فطور المدونة و المدونيين

Posted: الأربعاء,18 أغسطس, 2010 by عزت in اخرى

الظاهر فعلا طولنا ما اتلاقينا  زي ما قال طارق أب أحمد… فطور المدونة باذن الله الكريم سيكون يوم (الاثنين*) 13 رمضان الموافق 23 أغسطس في بيتكم في (المقرن)…. دا مش عشان ناس المقرن (بيتحبو) لكين شان قريب للكل… مش جنب مقرن النيلين…

يالا تعال و معك آخرون…!!

مرحب بالجميع…!!

Advertisements
تعليقات
  1. طارق أب أحمد كتب:

    كل عام و الجميع بخير و دايمن تامين و لامين

    أها بمناسبه معك آخرون دى أنا جايين معاى فول أم أحمد واردالسليم 2010 وسلطة الروب من لبن المزرعه القدام بيتنا

  2. نحنا نجيكم؟؟
    ولا بتكوركو

    بالمناسبة تعالوا أفطروا معانا في المائده (أمام برج الشركة)

  3. ابكرون كتب:

    حاضر جايين
    ما تنسي العصيدة بملاح ام تكشو
    بس اوعه من سلطة الروب بالتوم

  4. ابوالمنذر كتب:

    كل عام وانتم بخير
    تقبل الله منكم وجمعكم على طيبات الموائد واللمه براها فكت ريق وربنا يديم الالفه نديكم امنياتنا من ع البعد ونخش معاكم ع الهوى طبعا لمان تبدو فطور نحن نكون راقدين بعد الجبنات والمزاجات وفكرنا فى العشاء

  5. حاج أحمد السلاوى كتب:

    لاكين بالجد ناس المقرن بتحبو ..
    المقرن دا عندو فيهو ذكريات الطفولة ( أوعك تفتح خشمك .. يا ….. القاعد فى الدوحة ..!!).
    وبالهناء والشفاء ..وإن شاء الله دايمن لامين وتامين وزايدين وما ناقصين ..
    عزت .. ارض المعركة .. نضفوها شوية بعد المعركة خلصت .
    غايتو .. لاكين … جنس … غايتو !!

  6. التركــــى كتب:

    أن شاء الله سنكون من الحاضـــرين ….. وكل سنة والمجموعة فى تواصل ووئام وعقبال الفطرة فى بيتى لما يتم طبعا … لك التقدير والأحترام

  7. زووووووول كتب:

    معااااااااااااكم ان شاء الله …

  8. عباس ركس كتب:

    صوما مقبولا , وافطارا شهيا – يكفي لمة الناس الحلوين , فيها شيشة يا مدني !!
    سلولو سلامات : يا ربي القاعد في الدوحة دا يكون مخيرونا !!!!!!

  9. عزت كتب:

    ما منعونا يا (ركس) غايتو الا ود المدني يجي يعمر الشيشة (الكومر) العندي في البيت..!! و يجيب معاهو المعسل و الموية لأنو الموية في الخرطوم الأيام دي طين ساكت…!!

  10. حاج أحمد السلاوى كتب:

    أبو عصمت ..
    نجى الفطور الساعة كم ؟

  11. الجعلى كتب:

    دوما تحرمنا الأيام من لقياكم …دعاءنا لأهل المقرن ولمن سيحضر للمقرن … ودعونا ببورتسودان حيث يقضى معظم الصائمين نهارهم داخل ثلاجات الموز نظير خمسة جنيهات لليوم …وأتمنى أن أراكم فــــى إجازة عيد الفطر المبارك إنشاء الله …ليس إستباقا للأحداث ولكن لهفة لرؤياكم .

  12. خالد مدني كتب:

    جاهزين موية ومعسل … قلت يا سلولو تجي الفطور الساعة كم ؟؟؟ تعال مع العفش .

  13. حاج أحمد السلاوى كتب:

    إنت يا ود المدنى بس قاعد لى فى حلقى .. يعنى ما نقول حاجة أصلو ؟..قالوا الكحة ولا صمة الخشم ..دا شنو دا ؟؟؟
    لاكين بينى وبينك شوقنا ليكم بحر ما ليهو ساحل وكنا دايرن اللمة دى..لاكين نقول شنو ؟
    غايتو يا خالد .. الوصية فى الذمة ..فى الفطور بتاع يوم الإتنين لقمة ليك ولقمة لى .. أكان ما نفذت الوصية بتخنق ..
    .. ربنا يجمعنا وإياكم فى أبرك الساعات واسعد الأوقات …وسلامى للصغيرة ملاذ .

  14. عزت كتب:

    الوصية في الذمة دي ذكرتني موضوع (العوض) مذكروا يا حاج..؟

  15. خالد مدني كتب:

    حبيب الروح سلولو … والله دي بس ريده ساكت عشان بكده بنلاويك … يعني زي حركات محمود عبد العزيز لي السر قدور … انتو مش قدر قدور ؟؟؟
    واكان للوصية ابشر تب … لقمة هنيه عشانك والتانية لي … والشيشة دي الجراك لي والتفاحتين ليك … قصرت معاك ؟؟؟

  16. ود المهدي كتب:

    رمضان كريم للكل وكل سنة وانتم طيبين – انا الان في بورتسودان الحارة وانشاء الله اكون معاكم في فطور الاثنين – تحيات حارة من الثغر الباسم

  17. ود المهدي كتب:

    لكن يا عزت ما قلت لينا نجيب شنو غير اخريين؟ يا اخوانا ما في زول عتر في الكناني – شوفتنا ليه رمضان الفات في بيت شمباتي؟
    سنة يا امير – ما بالغتا عديل كدا

  18. عزت كتب:

    الحاجات دي زمان يا ود المهدي كان بيرتبا أفليقا الله يرد غربته…. غايتو لحد هسة عندنا فول أم أحمد و المش و حاجات أم عصمت و أهمها القراصة بالدمعة و معسل ود المدني… كفاية موش..!!
    ياخ اللمة بالدنيا….
    و خليكم قراب….
    و دعوة للاخوة و الأخوات الجدد فحسبهم الحضور الى المقرن و الباقي هين…

  19. ودالزبير كتب:

    شباب

    رمضان كريم

    أها نخش في الجد … بجي ومعاي ملاح الروب بالعصيده وبعض المشروبات….. السنه الفاتت في بيت ودالمهدي كل زول جاب حاجه السنه دي نفس الشئ كل زول يجيب ما تيسر والكلام على اللمه ما على الأكل … آرح

    نرحب بأخونا الجعلي بيننا ونتمنى أن نراه قريباً

  20. عزت كتب:

    و نرحب أيضا بمهند عبد الله و يشرفنا حضورك…. و يمكن نجي نفطر عندكم علة قدام الشركة ياتا..؟

  21. ياسين شمباتى كتب:

    جنس هركات غايتو!!
    اسه ما كنا معاكم مالكم ما سويتوهو ؟؟؟؟ الكتاحة جاياااااااااكم..
    افطارا هنيئا وصوما متقبلا ونتقابل فى ساعة خير..

    طارق اب احمد..
    ضربت ليك كم مرة وتلفونك مقطوع..طمنا عليك..هذا واشتياقاتى…

  22. ابكرون كتب:

    يا جماعة اتبنوا سديقي ود الخلا
    يكوم مالو لابد علي رأي ؟
    يكون في العمره ولا مجاور ولا عايز اجر رمضااان كامل غير منقوص
    مشتاااااقين

  23. aflaiga كتب:

    دخلنا للتو من مامورية عمل لبلدى الحبيب الشماليه وانشاء الله معاكم لو ما لبعونا بى تلفون تانى للشرق حيث الساعه بخمسه فى التلاجه !!! ب

  24. ودالخلا كتب:

    سلام ياقبيلة،،
    سديقي العزيز أسد الخلا الوروار، والله مشتاقون …مشتاقون بدون ساحل ، والقلوب شواهد…
    تقبل الله منا ومنكم الصيام والقيام، وما تنسانا من صالح الدعوات في هجعتك دييك..
    ليك وحشة والله، وخطر لي أنك ههنا، ويبدو أن الأرواح تهاجرعبر المسافات البعيدة لاتحدها حدود ولا تكبلها القيود، لك مني كل التحايا والاشواق وتشكراتي الكثيرات علي تفقداتكم للغيّاب، وأنا تراني هيّن مقروع تب، أتبن الجافلات، بنوت هضاليم الخلا البنجاطن!!!

  25. ود المهدي كتب:

    يا شباب انا بسال عشان ما كلنا نجيب عصيده وملاح – طيب رايكم شنو في طعمية كاربة ومعاها بطيخة باردة ؟ وبعض العصير – كفاية ولا نزيد- والله اللمة احلي واصلو طولنا من شوفتكم البهية.
    رمضان كريم وهذه اللمة واحدة من كراماتو ولا شنو يا دفعة؟

  26. بت امدر كتب:

    اتمنى ليكم لمة حلوة وإفطار لذيذ وصيام مقبول

  27. ود المهدي كتب:

    اظنك عطشان يا دكتور
    هل توجد اماكن للعواطفات ولا نجي سناقل؟ ي
    يا عزت الجبنة علي منو؟ لازم البن يكون حبشي والهبهان مظبوط.
    دا كلام قريفة ساكت وزول رامياه جبنة الصباح
    التراويح كيف معاكم ولا مهارات فردية؟

  28. ابكرون كتب:

    ود المهدي
    الطعمية كتر ليها الشماااااار الأخضر وحب السمسم بي بره (شرطن) تكون حاااااااره
    رشها بكمون وملح بنلقطا سااااااكت
    اعملها بعجين الكبكبي ما الفول ….سمح
    في ناس ريلت…..!

  29. ود المهدي كتب:

    والله يا ابكرون كله مقدور علية الا الشمار الكتير في رمضان – لكن ممكن نعمل ليها شوية شطة حمراء بي ليمون وخل ونقطع معاها شطة خضراء بالجنبات وشوية بقدونس لزوم الزينة – لحدي هنا كفاية لانو الصيام ح يتجرح بالله الجو عندكم كيف اليومين ديل والله الاسبوع الفات كنت في بورتسودان – حاجة صعبة خلاص درجة الحرارة 50 واكتر وضربات الشمس بالكوم وصلت ل 59 حالة –

  30. طارق أب أحمد كتب:

    بعض صور من إفطار المدونه السنوى

  31. طارق أب أحمد كتب:

    أترك المايك لعزت لإضافة التعليق على الصور

  32. عزت كتب:

    طارق أب أحمد يا ملك التوثيق …. أقول شنو..!!

    ما ظنيت عندي شيتا أقوله فقد عبرت كاميرتكم الذكية عن اللحظات الجميلة التي خصانا بها أهل المدونة يوم أمس الثالث عشر من رمضان و تشرف منزلي باحتضان اللقاء.. (انت تعال البيت دا عملتو سمح كدا كيف)

    لابد و لوجود الأعزاء فيه و حتى بعد صلاة العشاء ما عزز لذلك…

    شكرا الفاتح جبرا و لطفي، و للبشاوي عظيم الامتنان لتشريفنا ب(قرن شطة)، و لأفليقا بعد التصوف، و للتركي الذي كان في صدر القادمين و زوجته و أختها، و لود المهدي و (عواطفه و أختها)، و لي ود الزبير و خالد مدني، و لي لسهيل و ود الخلا و للعزيز طارق أب أحمد الذي سجل اللحظات الحلوة بكاميرته فائق التقدير….

    و ما تنسوا كل واحد مما ذكر جا و معاهو اللذيذ من الأصناف التي زادتنا شبعا و ل (عواطفي) و ابنتها كثير الشكر و التقدير و للشباب ناس (عصمت) خالص الود لما بذلوه تجاه أسرتهم ناس المدونة….

    و لمن لم يحضر العذر و للبعاد و قلوبهم معنا الشكر و الامنيات بأن يجمع الكل في مقبل الأيام

    و كل عام و الجميع بخير……………!!

  33. ود المهدي كتب:

    يا عزت بيتكم جميل وسمح من سماحتكم وكرمكم – شكرا لكل الاسرة واكيد يوم امس كان صعب مع كل الترتيبات لاستقبال المدونين وحسن الضيافة.
    لكن غاب بعض المدونين الاساسيين وعلي راسهم استرايكر وعبدوش ومشاكل لعل المانع خير- وكل عام وانتم بخير وتقبل الله صيامكم واعتقكم من النار

  34. ود المهدي كتب:

    يا اب احمد وين باقي الصور – ما شايف افليقا ولا حالد مدني ولا سهيل – انت ركزت علي قروب ا وبس ولا شنو؟

  35. التركــــى كتب:

    فـطـرة كـانـت فـطــرة فى جـنــة الـدكــتور …. شكرا للأخ العزيز دكتور عزت لاستضافته لنا والشكر موصول لأسرته الكريمة التى لم تبخل بشئ فى سبيل توفير كل مالذ وطاب وأهم شئ الوجه البشوش من كل أفراد الأسرة والأستقبال الحار …. التحية والتقدير لكل الحاضرين بقدرما امتعونا وجعلو يومنا بردا وسلاما بين حكاوى قرن شنطة وقفشات االبشاوى جعل الله أيامنا كلها أفراحا

  36. سهيل كتب:

    ينصر دينك يا ود المهدي .. ايوا إديلو

  37. ياسين شمباتى كتب:

    تقبل الله وادام المحبة واللمة الحلوة..لكن فعلا حاسى ان وفى صور كتييير دسوها مننا !! خصوصا الخلطات,,ولا طارق ما ظبط ليكم واحدة؟؟

  38. نيام كتب:

    والله انتو سمحين في اي حاجة …الله يديم المحبة و يسعد جمعكم الكريم
    ……………………….
    ترطيبة يا ود ارابيب الندي
    انت السقائف و المكارم سيدها
    دمت يا دوك لينا دوم و الدانقا بيك مفرهدة
    اطباقك الماكول شهي و المكتوب شهيتو مؤكده

  39. قرن شطة كتب:

    الاخ الكريم د.عزت
    مسائك خير …ولك والاسرة الكريمة جزيل الشكر على الاستضافة والتى تلاقينا وبعض من اخواننا رفاق القلم (والعكات) ربنا يديم خيركم ، ولك التحايا..بس باقى الصور …

  40. ألفاتح جبرا كتب:

    شكرا للدكتور عزت وأسرته الكريمة .. أجمل اللحظات تلك التى نلتقى فيها فى منزلكم العامر .. التحايا والود وكل سنة والجميع بخير

  41. عزت كتب:

    شكرا ليكم انتو اعزائي
    غايتو يا ود المهدي لقيت ليك صورة من ناس قروب ب

    فطور

    بس الظاهر الفريق مطعم بالمدرب

  42. عزت كتب:

    و واحدة لقروب أ قبل أن تبتل العروق…

    فطور 2

  43. عزت كتب:

    و أخيرا (ظرف) فارغ من الذخيرة….

    فطور 3

  44. DAKEEN كتب:

    انشاءالله جمعة في الحرم ،، ودوما سالمين غانمين من العايدين الفائزين ،، مع الود.
    زي الفطرنا معاكم . بالهناء والشفاء وتقبل الله الصيام ومضيفكم له عظيم الاجر .

  45. عباس ركس كتب:

    سلامات يا حلوين :
    بس تعرف يا مرطب العضة دي ما ياها !!! احلى كمان شوية !
    ربنا يديم لماتكم في الافراح . . . ونحن معاكم !!!

  46. الجعلى كتب:

    عندما أرى مثل هذه الصور أحس وكأن شيئا ما ينقصنى ..ربنا يديم التلاقى والمودة والصفاء..بالمناسبة أنا عازمكم كلكم فطور كاارب فى بورتسودان ..ولو خايفين من الحر بحجز ليكم فى تلاجة الموز..أدروب شغال فى التلاجة جاتو واحدة قالت ليه فى أناناس قال ليها اناناس شنو؟ عندنا ناس بس.

  47. طارق أب أحمد كتب:

    جوز اللوز

  48. طارق أب أحمد كتب:

    دوك عزت رفص الإفصاح عن مكونات الخلطه السريه الخاصه به وهى حاجه كده زي ليمون بارا مع محسنات بديعيه لو سمع بيها مستر سفن اب كان فلس الكوكاكولا

  49. عزت كتب:

    تعرف يا أب أحمد دا زي الدعاية بتاعت شاي الغنمايتين…
    (دي حاجة زي الدهب جدي و أبوي وصوني عليهو…!!!)

    ههههه ههههههه

  50. ود المهدي كتب:

    يا د عزت البطيخة دي في نص النهار كدة ما بتجرح الصيام – كان تنزلها بالليل الواحد بيكون رويان –
    الغربية في رمضان قبال الفطور الواحد يحس انو ممكن ياكل ما يشبع اصلو- وكل ما يمر بمحل يشتري ليك حاجة زيادة – لكن اول ما يفطر ويشرب ليه كباية عصير – الجوعة كلها تروح ويقعد يعاين للاكل بعيونو بس – يا ربي دا من شنو؟
    اللمة جميلة اقترح نعمل واحد في عيد الفطر – رايكم شنو؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s