دي الإرادة

Posted: الأربعاء,26 مايو, 2010 by nono in إجتماعية, اخرى

الاستحالة دائما دافع للتمسك وكلما كان الأمر مستحيلا كلما كان مغريا ومفضلا للتثبيت ؟ فإن إن كلمة المستحيل تهزمها الإرادة القوية. بعد المرور بمحطات التعب والفشل واليأس.

 

 

 

سُـئِـل نـــابليـــــون :

كيف استطعت أن تولد الثقة في نفوس أفراد جيشك .؟!

فأجاب : كنت أرد على ثلاث بثلاث ؟؟

من قال لا أقدر … قلت له … حاول

من قال لا أعرف … قلت له … تعلم

من قال مستحيل … قلت له … جرب
أجرى أديسون مكتشف الكهرباء عشرة آلاف تجربة على بطارية، كلها أخطأت فواصل حتى نجح.
• وأقام أينشتاين عمره كله في النظرية النسبية.
• طاف ابن بطوطة الدنيا في ثلاثين سنة , ولقي في رحلته الألاقي حتى جمع الغرائب والعجائب وصار حديث الدهر.
 وحفظ ابن عباس الحديث وعمره ثماني سنوات، وكان ابن تيمية يفتي وعمره ثماني عشرة سنة.
 وألف سيبويه أعظم كتاب في النحو وهو في الثلاثين من عمره وتوفى النووي وعمره أربعون سنة وقد ترك تراثاً ضخماً.
• اعتزل ابن خلدون في قلعة فكتب تاريخه وحرره وحبَّره فصار آية للسائلين. سبعون سنة قضاها الإمام أحمد يتقوَّت من أجرة دكان، وسبعون سنة قضاها الخليل بن أحمد على الخبز والزيت، وسبعون سنة قضاها سفيان الثوري على خبز الشعير.
فالمرء مخلوق من أمنيات وأحلام، ولكن عليه ألا يتوقف إذا لم تتحقق.. عليه أن يستمر، ويكافح، ويناضل، فلابد أن يصادف في طريقه شيئاً من هذه الأحلام.. صحيح أننا قد نصنع أحياناً أحلاماً وأمنيات تتمرد على الوجود والظهور على مسرح الواقع.. ولكن عدم تحققها لا يعني الاستسلام، والخضوع، والخوف من المغامرة، متى كان المرء قادراً على خوضها. والأماني نحصل عليها بجهد وعرق ومشقة ودموع وسهر وتعب وتضحية وفداء…

بكره ياقلبى الحزين تلقى السعادة
تبقى هانى وإبتسامتك معادا
والسرور يملأ حياتي ويبقى ذادا
وعيني تشع نوم بعد ماطال سهادا
وأنسى غلبي
والرياحين تملأ دربي
وأمسح الدمع البسيل يسقي الوسادة
كم سهرت الليل
وكم سالت دموعي
والألم في قلبى أصبح شئ طبيعى
والشباب أفنيتوا أبحث عن وجيعى
عشت رأهب بين تراتيلى وخشوعى
بكره تتحقق أمانى…
والفؤاد يرتاح يتبسم زماني…
والسعادة تكون جزاء صبرى وصنيعى…
الامانى العزبه تتراقص حيـــــــــــالى…
والامل بسام يداعب فى خيـــــــــــالى…
حلمى بكره وزكرى ايامى الخــــــــوالى……..

نفتح صفحه جديدة نحو أمنيات وأحلام لابد من أن تحقق وان لم تتحقق جلها فبعضها.. ؟؟؟!!!

Advertisements
تعليقات
  1. تاجوج كسلاويه كتب:

    نونو يارائعه دائما بتجددي فينا الامل
    كلمات بسيطة وسهلة ولكنها ذات تأثير كبير في النفس خصوصا في الزمن السرياني المتغير ده
    الامانى العزبه تتراقص حيـــــــــــالى…
    والامل بسام يداعب فى خيـــــــــــالى…
    حلمى بكره وزكرى ايامى الخــــــــوالى……..
    حااجيك مرة تانيه ..

  2. ياسين شمباتى كتب:

    نونو..سلام..
    وبركة بالرجعة,,وفعلا ارادتك قوية!!!العزيمة سلاح ماض وقوة جبارة وخير زاد فى اقبح زمان..

    لكن اسه كان ما دايرة تجيبى سيرة البحر ساااااكت فى داعى لاغنية (الامانى العذبة) دى!!؟؟ كان تختى اغنية وردى (الارادة),وبركة بالرجعة تانى…

  3. aflaiga كتب:

    نونو : هاك الارداه دى يا بت يا مريده انتى ومريده هنا من باب صيغة المبالغه فى الارداه ما الريده !! عشان ما تمشو بعيد تقولو نونو رياده كمان !!! حمد الله على السلامه ..

  4. محنك كتب:

    حمد الله على السلامة نونو المدونة … ورحبى بى تاجوج واساليها لينا عن ما يلزم …. وبدورنا نرحب بيها واسالى نونو وتشرح ليك

  5. ابكرون كتب:

    نونو مشتااااقين رغم عدم الارادة
    وان شاء الله السرور يملا حياتك ويبقي زادا

  6. التلب كتب:

    حمد الله على السلامة يا نونو.
    افتقدناك في الفترة الماضية.
    الارادة القوية هي المفتاح السحري للنجاح.

  7. ابوحميد كتب:

    نونو حمدالله علي السلامه الحكايه شنو الناس ديل كلهم بقول ليك حمدالله علي السلامه ….
    الاستحالة دائما دافع للتمسك وكلما كان الأمر مستحيلا كلما كان مغريا ومفضلا للتثبيت ؟ بدايه جميله للموضوع بس التعريجه للاماني اجمل خصوصا المقوله بعدم تحققها لا يعني الاستسلام……اهديكم
    لو بإيدي .. ،
    لو بإيدي كنت طوعت الليالي
    لو بإيدي ..
    لو بإيدي كنت زللت المحال
    والأماني الدايرة في دنياي ماكانت محال
    دي الإرادة ونحن ما بنقدر نجابه المستحيل
    دي الإرادة والمقدر ما بنجيب ليه بديل
    دي الإرادة أجبرتني في هواكم من قبيل

    غصبا عني وغصبا عنك
    انت حبيتني وهويتك
    لو بإيدنا من زمان
    كنت خليتني ونسيتك
    والنهاية ..
    انت عارف وانا عارف
    لو بإيدي كان هديتك أصلو حبي أقوى وأكبر من إرادتي
    وانا حاسس في جحيم نارك سعادتي
    والهيب البكوي في روحي
    في ذاتي
    هو إنت
    قلبي دايرك
    حبي عارفك
    في شبابك في صباك
    في جمالك في وفاك
    في شبابك في وفاك
    يا المسير وماك مخير

  8. nono كتب:

    تاجووو اشكر علي المرور بالله كلما مره ادينا طله انتي براك عارفه ياتاجوج (الفرمانات حقه الجامعه) ده بتبعث الامل؟؟
    بكره تتحقق أمانى…
    والفؤاد يرتاح يتبسم زماني…

    شباتي…. البحر رايق والقعوووووى متضايق؟؟؟

    افليقا ..انت بتلف تدوووور علي ايييييشششش ؟؟
    يابتاع( الهنييييات ) انا حا اكلم ليك ؟؟

  9. nono كتب:

    محنك تاجوج ده دفعه لكين مافي الجيش
    اهاا يابت امي ترحاااااب من محنك

    عمنا الفكفك ابكرون بي مناسبه مشتاااااقين….

    كان لى فى الأمسِ أحلامٌ و شوقٌ شووو مابعرف دااااك

    كان للجرح طبيبٌٌ………….لا يدانيه طبيب

    كان ….ما كان ….و بِتْنا كلُّنا ناءٍ …غريب

    التلب اشكرك
    عليك الله يا التلب المفتاح معاك انحنا بكووس فيه…

    ابو حميد
    اصلا كنت مساااافرة عشان كده الناس ديل بيحمدلله السلامه؟؟!!
    بالله يا ابوحميد البلد ده رايقه ماديرين اي رياح اشكرك علي الكتاحه اقصد القصيده؟؟

  10. ياسين شمباتى كتب:

    ابوحميد..
    البلد رايقة والزومة متضايقة..

  11. ابوحميد كتب:

    ياسين شمباتى يااخوي…
    حتى الطيف رحل خلاني ما طيّب لي خاطر..

  12. تاجوج كسلاويه كتب:

    نونو قلت حا امر عليك لكن بلدنا ده صعبه شويتين…. رغم التفائل خلت الحياة من الاحلام الوردية . ماكل مايتمنا المرؤ يدركهو تجري الرياح بما لاتشتهي السفنو..
    عشان كده بوصيك سدي المكيف لاني حاسه في هووووي بارد جاييك انتي عندك التهاب..

  13. ياسين شمباتى كتب:

    ابوحميد..سلام..

    حتى الطيف!؟؟والله غلطان تب,,,خلاس ركز مع الارادة وما بتجيك عوجة.

  14. ابو حميد كتب:

    اها ياشمباتي يااخوي طالما انا استعنت بيك قلت ليه اركز علي الارده
    هاك ده…..
    الفيها خير ربنا يسويها….

    لمحتك

    قلت بر آمن .. بديت أحلم

    ألملم قدرتى الباقية

    وأشد ساعد على المجداف

    تلوّح لى .. مدن عينيك

    وترفع لى منارة بسمتك .. سارية

    وبديت أحلم

    ***

    كل ما الريح .. تطارد الموج

    أزيد إصرار وأحلف بيك

    أغير سكة التيار

    وأقول يا إنتى .. يا أغرق

  15. ابو حميد كتب:

    أخاف

    غيم المنى الشايل

    تسوقو الريح .. ويتفرق

    أخاف .. وأخاف

    ***

    وأشد ساعد على المجداف

    وأجيك بى قدرتى الباقية

    حطام إنسان موسّم بى شقا الدنيا

    ومقسّم قلبو فى الأحزان

    أجيك فنان

    أشد أوتارى .. وأحكيلك

    حكاية إنسان وهب لى سكتك نفسو

    ورسم صورتك على حسّو

    وربط ساعد على المجداف

    وقال يا إنتى يا أغرق

    أخاف

    الضفة ترجع بيك .. قَبـُل ألحق

    أخاف

    غيم المنى الشايل

    تسوقو الريح وإتفرق

    وألاقيك يا أمانى سراب

    مواهبى عليهو تتدفـّق

  16. طارق أب أحمد كتب:

    نونو وينك يا نينى عينى
    مشتاقين كتير ولاى
    يللا ظبطى الشبكه و ركزى لينا على ناس شنباتى و الفكفك ديل

  17. ياسين شمباتى كتب:

    ابوحميد..
    الحق!! الزول مورط تب..والله يا ابوحميد جهجهتنى شديد بى (لمحتك) دى,,لانى بتعبر عت حالى ايما تعبير..واردد معاك( يا انتى يا اغرق)…واصل يا صديق…

    طارق..
    المحرش ما بكاتل..يونيو جا خلاس…

  18. طارق أب أحمد كتب:

    بس يا نونو زمن الناس الكتبتى عنهم فوق ما كان فى جبهه و وطنى
    الآن ما مهم تكون شاطر أو مبدع و مخترع و لا ختى حافظ اللقرآن و البخارى
    المهم تكون اى حاجه آنشاله ضنب فى الوطنى

  19. طارق أب أحمد كتب:

    شنباتى
    وينك مشتاقين و عايزين نطمئن بالصوره و الصوت على أخونا بللاى لاقينى فى السكايبى

  20. طارق أب أحمد كتب:

    نونو طششتى شبكتى يطشش عدوينك هنا المكان الصاح بعدين ولدنا أبو حميد دا مالو ما فى زول سألوا عن موقعوا الجغرافى هو يعنى الشوايقه ديل إلا يكونو فى الزوووومه بس

  21. ابو حميد كتب:

    ياسين شمباتى

    زي ماقلته ليه فاصل واصل بس انا مشيت بي وشي

    أشد أوتارى .. وأحكيلك

    حكاية إنسان وهب لى سكتك نفسو

    ورسم صورتك على حسّو

    وربط ساعد على المجداف

    وقال يا إنتى يا أغرق

    لو جينا الرحله ممكن نتقابل …نشوق الغريق ده …منو…

  22. الزهراء كتب:

    نونو الغاليه
    كلامك سمح بالحيل والاراده بتذلل الصعاب وبتهزم المستحيل وهي من اسلحة وزاد الاستمرار في تحقيق الاحلام والامال
    بركه الشفناك طيبه ياتاجوج الكسلاويه والله ليك وحشه

    ابو حميد وشمباتي
    كتر خيركم ما مقصرين انتو الاتنين الله يديكم العافيه

  23. ياسين شمباتى كتب:

    ابوحميد..
    انت غرقت بالجد ولا شنو!!؟؟ الرحلة دى بس بالتلفون!! انحنا خارج الوطن يا صديق…
    لكن غرقك بان تب…

    الزهراء..
    يديك العافية..وينك؟؟؟

  24. ابكرون كتب:

    ابوحميد سلاماتك
    ياخ بالله تعال الرحلة
    وخلي لسان حالك يقول :
    الا ايها (الماشين الرحلة) هبوا
    اسائلكم هل يقتل الرجل الحب ؟
    تعال يمكن تصدق وتصادف وكده وبتااااع

  25. nono كتب:

    ابو احمد وابوحميد ال (المحاميد) وشباتي بس الواحد مايديكم ضهرووو تاخدوو راحتكم للاخر …
    ابواحمد الطشششان حاصل القصه محتاجه لي نظاره ارير انتى فايروس؟؟
    الزهراء يابت القبيله افتقدتك انتي بقيه الحرائر في البوستر ده بس الاخت تاجوج ماقصرت عملت مداخله يعني (الاشبال) بقوا احسن منكم ؟ لكين مامشكله …

  26. nono كتب:

    ماقلت ليك ياشباتي ماتنسي لمن تجي الرحله مر علي عمك الفكفك جيبو معااااك بالمره نعرف المووووووووودوع شنوووو و التوسيق(التوثيق) اهم حاجه ربنا يكفيكمممممممم (شر الغرق) في جبل اولياء انت (عمك الفكفك )لازم ترجعوو ساااالم غاااانم ؟؟؟

  27. ياسين شمباتى كتب:

    نونو..
    فكفك منو!!؟ وبحر شنو!!؟؟وانحنا وين؟؟ونحنا منو!!؟؟

    ابكرون..
    يا ضارب تحت الانكل انت..

  28. حاج أحمد السلاوى كتب:

    ولدنا شباتى ( حسب قول نونو .. ما من عندى )..أول حاجة نبارك ليك مرور إمتحان رخصة السواقة ..مع إنى عارف إنو تم بالواسطة .. بس بنمشيها ليك .. غايتو ربنا يحفظك .. وخلى بالك كويس .. وما تسرع وما …..تفحط … !!
    – الزهراء أكان عاوز تعرفها وين أنا بقول ليك .. تلاقيها بيغادى فى الضفة الشرقية .. فى كتاب الوش ( الفيس بوك )..مداخلاتها ما تديك الدرب وعافصة ليكم بيجاى .. السبب شنو .. ما عارف !!!
    – نونو دى تكون شربت ليها شامبيون قبل الرحلة ..ولا شنو ؟
    – الفكف طبعن عندو قدرات خارقة ..يعنى ممكن يمشى يحضر الرحلة ويرجع فى نفس اليوم ..عن طريق خُدّامه ..أتوسط ليك يا شباتى عشان يسوقك معاهو ؟
    – طارق اب احمد .. ابو حميد دا سألناهو زمااااااان عن موقعه الجغرافى ..,على ما اذكر أجاب عن السؤال .. لا تظلم الرجل .. والرجال قليل … هذه الأيام ..

  29. ياسين شمباتى كتب:

    ابوى السلاوى..
    ناس جدة ما بتنبل فى خشمهم فولة!! هات دليل على صدق ادعاءك…ويباركوا ليك سمح الوليدات…
    ولو فى طريقة نمشى نشارك فى الاعتصام والاضراب بتاع الاطباء ما مشكلة…

  30. ابكرون كتب:

    والله يا (شباتي) ما قصرت وعملت العليك…. لكن في ناس عاااامله غبياااانه..
    بعدين ياخ انا في البلد…الشهور الاخيرة دي بجي كتيمي وبرجع كتيمي زي ناس سنكل…..ومرات بساط الريح الله يديهو العافية….عمك سلولو ما قال ليك زرته في المستشفي ؟

  31. ياسين شمباتى كتب:

    ابكرون..
    اصلو لا !!؟؟؟؟انت فى السودان ولا فى الدوحة!؟؟والله الزمن دا ابوك ما تضمنو عل ىقول صاحبنا..اما السعودية فاكيييييد ما جيت,,لانو الحاج عملت ليهو وجع اضان,لإكان ادانا الخبر..
    لكن الرايح الله معاهو,,انحنا قاعديييييين وبنعاين بس..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s