سهرة خيمة الشروق

Posted: الخميس,2 سبتمبر, 2010 by الفاتح جبرا in اخرى

الأحباء الأعزاء

غداً الجمعة  3 سبتمبر 2010 وفى تمام الساعة العاشرة مساء يتم بث السهرة التى تمت فيها إستضافتى بقناة الشروق .. تعاد الحلقة فى تمام الثالثة صباحاً كما تعاد أيضاً فى تمام العاشرة من صباح يوم الإتنين القادم بإذن الله .. بالله ما تنسوا أدونا إنطباعاتكم وملاحظاتكم عشان لو إستضافونا تانى نعمل شغل كويس …

Advertisements
تعليقات
  1. عبدالرحمن أحمد كتب:

    بروف رمضان كريم ومبروك العيد مقدماً
    أكيد حنرجاها بفارغ الصبر
    وأكيد كانت خيمة الشروق بك مميزه فهذا ما تعودناه فيكم

  2. ألفاتح جبرا كتب:

    شكراً يا عبدالرحمن… أتمنى ذلك

  3. ياسين شمباتى كتب:

    العزيز جبرا القامة..سلامات..
    اكييد بنزوغ من الدوام ونقعد قصاد التلفزيون تب,,مع انو الشروق دى من محكمة اوكامبو انا كجنتها ,,لكن بمشى وبجيها مرات..

  4. ابكرون كتب:

    واشرقت الشرووووق بنور جبرا …..منتظرين ان شاء الله وحاضرين

  5. طارق أب أحمد كتب:

    نستب الشروق و نستنى الشمس الحتشرق بليل اليوم

    بس بكره ما تقول لينا تعالو احضروا ندوتى فى دار المؤتمر ال…..
    ياهو ذاتو

  6. ألفاتح جبرا كتب:

    الحبايب .. شمباتى .. أبكرون .. طارق
    إن شاء الله نكون عند حسن الظن وما نبراكم عشان التلفزيونات دى كوووولها برى ساااكت .. تحياااتى

  7. مُخير كتب:

    العزيز أبو ناجي
    طبعن دايمن مشرفنا ورافع راسنا، وسوف نسعد بالمشاهدة ومن ثم نوافيكم بمرئياتنا، غير أنني أشاطر أب أحمد الرأي، شايف الجماعة زي قبلوا عليك وبدوا بكثروا ويكسروا ليك في التلج، والله يستر عليك في السخانة دي ما تديها جيغمات الوضوء، عم بمزح ما تقوم تزعل مننا يا أبا ناجي، عمومن قلوبنا معك ونسأل مثبت القلوب أن يثبت قلبك يا الفاتح يا ود جبرا، وتبرا وتستبرا من النجولغة (بلهجة أهلنا البقارة عامة والمسيرية بصفة خاصة)، علماً بأن المستفيد من اللقاء سيكون هو قناة الشروق إذ لم نعبرها أو نطلها طيلة ليالي الشهر الكريم. إستغفر الله بإسثناء مرة واحدة وعن طريق الخطأ والصدفة وكانت لمحة من برنامج تواشيح النيل الذي يقدمه كوز الطلس عفواً قصدت الأستاذ حسين خوجلي والتي استضاف فيها الأستاذ فضل الله محمد والمطرب حمد الريح وللأسف الكوز حسين من القلائل في إعلامنا المرئي الذين يبرعون في البرامج الفنية والأدبية الحوارية لما حباه الله به من لسان ذرب وبديهة حاضرة، غير أن اللهم إني صائم.

  8. ابكرون كتب:

    مخير : ههههههه شكيتك ياخ الطلس ثابت ومتين قصدك شئ هلامي (بدون دايمنشنز – سباعي الابعاد) فقمة الجليد مثلا …ههههههه
    جبرا :ياخ ابرانا نحن لاقين….بس شرطن تجاوب علي اسئلتنا بعد الحلقة التي قد تكون( محرجة وبعيدة عن عيون ام ناجي)بعد شويه حنلقاك زي البوني بقي (ينمص ويقيف) روحو في حضرة (يا منى عمري وزماني)ياخ ما تشوف ليك برنامج ثابت حتي لو طيلة رمضان

  9. التلب كتب:

    سلام للكل
    يا بروف الساعة 10 مساء بتوقيت السودان صعبة عديييل كده معاي لكن برضو بحضرها ان شاءالله و اذا ما اتوفقت اكيد بحضر الاعادة.
    و زي ماقال ابكرون خليك جاهز لاسئلتنا.

  10. علي سنكل كتب:

    كييييف يا الفاتح جبرا . . .
    دي من يوم قلت لينا سجلتها و أنا كل يوم بتاوق ليها . . مره يجيني فكي معاهو هيثم ومره بروف ود الريح ولي يوم أمس دي . . تاوقت لقيت العمده حميد. ( موحومدالحسن حيميد ).
    حنخت الشاي والقهوه وشئ من الممنوعات ( ما تمشو بغيد، شيشه ) ، وننتظرك يا أبو ناجي.
    التعليق بعد الشوف.

  11. ودالخلا كتب:

    سلام ياقبيلة،،
    الصديق جبرا، كدي حل لينا المعادلات دي:
    جبراX قناة الشروق = جنرال اليكتريك
    جبراX النادي أياهو= جنرال موتورز
    بوضع القاسم المشترك وقسمة الناتج علي القيمة الأسية نجد أن الجنرال أصبح من قيادة الظل لحكومة النور….
    رايك في هذاالمنطق عزيزي جبرا

  12. حاج أحمد السلاوى كتب:

    شمباتى .. دوام شنو البتزوغ منو يوم الجمعة دا ؟ دا كلام شنو يا حسين ؟ من متين بتشتغل يوم الجمعة يا شمباتى ؟..
    تخريمة سغيروووونة .. واحد قال لصاحبه ( الصاحب شغله خفيف ومريح جدن )أنا أتمنى أقضى أيام إجازتى زى ما إنت بتقضى أوقات شغلك ..
    البروف الفاتح … كووولنا مترقبين الحلقة غياها ..بس ما قلت لينا الفنان كان منو ؟ أوع يكون محمود عبدالعزيز !!

  13. ياسين شمباتى كتب:

    الحبيب سلولو..
    جنس حسادة غايتو!! دا ما تكليف رمضان والعيد,,دايما ظالمنى !! اهئ اهئ اهئ..

  14. zaroug كتب:

    حبيبنا جبرة الله يجبر بخاطرك ومعقولة دى (نفوت وجبة دسمة بهذا الشكل )مستحيل بحول الله ونتمنى ان تمثلنا خير تمثيل كما عهدناك نجما على النت أوع من الرجفة على الهواء !!!

  15. ألفاتح جبرا كتب:

    أناهسه دخلتا بعدبث
    الحلقة قلتا أشوف الفييد باك !!!!!!

  16. ياسين شمباتى كتب:

    البروف الغالى..
    للاسف انا الا احضر الاعادة,,كنت فى الطريق من المدينة الى مكة,,باق ىاليومين ديل اشتغلنا تكاسة مع الوالدة والمعتمرين…

  17. ابكرون كتب:

    انا حضرتها وكنت ميه الميه يا جبرا بس ناقصاك عروس ويكبروا الخيمة شوية …!
    بس الملاحظه انك زي (الشاااامي) المزيعة دي شويتين ويبدو انها ما مذاكره جبرا ….! بعدين نظرتك ليها في السؤال الاخير بتاع تعايش الاديان فيه حدره كعبه خلااااااس ….السؤال كان فيه (مسح جوخ انقاذي -البنية بتسترزق)……برضو ما جاوبت علي سؤال طرح من قبل عطرها شنو خاصة وانك (شاميها)؟

  18. ألفاتح جبرا كتب:

    الحبيب شمباتى .. ربنا يعظم الأجر وتحياتناوسلامنا للست الوالده
    .. يا أبكرون سؤالك ده ح يجيب لينا هوا مع الحكومة فأحسن نقول إنو ما شمينا حاجه وكده !!

  19. خالد مدني كتب:

    الحبيب جبرا … ما شاء الله تبارك الله … ياريت لو كل الضيوف زيك … وياريت لو كل المضيفات زي مضيفتك … هل ممكن البطيخ يكون حلا بلا حمار ؟؟؟

  20. ودالزبير كتب:

    ده إسمه كلام يا جماعه مافي زول يكلف نفسه يجر لينا سلك……

    الفيكم إتعرفت …. ما مشكله بمشي أفتشها يا بستني يوم الإتنين في الإعاده

  21. ياسين شمباتى كتب:

    البروف الحبيب..
    جزيت خيرا وسلامك وصل تب..لكن ما تنكر الشمة!!

  22. طارق أب أحمد كتب:

    بروف
    الامطار المتواصله طششت الإرسال نستنى لحدت ألإتنين

    شمباتى الحمد لله على سلامه وصول الوالده و أشاء الله يكون الحنك سنين

    معليش ياخى رافع القزاز و مظللو و مركب ستاير كمان لضرورة زنقة شغل

  23. عزت كتب:

    فعلا الأمطار جهجهت لينا الحلقة… و ما قدرنا نشوفكم يالبروف

    طارق ما تكون قلبت ترزي أصلوا مافي أشهر من زنقة الترزي يوم الوقفة….

  24. البشاوى كتب:

    والله يابروف جنس تكريماتك البى نانسى عجاج وخيماتك بالزولة الكتاحة بتاعت الشروق دى يوم بتودر ليك زول بالذات خالد مدنى – ياخى نحنا البرة نفسنا قام – وكنا خايفين على قلبك المابتحمل دة خصوصا مع اجواء الخريف الرهيبة – سؤال سغنتوتى هو انت مع الشروق دى بتلقى وقت متين تمشى تاكل ايسكريم مع الاولاد لامن يضايقوك صعاليق الدفارات ؟

  25. ألفاتح جبرا كتب:

    الأحباء الأعزاء .. المطرة جهجهت الإرسال وناس كتيرين طبعن ما قدروا يشوفوا الحلقة والشافوها قعدوا يعاينوا للتوب الاسود .. وغايتو عليكم جنس حالة يا خالد مدنى ..والعجب ود الزبير يوم الإتنين ح يحضر الإعاده يعنى ح يحضر الإعادة وإحتمال يكون فيها تسجيل ذاااتو …
    يا البشاوى ناس الدفارات ديل والله عملوها ظاااهرة عليك الله يقول ليا (جنسك شنو؟) !! مش بااالغ ..

  26. البشاوى كتب:

    البروف المغبون – تعرف الاجابة على سؤال جنسك شنو ظ مفروض تكون كنت سودانى سابقا لكن حسة ماعارف

  27. ابوالمنذر كتب:

    البروف
    حضرت الحلقه واستمتعت عله المذيعه دى تنط لينا فى حلقنا قبل الزول المستضاف وعليها جنس شلاقه وختف افكار وكلام وتحب مرات تخم الزول بفكرتها وشايف كاجرتها كم مره واضطرتك للتكرار لتوصيل فكرتك خاصة موضوع الاشاده بايجابيات المسعولين المرفوض بوضوح منك وهى تتعكلت دايره تتطلع بتصريح مطلق باالاشاده المطلقه فى الوقت المطلق
    مزيدا من الاضواء والابداع

  28. مُخير كتب:

    البروف والحبان
    سلام وإحترام
    ما براكم يا شمباتي وود الزبير كوووولنا منتظرين الإعادة بعد شوية، نحن ما المطرة وبس ومعاها هوا رمى الدش، غايتو رتبنا الأمور وأعدناها إلى نصابها وفي الإنتظار النار النار .

  29. مُخير كتب:

    الحبيب أبوناجي
    الحبان في كل مكان
    السلام عليكم
    تعرف يا بروف كل الممكن يتقال هو الصلاة على النبي ولا تعليق هكذا يكون الحضور والهيئة والحديث في الإعلام المرئي، ورغم تواضع الإعداد والمستوى المهني للمذيعة، لكن نحن فخورون بك أستاذنا الفاتح ونتمنى أن تكثر لينا في الطلات عشان الأخوة الضيوف يتعلموا كيف يكون الحكي وما في أي سبب الناس تتبري أن تتألم، ولا نحن شهادتنا فيك مجروحة عشان بنشوفك بعيون المحبة.

    ونحن نتفيأ ظلال أواخر أيام شهر رمضان الفضيل نسأل المولى جل وعلا أن يمتعك أستاذ الفاتح بتمام الصحة وكمال العافية وأن يتقبل طاعاتنا جميعاً وأن يجعل جزاءها النظر إلى وجهه الكريم يوم القيامة، كما أنتهز المناسبة قرب حلول عيد الفطر السعيد لأتقدم إلى الأخ إسترايكر وجميع المدوناتية والدانقوتية مُقدماً بأطيب التهاني والتبريكات سائلاً المولى جل وعلا أن يعيده عليكم سنوات عديدة بموفور الصحة والسعادة، وعلى سوداننا بالمزيد من الإستقرار والحدة والحرية والديمقراطية والتقدم والسلام وعلى أمتنا العربية والإسلامية بالمزيد من التضامن والخير والرفاه.

  30. نيام كتب:

    البروف:
    ياخ بريك انت مازي الايسكريم في نهار رمضان ..وبعدين بري الجماعة عرس…هو ياخي قاعدين يبرونا ناس ساكت بتكلموا ساكت و هم ساكت
    بِدل ساكت
    كلام ساكت …
    يحسبنو فينا طول اليوم
    قهر بالكوم
    نهب بالكوم
    ومن يقعد يقول ليك اوع تقوم
    ونحنا نقهي في توبن
    ومرة نقهي في زوقن
    ولا فاهمين شنو الحاصل
    لحدت ما يجي الفاصل
    نقوم نسأل عن الفكرة
    يقول لينا تعال بكرة
    ويبرانا دا يفكنا لي دا ..من كترت البري لمان الواحد سنتو اتكسرت…غايتو لو التوب بمبي خرم بينا البلد داك و لو بيجي كلمنا عن العرس زمان اما لو اخدر فما تبعا ياخ كلمنا عن البكا في الهدائق وكده…ومني ليك نصيحة شفر الشروق قبل ما تطلع من البيت…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s