دق الباب وجانا!!!!

Posted: الأحد,27 يونيو, 2010 by nono in إجتماعية

مدحها الشعراء ( سيد عبد العزيز )  (عتيق ) ( ابوصلاح )

(محمد ود الرضي) وغيرهم ….  فكان لها نصيب الأسد  ..

يابت ملوك النيل       يااخت البدور مين

لي علاك ينيل           في البدو والحضور

*****************

وسيده جمالها فريد

*****************

حال محاسنك مين الفسرا ياالثريا  الفوق أهل الثرا

ياام زميم نسي لي أم طرا أب شلوخا عشره مسطره

*******

الرشيم الأخضر في الخديد الأنضر هم سبب ألامي

غيرها من الإشعار…….

فأرادت بدورها إن ترد الجميل لهذا الرجل الذي مدحها فجاء علي لسان حلها إن تتغني له بطرقتها البسيطة الووواااضحة الصريحة  وتنفيس وتعبير  عن ما يعشنه ويشعرن به-حتى وإن كان شعراً ركيكا ،وهابط !!! سميه بي  (بأغاني البنات) قديمها وحديثها ولكنه يتصف بطرافة وفكاااااهة جميلة… بإيقاع …..الدلوكة…. يعبر عن واقعها..!!؟؟؟

قديما يغنين للشجاعة والفروسية الحماسه وغنت وحواء الطقطاقة… منى الخير …عائشة الفلاتيه . ثنائي النغم. أم بلينة السنوسي غيرهن ….

 

من أشهر الأغاني القديمة!!!

يا حنونى عليك بزيد في جنوني …… 

*******

يجو عايدين ….  

**********

من فريع ألبان!!!
وكانت إضافة ناجحة وموفقة في الأغنية الخفيفة ..

كننا ننعم بفن جميل أصيل بمرور الزمن تغير لسان حال أغاني البنات ؟؟!!! بدا الوضع ينحني منحا أخر أصبح أكثر  تغير وهاااابط  حتى فقدت معناه !!!

فهل طبقه أغاني البنات المثل البقووول  ( إن كل زمن غانيو)!!؟؟

About these ads
تعليقات
  1. محنك قال:

    فتحتىت بابا فيه الكثير من الذكريات والكثير من الانتقاد لاغانى الزمن الحالى وشنعود بالتعليق الان شوية مشغولين

  2. حاج أحمد السلاوى قال:

    نونو ..سلام ..
    أنا غايتو لامن قريت عنوان البوست فرحت وانبسطت وقلت يكون جاك الفارس المنتظر ..لاكين وكتين مشيت لقدام القاهو لقيتو كلام الغنا الجميل القديم المتجدد ..
    على أى حال آمل ربنا يديك الفى مرادك إنتى وخياتك كوووولهن ..
    وتدهور الوضع إلى أن وصلنا مرحلة خطف الرجال من عواطفهم ..و غنوا ليهو راجل المرا حلو حلا .
    ولسه اليعيش يا ما يسمع ويشوف ..
    وخلونا النشوف آخرتا شنو !!

  3. aflaiga قال:

    نونو : والله انا ذاتى زى عم السلاوى قلت اخيرا دق الباب وجاكم ونونو بقت معاكم تسعد زى هناكم وتبتلى زى بلاكم ( بالله مش مطلع اغنية هابطه ؟؟ ) .
    يا نونو الغنا القديم ده فى زيو اسى عليك الله فتشى زى ديل بتلقى :
    اه يا حمام يا زاجل
    خدارى البى حالى ماهو دارى
    يا سليم الذوق يا الجمالك فاق
    ايه يا مولاى ايه
    قائد الاسطول
    فى الشاطى يا حبان ساهرتو بينا
    احرمونى ولا تحرمونى
    امى الله يسلمك
    سالتو عن فؤادى
    وووووالكثير من اروع ما سمعنا من غنانا السمح ..
    جاييييييييييييك

  4. محنك قال:

    نونو تحثت عن غناء البنات وغالبا فى السيرة ( او فى الزواج ) ويحضرنى مقارنة الدكتور عبدالله الطيب بين ادب السيرة فى شمال السودان وما كان يصنع الانصار فى عرسهم . وذكر فى زمانهم النساء ياتين فى السيرة مع العريس ثم تقابلهن نساء الترحاب من اهل العروس ، والى الان تسير السيرة من بيت الرجل الى بيت المرأة ، ثم ذكر ان سيرة العريس بعد الوصول ربما مازحن المرحاب بالغناء ومنه فى زمن الدكتور عبدالله الطيب ( عريسنا ابشورة فكّ البورة ) اى يفتخرن بان العريس ما هوين بل هو من اهل الشورة والراى . واصله حلال من الدف يوم العيد وعند العرس

    فى الماضى كان الغناء جميلا معبرا بحياء عن ما يجيش بصدور البنات تجاه الشباب اذ هى الفرصة الوحيدة لذلك التعبير وكان مؤدبا
    ثم جاءت الاذاعة وبرنامج ربوع السودان فانتشرت الاغانى الشعبية التراثية فتسمع فى سيرة الجعليين ( الليلة والليلة دار امبادر يا حليه ( والكسرة بريد زولى ) وهى نقطة الارتكاز فهو اعتراف فى شكل هدية مغلفة بالعاطفة وربما سمعت اغانى المرحوم احمد عمر الرباطابى والمرحوم بابكر ودالسافل ( حليل الريلة عاجبانا سفركم نحن ما ارضانا ) وتشكير العريس ( ومبروك يا عريس البيت ويا عديلة يا بيضاء ) وهكذا

    وكان البنات فى الماضى يعملن تعليم رقيص للعروسه حتى صار الناس يتندرون تتخرجى دكتوره وفى النهاية يجيبوا ليك واحدة جاهلة تعلمك الرقيص لانه زمن السلاوى وطفولتنا المبكرة كان هناك يوم رقيص العروس وتسجيل الاهداف فى العريس

    ثم غنت البنات للافندية ، ثم للمغتربين ثم اصبح الزواج عسيرا وفى الثمانينات بعد انتشار اغانى حنان بلوبلو ( بلا بلا سابقا ) جاءت موجة الغناء الهابط ممزوجا بالغناء المعقول ثم جاء مايكل جاكسون وجاءت اغانلى ( عرس مافى ) والسندويتش ) وصرنا نحفر الى باطن الارض ونغنى حتى وصلنا دركا سحيقا

    ولما صار الشباب عاطلين لا يستطيعون الزواج وكلما جاء خبر زواج اتضح انه راجل مرا ( مسئو …. ) انا ما بفسر ولنتو ما تقصروا جاءت اغانى الحلو حلا

  5. nono قال:

    محنك __ عمنا حاج السلاوي _افليقا
    اشكركم علي المرور
    عمنا حاج السلاوي::___
    أنا غايتو لامن قريت عنوان البوست فرحت وانبسطت وقلت يكون جاك الفارس المنتظر ..
    نونو:|_ يافرحه ماتمتشششش؟؟
    افليقا
    دق الباب وجاكم ونونو بقت معاكم تسعد زى هناكم وتبتلى زى بلاكم ( بالله مش مطلع اغنية هابطه ؟؟ ) .
    …. الايام ده ايامك بلدا مافيها عم نيام يقدل فيها القداااال؟؟؟
    محنك
    اشكرك كتير علي الاضافه الجميله انحنا بس قلنا نديكم طرف الصووووت
    حقيقه بالاضافه ده نسيتني انا كتبته شنوو ؟؟

  6. محنك قال:

    لسة منتظرين الموثقاتى الدك عزت

  7. خالد مدني قال:

    (وصرنا نحفر الى باطن الارض ونغنى حتى وصلنا دركا سحيقا ) والله يا محنك دي بالغت فيها عدييييل كده … راكب فيل ؟؟؟

  8. زووووووول قال:

    نونو سلااام
    وانا جريتلو ………..
    عذرا فى الموضوع دا كيسنا فاضى شويه وما قاعد نكب فيل .
    يا محنك انتا من وين بالظبط كدا ؟؟ شكلك من كدا
    كسره : انا استااااااااااااااذن

  9. ياسين شمباتى قال:

    نونو..سلام..
    وبركة بالطلة..طبعا انا من قريت العنوانا قلت دا موضوع لى افليقا !! وناوى فيهو على سياسى كدة!!هههههههه..
    والله الاغانى اسه بقت فوضى ومولد وسيدو غايب…كل من هب عمل فيها شاعر وملحن وفنان وغناية بعد..زدق الباب دى بسيييييتة,,امشى على (سيد الكارو-الليلة ما جانا-وامو بخلطها فى الخلاطة …وعيييييك)…ربنا يصلح الحال بس.

  10. تاجوج كسلاويه قال:

    نونو يافاكهة المدونات
    أحيك علي الموضوع البسيط ذو إبعاد معليش طليت عليك متاخرة شويتين
    حقيقة غنا البنات بتحدث عن الواقع المعاش والحالة الاقتصادية لها اثر كبير
    عشان كدا بتخاطب الشباب في أغانيها في أملها أن (تعرّس) رجل مستور
    لكين يانونو انا حدي معا البلابل
    البلابل ناحت بالليل الهجيع
    سهرانات عيونهم مابيات الضجيع
    من الحاله ديك اخير لي النجيع
    وآ حسرة شبابي مالقيت لي وجيع
    شويه ارجع ليك تاني..

  11. تاجوج كسلاويه قال:

    إما المسخ المشوه لي غنا البنات…
    بالضرة يااب شرى ان شاءالله راجل مرة
    غايتوو يانونو انشا الله تكوني قريبه متابعه في نفس الوقت انا ماعارفه لو راجل المره ده مقندل بيوفر ليه كل سبيل العيش زى مابيقولو من عربيه شقه دهب رصيد في البنك كل ماهو مسافر انا في ضنبو ماعندي مشكله هو عمو كبير داير ليه وحدي صغيره اخر عمره لكين فلسااااااااااان داير ليه محل يخت راسو فيه عشان يسد ده بي طينه التانيه بي عجينه من مرتو أولاده ده الا وحدي فقدت الأمل دايره تعرس السلام جنس ده بيكون لايوووق ذي الويكه ماتتحله منه..
    إما ناس ورررروك بجيبو بي العروق انا ما معاهم في الشغله ده لانوو أي واحد جاب ليه كم لحاء شجر ختاهو جنو عامل فيها شاطر…
    بذكر يانونو ايام الجامعة عمك التحت الشجرة كان البنات بيمشو ليه نهاية المحاضرات أي وحدي تحكي ليها قصه حياتها معاها الشباب هو يقول ليهم اسم امو منو طوال الوحدي تالف ليه ..
    هو يشيل من عروقوا ده يديهم قال شنو عروق محبه وكده ..
    كانت عباره عن مزحه الناس بتفرق بيها
    “كذب المنجمون وإن صدقوا”
    اخد دوران اجيك

  12. تاجوج كسلاويه قال:

    نونو..في اغنيه بدايه مطلعا
    تعال بي ألعندك أبوي يسندك
    يعني ابوك ده يحمد الله رباك لمن دخلتي الجامعة داير ليك السترة كمان تجيب ليه بلاء تأني حقوا الداير ليه تكالات ده أخير مايجي
    غنا البنات لذيذ حلو في مناسبته يعني في بيوت المناسبات البنات يفضفضن يهيصوا مرات بيصابو بي هستريا حمنا الله انا ما بلوم الوحدي لأنها بتعبير عن واقعا وبس…
    إسفين علي الاطاله ….شكلي كده سرحته
    نلتقي في منتدي اخر..

  13. حاج أحمد السلاوى قال:

    تاجوج ..الكسلاوية … أولن مرحب بيك فى منتدانا الظريف ..كويس إنك فضفضتى برضو بيجاى بس من غير هستيريا..
    رايك شنو فى أغنية راجل المرا حلو حلاة ..
    دا مش يعتبر إرهاب نسائى مبطن ..هو الخطف دا إلا يكون خطف طيارات ورهائن ؟ خطف الرجال برضو بيسبب زعل ..زى كلام الأهل ..
    ولا شنو يا الفكى ابكرونا ؟ عارفك حسه بتفكر فى شنو !!

  14. تاجوج كسلاويه قال:

    شباب جيتكم تاني
    حاج أحمد السلاوى اشكرك علي الترحيب
    شكلو كده نونو قالت الموضوع ده طرفي منو….
    بالنسبه لأغنية راجل المرا حلو حلاة .. انا بشوف شباب الزمن ده لمن يكون نفسه ده براه دايره زمن
    زوج المرة الايام دة هو في الطوووب يعني عريس جاهز المسائله ما زي ماقلت خطف طيارات ورهائن
    لانه هو زاتو داير يغير يعني المره بقت كبيرة الاولاد دخلو الجامعة هو شايف نفسو لسه شباب
    بيقوم يقدم علي العمله البتشوفوها شينه
    في مطلع اغنية بيقول حلوة مرتو الصغيرة وشينة مرتو الكبيرة والكبيرة شالتها الغيرة
    الي ان نلتقي بالمره ست الموضوع تكون ظهرت في الخط

  15. محنك قال:

    وين نونو وباقى جماعة المدونة من فئة العواطف ود. عزت طول ما ظهر احتمال كبير يكون عيونوه وكيل لاحى الكم وثلاثين ( يعنى الثلاثة و ثلاثين الثالثة ) ويبدو لى الرابعة برضو بتكون مرطبة

    33/ مركزى/ 33 دولة/33 وكلاء ( الحصان الجارى العربة ) او المكنة / 33 امين عام الوزارة
    ان شاء الله يكون دوك بتااينا دخل اللستة

  16. حاج أحمد السلاوى قال:

    تاجوج الكسلاوية ..
    سؤال سغيرووووونى كدا قبل ما اعلق على مداخلتك الأخيرة .. إنتى من كسلا الوريفة ولا إسم بس كدا ؟..
    ليك الحق فى الإمتناع عن الإجابة ..
    لاط
    كين بصراحة تحليلك لأغنية ومودوع راجل المرا حلو حلاة تحليل منطقى جدن .. وفى محلو تمام ..ونحنا جاهزين … للإقدام على العملة الشايفنها الشينة دى ..
    الإخوة الكواشف .. هل من متطوع آخر ؟…ومقدرة .. مقدرة ..
    والله ست المودوع نامت فى الخط ..

  17. عزت قال:

    لااعتقد ان هناك متطوعين للعملة الماشايفاها تاجوج شينة…..لانو نحن شايفنها شينة و مستحيلة كمان…!!

    الا كان الجماعة ديل عينونا وزير و الا رئيس محلية… طبعن بالأوامر يكون ملء الخانات الفاضية

  18. محنك قال:

    يا دكتور عزت
    بركة بالطلة انا ظنيت انو عيونوك فى الدفعات الفوق عشان كدا رفعت قزاز

    حاج السلاوى وانا كنت ناوى لكن غيرت رايى حاليا

    اظهر انو فى كواشف بعض الاماكن تثير عندهم شجونا فيدخلون فى غرقة الدرويش وفى حضرة من يهوون من الاماكن تعبث بهم الاشواق ( الغريبة )

    بعد كسير التلج الكان زمان يظهر انو ام العيال سافرت يا حبيبنا السلاوى

  19. عزت قال:

    شكرا يا محنك على السؤال… يسأل منك الخير

    لكن باقي ليك الجماعة ديل بيغلطو ليهم غلطة زي دي….. ديل لستهم جاهزة من زمن النشاط

  20. nono قال:

    الاخوه زوووووول —خالد مدني ___شباتي__تاجووووو___د/عزت
    الكل حقكم علينا نزلنا المووووودع انسحبنا للمشغليات وكده طبعا ده( الشماعه)
    تاجوج اشكرك علي الاضافه ببعض اغاني البنات
    بس ماقدر ده قالو ليك اتكلمي عن اغاني البنات وله عن هذا الرجاااال (راجل المره)
    تاجوج :___انا ماعارفه لو راجل المره ده مقندل بيوفر ليه كل سبيل العيش زى مابيقولو من عربيه شقه دهب رصيد في البنك كل ماهو مسافر انا في ضنبو ماعندي مشكله؟؟
    تاجوج يااختي انتي مواصفاتك ده الا واحد( مؤتمر وطني )وعنده كم وظيفه يعني وزير و مستشار وووووو

  21. ودالخلا قال:

    سلام ياقبيلة،،،
    السمار الأكارم بنو الكرام
    جمعتكم مباركة،،،،
    أنتو يا جماعة الخير بتلفوا وتدورو في الفارغة والمقدودة مالكم، الكلام دا وااااااضح وماداير ليهو درس عصر ولا صباح يا حاج السلاااااوي ودوك عزززززززت سلام، وبقية المغتربين في الدوحة والفيحاء الظليلة ويا حنتوب الجميلة!!!!!!!
    الكلام ده هسي عن أغاني البنات ولا عن راجل المرا ولا عن الدوشكات الثنائية وال (م ط) الرباعية ياحجاج….
    قالوا ليكم الباب فاتح وما داير ليهو دق وشنو مابعرف داك، وبعدين الباب البيجيب الريح سدو واستريح دا ما معانا هنا،،،،
    محنك أركز وركز معاي وخليك من الدلوكة وشجرة الدلوكة، ويا الزووووووول محنك ده من هناك …
    وركزوا وأركزوا والحكاية واضحة وما دايرة ليها مؤتمر وطني ولا حركة شعبية يا التركي ويا سهيل!!!!

  22. محنك قال:

    يا ود الخلا واسد الخلا

    انا لما اشوف زووول محرج بخارجه بس

    وان شاء الله نسمع بالسيرة قريب بس انا ما زوول حفلات وغناء ( نحن ناس عقد وامسك لى واقطع ليك ) ما داير احلف حليفت اهلى واقول على …… نحن قطعنا جماعى والفرادى دا بنشوفو زى الما جااى

    وانت عارف ومعزوم هناك بتسمع بس انا المره دى ما بيغادى المره الفاتت حضرنا البرنامج

    وبرنامجنا ما ترك واحدا يقول دقا البااب ذاتو

  23. حاج أحمد السلاوى قال:

    أخونا ودالخلا ..
    نحنا ما قلنا حاجة برة المودوع المطروح ..أغانى البنات دايمن بتتغير حسب المرحلة العايشنها ,, لو تذكر زمااااان كان فى أغنية السوط السوط يا جنا .. السوط أحرّ من الموت ..وكان الغرض منها حسب علمى المتواضع هو محاولة لفت النظر و إلغاء هذه العادة والممارسة الغير جميلة وأظن أنها لا يزال يتم ممارستها فى بعض القرى والهِجر .
    بس تحليل الأخت تاجوج كان منطقى جداً ويعبر بكثير من الواقعية التى أتفق فيها معها بخصوص محاولة الإقتراب من راجل المرا فى ضؤ عدم وجود العريس أو الرجل الجاهز للزواج بسبب الظروف الراهنة والغلاء الطاحن فى كل شىء فيتم اللجؤ للجاهز ..خاصة ولدى الرجل الميل دائماً لما هو جديد ..وما عاوزين ندخل فى مجال التعدد من مثنى وثلاث ورباع التى تحدثنا عنها فى بوستات سابقة .. يا سديقى العزيز..وبصراحة كدا انا من أنصار التعدد متى ما كان ذلك ممكناً ومتاحاً ومطابقاً لما اقره الشرع .
    بس فى فقرات من مداخلتك ما قدرت أسبر أغوارة زى الفقرة “قالوا ليكم الباب فاتح وما داير ليهو دق وشنو مابعرف داك، وبعدين الباب البيجيب الريح سدو واستريح دا ما معانا هنا،،،،” يار يت توضحها لينا شوية ..
    الأخت تاجوج ..زيادة فى الترحيب ..نحب نعرف الموقع الجغرافى للعضو الجديد معانا ..هل هو من الصامدين داخل امازونيا العظمى أم من الطيور المهاجرة امثالنا الما بتعرف ليها خرطة ولا فى إيده جواز سفر..
    وخلونا النشوف آخرتا شنو !!

  24. ودالخلا قال:

    سلام ياقبيلة،،
    أخي وصديقي العزيز عمدة القبيلة ودالسلاوي،،
    وأنت برضو لو بتتذكر دراستك الثانوية وكتاب البلاغة والتورية وأطلاق الجزء لأرادة الكل، ده ما ياهو ظاتو المقصود في الكلام القلت داير توضيح ، وكثرة الشرح والتفسير تُفسد المعني ياسديقي، وأنا ما بقدر أقول وما بقدر أصرح وأنت ما تفكر كتير وتمشي لبعيد وتنسي ما ضيك البعيد، برضي زيك، برضي زيك كنت عاشق وكانت أيام عمري عيد……
    أخي العزيز محنك فارس القبيلة الجحجاح، المال مابهمك أن كتر وأن راح، نحن معاك تب في دي، ودي يا ها البتفك الساجور وتحل المشكلة العويصة دي،،
    هيييييييييييييع اخوك السارة وكت الرماح أتشبكن!!!!

  25. البقاري قال:

    يا NO-NO
    انا رايي الرسم البياني لاغاني البنات محكوم بالثقافة السايدة في الفترة المعنية المكان ولا شنو
    لما يكون في المقابل غير اغاني الحقيبة زي ماتفضلو الاخوان او في اغاني الشمال (تعليق المحنك) واحد يقول:
    وجيهك مونضرة(مراية)
    جوابكي ما انقرا
    دا الجايي من انجلترا
    اكيد بتكون اللونية الغنائية عند البنات
    ليبيا واليمن ضياع زمن
    واامل ان نتثقف جميعا حتى نرتقي بمنتوجنا
    ودمتم

  26. بالامس القريب كانت في سهره في قناة الخرطوم تخس اغاني البنات

    كنت بتمني نكون كلنا في صالون واحد نحضر السهره

    كانت حقه جميله الاستاذه اروي ربيع وعفاف الصادق قدموا تحيل جيد لاغاني البنات

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s