ود الزبير وين القلم

Posted: الإثنين,19 يوليو, 2010 by عزت in اخرى

و أنا أقول أديتو لي منو فقمت اتذكرت…. فعندما كنت أراجع في بعض الصور في كمبيوتري لغرض التوثيق و الذي منه….. عرفت القلم مشى وين..

طبعن يا أحباب اليوم داك خالد مدني أي في يوم تكريم استاذ جبرا في حفل توقيع الكتاب (لبس جماعي) بقاعة الشارقة قال لي نمشي نستقطب الأستاذة (نانسي) مطربة الحفل و نعرفها بمجموعة ساخر سبيل و نهديها كتاب جبرا فأعطيته قلم و قام كتب على الغلاف الداخلي للكتاب اهداء للاستاذة نانسي من مجموعة ساخر سبيل و خلى (جبرا) يوقعوا و قمنا مشينا لي (نانسي) وراء الكواليس… ود الزبير سمع كيف المهم لقيناهو قدامنا…..

سلمنا عليها و أهديناها الكتاب


فقرأت الاهداء و شكرت مندوبنا خالد مدني

قام ود المدني الذي كان يحمل نسخة ثانية من الكتاب طالبا من (نانسي) التوقيع عليها

فوقعت الاستاذة ناسي على الكتاب……

لكين الظاهر قامت الأستاذة نانسي بعد ما وقعت أدت الكتاب و القلم لي (ود الزبير)…..

أنا غايتو عاوز قلمي… ما بعرف ود المدني حيكون رأيو في القضية دي شنو…؟؟

Advertisements
تعليقات
  1. ودالزبير كتب:

    يا دوك

    يجازي محنك

    الليله الزول مايفتح الموقع في البيت كلو كلو

    أسمع صحي الليله في أعصار جاي الخرطوم ولا ده فيلم من ناس الإرصاد

  2. ودالزبير كتب:

    شباب

    قبل تجي تشيلوا حسنا الزول القاعد في خلفيه الصوره التانيه وراء خالد مدني أيوه العامل شعره بوب مارلي ده بعل الفنانه المدهشه نانسي عجاج… يعني القطر فيهو مفتش يا حاج السلاوي ومن لف لفه

  3. التركــــى كتب:

    قلت لى دا البعل ياود الزبير ….. أول مرة أشوف قطر بضاعة بمفتش …. ياحليل زمن السكة حديد

  4. ودالزبير كتب:

    التركي يا معلم

    الجماعه قالوا القصه عقد ولسه العرس ما تمها لكن ياهم زوج وزوجه شرعاً… ربنا يهنيهم

  5. aflaiga كتب:

    عزت : الله يجازى محنك اسى لو كنت ضربت لى ود الزبير تلفون وحليتو القصه دى غادى غادى مش كان رجع ليك قلمك وفوقو كمان مقلمه ومسطره واستيكه وبرايه بدل الصور دى ؟؟!! هههه والله يا ود الزبير الليله الا تجى تبيت فى الاقمار بخلى ليك المفتاح مع ناس الباب بره !!!!
    يا دوك عزت طيب كدى راجع يكون خالد مدنى شال موبايلك مع اللخمه دى !!؟؟؟ ههههههه
    اها يا خالد انت حتبيت وين الليله الاقمار وحاجزا ود الزبير الا تمشى لى بشاوى وبشاوى اى زول مطرود لاسباب عائلية ( دى جلوه مش يا ابكرون ؟؟؟ ) ما بيقبلو خوف الفتنه وانتقال الفيروس ..هههه
    التركى يا عسل وينك يا زول ؟؟ البعل ده ما عاجبك ولا شنو ؟؟ ولا عاجباك البعله فى الابريق ؟؟ انت ما بتحب الناس ال…. شعرم طويل ولا شنو ؟؟ ولا القصه فى الطاقيه ؟؟ تحيالتى يا غالى مشتاقين والله ..

  6. حاج أحمد السلاوى كتب:

    أخونا شكسبير ..وبقية صفوة الأخيار الكرام ..
    نحنا غايتو خشمنا ما فكيناهو يا شكسبير ..لاكين قالوا الفى بطنه حرقص براااااهو بيرقص ..
    ابو عصمت قال إتفق مع والمدنى يهدوا الكتاب للبنية الأمورة زوجة الخ بوب مارلى ( حسب روايتك بعضمة لسانك )إنت الوداك هناك شنو وتخت نفسك فى مواقف لا تحسد عليها قدام أم المؤمنين خاصتكم.. غايتو زى ما قالوا ليك اشباب أعلاه شوف ليك منزلة نوم فيها الليلة ..لاكين شايف كل السبل موصدة أمامك ..غايتو شيل شيلتك ..واركز ..
    وبعدين ودالمدنى زااااتو قضيتو قضية اكبر من قضيتك لأنو حبّ يطول الموضوع شوية وطلب توقيعات صاحبة الحسن ..والمفتش قاعد يعاين بطرف عينه .. يعنى اقل حركة حيضرب فى المليان .. الحمد لله ما كنا حاضرين ..ولاّ كنا بقينا فى سين وجيم وبقينا فى حاو .. و… حوش من أم المؤمنين خاصتنا ..
    طيب دا كوووولو عرفناهو ابو عصمت صاحب الإقتراح ليه ما ظهر فى الصورة ؟ أنا اقول ليكم الإجابة .. ابو عصمت راجل حصيف وعارف البير وغطاها وعارف رأى أم عصمت فى الحاجات دى ( اصلو الحلفاويين ديل قريبين من المصريين .. ما عندهم هظار .. طوااالى بيختو الراجل فى أكياس ) وأخدها من قصيرة وقال يا دار ما دخلك شر .. كلامى صاح ولا فى محله يا د. عزت ؟
    اها بعد دا كووووولو .. نرجع لمودوع القلم بتاع أخونا ابو عصمت.. القلم دا ياربى لسه يكون مع نانسى عجرم … اقصد عجاج ؟..( معليش الأسماء تتشابه .. وفوق دا بنتنا أسمح واحلى من اللبنانية .. فى زول عندو أى إعتراض ؟ ).. غايتو المنك يقوم يركب عربيتو ( وما تنسى تاخد معاك أم المؤمنين .. لزوم إبراز حسن النية من جانبك ) وتوصلوا بيت البنية إياها وتسالها عن القلم ..إن كان معاها لسه ولا سلمته لود الزبيرأو ابو ملاذ.. إذا بقا معاها أكيد حتقول ليها خلاس خليهو معاكى كنوع من التذكار للمناسبة العظيمة ( اقصد مناسبة توقيع كتاب عمنا جبرا )..أما إذا قالت ليك أنا سلمته لصحابك ( طبعن هى ما حتكون متذكره الأسماء .. مع إنو شكسبير دا إسم مميز وما ممكن الزول ينساهو ) تقوم تعمل خلف دور وتلف عليهم واحد واحد لحد ما ترجع قلمك ..وبينى وبينك أنا شايف القلم متجه من يد احسناء نانسى فى إتجاه ود الزبير .. وما أعتقد إنو الكاميرا ممكن تصور غلط .
    وتمت ..وختمت وكسر قلمك ..ودا ما كانش قلم يا ابو عصمت..
    لاكين ارجع واقول ليك .. الله يجازيك ويجازى محنك .. دخلت شكسبير فى ورطة ..
    تعرف يا ود الزبير القصة دى واللفة دى كوووولها عشان قلت لى :” يعني القطر فيهو مفتش يا حاج السلاوي “..
    وخلونا النعرف آخرتا شنو .. وقلم أبو عصمت مشا وين !!

  7. ياسين شمباتى كتب:

    ههههههههههههاااى..عليك الله يا ود الزبير اب شعرا مفلفل دا بس ظاهر فى صورة واحدة,لكن الصورة ذات الاتهام مافيها زول تب!! ياربى يكون مشى وين!!؟؟لكن القلم وينو؟؟

    افليقا..حمدالله على السلامة وبركة بالطلة..قلت لى بشاوى ما بستقبل!؟؟مالو!!؟ ولا زعل من الكلام داك؟؟هههههههههه…

  8. ياسين شمباتى كتب:

    حاج السلاوى..
    يعنى المعنى شنو!!؟؟؟ امانة ما اتلومت يا قطر..

  9. الصادق ود البركة كتب:

    السلام عليكم ورحمة الله
    شكراً يادوك يا موثق ويا فاتح الباب عشان الكتاحة تضرب ود الزبير
    أحييك على التوثيق لا على الكتاحةو الجاتك في قلمك سامحتك وبالمرة نحيي طارق أب أحمد الموثقاتي
    أنتو الزولة لو انسترت مالها لو بالمرة خات الغناء يكون أحسن
    كسرة1: يا شمباتي اليوم الاثنين المرقك من الحفرة شنو ان شاء الله خير ؟؟؟؟؟؟؟
    كسرة2: السلاوي مشتاقين ……….

  10. الصادق ود البركة كتب:

    السلام عليكم
    تصويب لو خلت الغناء يكون أحسن
    وبعدين في أيد وراء ود الزبير (دي أيد منو؟؟؟) مادة الأصابع نحو القلم يمكن شالو وود الزبير براءة سألت الزول ده ولا دي ايديك وبطل السلبطة…….

  11. عزت كتب:

    سلام يا أحباب

    خلاس يا ود الزبير نزولا على رغبة الأعزاء لو القلم عندك نتداول القلم كل واحد يحتفظ بيهو ستة شهور…

    و الا نرجع زي ما قال السلاوي نشوف (الأستاذة نانسي) يمكن القلم معاها و كان لقيناهو عندها، نخليهو ليا كنوع من تذكار عزيز و كدا (غايتو يا حاج عليك أفكار تجنن) و و نخليها (تعزم) لينا في واحد تاني…. أصلو أنا بعز الأقلام جدا

    في المنزل دائما ما تتندر علي (عواطف) بحبي لامتلاك الأقلام و تقول للأولاد ان احتاج أحدهم لقلم (أمشو لي المتحف الفي دولاب أبوكم دا) …. الأقلام لامن تنشف يحتفظ بيها..!!

    ههههها ههههها …. يعني اتكيفت (عواطف) ياحاج لمن نقصن الأقلام….!! غايتو جنس غايتو

  12. عزت كتب:

    مبروك للمنشات و الدششة
    طبعن في بالي الطرفة التي تقول (ما يقوم واحد يقول ألفها هو و يقوم يعرض لينا زي السيجيمان) ان احداهن كانت (تتبوبر و تتفشر) فقامت أعربت عن سرورها بنزول المطر عشان يغسل ليهم (الدش) الفوق المنزل يا أبكرون….
    فأعربت الأخرى عن استيائها قائلة
    انشاء الله تجي الصاقعة عشان تكويهو ليكم….

    عموما صباح اليوم لمست ارتياحا كبيرا و سرورا شديدا لسائقي السيارات باستخدامهم للمنشات… الواحد تلقاهو مبتسم و المنشات شغالة يمين و شمال و واحدين من فرط سعاتهم مطلعين يديهم بره العربية و و الواحد سايق و ينضف في القزاز…. غريبة مع انو المنشات قاعدة في العربية… ههههها…
    عموما تقابلت بالأمس مع احدي مسئولي الارصاد في اجتماع و لست وحدي الذي سأل عن أعاصير الأمس….. فقام قال يا أخوانا نحن نفينا الموضوع دا في التلفزيون و في الاذاعة و أردف قائلا بأن مثل هذه التنببؤات لا تقال بهذه الصورة فقد أخطأ ناس المطار بنقلها للميديا بهذا الشكل …. هو في مطر جاية لكن اعاصير و حاجات من دي ما كانوا يقولوها….

    عموما قال الهضبة الأثيوبية معبية بالسحب و جاية علينا… غايتو الما زبل البيت واطاتو أصبحت….!!

  13. DAKEEN كتب:

    اولا شوفوا حذا الطمبوري – اقصد قلم عزت… دا ما يعمل ليه جريمة تانية ،،، اصلو هو عاملو شرك للملاقيف ،،، والكاميرا لافيها في العمة . اعملوا حسابكم…. ودايرين ليكم حجة عشان ترجعوا لي نانسي ،، قال تعزم ليكم فيه قال…
    ثانيا : اعجبتني دهشة المنشات ومكوة الدش لكن الجاب الزبالة في الجو الرومانسي دا شنو ،، افصح ياود الدانقة ،، ايش جاب الغنم والحمير والبقر والزبالة ، للدش والمنشات …

  14. ودالزبير كتب:

    دوك عزت
    زباله

    عارف المصطلح ده بقي يتقال كنايه عن الرشوه ربما لأنو الإتنين يشتركان في الريحه النتنه… بالله موضوع الإعصار ده طلع معانا بالساحق والماحق والبلاء المتلاحق من الساعه تمانيه مساء قفلنا… شكيتكم على الله يا ناس الإرصاد

  15. التركــــى كتب:

    القــلم داخل القـطــر على مسـئولـية حــامــلـه

  16. خالد مدني كتب:

    كان في قلم … كان حق عزت … اداهو لي ود الزبير … اداهو لي نانسي … ما عرفنا نانسي ادتو لي منو …وعزت كان بصور وود الزبير يتبسم وبعلها بس بعاين بي عيونووووووا
    كدي راجعو السيناريو ده وركزو في الاسماء دي … اسه خالد مدني الدخلو شنو في المودووووع يتاعكم ده … غايتو جنس غايتو .

  17. حاج أحمد السلاوى كتب:

    كيف يا ودالمدنى ..
    ما إنت مشيتو عشان تهدوها نسخة من كتاب لبس جماعى .. قمت إنت أديتها نسخة تانية وقلت ليها : لو سمحتى ممكن توقعى لينا على النسخة دى.. وإنت قاعد ؟..وبا إنها ما عندها قلم وما قاعدة تستعمل اٌقلام قام دوك عزت إتبرع بالقلم بتاعه عشان توقع بيهو على الكتاب ..وإنت قاعد .. قامت الحسناء نانسى وقعت على النسخة بتاعتك .. وإنت قاعد ..والصورة توضح إنها رجعت اقلم بتاع أخونا عزت .. لشكسبير .. وإنت قاعد ..وحينذاك جاطت لامن ما إتعرف بعد كدا اقلم السطورة دا راح فين .. وإنت قاعد..
    وبعد دا كووووووولو يا والمدنى تجى وتسأل إنت دخلك شنو فى المودوع ..وإنت قاعد !!!
    غايتو .. جنس .. تِملِص ..

  18. خالد مدني كتب:

    مع الامطار الغزيرة التي تهطل الان تم اغلاق هذا البوست وتشفير الموقع في مناطق جبرا واركويت … مش يا ود الزبير ؟؟؟

  19. البشاوى كتب:

    امانة ما الشكلة الزى الرعدة بسمع فيها مرة فى مدار اركويت ومرة فى مدار جبرة لكن رعدة جبرا دى مارعدة يندسو منها – تانى وقع ياحنين نيابة عن ناس ساخر سبيل – دى موثقة وباسمك – ورعدة ود الزبير ممكن يقول دوبلاج للصورة – اقترح عليك ياود مدنى تمشى تلبد ليك كم يوم فى استراحات البجراوية لحدى ما الاعاصير دى تنتهى

  20. ودالزبير كتب:

    اقترح عليك ياود مدنى تمشى تلبد ليك كم يوم فى استراحات البجراوية لحدى ما الاعاصير دى تنتهى

    لوووووووووووووووووووووووووووووووول ظاتو

  21. سهيل كتب:

    الكتراااااااااااااااااااااااااااااااااابه .. دا شنو يا عمك ؟؟ إنبطح ينبطح إنبطاحآ .. خط بارليف الليله إتماص و القلم بتاع عزت دق الصفايح لمن الجماعه بقو يتمتمو و يقطعو .. مالك يا ود عجاج ” قصدي يا ود الزبير” .. شايفك من الصباح بقيت بتاع ارصاد جويه .. الناس تفتش في القلم و انت تطفش في الموضوع مع المطر .. بخ

    افليقا : حمدلله على السلامه .. و شكرآ للمساهمه في التخفيف علي شكسبير و إيجاد الحلول الذكيه .. إنت مااااا اصلك خبير مخارجات ..

    كسره : ود الزبير سايق ولا اجي اوديك ؟؟

  22. aflaiga كتب:

    سهيل : بوكس شنو هو بركب بوكس كان ركب مشى المقرن !! هههه ( النظام العام ) اسى لو كانت الانقاذ زى زمان مش كان اتهم بالتقرب من مواد مثيره وملتهبه ؟؟؟هههههههههههههه
    بشاوى : انت الما بتلحقو قول كعب ههههه .. القعده انت دايرا لكن ما بتقدر على تبعاتا ..
    خالد مدنى : والله لا تشفير لا تهكير بينفع ده بالمفتشر ومتعوداااا دايما ..

  23. سهيل كتب:

    ود مدني ذاااااتو بقى يفتش في التشفير … خساااااااااااره .. كباااااار كده و شغالين هزاز ..

    افليقا : التقرب من مواد مثيره .. هههههههههههههههه .. دي مواد مسيله للدموع و اللعاب وحاجات تانيه حاميه ود الزبير

  24. خالد مدني كتب:

    يا اخوانا نسخة ساخر سبيل الوقعت فيها نانسي وينااااااا ؟؟؟

  25. خالد مدني كتب:

    يا افليقا مش داك قال الشنو كده شنو البلقاء والطعن طعن ابي محجن ؟؟؟ انا بقول الفكرة فكرة عزت والتنفيذ تنفيذ ود الزبير … وانا اموت في فراشي كما يموت العوير .

  26. aflaiga كتب:

    اذا اختلف البوكيمونان ظهر جون سينا ذاتو .. شفتو خالد بقى يتهم ود الزبير وود الزبير حيتهم عزت وعزت حيتهم منو اقول ليكم شيئ البوست ده نزلو اب شعر ومحرشاهو نانسى ذاتا اها كده كيف ؟؟؟

  27. ابو شقرود كتب:

    الأخوة الأعزاء مجموعة ساخر سبيل تحية طيبة أرجو أن تقبلوا عضوية اخوكم ابو شقرود الكردفاني والحقيقة أني كنت بفتش ليكم من زمان ومن أكتر المعجبين بكتابات الأخ الفاتح جبرا وعندي ليكم سعال واحد بس
    نانسي دا منو ؟؟؟؟
    والقطر القاعدين تتكلموا عنوا دا بضاعة ولا ركاب ؟؟؟ بخاري ولا اكسبرس؟؟؟؟
    بعد داك عندي ليكم هدية دستةأقلام الزول اب شعرا كتير داك الظاهر في الصورةالفوق ديك كان غزاها في شعرو ما حتقع
    وكمان زيادة برسل ليكم قصة عمنا شانوق والحرامي عشان تآمنوا
    شكرا ليك كتير وربن ما يجيب يوم شكركم

  28. بشار أحمد بشار (ابن برد) كتب:

    يا جماعة خالد مدني المفترى عليه ده المودووع كله لا ناقة له فيه ولا جمل بس الظاهر في الصور دي كلها ( يدو وقلمو وإمكن ألمو) . قالوا زمان أيام حكم الرئيس……الرئيس نميري دخل مذيعو النشرة الجوية في إضراب لأنو ما أدوهم بدل لبس _ وكانوا كلهم الله يديهم العافية يتميزون بوسامة وجوه سبحان الخالق الذي أبدع _ فكان رد نميري _رحمه الله_ نحن ظاتو ما عاوزين نشوفهم كفاية عصاياتهم بس ويقصد المؤشرات التي يحملونها.

  29. عزت كتب:

    ابوشقرود دي ما نانسي ياراجل…..عموما تشرف و البيت بيتك و عشان ظرافتك دي أنا القلم ذاتي خليتو و في انتظار الهدية…الت عمك شانوق…

  30. عزت كتب:

    الصادق ود البركة اليد الممدوده دي ما يدي ما شايف القميص كان كاروهات و أنا قميصي كان مقلم….أصلو جاي مع القلم

    نانسي

    و قاعد على بعد 6 بوصات من المواد الملتهبة أو كما قالوا مش زي واحدين…!!

  31. حاج أحمد السلاوى كتب:

    عزت ..
    سؤال سغيروووووونى كدا ..
    الصورة دى ما نزلت ليه من الأول مع بقية الصور ..
    غايتو … جنس … غايتو ..وشيل شيلتك مع أهل وادى النيل !!

  32. ياسين شمباتى كتب:

    ود البركة..سلام..
    مرقنا فزعة للقلم الرايح دا !! وينك لابد كدة؟؟المدارس واجزت والصيفية جات,,ابقى ظاهر يا حبيب..

    خالد مدنى..سلام..
    بقينا فى زى دا !!؟

    افليقا..سلام..
    ما تجيب سيرة اب شعر فى ناس بتتتلبش هنا!!

    ابو شقرود…سلام..
    ومرحب بيك والبيت بيتك وابقى واصل,,وجيييب قصة عمك واى حاجة ذاتو..مرحب والف مرحب..

  33. خالد مدني كتب:

    الحبيب يس … انها لتهمة لا انكرها وشرف لا ادعيه … مرحبتين حباب الشر محل ما بتق … واقول
    مما قمتي في ساجك منور ضيك
    ما اتبعتي عر لافيه العطاش بي ريك
    السرعو ونشاط ما بشبهن لي زيك
    تاتي المشية خلي الناس تموت بي غيك .
    هعععع انا ابوك يا ملاذ .

  34. خالد مدني كتب:

    يا ابكرون انا عارف المغصة كاتلاك … والله وبالله لو ما شوية كده ود اب سن كان قال ليها : تاتي الغنية خلي الناس تموت بي غيك .
    كسره :
    عزت نزل دليل الادانة ده لييييه ؟؟؟

  35. عزت كتب:

    الصورة كنا داخرينها يا ود المدني…. بعدين لازم يا حاج تتأكد من الملعب خوفا من النيران الصديقة…. و أهو نفعت و أظهرت أن القلم ما قاعد في الجيب…!!

  36. ياسين شمباتى كتب:

    الحبليب خالد…
    والله علمتها ظاااااهرة,,قلت احسن تجى بى راسك كو..لا خلاس وواثقين منك ولا يهمك..

    عزت المرطب..
    غايتو جنس حركات عليك!! اسه فى داعى قومت نفس الجماعة ديل والعجاجة لوت فى المدونة؟؟

  37. خالد مدني كتب:

    لحبيب يس … ده اسمو تدوين ساحة المعركة .

  38. خالد مدني كتب:

    يا عزت اضرب لي تلفون ضروري جدا جدا … يا اخوانا كلموهو يضرب لي .

  39. ياسين شمباتى كتب:

    عزت..
    اضرب ليهو!؟؟ قبل يدون لينا مدونتنا دى ونبقى مدونين جوا وبحرا وبرا..

    خالد..
    يا مدوناتى انت!! مافى وظيفة شاغرة عندك؟؟

  40. عزت كتب:

    خلاس دقيت ليهو و لقيت عندو معلومات مهمة عن القلم……
    تسلم يا شمباتي…. انت الوظيفة دايرا لي منو…!!

  41. ياسين شمباتى كتب:

    معلومات !؟؟ معلومات شنو!!؟؟ ادينا الاكيدة ولو فى الضفة البهناك..
    الوظيفة ليييي رويحتى المسكينة دى..غايتو جنس حركات عليك تانى يا عزت!!

  42. التركــــى كتب:

    لكن يادكتور عزت منك خوف ياخ موبيالك دا زى الكمرة الخفية حتى سيده شايل حاله … بس كنتو بتتبسمو فى شنو لمن هزيتو الصورة ؟

  43. حاج أحمد السلاوى كتب:

    د. يسن .. خلاس طفشت من الفوارة .. وعاوز ترجع .. وتشتغل أى حاجة .. أن شاء الله باشكاتب ؟

  44. نيام كتب:

    انتو في قلم عزت و لا انا عمتي ما لقيتها!!!ياربي يكون ؟؟؟؟ انت يا فلقة مسحت ليها الكرسي بشنو؟؟؟

  45. خالد مدني كتب:

    نيام انت عمتك دي الجابها الحفلة شنو … يكون ده البشاوي ؟؟؟
    والله بس ما بنعرف للتكنولوجيا لكن الصورة العندي بتاعتك يا نيام لو نزلت هنا مش عمتك بس والله جلابيتك ظااااتا الله يلقيك ليها .

  46. نيام كتب:

    مهلا مهلا آل مهيلا
    نعمل ايه مادام دا مثيلا
    عشمنا الفيك ماهو قليلا
    العمة تطير و معاها فنيلة

  47. نيام كتب:

    يا افليقا العمة اريتها
    لو منديل في ايدها اريتها
    وكت صفقنا تراني نسيتها
    بعد ما رقنا و راحت بيتها
    جوه الشنطة العمة لقيتها

  48. عزت كتب:

    ههها ههها مبرووووك لقيتك للعمة …

    الله يجمع القلم

  49. حاج أحمد السلاوى كتب:

    يعنى البنية دى دوخت الوراها والقدامة .. النسى قلمه راح وين والعمتو طارت ودخلت الشنطة وهو ما جايب خبره ..
    الحاصل شنو ..هل تأثيرها كان طاغى للدرجة دى ؟؟؟ الحمد لله الما حضرنا البشتنة دى ..يمكن راسنا زاااتو ما كنا عرفناهو مشى وين !!
    غايتو .. جنس .. غايتو ..

  50. نيام كتب:

    حاج السلاوي:
    الوراها ديل بعولتهن … قول دوخت القدامها …ياحاج اكان شافوها ناس عبدالله كانو بعذرو..

  51. ابو شقرود كتب:

    عم شانوق قصصه كتيرة وهو شخصية كردفانية ريفية يعيش في المدينة وأحواله اتحسنت وأولاده أغتربوا وما قصروا معاه وإشتري لا مؤاخذة أحسن حمار في المدينة وبنا الطين وعملوا للحمار زريبة برة الحوش ودخلوا الدش وقت كان حتى أرسال تلفزيون ماف في البلد ولمن البلد كمان ما فيها كهرباء جابو الجنريتر
    وعم شانوق هموا في كل القلنا فوق دا أنو حماره ما يحصل قلم عزت فقام شاف ليهو فكي قوي قام كرب ليهو الحمار تكريبة بت كلب وأي حرامي يجي يدخل الزريبة مستفيدا من صوت الجنريتر العالي ونوم أولاد العم شانوق قدام التلفزيون الحمار دا يقيف لوح خرسانة لا يمشي قدام لا ورا
    لكن في يوم من الأيام أصبحوا لقوهو مافي ( لحق القلم ) ولمن جا ود قميرو قصاص الأثر المشهور قاليهم دا درب الزول الحرامي دخل الزريبة وحاول يسوق الحمار والحمار أبا يمشي ليهو – ودا درب الحرامي مشى جاب أربعة ناس كبار من جماعته ودا دربهم وهم شايلين الحمار لغاية دونكي أبو جلوف حوالي كيلو حتان الحواطة فكت والحمار نزلو مشى ليهم ودخلوا علي جيهة السوق والدرب راح مني هنا

    خلاصة الأمر أنا قمت بالأتصال على الفكي وعلي مصادر أخرى وأنا قمت كربت ليكم القلم دا تكريبة صاح
    لكن لازم أقيف على موقع الجريمة بس تبعد ولي الزول القاعد بيمين البت دي وساكت ساكت تقول باكل في بليلة حارة دا وتقيفوا بيني وبيت الزول أبوقرون داك ما يقوم يهيج فينا لأنو الحكاية لازم الزول يتحسس آخر مكان شوهد فيه القلم الظاهر في الصورة والله يعينا ما يطلع الملمس زي الصوت الفي التلفزيون الدايمن جايب لينامشاكل
    بس أنتو أعزمونا في الكتاب الجاي وأنا أكرب ليكم الزول البصور زاتو أكون ليهسع بصور .
    وإلى قصة أخري من قصص العم شانوق

  52. ابو شقرود كتب:

    ياجماعة بعد تركيز ومراجعة للصور وصلنا للآتي
    الزول البيمين الزول الماسك القلم دا خالد مدني تحياتي !!!!!!!!!!
    والزول البي الشمال دا ود الزبير سلامات!!!!!!!!!!!!!!!! والزولة الفي النص دي نانسي عجاج الفنانة!!!!!!!!!!!!!
    أفيدونا يرحمكم الله !!!!!!!!!!!!
    طيب البصور دا منو

  53. حاج أحمد السلاوى كتب:

    أخونا ابو شقرود .. أريت حالك زين ..؟
    أول حاجة عاوزين نرحب بيك نيابة عن الجمع الرائع دا وأظنك لقيت نفسك فى الموقع دا ولسه حتتبسط كل البسط لقدام ..لامن تتعرف على باقى الكواكب المتنشرين فى أرض الله الواسعة .. وكمان لامن تقابل الزول اللمّ الناس دى كووووولها يقلمه ووحروفه .. عرفته … وعشان ما اتوهك كتير الزول دا هو صاحب الكتاب الراح فى حفل توقيعه قلم اخونا أبو عصمت وطارت عمة أخونا الكاشف نيام ودخلت الشنطة دون علمه والسبب إنت عارفه براااااك …وما داير ليهو درس عصر .
    المهم والشاهد فى الأمر إنو قصة عمنا شانوق كانت جميلة وحبكتها رائعة وكتر لينا من قصص عمنا شانوق دا ..
    طبعن فى ناس كُتاااااااااار متوقعين إنى أسالك الأسئلة التعسفية المعتادة لاكنها بتسل الروح على قول واحد حبيبنا ..لاكين حناجلها شوية لقدام ..نكاية فى حبيبنا دا زاتو.
    بس عليك الله ما تنقطع ..وخليك قريب على قول ولدنا شمباتى ..(إنتو الليلة مش الأربعاء ؟ طيب لحد حسه ما ظهر مالو ؟ يمكن يكون معزوم سماية فى مكة أو الفوارة .. حد عارف ؟ ).
    أبو شقرود .. عندى سؤال سغيرووووونى ..أبو شقرود معناها شنو ؟ وما مجبور تجاوب . على راحتك ..

  54. الصادق ود البركة كتب:

    السلام عليكم ورحمة الله وبركاته
    السادة المدونون مساكم الله بالخير
    لسه يا دوك ما قلت لينا اليد الممدودة من وراء للقلم دي حقت منو ؟؟؟؟؟؟
    أبو شقرود الله يجازي محنك ((((وتقيفوا بيني وبيت الزول أبوقرون داك ما يقوم يهيج فينا لأنو الحكاية لازم الزول يتحسس آخر مكان شوهد فيه القلم الظاهر في الصورة والله يعينا ما يطلع الملمس زي الصوت الفي التلفزيون الدايمن جايب لينامشاكل)))) أضحكتنا ولك شكري

  55. ياسين شمباتى كتب:

    سلولو الحبيب..
    باشكاتب باشكاتب..ان شاءالله فى الرياض!!!

    ابوشقرود..
    والله غلبتنا تب,,والشافك باكر ترحب بينا ما كضب!! مرحب مرحب والدار دارك يا طيب..

  56. ودالزبير كتب:

    بيان رقم واحد

    بإسمي وبإسم المتهم الثاني خالد مدني نمنح الدكتور عزت المرطب مهله حدها بكره بعد صلاه الجمعه لجمع هذه المعروضات وفي حاله عدم الإستجابه سنجد أنفسنا مضطرين لإستعمل سلاح ( الكرفته ) وسلاح صوره القهوه الحبشيه وهذا بمثابه إنذار آخير … والله من وراء القصد معاني المفدرات في بطن مخير والبيشاوي وسهيل والتركي وطبعاً عزت المرطب وخالد وشخصي الضعيف

  57. عزت كتب:

    انت يا ود الزبير خالد مدني دا اضفتو لي لائحة الاتهام بموجب الجلوس بالقرب من مواد ملتهبة و الا كيف….

    و بعدين ياخي المعروضات دي بقت ملك عام الاتقوم تاخد اذن من المتواجدين الآن و الا توافق على التفاوض و ممكن طبعا ناس (ابكرون) في الدوحة يرعو المفاوضات… و يجيبو اطراف القضية كوووولهم في الدوحة و يصير كما قالت المغنية زمان
    “نمشي الدوحة نعمل قلق.. و يرد عليها كورس البنات
    سنه يا ولد

  58. البشاوى كتب:

    خوفا من التهديد والوعيد واستعمال الاسلحة المحرمة دوليا مثل الصواريخ القهوحبشية والخانقات العزوكرغتية
    نرجو التقيد بالهدنة التى تمت امس برعاية الامير مخير حفظه الله لحين تدخل الامين العام السيد ابكرون ورعاية الادارة السيد سنكل ومباركةسمو الشيخ السلاوى لرد الحقوق لاصحابها وضمان أمن وسلامة الاخوة المناضلين فى ساحات الجمال والدندنة ودالزبير وود مدنى والكواشف الذين لم يستطيعوا مقاومة الاعصار عزت ونيام وبهذا نطلب من السيد شكسبير تهدئة الاوضاع الى ذلك الحين ونكلف الحريف افليقا بمباصرة الوضع مع عواطف ود الزبير وعواطف ود المدنى وإقناعهن بأن ساخر سبيل قد كلفت هذين الاخوين بتمثيل الموقع الالكترونى المذكور اعلاه فى ذلك الحفل – كما نرجو من الاخوين سهيل وشمباتى مسك سياطهم عليهم وديل برضو اولادنا وكدة – وكاميرا عزت مابتهظر –

  59. خالد مدني كتب:

    نرفض اي هدنة او تفاوض … استسلام تام ولملمة المعروضات واعتذار شخصي لينا ان وود الزبير وتعويضات لي نيام جوز عمم وشالات … او الضرب بالنووي وطبعا السحابة حتظلل بشاوي عشان كده داخل جودية … احيييييي انا .
    سير سير يا ودالزبير نحنا جنودك للتدمير .

  60. نيام كتب:

    يوم فرح القلم سال ريقو فوق اوراقها
    وحلّف نانسي مايرجع لعزت و مالو علاقة
    وقال عزت خطو شين و كمان كتابتو دقاقة
    وطلب حق اللجو بالادني تبقا صداقة
    و مالت نانسي فوقو وشوشاتها رقاقة
    وكتب القلم بسرعة و كمان بطلاقة
    كرفتة شنو يانانسي ديه بطاقة
    وقال اصلو عزت في كل صباح او يوم
    مرات لصديق و مرات كتير معزوم
    عرسات البلد من بحري للخرطوم
    فترتا من الشهادة وقلة المعلوم
    ومالت نانسي مرة بوشوشات كالنسمة
    وضحك القلم وفي خفة راسم رسمة
    كرفتة بنات فوق ام بريق مبتسمة
    خاترة وسط نفر حالفين بدورو القسمة
    قالو يا الدوحة ميسن يا يسجلولها اسمه
    واعلن ودالزبير حالا بيانو الهام
    يا يسحب ملفو مع اعتذاروا التام
    يا ينزل دليلو و كمان معاهو كلام
    وعزت انتفض و الكرفتة لي قدام
    يا اخوانا الصور في الدانقا ملكا عام
    ولو رافدين خلاس نحكم الحكام

  61. علي سنكل كتب:

    و الله ما قصرت تب يا نيام
    وكان الحكم حكمي أنا
    الصور دي ملكاً عام
    والبشيل نانسي من قدامنا
    يتحكم إعدام

  62. خالد مدني كتب:

    رسلنا القلم بي شوقنا لي قدام
    لام لهجا حنين صوتا هديلو حمام
    ارتاح القلم ساق دربو في الاكمام
    وقال تاني الرجوع ؟؟ أبدا يمين وحرام

  63. خالد مدني كتب:

    مخير وحبش وحلبه غايتو يوم زي عام
    شيه وجبنه شيشه غايه في الاكرام
    كرفته وقميص ابيض بلا اكمام
    والقلم اتنسي .. تلقاهو حمدل ونام .

  64. ابو شقرود كتب:

    الأخوة الأعزاء حاج أحمد السلاوي والصادق ود البركة وياسين شمباتي
    تحية طيبة وشكرا لكم فما أنا إلا تلميذ مبتدئ معكم
    وبراحة شويةعلينا يا ياسين شمباتي عشان الواحد وما يقوم يتنفخ ويقوم ( الهوى ) يشيلوا
    والمقولة المشهورة ( تكلم حتى أعرفك ) يمكن أن نقول ( أكتب حتى أعرفك ) وقد عرفنا الأخ الفاتح جبرا من خلال كتاباته وإعجابنا المشترك بها هو الذي جمعنا ولله الحمد من قبل ومن بعد
    والحق يقال أن الذي جمعكم مع الأخ الفاتح هو نفسه الذي جعلني أدوخ السبع دوخات عشان ألاقيكم والواحد شعر زي ما إنتوا حسيتو أنو في مكانه الصحيح وسط أحبابه أو أصدقائه والحمد لله
    تحياتي وسلامي للأخ الفاتح جبرا ( وأنا كنت قايلوا معاكم هان تاري هو قاعد في الجبراكة فوق باكل في اللقيمات ساكت )
    لفت نظري رباعيات الأخ نيام الإنسيابية الجميلة وخاصة ( العمة جوةالشنطة لقيتها ) لأنو الفكي قال لي القلم دا زي قلم البنوك المربوط بحبل ولا حبلو علي قاربو
    قلت ليهو والله وردت في الحيثيات حاجتين أتنين يمكن يربطوا بيهن القلم ( عمة وكرفتة ) والعمة كانت جوة شنطة والشنطة حيثياتها كالآتي :-
    1 : الشنطة إما تكون شنطة مستندات الواحد شايلها لزوم المحاضرة في قاعة الشارقة ودي صعب تدخل فيا العمة
    2 : الشنطة هانباك النوع أبو عجلات الذي يصلح للصعود به للطائرة ويمكن إكون الجماعة ( مبيتين فيها ) النسخةالإضافية الوقعوا فيها بالقلم الرايح ودي ممكن تدخل فيها العمة براحة
    3 : شنطة هدوم كبيرة لزوم الغيار ونية القعدة الطويلة وكتاحة الخرتوم وكدا ودي ديتو ( يعني شرحه )
    4: العمة صغيرة النوع الشبابي البتخت في الكتف وكدا ما زي عمة أخونا ترباس يطراه الله بالخير

    ياأخوانا في زول جاب سيرة كرفتة ولا أكون أنا ضهبان ساكت عشان ما نوصل معلومة غلط

  65. ودالزبير كتب:

    أبو شقرود

    في سيره كرفته لكن الكرفته والقهوه الحبشيه ديل ما عندهم علاقه بنانسي عجاج ده موضوع براهو وصوره براها وده سلاح نحن محتفظين بيهو لليوم الأسود….

    بالجد

    يوم أمبارح كان من أجمل الليالي بجمع ثله من الأخيار في إحتفاء بالأخ مخير القادم من باكستان في مهمه رسميه .. ربما نعود لذلك بشئ من التفصيل .. شكراً مخير شكراً لكل من حضر بالأمس وعلى الخير إلتقينا وبالخير نواصل المسير ..

  66. aflaiga كتب:

    ما دام يا نايم جاب الكلام لى كلام
    اقول ليك الحصل فى تلكم الايام
    من قبل اللقاء ابكرون طلب انغام
    وقال يغنولو غنوه اتشابى فوقا حمام
    الساونات اتملن بى ناس عبدوش ونيام
    واحد يصبغ شعرو وزول حلف ما نام
    قالو الجايه نانسى وحتغنى غنا ايلام
    اتلمو الحبايب ناس قاعدين ورا وناس متحكرين قدام
    فى عز الغنا وانسياب انغام
    ناس نست الكتب والعمه والاقلام
    وناس نست الدرب طقشت قبايل الشام
    علا افليقا اخوك ماك عارفو زول مقدام
    مارق ومانسى لا عمه لا اقلام
    بس لمن وصل وبيراجع الهندام
    استغرب فى السديرى البلبسولو حزام !!!

  67. ياسين شمباتى كتب:

    البشاوى..سلام..
    وبركة بالطلة,,انت ياخوى من يوم جيت من الاولمبياد ماااااا ياك !! الحاصل؟؟ بعدين انحنا سيطانا ما بترجع تب,,اركزوا..

    نيام الحبيب..سلام..
    اريتنى لو قلما تقول فيهو النظم الجميل دا…

    ابوشقرود..سلام..
    والله انت مبدع جدا…واصل بدون فواصل يا حبيب..

  68. ياسين شمباتى كتب:

    افليقا..سلام..
    اسه الحزام الملصو شنو لما يرجعوهو فووووووووق كدة!! غايتو جنس تحزم وتلزم..

  69. البشاوى كتب:

    غايتو يانيام لسانك اخطر من كاميرا عزت —
    شمباتى — هو الاولمبياد دة البيمرق منو كويس وسالم منو ؟ دة ماكلو جرى وقفز بالزانة – مش بركة الطلينا بدرى شوية – حرم افليقا اخوى عواطفو لما جات من الصين شهرين مالامين فيهو كان غاتس وين مابعرفو؟
    ودالزبير وود مدتى – اقعدو ساكتين لحين رجوع الموثقاتى أب أحمد عشان تكتنل كل التوثيقات بما فيها الخطيرة المثيرة وبعدين مافى هدنة تانى– عشان لاقين عزت صورو شوية ولا شنو ؟؟؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s