رحلة ولوم – من بعد غربة وشوق .

Posted: الإثنين,24 مايو, 2010 by aflaiga in اخرى

ما دفعنى لكتابة هذا البوست فى المقام الاول هو اللوم الشديد الذى الوم عليه نفسى اولا والاخرين ثانيا والعم جبرا اخيرا ومرد اللوم ومرجعه هو عدم تمكننا من الدخول لموقع الاستاذ جبرا بسبب تغير برنامج التشغيل وبطء الدخول للموقع وهو مسئولية مشتركة لا نعفى احدا منها بدءا بمشغل الموقع مرورا بالمتصفحين ومرورا بشخصى الضعيف والاخ ستريكر الذين كنا اول الساعين لتلافى مثل هذه الاشكالات واكثر الناس انفعالا اذا توقف الموقع لاقل من دقيقة كنا نهرع الى منزل جبرا او عبر الحاسوب لتلافى العطل لكن ما عراف مشاغل الدنيا ولا الجرى والطيران ولا شنو ما عارف ..اما اذا دار محور السؤال عن الشوق والريد والفته ديك عند عم سعيد فوالله مشتاقييين عدييييييييييييييييل كده لكل الناس ومشتاقييييييين للمه حلوه بالله ما تحرمونا منها واجتهدوا معانا فى انو تكون قريب وتكون جامعه لكل الناس اقول قولى هذا واطلب العفو من كل من قصرنا فى حقه او اتلومنا معاه .

Advertisements
تعليقات
  1. affady كتب:

    صراحة بطء شديد جداً في تصفح الموقع الصحفة تجيك بعد ولادة متعثرة ………. عليه نأمل المعالجة العاجلة لموقع حبيبنا واستاذنا جبرة …….. فهو المتنفس لنا جميعاً

  2. ابكرون كتب:

    (والاخ ستريكر الذين كنا اول الساعين لتلافى مثل هذه الاشكالات واكثر -النسا- انفعالا )
    افلي :كدي اولا اعتذر لاسترايكر ههههه وبعدين جاييين تاني
    انتو المدونه دي ما فيها غيري بعلق …..خلاص ودعتكم

  3. عزت كتب:

    ههههههههه
    يعني يا أبكرون عليك جنس ملاهظات

    فعلا نفتقد اللمة الالكترونية الحلوة ……. لكن نعمل شنو الحوش بقى حوشين و الوليدات كبروا و البنات عرسوا …!!
    نتوق لأيام زمان و اللمة الحلوة و التعليقات و التخريمات لكين انها المشغوليات و (الانقاذ)
    مافي طريقة يرجعونا محل ما أنقذونا…..

    أضعف الايمان تقوموا تسوا لينا رحلة كاربة و عضة معتبرة و شربوت يمكن نقدر نلم المودددووع

  4. aflaiga كتب:

    ابكرون : ستريكر ليه يعنى ما انا قلت انا وهو ما تقول اعتذر لى افليقا ؟!
    غايتو جنس وكاده جيش تخلى الاجاويد وتمسك فى رباط الاباويت ..
    عزت : بالجد عاوزين رحله كاربه ويا ريت نكرر بتاعة الجبل انشاء بمناسبة اداء القسم !!

  5. مشاكل كتب:

    سلامز

    و الله فعلا شوقنا بحر و دموعنا مطر

    لينا فترة من اللمات و الرحلات .. بقينا شغالين زي خلاطات الخرسانة .. الحمد لله بس

    انا برضو عايز لي رحلة كاااربة .. ان شاء الله بي مناسبة اعتقال شيخ حسن

  6. aflaiga كتب:

    اها رياكم شنو الجمعه الجايه رحلة الجبل سمك وو ولبن ووو وتمر ووو هندى واى حاجه ذاتو ؟؟؟

  7. خالد مدني كتب:

    يا افليقا ما دايرين نكتر الكلام ونتجرجر … خليها الجمعة البعد دي والمريخ بمن حضر !!! ويا سهيل نمرة كاملة عد .

  8. aflaiga كتب:

    خالد مدنى : عشان ما نكتر الكلام وما نتجرجر الجمعه الجاية الموافق 4 يونيو 2010 م الرحله قايمه للجبل التجمع سيدى بيه الساعه 9 صباحا .

  9. tabosho كتب:

    شكرا لورد بريس 🙂

    الذي

    عرفني بمدنتك اللطيفة
    سأتابع ان شاء الله

    اخوك
    عبدالوهاب

  10. aflaiga كتب:

    تبوشا : مدونتك برضو سمحه وشكرا لوورد بريس العرفنا بيك – عبد الودود .

  11. عبدوش كتب:

    سلام للجميع وتحية طيبة…
    والله الرحلة مطلوبة وشوفتكم بترد الروح انشاءالله نكون من الحاضرين … الجمعة البعد الجاة فكرة ممتازة بتدينا فرصة كويسة وبتزيداحتمالات الحضور…
    ونعود تاني…

  12. aflaiga كتب:

    عبدوش : احتمالات حضور منو ؟؟ انت وين اول شيئ وشكلك كده لقيت ليك جخنون متيييييييييييين بتاع نت انشاء الله يكون من مكتبك وتكون اتسهلت يا عبدوش يا ود امى ..

  13. عبدوش كتب:

    والله يا افليقا يا اخوي من ناحية جخنون هو جخنون ومن ناحية مكتبي والله عطالة من امها لامكتب ولامشغلة…

  14. aflaiga كتب:

    عبدوش : طيب ما ده الشغل ذاتو مش من امها ؟؟ بختك لقيت شغل ومره !!كمان .

  15. ودالزبير كتب:

    أها يا شباب

    عملتوا لينا شنو في المودوووووووووووووووع

  16. عزت كتب:

    ود الزبير و الأخوة المدونين سلام

    يبدو أن خيار الجمعة البعد الجاية هو خيار مقبول قد يمكن جميع مدوني الخرطوم باللحاق بالرحلة
    يعني يا شباب و شابات

    4 يونيو 201 هو الموعد

    و كما اقترح البعض مافي أحسن من شاطئ جبل اوليا الناحية الغربية و الشماسي قاعدة و السمك قاعد و الشامبيون راقد….

    و نترك لكاتب البوست الأخ أفليقا بتوزيع المهام

    و الا شنو يا شباب…………………………………………..!@!؟

  17. عزت كتب:

    يعني مافي زول هبب لينا المودووع………….. يا أفلي انت وين!!

  18. ألفاتح جبرا كتب:

    ولدنا أفلايقا والأحباء الأعزاء … المودوووع بقى مودوووعين … الموقع و الرحلة … بخسوس الموقع فأسهل حل هو دخوله بأحد المتصفحات التالية ..Fire Fox … Opera … Explorer 8 … ومتصفحات تانية كتيره ممكن الزول يعمل ليها downloading بسهولة واسهل واحد فى ديل هو Opera ما بياخد ليهو أكتر من 10 دقائق .. (لو كانت دى هى المشكلة وكده !) ..
    أها مودوووع الرحلة ممكن أى جمعة بس إنتو إتفقو المهم فى أقرب وكت وكده !

  19. ودالزبير كتب:

    شباب وشياب

    خلاص الكلام كمل والمهام إتقسمت

    نفس الملامح والشبه كل زول يجينا بشيرنقه يوم الجمعه في حوالي التاسعه والنص صباحاً ما تعملوا زي المره الفاتت ناس جات حداشر ونص لمن وصلنا كان الساعه واحده تقريباً

    السلطه والشامبيون بنشتريها من نفس المحل وممكن كمان نشتري شربوت لو إتضح إن عمك بتاع الشربوت شغال يوم الجمعه لو ماشغال ممكن نشتريه من الخميس لكن بعد كده أنا ما مسئول من عواقب تناوله… أرح نتم الباقي بالتلفونات والمره دي دايرين وجوه جديده تشارك يعني المدونيين الجدد ناس سوركتي ومون ميه وغيرهم وغيرهم

  20. ألفاتح جبرا كتب:

    ولدنا ودالزبير كابتن الفريق B –
    شايفك ركزتا على المودووووع التانى بث !!

  21. عزت كتب:

    العزيز الفاتح
    و الله فعلا كلنا ركزنا على المودووع التاني بث… يبدو أن الكسل خلا الكثيرين من المدونين يمشوا اتجاه واحد و يخلو الدار خلا بي غادي …
    ليك علي نخلي الاكسبلورر دا خالس خالس و نركز مع ناس أوبرا و الموزيلا ديل هم ذاتو اسمائهم تفتح النفس شان نجي و نعمر موقعك….
    بس المصمم دا خليهو يسعي في جعل الدخول جاذبا … مش زي ناس الانقاذ و الوحدة… و تحية كبيرة لناس سوداني أنا و محمد لارسالهم لمقالاتكم لنا و بدورنا قاعدين نعيد توجيهها للعديد من أصدقائنا…
    دمتم عزيزي

    أها و المودووع الثاني… أرجو أن يتفق الناس و نكرر ما انقطع من الرحلة السابقة بتاعة جبل أليا … باقي في السمك ما أكلناهو كويس… فهو قطعا يحتاج الى مراجعة منا …

    عموما كما قال كابت الفريق (ب) سوف نحضر و شايلين شيرنا التاسعة النصف في سيدي بيه و كان ما قوموا الرحلة نقوم نخش على سيدي بيه و نعدموا السمكة…!!

  22. سهيل كتب:

    سلامات يا احباب ..

    هوي يا استرايكر .. انا اول زول كتب تعليق على البوست دا .. وديت تعليقي وين يا فرده .. اهااااااا .. هسي نقوم نتكلم ليكم عن التهميش و الواطه ما بتشيلكم..

    خالد مدني : واااااااااااااااااااااااااااااااااااااحد

    لكن البرينسه ( البوكس ) الدور دا إحتمال تكون في الورشه بغرض الصيانه و كده

    البيشاوي : واصل العداد

  23. سهيل – مافى والله اى تعليق – كدى اتاكد شتو على وين !!

    تسجيل حضور انشاء الله.

    البشاوى – اها الخسائر كيف ؟؟

  24. خالد مدني كتب:

    سهيل : كم وكمين .

  25. يا شباب التجمع ح يكون امام سيدى بيه فى تمام الساعة التاسعة صباحا يوم الجمعة القادم والشير 30 جنيه .
    على كل الاخوة الحضور فى الميعاد – وما يتكرر يا شباب التاخير بتاع المرة الفاتت – والحاضر يكلم الغايب.

  26. ودالزبير كتب:

    والغايب يكلم الحاضر .. برضو وجهه نظر

    المره دي راح نشتري الششربوت من يوم الخميس الضهر

  27. سهيل كتب:

    شنو يا ود الزبير .. إنت عايز ناس هناي يقيموا علينا الحد ولا شنو .. خليها شامبيون عشان خاطر عمك السلاوي .. ولا اقول ليك .. سفن اب بالزبادي عشان نحن ورانا سواقه..
    فيكم واحد شرب عصير دوم ؟؟؟

  28. سهيل كتب:

    يا ود الزبير : كان إشتريت الشربوت من يوم الخميس الضهر اوعك ثم اوعك تدخلو التلاجه .. عشان ما يبوظ ..آآآآآآآآآآآي خليك مفتح ياحبه ..

  29. ابو حميد كتب:

    سلام اخوكم في الله ابوحميد
    الدعوة ده عامه وله خاصه اصلا انا قوات صديقه مره مره بديكم طله حسب الظروف الملابسات
    اها رايكم شنو… لو خاصه نتقابل في ظروف تانيه لوعامه نشوفكم وتشوفونا..ممكن نبقي اهل..نتعرف بيكم اكتر تعرفوا موقعنا الجغرافي..

  30. حاج أحمد السلاوى كتب:

    أخونا شكسبير ..
    إنت ناوى على شنو المرة دى ؟
    إقتراحاتك دى بتجيب ليك الهوا وبتحمى نا كتاااااااار يجو معاكم الرحلة ..
    إنت إشتريهو وجيبوا معاك والعاوز يستطعم أديهو والماعاوز ما فى زول بيجبره على تناوله ..ولاّ شنو رايك يا سهيل بن سهل الساهلى ..مش إقتراح كويس ؟

  31. مشاكل كتب:

    سلامز

    و الما بشرب شربوت يعمل شنووووووو ؟؟؟؟

  32. ودالزبير كتب:

    أخونا
    أبو حميد

    أولاً مرحب بيك في مدونتنا العمرانها بدخولك لها .. ثانياً دي دعوه عامه لكل الأحباب الهنا أو في موقع أستاذ الفاتح جبرا وياريت لو أستاذنا الفاتح عمل ليها تنويه بهناك

    حاج السلاوي وولدنا مشاكلز

    لا يفوت على فطنتكم إن حديثنا عن الشربوت ماهو إلا مزح وهذل وإن رحلتنا بحول الله لا تحوي إلا كل طيب لأن من بها هم خيار من خيار … قموا إلى صلاتكم يرحمكم الله

  33. ابكرون كتب:

    يا عالم الشر…… بوز مالو؟ ما عادي بالزبادي بيغادي ما في الأنادي…اسمعني يا شادي … لحنك الهادي مع ناس هنادي
    غايتو لو ما فيها عصير شربوز انا بعتذر ما بجي
    ابوحميد ياخ تعال علي الاقل تقول شفنا الشافا…ضامر هافا

  34. ألفاتح جبرا كتب:

    الحبيب الأخ الدكور عزت

    (العزيز الفاتح
    و الله فعلا كلنا ركزنا على المودووع التاني بث… يبدو أن الكسل خلا الكثيرين من المدونين يمشوا اتجاه واحد و يخلو الدار خلا بي غادي …
    ليك علي نخلي الاكسبلورر دا خالس خالس و نركز مع ناس أوبرا و الموزيلا ديل هم ذاتو اسمائهم تفتح النفس شان نجي و نعمر موقعك….)

    تعليق :

    منذ أن تم إفتتاح الموقع وهو يعانى من (عدم التعمير) حتى صار أغبراً موحشاً لولا بعض الوجوه الجديده التى تنضم من حين إلى آخر ..إنفض سامر القوم (بى هناك) لكننى سعيد غاية السعاده أن إجتمع (بى هنا) فالهدف الأول والأخير هو أن تستمر روابط الإلفة والمحبة والأخوة والصداقة بين (أعضاء زمااان) وأن تنضم إليهم وجوه جديدة ليزيد العمار وهذا لسعادتى ما حدث ..
    أشكر لك أخى دعوتك لتعمير الموقع الذى كان الصلة التى جمعت الكل لكن قصت الناس (يعزموها) عشان تدخل دى والله أكان قلتا ليك (بتتبلع) ليا أكون كضبتا عليك .. والمسألة طبعن ما كانت مشكلة أوبرا وموزيلا لأن (الأعضاء الجدد) قاعدين يدخلوا عادى ومداومين على التعليق ولسبب آخر هو إنو القصة دى ما طولت ليها زى شهر بس !
    قبل يومين لقيت ليا رسالة فى الإيميل من (قارئ) قال ليا يا أستاذ نحنا عملنا ليك موقع وعاوزنك تدخل تشوفو .. ممكن يا دكتور عزت تدخل تشوف الموقع ده وتشوف الناس (الما بعرفهم) و ما بيعرفو (القمردينة شنو) و (الما عزمناهم عيزومة) بيعملو فى شنو؟ وتجى عشان أكمل ليكا كلامى …

    http://www.facebook.com/alfatihgabra

    ملحوظة :
    لم أتداخل فى هذا الموقع ولم أعلق على أى من مواضيعه ولم أمد الذين قامو بتصميمه باى ماده أو مقال أو صورة حتى هذه اللحظة ولم أتشرف برؤية أى من الذين قاموا بتأسيسه أو أى عضو آخر فيه !!

  35. ابكرون كتب:

    الاخ جبرا
    تحياتي وسلاااام كتير
    ارجو قراءة هذا البوست كله مع تحياتي الكتيرة
    https://sudanona.wordpress.com/2010/01/03/%d9%84%d9%88%d9%85-%d8%b9%d8%aa%d8%a7%d8%a7%d8%a7%d8%a8-%d8%b4%d9%86%d9%88-%d9%85%d8%a7-%d8%b9%d8%a7%d8%a7%d8%a7%d8%a7%d8%b1%d9%81/

  36. ألفاتح جبرا كتب:

    الحبيب أبكرون .. سلااام كتير

    قريت البوست وهو طبعن قبل ستة شهور (!!!) … أنا ما قدرت أعرف هل البوست عن (سوداننا – ساخرسبيل) أم عن الموقع (ساخر سبيل) أم الإتنين معاً !

  37. ابكرون كتب:

    تحياتي وصباح الانوار
    البوست يا حبيب للموقعين والاتنين باسم واحد موقع ومدونة معا وهو فعلا قبل شهور…..وبكل اسف سوداننا وساخر سبيل لم يتوجدا …..
    ملاحظ ان موقعك في الفيس والموقع الاخير بتاع شباب جبرا او بالايميل في سهولة شديده للدخول والواحد ما مضطر يغير البروسر بتاعو لان معظم البروسرات اوبرا وفاير فوكس الخ بتطلب منك بل بتجبرك تكون الديفولت بتاعك وتبرجل ليك طريقة تعاملك مع الانترنت عموما طبعا ما عدا الاكسبلورر….
    عشان كده الناس بتتفاداها ….القصد من الرغي ده ليه ما نتفادي حكاية ادخال الايميل وتغيير البروسرات وليه ما دام الاسم واحد ما يتوحدوا القلبين في صفحة واحدة تقعدوا تحددوا شكلها وطريقتها الخ …..حقوا تناقشوا المودووووع ده في الرحلة سعادتك واسترايكر وبقية العقد النضيدولمونا شويه…الشتيت ده ما سمح الا في البلاجات

  38. سهيل كتب:

    اؤايد بشده فكرة عمنا ابكرون بتوحيد النوافذ و جعل خيار الوحده جاذب للجميع .. يا عمنا جبرا وولدنا استرايكر ياحبذا لو قعدتوا مع بعض و تفاكرتو في موضوع اللمه دا عشان الناس الهنا و الهناك يبقوا قروب واحد .. هسه لينا اكتر من سنه بنغني علي الوحده ولغاية هسي الخطوه الوحيده الأتعملت في الأتجاه الصحيح هي جعل سوداننا منتدى لساخر سبيل .. و عقبال باقي الخطوات الحلوه

  39. ابكرون كتب:

    استرايكر :
    الفلاتة يسيطرون علي الامور ده شكلو فايروس ارجو مسحه او شوفه شنو …..!!!!!!!!!

  40. عزت كتب:

    العزيز الفاتح
    سلام
    و الله موقع السرور في “الفيس بوك” لكنو بالطبع يحتاج لتسجيل برضو في الفيس بوك و طبعن هناك تبعات للاشتراك في (كتاب الوش) أقلها فلان عاوز يضيفك و فلانه كتبت ليك في الوول بتاعك…

    لست ضد هذه النت ويركز لكننا كبرنا حبتين على الفيس بوك بالرغم بأن لدي حساب فيهو منذ 2007 فتحتو يوم و جات بتي ماشة جنبي … بالله قالت لي انت برضو (بتفيس) أي بتعمل شات في الفيس بوك … من ديك و عيك شان ما ناخد كمان حقنا و حق شبابنا كمان…

    موقع الفاتح جبرا دوت نت زي العجب برضو لكن فيهو شويت تقله لا أدري هل نعزوها للبراوزرز و الا النت ذاتو و يحتاج الموقع لبعض التعديلات أقلها تكبير خانة الكتابة و الفواصل و التواريخ و الوقت كما أن معلومات المشتركين قاعدة في السهلة حسبك النقر على اسم المشترك يطلع ليك اسمو لي جدو الرابع التي طلبها نظام التسجيل من قبل و موقعو الجغرافي و ايميلو كمان أشياء يتحاشي البعهض من وضعها علنا و الا كمان الواحد يحتال و يقوم يدي اسم غلط اذا كان مشهور زي (حالاتهم)…

    عموما أرجو أن نعمر للاثنين (ساخر سبيل الأصل) و التاني حيث صار للورد برس (سوداننا سابقا) و ساخر سبيل حاليا نشطاء و كتاب يستطيعون انزال انتاجهم بصوره الفوتوغرافية و يحاورهم فيه الجميع كما أن الدخول و الخروج منه في غاية السهولة…ربما ما شجع بقائنا و زيادة زوارنا كل يوم….

  41. ألفاتح جبرا كتب:

    الأعزاء الأحباء أبكرون – سهيل – دكتور عزت
    التحايا والود والشكر على التداخل .. بدأت منذ الأمس فى العمل مع الشركة التى نفذت الموقع على تذليل أى صعاب .. وإصلاح وتعديل كل الأشياء التى ذكرتموها .. أتمنى أن تكون تلك هى الأسباب (وجه مبتسم ) !

  42. ابكرون كتب:

    هههههههههه
    غايتو يا جبرا عليك جنس غايتو ..يعني حتكون في سبووووبه تاني غير الشكيه دي الليها سنه وشويه!
    وعليك الله فكنا من الايميل والباسوووورد…..ياخ انا اكتر حاجتين كارهم لمن ادخل ايميلي ولمن اسال في المطارات عن رقم الجواز وتاريخ اصداره… هههه

  43. ألفاتح جبرا كتب:

    قلتا ليا يا ابكرونا الشكيه ليها كم هسه ؟!

  44. ابكرون كتب:

    Internet Explorer cannot display the webpage

    What you can try:
    Diagnose Connection Problems

    More information
    ده الكلام البجي يا بروف لمن الواحد يدخل الموقع مع اني بستخدم اكسبلور 8 ….ده بجي لمن تفتح عشان تواصل بقية الموضوع او تعلق……واحمد الله في مساعي للتسهيل مع الف تحيه وسلااااام

  45. ألفاتح جبرا كتب:

    يا أبكرون ياخوى إنتا ماشى للإكسبلورر مالك .. أوبرا وإلا فيرفوكس ما كويسااااات وما فيهم مشكلة ! عموما كووولها يومين وكان عاوزين تخشوا بكراعكم الشمال تانى تخشوا !!! (وجه ضاحك شديد)

  46. طارق أب أحمد كتب:

    اب احمد و الفول و الستاركس تمام جاهزين يا فندووووم
    (رغم أن ثقافتى العسكريه لا تتعدى حدود الكشافه )

    أها يا بروف خليك الساعه 0845

    مشاكل معانا ولا مع الأبانا

    زووووول قرش العربيه عندى

  47. ابكرون كتب:

    التركي اغشاني معااااك

  48. حاج أحمد السلاوى كتب:

    الفكى الكاشف أبكرونا …
    صحى إنت فى الخرتوم عموم ؟ .. يطرشنى ما سمعت ..يعنى إنت ماشى بالمقولة واستعينو على قضاء حوائجكم بالكتمان ..موووش ؟
    على أى حال حظك دائماً كويس مع الشباب ومدونى الداخل ..وربنا يجمعكم على خير إن شاء الله.. بس ابعد من الشربوت وخليك مع الشامبيون ..

  49. ودالزبير كتب:

    شباب

    تأكيد اخير
    التجمع الساعه تسعه صباحاً قدام المحل …. الشيرنق تلاتين جنيه .. الشربوت مارقين نشتريهو هسه دي .. كده خلاص الرحله قامت

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s