تدشين (واحد فى المليون)

Posted: السبت,2 أكتوبر, 2010 by الفاتح جبرا in اخرى

الأحباء الإعزاء

يسرنى ويشرفنى أن أدعوكم لحفل تدشين كتابى الثانى (واحد فى المليون) وذلك فى تمام الساعة السابعة والنصف من مساء يوم الأربعاء الموافق 6 أكتوبر 2010 بإذن الله تعالى وذلك  بنادى ضباط قوات الشعب المسلحة ..

Advertisements
تعليقات
  1. Mosab mohammed Elfadil كتب:

    الف مبروك ي الفاتح وربنا يوفقك ونتمني ليك مزيد من التقدم والازدهار يامان

  2. أحمد الفاضل كتب:

    لف مبروك يا دكتور ومزيد من التقدم والتوفيق ومن الذخائر التي تعولون بها فكرنا المرهق من أعباء السياسة وهموم العيش

  3. خالد مدني كتب:

    واحد مليون مبروووووك والجابن يجيب عقابن يا استاذنا .
    كسره : نانسي جايه ؟؟؟

  4. عزت كتب:

    مبرووووووك الدبورة الثانية…..
    و عقبال الفريق ….!!

    ما كلمتنا عن التفاصيل …. و البرنامج كيف!!

  5. aflaiga كتب:

    البروف : مليون مبروك
    بس المشكله المره دى سجيمان مرارتو تنفقع من الكتاب التانى ويقول جبرا ده اسم عمو انت شلتو ههههههههه .. مليون مبروك وحضور ميه ميه ..

  6. علي سنكل كتب:

    الأخ الفنان جبرا . .
    نبارك و نهنئ من على البعد وحاجزين النسخ الممهورة بالتوقيع.
    عقبال الثالث.

  7. أم ناني كتب:

    الف مبروك يا بروف و نتمنى ليك مزيدا من التقدم و الازدهار
    و عقبال المجموعة الكاملة

  8. الصادق ود البركة كتب:

    البروف جبرا والسادة المدونين
    السلام عليكم ورحمة الله
    سر بالنا هذا الخبر الجميل و من على البعد مليون مبروك وإلي المزيد
    خالد مدني أها كان نانسي مافي معناتا ما جاي ولا شنو ؟؟؟؟؟؟؟

  9. moshahidah كتب:

    مبروك مليون في المليون مبروك ..يتربي في عزك و ان شاء الله بالرفاء و البنين ..
    بالجد ماهى التفاصيل ..دى شنو عزومه المراكبية دى يا استاذنا الجليل..و لا الدعوة عامه ..

    انا بس لو لميت فى نسخه موقعه لامى بكون اسعد زول ..لانك بتبسطها و دى حاجه ما هينه ..الام درامية شوية ..

  10. حاج أحمد السلاوى كتب:

    البروف الفاتح ..
    تهانينا القلبية بالمولود الثانى .. وإن شاء الله شايل إسمو زى ما بقولوا اهلنا الطيبين ..
    بس لاكين واحد فى المليون دى ما شوية .. حقو تديها لزة شوية كدا لقدام ..
    المرة دى … حتكون الفنانة ريماز ..ولا شموس ؟؟ ولا نخليها ناس إتفقنا .. يا خالد مدنى ؟؟
    مرة أخرى كل التهانى لك وللأسرة الكريمة .

  11. ألفاتح جبرا كتب:

    الأحباء الأعزاء
    أشكركم على هذه المشاعر الصادقة النبيلة … برنامج الحفل سوف يحتوى على ندوة عن تجربتى مع الكتابة الساخرة يتحدث فيها د. محمد عبدالله الريح – د. فتح العليم عبدالله – د. كمال حنفى ثم تدشين الكتاب بتوقيع أول نسخة منة لإحدى الشخصيات ذات العطاء فى أحد حقول المعرفة ثم فواصل غنائية فالختام !!

    كسرة:
    الفواصل الغنائية دى ح يغنيها يا خالد مدنى و(المكسرين) منو؟ دى خلوها مفاجأة !!!!!!!!!!

  12. مُخير كتب:

    العزيز أستاذ الفاتح وأحبابه وعشاق أدبه الكرام
    سلام ومحبة وإحترام
    ترليون مبروك نهنئك وأنفسنا على هذا الإنجاز المستحيل في زمن الإجهاز على التطلعات المشروعة والتمنيات الممكنة، والصلاة على النبي يا أبو ناجي وعين الحسود فيها مليون عود، وهذا واحد في المليون عقبال الطبعة المليون للواحد في المليون وعقبال الخلاص للفاضلين من الفاضلين الكم وثلاثين مليون، ونسأله السلامة لم سيتبقى من المليون متر مربع وربنا يديك الصحة والعافية عشان نقرأ الألف في مليون

  13. سهيل كتب:

    مليار مبروك يا عمنا و ربنا يحضرنا كتابك الخمسين إنشاءالله

  14. ياسين شمباتى كتب:

    الفاضل جبرا..سلامات..
    مبارك الثانى وعقبال ما تواصل ابداعك وتشوف بعينك ثمرة ما نافحت وكافحت من اجله وانت تبطنه بالسخرية وبعض الضحكات للتنفيس عمن بقى او استبقى..
    وربنا يحضرنا كل الافراح للاحباب…
    تهانينا وتباريكنا تتقدمنا اليكم..

  15. طارق أب أحمد كتب:

    مبروك و حاضرين بشده باتا
    و عقبال النسخه الواحد بعد المليون

  16. مبروك يا استاذ وكان حفلا رائعا ابدعت فيه بترحابك لكل الحضور واستقبالهم
    والحاجه الاهم اننا شفناك رأي العين
    عقبال مكتبه بحالها يا بروف

  17. عزت كتب:

    حفل تدشين الكتاب:

    بدأ في قاعة فخيمة بنادي الضباط مساء الأربعاء 6 أكتوبر حيث استهلة الشيخ صالح عمر بتلاوة لآيات بينات من القرآن الكريم و رحب بعد ذلك شخصي بالحضور و التأم المتحدثين في المنبر حيث أدار الندوة الدكتور فتح العليم عبد الله الأستاذ الجامعي و الكاتب الصحفي و جلس على يمينه الأستاذ سعد الدين ابراهيم الصحفي و عن شماله الأستاذ أحمد طه الحسن…. و على أقصى الشمال جلست الأستاذة منى أبو زيد الصحفية و تناولا بالاشادة و الدعم للكتابة الساخرة و تجربة الأستاذ الفاتح…

    ثم تحدث البروفسير كرار عن التجربة واصفا كتابات الفاتح (البورت الفاليم) نسبة لدورها في راحة القراء… فتحدثت أنا عن التجربة و الدور الاجتماعي الذي لعبته كتابات الفاتح جبرا و المجموعة الطيبة التي جمعتها كتابات جبرا في الشبكة العنكبوتية من خلال المدونة…

    تحدث بعد ذلك الأستاذ الفاتح عن التجربة و الدعم الذي وهبته له زوجته و الحب الذي غمره به الناس و شكر الحضور على الدعم…

    ثم جاء دور النغم و الذي بثه في الحضور الأستاذ سيف الجامعة مرددا أروع الأغاني و أعذب الألحان….

    شكرا استاذ الفاتح لجعل هذا ممكنا……………!!

  18. عزت كتب:

    وصتني وصيتا

    سيف

    وصتني وصيتا قالتي اترجل
    خليك فى الواقع .. اصلو الفراق واقع
    كان ترضى كان تزعل
    فى الساعه ديك حسيت مذبوح وبى منجل
    حاربت رد الشوق لكنه كان ارجل
    ياشوقى يامشتاق بالله قوم ارحل
    وصتنى وصيتها
    حاولت انساها فى شعرى حسيتها
    وحلفت مااغنى قطعت وتر الحب
    لكنى جيت بالليل مهووس وغنيتها
    ياانتى ياالوقعتى ايقاع الفصول
    ياانتى يالدوزنتى انشاد المطر
    ياانتى يابعض الامان
    ياانتى ياكل الخطر
    منك وليك اين المفر
    كانت معاى واقفه زى منتهى الاصرار
    كان لابسها الفستان مشحونه بالاسرار
    كانت عيون البيت المنفى والاسوار
    ياطيبتها من نفسى شالت ذره الشر دستها
    وفى شنطتها تسكن ملايين المناخات العجيبه
    فى وطن اسمه البساطه
    اتمايلت بندول وقفت عديل نخله
    لما الطرب جاها هب الضحك رقص فى حقلها القندول
    حتى النسيم كورك ياضحكتها
    تسكب لبن ابيض لون الضمير والحق
    الريقو كان ناشف فى اللحظه ديك دفق
    وجات الكنايس لى اهدتنى قدسيه
    وجات الجوامع صر
    اهدتنى منبر وتوب عكاز وطاقيه
    وكان مهرجان شعبى
    زى كل خلق الله
    زى كل ناس الله
    من قلبى حبيتها
    وصتني وصيتا

  19. عزت كتب:

    وكان مهرجان شعبى…..

    بادل الحضور الفاتح حبا بحب

    الفاتح

    دمتم

  20. ابكرون كتب:

    مبروووووك لجبرا وعقبال مليون في المليون
    ومبروووك لاسرة جبرا المترامية الاطراف بدءأ من المنزل بقيادة ام ناجي وناجي واخته مرورا بالمدونة الي العالم الاسفيري الممتد بالفيس بوك ولقراءه بالصحف اليومية….الف مبروك ومزيدا من الانتاج

  21. عباس ركس كتب:

    مليون مبروك للواحد في المليون , مبروك لينا وليكم والله يديك الصحة والعافية يا بروف وتواصل الابداع .

  22. ياسين شمباتى كتب:

    مبارك للجميع نجاحات وافراح البروف,,
    لكن عجبنى سيف الجامعة لى ناس خالد مدنى وود الزبير ّ!!! كع..

  23. حاج أحمد السلاوى كتب:

    كل التهانى أستاذنا أبو ناجى ..وعقبال بقية الإبداعات تتجمع فى كتب أخرى إن شاء الله .
    تقصد شنو يا شمباتى ؟ يعنى سيف الجامعة دا ما عاجبك ..؟

  24. ابكرون كتب:

    يسن : هههههههه ناس ود الزبير ديل كانوا عايزين ناس ايمان سلبونا هههههه….. ود الجامعة ما غني للينين العرش ؟ (وشرفو الماركسي يا د. يسن انك ما زلت في ضلالك القديم)

  25. مادبو الممكون كتب:

    فعلا كان عبارة عن سحب دفء تراود شذرات القلوب … دمت استاذي نبراسا منيرا …
    ونتمنى ليك الصحة ابو ناجي .. ومزيد من الكتابات …

  26. ياسين شمباتى كتب:

    سلولو..
    عاجبنى شديد,,لكن اسالوا الاتنيين!!

    ابكرون..
    هههههههههههه,, شكيتك واستبريتك…كان كدى بمرقوكم باكر من الملة..كع..

  27. ألفاتح جبرا كتب:

    الأحباء الأعزاء :
    أشكركم جزيل الشكر لمشاعركم الفياضة وانتم تساندون أصدارتى وتقفون خلفى مؤازرين ومشجعين وكم كم كم كنت آمل فى أن أرى الجميع بداخل تلك القاعة التى شهدت الإحتفال ولكن البركة فى من كانوا حضوراً وكان كنتا عارف كنتا جبتا نانسى عشان ناس خالد مدنى وودالزبير يجو … لكن فى الكتاب التالت بإذن الله . شكراً دكتور عزت شكراً طارق أب أحمد على التوثيق …شكراً لمن كانو حضوراً … للجميع حبى وتقديرى .. وبس عاوز أشاغل سااااااى … لا أنسى أن أشكر أحبتى الذين على البعد … مشاعركم وصلت تماااااماً

  28. التلب كتب:

    1000000 مبروووووك يا أستاذ و عقبال الواحد بعد المليون.
    كالعادة البعد الجغرافي حرمنا من الحضور.

  29. ابكرون كتب:

    شوية نيران سديقة من نوع المديدة الحارة :
    هو بالله ود مدني وود الزبير وودالشيخ الكبير ما كانوا حضورا يا جبرا ؟ (أبناء – ود – ديل ما منهم فايدة هههههه) ؟ لا والله اتلوموا تب …..وناس بره خسوسا بشار وسنكل والله اللوم راكبهم مشاعر شنو الوصلت ما تجاملهم ….غايتو بشار لو عارف (مني ابوزيد) حضورا كان قطع تذكره وجا وقال معلقة عصماء يعلقوها في جدران نادي (الظبات)…. ديل بكاهم حاااار وبعين واحده…….!

  30. مُخير كتب:

    الحبان في كل مكان
    جمعتكم مباركة ومشبعة بالفُل والفرح
    أبو وضاح شايف النكتة عجبتك، لأنو السياسي لأول مرة ينجح في حاجة فشلوا فيها ناس نيام وود الخلا المهندسين وناس شمباتي الأطباء ومعهم ناس شيخ محمد صالح الأخصائيين وناس عزت وأبكرون الخبراء المتخصصين وكمان ناس قرن شطة الفلاسفة والقائمة تطول لتشمل ناس أفليقا الفنيين وخالد مدني المحاسبين وناس سهيل الملاوزين ههههههه

  31. مُخير كتب:

    يا حاج الشمار يكون كتل السُمار
    خسمتك بالخالق القاهر وجاه النبي الطاهر
    والجمعة الجامعة والدعوة السامعة
    أكان ما مررتها ليهم SMS

  32. حاج أحمد السلاوى كتب:

    أخونا مخير …
    حاااااااااااااااااااااااااضر .. أحلامك أوامر بالنسبة لينا .
    لاكين بس قول لى ..وين فى المدونة ولا فى الخاص ؟؟؟؟؟؟؟؟؟؟؟؟؟؟
    ههه..ومعاها ضحكة طوييييييييييييييييييييييييييلة !

  33. قرن شطة كتب:

    العزيز الفاتح
    طبعا جينا وسرتنا اللمة فى تدشين واحد فى المليون وربنا يوفق والى الامام …طبعا سيف الجامعة فنان جيد وما بنابهوا لكين الفيك اتعرفت…يا اخى نانسى بنت عجاج مالها ياهذا!!! ونحنا اصلا بقينا ماكايسين الفن الذى انعدم بس كمان…..تحياتى وكانت شىء رائع

  34. عزت كتب:

    قرن سلام

    هههه هههه فعلا كتار يبدو انو ما كانو كايسين الفن الانعدم… بدليل الأخلاء المنتظم عند تقديم الفنان… في النهاية بقيت مجبور و أنا و أولادي وطارق و أولاده و ما تبقى من عاشقي (سيف الجامعة) و الي يبدو ما كانوا كتار..

    غايتو تعجبني عندو أغنية (وصتني وصيتا) التي طلبتها مه و أوردت كلماتها من الانترنت في المداخلة الفوق….

    غايتو البركة في الصحفية (البالانس) التي عوضتنا عن نانسي….
    أعتذرت لها عن اقحامها في البرنامج دون مشاورتها…
    ابتسمت و قالت لا عليك راجية أن لا تكون قد أثقلت علينا هي…..!!

    كسرة:
    يا أب أحمد ما تلحقنا بشويت صور

  35. ابكرون كتب:

    عزت : لو قاصد مني ابزيل ااقصد ابزيت يااااخ ابوزيد اصلن هي ت ت ت تقيله يا ابحمد ما تحصلنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s