من جهز غازيا ده اليوم الدايرينو ليك يا بيشو ..

Posted: الأحد,9 مايو, 2010 by aflaiga in اخرى

طبعا يا جماعه العنوان طويل وده لانو ناس زوول وود الخلا جنهم غزو يقومو يفهمو الموضوع غلط وطوالى يجهزو ذاد المجاهد وينضفو كلاشاتم ويبقو مارقين !! عشان كده طولنا العنوان عشان نمنع اللبس والغموض ومباشرة الى الموضوع :

تستضيف العاصمه المصرية القاهره فى الفتره من 10 الى 15 مايو الدوره الاولومبيه الكماويه فى منشط  كمال الاجسام والجرى والطيران ويمثل السودان فى هذه البطوله البطل السودانى بيشو ابو عضل الذى سيغادرنا اليوم على متن الطائر الميمون بعد ان اكمل كل الاستعدادات لهذه البطوله وسيكون فى وداع البطل بيشو ابو عضل كل من سكرتير اتحاد الجرى والطيران افلى المتسبب ومدير دائرة الجرى ده ما حقى ستريكر الحنين وامين امانة المراه بالاتحاد ود الزبير وفى لقاء مع البطل بيشو ابو عضل قبل مغادرته للبلاد اكد على جاهزيته على تمثيل السودان والدول المجاوره ذاتو مؤكدا ثقته فى المدرب القطرى ابكرون الذى تابع من على البعد كل التجهيزات والجدير بالذكر ان البطل افليقا المتسبب قد مثل السودان فى نفس هذه البطوله فى منشط رياضة التحمل الطويل ابان سفر البعثه للصين والجدير بالذكر ايضا ان البطل السابق والدرب الحالى ابكرون قد مثل البلاد فى عدة بطولات مشابهه واحرز نتائج جيده – انظار الجمهور السودانى كلها تتوجه مساء اليوم لمطار الخرطوم لوداع بطلنا السودانى بيشو ابو عضل وسيقوم مشجعو الولايات بارسال وفد رفيع برئاسة البطل المتقاعد نيام نيام والخبير فى نفس المجال ايام البلد كان بخيرا . دعونا فى هذه المساحه نتناول التجهيزات التى جرت لهذه البطوله ومستوى الاندية السودانيه فى هذا المجال وما هى اسباب النتائج المخيبه احيانا التى تمنى بها فرقنا القوميه او ممثلينا وهل فى الافق امال لتطور الرياضه الاولومبيه السودانيه فى مجالات العاب القوى ؟؟؟ كل هذه الاسئله وغيرها ستكون متاحه للنقاش فى هذا الموضوع ومحل الرهيفه تنقد !! ولا نامت اعين الجبناء ..

Advertisements
تعليقات
  1. ودالزبير كتب:

    أوع المنشطات يا عمك

  2. aflaiga كتب:

    ود الزبير : اسى دى عليك الله نصيحه مدرب سودانى ؟؟ ده بدل تتبرع للبطل بيشو بكم حاجه من المدكن تحت الفترينه فى سيدى بيه ؟؟ كتر خيرك اصلو المدرب الوطنى كده يجيبوهو فزع يبقى وجع ..

  3. هذا ومن المفترض ان يقوم الخبير افليقا – باسداء النصائح الخاصة بالاضافة الى شرح خطة اللعب لضمان فوز بشة – ايضا من المحتمل ان يقوم بافشاء سر خطته الخاصة ابان خوضه لنفس البطولة واحرازه لنتيجة بااااااااهرة.

    الجوهر الفردى – مراسلكم

  4. عملتو ليهو اختبار تنفس ؟؟؟
    لانو النفس الطويل اهو شئ فى الموضوع ؟؟

    محل الرهيفة تولع زااااااااااااااااااااااتو .

  5. aflaiga كتب:

    ستريكر : تعرف يا ولدنا البيعجبنى فيك شنو غير انك زول عسولى ؟؟ انك بتعرف تميز الرهيفه من التخينه ؟؟بالنسبه لاختبار التنفس جارى البث عن التنفس ذاتو عشان نختبرو وما لاقينو زى الزول العندو هبوط وعاوزين يركبو ليهو درب وما لاقينو ؟؟!!!
    غايتو انا وصيت دكتوره كلتوم الخبيره الغذائية بشارع الجمهورية تقاطع الطيار مراد لى 3 جرادل عشان ناصل القصه ثلث لطعامه وثلث لشرابه وثلث لنفسه !!!

  6. ابكرون كتب:

    والله يا افلي انت حقااااار بشكل ياخ صاحبنا شوهد الاسبوع الفات في معهد (هبه) لتنشيط الذاكرة وتحفيز العصب الريلاكسي ……واكيد جرادلك ما جابت فايده تتذكر قدام بيتنا جنب العاموووود لمن كان شايل الجردل ….؟ اشوف فيك يوم يا بش……..بالله اخر زول يودعو في المطار يخطف منه النضارة…. عشان بدل العتبة يمشي عابدين هههههههههههههه……
    اخونا بش ياخ ماتنسي تدريبي ليك والخطه 4 في 13 ناقص 99 وما تنسي كمامات الاوكسجين ،وابعد من خشب (الذي رأى)…واوصيك الفطور زرمباك والغدا استاكوزا والعشاء جمبري وما تنسي تمرين 9 وبالتوفيق وتمشي وتجينا زايد 9 كيلو امين يارب وخليك من الاولاد ديل افليقا واسترايكر ما عندهم اي ضبط وربط …..

  7. aflaiga كتب:

    ابكرون : ده النقد بتاع المدربين الخبراء الصح صح !! عليك الله يا ابكرون لمن تتكلم عن محل جديد وصفو معاك بالمره يعنى زى مركز هبه للعصب السمعى المرتخى ده ورينا بكانو وين عشان تمنع عننا حرج السؤال !! لانو بعد مرات الواحد بتكون اضانو تقيله وعصبو السمعى مرتخى وبيحتاج جلسات تنشيط وكده .. مع انو مش مركز هبه مركز نهى ذاتو بعد مرات ما بيحل ..

  8. aflaiga كتب:

    بيشو : مالى اراكى تكرهين الجنه ؟؟ عليك الله شفت ابكرون ده لاحاااااااااظ كيف وكحلك جنب العمود شايل العمود وبتطنطن بهمهمات لا يعلم فك شفرتها الا الخبراء امثال ابكرون …
    ابكرون : اها مش الضبط والربط ده والله الليله الا تجيبو فى البوست ده ( ش . ع ) من السجن الحربى .

  9. أفليقا
    بيشو المشاكس أبوعضلاتن تبش وشرايينن عجور
    أوعي يكون إستقيت قصتكـ دي من الصوره ديييكـ
    /الزارعنا غير الله…../
    بجيك بالراحه للباقي

  10. ودالزبير كتب:

    بيشاوي

    عليك الله عندي وصايا لياسمين عبدالعزيز …. ما تنسى تمر علي عشان داير أرسل ليها شويه خمره ودلكه ناشفه … لووووووووووووووول

  11. ياسين شمباتى كتب:

    افليقا والاحباب..سلام..
    لكن ما كلمتونا من بدرى,,لانو عندنا وصفات كويسة جدا للمتبارين الزى بيشو دا,,مع انو مشكلة التنفس دى قديييمة وهو ما عايز يعالجها عشان كان حارن من الاولمبياد دا,,وبعد دا الله يستر ما يقوم ينسحب فى آخر لحظات!!
    كمان كان ممكن تستفيدوا من الخبير الدولى (سلولو) لانو اليويمن ديل عندو ورشة عمل بخصوص الموضوع دا !! وبرضو البطل الكحترف بالمملكة (ود الفتيحاب) لانو قبل شهر كدة شغال فى ورقة بخصوص الاولمبياد دا ذااااااتو..
    وكان الله فى عون كل مبتارى او مشجع او متفرج ساااااكت زى عبدالرحمن دا !!!

  12. aflaiga كتب:

    ودالزبير : والله يلم فيك كريم عبد العزيز الا يوريك ليهو انت قايلا ما عندها اخوان ولا شنو ؟؟ انت لو عندك الحاجات دى ما تديها لبشاوى ذاتو ماشى بعيد ليه ؟؟ برضو اتلومت معاهو انت زعلان منو لا شنو ؟؟ اشمعنى من دون بنات عبد العزيز كلهن اخترت ياسمين ؟؟ غايتو جنك شنو اقول ليك ؟؟

  13. حاج أحمد السلاوى كتب:

    كدى يا اخواننا حسه خلونا من تجهيز غازى ولا تجهيز عبدالرحيم محمد حسين ..وقولوا لى الليلة شنو فى الأيام … السبت ولاّ .. الإثنين ..ولاّ الأربعاء.. لأنى شايف لى زول معانا ما من عوايده يظهر فى أوائل الأسبوع ..عرفتوهو ..؟؟.
    ..غايتو جنس حجج عشان الزول يطلع من الحفرة !!!

  14. ودالزبير كتب:

    أفليقا

    يأخي بالله كريم ده أخو ياسمين .. غريبه ماقالت لي

    عليك الله شفت دعايه الشامبو العملتها ياسمين يا زول أخوك مشي إشترى كرتونه رغم الصلعه العنده قلت يمكن شامبو ياسمين ده يساهم في نمو الشعر وكده … المهم ممكن البيشاوي يقرص شويه من الحاجات المرسلنها معاهو .. بس أهم حاجه في ( قدوقدو ) ده طالبه مني عادل إمام شخصياً فلازم يوصله البضاعه كامله

  15. ودالزبير كتب:

    سلاوي

    الحفر أنواع .. ولمن تجيب سيره الحفره في بوستينا ده فيبقي الكلام ما ياهو .. أفرز يا ديجانقو .. هههههههههههه

  16. اووووووووووو – عمنا السلاوى معانا – والله مشاء الله
    يا عمنا زى ماقال ولدنا الدكتور – ومن هنا نوجه ليهو تحياتنا القلبية – وماعارفنو بالمناسبة عمل لينا شنو فى الموضوع – المهم دايرنك يا عمنا وباعتبار انو لسا مارق يادوب من موضوع الاولمبياد شخصيا – وسمعتا تحت تحت انو شلتا الميدالية الذهبية.
    فياريت تورينى السر فى الموضوع ده كان شنو – ومنكم نستفيد – ولا شنو يااخوانا ؟؟

    ————–

    ود الفتيحاب نبارك ليهو فوزو الكاسح – وقالو حطم كل الارقام القياسية – ويا شمباتى راجيك بهناك – عشان نتم باقى ( الموضوع.)

  17. حاج أحمد السلاوى كتب:

    شكسبير ..
    أنا غايتو بعرف حفرتين بس ..واحدة اللت ولدنا شمباتى ما بيطلع منها إلا يوم الأربعاء .. والتانية حفرة الدخان ( للمتزوجين فقط … طبعن )..وبعد كدا كل واحد يختار الحفرة البتعجبه ..
    الصورة وضحت ..يا ابو الشباب ؟؟
    وقالوا على شقى ومجنون ..وما عارفين إنو الحفر دى ..هى اسباب جنونى !!

  18. ودالزبير كتب:

    سلولو

    يأخي الحفر بقت على كف من يشيل يعني عندك الحفره البيدفنو فيها الدكايا وعندك لعبه أم الحفر وعندك حفره لعبه الجولف وعندك من حفر حفره لأخيه وقع فيها .. أها أم الحفر عندنا هي حفره الدخان والإتطورت هسه وبقت الرحاله وإنتم أهل الخليج لكم فضل السبق في إختراع هذه الرحاله ولا شنو ؟؟ ياالساكنين الشقق

  19. افرز يا عمك
    حفرة لحفرة تفرق

  20. غايتو جنس محن
    //وكان الله فى عون كل مبتارى او مشجع او متفرج ساااااكت زى عبدالرحمن دا !!!//
    شمباتي
    تحاياي
    ياي وللا مريدي
    متفرج والفرجة من هذا العناء
    بيشو دشمان عشرين سنه في الميدان والاربعه الجايات كمان
    شفت كيف يا أفليقا تقو لي في كايرو جري وطيران
    احسن نسعل الفكفكان!!

  21. ياسين شمباتى كتب:

    ابوى السلاوى..
    خلاس قبلت على؟؟ عندى عذر(شرعى) وكدة,,وامكن نجيكم هناك,,لكن ياربى بتفتحوا لينا؟؟

    استرايكر..
    اممممممم,,غايتو ود الفتيحاب دا شال كل الميداليات لانو معتكف تماما من اجل الفوز دا..وراجيك وما وريتنى عملت شنو فى المودوع؟

  22. ياسين شمباتى كتب:

    عبدالرحمن..
    يا لعييييب انت..

    استرايكر..
    اها وافقت نرسل ليك الزيارة؟؟

  23. يعنى السر فى الموضوع الاعتكــــــــــــــــــــــــاف ؟

  24. الســـــــــــر منو يا استرايكر؟؟؟؟؟؟

  25. aflaiga كتب:

    صديقى س كبر وبلغ من الكبر عتيا فاولادو نصحوهو عشان الصحه تعود ميه الميه انو ياكل بيض السمك لانو بيقوى ويخلى الزول زى الحصان صديقى س قال لى اولادو :
    يا اولادى الما شالو ….. و بيض السمك ما بيشيلو ولا شنو يا ستريكر قال اعتكاف قال والله لو لبثت بالكهف مئه سنين واذددت تسعا ياهو ذاتو ياهو ذاتو ..

  26. aflaiga كتب:

    شباب : خلونا جادين شوية :
    يدعوكم البشاوى اليوم لتناول شاى المغرب ومشاهدة مباراة الهلال بمنزله العامر بنمره 3 وذلك بمناسبة سفره لتمثيل السودان فى الاولمبياد والدعوه خاصه ..

  27. ودالزبير كتب:

    بيض السمك يا مفتري قصدك الكافيار… عارف الكليلو بتاع البتاع ده بكم ؟؟؟؟!!!!!!!!!!!!!!!!!!!!

  28. aflaiga كتب:

    ود الزبير : اعرفو اسوى بيهو شنو الحمد لله شايلنا وذياده .
    شباب : البشاوى الان فى طريقه للمطار وسيغادر اليوم السابعه مساء ادعو له بالتوفيق فاخوكم بعد قليل سيسال فادعو له بالثبات ..

  29. محنك كتب:

    انتو بس الواحد ما يقولكم فى زول ماشى الا تجو
    او يقول ليكم حفره الا تقعوا

    ذكرتونى برنامج قديم اسمه تحت الاضواء كان يبدا الشخص بسؤال مقدم البرنامج الى ان يصل الى الاجابة ولك فقط 5 اسئلة عشان تعرف حاجة من مافى

    الزول الحفرة ما نفعت معاه ماشى يجرب دكتور شول او سوار باريس ماكم ومالو

  30. ودالزبير كتب:

    أفليقا

    هسه بشه في طريقه للمطار ونحن العازمنا شاي مغرب منو ؟؟؟ لخبطونا زاتو !!!!!!!

  31. زووووووول كتب:

    افليقا
    اول حاجه ودالزبير يغير صورتودى حتى نجى معاكم .ولا نقوم نعلن الجهاد .
    كسره : ربنا يكتب السلامه يا بيشو وتمشى وتجى بالسلامه . لكن يا افليقا ما فهمنا اى حاجه لو ما تعليقات القراء .

  32. ودالزبير كتب:

    زووووووول

    غالي والطلب رخيص

    أخت ليك صوره جداده ولا حمامه … يا جديدي كااااك .. كااااك .. كاااك الأكلك يضوق الهلاك ….. هسه نودي وشنا وين من جمعيه الرفق بالدجاج والحمام الزاجل .. حمام الوادي يا راحل .. تعبتو النفطي بدل يلعب كورته بقي يسق في الحمام ….

  33. ودالزبير كتب:

    زوووووووول
    غيرنا ليك الصوره الرمزيه لكن صدقني صوره البنيه دي لو شفتها متحركه بتغير رأيك لكن نسوي شنو في إمكانيه المدونه المحدوده إنشاء الله الصوره الجديده تعجبك بس يمكن تظهر بعد كم ساعه كده لحدي ما تظهر ( غض الطرف )

  34. زووووووول كتب:

    ود الزبير
    بس خايفين القصه تتطور فشان كدا قلنا احسن تغيرا

  35. زووووووول كتب:

    الليله ما حمام الليله اكياس حمص وسمسميه . شوفوا ليكم عتالى يمرقا من الاستاد والعتالى ممكن يكون ساسا ابو راس دبل جنت دا .

  36. aflaiga كتب:

    بيشو كان عازمنا شاى مغرب لكن الناس العازمنو شاى مغرب فى مصر اقوى مننا .. ربنا يوصلو بالسلامه ويثبتو عند السؤال .
    زووول :
    ما فهمت حاجه ما مشكله الكعب تكون فهمت حتة من جهز غازيا دى غلت !!

  37. محنك كتب:

    انا وصيت ابكرون يرسل ليه واحد كرتون …. من ابو اعلان ( ابوكديس ) هى ابو جيرى

  38. ياسين شمباتى كتب:

    محنك..
    والله شلتها من كيبوردى..ابو جيرى دا رهيييييييب,,وانا ما قايلو بنتهى كدة,,لكن برضو ما بتال..

  39. البشاوى كتب:

    ماكنت عارف ياافليقا انك صعب بالشكل دة — كدة مرة واحدة تبيعنى يافردة – مكنا احباب ومشترى سرك منى بالغالى – شئ جواز جديد وتأشيرات – وكان التمن السكوت – عن الممنوع – اها افتو يامتولى ولا نخلى استرايكر وابكرون ونسام – ينداحوعلى البساتين والمشاتل — دميا صعبة خالص – عموما رفعت ليك راسك — ولو عاوزنى اشارك باسم البلد فى اى بطولة خارجية لامانع لدينا مادامت تجهيزاتك بهذه الروعة والكفاءة – اسألوا ابكرون— دة انت طلعت مواهب مدفونة بالحياة — لو انت موجود اى واحد حيشوف شغلو مظبوط — الله يخليك لينا — تحياتى لكم من ارض الكنانة والبطولات

  40. ياسين شمباتى كتب:

    اها اقتنعتوا بالايميل داك!!؟؟

    حبيبنا بشبش..حمدالله على السلامة وتانى حمدالله على السلامة بالمرور فى الاولمبياد ويارب يختتم على خير.

  41. طارق أب أحمد كتب:

    أبكرون قال
    ((واوصيك الفطور زرمباك والغدا استاكوزا والعشاء جمبري وما تنسي تمرين 9 وبالتوفيق وتمشي وتجينا زايد 9 كيلو امين يارب ))

    1/ السودانيين ديل ((زى ما بفولوها ناس بورسودان )) ما يعرفوش أيه هو الزرمباك

    تانين / دا لو أكل الحاجات ديه حيجى ناقص تسعين كيلو

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s