اللول اللول يا لولية بسحروك يا .. الحبشيه

Posted: الأحد,20 يونيو, 2010 by aflaiga in اخرى

ولان الحبش جيراننا ولان الحبش صارو يشكلون ويشغلون مساحه كبيره من وجداننا السودانى كما وكيفا وعملا ومعايشه رايت ان افرد هذه المساحه للغزو الحبشى الذى شهدته بلادنا مؤخرا ما هى اثاره الحميده والخبيثه لن اطيل فى السرد وحنخلى الناس تناقش موقع الاحباش من الوجدان السودانى وهل اراد ربنا بنا خيرا ام شرا بغزوهم الناعم لنا ؟؟؟ وما هى اثاره على المدى القريب والبعيد ؟؟

Advertisements
تعليقات
  1. ابوالجوخ كتب:

    و الله ياخى تواصل الشعوب مهم و الاحباش شعب مهذب جداً و ليس لديهم ثقافة العنف كبقية الشعوب الافريقية المجاورة لنا

  2. مشاكل كتب:

    سلامز

    كتبت هذا التوبيك في صفحة الفيسبوك قبل فترة و أعتقد ان له علاقة بالموضوع المطروح

    الإضراب من مصلحة الشعب و الشباب

    من واجب كل فئات الشعب السوداني أن يقدم الدعم و المساندة للأطباء في إضرابهم الحالي و الذي يكشف عن سوء إدارة كبير لملف الطب في السودان .. و خااااااصة في ظل خطة الوزارة الجديدة لإستيراد ( طبيبات ) من أرض الحبشة و ( أطباء ) من مصر … لتضرب الحكومة الحالية أروع مثال في خدمة الشعب السوداني من بداية إستقلال السودان حتى تاريخنا اليوم

    فالحكومة تريد أن تضرب ( أكثر ) من ( عصفور ) بحجر واحد .. و هو أهم مبدأ لهذه الحكومة و هو إستغلال الفرص لضرب العصافير و الحمام .. و من بعدها تشرب ( شوربتو ) بي مزاااااج

    العصفور الأول .. وأد الطفلة ( إضراب ) في مهدها
    فسياسة الإضرابات التي بدأها الأطباء منذ فترة ظلت تضع الحكومة و الوزارة في موقف لا تحسد عليه .. فلا هي تستطيع أن توفر مرتبات الأطباء و لا تستطيع أن توفر أطباء في مكان الأطباء المضربين .. لذلك وجدها الأطباء فرصة كبيرة و طريقة متميزة لإنتزاع حقوقهم من الوزارة

    العصفور الثاني .. رفع الحالة المعنوية و النفسية لمرضى المستشفيات الحكومية
    فعندما يرى المريض ( دكتورة حلوة حبشية ) تضع يدها على جرحه .. تتحدث معه بلطف .. هنا ترتفع معنوياته مما يوفر له فرصة طيبة لاستقبال العلاج بكل أريحية .. فلا نجد مريض يشتكي من ألم ( حقنة ) الدكتورة .. أو صعوبة خلع ضرسه

    العصفور الثالث .. زيادة دخل المستشفيات الحكومية
    فالمستشفيات الحكومية تشتكي إلى طوب الأرض من قلة الدعم و عدم توفر المعينات للأطباء .. ولكن مع إستيراد طبيبات حبشيات و أطباء مصريين سنجد أن غالبية المواطنين ح يمشوا للمستشفيات الحكومية خاصة من فئة الشباب .. و هو ما يوفر زيادة و إضافة حقيقة لدخل المستشفيات

    العصفور الرابع .. تعديل و تحسين النسل
    فالأطباء الحبشيات و المصريين أكييييييد فيهم كتير من العزابة و كدا بنلقى فرصة كبيرة نغير ( خلقتنا ) الشينة دي و نعمل لينا حاجة لي مستقبل البلد .. الناس بتورث الجمال و القروش .. و السودانيين يورثوا الفقر و الصلع

    إدخال إسترايجية جديدة على البلد
    يعني أي جماعة مهنية عايزة تعمل مشاكل و إضرابات الله معاهم شديييييييد .. و حبة ما عندنا ليهم
    الأطباء يضربوا .. نجيب طبيبات من الحبشة
    المحامين يضربوا .. نستورد محاميات و محامين من الهند
    عمال النظافة يعملو مشكلة .. نجيب من باكستان
    المهندسين يقولو اي كلمة .. نجيب برتغاليات و أسبانيات

    و كلووووو من مصلحة الشعب و الشباب

  3. عزت كتب:

    يا أفليقا سلام

    كويس غايتو الاثيوبيين (الطف من الأحباش اذ لم تعد اسمها الحبشة) لا يعرفوا عربي و الا كان يحلنا الحلا بله………………… و في بالي اسهاقا منا آل البيت و التي لحد هسه لم أعرف ماذا يعني العنوان……..

    عموما جيرانا الاثيوبين ناس مهذبين و يعرفوا حدودهم و أحسن حاجة انهم يتحدثون همسا في واحد شاف ليهو اثيوبي بيكورك…..ما أظن….!!

    بس في حاجة واحدة بتزعلهم حينما تسأل واحد انت أريتري…!!

    فالشاهد انهم يشبهون بعضا فهل فيكم من يفرز الاريتري من الأثيوبي..!!

  4. عزت كتب:

    مشاكل سلام
    بس يا ريت لو الحكاية بتتم بنفس السهولة التي كتبت بها …

    غايتو نجرب اضراب للزراعيين و خليهم يا مشاكل بالله يجيبوا لينا من لبنان باقي تفاح لبنان دا طاعم و مهضوم شديد….!!

  5. aflaiga كتب:

    عزت ثرو مشاكل : اها لو النسوان اضربن ؟؟؟؟
    اول شيئ الموضوع لا علاقة له بالقبليات والاثنيات زى موضوع اسهاقا !! وموضوع اسهاقا قصدت منه ان اوضح كيف ان هذه القبيله الهامه تمثل مكونا اساسيا من مكونات بلدنا .
    اما موضوع الحبش فهو مختلف تماما وعاوزين نناقشو من نواحى :
    الوجود التاريخى
    الهجرات الاخيره
    الطبائع والسلوك
    المميزات والسلبيات
    الاضافة والخصم لمجتمعنا
    اراءنا الشخصية فيهم وعنهم
    مدى ما تاثر به مجتمعنا من وجودهم
    كيف يدخلون لللبلاد وكيف يقيمون
    هل هناك خفايا وراء وجودهم الاخير
    هل سيكون هناك تغيير فى التركيبة السودانيه بمرور الزمن
    هل الاختلاط بالحبش والتزاوج منهم مقبول ام مذموم
    وكده يا عزت انتو ما عندكم حبشية فى البيت ولا شنو ؟؟

  6. aflaiga كتب:

    ابو الجوخ : مرحب بمرورك ومرحب بيك بيننا .

  7. ودالخلا كتب:

    سلام ياقبيلة،،
    أفلبقا يا مقلب المواجع والمحن مالك يا أخي والأحباش، وكيف تقول عليهم غزو حبشي له أثار قد تكون خبيثة!!!
    دعني أولا” بأن أخالفك الرأي بأن وجود أخوتنا الأحباش بيننا ليس بغزو ولا أحتلال انما هم أخوة لنا واحبة نُريد ان نمُن عليهم بأستضافتنا لهم بين أظهرنا وأن نعطيهم ونشاركهم في خير بلادنا القليل وأن نحميهم ونمنع عنهم العدي، وتسألني لماذا كل هذا يا تُري؟؟؟؟
    وأقول لك يا صديقي العزيز بأنني أحسب أن الله سبحانه وتعالي قد أراد بنا خيرا” عميما” بغزوهم الناعم لنا كما أسميته أنت يا سديقي، وتسألني كيف ذلك؟؟ وأجيبك بالآتي:
    أليس هم او من هاجر اليهم المسلمون الأوائل والمسلمون حينئذٍ قلة ومستضعفون ويخافون أن يتخطفهم الناس، فآواهم النجاشي ملك الحبشة الملك العادل ومنع عنهم كفار قريش لما تتبعوهم ليقتلوهم ، وفي قصة الصحابي الجليل عمرو بن العاص (قبل أسلامه) في السيرة النبوية ما يبن ذلك وكيف ان الملك النجاشي ملك عادل لا يُظلم عنده أحد (راجع سيرة بن هشام وقصة هجرة المسلمين الأولي للحبشة)..
    اليس نحن أولي الناس بهذا النبي الأمي بالدفاع عنه وان نُبِره في أولئك الذين خدموا الدعوة في بداية عهدها وان نرد الدين ونكافئ أولئك الذين حموه وعزروه ونصروه وآمنوا به ، وآوا من هاجر اليهم، وردوهم غانمين سالمين،،،
    أليس المشروع الحضاري هو حماية الدين ونشر الدعوة والتمكين لدين الله في الأرض ورد الجميل لمن خدم الدعوة الأسلامية علي مدي الأزمان وعبر العصور…
    اليس النجاشي ملك الحبشة الذي وصفه رسول الله “صلى الله عليه وسلم ” بأنه ملك صالح” و”أنه ملك لا يُظلم عنده أحداً”، وأن الرسول “صلى الله عليه وسلم” نصح المسلمين عندما اشتد أذى المشركين بهم بترك مكة والهجرة إلى الحبشة لأن بها ملك عادل في حكمه لا يًظلم عنده أحد.
    اليس فعلنا بضيافتنا للأحباش هو من باب رد الجميل أولا” ومن باب المرؤة والشهامة والكرم التي ندعيها ولا نفعلها، فقط نتحدث بها بأننا من أكرم الناس وأشجع الناس ووووووو…. وعند الجادة يكون الحديث غير الحديث ويظهر في الأفق ماليس في الحسبان…
    أخي أفليقا هؤلاء الناس هم أولي الناس بنا ونحن اولي الناس بهم ولولا المقادير الألهية لربما كانت الهجرة معكوسة وكنا نحن اولئك الذين نغزوهم حسب تعبيرك يا صديقي ولربما كانت المقولة التي أستشهدت بها هي اللول اللول يا لولية بسحروك يا .. السودانية!!!
    أحمد الله أن هيأ لنا وطنا” آمنا رغدا” تهفو اليه أفئدة الناس والعالمين..
    اللهم أدمها علينا نعمة وأحفظها من الزوال،،،،
    وصلي الله علي نبينا محمد وعلي آله وصحبه وسلم تسليما” كثيرا”…

  8. aflaiga كتب:

    ود الخلا : كلامك ميه ميه فى هذا الجانب الهام الذى لا يراه الا ذو عزة بدينه .. وكلن للموضوع جوانب اخرى هامه :
    هل هؤلاء الوافدين من المسلمين ؟؟
    مارايك فى تحلق الشباب حولهم فى القهاوى وانصرافهم عن الصلوات والعمل ؟؟
    ما رايك فى الزى الذى يتزيون به وانت من تحدثت عن مفاسد قرانفيل الهالك ؟؟؟
    ما رايك فى ما يشيعونه من اعتياد للاختلاط ؟؟
    ما رايك فى احلالهم مكان شبابنا العامل ومنافستهم لنا فى فرص العمل ؟؟
    ما رايك فى وجود بعضهم غير المقنن ؟؟
    الم اقل لك ان للموضوع جوانب اخرى واديك بعض المعلومات :
    75 بالمائه من سواقى الرقشات السودانيين فى المناطق التى بها حبش تزوجو او صادقو حبشيات وانصرفو عن ايراد البيوت ورزق الاسره —— 1
    صارت بعض بناتنا يتخفين وسط الحبش للتمتع بلبس ازياء تغض الطرف عنها السلطات —– 2
    معظم الجرائم الاخيره فى مناطق تواجدهم جرائم دخيله —– 3
    معظم ارباب الاسر الذين يستخدمون حبشيات فى المنازل تنشا بينهم وبين ازواجهم مشاكل بسببالعين الطايره الجايه من البت الفاكه —– 4
    كدى ادى الموضوع نظره تانى وانت خير العارفين بذم الاسلام للذين يحبون ان تشيع الفاحشه ولا هنا حلال وهناك حرام وتحت الطاوله صفقات لا ندرى بها ؟؟؟

  9. ودالخلا كتب:

    صديقي أفليقا،،
    لا صفقات تحت الطاولة ولا فوقها، ولا أحد يريد أن تشيع الفاحشة في الناس، وكل الذي ذكرته يندرج تحت أدارة السلطات لشئون الحكم وتطبيق هيبة القانون وتفعيل أوامر الدولة في الهجرة والجنسية والبطاقة، وهذا لاعلاقة له البتة بما يفعله الشباب أو ارباب الأسر فهذه سلوكيات شخصية تضبطها أيمانيات الناس وأخلاقهم وتربيتهم،،،،
    هذا الموضوع يعود بنا ثانية لموضوع الأخلاق والدين وما الي ذلك يا صديقي العزيز!!

  10. aflaiga كتب:

    سديقى العزيز اللدود :
    اها انا وضحنت ليك بالالارقام التقريبية الاضرار وبما انك لا ترى فهذا يعنى انك تتحدث بشكل عام وانا اتحدث بشكل خااس لانى ارى وبما انك لا ترى فانزل للشارع لترى ثم احكم بعدها …
    وبعدها اتمنى ان تعود لتنصح الحاكم بالا يفرط فى الترتيبات الامنيه والسياسية للهجره كما فرط البعض فى الترتيبات الامنيه لنيفاشا ,,,,,,

  11. محنك كتب:

    ما رايت من اخطر من حبشية على مراهق سودانى

    فى بداية ال 80 غزانا الاحباش والارتريين فى الشرق وخلال سنوات معدودة صار لشباب مدينة القضارف خصوصا فى الغالب واحدة حبشية صديقة يبيت عندها بالليالى ويصرف عليها . وبعد داك جا الايدز

    اخلاقهم غير اخلاقنا فقد يدعوك الحبشى الى عرضه اذا فلس وهذا محكى عنهم

    بعد ذاك صرن يبدلن الاصدقاء فكانت هناك حزازات بين الشباب ويخشى ان تدخل فى قلوب بعضهم الديوثية اذ يرضى ان يراها مع الاخرين عادى

    ان معظم كسبهم غير قانونى من الخمور وتهريبها ومن الدعارة

    ثم انه اذكر ان بناتنا فى الخرطوم ما كن ياكلن فى الكافتريات او يشرب قبل ال80 الا بعد ان عملت الحبشيات فى المرطبات واكلن وشربن على عينك يا تاجر

    ( كان الجدات والامهات يسافرن يوما كاملا ولا تراهن ياكلن ) شوف عين وانا طفل مميز

    يعنى غيرو عاداتنا وافسدوا الشباب وسببوا عنوسة لبناتنا وامراض
    بالذمة بعد جنوب السودان اين ينتشر الايدز بكثرة غير الولايات الشرقية وخاصة القضارف

    اخرجو الحبش من السودان الا من تادب وكان عنده عملا مشروعا معروفا ولم ينافس به شابا سودانيا عاطلا

  12. monamie كتب:

    اخ عزت: خليك من شبه الاريتري و الاثيوبي نحن ذاتنا بنشبههم شديييد لدرجة اني انا في ايه مكان اذهب له اقابل من يسالني انتي اثيوبيه حتي من الاثيوبيين انفسهم والعجب لمن امشي السوق فاسمع من يقول لي حفتي وماعارفه شنو داك فنحن السودانيين شبهنا كتير بالاثيوبيين والصوماليين ونتفرز من بعض بالنطق فقط .

  13. ابكرون كتب:

    موني : بالله بتشبهيهن ؟ وااا سبو غلي…!
    كدي خلونا من تنظيرات محنك وودالخلا وانترفيو افليقا انا (سخسيا) بريدن شوقي للماتن….اقيموا علي الحد وانفوني لاديس اببا….اسه يطلع لي سلولو بهناك ويقول لي : تالله يا ابكرون انك في ضلالك القديم …! ههههههههههههههه

  14. محنك كتب:

    ابكرون بتريدن والله بتريد حاجة تانى ….. ههههههههههههه

  15. حاج أحمد السلاوى كتب:

    أخونا الكاشف اكرونا ..
    قلت لى شنو ..وااا سبوغلى ؟ دا معناها شنو ..؟
    طبعن لازم أقول ليك كدا… يعنى حاقول ليك شنو . ما انا عارف حركات الديش بتاعتكم دى !!
    وأنا برضو أؤيد كلام مون آمى فى أننا بنشبههم كتير .. أنا بعض مرات بيلاقونى ( رجال كانو أم نساء ) فى السوق أو فى السوبر ماركت وبيزعلوا منى عشان ما بسلم عليهم ويفتكروا إنى متكبر عليهم وما شغال بيهم ..لاكين بصراحة الناس ديل بيحبونا شدييييييييييييييد وغناهم سمح زى غنانا ولامن يغنوا أغتانينا بيغنوها بحنية شديدة زى الفنانة البتغنى .. كلمنى يا حلو العيون .. أكيد فاكرها يا أبكرونا بس أنا ناسى إسمها ..
    المهم والشاهد فى الأمر إنو فى كل بلد تلقا الصالح والطالح ..يعنى نحنا مش أنبياء ومبرأين من كل عيب .. عشان ما حقو نرمى اللوم على الجماعة ديل ..علماً أنى لحد الآن ما زرتهم فى بلدهم لاكين فى جماعة اصحابنا حكوا لى عنهم كتير ..
    وفى النهاية … يا ابكرونا ..ضلالك القديم إنتهى خلاس وبديت فى الجديد … وربنا يديك الصحة والعافية .. عشان تكملو..
    وكل إثيوبيا وأنتم بخير ..

  16. ياسين شمباتى كتب:

    افليقا والاحباب…سلام..
    من حيث المورفولجى فنحن نتشابه بل نتطابق فى كثير من النواحى الجسدية,,وانا يوم فى جدة سواق ليموزين اتكلم معاى بالامهرية !!!

    اما عن وجودهم فدا نسبة لاسباب تأريخية وجغرافية موغلة فى القدم,والان اسباب اقتصادية سببت نزوحهم او التجاءهم للسودان,,واصبحوا رقم لا يستهان به فى الاعمال المنزلية وقبله كبائن الاتصالات والكافتيريات,,طبعا دى برضو مشكلة بتزيد من حجم العطالة فى البلد,,اما عن الاخلاقيات فدا كوم براااااااهو..

  17. ابكرون كتب:

    اها يا سلولو : هاك حلو العيون عارف عايز تموت وتسمعها (والكان يكون) رغم الهوا الحتجيبو ……ومعليش ارمي اللوم علي …… وكيتا في محنك وودالخلا

    ———————————————–

  18. ودالخلا كتب:

    سلام ياقبيلة،،
    سديقي يا أسد الخلا الوروااااار كلمني وهااااااااااول أتاريك را قد ليك فوق راي، وصاحبك دااك برضو… يا ما تحت السواهي دواهي يا حاااااااااج ..
    بعدين يا أبكرون دي بتوجب قضاء وكفارة ولا كفارة بس؟؟

  19. monamie كتب:

    ايوه يا ابكرون والله الحكايه دى مسببه لي مشكله فكل ما الاقي اثيوبيه تقوم تشبكني رطانه امهرنجيه او تكرنجيه وانا بكون ما ناقشه حاجه غير كملخا ودحن !!!بس يا ابكرون عندهم ذقني رهيب انا اكلتهم دى بحبها شديييييد

  20. حاج أحمد السلاوى كتب:

    أخونا الكاشف ابكرونا ..
    والله إنت الوحيد الفاهمنى تمام التمام ..وشكراً ليك كتير … وسمعنى حلو العيون ..وخلى الكان يكون ..

  21. aflaiga كتب:

    مونامى : بالله بتشبهى الحبش ما شاء الله .
    ابكرون : يعنى نزلت حلو العيون – والكاين يكون ؟؟؟ عفيت منك بس اوع يحيرنى صمتك يا حنون ؟؟

  22. ودالزبير كتب:

    أفليقا

    تبيع البوست ده

  23. ودالزبير كتب:

    المهم لو قررت تبيع البوست ده أنا جاهز يأخي أخوك كتب مره في منتدى ساخر سبيل المؤؤد ربنا يطراهو بالخير أو ل موضوع عن غزو الأحباش ومن منطلق خبرات متراكمه يعرفها أبكرون بحكم وجوده في الشرق وبالأخص ببورسودان حيث راس الشيطان وبرشلونه وديم رمله ومؤخراً أسوتربا مروراً بالديم في الخرطوم ومعسكر ودشريفي بكسلا بخلاف معسكر الشوك يعني أخوك ممكن يساعدك في البوست ده ويجيب ليك تاريخ الأحباش والفرق بين الأرتيري والبني عامر والأمهري والبلين والترقنج وشرابهم من ميز وسوا وجن زاتو لحدي ما نصل ليك لملابسهم وأشهرها الزرويا وبالمره ممكن نوصف ليك أماكن تواجدهم هسه ….

    يالله بيع يا مان

  24. قرن شطة كتب:

    الاخوة الكرام الاشاوس – غايتو سمعنا الاخت الحبشية والكاين يكون – ديل ياافليقا – كنت داير اقول الرسول صلعم وصى عليهم لكين خفتا- وبعدين هم فعلا ناس مسالمين جدا ، هسع انت لقيت ليك حبشى عامل شكلة فى محل ولابكورك زى ناسنا- الواحد فيهم يكورك لمن تقول القيامة خلاص قامت – نسال الله السلامة – وكلمنى ياحلو العيون باستمرار وقول اى حاجة منك مقبولة – ياخى الاغنية دى علاج نفسى عديل كده يكتبها الاخصائى النفسى الى اى زول مديرس ومتوتر زى المهدئات ….تحياتى

  25. nourlight كتب:

    اتركوا لاحباش ما تركوكم

  26. DAKEEN كتب:

    تحية للجميع ،،،
    الاحباش ، ناصري الهجرة الاولى ،،، هذه حقيقة لابد لنا ان نضعها في الاعتبار ،،، فهؤلاء الاوائل قبل انت يسيطر على عقولهم الاستعمار الاوربي والاطماع الغربية .
    اما اليوم فهم غير ذلك وللتذكير بان بداية دخول الاحباش في سوق العمل السوادنية في قيادة الشاحنات وخصوصا الفيات الايطالي ،،، ولهم مهارات عجيبة في شقلبة الترلات في العقبة وتجارة الديزل والزوغان من المحاسبة ،،،
    ثم عملوا كحلاقين وعمال بارات زمن الجاهلية ومدراء مواخير وتشهد لهم مناطق الجريف والديم بالخرطوم . ومن العمل الذي اشتهروا به قيادة وتشغيل سيارات الصرف الصحي .
    اما اليوم وبعد ان انفتحت البلاد صاروا هم المسيطرون على سوق الدعارة والخمور ولهم وجود واسع جدا في الولايات الجنوبية يمارسون اختصاصاتهم من القوادة وادارة المواخير والاندايات .
    نعم يتمتعون بحلاوة المعشر حلاوة الصوت والكرم العاطفي سعياوراء المال ولكن دورهم السلبي اكبر من الخدمات التي يقدمونها وياخذون ثمنها مضاعفا.
    اما لولا الحبشية فهي راقصة ،،، وقرينة الشيطان في حفلات الزار السوداني وساقية الجن الاحمر . الذي يحقق المطالب الغير مشروعة للموسوسين والممسوسين ورواد حلقات الدستور …
    ودستور يا اولاد ماما.

  27. DAKEEN كتب:

    تصحيح : قبل ان

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s