هل نتعلم من تاريخنا

Posted: الأحد,30 مايو, 2010 by عزت in اخرى

الأيام دي غايتو الواحد يظهر على حساب (أورتشي) شوية لحد ما يدوهو الباسوورد فالشاهد أن هذا الموضوع أرسله لي يوم الخميس تحت هذا العنوان، لكين طوالي أنا قمت استلمت الموضوع اذ لا أعتقد اننا تعملنا التكتح من تاريخنا الناصع البياض… كان في كورة و الا حكم و الا شفافية و آخرتا في الخدمات العامة… فأنظر ماذا لدى أخونا (عادل)…. و الدليل آلولو…

بعد ان انتهت اجتماعاتنا مع رجال الاعمال الاوربيين الذين كانوا ضيوفا علينا في السودان، وددنا ان نضع لهم برنامج لرحلة ترفيهية فاستشرناهم في بعض الخيارات التي وضعناها أمامهم الا و انهم طلبوا منا زيارة موقع واحد فقط بالسودان وهو منطقة البجراوية اي اللآثار. بالطبع لم نمانع والجماعة ضيوف و (المحلة) قريبة ومنها نشوف اهلنا في كبوشية… اذ تقع اثار البجراوية شمال كبوشية بحوالي اثنين كيلو متر تقريبا.. ففي اليوم الثاني اعددنا العربة والزواده وموية الصحه وشوية معلبات والظروف ما معروفة…

وصلنا بحمد الله في نفس اليوم اي بعد ثلاتة ساعات والطريق جميل و لكنه ايضا لايخلو من الطرائف…. ما علينا خلونا في الموضوع الاساسي…. استقبلنا اهل البلد بكرمهم المشهود ضبايح وكرم فايت الحد حتي ان الخواجات الثلاثة كانوا مذهولين للاستقبال الرائع…. طبعا الجماعة ديل أهلي من ناحية الام والاب … بعدين كلكم بتعرفوا (كيف يكون الحال لو ما كنت سوداني)…

جابو صينية الغداء (شايلنها اتنين) فقمنا ارشدنا الخواجات لغسل اليدين واكلنا والخواجات في قمة المتعة وهم يأكون بايديهم…. طبعا ما أنسى اقول ليكم البلد كلها كانت واقفة الماسك كباية موية، الماسك جك ملان عصير والثاني يصيح ياولد قولو ليهم يجهزوا الشاي الجماعة ديل مستعجلين، و لم يقعد معنا في الصينية أي من أهل البلد من باب الكرم والاحترام حتي ينتهي الجميع من الاكل….

بحمدالله اكلنا وجابو الشاي…. بعد الاكل طلب احد الخواجات الذهاب الي الحمام ومن هنا تبد القصة اذ يبدو ان الحمام في تقديرهم به كل شي ولكن طلبنا منه التحديد لان الامور عندنا بتختلف فقلت لة ايهما فالتفت قائلا..!! كلها… وهنا بدأت اشرح له ان الحمام يتكون من دش و حنفية في الغالب يتغلب الناس من عدم وجود الماء فيهم بجردل يطفو فيه كوز لزوم ما يلزم أما الاشياء الاخري فهي عبارة عن حفرة فقط  و بجوارها أبريقا فهنا  اعتذر الرجل وقال بأنه سوف يكتفي بغسل اليدين فقط بالابريق….

ودعنا الجماعة شكرناهم على حسن الضيافة و ركبنا العربة التي أوصلتنا الى الآثار حوالي الساعة الرابعة والنصف مساء،  ووجدنا  المسؤل عن الاثار و الذي بدوره رحب بنا  ترحيبا شديدا وبدأ يشرح لنا ويتحدث عن  الاثار حتي دخلنا منطقة حمامات السباحة والساونا… و استرسل المرشد يشرح في تورايخ البناء وروعة التشييد فلما وصلنا الي غرف الحمامات والبانيو المبني من الرخام شرح لنا المرشد تاريخ البناء الذي كان قبل الميلاد بأربعة ألف و خمسمية سنة……

هنا التفت الي الخواجة الذى طلب الحمام من قبل وقال لي هذا يعني انكم تخلفتم عن التاريخ بعشرة الف سنة ومن هنا علمت الرسالة…..

Advertisements
تعليقات
  1. سهيل كتب:

    يا خلف الله .. عذبت الخواجه .. اها هسي كان في داعي

  2. سهيل كتب:

    هسي يا د.عزت الخواجه دا كان دقش الخلا دا وفش غبينتو .. مش دحين كان عرف البترول دا جا من وين ؟ .. هسي هم بيستوردو بترول عشان هم غشما( بضم الغين) و بيدو بترولهم البحر .. هسي الإستفاد من تاريخو منوووووووو ؟؟؟

  3. حاج أحمد السلاوى كتب:

    أخونا أبو عصمت ..
    كان من الواجب ..والإحتياط واجب تشيلوا معاكم شوية كيسين أو تلاتة بامبرز حجم عائلى كبير لزوم الزنقات والمواقف المحرجة الزى دى ..
    غايتو خليها فى بالك المرات الجاية ..والجايات أكتر من الرايحات .

  4. التلب كتب:

    سلام يا دكتور
    بالله يا دكتور المرة الجاية اديني خبر عشان ارسل ليك واحد Briefcase Toilet و ده اكيد حيريح ليك الخواجات ديل في حنانهم.
    بالله ألقي نظرة و ادينا رائك

  5. التلب كتب:

    حمدا لله على السلامة يا حاج السلاوي انشاء الله تكون بلغت الصحة.

  6. سهيل كتب:

    هيييييييييييييييييييييييييييي جدو كان مالو يا تلب ؟؟؟

  7. التلب كتب:

    يا سهيل جدك السلاوي كان بعافية حبتين زي مابقولوا اخوانا في شمال الوادي. دي المعلومة العندي على أي حال !!!

  8. سهيل كتب:

    حمدلله على السلامه ياجدو .. و الف لا بأس عليك .. كان تكلمونا بدري .. كان ارسلنا وفد للأراضي المقدسه يطمئن على صحة جدو الحبوب .. هو جدو شويه .. لكن معليش يا ناس المملكه ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s