعض المواقع الأخرى وإنهم راح يتحروا في الموضوع ده … لا بالله .. صدقناك .. ما نحن عندنا قنابير وكده … أقول ليك … قوم لف كده ولا كده وأذيدك كمان حتى المواقع البتحاول هيئتك الموقره تحجبها عننا قاعدين نقدر نخش ليها بالشباك ….عارف الشبك ولا أشرح ليك

  19. aflaiga كتب:

    ود الزبير : المؤمن صديق ياخى يمكن بالجد ما عارفين هو الناس دى تعرف ليك اى شيئ وانتو ما دام بتعرفو تخشو الما بيتخش ما تخشو تشوفو الحجب ده من وين وتورونا فى بيان من كبار مهندسى البلد انو يا ناس بعد خشينا فى السيرفرات كلها لقينا انو الحجب ده من الحته الفلانيه ونطالب الهيئة برضو تورينا راى فنى فى الحته دى وبع داك نحكم ولا شنو ؟؟

  20. ودالزبير كتب:

    أفليقا

    يا حبيب

    زي ماعراف من زمان أخوك بيخش محلات كتير ممنوعه ومحجوبه بأمر الهيئه الغبيه ولو متذكر زمان قلت ليك إنو خدمه الترجمه من قوقل كانت محجوبه وكتبنا لناس الهيئه وما إشتغلوا بينا ومن الزمن داك لجأنا لوسيه سهله لكسر ذلك الحجب وأي زول بيعرف ألف باء النت بيقدر يخش أي محل داير يدخله… أها الحتات الفنيه ومن حجب شنو ؟؟ وكيف حجبوهو من عيني !! فدي ما بقدر أفتى ليك فيها … ثمح

  21. زووووووول كتب:

    ود الزبير سلااام
    اولا بالتبادى اخوك جاى لياقتو تعبانه زى لياقة علاء الدين يؤسف فى مباراة السمسميه بالحمص .
    تانيا : اعتقد ان الانتخابات تعرضت لعملية تزوير واسعة النطاق والا قل لى بربك ماذا يعنى ان يفوز البشير بنسبة 68% فقط بينما يفوز مرشحو الوطنى الاخرين بنسبه تزيد عن 95% بينما الناخب البسيط كان يصوت للشجره ويسأل عن مرشحى شجرة البشير .
    تاتا بالزبادى : من المفترض ان يكون المجلس الوطنى خليطا بين الحزبين الحاكمين ومعارضيهما اذ لا يعقل ان تكون الشجره والنجمه هما البرلمان وهما الحكومه فى نفس الوقت . لكننى اعتقد ان ولاية النيل الازرق التى اكتسحها مالك عقار بعضلاته ستكون الافضل نظرا لحيازة الشجره على اغلبيه برلمانيه فيها وحيازة النجمه على منصب الوالى . دا فى حالة عدم حدوث صفقات واوعك تقطع صفقة نجمه عشان ما يجينا دوشمان وهجمه .
    كسره :
    كتب سلك على صحيفة الزعيم ما يلى : (الدائره رغم (1) المنطقه الصناعيه والعرضه الشماليه انتخبوا المرشح محمد حمص الحزب الاسماعيلى الديمقراطى الرمز المسمار .
    وكتب مزمل فى الصدى :
    سقوط علاء الدين يؤسف المتكرر فى مباراة الاسماعيلى ذكرنا بدعاية (خديجه وأعت من البلكونه ).
    ارسلت ما كتب سلك مع بعض التعديلات الخبيثه طبعا للساده ود الزبير وسهيل وسترايكر والنص اعلاه مهدى لبقية الهلالاب مشاكل والبقيه وسلااااام عليكم

  22. زووووووول كتب:

    ود الزبير سلااام
    بالله سررريعا ادينا طرية الكسر بالايميل ولا اكلم ليكا حمص
    حمص بالهد

  23. حاج أحمد السلاوى كتب:

    ايها الزوووول …بعيداً عن الإنتخابات وعن عرمان ومالك عقار ..
    سؤال سغيرووووونى كدا ..إنت نسيت البلابل …فى تونس ..ولاّ شنو ؟
    غايتو ..جنس .. غايتو .!!!

  24. مشاكل كتب:

    سلامز

    أعتقد ان النسبة صحيحة للبشير .. ففوز البشير في دوائر الشمال حتمي لكن ما اتضح ان الجنوبيين صوتو للبني آدم _ ان جاز التعبير – ياسر عرمان .. على الاقل 2 مليون شخص جنوبي صوتو له
    و هو ما اتى بالفرق الواضح بين نسب المرشحين للمجلس الوطني في الشمال و رئيس السودان

  25. حكاية كتب:

    ود الزبير
    الحمدلله على السلامة
    زمااااااااان ماقلنا لكن ماصدقتنا (اذا رايت انياب الليث بارزة فلاتظنن ان الليث يبتسم )
    شكلهم ضحكوا ليك وصدقتهم وربنا كشفهم ليك
    لو منك بضبح عجل لانه ربنا ثبتك على اخر لحظه والا كنت انجرفت معاهم
    ويوم القيامه وقفوك معاهم للحساب اها الله نجدك
    مشاكل النسبة حقت البشير اكيد صحيحة انا كنت فاكره اكتر لكن طلعوا عاقلين اول مره تصدق ليك فى قول خليك على كده تمام

  26. ابكرون كتب:

    سلاماتنا
    نسبة شنو الصحيحة الجايين تقولوا عليهاصحيحة؟
    عمكم ما كان محصل النصاب 50 % +1 وده الكان مؤخر اعلان النتيجة لحدي ما (المصلحاتية) يشوفوا ليها سبكه وسمكره لانو حتي بالخج وتغيير الصناديق ما محصله…..
    المسجلين ………16 مليون
    المقترعين …..10 مليون
    الممتنعين…… 6مليون (وديل معظمههم او كلهم ناخبي الامة والحركة بالشمال) وديل كانوا جابوا اجله لو شاركو اضف لهم 2 مليون عرمان يعني الجملة 8 مليون او قريب 9
    الخلاصه : زولكم بعد الحشو والتبديل والخج نسبتو ما بتفوت ال30 %…….الله اكبر……ويلا بلا فلقه

  27. ابكرون كتب:

    حكاية :
    قالوا في توب جديد اسمه (صوت الطريفي) ….وآخر اسمه الخجة ولا الخجيج ما عارف ولا يمكن يكون (خجيجة وقعت من الصندوق )

  28. حكاية كتب:

    كيفكم كويسين وطيبين سلامااااااااااااااااااااااات
    المااااااااااااااااات منو ؟؟؟؟؟؟؟؟
    قبضونى ليه ليه جابونى ليه ليه حرمونى ليه تلقى الحياة الصافية
    تسلم يا الالفت خواطـــــــــــــــــــــــــــــــــــــــــــــــــــــــــــــــــــــــــــــــر فــــــــــــــــــــــــــــــــــــــــــــــــــــــــــــيل
    جابونى زى مجرم خطير ليه انا انا ماعملت هناك شئ غير مستحيل
    ماعرفت فى دنيتى غير نط نط والشيطنه
    اها دى باقيه علينا ماعرفنا غير اللعب والشيطنه وقبضونى زى مجرم ختــــــــــــــــــــــــــــير
    كسرة :
    معقول عدد السكان كشه ل 16 مليون مبالغة
    الممتنعين ديل مالهم مالقوا مواصلات

  29. حاج أحمد السلاوى كتب:

    أبكرون عمنا الكبير ..
    التوب الجديد دا أب خجيجة ذكرنى التوب الكان بيلبسوهو أمهاتنا ( الله يرحمهم جميعن ) زماااااااان وكان إسمه اب قجيجة ..اكيد بتتذكره لامن كنت عامل شعرك آفرو ومعلق فيهو خُلال الخشب ..نسيت ؟ وكانت القُجة دى من إختراع الفنان الذرى ابراهيم عوض فى شبابه .
    وكل إنتخابات والجميع فائز ..إن شاء الله .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s