اطفال متعصبون

Posted: السبت,24 يوليو, 2010 by moshahidah in إجتماعية
الوسوم:, , , , ,

عندما اقوم بمسح الاخر يتبقي من الصورة جزء و هكذا شيئا فشيئا تختفي الصورة الكبري ويبقي من الكون فقط الجزء الذي يمثلني انا و يتفق معي انا فانا الاصح والافضل . وكفي.
من الامور التي تحز في قلبي و تفقع مرارتي – مع العلم انو نساء عائلتي يملن للتخلي عن مراراتهن عبر السنين – و تجعلني اكاد اصرخ ..كفاية ..ان اجد طفله صغيرة تمسح اخرسواء كان طفل مثلها او شخص ناضج ..طفلة يتطاير شعرها بحرية و تبقي افكارها حبيسه صح و غلط . طفله تم برمجتها من الاهل او المدرسة او حتي التلفزيون .
في منتهي الصغر و منتهي القسوة و منتهي التعصب . لا تحايد لا تتفاوض لا تناقش ..لا تعرف سوى جانب واحد من القصه و تدعي انها قد فقهت كل شئ .
هذة الطفلة عندما تكبر ستواجه افكارها القديمة .عندها قد تفاجأة انهاكانت علي باطل وانها معتقدات فاسدة و ان اغلبها لا يميل للصواب و ترد عليه بالتبرء من كل ماضيها و ارتداء تعصب جديد في اتجاه معاكس
او ان تجد افكار طفولتها صحيحه لحد بعيد و تقدسها و تجعل منها منهجا يجب اتباعه و كل من يحيد عنه فهو بالتأكيد خاطئ ومجرم بل لعله لم يعد انسان في بعض الحالات .

و دمتم سالمين

http://moshahidah.wordpress.com

Advertisements
تعليقات
  1. aflaiga كتب:

    مشاهده : سلامات وليك وحشه ..
    ما قلتى لينا السبب البيخلى الزول يبدا يمسح شنو ؟؟ تكون اللوحه ضيقه ما بتشيل ولا هو النفسو ضيقه مع انو اى لوحه لو النفوس اتطايبت بتشيل مدينه كامله وفى لوحه بتشيل يادوب زول بس او وجه زول بالله كلمينا شويه عن المساحات الجغرافيه فى اللوحات وهل عندما هى مشكلة الزول الراسم اللوحه ولا الزول البيتفرج عليها ؟؟

  2. ابكرون كتب:

    مشاهدة : البقرأ البداية بفتكرك نرجسية….لكن العكس اظن انها صرخة تشكو الضيم الذي تحس به الانثي تجاه بنات جنسها منذ صغرهن …لكن يا مشاهدة الجيل ده لو رجعنا 15 سنه للخلف مش قلت او تلاشت هذه البرمجة المسبقة وان التنشئة تراخت عنها تربية الصاح والغلط والعيب وغيرو ونتيجة لهذا التراخي الاسري في التنشئة امامنا كل هذا الانحلال المخيف والحرية(الانطلاقة) في الشارع العام والشوارع الخلفية…؟ زمان كانن الحبوبات مثلا عندهن قرصة مشهوره للبنات او نظرة عين واحده او او او……تسلمي

  3. moshahidah كتب:

    افليقا ..الله يسلمك تسلم ..
    انا قصدي تقبل الاخر يعني لو كل زول طلع من بيتهم معتقدا انو هو الصح فعمره ما حيستفيد او يفيد بل سيبقي دوما ينظر للامور من جهة واحده ربما تكون خاطئة ..وان كانت صحيحه فهذا لا يعطيه حق ان يجرم اي شئ مخالف ..وصلت الفكره (^_^)

    ابكرون ..ههههه طيب اذا خدعتك المقدمه فدا كويس لانو بتورطك و تخليك تقرأ التدوينه مستفز وعايز تعرف اخرتها معاها النرجسية دى .
    يا سيدي انا ما قصدي بنات جنسي اطلاقا ..انا قلت طفله لكن ممكن يكون طفل المهم انو التربية بتاعه دا صح و دا غلط و ما تفكر وما تسمع اي كلام زول تاني واي زول برا البيت دا بعمل اي حاجه غير البنعملها غلطان ..دي البتخلي الناس تطلع متعصبه ..على ما اظن ..

    وانا حتته تشطب زول تاني او فكر مخالف دي في نظري قمه التخلف ..و بافتخر انو لو لميت صحباتي و اصحابي كلهم في مكان واحد حتتأكد انو انا ما بعزل نوع معين ..عندي المنقبه و الماشة موضة .المجنونة و الهادئة ..الشيوعي و الصوفي ..الشفتت و المسكين ..المصرية والسورية والسعودية ..كلهم علي قلبي زى العسل ..المثقف و صاحب القضية و الما عندو شي لأ شي ..مش ناس اخلاقها كويسه قلبها كويس و عندنا حاجة مشتركه خلاص .

    ولا ما كدا ..عموما النا الحته دى امكن ما بنتكلم فيها كتير لكن اول كتاب لي ان شاء الله اسمو “امسح متأكدة ” عن الموضوع دا بشكل قصص قصيرة ..

    مستنيه تعليقاتكم و زورني في مدونتي المهجورة يخس عليكم ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s