هاؤم اقرأو كتابى – اهدوا الينا عيوبنا ..

Posted: الأحد,2 مايو, 2010 by aflaiga in اخرى

لم اكن انوى كتابة هذا الموضوع لولا اننى وبالصدفه لاحظت ان مجموع كتاباتى هنا قد بلغت ال 200 موضوع !!

اتخيلو 200 موضوع مره وحده ؟؟؟ فقمت قلت يا ود يا افليقا 200 مش كتير  ؟؟ – اها قمت قلت اقيف كده اقيم القصه دى ولانو انتو اعز ناس بالنسبه لى قلت اخذ رايكم فى ال 200 موضوع ديل يا ربى اكون باريكم بدون فهم وانتو متضايقين وما قادرين تقولو حاجه ولا الفهم شنو – على كل حال يسعدنى ويشرفنى ان تكونو انتم بالذات حقل تجارب ال 200 موضوع الفاتو واتمنى ان تطولو بالكم لل 200 الجايه !!! يعنى هى بقت على انا بس ما انتو مطولين بالكم لموضوع واحد 20 سنه وكمان اهو الحمد لله وبفضله نفس المودوووء حيتكرر تانى 4 سنه !!! يعنى بقت على انا بس ولا ما بتتحملو افليقا والحكومه عليكم !!! على كل احبائى ها هو كتاب الفتره السابقه بين ايديكم ولكم التقييم والراى ورحم الله امرئ اهدى الى عيوبى والمؤمن مرأاة اخيه .اول موضوع نشر بتاريخ 19 ابريل 2008 بعنوان ( تقييم تجربة الشاعر نيام الادبية ) واخر موضوع بتاريخ اليوم بعنوان ( حتى انت يا بروتوس ) .

Advertisements
تعليقات
  1. aflaiga كتب:

    الحبايب الحلوين : دعونا هنا نقيم هذه الكتابات بصراحه شديده لان صراحتكم ورايكم الفنى والادبى سيكون بالتاكيد خير معين لنا فى تلمس خطانا للمرحله المقبله ( حلوه المرحله المقبله دى مش ؟؟ ) فيا تلمسنا خطانا يا وريناكم جمال خطانا وعجاجا .. وبقينا قراء فقط ..
    طبعا مافى اى فرقه لتزوير الاراء او خجها او التلاعب بها ومافى زول يجى يقول لى مواضيعك نزيهه لكنها لا ترقى للمعايير الدوليه !!! ويا ريت ناس الاتحاد الاوروبى يدونا رايم بصراحه وكمان الامريكان بالذات فى الحته دى ما يجو يقولو لينا نحنا وافقنا على موضوعاتك عشان نضمن الانفصال من سمسمه لانو بصراحه اى شيئ ولا الانفصال من سمسمه !!!!
    يلا راجيب رايكم وتقييمكم الادبى الذى نثق فى احترافيته ووعيه واضافته لنا ..

  2. حكاية كتب:

    افليقا مبروك على مرور ميتين عام معليش قصدى ميتن موضوع
    ماشاء الله اكتب يا ولدنا هو الكتابة بقروش اهو تفلق الناس ويفلقوك ويجيك الحجر راجع تانى
    احرزت تقدم ملحوظ بالرغم من غيابم الكتير بدون اعذار مرة شنو سمسه سافرت القضارف لاجل السمسم ومره ماعارف شنو ومره مسافر لجوبا ومره مسافر موزمبيق يا ولدنا عندك زول تايه بهناك كايس ليه ولا شنو ههههههههههههههههههههههههههههههههههه
    كونك تجيب ميتين صوت قصدى موضوع انت فت عمنا جبرا زاتووا
    معقول يا افليقا فلقتنا ميتين مرة وصابرين ليك
    اها وكم تعليق كتبت ولا بتخاف من العين يحسدوك شكلهم كده ميتين الف تعليق بالقديم ههههههه
    شكرا لافليقا لاحرازه ميتين هدف فى شباك مرمى مدونه ساخر سبيل امام خصمه ابكرون الذى حصل على 80 موضوع مقابل 200
    شكرا لكل لاعبى قصدى كاتبى مدونه ساخر سبيل بالرغم من التشجيع والهتافات والمشاكل الكتيرة السببها ولدنا مشكلجى صحى هو وينه راح ولا شنو
    ونشكو من عدم وجود مواضيع من جانب النساء لا ادرى لماذا ماقالوا حرية راى وعقيده وادو المراة حقوقها بقى هنا ما شايفه شئ ولا شنو يا مونى مى
    دمتم كتاب للمدونه

  3. aflaiga كتب:

    الاخت حكاية : شكرا لمرورك الراقى – وزى ما قلتى برغم الغياب !! ده حالتو !! اكل العيش بيودى مش جوبا بيودى التوج بعد مرات – مره اخرى شكرا على التعليق – اما جبرا فهو من علمنا الكتابه وفتح لنا الطاقه واين نحن منو ؟؟ وهل تعلو العين على الحاجب ؟؟ شكرا جبرا يا من جعلت هذا ممكنا .. شكرا حكاية ..

  4. حكاية كتب:

    شكرا افليقا
    بالجد كتاباتك جميلة وفيها نوع من السخريه لكن بنتمنى انك تنفرد بطابع القصص البتكتبها فيها الحس الفكاهى والمخيلة الواسعة
    واصل والى الامام
    نحن جنودك يا سودان
    بلدنا دى بلد جميلة وراقيه وفيها صدق فى اى شئ بس لو ما حسدوها ناس الجماعه الطيبين ونسونا معاهم وافتكروا روحهم
    من هنا اشكر كل الناس البنزلوا مواضيع وبنلقى منهم معلومات كتر خيركم
    حولية الطريقه العواطفية اللاعزمية طبعا ——–ده كان من المواضيع الربع سطر لكن جميل

  5. البشاوى كتب:

    افليقا
    بقيت زى بشيرنا- العشرين السنة الاولى ماريحنا – والعشرين التانية حيقضى علينا فبها—- والرابط العجيب بينك وبين البشير الشجرة شعار الترشيح والشجرة شعار المدونة لذلك اطالب الادمن استرايكر بتغيير شعار المدونة انشاء الله يعملو بحر- ولانملك ان نقول فاصل وواصل – انت الزيك منو ؟ حلاتك زحلاة كتاباتك

  6. محنك كتب:

    الاخ افليقا نبارك لكم دخول كتاباتكم الى جامعات عقول وسمع وبصر الشباب بالمدونة فانت صاحب كلمات رائعة وقلم جرئ وآراء صائبة وخبرة ممتازة

    نفتقد غيابكم عن التعليق والكتابة ، ونتمنى ان تتطل علينا بالجديد طكمكا عودتنا

    لكلماتك عطر ولون وشذى

  7. monamie كتب:

    اخي افلي
    كل 200 مقال وانت طيب وعقبال المليون صو اقصد مقال وسير سير يا افليقا نحن وراك للتعليق تحياتي لك ولاسرة الموقع الجميل
    اختي حكايه نفسي اتعرف عليك اكتر لوممكن نمرة موبايلك!

  8. حاج أحمد السلاوى كتب:

    ولدنا أفليقا ..
    يا خ… ما عذبتنا …
    وبس !!!

  9. خالد مدني كتب:

    عيبك الاكبر انك ما بترد علي التلفون

  10. ودالزبير كتب:

    وقديتنا قد وساهمت بشكل مباشر في تطفيش أقلام كان من الممكن ان تضيف لنا الكثير ( اخونا قصه ) على سبيل المثال … قوم لف كده ولا كده……

  11. aflaiga كتب:

    ود الزبير : اسى عليك الله لو ما عملت اى شيء غير تطفيش الناس ديك مش كفاية ؟؟
    خالد مدنى : متين دقيت وانا ما رديت ؟؟ معقول ما ارد بالشوق والريد ؟؟
    السلاوى / تبرا من العذاب وعشان خاطرك ال 200 موضوع الجايه حنركز فيها انو ما نعذبك .
    مونامى : مشكور على المرور والتعليق .
    محنك ود الرمال البيضاء : من ذوقك وكرمك بس يا مرهف .
    البشاوى : حلاتك انت ده .
    حكاية : سنضع رايك موضع الاعتبار فهو راى غالى ويهمنا جدا .

  12. زووووووول كتب:

    افلى
    عيبك الوحيد انك ما مواظب معانا وغايب اكتر من 30% وفشان كدا نديك جيد وبس .
    كسره : اقسى حاجه فى الكتابه الميتين موضوع الاولى .(دى على وزن اقسى شئ فى الغربه العشره سنه الاولى وتحياتى للاخ خالد مدنى وجميع بنى دنقل )

  13. حاج أحمد السلاوى كتب:

    عمنا أبو الأفاليق …ابو حمودى وسروية ..
    بالعكس نحنا عاوزنك تعذبنا أكتر بمقالاتك الرمزية … زى ما خلف الله عذبنا بالإنتخابات ..
    أوع تكون معذب سمسمة كدا فى البيت ؟

  14. التلب كتب:

    افليقا يا عمك
    ما بين نيام و بروتوس انت 100%

  15. سهيل كتب:

    زي ما قلتا يا ولدنا … منو غيرنا البيستحملك .. انحنا ماااااا ناسك .. ابقى باري ولا تشيل هم .. لصق في حنان الحنان لما اللصاق يبقى ما بيلصق .. وقع ليكم ولا طوحالكم طرشق ؟

  16. ودالزبير كتب:

    كتب أفليقا
    (مونامى : مشكور على المرور والتعليق .)

    يبقي يا أفليقا طاشي يا أنا طاشي يا الشبكه طاشه والله أعلم

  17. مُخير كتب:

    أبو حمودي
    الحبان في كل مكان
    سلام ومحبة وإحترام م
    معذرة للتأخير ولدناأفليقا بالله هم حصلوا ميتين، ياخي أكتب ونحن زي الما قرينا، فأسلوبك سلس ومميز ويستحق القراءة مثنى وثلاث، ولا حاجة لتذكيرك بأنك أحد الركائز الهامة لهذه الدانقا، وبساطتك من غير سطحية، وحميمتك من غير تكلف، وموضوعيتك من غير إدعاء، ومشاكستك من غير غل، وربنا يديك العافية ويدينانحن كمان عشان نقرأ مقالك الميتين بعد الألف قول آمين

  18. ياسين شمباتى كتب:

    افليقا…سلام…
    عينى باردة وربنا يزيد ويبارك..وخليك قريييييب وعلى قدر الشوق..وبس..

  19. التركــــى كتب:

    الحبيب افليقا …. ياخ الميتين موضوع ديل الواحد شايفم زى العشرين كدى عد مرة تانية شوفم كم موضوع ؟ يكون فى خطأ فى التعداد ولا فى التصويت ياقلب … وبمناسبة العيد المئوى (مكرر) دى ماتحرمنا من كتابات المنطقة الصناعية ليك وليها وحشة مابتعرف ظروفك …. سير سير يا …..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s