أخيرا وبعد طول إنتظار لمعت دبلة الخطوبه فى بنصر الباشمهندس سهيل و الزميله شيرين ب دال الغذائيه
كل الأمنيات بحياه ملؤها الحب و النجاح فى البيت و العمل
و عبر البحر أيضا ستتوالى الأخبار المفرحه قريبا حيث أعطيت الموافقه المبدئيه لبتنا على ولدنا
و سوف تكتمل الأفراح بحضور الأسره للبلاد قريبا
سوداننا 
الف مبارك لاخى العزيز الغالى سهيل والعزيزة شيرين على الخطوبة – وانشاء الله ربنا يتم ليكم على الف خير.
يلا يا شمباتى وود الشيخ – بقيتو فى وش المدفع
اوووووو اب احمد جاب كلام
مبروك للباشمهندس والف الف مبروك وربنا يتم ليكم على خير .
كسره على لسان سهيل :
اخوانى ود الشيخ وشمباتى : ودعناكم الله .
مبروووووك يا سهيل و ربنا يتمم على خير
كسرة علي لسان عزت
يا ربي حيجي الرحلة…!!
دي ما دايرة سلامز
دي دايرة .. السلام عليكم و رحمة الله و بركاته .. و الفي اصبعك هاتو
شمباتي :
من الحكم صفر
يا الاعب معاي ضاغط
ترفع لي كرت اصفر
يا الاعب معاي ضاغط
ما ظريفة و ما لطيفة
بشكيكا للفيفا
ود الشيخ :
يا سهيل بقول ليك بأمانة
عمليتك ما ظريفة
و حركتك جبانة
مبرووووووووووووووووك يا حبيبنا .. و ربنا يتمم على خير .. و يبعد عنكم العوارض و المصائب و شر الحاقدين و الحاسدين
1000000 مبروووووك سهيل و انشاء الله عقبال بقية العزابة
ولدنا سهيل بن سهيلة الساهلى ..
دى عملتها كيف ؟
وربنا يتمم لكما على خير …وتغلبها بالمال …وتغلبك بالعيال..
سؤال سغيرووووونى كدا ..مستعجل مالك ؟؟؟؟؟؟؟؟؟؟؟؟؟؟؟؟؟؟؟؟؟؟؟ .
وارجع اقول ليك خير البر عاجله ..
وإن شاء الله الباقين كمان يضوقوهو كمان ..هم عارفين روحهم ..
مبروووووك يا سهيل و ربنا يتمم على خير
السؤاااااااال المهم يا سديقي العزيز العقد بتيييييييييييييييييييييييييين؟؟؟؟؟
باقي نحن وناس عزت ديل ناس عقد أمسك لي وأقطع ليك!!!
الحبيب سهيل..
مبارك وربنا يتمم على خير ويعمركم ويوفقكم لما يحبه ويرضاه…عجبنا وسر بالنا…
مشاكل..
الزم نفسك وانج بها,,فالطوفان قاااااااااااادم..
ابوى السلاوى…
منو ديل!!!؟
استرايكر وزوووووووول..
فى امان الله !! طبعا دا شغل ضر وحسادة منكم,,حاسدنى انا ومشاكل اخوى دا عشان بالنا مرتاح ومزاجنا معدول..ابيييييييينا …
طارق..
فى داعى للشحتفة دى؟؟قول وريحنا…
سهيل الطاهر
الف مبرووووووك يا عريس مبروك عليك …..ده اليوم الدايرنو ليك….يا سهيل….
وعقبال الفرح بعد الخطوبه وبالسعادة والبنون ان شاء الله…وعقبال العزاب شباب وشابات بحوش العمدة……
اوعدك يا ذاتي(ياشرين) يا اقرب قريبة
*****************
الليلة اهديك دبلة الحب والخطوبة
***************
سهيل( ثهيل) مبرووووك ربنا يتمم علي خير
العزيز سهيل … الف مليون مبروك وربنا يحفظكم ويتمم ليكم علي خير … وربنا يمرق ابو الدرداق داك من الحفرة بس هو يقول آمين اصلو قريب من الحرم .
ابكرون..
ما تفلق !!
خالد مدنى..
آميييين,,لكن البقنع الجماعة شنو؟؟ والحفرة شايلة تقيل والله..
سهيل مباااااااااااااااارك وربنا يتم على خير
يا بنات جهزوا القشرات وكده وماتنسوا اتصلوا بالفكفك عشان من حنة سهيل حالكم يتفكفك
لكن ياسهيل خطوبه وشنو وشنو دى ما حاجات ناس اسبيستون خليها لناس مشاكل وعبدووش وعبدوز وشمباتى مفروض تكون حلقه الاخيرة طوالى ربنا يتم على خييييييييييييييييير
وعقبال الباقيييييييييييييييينن
والى لقاااااااءءءءءءءءءءءء
مبروك يا سهيل … الخطوبة ويتم ربى بخير لكما
وما تنسى وصية ود الخلا والغبشة
الغبشة..سلام..
بركة بالطلة,,وكلامك مية مية..حركات البوكيمونات دى مافى داعى ليها_نظام حسادة وكدة_
بس فى مشكله كبيره جدا يتم مناقشتها على أعلى المستويات فى العمل اليومين ديل و هى أنو العروسين لو قرروا يعملوا العرس فى ديار اهلهم الشوايقه الشغل حيتعطل تمامن
اب احمد خليك مفتح وما تخليهم يعملوا كده والا حنفهم انهم مادايرين معانا
الغبشه
مافى مشكله الستاركس ما قاع اودى الأحباب ومديرك ذاتو معانا
إلا لكين وينو العريس دا ما يجينا شان نبارك ليهو و نفوت أهلنا اليل ليل
الحبان في كل مكان
سلام وشوق ومحبة
قلب المحب ووجه الحبيب ولدنا سهيل ونصف دينه ودنياه المقبلة ألف مبروك ونسأله جل وعلا أن يتمم فرحكما وأن يبارك لكماوعليكما وأن يجمع بينكما فى خير.
ونسأله سبحانه وتعالى أن ييسر لبقية بناتنا وعيالنا في الدانقاهو وليّ كل شيء وقادر عليه آمين
وأخيراً تم الإيقاع بجقر كبير وأخيراً وقع سهيل في أحسن أعماله … ألف ألف مليون ترليون مبروك ومثلهم لأختنا شيرين … على كده رحله بكره قايم بيها سهيل على نفقته الخاصه ولا موهيك
شكرآ جزيلآ احبائي الكرام .. ربنا يسمع منكم و يلبي دعواتكم و عقبال عند الباقين .. فرحكم لي فرحني شديد و عقبال نسمع بأخبار النس القال عليهم جدو سلاوي و المطيرين عيونهم و نبارك ليهم ..
من هنا اعلن فك إرتباط مع العذابه ناس شمباتي و مشاكل ” خوه فرتف” .. يلا يا اولاد شوفو شبهكم وين .. اكيد ما انا
سهيل..
جنس عملتك دى بنعملها اسه دا,,لكن الحكاية التمومة!!! وما تخلينى انبرش فيك هنا..
تمومة شنو يا عمك .. إنت بلنتي ساااااكت ما قادر تشوتو .. لا بالله إنبرش عشان نشد ليك حبال غسيل من الفواره لحفر الباطن ..
شنباتى
سكتك
هههههههههههههههههههه
ياخ ده ما انهده ركن للعزابة انهد سقف بحالو …لكن يا ولدنا يا مجاور الرسول ما عندك كلام تاني حصل…. وشوف لينا معاك (دبل شوال)…وشوف لابحمد ده…..موت العجايز عرس…اما ناس نيام وسنكل وبشار وعزت ديل (فشنك) ساكت وقنابل صوت ساااكت بخوفو بيها الطير……وخليهم يتذكروا الماضي خلاص الماضي ولً وراح…وجفت دمعتي الباااااااكيه وشنو ما عارف دااااااك…..
وعزت نفسي مابيه علي…..بالله يا عزت المذيعه البقاقة دي وين اسه….ب شوفوا العواد عوض ده منطرب كيف ….! ما عارف لو كان شايفا كان طار من الكرسي……….!
أبكر
أنتو الخميس ببدا عندكم الساعه كم
مبروك يا ولدنا …. وعقبال كل أفراد الفريق B- بقيادة ولدنا الدكتور شمباتى !!
سهيل..
والله اقوم عليك اندمك على خطبتك دى وارجعك لخط الدفاع !!!ما قلت ليك امس السبب شنو!!؟ ضمان مافى..
طارق..
ما يقدر,لكن لقانى مشغول وملخوم بهناك..
ابكرون..
اها الاغنية بهديها لى سهيل لانو امكن يحتاجها يوما ما !!! لكن رهيبة صراحة.
بروف جبرا…سلام..
دا شنو دا !!؟؟ متيييين وديتونى لى فريق B؟؟ انا قائد فريق C وما ممكن اتنازل عن المكانة دى.رجعونى سريع,,انا ما داير معاكم..دى السنين بتجرى وانحنا فى محلنا ثابتيييين..
اب احمد بنبدأ (بعد تسعه) ههههه يا حليلنا وياحليل دبلوك
شمباتي : الحلوه شنو الاغنية ولا المذيعه…؟
السلام عليكم ورحمة الله
الحبان في كل مكان
سهيل مليار مبروك
عقبال للباقين
ابكرون..
انا قلت رهيبة ما قلت حلوة!! كدة الاجابة تكون وااااااضحة,وفى كل خير وحلاوة..ولا رايك شنو؟؟
يا( شنباتي) قهقهههههه ..انت بقيت مراقب ؟ عااالم جبانات بشكل من اسه ؟ برضو ما إفتهمنا الرهيبة شنو..؟
الرقابة بقت موضة الايام دى يا ابكرون!!
بعدين الجماعة مرة مرة بتاوقوا بى جاى قلنا نكسب بونت وكدة..
لكن كان جيت للحق الرهيبة هناية,,ايوة..
ألف مبروك لسهيل وخطيبته ونقول ليهم إن شاء الله بيت مال وعيال.
شمباتي آل الرقابة آل
وبعدين الجقلبة بدت من هسه، آل الجماعة آل
يعني من هسه عواطف بقت “الجماعة” طيب “الحكومة” مش أحسن !
ههههههههه..انت يا ودالباشا خليك مستور!! باقى انا والحاج عااااارفنك وساترنك..
انحنا قلنا زحمة عمل وبس
يعني يا شمباتي تفتكر عواطفنا لو كانت بتاوق بي هناكنا اتفسحنا واخدنا راحتناهنا؟؟؟
ياخي خليها مستورة ذي ما قال بتاع القصر العشوائي داك.
وبعدين الحاج الله يديه العافية اختفي فترة وسمعنا بوعكته لكن عواطفه كانت معاهو يعني كلنا في الهوى سوا.
شمباتي حصل أخوك سهيل وخش طوالي في الموضوع ومعاك أخونا مشاكل وربنا يتمم ليكم ويسعدكم (زين عالم جميل) زين هنا مقصود بيها عواطف.
مجرد ملاحظة والله بريئة : يعني آنسات وسيدات الموقع ما فرحن لخطوبة الوجيه سهيل ؟ يعني غير نونو والغبشة بقية اخوات اميمة (اميمه دي منو ؟) طناااااش وغياب خالص …التهانئ بالتلفون خاصة لكن بالمدونة مشاركة عامة ووقعها جميل…..وبتريح الناس الجنها تحليل وفك وتركيب زي المدعو ابكرون……كدي بعدين اشوف لي واحدة في النادي…..!
غايتو جنس غايتو يا ابكر………
صباحكم زين يالمدونين .. و شكرآ جزيلآ شعوركم الطيب
ابكر : بناتنا ديل باقي مشغولات بالحيل ورا المعاييش.. مابقصرن كان بقن فاضيات ..
شنباتي : كدي جيب آخرك .. وفتني يا فرده .. امشي يا .. يا بتاع الهنايات .. مافي زول يسألني يقول لي الهنايات دي شنو .. كده كفايه ياولدنا ولا نشغل المنشات ..
سهيل : والله كونو بعد كم سنه تعمل خطوبه دى ذاتا خطوه كويسه يعنى نستنى كم سنه تانى للعقد ؟؟
الهى وانت جاهى تطلق فى الود سهيل ده ام هلا هلا تخليهو يعقد الليله قبل بكره وتضوقو الضقناهو !!! الليله قبل بكره قدر يا كريم ..
مشهد :
سروية : بابا انت سهيل ده مالو خاين كده انت مش قلت لى بى طريقتو دى حاجزينو لى انا يعنى الاستعجال ليهو شنو ما كلها كم سنه واكون كبرت بقيت عروسه يعنى هو صبر ده كلو غلبو يستنانى ؟؟
حمودى : يا سرويه القصه دى قسمه وكان فاتك سهيل اهو شمباتى قاعد كلها كم سنه ويفكر يعرس تكونى بقيتى عروسه وكان فاتك شمباتى مشاكل قاعد بس يخلى شيخ حسن ده يكون ميه ميه ..
عبودى : اسى كدى خلونا من ده كلو اسى سهيل ده حياخد كم سنه عشان يعقد لانو المدارس قربت وكنا مؤملين لى ربه كاربه كده قبل القراية ام دق وخاصة انو انا السنه دى خاشى الروضه وكده فعاوزين نخم رماد العلم فى عرس سهيل يا بابا ما تكلمو لينا يستعجل قبل المدارس ..
افليقا : يا شفع هوى اقرو قرايتكم ساى لا سهيل بستعجل ولا شمباتى بجهز ولا مشاكل بخلى الشيخ !!!
ودالباشا..
عمل يااااا ويكة!!؟؟ هى ما بتاوق لكن اجازتك بهناك,,انا ما بفسر والمدونين ما بقصروا..
ابكرون..
يا حاج جزاك عند الله!!!
سهيل..
هههههههههه,,والله انا مراعى لى حالتك النفسية الفرحاتية,,لكن بجيك يوم وبتلم الهدوم,,وانا ما برحم وانت عارفنى….واعمل حسابك الزقاق راجيك!!
يتقدم ال افليقا بقلوب ملؤها السعاده والغبطة وبتمنيات العديل والزين للشاب سهيل ود العز والقبيله باسمى التهانى القلبيه بمناسبة الخطوبه والدبله المسكت يمينو ودبلتا المست غرورك يا سهيل . ويسالون الله ان تنتقل الدبله انتقالا سلسا من الاصبع ده للاصبع داك فى انتقال لا يشبه باى حال انتقال الثوره من الشرعية الثوريه للديمقراطية .
ويتمنون ان تكون الحياه بين شريكى المستقبل لا تشبه باى حال الحياه بين الشريكين الحاليين .
ويتمنون لشركاء الاتفاقية ان يدعمو الاتفاقية دعما لا يشبه تملص شركاء الاتفاقية ديك فى الليله ديك .
كما لا يفوتنا ان نشير الى ضرورة تكسير الحدود وتقصير اجل الاستفتاء ليكون باعجل ما تيسر ولا يشبه الاستفتاء دااك وكده .
وفى الختام نسال الله ان يديم على الشريكين نعمة التفاهم والمحبه والالفه والسكينه .
يا سهيل مبروك عليك وده اليوم الدايرينو ليك يا بتنا مبروك عليك
ونقول لاختنا شيرين اننا اهديناك درة مدونتنا ختيهو فى حنان حنان عيونك
ونقول لاخونا سهيل بتنا دى ختها فى حنان حنان اهتماماتك
والله يتم بخير .
أفليقا..
اتاريكم داخلين على طمع !! رحلات وعزايم وشنو ما بعرف داك …طبعا ما بقدر اقول ليك انا جاهز الموضوع يطلع من يدى,,لكن اعتبرنا كدة..
اما عن مشاكل فاحسن الولاد يباروا العلم !!!
شمباتى : ههههه
قلت لى داخلين على طمع ؟؟ ههاااااى يا بابا !! فوق كم يا انتا ؟ من قروشك الفى البنكى ؟؟ ولا ينزينك الفى التنكى ؟ ولا برنداتك البى الزنكى ؟؟ شفت الردحى ده كيف ؟؟ ما كسرت لى خاطر بتى وكده !!
والله يا شمباتى بعد كلامك ده كان سروية دى كان فرتقتها اسبيرات لى اخواتا ما بديك ليها خلى جاهز كمان جاهز كيف يعنى هنااى ولا شنو ؟؟؟
تحياتى وسروية عاوزه تقرا والله ممكن نشوف ليك بت ستريكر الجايه .
قلت لى مشاكل مافى منو امل طيب ما يعرس بت الشيخ بريدو سيرو الليله يوم جديدو !!
ههههههههههههههه,,حلوة اسبيرات دى..لكن صدقت فى ردحيك الا حتة البنزين دى اسمح تغيرها,,لانو التنك دايما معبأ !!! بعدين انا انتظر بت منو!!؟؟
انت يا افلى بتلعب لعب,,انا فجعة بدخل توووووشك..
اما مشاكل فاحتمال يغنى( متين يا على تكبر تشيل حملى)!!!
شمباتى فجعتن تووشك : والله فجعتن حقتك دى ما عرفناها متين لكن المويه تكضب الغطاس واى يوم تقولو بجى والبتضارى ورا الايام عريان !!
ومش سروية دى حنعرسا لى ود سهيل ..
كان كدى احسبنى عريان من اسه!!
بعدين سهيل دا زى الايام واحد !!
ابحمد قال 😦 عبر البحر أيضا ستتوالى الأخبار المفرحه قريبا حيث أعطيت الموافقه المبدئيه لبتنا على ولدنا
و سوف تكتمل الأفراح بحضور الأسره للبلاد قريبا )
حد يفسر ويترجم لينا الكلام ده …. دخلتو في (قوقل شمارليت ) ……فيوزو ضرب
ابكرون :
اب احمد قال = اب احمد طرف فى الموضوع —– 1
عبر البحر = يعنى احد العروسين جاى بالبحر —– 2
موافقه مبدئية = شافو الشفنا الشافا ما شفتوها يا حبانى —- 3
بتنا على ولدنا = بت ناس طارق على ود ناس طارق —- 4
حضور الاسره للبلاد = الاسره كلها بره البلاد —— 5
يا ابكرون ما واضحه يعنى اب احمد عندو نيه يعرس عروس بحر من البحر بس اسرتا غاتسه فى البحر لمن تطلع من البحر اب احمد حيخطبا ليك !!!! شنو يعنى كيميا ؟؟؟
مبروك لاب احمد ولناس ابكرووون ( جنس فتنه )
اهاااااااااااا يا دوب افتهمتها يا افليقا …. بسم الله ما شاء الله فته قوقل شمارليت (اخو قوقل ترانسليت )
افليقا يا اخوي ما تعصر بالحيل كده علي ولدنا الشاب الرهيب شمباتي .. إنت مستعجل ليهو كده علي شنو ؟؟ خليهو يعزل و يتريث و يراجع نفسو خمسمية مره كده عشان ما ياخد مقلب يندم عليهو .. اما سرويه ما تخاف عليها ..
اباحمد قال البحر و مابعرفو شنو داك … دا ياهو البتاع داك ذاتو يا طارق ولا البتاع التانيييييي ؟؟؟
ابكر : يازول اباحمد عامل تمويه .. لكن علي منو يافرده ..
سهيل ولدنا مرتين : مليون مبرووووووك . عجبنا ليك ( ف بلاجيتنوم استورونو ) .
شمباتي : حسب مصادرنا الموثوقة انو سهيل وعلي براحة كدة ! فرد . يعني انت بعد ما تمرق من الفوارة والعوارض كلها تتفك وتخطب وتدخل وولدك يدخل الروضة يكون هو قدم قولة خير !! كيف انا معاك بلاي ؟؟؟؟
ابكرون : لكن الشباب ديل مروا على ( بعد تسعة ) عادي !! نفسر ؟
عبس ووووين يا ريكس ؟ مشنااااقون
اؤكد ليك يا ركس الفهموها قلال جدا …! و(دبلوك) برضو ….! كان صاحب هذه الصنعة وكان عليها ديباجة ساعة تشير للتاسعة وخمس دقائق ………………………………
يا فكفك : ش ر ي
ركس..سلام يا حبيب..
بركة بالطلة ووالله ليك وحشة وفى البال,,ومنتظرينك لينا شهور!!!! والله صدقت فى كلامك بتاع سهيل دا,,الزول دق الاربيعن ولسه بيخطب وبيتقدم!!
نداء؟؟؟؟
عاااااااااااااااااااااجل؟؟؟
عمكم الفكفك ابكرووون
يدين؟؟
يشجب ؟؟
يستنكر؟؟
الطنننننننناش؟؟
قبل حرائر ساااخر سبيل بسبب عدم ارسال التهانئ القلبيه للشاب ثهيل بمناسبه اقترابه من الجدار الفاصل من العزوبه للحياه الزوجيه من هنا نوجه سووووووووط (صووووووط) اللوم العتاب الي طفششششششانه—- حكااااايه— moshahidah— -(مشااهده) نور لايت –مرجانه– رمانه —برتقاله
كان نص البيان من المشير الفكفك ابكرون؟؟؟
مجرد ملاحظة والله بريئة : يعني آنسات وسيدات الموقع ما فرحن لخطوبة الوجيه سهيل ؟ طناااااش وغياب خالص …التهانئ بالتلفون خاصة لكن بالمدونة مشاركة عامة ووقعها جميل…..وبتريح الناس الجنها تحليل وفك وتركيب زي المدعو ابكرون……كدي بعدين اشوف لي واحدة في النادي…..!
كسره / اهااا يابنات امي وعملتوها ظاااااااهرة ودخلتونا في حته ضيقه —-ابقووووا —اظهروووا——- باركوووا—– وزغردن؟؟
من بعد الليل ما جن ناس ليلى جني
زاد الغرام علي وبالشوق شجني
يا جماعه مش زمان كان فى تمثيلية سودانيه اسما خطوبة سهير ؟؟؟
الاخ سهيل
بالمليار تهانينا وتباريكنا ، تغلبك بالعيال وتغلبا بالمال .عقبال ناس مكه والخرطوم
احلى التبريكات لابن المدونه واخو زهراواتها الباشمهندس سهيل
وربنا يتمم على خير- ماشاء الله بدت الفرحه تهل على ديارنا وان شاء الله دايما مبسوطين وفرحانين
وعقبال الاخ العزيز شمباتي وبقية العزاب
وعقبال مانفرح باخواتنا كمان ويانونو ان شاء الله نبدا بيك
الزهراء ثرو باقى الحراير : وانتن برضو انا مجهز حمودى وعبودى عشان لو اتجرجرتن فى الموضوع واتاخرتن الشفع ديل يكونو بقو جاهزين مع انهم اسى جاهزين بس امهم حامياهم يمرقو بعد المغرب ..
آي يا افليقا الله يخليك للكشكره- والله لو رجينا ناس حمودي الا يجيبو لينا الشيله في دار العجزه- وبدل طقم الدهب حيكون طقم اسنان
ان شاء الله ناس حمودي وعبودي نرجيهم بناتنا ونشيلهم فوق راسنا- وتسلم امهم تحياتي ليها
الزهراء : لا تحرقى مراكب العوده بكره الخريف بجى وناس حمودى بكبرو وبقرو الوبست ده وبعرفو اى زول اباهم ..هههههههههه
تحياتى يا اصيله ..
سهيل 😦 ي ر ش ) ده شنو بوبلغته جنس بوليغ….
نونو : سويتيها ظاهرةغايتو عليك جنس شرح (ذكر اسماء الاجزاء)… اها الزهراء دخلتك في (حته واسعه) وبدتو وقطعتو ليك تحية لها وسلااام في جبين الشموخ…..وتحياتنا لرمانة واخواتهاومرجانة وبنات خالاتها…..
ابوي ابكرون الف تحيه وسلام واحترام
نونو كايسه صوت الزغروده الممهوره بي نغم الفرح علا ما قدامنا غير تباريك الحروف
واب احمد ما قصر ختا ليهو واحده عندها حلقوم وزغراااده ما شاء الله عليها
وتحياتي لبقية العقد الفريد من مهيرات المدونه وخصوصا سماسم فقد طال غيابها
أبكرون و صحبه الكرام
عن الفرح الآتى عبر البحر أقول ليكم
هو الواحد بقا عندو أهل اقرب منكم
عمومن إلى أن يتم الأعلان الرسمى
نطالب بحق أمتياز حصرى للبث
أبكرون
عملت لى (فلاش ) باك
الاخ سهيل الف مبروك ياغالى وعقبال البكارى .. ياربى أنا غبت من المدونة كتير كدة ؟.. كان صرحا من خيال فهوووووووى
ابكرون : هو مصنع التقطير الفي شارع حجار دا إلا يقطر موية بطاريات ؟؟
تحيه لكل من هنأنا و عظيم الشكر و الإمتنان .. وعقبال عندكم
التركي : ال هووووووووووووووي شنو ؟؟
يا سهيل ما بدري لسه
سمعت فرحك دابي هسه
فرحت ليكم من فؤادي البيكا حسا
و فرحت معاي كل الورود الهامسة همسه
وقبل انسا زغردن كل النجوم يا سهيل ولسه
كم هزار هزهز جناحو
وكم حبيب هام في ارتياحو
وغنا في فرح المبالغ في سماحو
غنوة غنوة و دقا دقا
هلل الفرح اللي فينا ياخي بقا
و الفرح ما زاتو بفرح اصلو سيدو استحقا
اللـــــــــــــــــــــــــه عليك يا نيام والله عجبتني كيف كلماتك وفرحتك لسهيل ؟؟؟؟؟؟؟؟؟؟؟
الزهراء شكراً جزيلا على السؤال عني بس أنا أرقامكم كلها طشت … مني الحرامي شال الموبايل وأشياء أخرى ……………بس ما شفتكم ختيتوا في الكشف .كوييييييييييييييييييس
سهيل طبعاً باركنا ليهو وديني ليهو الكابي
يا سلام عليكم يا احلى ناس ..
شكرآ عمنا نيام و انت تعطر سماواتنا بأنغام الفرح
شكرآ للكل
سماسم : بهدي ليك قصيده ” تسرقني انا “