بتناااااااااااااا شاااااااااااااكيرا !!!!!!

Posted: السبت,15 مايو, 2010 by ودالزبير in اخرى

الفنانه الكولمبيه من أصل لبناني هي من وقع عليها الأختيار لأداء أغنيه الأفتتاح في بطوله كأس العالم بعد شهر من الآن في جنوب أفريقيا بنظره على تفاصيل عن حياه الفتاه الجامحه نجد ما كتب عنها في التعريف بها مايلي :أبوها (دون ويليام مبارك) هو من أصل لبناني كاثوليكي ولد في نيو يورك، أمها نيديا ديل كارمن ريبول تورودو ولدت في كولومبيا وهي من أصول إيطالية. شاكيرا تكون إبنتها الوحيدة من زوجها دون ويليام مبارك، والذي لديه ثمانية أطفال من طليقته الأولى. شاكيرا لها خمسة إخوة غير الأشقاء هم ألبيرتو، إيدوارد، مويسيز، طونيو وروبين وثلاثة أخوات غير الشقيقات هم انا، لوسي، وباتريسيا.

شاكيرا (شاكرة هو اللفظ الصحيح)ولدت في برنكويلا (Barranquilla) وفي عمر الثالثة عشرة انتقلت إلى بوجوتا (Bogotá). بعد سنة أصدرت ألبومها الأول Magia (سحر) ثم أصدرت ألبومها الثاني Peligro (خطر). بعد ذلك إتجهت إلى التمثيل وحصلت لها على دور في رواية تلفزيونية كولومبية. في عام 1995 عادت إلى الغناء: ألبومها Pies Descalzos (حافية القدمين) كان له دور كبير في نجاحها. أغنيتها المفردة Estoy Aquí (أنا هنا) حصلت على المرتبة الأولى في كولومبيا وجذبت انتباه عالمي إليها.

تقابلت مع Emilio Estefan الذي كان المنتج لألبومها التالي: Dónde están los ladrones? (أين هم اللصوص؟). كلف هذا الألبوم حوالي ثلاثة ملايين دولار. إحتوى الألبوم على أغنية Inevitable (لا يمكن تجنبه) وأغنية Ojos Así (كهذه العيون). خلط شاكيرا لغناء الروك واللاتيني، أعطتها شعبية كبيرة في إسبانيا وفي الدول التي تتحدث الإسبانية.

بألبومها Laundry Service عام 2002 كسبت شاكيرا إعجابا كبيرا في الدول المتحدثة باللغة الإنجليزية. مع نصوص الأغاني الإنجليزية كيّفت نفسها مع الذوق الجماعي هناك. إنتقد النقاد نقائصها اللغوية، مما سبب عدم نجاح بعض أغانيها مثل، whenever whenever، لكن بعكس التوقعات، فقد لاقت نجاحاً باهراً في العالم كله. في عام 2003 ذهبت شاكيرا في رحلة فنية عالمية. شاكيرا تقوم بكتابة نصوص أغانيها بنفسها وبمساعدة Luis Fernando Ochoa و Lester Mendez.

Gabriel García Márquez، الحاصل على جائزة نوبل في الأدب, كتب عنها :”موسيقا شاكيرا لها نغمة خاصة بها، والتي لا تشابهها أي نغمة أخرى. لا أحد يستطيع الغناء والرقص مثلها، في كل الاعمار، بمثل هذا الإحساس البريء، الذي إخترعته بنفسها”.

ما يهمني هنا هي هذه الأغنيه والتي بها مقطع كان يقال كجلاله عسكريه عندنا في سوداننا الجميل وهو المقطع الذي يقول ( آمنا آمنا وكا وكا وياااا آمنا آمنا سنقلا وا آنا وآكا ) أو شئياً من هذا القبيل حقيقه لا أعلم مصدر هذه الكلمات التي حرفت لتدخل في أغنيه شاكيرا لكأس العالم لكن أياً كان ماقد تم فقد أثبت إن البت … بتنا … أحب السلبطه زاتو !!!

Advertisements
تعليقات
  1. عزت كتب:

    ود الزبير سلام

    و الله الواحد مبسوط انو لمدة شهر كده الواحد حيكون مبتهج مع كاس العلم و نجهز ال LCD الماخمج عشان نشوف ابداعات اساطين الكورة و الفن….

    قلت لي شاكيرا جاية في الافتتاح و الاختتام…. ما شاء الله
    عارف الظاهر الأفارقة منقسمين في شأن البيجي يغني في الافتتاح فينما يرى البعض أن شاكيرا هي الأصلح الظاهر من واقع ما شافوها و هي بترقص البتاعة في forever and ever بالطريقة الشقية و اصلو الأفارقة ذاتم بيحبوا الرقيص بالبتاعة…
    لكين هناك رأي آخر يرى أن أفريقيا و بالذات جنوب أفريقيا لديهم من الفنانات الممكن يؤدوا ذلك الدور و أنا ذاتي من أنصارهم فكان ما لقوا واحدة حسبهم البت بيونسي مع انها أمريكية لكنها أبنوسية اللون و لديها رجلين تمام زي بتاعين الكورة…
    و أصلو الحكاية كورة و كدا و الكورة بيلعبوها بالرجلين موش…!!

  2. خالد مدني كتب:

    يا ود الزبير لو كان نزلت الكليب بتاع whenever كان يكون موضوع عن الكورة والرجلة وكاس العالم واي جاحه في حنان اي شئ داتو … ياخ مالك ياخ .

  3. حاج أحمد السلاوى كتب:

    والله العظيم إنتو ( كواشفاً وشباباً) فاقدين حنان وبتفتشوا أى حاجة بس تديكم جرعة حنان ولو بسيطة ..وفى واحدين حافظين حتى شكل الكرعين والساقين وما فوقهما وما تحت الثرى ..
    وإنت يا شكسبير تقوم تجيب ليهم الحاجات التجننهم زيادة ..وهم أصلهم ما ناقصين ..
    غايتو نحن منتظرين الكورة بفارغ الصبر عشان نشوف الكورة الصاح ..نشوف ناس ميسى وكيسى وسيسى وحيسى وهلمجرا من اساطين الكورة ..
    قال فيصل العجب .. قال …. أو كما قال !

  4. ودالزبير كتب:

    عزت وخالد
    سلام

    ما تسجعلوا أغنيه whenever جاينا عليها بس قلنا ندي الناس جرعه جرعه عشان مافي زووووووووول يعلن علينا الجهاد ههههههههههههههههههههههههههههههه

    البوست ده لأغنيات شاكيرا وصورها القابله للنشر لأنو عندها صور غير قابله للنشر العام وومكن نتبادلها في الإميل وبث …. ممكن يا عزت ونحن ماشين نجي لمقارنه بين شاكيرا وبيونسيه من حيث الرقص والذي منه!!!!

  5. ودالزبير كتب:

    السلاوي
    ( وكيسى وسيسى وحيسى) ديل ما عرفتهم بيلعبوا وين ؟؟؟؟ يجازي محنك يا حاج غايتو لو الكلام ده كان في الإميل كان سمعت مني تعليق لمن تستغرب زاتك

  6. حاج أحمد السلاوى كتب:

    شكسبير …سلام
    ( وكيسى وسيسى وحيسى) ديل ما عرفتهم بيلعبوا وين ؟؟؟؟

    ديل بيلعبوا فى فريق أمبارونة والكلاكلة صنقعت ..
    ما عاوز اقول فىى المريخ …احسن بعدين يعلنوا علينا الجهاد ويهدروا دمنا ..

  7. التلب كتب:

    سلام يا ود الزبير ياخي ذكرتنا أيام المعسكر حيث كان أحد مقاطع الأغنيه احدى الجلالات التي نقوم بترديدها يوميا و مافي زول عارف معناها.
    المهم أدناه كلمات أغنيه شكيرة بتاعة كأس العالم و التي تحتوي على المقطع المعني
    “[Waka Waka” the FIFA World Cup 2010 Official Anthem

    You’re a good soldier
    Choosing your battles
    Pick yourself up
    And dust yourself off
    And back in the saddle

    You’re on the frontline
    Everyone’s watching
    You know it’s serious
    We’re getting closer
    This isnt over

    The pressure is on
    You feel it
    But you’ve got it all
    Believe it

    When you fall get up
    Oh oh…
    And if you fall get up
    Oh oh…

    Tsamina mina
    Zangalewa
    Cuz this is Africa

    Tsamina mina eh eh
    Waka Waka eh eh

    Tsamina mina zangalewa
    Anawa aa
    This time for Africa

    Listen to your god

    This is our motto
    Your time to shine
    Dont wait in line
    Y vamos por Todo

    People are raising
    Their Expectations
    Go on and feed them
    This is your moment
    No hesitations

    Today’s your day
    I feel it
    You paved the way
    Believe it

    If you get down
    Get up Oh oh…
    When you get down
    Get up eh eh…

    Tsamina mina zangalewa
    Anawa aa
    This time for Africa

    Tsamina mina eh eh
    Waka Waka eh eh

    Tsamina mina zangalewa
    Anawa aa

    Tsamina mina eh eh
    Waka Waka eh eh
    Tsamina mina zangalewa
    This time for Africa

  8. التلب كتب:

    سلام تاني يا أحباب
    الأغنيه أو الجلالة “Zangaléwa” في الأصل هي أغنيه كاميرونية كانت تغنى من قبل فرقة موسيقية كاميرونية تسمى فرقة الأصوات الذهبية في العام 1986 و هي أغنيه لتمجيد المحاربين الأفارقة الذين شاركوا في الحرب العالمية الثانية. معظم اعضاء الفرقة كانوا أفراد في الجيش الكاميروني و ما زالت الأغنيه حتى الأن تستخدم كجلالة في معظم الجيوش الأفريقية أثناء التدريبات و الجكة. أدناه الأغنيه باللهجة الكاميرونية:
    Za mina mina oh oh
    Waka waka eh eh
    Za mina mina zangalewa
    Anawam ah ah
    Yango eh eh
    Yango eh eh
    Za mina mina zangalewa
    Ana wam ah ah

    # Zaminamina means come.
    # Waka waka means Do it – as in perform a task.
    # Waka is pidgin language meaning walk while working.
    # Zaminamina zangalewa means who asked you to come?.
    # Anawam means it is mine.
    # Yango means wait

    للمزيد من التفاصيل اعفص هنا
    http://en.wikipedia.org/wiki/Zamina_mina_%28Zangalewa%29

    قصرنا معاك يا ود الزبير

  9. مشاكل كتب:

    سلامز مربع و مكعب و اي حاجة زاتو

    فشاكيرا تعتبر من اميز فنانات الجيل الحالي و استلمت الراية من الاسطورة مادونا و لا ينافسها الا شاكيرا … و يكفي غناءها لأغنية ( الأرداف لا تكذب ) … و أغنية ( أي زمان أي مكان ) .. لتكون من أساطير الغناء الحديث . و هاتان الأغنيتان تعتبران الأكثر شعبية من بين أغاني الجيل الحالي من الفنانين و الفنانات

    أغنية واكا واكا .. كنا نغنيها لتشجيع منتخب كلية الهندسة جامعة الخرطوم … و قد قام الباشمهندس االأستاذ الخير عضو فرقة عقد الجلاد ( بتزبيطها ) و جعلها مستساغة للطلاب .

    بح صوتنا لمدة خمس سنوات و نحن نغنيها و نشجع منتخبنا … سمبلا اميلا ياااااي .. واكا واكا يااااي

    سمبلا اميلا سمبلا لاوا … الاوا أ أ

  10. دعدوشة كتب:

    لاتهمني شاكيرا كثيرا صراحة لكن ماجعلني ابتسم هو اللهجة السودانية التي أعادتني لصديقات الطفولة .. لكم مني اجمل تحية

  11. ودالزبير كتب:

    التلب ياصديق والله ماقصرت معانا تب على المعلومات الثره .. بالله الجماعه ديل كامرونيين ….

    مشاكلز
    هسه في داعي لترجمه أسماء أغاني شاكيرا دي ..

  12. ودالزبير كتب:

    عشان الناس تكون متابعه معانا دي الأغنيه الكانت السبب في شهره شاكيرا العالميه

  13. هدهد كتب:

    Dear friends,,
    Wad azubayr, Ateleb
    Beauty words, very warm and intimate as long as the linked Mother Africa,
    Many thanks for you and for reminding us of such masterpieces,
    Really this is the time of Africa
    Tsamina mina eh eh
    Waka Waka eh eh
    Tsamina mina zangalewa
    Anawa aa

  14. عزت كتب:

    (هسه في داعي لترجمه أسماء أغاني شاكيرا دي ..)

    انت يا شكسبير ما جبت محتوى الغنية ذاتو في الشاشة…..
    فعلا لا تكذب..!!

    هدهد مرحب بيك و واكا واكا (أوع تكون نبذة نقوم نقع في المحظور كمان)

  15. ودالزبير كتب:

    هدهد
    مرحب بمرورك الراقي وكويس الأغنيه عجبتك .. خليك قريب مع شاكيرا مش حاقتدر تغمض عيينك

    عزت

    رايك في المحتوى شنو بالله ؟؟؟ مالك يأخي وأكا وأكا ويايا

  16. aflaiga كتب:

    ود الزبير : صعبتها عديل كده وده بمناسبة شنو يعنى ؟؟ لانو اعتدنا انو يكون فى موضوع غرض سامى من كل موضوع ومناقشة لقضية معينه – لو فى مناسبه معليش لكن لو مافى معناتا ده بوست يمشى الخور عدييييييل كده ولا شنو ؟؟

  17. خالد مدني كتب:

    الخور ياتو يا افليقا عشان نمشي معاهو / ها … ود الزبير ما شفت وتفتيحة وبعرف يزوغ من المخالفات عشان كده بدأ الكلام بانو دي الفنانة الحتغني الاغنية الرسمية لكاس العالم وبعد داك نحنا خرمنا وياما خرمنا وخرمنا … ولو مشينا الخور اكيد حنلاقي بيشو راقد هناك مسحوق … وللا شنو ؟؟؟

  18. aflaiga كتب:

    خالد مدنى : ياما خرمنا وخرمنا لكن تخاريم بمعنى وفائده ورساله ومرجعيه – اسى منو القال ما تخرمو لكن ادونا رسالة فى النهاية غير المعنى الحرفى لاسم الغنيه .

  19. خالد مدني كتب:

    افليقا :
    الرسالة الحلوة ريدك
    ما بريدك
    الرسالة السطرت كلماته ايدك …

  20. سهيل كتب:

    هلا هلا .. الواحد يغيب شويتين يجي يلقا ود الزبير عمل ( يو تيرن) و افليقا عاوز يودينا الخور و خالد مدني مافارقه معاهو الخور ولا غيرو .. المهم يكون معاهو /ها ..

    غايتو ( بتنا) دي قالو مؤمنه على العده بتاعت الشغل ب 30 مليون دولار ..يعني مايوازي 2 كبري الفتيحاب ومعاهم قنطره خور ابعنجه .. دي لو جاتنا هنا إلا ينزلو الجيش و معاهو الإحتياطي عشان ربنا ما يخسف بينا الواطه زي قوم ……كده

    يا ود الزبير الواحد من ما قرا البوست دا و هو شغال هزاز ..

    يا خلف الله … عذبتنا

  21. سهيل يا ولدنا – كلامك ده – كان فكرة بوست – وبعد ما جهزتو ودعمتو بالدليل ( صور كميات ) رخيت الموضوع – لانو كان حيمشى الخور طوالى ويشيلو الباصورد بتاعتنا – لكن فى طريقة ممكن يتشات للشباب فى الميل.

    بتقراهو وتشتغل ويرليس بس يا ولدنا

  22. ودالزبير كتب:

    أفليقا

    خلعتني يخلعك شنو أقول ليك !!! قضيه شنو يا ولدناالكنا قاعدين نناقشها في بوستات كتيره آخرها بتاع بيشو (ورساله ومرجعيه) غايتو يا أفليقا قربت أقول ده هكر ما أفليقا ولدنا هسه ماشفت الجلاله العسكريه الفوق بتاعت الأغنيه .. خلاص إعتبر دي قضيتنا ومرجعيتنا…
    سهيل

    كده شوف زووووووول ده خاشي بيوسر أفليقا ولا أنا غلطان

  23. aflaiga كتب:

    ود الزبير : كلامك ما صاح لانو بوست بيشو ابو عضل بيتناول قضية هامه بنعانى منها كلنا وهى الم الفراق لمين انا اشكى ؟؟ والحمد لله بيشو مثل السودان خير تمثيل … لكن اسى البت دى ( انا شخصيا ما بدورا لله كده ) وين الرساله والمغزى فيها اللهم الا رسالة شخصية !!

  24. سهيل كتب:

    إنت يا افليقا الليله مالك ؟؟؟ عامل زي مقص الرقابه و ناس النظام العام .. المحل هنا محل الجميع و المواضيع متنوعه .. منها الجاد الذي يناقش آلآم المجتمع و منها الخفيف الذي ينفس عن المجتمع .. خلي الناس تناقش الشي الهي شايفاهو ممكن يفرق و يروح عنها شويه .. الموضوع بتاع ود الزبير لا هو حرام لاهو بدعه .. في مواضيع كتير زيو و اطقع منو تم تداولها بكل اريحيه هنا .. روق شويه و امشي اقعد ليك جنب ست شاي اطلب ليك واحد جبنه كاااااربه و إتونس مع الناس الجنبك حبه و تعال تاني تلقانا نحن راجينك و راجين سخريتك و درابك اللذيذ و في رواية ( جنونك) .

    ود الزبير .. خلي ابنصاتك صاجه لما نلقاك في الخور ( خور خالد مدني)

  25. ودالزبير كتب:

    سهيل

    لا زلت مصرإنه ده ما افليقا لحدي ما يجيب لينا ما يثبت إنه أفليقا راح نتجاوز عن تعليقاته…

    أها نرجع لمودوووعنا بتاع بتنا.. مش فيها دم لبناني ونحن فينا شويه دم عربي وبقت تغني أغنيه فيها جلاله كاميرونيه ونحن فينا دم أفريقي يبقي خلاص بقتنا بتنا .. أرح نشوف طريقه ندعوها لزياره وطنها الأمونعمل ليها حفله في الردكاسل

  26. سهيل كتب:

    تعرف ياود الزبير .. زكرتني قصةالعملاق الراحل الطيب صالح .. لمن حكى مره إنو كان بيتفسح في احد متنزهات لندن صيفآ و لمن اراد ان يشرب بعض العصير ذهب إلى محل العصائر وهو عباره عن كشك صغير.. وجد عند الكشك حسناء رائعة الجمال .. ( صاحبك زرقن) وفرمل محلو تب .. و اصر إلا يصاحب البت الحلو دي .. لكن كيف يلقى مدخل عشان يكب الحنك .. فكر قليلآ و بعداك لقى المدخل .. اصلآ البت كان شعرها اسود ( على غير عادة اهل تلك البلاد) فقام دخل ليها و كب المكن بتاعو عن طريق امتداح الشعر الأسود وانه لابد ان تكون هي من اصل اسباني و ان اجدادنا ( ناس عبدالرحمن الداخل) عندما فتحو القسطنطينيه تزاوجو مع اهل تلك البلاد و لابد انها نتاج تلك الحقبه التي ابلى فيها اجدادنا بلاءآ حسنا .و و و والبت قربت تطلع من حوش بانقا .. المهم عمك شغل مخو و لقى مرادو .. اها إنت يا ود الزبير لقيت شيء ؟؟؟ خلاص نشوفك في جنوب افريقيا بعد شهر .. عسى و لعل ..

  27. هدهد كتب:

    تعرف يا سهيل حكايتك لود الزبير دي، زي ذكرتني برضو حكاية شاعر الأجيال صلاح أحمد أبراهيم وهو حينذاك دبلوماسي بسفارة السودان في أثينا، وكان أيامها في زهو الشباب، وأعتاد مساء بعض الأيام بالتجوال في أحدي حدائق أثينا بأنتظام، وتصادف أنه كان يقابل أحدي الحسان بأنتظام أيضا” طيلة فترة تواجده بأثينا متجولا” في تلك الحديقة ، وأعجب بها ولكنه لم يفاتحها كما فعل صاحبك هذا ، ولكنه كتم الأشواق والظنون حتي أنطوت الأيام، وحانت ساعة السفر ومفارقته لتلك الديار لأنتهاء مدته، ولم ينساهاها، وبينما هو في المطار يجول ببصره في المودعين من البشر أذ وقع بصره عليها فجأة وألجمته المفاجأة، وأشارت له، نعم له مودعة باكية حزينة بمنديل في يدها،،، أذن فقد جاءت لتودعه، ولم يكن يدري بانها كانت تسير في نفس الدرب الذي أختطه لها في خياله، ولكن كانت تلك المعرفة في الزمن الضائع، فما كان منه الا أن كتب رائعته تلك يا مريا…
    اظنني قد شطحت كثيرا” في هذا ولكنني أذكر هذا الكلام وتلك الأحلام من حديث الشاعر يوما” في برنامج أذاعي منتصف سبعينيات القرن الماضي وأنا حدث أتلمس طريقي في بدايات المرحلة الثانوية، ولقد كان لنا شغف وولع عظيمين بالمذياع وبرامجه الساحرة الجميلة وأولئك الرائعيين من المذيعين والمذيعات أصحاب المعرفة الثرة والعلم والكلام الجميل، ومن تلك البرامج الجميلة التي كنت أهواها وأتابعها بشغف ومحبة عظيمة برنامج للأذاعي القدير الرائع عبدالوهاب أحمد صالح (تسلية علي الهواء)، وبرنامج النور موسي من الموسيقي العربية علي الرغم من عدم محبتي للموسيقي العربية والسلم السباعي الا أنني كنت أتتبعه لمافيه من المعرفة والعلم الموسيق ورباعيات الخيام وما الي ذلك من برامج دسمة ومفيدة..
    هل فيكم من يصحح لنا معلومة قصة أغنية يا مريا، أظن أخونا أبكرون يستطيع أن يفعل ذلك فهلا فعلت يا أخا العرب فقد حملناها عربا” ونوبا حين خط المجد في الأرض دروبا…

  28. ودالزبير كتب:

    لو كانت مداخله سهيل وهدهد ديل هما ذبدت هذا البوست لكفاه ذلك .. مالك يأخي

  29. aflaiga كتب:

    ود الزبير : كدهالواحد فهم انو الرساله من البوست انو الناس ترفه شويه وتستمتع بحديث ما لا يكذب ودى فى حد ذاتا رساله ساميه وعاليه ومنى وهناء ووجدان كمان .. تحياتى ياهو افليقا ذاتو بس البقر تشابه عليهم وما قدر يميز بين البى موضوع والبدون موضوع … اسفين لتشويه البوست وسوقه لمنحى رقابى كما ظن البعض لكن السمح سمح ولو تحدث بى مؤخرتو والشين سين ولو تحدث بى خشمو ذاتو ..
    مره اخرى اسفين لعكننة البوست ونخليكم تستمتعو بالكليب والدبل كليب ذاتو ..

  30. ودالزبير كتب:

    افليقا

    أمشي اشرب ليك حاجه بارده وروق شويه اًصلاً سخانه الأيام دي ممكن تخلي الزول يقول أي حاجه …. كده بالله إتمعن في كلمات الجلاله مش يا ها زاتها جلالتنا المابتغبانا.. بعدين شنو أسفين وبطيخ بتاعتك دي .. قوم لف كده ولا كده

    أسفين بتاعت فلنتك …. مافي أيقونه ورده عشان الزول يختها ليك .. لكن إتخيلها

  31. ودالزبير كتب:

    أفليقا

    هاك الخبر ده من العربيه لبت آخرى لنا برضو … ونستمر في السلبطه
    (أهدت اللبنانية الأصل، ريما الفقيه، فوزها عند منتصف ليلة أمس، بالتوقيت الأمريكي بمسابقة ملكة جمال الولايات المتحدة “إلى وطنها لبنان وإلى كل العرب، وإلى ديربورن والى أمريكا وإلى أهلها وإلى صريفا”، وفق ما قالت لـ”العربية.نت”، الاثنين 17-5-2010، متحدثة عبر الهاتف من مدينة لاس فيغاس، حيث جرت فعاليات المسابقة في حفل تابعه مئات الملايين عبر التلفزيونات داخل الولايات المتحدة وخارجها.

    وقالت ريما، التي كانت تمثل ولاية ميتشيغن بوصفها فازت العام الماضي بلقب أجمل نساء الولاية، إنها كانت متأكدة من فوزها في مسابقة أمس التي تفوقت فيها على 50 ملكة جمال أميركية، تمثل كل منهن ولاية في الولايات المتحدة، لتصبح بذلك أول عربية تتربع على عرش الجمال في أكبر دولة بالعالم.

    ريما كاسحة الألغام

    وريما الفقيه، التي حاورتها “العربية،ت” أمس أيضا، هي أصلا من بلدة صريفا البعيدة 21 كيلومترا عن مدينة صور في الجنوب اللبناني، وهاجرت مع عائلتها قبل 17 سنة إلى جامايكا ومنها فيما بعد إلى نيويورك حيث أسس والدها، حسن الفقيه، مطعما للمأكولات اللبنانية ثم باعه ليعمل في حقل التجارة العامة بمدينة ديربورن في ولاية ميتشيغن التي استقرت فيها عائلتها فيما بعد حتى الآن.

    وكانت ريما فقيه، المتخرجة بإدارة الأعمال من جامعة ميتشيغن، نالت إعجاب لجنة التحكيم المؤلفة من 8 أعضاء، على رأسهم لاعب كرة السلة ونجم دوري السلة الأميركية للمحترفين، كارميلو انتوني، إضافة إلى عدد من كبار الشخصيات الأميركيين ممن تجمعوا في منتجع “بلانيت هوليود” الذي استضاف المسابقة في مدينة لاس فيغاس في حفل استمر إلى فجر اليوم بالتوقيت الأميركي وحضرته عائلة ريما وأشقاؤها الذين تبدأ أسماؤهم جميعا بحرف الراء: ربيع ورنا وربى ورامي، إضافة إلى والديها.

    وما زالت ريما الفقيه عزباء إلى الآن وعمرها 24 سنة، وهي البنت الثالثة في عائلة من 5 أبناء يعيشون جميعهن في ديربورن التي قام عدد من اللبنانيين فيها بوضع شاشة تلفزيونية عملاقة في إحدى ساحاتها ليلة أمس لمتابعة مجريات الحفل الذي انتهى بفوز “كاسحة الألغام” كما يسمونها في المدينة على منافساتها بلاس فيغاس، وهو ثاني فوز لريما بعد فوزها في منتصف 2008 بلقب ملكة جمال لبنان في الولايات المتحدة في مسابقة ضمت العشرات مثلها قدمن إلى بيروت للمشاركة في المسابقة.

    الإعلام الأمريكي بدأ بالتركيز على ديانتها كمسلمة

    وقالت ريما إنها تعثرت بالفعل بعض الشيء بعد أن أنهت ليلة أمس مشاركتها في أحد العروض الرئيسية أمام لجنة التحكيم “والسبب كان فستان السهرة الطويل الذي ارتديته.. كان طويلا، لكنه كان الأجمل والأحلى” وفق تعبيرها بلهجتها التي ما زالت لبنانية برغم إقامتها أكثر من 17 سنة خارج لبنان الذي اعتادت زيارته وحدها أو برفقة العائلة أحيانا.

    وذكرت ريما، التي ستدرس الحقوق بدءا من هذا العام في جامعة ميتشيغن أيضا، أن فوزها بتاج الجمال الأميركي في مسابقة أمس، التي حصلت فيها ملكة جمال أوكلاهوما على لقب الوصيفة الأولى وملكة جمال فيرجينيا على لقب الوصيفة الثانية، لن يوقفها عند هذا الحد، وقالت: “طبعا، سأمثل أميركا بمسابقة ملكة جمال الكون هذا العام.. سأمثلها وسأعود ومعي اللقب العالمي الى ديربورن، فأنا لبنانية ومن أميركا وسأفوز”.

    وكان ملايين الأميركيين منحوا ملكة جمال ولاية انديانا، إيلسون بييهلي، المركز الأول كمؤهلة للفوز وريما الفقيه المركز الثاني عبر تصويت ألكتروني دعا اليه موقع “مس يو إس” عبر الانترنت قبل أشهر وانتهى أمس بالذات. إلا أن التصويت لم يكن الحاسم باختيار ملكة جمال الولايات المتحدة التي ستحصل على 100 ألف دولار نقدا كجائزة نقدية، إضافة إلى عشرات الجوائز المقدرة قيمتها بنصف مليون دولار. لكن التصويت الألكتروني ساعد في التأثير على أعضاء لجنة الحكام التي كانت وحدها صاحبة القرار باختيار الفتاة الأجمل بين النساء الأمريكيات.

    وبدأت وسائل الإعلام الأمريكية منذ صباح اليوم بالتركيز على ديانة ريما الفقيه، من أنها أول مسلمة تنتزع تاج الجمال الأول في الولايات المتحدة، بل بدأ بعضها بالترويج لفكرة سيطرة الأجواء والمناخات الإسلامية على البلاد منذ فوز أوباما بالرئاسة قبل عام.

  32. حاج أحمد السلاوى كتب:

    أخونا شكسبير .. سلام ..
    فوز ولدنا أوباما واللبنانية بت الفقيه ( بالسودانى ..بت الفكى ) يبدو إنو دا مؤشر للتغيير الحاصل فى أمريكا وكان شعار أوباما خلال حملته الإنتخابية ..

    – ( لو كانت مداخله سهيل وهدهد ديل هما ذبدت هذا البوست لكفاه ذلك .. مالك يأخي )
    وقفت طويلاً أمام جملة ” ذبدت هذا البوست ” فاستعصى على فهمها ..أخيراً عرفت إنك تقصد (وارجو أن أكون محقاً فى ذك ) زبدة هذا البوست .

  33. ودالزبير كتب:

    السلاوي

    يأخي الإملاء دي من زمان بتعمل للزول مشاكل … بعدين بيني وبينك نحن زاتو الزبده شفناها وين عشان نعرف نكتبها…شاكر للتعديل … عجبتني حكايه (بت الفقيه ( بالسودانى ..بت الفكى )

  34. DAKEEN كتب:

    تحية افريكانية للجميع
    ونديكم زبدة البوست :
    بما ان بتكم شاكيرا غير افريقية الدم ، وتردد هذه الجلالة في الافريقية فهذا من نباهة حكماء افريقيا حيث ان الخلاف سيدب اذا تم اختيار اي مغني افريقي للحدث ومافيش حد احسن من حد .
    اما من ناحية اخرى فهذه الشاكيرة وتيك بنت الفكي فهما الاثنتين من اصول عربية وهذا رسالة خفية في البوست بان العرب اكثر الخلق بيعا للقضايا والعروبة من اجل الشهرة والظهور ولا يهمهم في ذلك ترديد اي من شعارات او انتهاج اي مسلك في تحقيق اهدافهم الشخصية دون النظر الى الاهداف السامية المتعلقة بالوطن والدين وووو الخ .
    ودور بنت الفكي في اهداء الفوز الى اهل ديرتها فهذا من باب التحفيز الى كل اهل الديرة لانتهاج مسلكها .
    وبما انها تحمل الديانة الاسلامية وعلى ما يبدوا ظاهرا،،،،،، وقضية الاسلام والحجاب تاخذ على طاولة المحاكم الاوربية والغرب وما يحدث اثناء هذه المسابقات مناقض تماما للتعاليم الاسلامية وخصوصا الحجاب فهذه الورقة الرابحة التي ادت الي فوز بت الفقيه في اكبر حدث.
    وانشاء الله اكون نجحت في توصيل رسالة ود الزبير ،،،،
    ولا اكون من اصحاب الخيال الواسع والفيل بتاعي عنده اربعة كرعين .

  35. aflaiga كتب:

    ود الزبير : اها كده البوست بقى ياخذ منحى رسالى !!! اوع تقول لى رسالى بتاع فلنتك ؟؟
    عادل امام فى فيلم بوبوس قال انو اللبنانيات بياخدن قروض من البنوك عشان ينفخن ويشدن ويكبرن ويصغرن ولمن سالوهو عن الضمانات قال ماهو الواحده من ديل لمن تشد وتكبر وترخى وتنفخ بتكون مضمونه ميه ميه يا ربى بت الفكى التمرو شايلو ومشتهى بتكون ادت البنوك ضمانات قدر كيف ؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s