خرج و لم يعد

Posted: الإثنين,20 سبتمبر, 2010 by طارق أب أحمد in اخرى

على من يعثر على أى أثر قد يفيد للإستدلال على مكانهم الرجاء الإتصال بالرقم تلاتين, سته, تسعه و تمانين , أو الكتابه على البورد أدناه

سكك حديد السودان

تعد هيئة سكك حديد السودان من أطول الشبكات الحديدية بأفريقيا إذ يبلغ طول خطوطها خمسة ألف وثمانمائة كيلو متر، منها حوالي 4578 كيلومتر خطوط رئيسية وهي من الشبكات ذات الخط المفرد
بدأ إنشاء الخطوط في عام 1897 مع بداية حملة الاحتلال الإنجليزي المصري للسودان وأكتمل معظمها قبل العام 1930.
كانت تسير قطار الوحده يوميا إلى مدنى و آخر يوميا من كسلا لحلفا و قطاران أسبوعيا إلى كل من بورتسودان حلفا كريمه و قطار اسبوعيا إلى بورتسودان عن طريق سنار القضارف كسلا ,كذلك قطار الأبيض, نيالا عبر بابانوسه و واو عبر بابنوسه بالإضافه لعشرات خطوط البضائع يوميا على إمتداد القطر

سودان أير ويز

من أوائل خطوط الطيران فى الوطن العربى منذ اربعينات القرن المنصرم
أول شركه عربيه تسير رحلات على طائره نفاثه (كوميت) إلى أوروبا بداية الستينات
تسير رحلاتها إلى 19 عاصمه فى أفريقيا و أوروبا و الوطن العربى عبر مئات الرحلات شبه اليوميه

سودان لاين ( الخطوط البحريه السودانيه)

عرفت بالدقه المتناهيه فى مواعيد الوصول و الشحن و التفريغ و المغادره عبر العالم
بعد ان كانت تمتلك عشرات السفن الفخمه صارت لا تستطيع إدخال باخرتها الوحيده الجودى إلى ميناء بورسودان من فلامنجو خوفا من المصادره لصالح مرتبات العاملين

النقل النهرى
و ( من الأسكله و حلا قام من البلد ولا ) و تسير بواخرها إلى جوبا و مصر و من كريمه إلى دنقلا عندما كان خط السكه حديد ينتهى فى كريمه

مشروع الجزيره

.. المشروع الأكبر على مستوى العالم الذى يروى بالرى الأنسيابى

مشروعات النيل الأبيض
هيئة جبال النوبه الزراعيه
دلتا طوكر و القاش
مصنع النسيج السودانى
النسيج اليابانى
مصانع النسيج بمدنى الحصاحيصا الحاج عبدالله
هيئة النقل الميكانيكى المسئوله عن تقييم كفاءة السيارات عند الشراء فالشراء والصيانه الروتينيه و الأصلاح على مستوى القطر
الأشغال المسئوله عن البناء و التشييد و الصيانه على مستوى القطر
هيئة المرطبات مسئوله عن الفندقه و الضيافه لكل البلد أبتداء من القصر الجمهورى و الفنادق خمسه نجوم و بيوت و أستراحات الضيافه و حتى عربات الأسطرطول أو البوفيهات بالقطارات و البواخر
الفندق االكبير (الجراندأوتيل)
فندق السودان
فندق البحر الأحمر ببورتسودان
حديقة الحيوانات و المقرن و البلديه و حدائق عبود الخرطوم عبود بحرى و إلخ
كل الأنديه بمنطقة الخرطوم 2 الخليج الكاثوليكى الأرمنى العربى
ثانويات حنتوب و وادى سيدنا و بورتسودان و بخت الرضا
حلايب و الفشقه و كل الجنوب

و أخيرا

أين العزه و المنعه و الكرامه ,
الأمن و الطمئنينه
و لا يريكم الله مكروها فى عزيز لديكم

Advertisements
تعليقات
  1. أحمد الفاضل كتب:

    وما أظن أن هناك أمل في عودتها

  2. عزت كتب:

    هسة أنت يا اب احمد كان تخت لينا رقم تلفون افرض لقينا حاجة من القلتهم ديل نتصل بي منو…؟

  3. طارق أب أحمد كتب:

    يا دوك ياخى الرقم دا ما أشهر من تلات تسعات
    الرجاء الإتصال بالرقم تلاتين, سته, تسعه و تمانين ))

  4. عزت كتب:

    بالله… ياخ أنا الظاهر ما شربت قهوةالصباح لكين الرقم دا ليس في سجلاتنا…

    عموما يا أب أحمد هناك مرشح كبير سوف يخرج و لن نستطيع العثور عليه…

    اليوم ظهرت في الصحف سياسة المالية الجديدة:
    قال شنو: لكبح جماح الدولار…
    زيادة ضريبة التنمية
    ايقاف استيراد السيارات المستعملة
    و زيادة الرسوم الجمركية على واردات الأسمنت
    رسوم جديدة على السلع المستورةد غير الضرورية كما قالوا مثل: مستحضرات التجميل، الملابس الجاهزة، الأدوات الكهربائية و الالكترونية و غيره و غيرو
    و آخرتا قالوا زيادة في سعر الدقيق….

    يعني بصراحة كدا المواطن السوداني هو من سيطش…

  5. ابوالمنذر كتب:

    اب احمد
    كان بديت فى القائمه دى بطول وتاخد مده وشهر واحد 2011 حاتكتب اقاليم السودان كم ومش حاتقدر تغمت عينك من البلاوى وربنا يستر..
    مصنع تعليب الفواكه بكريمه
    مصنع الاطارات والنسيج بورتسودان
    مصنع النسيج شندى
    وعوووووووووك

  6. طارق أب أحمد كتب:

    https://sudanona.wordpress.com/2010/08/22/%d8%b3%d9%88%d8%af%d8%a7%d9%86%d9%86%d8%a7-2011/
    سوداننا 2011
    أحمد الفاضل الأمل فى ألله كبير و دعوة المظلوم مستجابه بإذن الله

    بس المفروض الأن نلحق مشروع الجزيره قبل يحصل حلايب
    واضح أنو الناس ديل ما بهمهم شى خلاف وجودم فى السلطه و كنز الأموال عبر بيع البلد

  7. cuteboy كتب:

    يا ابو احمد سلامات لو سمحت انا داير ايميلك الشخصي ضروووري

  8. طارق أب أحمد كتب:

    Cuteboy
    رسلت ليك على أيميلك amar@yahoo

  9. عباس ركس كتب:

    * زنك الخضار بالخرطوم .
    * الريال , الشلن , القرش , التعريفة .
    * عمال النظافة بالشوارع .
    * مجانية التعليم .
    * مجانية العلاج .
    * . . . . .
    # تصدق في الأول انا قايلك بتتكلم عن اخونا شمباتي !!! بلاي شوف ؟

  10. سماسم كتب:

    أب أحمد سلام:
    بعد أذنك انا عاوزة أسال من زول خرج ولم يعد:

    البت طفشانة طفشت وين ؟؟؟؟؟؟؟؟؟؟؟؟؟؟؟ لو في حد عارف حاجة يبلغنا ثرو تلفون أب احمد أعلاه

  11. مشاكل كتب:

    سلامز

    ما شاء الله البلد مليانة خيرات … و امشي حلواني خيرات بحري
    المهم
    شكلك نسيت حلايب يا أب أحمد ..
    مجانية التعليم ..
    فرص العمل ..
    المستشفيات الحكومية ..
    الإنتخابات

  12. ياسين شمباتى كتب:

    الحبيب اب احمد..سلام..
    تلاتين, سته, تسعه و تمانين!! هذا الرقم محظور من سجلات الدول والاحترام والانسانية..بس

    الحبيب ركس..سلام…
    غايتو جنس غايتو!!! انا قااااااعد ,,لكن خروجى مؤقت بس..

    مشاكل..سلام..
    بركة بالشوفة..وعليك الله شوف لينا توصيلة للرقم اعلاه..

  13. طارق أب أحمد كتب:

    أبو المنذر
    سلامات
    عندك فى بورتسودان شركات عبد ربه مطاحن أطارات و شركات الشيخ مصطفى الأمين زيوت مطاحن و نقل
    تصدق أنو قبل أكتر من نص قرن اللوارى البدفورد كانت بتتجمع فى بورسودان و ما زال الخط موجود بحوزة شركة الجزيره يعنى هيلمانة جياد دى كانت بتتعمل بمنتهى الهدوء

  14. طارق أب أحمد كتب:

    سماسم

    و
    وين الزهراء , الغبشه . مون و نورليت

    بس أن شاء الله دا ما يكون موقف

    مشاكل
    ياخى حلايب بتتنسى تلقاها مع الفشقه و الجنوب اللى أصلن طش
    و تانى مع مشروع الجزيره الماشى يلحقا
    غايتو المصاروه ديل لو جو ما أظنهم حياكلو باسوندا مع ناس الجزيره و المتعاقى حيدفع الشرط الجزائى باقى عمرو
    ولا كمان نشوف واحد يدى أمتداد المناقل للجزائر

  15. طارق أب أحمد كتب:

    ركس
    مالك على شمباتى دا خلى ما يعود أنت ما شفت الأكسنت 2010 بتاعتو (ما شاء الله ) يعنى عايزو يرجع عشان يمشى المستشفى بى (سفنجه)

    شمباتى
    خليك بى هناك و ما تسمع كلام المغرضين نحن ممكن نعمل رحله ليكم هناك لو أفليقا فضا لينا شويه
    ((أها أن شاء الله تكون أقنعت الحاجه ))

    • عزت كتب:

      ديل مالك عليهم ما قاعدين بس بنيو لوك شوية اذ صارت البلابل (بجعات) و ابو اللمين طشش أما النبي حارسو ابو عركي ما زال يعطر سماء المدينة علة الجماعة الجدد ديل ضيقو عليهو (العدادات)

  16. ابوالمنذر كتب:

    اب احمد
    رجعنالك وكيف ترفض رجوع القمره لوطن القمارى
    …..
    عشه صغيره كفايه علينا (الله يلمنا فيها حلم الفيلا البتروليه تبخر)
    …….
    نور بيتنا شارع بيتنا يوم ما جيتنا (ياسد مروى اكلنا نيم واتكهرب احفاد احفادنا بقروضك وديونك)
    …..
    البريدو تايه يا حليل البريدنا (يالسودان التاه واتشلع)
    …..
    سوف ياتى باسم الثغر يلوح بالامانى
    طى عينيه بريق وغموض ومعانى
    يحمل الروح الى
    يسكب الاهات همسا فى ثنايا اذنيا
    فبها احى وانسى ما ضنانى لا تسلنى
    ……
    غنينا جمالك فى غنوه فى البيت فى الشارع فى المسرح
    ….
    بخاف اسأل عليك الناس سر الريده البينا يذيع
    واخاف اكتر كمان ياغالى من ايدى انت تضيع
    ( ما ضاع وانتهى)

  17. cuteboy كتب:

    ya tarig abu ahmed i didnot recieve your email in my inbox may be you write it wrongly check it again.. my right email is amarmola@yahoo.com

  18. DAKEEN كتب:

    تناول كوب الشاي على عجل، راح يسوي هندامه وياخذ رشفة ، واخيرا جاء الترحيل ،، وبطريقته المعهودة راح يحي زملائه من الركاب ، ومن ضمنهم كان الموظف الجديد الملتحي بلحية خفيفة وينظر الى اليه بنظرات مريبة ،،
    تكرر المشهد بعد اسبوع ،، ولكن هذه المرة لم يات اي ترحيل ،، بل راح يصارع المواصلات متجها الى مقر عمله ليعمل تسوية حقوقه ،، فقد تمت احالته للصالح العام وحل محله الموظف الملتحي اياه ، ليس هو بل معه عدد غير قليل من الزملاء المهندسين والفنيين في ادارة التوليد بادارة الكهرباء
    تفرقت بهم السبل ،،، منهم من افتتح مكاتب هندسية خاصة وصاروا استشاريون للصيانه لنفس المصلحة ويتقاضون اتعابا مضاعفة مما كان يصرف لهم حين كانوا يعلمون بها ،، واخرون تشبعت روحهم بالخروج وخرجو وغيرهم كثير من الفنيين والكفاءات من المصالح والوزارات الاخري ،، خرجوا ولم ولن يعودوا .
    فكل من ينظر الى مؤسسة ناحجة في دول الخليح او ادارة فعالة قد يجد أثر لهم
    من مؤسسي نظام التدريب الهندسي في محطات التحلية والكهرباء بالمنطقة الشرقية بالسعودية قضي حوالي 15 عاما كاتبا للمناهج التدريبية في هذه المصلحة الحساسة يتقاضي راتبا مجزيا ،، اقنعه بعض المهتمين بان يعود ليؤسس نفس النظام في بلده وبروحه الوطنية انهي عقده وعاد اليهم وتفاجانا بخروجه منهم مرة وبصورة نهائية …
    لماذا ،،،
    لانه لا يريد ان يطلق لحيته ؟؟؟؟
    فخرج ولم يعد

  19. البشاوى كتب:

    أب أحمد – والسمار – بالرجوع الى بوست (2011) مقروءا مع هذا المأتم الجماعى اسمح لى القبك بأخطبوط المدونة – ياولد قراياتك كلها صاح وفى المليان – حفظك الله — وأظن الصيوان جاهز لتلقى العزاء فى الفقيد محمد أحمد الآغبش بن اللآكارم السابقين — بالخرطوم 2 أمام منزل الفريق قوش –( هو صيوان عقد ابنتو ) لكنه صادف واحدة من الكوارث التى تقضى على الغبش – افلا يحق أن يكون مكانا لتلقى العزاء — ولا عزاء للشجراب اللذين صوتوا لها وتركونا الان نصًوت منها– فما أضيعنا ! ولنا رب كبير – وليس هما كبيرا –

  20. طارق أب أحمد كتب:

    Cuteboy
    I resent the email and confirmed delivery pls. check yr mailbox
    Regards

  21. طارق أب أحمد كتب:

    البشاوى
    أخطبوط حته واحده ياخى كفايه على أخ بطوط
    أما عن السودان ف قراية واقع الحال تغتى عن السؤال
    اما عن قوش و الشجراب فأولا نقول لى البنيه مبروك و بيت مال و عيال
    و عن الشجراب كلها 4 شهور و نغنى زى عم عبد الرحيم يا ريت التمر لو كان بشبل كل تلاته أشهر

  22. طارق أب أحمد كتب:

    عزت
    صورة البلابل دى ما خرجت و لم تعد
    دى بس زى نظام فاصل و نواصل مش هم برضوا بجيبو أغانى قديمه لامن البرنامج يكون عن الذكريات
    ,
    ابو المنذر
    كملت الصوره تمامن الله يبارك فيك
    دكين
    روعه فى السرد و لتوثيق المعلومه للتأريخ فأن الأسبوع الأول بعد الأستغتاء عن المهندسين الأكفاء و التشغيل بواسطة (أبان دقون) قد شهد دمارا هائلا فى محطات التوليد و لم يحرك المدير الجديد الذى اتى بعد محمد شريف ساكنا لأن الولاء قبل الكفاءه

  23. abushagrod2 كتب:

    أب أحمد والقبيلة
    تحية طيبة
    وانا طالب في الجامعة كان أخي بيرسل لي خمسة جنيهات كل شهر أو شهرين على حسب الظروف من لقاوة عن طريق البوستة وكنت كل آخر شهر بكون واقف قدام شباك تلغرافات البوستة واقول ليهم التلغراف ما جا يا أخوانا وتكون تلك هدية السماء لي حيث لم نكن نحتاج إليها علا للرفاهية وكدا
    – البوستة ياأبحمد
    – وجبتين أسبيشل في الأسبوع في داخلية البركس وكل الجامعة
    – معدات الرسم والورق الحبر في شعبة المعمار والهندسة
    -البيرساري للطلاب المعسرين ( خمسة جنيهات شهريا )
    – القدوقدو ( بتاع الروب)

  24. ابكرون كتب:

    سلااااام
    المغسة في اكبر ما ذكر
    مشروع الجزيرة / المناقل/الفاو/طوكر /القاش
    مصاتع النسيج وتعليب الفواكه في كريمة ومصنع اروما للكرتون والكناف والزراير من الدوم
    مواصلات مديرية الخرطوم بنسقها القديم
    تاكسي الخرطوم والطرحة
    الجلاء وكربكان وبقية بواخر النقل النهري بين كريمه ودنقلا
    كلوزيوم وبقية السينمات ولوجات العوائل
    مترو الخرطوم / الترماج
    التوب الجميل (فتقتين)…
    الفن والغني الجميل الذي لا يمكن تعود ايامه الجميلة بناس رماز وشموس وطه وحسنين جمعه
    قواتنا النظامية بهيبتها وانضباطا ولبسها واحتراما

  25. عباس ركس كتب:

    ابكرونا : مين حسنين جمعة دا ؟؟

  26. التركــــى كتب:

    اب أحمد والأخوة الكرام
    انت ماختيت جايزة للبقاهم لكن انا بديك راس الخيط وبعدينة نتفاهم ….. فى نيالا لقيت لى اولاد بتوطحو على شئ ماعرفته لمن سألتهم قالو لى دى عربية (المحلنجيه) مافهمتها لكن أعتقد انها العربية البركبوها ناس مراقبة وصيانة طريق القطر المهم ودونى لمحل كدى عالى شويتين من الأرض قالو لى جدنا القطر مر من هنا قبل كم سنة كدة ولو خفيت شويتين بتلقاهو القرن الجاى …
    ناس بورتسودان ودونى حتة كدى فيها براميل وحطام قالو لى هنا ترقد سودانطير ولو حفرت شويتين كدة بتلقى ليك بين الأنقاض شهادات مدراء مزورة وحاجات تانية حاميانى … قلت احسن نتمشى على الكورنيش أصلو قالو بقى يشبه ساحل جده …. لقيت المينا قلبوهو دلالة شئ حاويات مغلقة وشئ ظروف مقلفة وشئ عربات نصها مسروق حتى الفيستو سرقو حرف السين منه قال شنو ؟ دا بلاتين ياعمك (قادر الله) … والنقل النهرى دا ذاتو نقلوهو بقدرة قادر ومخصصاته حولوها لليخت الرئاسى …. ناس الجزيرة مدنى السابوها وجو سكنو حداك قابلتى لى اجنبى ببنى فى فيلا قال جا مستثمر ومنحوهو الأرض دى منها يزرع ويأكل من (سنامنا) ويقرى منها أولاده فى المدارس الأجنبية والجامعات العالمية مشلكته انو أنو ألارض خصبة جدا لدرجة انو لما يجدعو عضام الفراخ البياكلوها بتقوم دجاج تانى ….. الكلام الفوق دا كله اشاعة مقرضة وتدبير من الصهيونية العاليمة أعداء الدين والوطن لأنى قرأت بجرايدنا اليومية أن السكة حديد هى رمز الوحدة ونقلنا النهرى عابر القارات كما وأن موسمنا الزراعى ناجح جدا بدليل الأرباح التى حققها وماهو باين فى العيبون …. بس الله فى

  27. ابكرون كتب:

    يا ركس : حسنين ده يا ركس اللمن يعطش بشرب
    اخو حسن جمعه
    ود عمك جمعه ابو زكي جمعه ياااااااخ

  28. الصادق ود البركة كتب:

    السلام عليكم ورحمة الله وبركاته
    نسأل الله الكريم أن يولي علينا من يصلح حال البلاد والعباد
    (إن الله لايغير ما بقوم حتى يغيروا ما بأنفسهم )
    لو عاوزين ده القديم يعود دعونا نبدأ التغيير من نفسك ثم من تعول ثم جيرانك ثم حييك ثم مدينتك
    هسع لو شفت بت لابسة بنطلون ما عارف لبستو كيف من شدة الضيق بقدر أتكلم معاها بهدؤ و دون أي فضيحة هل بسلم من الذين يحبون أنتشيع الفاحشة بينا ؟؟؟؟؟؟ تلقى مليون واحد يطلعك غلطان لأنك أديتها نصيحة هادية .
    والكوم التاني البنات المسافرات لخرج السودان تدي ربك العجب من نوع اللبس اللا بساتنو
    لك الله ياوطني زي ما بقول شمباتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s