مهند ……. وكاكا

Posted: الجمعة,11 يونيو, 2010 by ودالزبير in اخرى

أول حاجه مافي زول يقرأها لي مهند وكاكا لا عب البرازيل دي كاكا وتاني كاكا ويا جدادي كاكا……المفروض العنوان بتاع البوست كان يكون مهندونور
لكن قلنا الكلام ده ما صحيح مهما حصل الناس ديل ولاد أعمامنا والضفر عمره ما يطلع من اللحم بعدين ما ممكن الزول يطعن في ضله مالمريخ ضلنا وياضلنا المهم .قال ليك يلمها حي العرب وهلال كادوقلي ويأطوها المواسير معقوله ماسوره بتلاته مليون دولار وأنا أقول الدولا ماله مولع كده مواسير فيها كم نقطه …..نحنا جينا وديل أنحنا
لقالوا متن
وقالوا فتنا
وقالوا للناس إنتهينا
جينا زي ما كنا
حدثوا الناس عن موت الهلال

لكن طائر الفينيق لا يموت

بل يخرج من وسط الرماد والدخان
شوفوا يا شباب

نحن أي حاجه بنعملها بفهم

ما تفتكروا الموضوع ده مطلوق ساااااكت

كل مره بنقول ليكم لكن شكلكم فهمكم تقيل

أي كوره فيها ريحه أجنبيه بنغلبكم زي الترتيب

قولوا ريحه أجنبيه كيف ؟؟ قولتوا لي !!!

طيب

لمن الحكم يكون أجنبي بنغليكم من زمن عبدالرحمن الزيد القلتوا بيشجع الهلال السعودي

نسافر بره السودان لدوله أجنبيه بنغلبكم يا حليلك يا والي الدين

يكون المعلق أجنبي بنغلبكم وكبير يا معتز كبير

هسه في داعي يديبوا عدنان حمد يعلق على الكوره دي ؟؟

ما كان تغيروا للشوالي

آخ إتذكرت مش الشوالي ده زاتو علق على كوره التلاته بتاعت دوري أبطال أفريقيا

غايتو من هسه أنا بكلمكم لو إتاهلتوا للكونفدراليه راح نقع في مجموعه واحده

وكالعاده ماراح نرحمكم

أوع تنسوا وصيتي دي
نختم ليكم ببوست كتبته يوم 29\5 الماضي في منتدى الهلال الإلكتروني فيه أتنبأ بفوز الهلال وبأكثر من هدف على مريخ الإعلام والحمل الكاذب

مع كل الإحباطات الحاصله ومع عدم ظهور شمعه في نهايه النفق

إلا أنني أشعر بأن الهلال سيهزم الدلاقين وبأكثر من هدف

وهو أمر قد يغسل قليل من أحزاننا

لكنه لن يكون كافياً لعلاج المرض وإستئصال السرطان الذي تفشي في الجسم النبيل

من اليوم وقبل أن ندخل تلك المباراه التي تعني لنا الموت أو الحياه

لابد أن يصل ذلك لأسماع الكل

سلطه حاكمه .. مجلس إداره مفكك

لاعبين أرباع مواهب

عليهم أن يتذكروا إن هناك لاعب إسمه أسكوبار كان قد قتل من قبل مشجعيين بعد نهايه كأس العالم لأنه كان قد أخطأ في كوره وأحده فقط

وعلى كل المطبلين أن يعرفوا أنني قد أستفذنا لغه الحوار والكلام

بس …. خلاص

رفعت الأقلام وجفت الصحف
أمامكم الفرصه الأخيره لترك عشقنا وشأنه

ويوم 10 يونيو هو الحد الفاصل بين الجد والهزل

Advertisements
تعليقات
  1. ودالزبير كتب:

    في رموزية الأسطورة، أنّ طائر الفينيق يمثل الشمس تموت في نهاية كل يوم، وتعودُ لتولدَ في اليوم التالي. وفي السائد منذ بدء الْخليقة، أنّ الكائنات تولد من أُخرى. إلاّ كائناً واحداً يولد من ذاته، سمّاه الأشوريون طائر الفينيق: لا يعيش على الفواكه أو الزهور بل على العطور والعنبر كان الهلال بالأمس هو طائر الفينيق يخرج من تحت الرماد شامخاً محلقاً في الفضاء الرحيب .. أثبت سيد البلد أنه يمكن أن يمرض نعم وأنه يمكن أن يدخل غرفه العنايه المكثفه لكنه لا يموت …

  2. مشاكل كتب:

    سلامز

    صباحات ندية و جمعة مباركة

    مبروك فوز سيد البلد .. و جوه استادكم نحن اسيادكم

    و بنجيك بي رواقة

  3. ودالزبير كتب:

    حبابك يا سيد البلد يا مشاكل
    ما في أخبار من أخونا زووووووول تلفونه مقفول من أمبارح

  4. aflaiga كتب:

    ود الزبير مبروووووووووك للهلال لكن عليك الله الصوره الاولى فيها اشارات عنصرية بغيضه ما بتشبهك عليك الله شيلا يا الادمن بره …

  5. ودالزبير كتب:

    أفليقا

    قول بسم الله يأخي الصوره دي عملوها ناس منتديات كووره سودانيه ولافها هسه في الأسافير دي زي الماحصل شئ

  6. الصادق ود البركة كتب:

    السلام عليكم ورحمة الله
    الجميع من الحبان دون فرز خاصة ناس الكورة
    ((((( لو كان هذا في غير هذا لكان أحسن وأجمل ))))
    ودمتم

  7. aflaiga كتب:

    ود الزبير : كدى ناس منتديات كوووره خليهم انت رايك شنو ؟؟ ما تكلمنا فى قليع الهدوم لانو القصه كوره مع انو دى ذاتا فيها كلام لكن فى قصة اللهجه والاشارات العنصرية القميئه فى الحوار لا تشبه ود الزبير اخونا المتسامح ولا تشبه منبر سوداننا فرجاء شيلا ولا رايكم شنو يا شباب ..؟؟؟؟

  8. ودالزبير كتب:

    أها رايك شنو أشيلها من العنوان وأدسيها ليك جو الموضوع

  9. ودالزبير كتب:

    أفليقا

    أها غيرنا ليك الصوره بس أوعك تقول لي الصوره دي فيها إنتهاك لحقوق الإنسان ههههههههههههههههه البوليس دق المريخاب بره الميدان دق العيش ونحن دقيناهم جو الميدان وجو إستادك نحن إسيادك

  10. aflaiga كتب:

    ود الزبير : يا راقى انتا … البوليس خلى يدق اليدقو هو دق الدكاتره البعالجو الناس خلى المريخاب البمرضو الناس !!!! هههههههههههه

  11. ودالزبير كتب:

    بالله لاحظ الإتنين السمان ديل هسه تلقاهم عاملين في الحله ولا الرجل الخارق … بعدين في واحد فاكي البيرق جنب الباب …. قلت لي البوليس فالح يدق ناس المريخ والدكاتره بس وما شايف الناس البتهرب من السجون دي غايتو الصوره دي فضيحه الفضيحه زاتو ؟؟؟

  12. aflaiga كتب:

    ود الزبير ما تقولنا الما قلناهو راجع كلامى تانى :
    البوليس خلى يدق اليدقو هو دق الدكاتره البعالجو الناس خلى المريخاب البمرضو الناس !!!!

  13. ودالزبير كتب:

    قال ليك الإسم الجديد للدلاقين ( البسطوناب ) نسبه للبسطونه التي ضربهم بها البوليس … تاني تجو المولد

  14. ودالزبير كتب:

    كامل إعتذارنا لمازدا الوارده صورته أعلاه رغم عدم مشاركته في هزيمه أول أمس والصوره كانت بمناسبه سبعه الوحدات على ما أظن لكن برضو مازدا يستاهل … مش مريخابي … أوع يا أفليقا تقول لي شيل الصوره دي لأنها فيها شنو مابعرفوا داك ؟؟؟ جماعه وفارشين في سوق الله واكبر أظنهم بيبيعوا فجل … فجل فيها كم نقطه

  15. محنك كتب:

    ود الزبير

    براحه على زووووووووووووول شوية

    قلت لى فجل فيها كم نقطة كان كدى الله ستر عليهم من جرجير العجب

    بس ما بستاهلوا التبشيع اعمدة فريقنا القومى ومارضننا فى المباريات الدولية كلهم كان الهلال حقنا او المريخ

  16. مشاكل كتب:

    سلامز مربع

    و تقول لي نيالا .. هاك الفكي دا

  17. عزت كتب:

    الأخ ود الزبير و زواره سلام

    كويس شلت الصورة العنصرية الكانت في الأول و نزلت واحد أعنصر منها … فبيع اللخدار يقتات منه الكل…..

    حقو لاعبين الفريقين تشوف ليهم حاجة غير الكورة…. اذ ما بينهم الكضابين كمان و ما مسكة المعز لي راسو و الحاجة الفكوهو بيها علي بعد منه… و الا و ترسيخا للصلبتة و كويس انو جازوهو بالطرد لحاجة أكعب منها كمان

    و كمان كان شلتهم و دخلتهم جوة الموضوع يبقى مية

    عموما مبروك لكين عليك الله ما كلهم دايرين الجدع…. كان هلال كان مريخ

  18. حاج أحمد السلاوى كتب:

    مشاكلز ..
    وكدا بالمكشوف وعلى عينك يا تاجر .. مباااااالغة ما بعدها مبالغة ..
    هنا فى المملكة بيسموهو الدنبوشى ..
    غايتو .. جنس .. غايتو !!

    أخونا عزت .. كويس إنك اخيراً إقتنعت بإنو ما عندنا كورة بتعريفة .. دا زى دافورى الحوارى ..

  19. ودالزبير كتب:

    غايتو جنس غايتو

    يجيكم بهنا تقولوا عنصريين يجوكم بهنا تقولوا كورتنا ما نافعه… أها نحن بنقول لالوبنا ولا تمر الناس والله نحن مهند الطاهر ده شايفنهم أحسن من ميسي زاتو وكاااااااااااااااااااااااااااااااااااااااااااااااك

  20. الزهراء كتب:

    والله عاد الهلال برد علينا يااربي تبرد عليهم دنيا وآخره

    ويا البسطوناب قصدي المريخاب … ولاقالو عندهم اسم جديد… الفليقاب

    الله يستركم في مصيبتكم الجوه داركم دي

    ويسلم مهند واخوانو وان شاء الله دايما منتصرين وفايزين

  21. ودالزبير كتب:

    الزهراء

    حبابك

    ماوريتيني رايك في صورنا الفوق ديك الغيرناها عشرين مره وبرضو الجماعه مصرين ( أعد أعد ) إلا بعد كده أجيب ليهم صوره للحبيب تكعيب وهو يرتدي شعار سيد البلد ههههههههههههههههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s