كل واحد يكلم واحد

Posted: السبت,29 مايو, 2010 by طارق أب أحمد in اخرى

بما إنو كترة الطله بتمسخ خلق الله فاعذرونى لو كترت الطله مساء أمس و ما ذاك إلا رغبتن فى المساخه درأن للسكرى الذى أتوقع أن يداهمنى بليل بحجة انه جاء ((لينقذنى)) من اكل الدسم و السكريات
بعد قراءة موضوع عزت و صديقه أورتشى صادف أن إلتقيت بالصديق عماد وهو مصمم جرافيك و مصور و عضو فاعل بالموقع السودانى الأشهر فسالته عن سبب إختفاءه من الموقع فأجاب الإجابه المعهوده بأن الموقع أصبح ((.. و …و…)) فدعوته للإنضمام الى موقع ساخر سبيل فقبل الدعوه بترحيب و إهتمام شديدين

المتابع لموفع ساخر يلاحظ أن الموقع لا يقدم الا المواد الجيده و المفيده و خفيفة الظل بدون أى منحى نحو الفجاجه و البذائه مما جعل الموقع قبله لكل أسر الكاتب/ه و الأعضاء , يناقش معهم ما يكتب و يقرأون معه ما كتب

إدعو أحد الأصدقاء

هذه دعوه لكى ندعم المنبر بالجيد من الكتاب و الفنانين و الشعراء و كل من يمكن أن يثرى المنبر
فقط تخير من اصدقاءك أحدهم (و هم كثر) و إدعوه للأنضمام معنا

Advertisements
تعليقات
  1. طارق أب أحمد كتب:

    كاس العالم, رمضان تسخينه لى رمضان و تقرير المصير ((موسم))
    عايزين تنزيلات أنضم الأن تاخد باسويرد بروموشن

  2. ابكرون كتب:

    حاضر يا اب احمد من دي لي دي
    وبرضو نقدم دعوة للناس الراكنه ومتكاسلة وارواحنا مشتاقه لي طلتا من ناس وناسات المدونه ونقول ليهم طلوا وهم كثر في الداخل والخارج

  3. خالد مدني كتب:

    تحت شعار تعال ومعك آخرون … تعال ومعك آخرون .

  4. عزت كتب:

    ما امكن يا خالد جيب معاك واحد و خد موضوع مجانن

  5. طارق أب أحمد كتب:

    أبكرون
    تسلم عيونك بقرا فى كلامك إتذكرت سهيل ,,الولد دا مالو يكونش دا ((الما)) عرس

    خالد مدنى

    تعال و معك آخرون
    تلقى عزت و سلولو و أبكرون
    جاهزين بالبيئه ,الجروبات و الأنطون
    و ما تنسى أب أحمد با عمك
    فارش حق السليم بالصحون

    عزت

    أنت أنجزت أورتشى يللا الأورتشى حيكرمنا بى منو

  6. سهيل كتب:

    اب احمد .. إنت يا عمك ما بتتبل في خشمك فوله ؟؟؟؟؟ قال السليم قال ..إنت يا زول فولك دا زارعو جوه القدره ولا كيف ..يا زول بجيك قاوت .

    فكره : في الرحله الجايه إنشاءالله كل زول يجيب معاهو زول يكون بمثابة العضو المستهدف الجديد ( حلو مستهدف دي) هسي افليقا ينط يقول ليك ناس الهدف مامعانا .. يقوم الزول الجديد ( و شرطآ يكون زول راسو مليان و لذيذ) يقوم يعجبو الحال و نبقى كده زدنا الكم الكيفي … ولد ده ( علي بالطلاق انا الليله ما نصيح ) ..

  7. طارق أب أحمد كتب:

    سهيل
    ولد ده ,,,,,حولا

    أها و المستهدف ده برضو حتستهدفوفى الشامبيون و فى البحر و يتطمبج لامن يقول يا قوم ألا من مجير و يتغير الحال من الكم الكيفى لى الكيف بى كم

    بعدين إنت بتتكلم جد الفول بجيب قاوت

  8. aflaiga كتب:

    اب احمد : عوده باثر رجعى ومعليش لتاخير .
    قريت العنوان قلت اب احمد ده قلب ولا شنو ؟؟ هههههه
    انا شخصيا كل مره اجيب زول يقوم ود الزبير يشحدو بوستا واحدا ويوقم نيام يشحدو بوستين يقوم الزول يشرد تانى ما يجى – تانى امشى احنسو ادردقو اقول ليهو الناس ديل قاصدين بوست يعنى موضوع يقوم يقول لى لكن ود الزبير ده ما معانا اقول ليهو طيب ونيام يقول لى ده بالذات معانا !! اها اقول ليهو واب احمد يقول لى ده بتاع الفول ؟؟ اقول ليهو ااى يقول لى ده بى فولو معانا ..
    على كل انا حاواصل اجيب ليكم وانتو انسترو معانا ..

  9. aflaiga كتب:

    سهيل : التعليق بتاع الكم الكيفى ده قبل الخطوبه ولا بعد الخطوبه ؟؟ لانو بيفرق كتير . لانو لو بعد الخطوبه فنحن موعودين بكاتب كبير مع انو الايامات ديك مفروض تركز فى ( القرايه ) وتخلى الكتابه شوية وما تكتر فى القراية لانها بتهلك العيون وافضل لو عملت نظاره حفظ نظر من اسى .
    اب احمد : والله فكرة انو نضيف كوادر ( حلوه كوادر دى مش ؟؟ ) للمدونه دى فكره جميله جدا لانو يا جماعه سوداننا ده من اتعمل ونحنا بنقول انو شروط الجوده هى الحفاظ على الموجودين وتجويد الكتابات واستقطاب ( برضو حلوه مش ) كتاب جدد يمثلو اضافة نوعية للمدونه .
    انا شخصيا حاحاول الم ليكم كم مهترش على كم س على كم ص يجو يكتبو مباشرة هنا بدل نقول صديقى س وصديقى ص .
    بس ود الزبير ما يشحدم والسلاوى ما يسالم ساكنين وين والبشاوى ما يعزمم باسطه بموز .

  10. ياسين شمباتى كتب:

    ههههههههههه..انت مالك ومال المجابات يا افليقا !!؟؟ بعدي ننبقى فى هناى وهناية…

  11. aflaiga كتب:

    شمباتى : ما نجيب تقولو ما قاعدين تساهمو فى المد الثورى – نجيب تقولو بقيتو جيابين !!
    اها نسوى ليكم شنو قرضو على القدام لمن المدونه تعتت ..

  12. حاج أحمد السلاوى كتب:

    ولدنا الدينمو .. ابو الأفاليق ..
    تبنا لله والرسول ..من السؤال ..
    تانى علينا لوم …وجيب العاوز تجيبه ….!!!

  13. ياسين شمباتى كتب:

    ههههه,,جيبو لا يهمك,,بس نقى كويس!! وما تحسبونى شيخ زى المرة الفاتت!!!

    ابوى السلاوى..
    وينك؟؟تلفون ما يرد!!

  14. aflaiga كتب:

    ابوى السلاوى : اول حاجه حمدلالك السلامه والله اتصلت اكثر من مره الهاتف بره الخدمه .
    اسى انت زعلت ولا شنو انت على الاقل بتسال من العنوان بس فى ناس بعد يعرفو العنوان بيمشو يباركو العضوية ويشيلو معاهم موز وباسطه !! يا عمك اسال زى ما عاوز بس حدك العنوان ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s