شذوذ في الشذوذ الجنسي!!!!

Posted: الإثنين,3 مايو, 2010 by ودالزبير in اخرى

خبر صغير لفت نظري بدايه هذا الأسبوع ولم يتوقف عنده الكثيرون الخبر يقول
منذ شهور تتهرب سلطات دولة انغولا، الواقعة جنوب غرب أفريقيا، من قبول (واستقبال) السفير الإسرائيلي المعيّن لديها، يتسحاك (ايزي) يانوكا، لأنه يجاهر بكونه مثليّ الجنس ولتجنّب الحرج الزائد، أضافت سلطات أنغولا تعليلاً أخر لتهربها من استقبال السفير، وهو أنها تفضّل سفيراً أكثر خبرة في العلاقات الدولية (وليس العلاقات الجنسية!).
وتجدر الإشارة إلى أن يانوكا متزوج منذ عام 1995 من عشيقه المدعو مايكي غولدشتاين، الناشط في أوساط مثليي ومثليات الجنس، الذي حاول إخراج”زوجه” من الورطة الحرجة بالإعلان عن تخليه عن مرافقته إلى الجمهورية الأفريقية المحافظة، لكن عبثاً.
وفي نهاية المطاف، تخلّى السفير الموعود عن التعين “لأسباب شخصية خاصة” – كما ورد في تعقيب الخارجية الإسرائيلية، التي أعلنت أنتها تبحث عن بديل للسفير المثّليّ الجنس.) إنتهى الخبر وبدأت معه حيرتي ودهشتي من عالم مثلي الجنس هذا وهو عالم كما تعلمون بدأ منذ عهد قوم لوط الذين كانوا يأتون الرجال من دون النساء حتى أهلكهم الله وحكم الدين في هذا الفعل وأضح وصريح وقد إختلف العلماء في طريقه القتل فمنهم من قال إن يرجم الفاعل والمفعول بالحجاره ومنهم من قال إن يلقوا من أعلي بناء شاهق بالبلد ولكن الجميع إتفق على عقوبه القتل فهل تطبق هذه العقوبه في البلاد الإسلاميه ( لا أظن ) ولا حتى في سوداننا .. بالعوده لعالم الغرب نجد إن الكثيرين من مشاهير الغرب في مجال الغناء أو التمثيل بدوء في الإعتراف بمثليتهم وبعضهم تزوج بالفعل من حبيبه كما فعل المغني الذي يحمل لقب سير البريطاني ألتون الذي تزوج في عرس فخيم أو الممثله التي ألين جرنيتين وهي ممثله ومقدمه برامج شهيره جداً تزوجت أخيراً من صديقتها

آخر من إنضم لركب المعترفين بمثليتهم المغني ريكي مارتن ولا ننسي أسماء مثل جورج مايكل ومقدمه البرامج روزي .. في المجال الرياضي أبرزت دراسه إن 50 لاعب في الدوري الإنجليزي الممتاز هم من الشواذ والإتهامات تحوم حول أشلي كول لاعب تشيلسي وسول كامبل لاعب الأرسنال وآلن سميث لاعب مانشيستر السابق وغيرهم من اللاعبين

لو تركنا الغرب وجأنا للشرق سنجد إن الأمر لا يختلف كثيراً فمؤخراً ظهر إتهام للفنانيين نور الشريف وخالد أبو النجا بإنهم ضمن شبكه للشواذ صحيح إن الخبر قد طلع في الأخير مفبرك لكن هذا لا يعني ببراءه كل الفنايين من هكذا إتهامات فكما يقول المثل ( مافيش دخان من غير نار …. نترك مصر ونأتي لسوداننا حيث لا ننسى مانشيت صحيفه الوفاق عقب المفاصله الشهيره بين الإسلاميين ( يا خرطوم جوطي جوطي لن يحكمنا الشيخ … اللو……………..) وهو إتهام ظل يلاحق الشيخ حتى أوساط منسوبي الحركه الإسلاميه وبعيداً عن السياسين نزلف لناس الرياضه وهو المجتمع الذي يعج بالشواذ من كل صنف ولون وخصوصاً في أوساط أنديه الناشيئن والبلد تتحدث عن المدرب القومي الذي تخصص في تدريب الفرق السنيه والذي تزوج بعد أن وصل للستين من عمره والبلد تتذكر هتاف الفريق المنافس للاعب الكبير الراحل ( الطين .. الطين .. وال…) والبلد تتحدث عن مهندس الإذاعه الذي قتل مؤخراً والبلد تتحدث عن مقتل موسيقار مشهور دون أن يجرؤ أحد أن يحكي عن ملابسات هذه الجرائم والجميع في مجالسه الخاص يحكي ويحكي ويحكي وكل البلد تعلم سلوك أفضل طرف يمين مر على البلاد لكن لا أحد يستطيع أن يسمي الأشياء بأسمائها وغيرهم كثيرين ثم أن كل البلد تحكي نكته فنان الحماسه المشهور ذو الشارب الكث .. وبعض المغنيين الآن أصبحوا في ذمه الله فنتركهم لحساب الآخره .. لكنكم تعرفونهم كما تعرفون ما يحكي عنهم وبرضو ما في دخان من غير نار ..

نأتي للنظره العلميه حول الموضوع حيث يري البعض إنه مرض نفسي لأنه ضد الفطره بينما يحارب آخرون لإثبات إنه شئ طبيعي

دي صوره التون جون وزوجه

نرجع لموضوع أنغولا الدوله المحتاجه لعلاقات مع إسرائيل وعنده فعلاً علاقات قويه كيف لها ترفض طلباً مثل هذا … إنها الأخلاق التي لا تتجزء وهي الفطره السليمه التي يعرفها البشري السوي بغض النظر عن دينه

أفليقا وزووووووول

الصوره دي عشان تعرفوا العروس

About these ads
تعليقات
  1. aflaiga قال:

    ود الزبير : اسى عليك الله فى الصوره التحت دى وين العريس ووين العرويس ؟؟ ووين العروس ؟؟ غايتو نحنا حسب معرفتنا بصور العرس انو البيخت اليد فى السدر العروس ولا العريس ما عارف غايتو الله يلعنم كلهم محل قبلو ..
    صديقى س تعب من البحث عن وظيفه وهو يحمل ملف شهاداته الازرق ويتجول بين الشركات والمؤسسات وبعد نهار يوم شاق من البحث ركب بصات المورده زمان وماشى امدرمان بالكوبرى القيم وقعد جنب الشباك وسرحان وخاتى الملف فوق كرعينو فجاة عمك كبير قاعد جنبو دخل يدو تحت الملف وبقى يهبش :
    صديقى س : شيل يدك الله يلعنك هو بدون كده معكسه علينا !!!!!
    ارتبط الشذوذ دوما بضنك العيش وسوء العاقبه والمرد المخز الفاضح فمن لا يستر نفسه لا يستره الله
    وجاييك ….

  2. زووووووول قال:

    ودالزبيرسلااام
    على الطلاق رجالتك معدومه .
    موضوع الشذوذ الجنسى وهى الجريمة الوحيده ربما التى تتنافى مع فطرة الله التى فطر الناس عليها .
    واهلنا فى مناطق الجعليين وربما فى مناطق اخرى من السودان ومن انغولا زاتو يعتبرون هذه الجريمه والسرقه من اكبر العيوب بينما كانوا يرون حتى وقت قريب ان السكر (بضم اوله) فعل رجاله عديل وان الهمبته ضكاره زايده من اللزوم ولهذا كانوا يقولون ارجى سفيه ما ترج باطل .
    كسره :
    بلدياتنا الذى يعمل فى مجال الدعوه حدثنى ان احدهم سأله عن الـ نقط نقط دا لو تاب الله بغفر ليهو ؟
    فاجابه الشيخ بالاية الكريمه (ان الله بغفر الذنوب جميعا).
    فما كان من صاحبنا الا ان سعدل طاقيته على رأسه ثم اجاب الشيخ بقوله : على الطلاق لو غفرليهو ما نافع .

  3. زووووووول قال:

    ود الزبير
    بعدين يا عمك الصور الفوق ديل
    فى الاولى المره يا تا والمره ياتا
    وفى التانيه الراجل ياتو والراجل ياتو
    حير2 نا زا2 (حير تو نا زاتووو)

  4. خالد مدني قال:

    آآآآآآآآآآآآآآآآاا.

  5. حاج أحمد السلاوى قال:

    يا ودالمدنى .أرسل لينا الشفرة عشان نعرف نفك رموز تعليقك الجميل .
    ولو حبنا بقا زى مهند ..ونور ……….نكون عاوزين لينا دكتور !!

  6. خالد مدني قال:

    يا حاج السلاوي دي ما ياها قلت شنو بتاعت الزول السمع وزي الما سمع … زي الجابو ليهو … يكون في شنو ؟؟ يكون دا ردا وعندو جضم ؟؟ يكون دا بنطلون نص كم ؟؟ بري وابوحشيش ؟؟ افتونا .

  7. حكاية قال:

    هسع يا ود الزبير احنا فى شنو وانت فى شنو
    احنا فى مشكلة الحكم دى والولاية والمواطن تعبان تعبته الحياة
    مواضيعك بقت من عينة الشامبيون للموضوع ده
    زمان كنت مواكب السياسه لكن شكلك غيرت بقيت مواضيع اجتماعية بحته شديد
    ياريت تتكلم لينا عن موضوع الكرسى الرئاسى واهدافه وابعاده وتفعيله والشموليه والتكعيب بتاعه
    وفى رايك كمواطن بتقدم حلول شنو
    افليقا مش عندك ضيوف بهناك بباركوا ليك ال 200 مودوع —-جاى بجاى تدى رايك
    الناس جات تهنى ولقوك بجاى قلنا ليهم مع ود الزبير بتناقشوا ليهم فى موضوع سرى للغاية

  8. خالد مدني قال:

    أمممممممك .. امسكوا الجعلي ده يا اخوانا … هيع … يا حليل الدنيا .

  9. ودالزبير قال:

    أفليقا وزووووووول

    جبنا ليكم صوره العروس عشان القصه تقع ليكم ..

    حكايه
    هسه الموضوع ده ما سياسه برضو … قولي لي كيف ؟؟ مش بيتكلم عن علاقات دوليه في بدايته وهي علاقه إسرايئل بأنغولا .. وبعد كده مش تطرق لمقوله يا خرطوم جوطي جوطي .. أها السياسه دي كيفنها وممكن نتناول ليك السياسه من منظور آخر

    خالد مدني وعمنا السلاوي

    ما وريتونا رأيكم في المودددوع ده …..

    سؤال صغيروني كده… الناس مالها إتضايرت …

    حكى لي صديقي ( س ) وهو غير صديق أفليقا ( س ) عن الشواذ في الخرطوم وكيف إن شرطه النظام العام وفي كل يوم أربعاء تقوم بجمعهم في حوشها بالمقرن وتقوم بإجراءت فحص طبيه لهم وتسجيل مواقع سكنهم وكيف إنه شاهد الرجال وهم مخضبون بالحنه وبعضهم ينبعث منه رائحه الدخان والعياذ بالله .. قررت أن أزور مكاتب النظام العام يوم غداً للوقوف على الطبيعه على تلك المناظر وإفادتكم بالحقيقه فقط كونوا معنا

  10. والبقعد فى البلد دى – ياما ح يشوف

  11. ودالزبير قال:

    أسترايكر

    معايا متابع هنا ولا ماشي معايا النظام العام … حدد …أبن …..أفصح

  12. ماشى معاك النظام ظااااااااااااااااااتو يا عمك – قالو من راى ليس كمن سمع – واهو عشان تانى الناس تكلم فى الموضوع ما نقوم نقول ليهم الكلام ده ما حاصل – لانى وصراحة كنت ولوقت قريب اظن بان هذه الممارسات لاتوجد بهذا البلد – لكن بعد عدد من البوستات فى نفس الموضوع و بوست حميدة فى الاون لاين – بقيت متاكد انو البلد دى ماشى على خطر.
    بيناتنا تلفونات يا حبيب.

  13. ودالزبير قال:

    إسترايكر

    بوست حميده في الاونلاين ما طقش عيني خت لي الرابط بتاعه هنا

  14. ودالزبير قال:

    ونحن في هذا المبحث كان لابد أن نجيب سيره ( حماده بت ) وهو لمن لا يعرف مغني الناس عادي جداً بتجيبوها في مناسبات أفراحها وغايتو لحدي هسه ما قابلت الزول ده لكن أظن لو قابلته ممكن أرتكب فيهو جريمه

  15. استلم يا ولدنا – باعتقادى هذا بوست مهم ويناقش ظاهرة غير اعتيادية فى السودان

    http://www.sudaneseonline.com/cgi-bin/sdb/2bb.cgi?seq=msg&board=161&msg=1272672562&func=flatview

  16. حاج أحمد السلاوى قال:

    أخونا شكسبير ..
    شكيتك على الله دا جبتو من وين دا ؟ الولد دا أهله وين ؟
    أين النظام العام من الناس الزى ديل ؟ حسه عليكم الله الصحفية لبنى مش ارجل من الولد دا؟
    ولا يسعنا إلا أن نقول حسبنا الله ونعم الوكيل ..

  17. ودالزبير قال:

    شكراً إسترايكر

    حاج السلاوي

    إنت قاعد وين لو ما نسيبك مدير المباحث الجنائيه !! يعني ما بتعرف حماده بت ومال البيغني أغنيه حسن ساتي منو ( أوع يطلع قرقوري) أها كمان قول لي ما بتعرف قرقوري بتاع مهند ونور

  18. زووووووول قال:

    الساده الاكارم سلااام
    شايف الرجاله دفنت دقن . يا اخونا الموضوع دا ما فيهو اى حاجه والنقاش فيه يندرج تحت قول حذيفة بن اليمان رضى الله عنه: كان الناس يسألون رسول الله صلى الله عيه وسلم عن الخير وكنت اسأله عن الشر مخافة ان يدركنى ….الخ .
    وينطبق عليه وعلينا قول القائل :
    عرفت الشر لا للــشر ولكن لتوقيــه
    ومن لا يعرف الشر من الخير يقع فيه
    كسره : نرجو ان يكون النقاش هادفا لمعرفة الحقائق ولتوقى شرور فتيان(بالنون) الاوتو استوب فى شوارع الخرطوم الذين اصبحوا ينافسون فتيات الاوتو وفى هذا قصص يسير بها الركبان ولا اعلم صحتها من ضعفها لكن مافيش نار من غير دخااااان .

  19. ودالزبير قال:

    زووووووول

    شنو يا فرده يمكن الناس مشغوله بالإنتخابات وكده وممكن كمان ما عندها ما تضيفه للمودوووع البيخوف ده … المهم زي ما قاعدين يقولوا ناس الفضائيات نحن نصل لما لم يصل له الآخرون وكان ربنا سهل بكره ومشيت مع إسترايكر النظام العام سوف نأتيكم بما لم يأتي به الآولون بس إنتو خليكم معانا في برنامجكم ( رجال آخر الزمن )

  20. حاج أحمد السلاوى قال:

    شكسبير ..بن الزبير ..
    قرقورى دا يطلع منو كمان .. ؟. والله العظيم ..وما طالبنى حليفة ..يطرشنى ما سمعت بيهو .زأها شنو ليك ؟ ولعلمك مسلسل مهند ونور دا ما شفت فيهو ولا حلقة ..بس أول أمس سمعت لى طرف اغنية ليها دخل بالمسلسل دا والفنان بيغنى ويقول ..لو فاكرة غرامنا زى مهند ونور .. تبقى واهمة وعاوزة ليك دكتور ..أو حاجة بالشكل دا..لو فى حد عارف المودوع كويس يوصلو لينا ونحن له من الشاكرين ..على الأقل نكون مواكبين الشباب ديل شوية ..ولاّ شنو .. يا … جدو ؟..يا بتاع دال إنت !!

  21. ودالزبير قال:

    حاج السلاوي

    أغنيه مهند ونور هي أغنيه هابطه متنازع عليها بين بعض الفنانيين من بينهم الدعو قرقوري .. كنت قد كتبت كلماتها في بوست أختنا نونو بتاع الريده لكن لا بأس نجيبها ليك هنا بناء على ما يطلبه المدونون :

    لو قايلها ريدتنا زي مهند ونزر تبقي عيانها دايره ليك دكتور

    ريدتنا زي مهند ونور تبقي عيانها داير ليك دكتور
    حسي بتعبي وإجتهادي معاك … راعي لي إني ماشفتا وأحده سواك

    سبحان من خلقك .. ربنا السواك
    رغم تعبي معاك إلا جد بهواك

    أعقلي شويه بطلي الأوهام .. ناس مهند ونور قصه في الإحلام

    عيشي في الواقع وعايني لقدام ناس مهند ونور مسلاسلات وأفلام

    رغم إنو هواك لي فيهو دهور إنتي عاديه لا ملاك لا حور

    يعني يا منقا إنتي عايشه الدور … هسه بالزمه إنتي تشبهي نور

    لا لا لا شوفي ليك دكتور

    إنتي قايله الريد صوره أو تمثيل ولا قايله الريد البيعرفو قليل

    أصلوا حب الناس قدره سامي نبيل

    لو نصون الريد يبقي طعمه جميل

    ريدتنا زي مهند ونور تبقي عيانها وداير ليك دكتور

  22. محنك قال:

    الاخ الصديق ود الزبير

    نحن فى انتظار الجديد ولكن ما جعلنى لا اعلق حتى الان انو ما عندى جديد اضيفو خاصة انو انا من قبيلة زوووووووووول القال زولو انو كان ربنا غفر ليه ………. واستغفر الله لى ولكم

    ولما طلعنا من السودان قبل 11 سنة للاغتراب لم تكن الحالة هكذا وكان النظام العام كشرطة وقانون موجود ولم تظهر موضات ورا موضات من البلاوى من زواج المتعة وزواج السر وبنات الليل والحبسيات والارتريات والله يكرمكم الل …………. . وكل ما اصبح صبح جديد بقينا نسمع العجب … يا اخى خالى اشتغل 40 سنة فى الشرطة ويوم نزل معاش سلم الطلقة الصرفوها ليه زمن الانجليز والان شفع الشرطة ممكن يضربو زول ويكتلو فى شئ تافه … وبرضو ارجى سفيه وما ترجى باطل

  23. aflaiga قال:

    ود الزبير :
    انت اقعد هبش كده لمن يلحقوك محمد طه بدل امات طه ..
    انت قايل الناس ديل ساهلين ؟؟ انت كده بتقطع فى ارزاقهم وتضيق عليهم الخناق طبيعى يستهدفوك وانت عارف انو المثل بيقول ليك احذر لسان منو وبنية منو ؟؟ !! الله يحفظك من بنية العدو !!! ههههههههههه
    تعرفو يا جماعه قبل فتره قريت مقال عن ال gays فى السودان وانهم كانو بصدد تنظيم مظاهره تطالب بحقوقهم شعارها in sudan akiss can cost you your life
    اتخيلو الخلى المظاهره ما تطلع شنو ؟؟ نصيحه من المنظمه العالمية بتاعتم بتقول انو الجو الان فى السودان غير مناسب لهذه الفعاليه ويجب ارجاء النظر فى قيامها لحين توفر الظروف المناسبه لذلك !!!
    يا ربى الظروف المناسبه دى تكون شنو ؟؟ لمن السما تنطبق على الارض ولا كيف ؟؟
    وهاك الفعاليه دى ؟؟ هههههههههه والله غايتو انا ذاتى كان الله غفر ليهم ما بغفر ليهم
    جاييك تانى بعد ما تمشى الاربعاء لمجمعهم فى يوم الزينه حين يلقى كل منهم بسحره
    يا الله يا رب الناس يا من لا ترضى ان يكون بلدنا نهبا لهؤلاء نسالك حين يلقون بعصيهم ان تلقى عليهم بعصاة تاكل ما القو وترد كيد الساحرين
    عصاية انشاء الله شنو اقول ليهم ولا اقول ليك لالا دى بتريحم !!
    هههههههههه

  24. البشاوى قال:

    ود الزبير
    محن -محن – شن نقول ؟ شكيتك لى اب ايدن قوية – البتبحت فيهو دة شيتن شين تب

  25. حاج أحمد السلاوى قال:

    ولدنا الدينمو ..أفليقا ..
    شنو .. يعنى ؟ ما تخلى الناس يمشوا يتونسوا مع التانيين ..حتى الونسة عاوزين تمنعوها ؟ دا شنو دا ؟
    والعاوز يمشى يتونس يقول لى عشان اوريهو يمشى يتونس مع منو … أو يسأل الدينمو ..!!
    غايتو هى لاكين جنس ونسة !!!

  26. خالد مدني قال:

    اصبحنا واصبح الملك لله … يا ود الزبير انت مش كل جماعة في جماعة تانيين بعرفوهم وديل بعرفوهم ؟؟؟ اها الجماعة الطيبين بلموهم يوم الاربعاء وانت واسترايكر ماشين تتفرجو وتصوروهم لينا … فانا بقترح انو يوم لمة الجماعة التانيين يمشو البشاوي والزووووووول وسهيل يشوفوهم ويصوروهم … لكن الضمير هم في يصوروهم راجع لي منو انا ما عارف .

  27. ودالزبير قال:

    البيشاوي ومحنك

    مرحب بكم في عش الدبابير …

    إسترايكر

    أها نفطر ونتحرك ولا نمشي نفطر هناك

    أفليقا

    قلت لي بنيه البتاع كيف .. ترعف يا أفليقا قال ليك كان في طباخ في بورسودان أكيد أبكرون وأبو المنذر بيعرفهوالزول ده كان ممكن عادي يفرتق الحفله وعادي ممكن يطقطق ليكخمسه رجال حته وأحده لكن بكل أسف ممكن تحسبه من أياهم..

    ده بيقودني لإرتباط الطباخيين بتاعين المناسبات بالحاجه دي وده كمان مبحث تاني سنعرض له في حينه

  28. ودالزبير قال:

    هاكم دي ملطوشه من دكان قريب وتتناسب مع مبحثنا المهبب ده وهي مرثيه لشاب من شباب الزمن الأغبر ده إسمه ( حمودي ) مع كامل إعتذارنا لأخونا أفليقا لتاشبه الأسماء ( وبس )

    يااااي وياااااااااي وتاني ياااااااااي
    حمودي قال بِربْ واتاري كا ن بِهظِّر ..
    I really missed him online ع المسنجر ..
    حليلو البشرتو نااااعمة والميج بتاعو أشقر ..
    وحليل سبايبو الفيها الجل ملبَّك وبيجرجر
    ويا حليلو الشجاع الكان بقول لي بوبي جَر ..
    ويا حليلو الصبور العمرو مِن ال facebook ما فتر ..
    فقدنك بنات مامون حميدة الليهم كنت مكسِّر ..
    وفقدنَّك بنات الأحفاد الفي نصهم كنت متحشِّر …
    وفقدنَّك بنات التقانة الكنت زيهن وأكتر
    وبكنَّك بنات ال group الإسمو ، واي الفول Is very danger
    وفقدك ولد أم بدة الكان طوااالي بدُقك الإسمو عنتر ..
    وأحيَّ يا حمودي موتك بالجد ياخي أشتر ..!!
    يعني ما ممكن تقول لي برب وتاني ما تظهر؟؟
    وأحيَّ لو شفت ال girlfriend بتاعتك حالتها كيف بِتقهر..
    يوم جات العزا بتاعك بالtop الأسود وال stretch الأحمر ..
    واااي منها يا حمودي.. وعاملا عدسات بالأخضر !
    وأحي لو شفتَ صاحبك تُوني…
    بيشد في شعرو ال spiky زي الهندي الأحمر ..
    ويبكي ويبكي وأنا كنت قايلاهو really متأثر ..
    أتاري نسى عدساتو والجو كان مُغبَّر ..
    أحيَّ منو لما قال ليِّ :sorry يا طنط ،
    حمودي قال برب
    لكن الظاهر ما حيقدر !!
    ويااااي وياااي وتاني يااااي
    حمودي قال برب
    وأتاري كان بِهظِّر

  29. شوية وح اكون معاك يا ولدنا – خليك قريب من التلفون.

  30. ودالزبير قال:

    أسترايكر

    لو لقيت ( سوداني ) مقفول دق لي في ( زين ) قاعد راجييك

  31. مُخير قال:

    الأخ العزيز ود الزبير سلام
    الحبان في كل مكان سلامات
    يا مصطفى كعادتك مشاتر وموضوعك ملغوم ومزعج ومخيف كما تفضل البعض، سبقك الأخ أفليقا في طرق الموضوع من زاوية أخف وطأة على قلوبنا وهي الميوعة والتشبه وأكتفى المتداخلون حينها بالتأكيد على أنهم ملعونون مطرودون من رحمة رب العالمين ولم يدعوا أحد لهم بالهداية، وفي هذا تلخيص للعقلية الجمعية السودانية في النفور من كل ما هو شاذ ومايع.
    مع ذلك لا نملك إلا أن نتفق معك في أهمية وضرورة قرع أجراس الخطر بدلاً عن التنصل ونكران الواقع ودفن الرؤوس في الرمال، فما تطرقت إليه أحد الوجوه العديدة للسقوط الأخلاقي المريع الذي إستشرى في مجتمعناالسوداني في زمان الخلافة الراشدة لمن تؤيدون بقائهم على سدة الحُكم لأربع سنوات أخرى، طبعاً ليس من الإنصاف تحميلهم كل المصائب لكن ما لا تستطيع أنت ورصائفك من المناصرين للنظام إنكاره أن للسلكات دور كبير في ما آل إليه الوضع، فإنغماس أرباب الأسر في لهاث محموم خلف اللقمة وتوفير الضروريات أكل كثير من المساحات الزمنية والذهنية التي كانت متوفرة للأجيال السابقة في رصد وتقييم وتقويم أية ميلان في البيت أو الجوار أو الشارع. تربى جيلنا في الشارع لكن كان بمقدور عم صباحي الغسال أن يجلد أياً من عيال الحي إذا أخطأ أو قل أدبو على كبير، وكان بمقدور عم محجوب سيد الدكان أو ينهر أي بنت رأسها كاشف، يعني بالمختصر المفيد كانت مسئولية التربية جماعية وكان الحي عبارة عن أسرة واحدة، الآن في ظل الأنقاذ لم تعد الأسرة أسرة بالكاد يجتمع شملها في مائدة، الوقت معدوم والكل جاري جاري، الوليدات بقول زي البنيات في لبسهم وشعورهم ملطخة بالجيل وسلاسل وبانقلز وما غريب يلبسوا حلوق ويمشطوا شعرهم. عمموماً مشكور أخي على تسليط الضوء على الموضوع رغم حساسيته العالية لكن ما أحوجنا للضوء والنور لفضح كل التشوهات القبيحة التي باتت تستشري كالنار في الهشيم ونحن مشغولون وربما نحاول الهروب بعدم التصديق تارة ووصف الأمر بالمبالغة والتضخيم.

  32. مُخير قال:

    طبعن السلكات قصدت بها “السلطات ” والله يزع بالسلطان ما لا يزع بالقرآن، فالحاكم مسئول أمام الديان يوم الدين عما يحدث، ونحن لا نملك غير أن نستهجن الشذوذ ونقبحه ونحاربه بكل ما أؤتينا من قوة.

  33. DAKEEN قال:

    اوافقك الراي في ما الت اليه حال المجمتع من تفكك اخلاقي ،،،
    واضيف نقطة قد تكون من المحظورات ،،،، ولكن لابد لنا ان نتطرق لها ولو بالقول فالفعل اصبح ماضٍ
    وهي الفلهمة العوراء – الحريات الشخصية وحقوق الانسان والمصطلحات المستوردة الرنانة فليس كل ما يلمع ذهبا ،،، فقد كانت المدرسة هي المربي وصارت بين المطرقة والسندان فالمطرقة هي مال الاهالي الميسورين والسندان هو رسالتة المعلمين التي انتهت بانتهاء موسم الرسالة حيث اصبح ضرب الطالب في المدرسة قضية حقوقية وضرب نهر الطفل في الشارع تعدي على الحربات فكلمة الحق اصبحت مهضومة في ظل الحريات والاستقلالية الوهمية التي يمارسها الاباء فما ان تفتح فمك بالحق في وجه شاب او شابة حتى تجد عسكري بامر قبض في بابك ومحاكم وسوالف وكله عشان قلت كلمة حق .
    الزاوية الاخطر ،،،، وعلى مستوى القرية لا المدينة هي وجود المسيح الدجال والذي تمثل في التكنولوجيا بلا رقيب او حسيب ابتداء من الفضائيات انتهاء بالانترنت … فهذه اما شغلت الناس عن ما هو خطأ وصواب اما انها سلبت عقولهم وصرنا نحاكي ما ياتي منها وان تكلمتم ايها الرجعيون فمصيركم هو مصير الاب الذي جاءه طلب حضور من المحكمة والشاكي فيه ابنه والقضية انو اداهو كف قدام زميلاتو في الجامعة – والبنات شهدوا على الوالد واتهموه بالرجعية والحيوانية والابن لازم يجاري الموضة ومستحدثات العصر ويثبت وجوده كانسان قادر على عصيان والده وبر زميلاته والبر بالموضة والاستايل اهم من بر الوالدين وتوصل القضية للامم المتحدة والجندرة وصحافة الفضائح تولع نيران الشباب الباقيين ويبقوا كل الاباء في السجن والابناء في حفلات عيد الميلاد الامهات في سوق الثياب الحديثة وجدهم مركون في زاية بعيدة من البيت عشان الناس ما يشوفوا العجوز المخرف دا عشان بقول دا صاح ودا غلط ويابت غطي راسي ويا ولد خلي المياعة ويفضح الاسرة الكريمة وتحياتي للاسرة الكريمة

  34. ودالزبير قال:

    دكين
    إنت دكين البنعرفه ولا دكيناً تاني … في كل الأحوال مرحب بك هنا وشاكر مرورك

    مخير

    الحكومه عيشتها تطير…. هسه يعني الواحد ممكن ببساطه يتقلب صقر ويجي يقول والله ده بسبب معارضتي للنظام الحاكم ولا كيف يعني…
    بالمناسبه جأنا قبل قليل أنا والأخ إسترايكر من شرطه النظام العام ويبدو إن معلومتنا كانت ناقصه شويه حيث لم نجد أي تجمع لهذا المجموعات لكن لدينا قصه أخرى أترك المايكرفون لأسترايكر ليحكيها لكم

  35. زووووووول قال:

    ود الزبير سلاام
    القصه طلعت فشنك والمجتمع طاهر ولا ايه .؟؟ يا عمكنحن راجين الفته من الصباح تجى تقول لينا اترك المايكرفون .
    اين انت يا سترايكر .؟
    السيد مخير سلاااااام
    اولا ورغما عن اختلافى مع بعض اطروحاتك السياسيه لكننى استمتع حد الثماله بما يسطر قلمك وترانى سكران وما انا بسكران ولكن كتاباتك تاسرنى وتاثرنى .
    اما قصة مسؤلية الانقاذ والحكومه عن هؤلاء الاوغاد والبطال والخياس فلا والف لا يا مخير .
    الحكومة مسؤلة عن كل بغلة تعثر فى العراق ومسؤله عن كل مريض لا يملك قيمة الدواء ومسؤله عن كل تلميذ ذكى ترك الدراسه بسبب فقر والده . ومسؤله عن كل كفاءه تشردت بسبب معارضتها للنظام …… الخ .
    لكن صقور الصبيان (ما الجديان) ومن لف لفهم فكل شاة معلقة من عصبتها ولا تملك الحكومه ما تحرس به هؤلاء ومن لم يستطع حراسة جسده فلا يلومن الحكومة ايا كانت .
    كسره :
    الدكتور (س خ) من اشطر اطباء الباطنيه فى نهر النيل والسودان على الاطلاق . كان وما زال يعارض نظام الانقاذ وفى ايامه الانقاذ الاولى كان يفتى كل من يأتيه مريضا بانه مصاب بفقر الدم وان السبب هى الحكومهلانها لم توفر الغذاء .
    افليقا سلااام
    قلتا ليا نعمل حسابنا من بونية البتاع ولسان البتاعه ؟؟
    محنك سلااام
    غايتو يا محنك كان الله غفر الناس ما بتغفر حمانا الله .
    دكين سلاام
    مرحبا بك بين ظهرانينا ونتمنى لك اقامة طيبه بيننا . المصيبة يا دكين ان بعضهم ينقم على الهيئه القوميه للاتصالات بسبب اغلاقها لمواقع الغثاء .وهذا من حسنات الحكومه يا مخير .

  36. aflaiga قال:

    ود الزبير : فى زول بيمشى بالنهار كايس ناس الليل ؟؟؟ يا راااجل !! بالنهار ده بتلقى غير المعتادين بس !!
    زوووول : ذكرتنى بكلامك دخ قصه يحكيها العسكريون فى ونساتم :
    يحكى ان احد الطلبه العسكريين فى احد المعسكرات تم ضبطه مع احد زملائه فى حالة تلبس وفى الاستجواب بواسطة تعلمجى جنوبى شفت :
    التعلمجى : اها يا ولد ولا بت انتا الهسل شنو ؟؟
    الزول : واللااهى يا جنابو انا صحيت من النوم لقيت الوضع على ما هو عليه وبس !! وانا كنت نايم والله ..
    التعلمجى : هووووى دا – فتح اينك كويس انت ااوز تخنعنى انو انت ما هسيت بالقصه دى ؟؟ والله الشخل ده لو ختوهو ليك فى كورااءك تنط زى الدقاك اقرب امسى بالله يا اواليق
    وقام برفع التمام لضابط القضية بان الذى حدث مع سبق الاسرار والترسد وسوء النيه والرضا والقبول !!!!
    برضو تقول لى الانقاذ هى السبب – شفت يا مخير يا ود امى اى شيئ بالشقاق الا ده بالاتفاق ولو انو احيانا الاتفاق بيكون تحت ضغوط لكن ابدا ما مستساغه انو الراجل ينضغط لمن يجيب الزيت – غايتو كل النماذج المرت على ( فى الاطلاع طبعا ) عباره عن نماذج هوايات !! وليس بها اى شخص تم دفعه دفعا لهذا المصير المشئوم الا الدفع عبر الاكراه وده باب طوييييييييييييييييل حنجيهو برواقه فى التعليق الجاى ..
    غايتو يا ود الزبير الله يثبت اجرك ويثبتك انت ذاتك ..

  37. الاخوة اللاعزاء وكل المتداخلين تحياتنا ليكم
    مشيت قبيل مع اخونا فى الله ود الزبير الى ( الادارة العامة لامن المجتمع ) وهناك عرفنا ان يوم الجمع بالنسبة للاخوة موضوع البحث ليس اليوم.
    تطوع احد الاخوة وقام بتعريفنا باحد الاخوة التائبين من الموضوع اياه – وقد قام بوعدنا باعطائنا مزكراته فى الموضوع نفسه.
    اتفقنا مع احد الاخوة بالادارة – على ان يقوم بالاتصال بنا فى يوم لمة الجماعة للحضور والوقوف على مايحدث اثنائه.

    .
    .
    .
    .

  38. خالد مدني قال:

    قالو البعيش الدنيا ياما تشوفو … وناس النظام العام ديل بلموهم لي شنو ؟؟؟

  39. aflaiga قال:

    مشهد سغنتوتى :
    حماده او كما يحلو لاسرته تسميته احد اطفال حينا الطرفى بامدرمان – ما نعلمه عنه انه حماده ود مها السمحه !! اما من ابوه فلا احد حتى رحيلهم من الحى يعلم – لكن طراطيش الكلام كانت تتحدث عن انه ود البيت فمها واخواتها اكرمكم الله كانو يستضيفون العديد من الشباب والرجال فى المنزل العامر بهم !! فى هذا الجو تربى حماده رجال خاشين رجال مارقين – حماده كان زبون دائم لبقالة ابكر حيث لا تمر نصف ساعه الا ويكون حماده فى البقاله اما شايل صندوق بارد ماشاء الله او ماكولات من حاج ابكر الذى كان يكن احتراما كبيرا لمها برغم سمعتها الما ياها الا انها تجاه حاج ابكر كانت غاية الاحترام والتقدير فهى من اهم زبائنه واكثرهم شراءا من البقاله – نعود لحماده موضوع قصتنا – فى احد الايام اختلف عثمان الذى كان معروفا فى الحى بانه خال حماده وشقيق البنات مها واخواتها – اختلف مع ناس البيت وبدات المعلومات تتطاير هنا وهناك اخرها كان ان حماده قد اصرت البنات على كسر عينو لما كبر وبدا يستفسر عن الرجال الضيوف الكتار ديل وعن ابوهو الما شافو وعن خالو الما خالو وعن سبب نظرات اهل الحى له – فقمن بكل تججرد من الانسانية بكسر عينو عبر ارغامه على ممارسة الشذوذ مع احد زبائن البيت ومن ديك وحماده شايف وساكت – مرت الايام وكبر حماده وسمعنا انه قد سافر لاحدى الدول الاوروبيه هاربا من الواقع الاليم …………

    كسره :
    هذا نموذج لاحد الانماط التى يمكن ان تكون اسباب وجود شخص شاذ وغيرها كثير من الانماط وهذه الانماط يمكن ان تعد تحت العنف ضد الاطفال والاجبار القسرى على تحوير السلوك الطبيعى ..
    وجاييكم بمشهد تانى عن حاله تانيه فى نفس الاطار …

  40. aflaiga قال:

    ستريكر : بالله غيرو اليوم لقو الاربعاء ما مناسب ولا شنو ؟؟؟ بالله عليك الله ديل مش مفروض يلموهم ويعدموهم وتكون الاربعاء الجايه اخر اربعاء ليهم فى الدنيا ؟؟؟ قلت لى اعترافات تائب ؟؟!! اها نعرفو تائب كيف مش يمكن يكون ده ذاتو حنك ؟؟ غايتو انتو الاتنين يوم بتتوبو ليكم زول بالطريقه دى ..
    اها نحنا فى انتظار اعترافات التائب والتائب من الذنب كمن لا ذنب له ولا شنو يا زوووووووول ؟؟

  41. aflaiga قال:

    مشهد 2 :
    البيت كان بيت ضيوف وعامر بالزوار من شباب الاهل وبطل قصتنا كان اصغر ابناء صاحب الدار المشهور بالكرم الحاتمى والذى كان يتغاضى عن اى شيئ بمجرد دخولك منزله ضيفا فلا هو بالذ1ى يراقب سلوك الضيوف ولا هو بالذى يفصل بين اهل الدار والضيوف يعنى زول على نياتو – فى ذلك الشهر سكن معهم بالمنزل احد طلبة العلم من ابناء الاهل وهو شخص مشكوك فى سلوكه وقادم من البلد بفضيحه مشهوره فى نفس اطار موضوعنا – لم يضع الضيف اى اعتبار لصاحب المنزل الذى اطعمه من جوع وامنه من خوف فقام برد الجميل بصوره بشعه فى الابن الوحيد ولمده شهر كامل كانت العلاقه الاثمه ممتده بين الطفل والضيف حتى اضطرت الظروف الضيف لترك المنزل والسفر للخارج عاملا باحدى دول الخليج وهنا حار الطفل فى امر مواصله سلوكه المنحرف الذى اصبح عاده لا يمكن التخلى عنها وخرج لشارع الله اكبر ومن ديك وعييك – صديقى س ذو علاقه قرابه بالاسره وحكى لى ان الطفل ( الرجل الان ) كان يدمع وهو يحكى له عن قصته المهم فى الامر ان صديقى س قد اكد انه قد دار الحوار التالى بينه وبين الضحيه :
    س : عليك الله كنت بتستمتع بالفعل ده ؟؟
    الضحيه : اصدقك القول اننى كنت احتقر نفسى بشده بعد كل مره كنت امارس فيها هذا الفعل الشنيع ولا اجد اى لذه فى ذلك ويقينى ايضا ان الفاعل بذات النظره لكنه ابتلاء من الله تعالى .
    س : بذمتك ما هو التغيير الذى خدث فى حياتك منذ بدات هذا الدرب ؟؟
    الضخية : يشهد الله اننى ومن اول ممارسه صرت منطويا وخجولا واحقد على اى رجل معتد برجولته واتمنى ان يكون الكل مثلى – كنت الس فى مجالس الشباب او الاطفال او الرجال لاحقا وكان ما يقولونه لا يعنينى .

    الملخص :
    الحياء شعبة من شعب الايمان تنتزع بمجرد انتزاع موجبات الرجوله التى اهمها ان تكون رجلا تمارس ما امرك الله به من حيث امرك ولا تخالف طبيعة الاشياء ومع اول انتزاع لهذا الحق الرجولى ينتزع الحياء والنخوة والرجوله والشهامه فيصير الرجل مسخا لا هو برجل ولا هو بمراه – والشارع جل جلاله حين عظم من عقوبة هذا الفعل عظمه لعلمه بعظم حقارة هذا الفعل وحطه من مقدار الرجل والانسان بصفة عامه . وانظر اخى دام فضلك فى من حولك وارصد حركات وسكنات احدهم بالتاكيد سترى مسخا لا انسانا ..
    والله اعلم ……..

  42. DAKEEN قال:

    خليكم من الجماعة ديل عندهم تنظيم عالي وفيه من القيادات والشخصيات المهمة ما تشيب له راس الوليد ، مش الوليد بتاع روتانا الوليد – الولدوه الليلة .
    والقصص عنهم تطول وتتطاول خلونا ونشوف مستقبل الجايين عشان ما يقعوا في الشبكة دي. فجهاز الامن المركزي ما قدر عليهم لانه راس السوط وصل وانقطع .

  43. aflaiga قال:

    دكين : حباب مرورك ومرحب بيك بيننا .
    زى ما قلت خلونا نشوف مستقبل الجايين :
    انا شخصيا اديك روشته سغيرونه للوقاية :
    1 – راقب سلوك اصدقاء الابناء .
    2 – راقب سلوك الابناء انفسهم .
    3 – تحدث مع الابناء عن الامانات الذكورية ومعناها العملى فى الحياه .
    3 – اشع بين الابناء جو من القيم الحميده والرجوليه دون تعصب .
    4 – تاكد من اماكن دراسة وزيارات ولهو وترفيه الابناء انها لا تحوى من يشتبه فى سلوكهم واحذر المظاهرالخداعه التى تغالى فى اظهار التدين او عدمه .
    5 – الانطوائية والعزله احدى اعراض هذا المرض .
    6 – تحاشى المجتمعات الذكورية او الانماج فيها بتطرف احد اعارض هذا المرض .
    7 – راقب البعد عن المظاهر الرجوليه العادية من ماكل وملبس وطريقه حياه .
    8 – تاكد من سلوك المحارم فى المنزل عبر طرق لا تشيع نظرية المؤامره والشك فى المنزل .
    9 – تجنب المجتمعات تحت خط الفقر او فوق خط الرفاهيه وحاول التعايش فى المجتمعات الوسطية .
    10 – سائق الترحيل والمعلم الخاص وشيخ الخلوه وكل من يرتبط مع الابناء بعلاقه تجعلهم يقضون اوقات طويله معه تاكد من سلوكهم ويستحسن التحرى عنهم بشكل اجتماعى عادى لا يكرس للفوبيا .
    11 – راقب الظواهر السالبه وهى كل انحراف لاى نشاط من حالته الطبيعيه مثل النوم والحمام والرياضه والاكل واللعب والمذاكره والقراءة وممارسة الهوايات والعبادات والالتزامات الاجتماعيه العامه .
    وفى الختام التربيه الفاضله على الاخلاق السودانيه الاصيله ومن قبل على اخلاق الدين الحنيف والحض على الصلوات التى تنهى عن الفحشاء والمنكر والبغى .
    وجاييك تانى لو الله هون ..

  44. aflaiga قال:

    توضيح بسيط :
    قد يكون الخجل من التطرق لهذه المواضيع مع الابناء مانعا من اخذ الحيطه لكن تذكر ( حرص ولا تخون ) .
    يعنى فيها شنو لو قلت لى ولدك :
    شوف يا ابنى الله خلق الراجل راجل والمرا مره خلق الراجل بسلوك ومكونات ذكورية عشان يستخدما فى تحقيق اهداف ساميه وهى ذايدة النسل والاستمتاع الطبيعى المقنن بسنن الحياه وخلق المراه برضو بسلوك ومكونات انثويه وممكن تشرحا ليهو بالتفصيل – عشان كده يا ابنى خلى بالك انو اى شيئ فى محلو بى زمنو وبى اصولو وقع ليك ولا اعيدو ليك يعنى استلمت نضيف سلم نضيف ..
    اسى اخير تجرح مشاعر الولد ( ده لو فيها جرح مشاعر ) وتنورو عن الصاح شنو ولا اخير بعدين تقعد تلملم جراحو .
    فى حته مهمه جدا وهى السكوت عن العنف ضد الاطفال وده فى حد ذاتو جريمه مفروض تنبه الطفل لى انو اى محاولات عنف تتخذ ضده يعمل شنو ويتصرف كيف ولازم يكون فى صراحه بين الاب وابنه فى الحته دى بالذات لانو اخير يجى يقول ليك يا بابا فلان حاول يسوى معاى كده من تسمع من الناس انو ولدك مثبتو فلان وزى مرتو !!!! والعياذ بالله !!!
    حقيقة الموضوع شائك ويحتاج لوقفه قويه فى مجال التنوير والوقايه وفى الزمن النحنا فيهو ده ما اظن انو عندنا راس مال غير شفعنا ديل فاحسن يطلعو رجال ما دام مع الظروف الاقتصادية دى ما حيطلعو رجال اعمال اخير يطلعو رجال على اقل بعدين الاعمال بتجى ولا شنو يا ابكرون ؟؟؟

  45. عباس قال:

    اللهم نسالك اللطف
    الله لا كسبم ولا غذى فيهم بركة
    بقو كتار وعينم قوية في اي حتة متواجدين وبكثرة
    البيت ثم البيت ثم البيت بمن فية الاب +الام + الاخ الاكبر ان وجد هم المسئولين عن الاطفال وسلوكهم
    لانامن علي المدرس في المدرسة وابناء الجيران وبتاع دكان الحلة (الحي) والكوتش بتاع الكورة واولاد الاهل بالاخص برضو فيهم البايظين ودايرين يبوظو خلق الله
    وزي ماقال افليقيا – تتعدد الطرق والوسائل والهدف انو ننور درب الشفع ونديهم فكرة عن المواضيع دي باي مدخل او وسيلة اوطريقة الناس تحاول تتطرق للمواضيع دي مع الاولاد حاجة مهمة جدا والله ياخوانا

  46. DAKEEN قال:

    الجميع :
    شكرا للترحيب وانشاء نفيد ونستفيد من مداخلاتكم.
    نرجع تاني ونقول انه المسألة ما فطرية المسألة مصطنعة من المجتمع وليه دور كبير في انتشارها لو فضحنا امر كل الصقور وكشفنا ورقهم بعد داك الشفع بعلموا حسابهم وبخافوا حتى من الاقتراب من الوكر الا يكون الصقر عند شراك وشراكم كتيرة بعد دا نوعي الشفع بي شراكم بداية من مسح الراس وانت ود منو الى ان يشتري ليه الحلاوة وتتكرر المسائل والمسكين الشافع ما عارف الراجيه.
    بعدين ليه ذكاء وحيل عجيبة للتقرب من فرائسهم . وحماكم الله ونتمنى من ناس الميكرون يجيبوها على لسان التائب أشان نهن ذاتو نأرف هاجة.
    شوفوا يا اصحاب ،،، من الصقور بالبتلقاه مجال عمله بربطه بالفئة المستهدفة ومنهم من يكون له سلطة عليهم ومنهم من تكون مصالحهم مرتبطة به بشكل ما واستقلال نقاط الضعف لدى الشفع هو القاعدة الاساسية عشان كدة نشوف سلوكيات شفعنا ونقاط ضعفهم الممكن يستقلوها الجماعة ديل ، يعني لو كان بحبي البيبسي ولا الشوكولاتة نشوف طريقة عشان الصقر ما يشرك ليه بي بيسي ولا شوكولا .
    وزي ما بقولوا الوقع في الحفرة دي ما عايز يكون براه لا زم يدفن معاه ناس تانيين ودي سياسة التسويق الهرمي او الشبكي الغير مخطط .

  47. ودالزبير قال:

    شباب

    زي ماقال إسترايكر مذكرات صاحبنا التائب يمكن نعمل ليها بوست منفصل لو شفنا إنها أكبر من إن تحشر هنا..
    دكين شاكر ليك إثرائك للحوار والنقاش والشكر يمتد ليصل أخونا أفليقا..

    تأملوا العبقريه السودانيه العاميه وهي تطلق هذا اللفظ ( الصقور ) لتوصيف هذه الفئه الصقر ذلك الطائر العزيز لدى العرب أصبح وصف بني آدم منحط هل كان وجه الشبه بينهما هو عمليه الخطف حيث يقال بالعاميه خطف مني الحاجه زي الصقر أما هناك أسباب آخرى لهذه التسميه وهناك مسميات للفئه السالبه لا نستطيع أن نكتبها هنا لدعاوي الرقابه الذاتيه .. الغريب أنني مررت على مواقع لهؤلاء الشواذ بالفيس بوك وهالني ما قرأت يأخي دي حاجه عجيبه وكميه الحوارات والنقاشات الهناك المشترك في الفيس بوك ممكن يفتش عنهم بالأسماء الإنجليزيه وراح يلقي ما يشيب له الولدان

  48. زووووووول قال:

    افليقا ، دكين ، وعباس
    كتر خيركم كتير اصبتم كبد الحقيقه وساهمتم فى الوقايه من شلل الاطفال !!الذى يشلهم ويجعلهم عاجزين ومضرين كمان فى المستقبل .
    المصيبه يا ود الزبير ان هؤلاء الصقور متزوجون ولهم ابناء وبنات والمصيبه برضو انهم لا تفتر لهم همه فتجد السبعينى والثمانينى واحيانا التسعينى يلهث خلف هذه القاذورات فى الوقت الذى كان عليه ان يتفرغ للصلايه والسبحه والابريق ويبتعد حتى زوجته الحلال .
    الله لا تريحهم ديل افات .

  49. ودالزبير قال:

    ( منقول )

    تعود قضية المثلية الجنسية في السعودية لتطرح جملة من الأسئلة مجددا حول أسباب الانتشار الكبير لهذه الظاهرة في بلد محافظ كالسعودية، وخاصة في ظل ازدياد الحوادث التي تشهدها المدن السعودية والتي تتعلق باعتقال الشرطة لعدد من المثليين خلال زفاف أو حفل جماعي وغيره.
    وتشير وكالة “أخبار المجتمع السعودي” أن شرطة الرياض قامت بمداهمة حفل صاخب لمجموعة من المثليين في شقة سكنية وألقت القبض على 13 شخص كان بعضهم يرتدي ملابس نسائية فيما عثر بحوزتهم على أكثر من 9 زجاجات خمور وكمية من المخدرات وأعضاء جنسية صناعية.
    وكشفت التحقيقات الأولية أن الشقة التي تحولت لوكر للمثليين جنسياً يديرها خمسيني فرغ نفسه لتجهيز السهرات الحمراء لهم وعمل على توفير الملابس النسائية وأدوات التجميل والأعضاء الجنسية الصناعية مقابل ممارسة الشذوذ مع بعضهم.
    وتشير مصادر “هيئة الأمر بالمعروف” في السعودية أن عدد الأشخاص الذين تم ضبطهم بقضايا الشذوذ الجنسي بلغ في عام 2008 حوالي 19 ألف شخص منهم حوالي 11 ألف سعودي.
    وتنقل صحيفة “الوطن” السعودية عن رئيس فرع وزارة الشؤون الاجتماعية في منطقة مكة المكرمة الدكتور علي الحناكي قوله إن “المثلية لدينا ليست ظاهرة، وإنما مشكلة لا بد من الانتباه لها، وتكاتف المجتمع بجميع مؤسساته لكبحها، على الرغم من وجود اعتراف دولي بها”.
    ويرى مراقبون أن الكبت وتحريم الاختلاط بين الجنسين الذي تمارسه السعودية عبر أجهزتها الأمنية وخاصة “هيئة الأمر بالمعروف” يساهم بشكل كبير في انتشار المثلية الجنسية بين الذكور والإناث في بلد يجرم فعل الزنا ويحكم على مرتكبيه بالإعدام.
    وقبل أعوام أجرت السلطات السعودية تحقيقا مع 50 شخصا زعموا أنهم حضروا زفافا لمثليين في المدينة المنورة.
    وأثار التقرير الذي أوردته صحيفة “آراب نيوز” عن الحادث جدلا في السعودية التي تطبق الشريعة الإسلامية بشكل صارم وتفرض قيودا على العلاقات الجنسية.
    وقال المحققون إن بطاقات الدعوة للمناسبة تشير إلى أنها كانت مناسبة تجمع مثليين فيما أشاروا إلى سلوك يثير الارتياب من قبل المدعوين.
    وتقول الكاتبة أمل زاهد “لا بد أن نعترف أن هناك الكثير من حالات المثلية الجنسية في مجتمعاتنا، وأن هذه الظاهرة باتت ملحوظة مؤخرا عند الجنسين في بلادنا!”.
    وتشير في مقال لها بصحيفة “الوطن” إلى وجود شوارع في بعض الأقسام النسائية بالجامعات السعودية تسمى “بشوارع الحب، تسير فيها الفتيات جنبا إلى جنب، وتتأبط كل منهن ذراع الأخرى في زهو وتباه على رؤوس الأشهاد بدلا من أن تشيح وجهها خجلا من قبح ما ابتليت به!”.
    وتشير مجلة “أتلانتك” الأميركية أن السعودية الملتزمة بالوهابية تمنع الاختلاط بين الجنسين، ولكنها قد تتغاضى عن سلوك المثليين طالما التزم ممارسوه بمظاهر وأصول الوهابية.
    وتنقل المجلة عن أحد المثليين قوله “أن تكون شاذا جنسيا اسهل بكثير من أن تكون سويا (….) اذا خرجت مع فتاة سيسألها الناس ولكن اذا قابلتها في الدور العلوي داخل منزلك لن يكلف اي من أفراد عائلتك مشقة الصعود اليك”.
    وكانت روية “الواد والعم” التي صدرت قبل أعوام أثارت جدلا كبيرا في السعودية كونها تتطرق بشكل مباشر ودقيق إلى ظاهرة المثلية الجنسية في السعودية.
    ويشير موقع “العربية” إلى أن الرواية التي كتبها الصحفي السعودي مفيد النويصر نقلت جانباً مسكوتاً عنه في علاقات المثليين “وطبيعة تلك العلاقات بين قائد ومقاد وقاهر ومقهور وحظ كل طرف من هذه العلاقات التي يلخصّها التعبير الحجازي ‘الواد والعم”.
    وتناولت الرواية أساليب المثليين في عرض أنفسهم وغزلهم السافر وكسراتهم الغنائية الخاصة، وقارن المؤلف بين كل ذلك وبين مشهد مماثل في منطقة “سوهو” في العاصمة البريطانية، حيث تأتي المثلية خياراً لا قهر فيه ولا اغتصاب، حسب العربية.
    وتشير زاهد إلى أن المثلية الجنسية ظاهرة موجودة في كل المجتمعات “وكان لها حضور متوار ومستتر إلى حد كبير في المجتمع السعودي في الماضي..فهي ليست جديدة، وليست خاصة أيضا بمجتمع دون آخر أو بوقت دون سواه وإن كان حضورها يزداد كثافة وانتشارا في المجتمعات التي يتم فيها الفصل التام بين الجنسين”.
    وتضيف “لاشك أن الانحراف الجنسي ظاهرة معقدة جدا وتتداخل فيها عوامل شتى وليس من السهل أن نضع لها قانونا عاما كما يؤكد عالم الاجتماع العراقي علي الوردي الذي يرى أن أحد أهم أسباب انتشارها واستشرائها هو الفصل بين الجنسين في المجتمع، وأن بيت القصيد هو محاولة التقليل من هذه الظاهرة والحد من استفحالها، فلا يمكن القضاء على الجريمة أو الانحراف أو ما شابه ذلك من المشاكل الاجتماعية قضاء مبرما، ولكن بالإمكان تقليص نسبة ازديادها وذلك بدراسة الأسباب والدوافع التي تفرزها ثم وضع الحلول”.

  50. التركــــى قال:

    الأخوة الأعزاء سلام الله عليكم
    الشذوذ الجنسى واقع مرير وقديم جدا كل ما فى الأمر أننا فى السودان كنا ندفن رؤوسنا فى الرمال كعلاقتنا بمرض فقدان المناعة (الايدز) … وأعتقد أن مشكلة الشذوذ يفرزها المجتمع لما فيه من ضغوط وتستر …. هذا مع العلم أن هناك هرمونات انثوية قد تكون زائدة لدى بعض الرجال والعكس صحيح أيضا … أرى أن الموضوع يكون هل نسمح لمن تزيد عنده هرمونات الجنس الآخر بأجراء عملية للتحول الى الجنس الأقرب أم نتركه يتخبط عقليا ونفسيا …. حسب علمى أن أغلب السودانين (المتقبلين للوضع) يقومون بأجراء العمليات اذا كان التحول من بنت الى ولد أما العكس فنادرا مايرضى به الأب …. أعتقد أن الجانب التربوى والمحيط له أثر كبير فى مثل هذه التحولات فبالأضافة لما أورد الأخ افليقا من امثلة هناك أيضا شواذ الداخليات الطلابية والأمثلة كثيرة …. أخاف أن اخلط بين الشذوذ الجنسى والأنحراف ولو لا ذلك لتطرقت لمن ينتظرون (فضل الزاد) على الطرق العامة . ود الزبير متعك الله بالصحة والعافية لتكثر من مواضيعك الهادفة الحساسة مع حبى وتقديرى للجميع

  51. سكارنو قال:

    الاخ ود الزبير وكل الاخوه المشاركين .. لكم التحية
    اذا نظرنا للموضوع من زاوية قريبه , ستسيطر علينا مشاعرنا الغاضبه , فلا نرى سوى قبح هذا الفعل المنكر . بحكم ديننا الاسلامى . وحكم عرفنا السودانى الاغبش , فنستغربه ونستنكره بامتعاض وغضب
    ولكن بنظره ثاقبه متانئيه , نجد ان هذا الشآن المؤسف ليس بدخيل حديث العهد على السودان , وليستعين كل منا بذاكرة التاريخ القريب , فنجد انه بكل حى من احياء العاصمه المثلثه . كان هناك بيت مستآجر واحد على الاقل يقطنه احد ال ( نقط نقط ) , و يتشاركون جميعهم خلفية واحده فى الغالب الاعم , وهى ان 90 % منهم جذورهم تنحدر بعيدا عن العاصمه , وان اعمارهم متقدمه وفوق الاربعين , وانهم كانوا لايستبيحون حرمة الحى الذين يقيمون فيه , ويمتهنون الطباخه , او كشيوخ زار , وفى تقديرى انهم كانوا مرحب بهم للخدمات التى يقدمونها من طباخه فى المناسبات السعيده والحزينه باجر مدفوع , وانهم كانوا يعيشون بالاحياء كالاشباح ولايتقاطعون الدروب نهارا جهارا .
    واذا صرفنا النظر عن هؤلاء , فقد كانت – قبل محاكم العداله الناجزه التى اتت بعد اعلان الشريعه الاسلاميه – بيوت الضعاره شىء شائع , وكان بكل بيت من هذه الاوكار التى تقدم الرزيله , يأوى اكثر من واحد من الشواذ , فكم بيت ضعاره كان بالسودان ؟ ولا ننسى البيوت التى كانت من بابها اصلا تدار للواط , كالتى كانت بحى الشهداء , وببانت ( سبعه بيوت )
    هؤلاء كانوا موجودين , بكل الميادين , فى السابق
    حين كان المجتمع اكثر ترابطا , وكانت الاسره ممتده من البيت لتشمل الحى باكمله , حين كان هناك امان اكثر وثقه اوفر , هؤلاء كانوا موجودين ,
    حين كان الصبى الصغير ينشأ تحت اعين اسرته واذا تغيب ساعة واحده , الف عين تلحظ تغيبه .
    هؤلاء كانوا موجودين
    حين كان يلبى نداء الشاب الذى يريد الزواج بالموجود , فلم تكون هناك شروط سوى من اسرته ؟ وكيف اخلاقه ؟ وان كان قادر على توفير قفة الاكل .
    هؤلاء كانوا موجودين .
    حين كانت بكل شارع تفرش البروش وترص الاباريق ويصلون اهل الحى من كبيرهم وحتى صغيرهم , مغربهم وعشاءهم ,ويتسامرون . ويغرسون فى اولادهم واحفادهم روح اسلامنا المعافى وكل بذور الرجوله .
    هؤلاء كانوا موجودين
    حين كان هناك متنفس طبيعى (بيت الضعاره الذى باقصى الحى ) لكل شاب يريد ان يجرب رجولته ويزهو بها ( رغم ادراكه للاثم ) لكنها النفس البشريه , ورغبته فى اختبار ماطراء عليه من تغيير جسدى ونمو (طرفى ) .
    هؤلاء كانوا موجودين ومقابر حمدالنيل عامره بالاموات , ومكتظه بالذاكرين , وهم بهم مختلطون مقنعون بالفضيله الزائفه.
    هؤلاء كانوا موجودين
    وحوليات الشيخ غريب الله والادريسى والميرغنى والصائم ديمه والشيخ دفع الله الغرقان وآخرون , لايسكت مادحوها حتى ينحسر ثوب الليل عن عين الفجر , وهؤلاء فى زحام الزاكرين يصطادون .
    هؤلاء كانوا موجودين حين
    كان كل استاذ بكل مدرسه , معروف حسبا ونسبا , وكان عندهم صدقا كل تلميذ بمثابة ابنا او اخا صغيرا .
    هؤلاء كانوا موجودين
    حين كان الكذب عصيا على اولياء الامور ولايجروء عليه الابناء . وكان ولى الامر حافظا لابنه , وتكفيه نظرة واحده اليه , فيعلم ان كان صادقا او يخفى امرا .
    هؤلاء كانوا موجودين منذ زمن غابر وقديم .
    فكيف نستغرب وجودهم الان وزيادتهم المطرده ؟ وقد فقدنا كل ماسبق زكره بالاعلى . وكان يحمينا من شرورهم . ورغم ذلك كان لهم وجود , لكنه على الاقل كان وجود مستتر وطواطى , لكنه الان اصبح سافرا
    اما اسقاطات النظام الحاكم على هذا الامر وتفاقمه واستفحاله لدرجة ان احدى الفتيات لم تتحرج وجرءوت ان تقول لى متسائله :- الاولاد بقوا نصهم ( باطلين) واسمح من البنات , سمح البعرسنا منو ؟؟؟؟؟؟؟؟؟؟؟ فقطعا يجعل منها مقصره فى السعى للحد من هذا البلاء , وهى احد اسباب انتشاره بهذه الطريقه المقلقه الخطره على جيل قادم ولايعرف خارطة واحده توصله لطريق واحد من طرق شتى عليه اجتيازها
    * شىء اخير لاؤكد لكم ان الامر خطير ويستحق النقاش والبحث والتحليل والعلاج
    اقسم بالله العظيم
    سألت احدهم ( ولم تكن تظهر عليه اى دلائل تشير الى شذوذه , ويعتبر للناظر رجل مكتمل الرجوله ) لماذا تمارس اللواط ؟
    فاجابنى دون ان تطرف عيناه :- بصراحه لا اشعر باى متعه . فقط من اجل المال
    اللهى يكفينا ويكفيكم شر زمان ينافس فيه الرجل المومس ببيع نفسه

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s